ເບິ່ງແລ້ວຄືວ່າ ຊີວິດຄົນເຮົານັ້ນ ມັນຊ່າງສັ້ນຫລາຍ  ເກີດມາ ແລ້ວກໍ່ໃຊ້ຊີວິດຢູ່ນຳບິດາ ມານດາ ຈາກນັ້ນກໍ່ຢູ່ນຳຄູ ອາຈານ. ເມື່ອຮຽນຈົບແລ້ວ ກະເຮັດວຽກ, ສ້າງຄອບຄົວ ຖ້າຊີວິດ ຄູ່ຂອງໃຜດີ ກະໂຊກດີໄປ ຖ້າໂຊກຮ້າຍກໍ່ອາດຈະພິດຫວັງກັບຄວາມຮັກ ແຕກແຍກ ແລະ ຫາເນື້ອຄູ່ໃໝ່.

ທ່ານໃຊ້ຊີວິດຂອງທ່ານແບບໃດ?

ຫລິ້ນ, ກິນ, ນອນ. ຫລື ຮຽນ, ກິນ, ນອນ. ຫລື ເຮັດວຽກ, ກິນ, ນອນ........

ທ່ານຈະຢູ່ໃນການໃຊ້ຊີວິດຮູບແບບໃດກໍ່ຕາມ ທ່ານກໍ່ຕ້ອງຍັງພົບວ່າ ຊີວິດແມ່ນມີຄວາມຕອ້ງການອັນບໍ່ມີມື້ຈົບ ຈົນເຮັດໃຫ້ ການດຳລົງຊີວິດນັ້ນ ໄດ້ພົບກັບຄວາມ ລຳບາກ ໃນບາງຄາວ,

ທຸກມື້ນີ້ ໂລກພັດທະນາໄວຫລາຍ ຈົນເຮັດໃຫ້ເກີດມີຄວາມວຸ້ນວາຍຫລາຍຢ່າງເກີດຂື້ນ ບໍ່ເວັ້ນວັນ ຈົນເຮັດໃຫ້ຊີວິດ ຂອງມະນຸດເຮົາ ບັນທອນສັ້ນລົງອີກ.

ຖ້າທ່ານຮູ້ວ່າ ຊີວິດທ່ານ ຕອນນີ້ເຮັດຫຍັງຢູ່ ທ່ານ ພໍໃຈກັບສິ່ງນັ້ນ ບໍ່ ເຂົາໃຈກັບຊີວິດຂອງຕົວເອງ ແລ້ວທ່ານກໍ່ຈະພົບຄວາມສຸກເອງ.

ເມື່ອເວົ້າເຖິງເລື່ອງນີ້ ມັນກໍ່ເປັນເລື່ອງທີ່ວ່າ ຂ້ອນຂ້າງເຫັນແກ່ຕົວແດ່ເລັກໆ ໜ້ອຍໆ, ເພາະວ່າ ການທີ່ເຮົາ ແອບມີໃຈໃຫ້ໃຜຜູ້ໜຶ່ງຢ່າງໝົດຫົວໃຈ ແຕ່ກໍ່ຮູ້ຕົວດີ ວ່າມັນເປັນໄປບໍ່ໄດ້ໃນຕອນນີ້. ດ້ວຍເຫດນີ້ ຈຶ່ງໄດ້ເກັບຄວາມຮູ້ສຶກດີໆເອົາໄວ້ກັບຕົວເອງ ຕະຫລອດມາ. ໃນສ່ວນເລິກໆຂອງຫົວໃຈ ພັດຮຽກຮ້ອງຫາເຂົາຕະຫລອດເວລາ ຈົນເຮັດໃຫ້ ເຂົາກາຍເປັນ ສ່ວນໜຶ່ງຂອງຄວາມຮູ້ສຶກ ບໍ່ວ່າ ຈະມີສຸກ ກະຄິດເຫັນເຂົາ ຫລື ມີທຸກ ກະຄິດເຫັນເຂົາ, ເຂົາຄົນນັ້ນໄດ້ກາຍເປັນ ກຳລັງອັນແຮງກ້າໃຫ້ແກ່ຕົວເຮົາ ໂດຍທີ່ ເຈົ້າຕົວ ຂອງເຂົາເອງຍັງບໍ່ຮູ້ຕົວເລີຍ. ຫວັງຢູ່ພາຍໃນໃຈວ່າ ວັນໜຶ່ງຖ້າເຮັດໄດ້ຕາມທີ່ຫວັງໄວ້ ແລ້ວຈຶ່ງຈະສາລະພາບ. ແຕ່ກໍ່ມີຄວາມຄິດ ທີ່ໄປທາງແງ່ປົ່ມດ້ອຍເກີດຂື້ນມານຳເຊັນກັນ ເນື່ອງຈາກວ່າ ຖ້າຮອດເວລາທີ່ເຮົາເຮັດໄດ້ດັ່ງທີ່ຫວັງ ເຂົາຄົງຈະມີໃຜຕໍ່ໃຜໄປແລ້ວ! ແຕ່ພໍຄິດອີກເທື່ອໜຶ່ງ ກໍ່ຮູ້ວ່າ ນັ້ນກໍ່ຄວນທີ່ຈະຍິນດີກັບເຂົາ ເພາະເຮົາມັນເຮັດໄດ້ຊ່ຳນີ້ ກໍ່ໜ້າຈະພໍໃຈ ເຖິງໃນໃຈເຂົາບໍ່ເຄີຍມີເຮົາ ແຕ່ເຮົາກໍ່ຄວນຈະດີໃຈ ທີ່ເຮົາໄດ້ມີເຂົາ ເຂົ້າມາຢູ່ເຕັມພາຍໃນໃຈ ແລະ ເຂົາກໍ່ໄດ້ຊ່ວຍເປັນກຳລັງໃຈໃຫ້ເຮົາຕະຫລອກ ເຖິງວ່າ ເຂົານັ້ນບໍ່ໄດ້ຕັ້ງໃຈກໍ່ຕາມ. ເລື່ອງນີ້ ຟັງແລ້ວ ອາດຄິດວ່າ ເປັນເລື່ອງໄຮ້ສາລະ ແຕ່ຄວາມຈິງເລື່ອງນີ້ ແມ່ນມີປະໂຫຍດຫລາຍ ເພາະວ່າ ຖ້າຄົນເຮົາຫາກມີກຳລັງ ທັງກາຍ ແລະ ໃຈ ເຮົາກໍ່ຈະສາມາດເຮັດໃນສິ່ງທີ່ ເຮົາຄິດວ່າ ບໍ່ສາມາດເຮັດໄດ້ ຈົນສຳເລັດກໍ່ມີ.

