ຄວາມ​ໝັ້ນຄົງ​ແຫ່ງ​ຄວາມ​ງາມ.

ການ​ສ້າງ​ຄວາມ​ງາມ ຫຼື​ສະ​ເໜ່​ແຫ່ງ​ຄວາມ​ງາມ​ໃຫ້​ໝັ້ນຄົງ​ຢູ່​ກັບ​ໂຕ​ເຮົາ​ນັ້ນ ທ່ານ​ຈະ​ຕ້ອງ​ມີ​ຫຼັກ​ທຳ​ທີ່​ມີ​ຊື່​ວ່າ ທຳ​ເຮັດ​ໃຫ້​ງາມ​ສອງ​ຢ່າງ​ຄື: ຂັນ​ຕິ ​ແລະ​ໂສຣັຈຈະ.

   ຂັນ​ຕິ ຄື:​ ຄວາມ​ອົດ​ທົນ ໝາຍ​ເຖິງ​ພະລັງ​ຄວາມ​ອົດທົນທາງ​ດ້ານ​ຈິດ​ໃຈ​ເຊັ່ນ:​ ທ່ານ​ຈະ​ຕ້ອງ​ອົດທົນ​ຕໍ່​ຄວາມ​ໜາວ, ຮ້ອນ, ລົມ, ​ແດດ, ສັດ​ເດຍລະສານ… ເອີ້ນ​ວ່າທົນ​ກາກ​ກຳ.​ ທ່ານ​ຈະ​ຕ້ອງ​ອົດທົນ​ຕໍ່ ຄວາມທຸກ​ຂະ​ເວທະນາ ອັນ​ເກີດ​ຈາກຄວາມ​ເຈັບ​​ໄຂ​ໄດ້​ປ່ວຍ,​ ຄວາມ​ບໍ່​ສົມ​ດຸນ​ທາງ​ຮ່າງກາຍ ​ແລ້ວ​ບໍ່​ສະ​ແດ​ງຄວາມ​ກະວົນກະວາຍ ທົນ​ກາກ​ກຳ.​ ທ່ານ​ຈະ​ຕ້ອງ​ອົດທົນ​ຕໍ່​ຄຳ​ເວົ້າ​ທີ່​ໝີ່​ນປະໝາດ, ຄວາມ​ບໍ່​ເພິ່ງ​ປາດ​ຖະໜາ​ຈາກ​ບຸກຄົນ​ອື່ນ​ທີ່​ໄດ້​ກະທຳ​ຕໍ່​ເຮົາ​ເຊັ່ນ: ດ້ານ​ກາຍ ວາຈາ…​ເອີ້ນ​ວ່າ ທົນ​ເຈັບ​ໃຈ.

   ​ໂສຣັຈຈະ ຄື: ຄວາມ​ຮຽບຮ້ອຍ ໝາຍ​​ເຖິງຄວາມ​ຍິນ​ດີ​ໃນຄຸນງາມຄວາມດີ​ຂອງ​ເຮົາ​ຄື:​ ຮູ້ຈັກ​ບໍລິຫານ​ຈິດ​ໃຈ​ໃຫ້​ຢູ່​ໃນ​ພາ​ວະ​ຄວາມ​ພໍດີ ມີ​ວາຈາ​ທີ່​ມ່ວນ​ຫູ ໝັ່ນ​ຮັກສາ​ມາລະຍາດ​ໃຫ້​ດີ ​ໃຫ້​ໜ້າ​ຊື່ນ​ຊົມ​ຢູ່​ສະ​ເໝີ….