ເພື່ອຮັກສາຜິວໜ້າ ພະນັງງານຫ້ອງການຍິງນີ້ຈະສວມໃສ່ໜ້າກາກທີ່ເຮັດຂື້ນສະເພາະໃຊ້ໃນເວລາເຮັດວຽກຢູ່ໜ້າຈໍຄອມພິວເຕີ້ເປັນເວລາຫລາຍຊົ່ວໂມງ

ພະນັກງານຍິງຂອງຫ້ອງການໜື່ງໃນເມືອງອູ່ຮັ່ນ ມົນທົນຫູເປ່ຍທາງພາກກາງຂອງຈີນ ກຳລັງນິຍົມໜ້າກາກກັນທົ່ວອ໋ອບຟິດ ເນື່ອງຈາກພະນັກງານເລົ່ານີ້ຢ້ານລັງສີຈາກຄອມພິວເຕີ້ ເພາະວ່າວຽກຂອງເຂົາເຈົ້າແມ່ນຕ້ອງໄດ້ນັ່ງຢູ່ໜ້າຈໍຄອມພິວເຕີ້ມື້ລະ4-5 ຊົ່ງໂມງ ຈື່ງເຮັດໃຫ້ພວກເຂົາຕ້ອງຫາມາດຕະການມາປ້ອງກັນຜິວໜ້າເພຶ່ອບໍ່ໃຫ້ເຖົ້າກ່ອນໄວ

ເຖີງຢ່າງໃດກໍ່ຕາມ ຍັງບໍ່ມີຜົນການສຶກສາທີ່ໜ້າເຊື່ອຖືຂອງແພດຜູ້ຊ່ຽວຊານ ທີ່ສາມາດອະທິບາຍໄດ້ວ່າໜ້າກາກທີ່ພະນັກງານຍິງເລົ່ານີ້ສວມໃສ່ ໃນເວລານັ່ງເຮັດວຽກໜ້າຄອມພິວເຕີ້ສາມາດປ້ອງກັນລັງສີຈາກ ໜ້າຈໍໄດ້ແທ້ຫລືບໍ່