ເອເຈນຊີ – ໂຈວ ຮັ່ນຫມິນ ຮອງຄະນະກຳມະການຈັດງານຊ່ຽງໄຮ້ເວີເອັກຊ໌ໂປ ເປີດເຜີຍວ່າ ເມື່ອວັນທີ 25 ມີນາທີ່ຜ່ານມານີ້ ສະຖານທີ່ຈັດສະແດງສິນຄ້າຂອງຈີນ ຊື່ງມີພື້ນທີ່ກໍ່ສ້າງໂດຍລວມທັງໝົດ 160,100 ຕາລາງແມັດ ດຽວນີ້ໄດ້ທຳການກໍ່ສ້າງສ່ວນເທິງປິດແລ້ວ ຄາດວ່າທ້າຍປີນີ້ຈະແລ້ວສົມບູນ 

  ໂດຍສະຖານທີ່ຈັດສະແດງສິນຄ້າແຫ່ງນີ້ອອກແບບດ້ວຍຄອນເຊບ ''ມົງກຸດແຫ່ງຕາເວັນອອກ'' ໂດຍນຳສະເໜີໃນຮູບແບບຂອງ ''ໂຕ່ວກົ່ງ'' ເຊີ່ງເປັນປຸ່ມໄມ້ຮອງຮັບນ້ຳໜັກປາຍຄານເສົາມາ ພາຍນອກທາ ສີແດງຂອງພະລາດຊະວັງຕ້ອງຫ້າມ ເປັນຫລັກ ເພື່ອສະທ້ອນເຖີງຈິດວິນຍານແລະວັດທະນະທຳຂອງຈີນ       
   ໂດຍພາຍໃນຂອງສະຖານທີ່ຈັດງານແຫ່ງນີ້ ປະກອບດ້ວຍພື້ນທີ່ຈັດສະແດງສິນຄ້າຂອງຈີນ 47,000 ຕາລາງແມັດ ສິນຄ້າແຕ່ລະທ້ອງຖີ່ນ 38,000 ຕາລາງແມັດ ແລະສິນຄ້າຂອງ ຮ່ອງກົງ ມາເກົ໊າ ໄຕ້ຫວັນ ອີກ 3,300 ຕາລາງແມັດ ງົບປະມານຫລັກໃນການກໍ່ສ້າງແມ່ນມາຈາກລັດຖະບານ ແລະຍັງມີການບໍລິຈາກເງິນສົມທົບບາງສ່ວນອີກ.