ການທີ່ເຮົາຈະຮູ້ຄຸນຄ່າສຶ່ງໃດ ແມ່ນຕ້ອງໄດ້ເສຍສິ່ງນັ້ນແລ້ວຈຶ່ງຮູ້ຄຸນຄ່າ ເລື່ອງນີ້ກໍ່ເຊັ່ນດຽວກັນ      ຕອນເລີ່ມຕົ້ນກະຢາກໄດ້ເຂົາມາເປັນຄົນຮັກ ໂດຍຜ່ານຜ່າສິ່ງຕ່າງໆ ທັ໊ງໆທີ່ເຂົາມີແຟນແລ້ວກໍ່ຍັງຍາດເອົາມາ ແຕ່ເມື່ອໄດ້ມາບໍ່ດົນກໍ່ເລີ່ມມີການປ່ຽນແປງ ແລະ ເຫັນໝູ່ເພື່ອນ ຫລື ຄົນອື່ນດີກ່ວາ. ໂດຍບໍ່ໄດ້ຄິດວ່າ ກ່ອນເຂົາຈະຕົກລົງເປັນຄົນຮັກນຳເຮົານັ້ນຍາກປານໃດ. ແຕ່ຍິ່ງໄປກ່ວານັ້ນ ກໍ່ບໍ່ເອົາໃຈເຂົາ ແລ້ວຍັງໄປມີຄົນອື່ນທັ້ງໆ ທີ່ໃຈແມ່ນບໍເຄີຍປ່ຽນແປງ ຍັງຮັກຄືເກົ່າ    ແຕ່ການກະທຳຊ້ຳພັດເຮັດກົງກັນຂ້າມ ສະແດງອອກແບບ ເຂົາໝົດຄວາມຫມາຍ ຫລາຍຄັ້ງ ຫລາຍຫົນ ຈົນເຂົາທົນບໍ່ໄດ້ ແລ້ວກໍ່ຈາກໄປໃນທີ່ສຸດ. ແຕ່ພໍເຂົາຈາກໄປ ຈຶ່ງຮູ້ວ່າ ຄວາມເຫງົາ ແລະ ຄວາມເຈັບມັນເປັນແນວໃດ ຍິ່ງໄປກ່ວານັ້ນ ໂອກາດທີ່ຈະໄດ້ເຂົາຄືນມາກໍຫມົດໄປເຊັ່ນກັນ. ຖ້າຕອນນີ້ໃຜກຳລັງເປັນກໍ່ໃຫ້ພະຍາຍາມຢ່າເຮັດຕໍ່ໄປ ຍ້ານເພັດແທ້ຫລຸດມື້ ເຫລືອໄວ້ພຽງອາດີດ ແລະ ຄວາມຊົງຈຳທີ່ເຈັບປວດ.