![ຂຽນເມື່ອ](./images/icons/wrote.png)
ຂຽນເມື່ອ: ສ.ຫ.. 31, 2012
| ມີ
1 ຄຳເຫັນ
ແລະ
0 trackback(s)
ການສຶກສາບໍ່ມີຄຳວ່າປື້ມໜ້າສຸດທ້າຍ ຄຳທີ່ວ່າເປັນໄປບໍ່ໄດ້ ມີບັນທຶກໄວ້ ໃນພົດຈະນານຸກົມຂອງຄົນໂງ່
![](https://encrypted-tbn2.gstatic.com/images?q=tbn:ANd9GcR5aT5qhMxL34SGkQtSgIIaVmpHCs9AuiJ9grKR_0oZUxZK1_G_)
ອັນວ່າ ໃຜຜູ້ເຄີຍຄິດຄົ້ນ ພຽນຕໍ່ການສຶກສາ
ພູມປັນຍາແຫຼມຄົມ ສ່ອງແສງໃສຈ້າ
ການສຶກສາບໍ່ເຄີຍຫຼູ້ຍ ບໍ່ແມ່ນຄຸຍເວົ້າຕາມຊື່
ນັບມື້ພືປີກຈ້າ ຄວາມຮູ້ຄູ່ຊູ່ແນວ ທ່ານເອີຍ
ຮູ້ໜຶ່ງຍັງບໍ່ແລ້ວ ຄຳວ່າ: ການສຶກສາ
ຕ້ອງຊອກຫາມາຮຽນ ເພື່ອຕື່ມເຕັມລົງເລື້ອຍ
ປຽບເໝືອນເຟືອຍຟອຍໄມ້ ຂຽວວິໄລນະພາປ່າ
ອຸດົມຄ່າເລີດລ້ຳ ສຳລານແທ້ເຜັ່ນຜາຍ
ຄຳວ່າ: ໜ້າສຸດທ້າຍ ມີຕໍ່ການສຶກສາ
ມັນບໍ່ມີເວລາໃດ ທີ່ສ້ຽງສຸດໝົດສິ້ນ
ຍິນແຕ່ຄຳເຂົາເວົ້າ ຍາມເຮົາສິ້ນລົມກ່ອນ
ເປັນບ່ອນໝາຍຂີດໄວ້ ລົງພ້ອມພ່ຳກັນ
ຄຳວ່າ: ມີຜູ້ເວົ້າ ທຸກສິ່ງການສຶກສາ
ເພີ່ນວ່າມີແນວສຸດ ອ່ານຂຽນຮຽນຮູ້
ແລ້ວຍູທາງນອນເນີ້ງ ເຢັນສະບາຍຫາຍໃຈຜ່ານ
ຈັ່ງແມ່ນຄົນໂງ່ແທ້ ບໍ່ແລຢ້ຽມອ່ານດູ
ເພີ່ນຜູ້ເຄີຍຊອກຮູ້ ສານຕໍ່ການສຶກສາ
ບໍ່ລະໄລເລີຍໜີ ຊອກວິຊາຫາຮູ້
ເພື່ອພື້ນຟູຄວາມຍາກ ຂາດສະເດັນໃຫ້ໜີຜ່ານ
ຄວາມຮູ້ຫຼາຍລື່ນລົ້ນ ບໍ່ມີມື້ເສື່ອມແສງ
ການສຶກສາໃສສ່ອງແຈ້ງ ແຍງອ່ານວິຈານເຫັນ
ເປັນແວ່ນວັນອະລຸນສີ ເພີ່ມທະວີສະໝອງກ້າວ
ບອກຂ່າວໄຂປະຕູໃຫ້ ວິຊາການອັນໃໝ່ໆ
ການສຶກສາເປັນທວານໄຟ ໃຜຮຽນຫຼາຍກໍ່ຍິ່ງໄດ້ ວິໄລຮູ້ຮຸ່ງທາງ ແທ້ແລ້ວ
ໂດຍ: ທ. ທ້າວ ຄູນພະໄທ ເມືອງແພນ