ອັນວ່າຄວາມສຸກນັ້ນ ໃຜຯກໍ່ເສາະສະແຫວງຫາ ບາງຄັ້ງຈົນເຖີງຂັ້ນລ່ວງລ້ຳດຢຽບຢໍ່າຄົນອື່ນ ໂດຍບໍ່ສົນໃຈວ່າເຂົາຈະເປັນຢ່າງໃດ. ໃນຕົວຈີງແລ້ວ ຄວາມທຸກ ແລະ ຄວາມສຸກນັ້ນລ້ວນແຕ່ແມ່ນຄົນເປັນຜູ້ສ້າງຂື້ນເອງ, ດັ່ງນັ້ນ ທັງສອງຢ່າງນີ້ແມ່ນທຸກຄົນມີສິດໄດ້ຮັບເໝືອນກັນ. ແຕ່ຈະແຕກຕ່າງກັນຢູ່ບ່ອນວ່າ ເຮົາຈະເລືອກເອົາສຸກກ່ອນ ຫລືທຸກກ່ອນເທົ່ານັ້ນ. ບາງຄົນຄິດວ່າຊີວິດມີເທື່ອດຽວຕ້ອງເອົາສຸກກ່ອນ ເພາະຢ້ານຕາຍກ່ອນພົບຄວາມສຸກ ແຕ່ສຸດທ້າຍເຂົາກໍ່ພົບຄວາມທຸກແທ້. ບາງຄົນກໍ່ເລືອກເອົາທຸກກ່ອນ ມີອັນໃດກໍ່ອົດກໍ່ທົນດ້ວຍຄວາມບຸກວືນຜ່ານຜ່າອຸປະສັກນາຯປະການທີ່ເລີ່ມຈາກໄວຮຽນຈົນເຖີງໄວເຮັດວຽກເຮັດງານ ສຸດທ້າຍເຂົາກໍ່ພົ້ນທຸກສົມກັບສຸພາສີດທີ່ວ່າ: ຊື່ສັດ ຂະຫຍັນ ອົດທົນ ພາຕົນພົ້ນທຸກ ແລະ ບໍ່ອືດຕາຍ. ຈາກສອງກໍລະນີນີ້ ພໍສາມາດສະຫລຸບໄດ້ວ່າ ຖ້າພວກເຮົາບໍ່ມັກສີ່ງໃດ ເຮົາຕ້ອງທຳສີ່ງນັ້ນກ່ອນ ແລ້ວມັນຈະໜີຈາກເຮົາໄປຢ່າງແນ່ນອນ.