ພຣະສັມມາສັມພຸດທະເຈົ້າ ຊົງສະຫຼຸບໂທດຂອງການດື່ມສຸລາໄວ້ 6 ປະການຄື:

1. ເຮັດໃຫເສຍຊັບ ເພາະຈະຕ້ອງໄດ້ຊື້ເຫຼົ້າມາດື່ມເອງ ແລະ ຈະຕ້ອງລ້ຽງໝູ່ເພື່ອນ ວຽກການກໍ່ບໍ່ໄດ້ເຮັດ ດັ່ງນັ້ນ ແມ່ນວ່າມະຫາເສດຖີ ຖ້າຕິດເຫຼົ້າກໍ່ອາດຫຼົ້ມຈົມໄດ້

2. ເຮັດໃຫ້ເກີດຄວາມວິວາດຜິດຖຽງ ເພາະກິນເຫຼົ້າແລ້ວຂາດສະຕິ ບໍ່ສາມາດຄວບຄຸມຕົນເອງໄດ້ ຈະເຫັນວ່າໃນວົງເຫຼົ້າມັກຈະມີເລື່ອງ ເຕະຕີ ຟັນແທງ ຫຼື ຍິງກັນຢູ່ສະເໝີ ເພື່ອນຮັກກັນພໍເຫຼົ້າເຂົ້າປາກບຶດດຽວ ກໍ່ຜິດກັນຂ້າກັນໄດ້

3. ເຮັດໃຫ້ເກີດໂລກຫຼາຍຢ່າງ ບໍ່ວ່າຈະເປັນໂລກຕັບແຂງ ໂລກກະເພາະ ໂລກຫົວໃຈ ໂລກເສັ້ນເລືອດໃນສະໝອງແຕກ ໂລກທາງລະບົບປະສາດ ໆລໆ

4. ເຮັດໃຫ້ເສຍຊື່ສຽງ ເພາະໄປເຮັດສິ່ທີ່ບໍ່ດີ ຄົນຮູ້ວ່າເປັນຄົນຂີ້ເຫຼົ້າ ກໍ່ຈະດູຖືກຢຽດຫຍາມ ບໍ່ມີໃຜເຊື່ອໃຈ

5. ເຮັດໃຫ້ສະແດງອຸດຈາດຂາດຄວາມລະອາຍ ພໍເມົາແລ້ວແມ່ນຫຍັງທີ່ບໍ່ກ້າເຮັດ ກໍ່ເຮັດໄດ້ ຈະນອນຢູ່ກາງຖະໜົນ ຈະເອອະໂວຍວາຍ ຈະແກ້ເສື້ອຜ້າໃນທີ່ສາທາລະນະ ກໍ່ເຮັດໄດ້

6. ເຮັດໃຫ້ສະຕິປັນຍາເສື່ອມຖອຍ ພໍເມົາແລ້ວຈະຄິດຫຍັງກໍ່ຄິດບໍ່ອອກ ອ່ານໜັງສືກໍ່ບໍ່ຖືກ ເວົ້າຈາວົກວົນ ພໍດື່ມໜັກໆເຂົ້າ ຈັກໜ່ອຍກໍ່ກາຍເປັນຄົນຫຼົງລືມ ປັນຍາເສື່ອມ

ເຫຼົ້າຈຶ່ງລ້າງຜານທຸກສິ່ງທຸກຢ່າງ ຜານຊັບ ຜານໄມຕີ ຜານສຸຂະພາບ ຜານກຽດຕິຍົດ ຜານສັກສີ ຜານສະຕິປັນຍາ

 ການດື່ມເຫຼົ້ານັ້ນ ເຮັດໃຫ້ເກີດສຸກໄດແດ່ເລັກນ້ອຍສຳຫຼັບຄົນທີ່ຕິດ ແຕ່ເປັນຄວາມສຸກຫຼອກໆເທິງຄວາມທຸກ ເຫຼົ້າເຮັດໃຫ້ເພີດເພີນໃນເລືອງເສົ້າ

ການດື່ມນໍ້າເມົາມອມເມົາຕົວເອງມື້ແລ້ວມື້ເຫຼົ່າ ຍັງເປັນການບັນທອນທຸກສິ່ງທຸກຢ່າງຂອງຕົນເອງອີກດ້ວຍ ແມ່ນທີ່ສຸດຄວາມສຸກທາງໃຈ ທີ່ຄົນເມົາເຫັນວ່າຕົນໄດ້ຈາກການເສບຕິດນັ້ນ ກໍ່ເປັນສຸກແບບຈອມປອມ