ສະບາຍດີຫມູ່ເພື່ອນທຸກໆຄົນ ມື້ນີ້ພວກເຮົາຈະມາຊອກແຊກເລື້ອງຂອງດາລາລາວ,ນັກຮ້ອງໃນວົງການບັນເທີງລາວເຮົາ ມາໃຫ້ຜູ້ອ່ານໄດ້ອັບເດດກັນ ບໍ່ວ່າຈະເປັນເລື້ອງລັບໆ, ເລື່ອງທີ່ດາລາເຮົາບໍ່ຢາກບອກເຮົາກໍ່ຈະໄປຊອກມາໃຫ້ທ່ານໄດ້ຮູ້ຢ່າງແນ່ນອນ. ເຊິ່ງນັກຮ້ອງຂອງເຮົາມີຊື່ວ່າ: ອາລູນ້າ(Aluna) ຂອງເຮົານີ້ເອງ. ອາລຸນ້າ ຈະຕອບ ຕອບ ຕອບຄຳຖາມວ່າຊັ້ນມາເບິ່ງເນາະວ່າສາວຄົນນີ້ຊິຕອບ ຕອບ ຕອບທຸກຄຳຖາມໄດ້ແທ້ບໍ່?

+Alunaເກີດມື້ໃດ ເດືອນໃດ ປີໃດ?
=>Aluna ເກີດວັນທີ 23ເດືອນ6 ຮ່າໆໆ.. ອາຍຸເປັນພຽນຕົວເລກ. ຄັນບອກໄປລະຊິຮ້ອງວ່າ ປະຕິໂທ້!

+ເວົ້າເລື້ອງຮ້ອງເພງ aluna ໄດ້ແຮງບັນດານໃຈມາຈາກໃຜ?
=>ໄດ້ແຮງບັນດານໃຈຈາກພໍ່ແມ່100% ພໍ່ເພີ່ນມີວົງດົນຕີເປັນຂອງຕົນເອງ ແລະເພີ່ນຍັງເປັນນັກຮ້ອງນຳຂອງວົງໃນສະໄຫມເພີ່ນເປັນບ່າວ ແລະເພີ່ນຍັງຫລີ້ນກິຕ້າເກັ່ງນຳອີກ. ຕັ້ງແຕ່ນ້ອຍແມ່ມັກຫລີ້ນດົນຕີໃຫ້ Alunaຟັງຕະຫລອດບໍ່ວ່າຈະເປັນເພງຂອງວົງ The beatles, Bee gees, Elvis, Cliff Richards, The compenter.Aluna ກໍມັກມັກເພງພວກນີ້ຫລາຍ ບາງເທື່ອAlunaກໍຍັງນຳເພງພວກນີ້ມາຮ້ອງໃນຄອນເສີດ ແລະງານລ້ຽງຕ່າງໆ.



+ມາເວົ້າຜົນງານທີ່ຜ່ານມາມີຫຍັງແດ່?
=>ມີອາລະບ້ຳເປັນຂອງຕົນເອງໃນປີ2005, ແຕ່ງເພງໃຫ້ແກ່ແທງໂກ ໃນປີ2004ແລະປີ2005, ແຕ່ງເພງ"ມີແຟນແລ້ວຫວາ"ໃຫ້"ກິ່ມມີ້" ໃນປີ2006, ແຕ່ງເພງ"ຄົນນິໃສດີ"ໃຫ້ແກ່"ນາລິນ" ໃນປີ2007 ແລະໄດ້ຮ່ວມຮ້ອງເພງໃນໂຄງການອາລະບ້ຳ "ຫ້ອງຮຽນພິເສດສຳລັບທຸກໆຄົນ" ແລະກໍຍັງມີງານຄອນເສີດຕ່າງແຂວງ ແລະຕ່າງປະເທດອີກຫລາຍໆງານ.

+ມີເລື້ອງຫຍັງຈາກຕ່າງປະເທດ ທີ່ປະທັບໃຈມາເລົ່າໃຫ້ຫມູ່ເພື່ອນຟັງແດ່ບໍ່?
=>ຄືຕອນໄປຫລີ້ນຝຣັ່ງ ມີເທດສະການດົນຕີຂອງໃນທະວິບຢຸໂລບ ເຊີ່ງມາຈັດງານປີນັ້ນ. ມີນັກຮ້ອງມາຮວມໂຕກັນ ສຸດຍອດຂອງຄວາມເປັນຈິງ Alunaໄດ້ເຫັນ Lenny kravitz, Sheryl Crow, R.E.M, Brian Adamsໂຕເປັນໆ...ຈົນບໍ່ຢາກຕື່ນ..

+ຟັງເລື້ອງAlunaຄັກຫລາຍແລ້ວ ຖາມເລື້ອງຂາຍຫນ້າກະມີຢູ່ຫວາ? ເວົ້າໃຫ້ຫມູ່ເພື່ອນເຮົາຟັງແດ່.
=>ເລື່ອງມັນເກີດຂື້ນຕອນໄປຍີ່ປຸ່ນ ຕອນໄປກິນshushi ກັບປາດິບ shashimiຢູ່ຮ້ານຫນື່ງ, ມື້ນັ້ນຄົນກະບັກຫລາຍໆເຮົາກະວ່າຮູ້ຈັກອາຫານໂຕນີ້ດີ ມັນຕ້ອງກິນກັບນ້ຳສະອິ້ວຍີ່ປຸ່ນ ກັບວາສະບິນແນ່ນອນ ນາງກະບໍ່ຫລາຍເລື້ອງ ຕັກເອົາວາສາບິບແບບຜົງໃສນ້ຳສະອິ້ວຄົນໄປຄົນມາ ສະກິດໃຈນ້ອຍຫນື່ງວ່າ:ເປັນຫຍັງມັນຈື່ງບໍ່ລະລາຍ ແຕ່ກະຍັງຄິດວ່າວາສາບິຂອງແທ້ຄືຊິເປັນຈັງຊີ້ ຊ້ຳບໍ່ຫນຳຍັງເອົາວາສະບິທີ່ວ່ານີ້ໄປໂຮຍໃສ່ຫນ້າເຂົ້າປັ້ນ ເພາະກະຍັງຄິດວ່າມັນຍັງບໍ່ເຜັດຄັກ ພໍແຕ່ໂຮຍໃສ່ເຂົ້າປັ້ນກະຮູ້ສືກວ່າມີຄົນແນມເບີ່ງເຮົາຢູ່ ຮູ້ໂຕອີກເທື່ອຫນື່ງກະມີຄົນແນມເບີ່ງເຮົາເຕັມຮ້ານແລ້ວ... ອາຍອ້າຍອາຍ ເຂົາຄືຊິວ່າສາວນີ້ມາແຕ່ໂລກໃດ ອາຍຈົນບໍ່ຮູ້ສິເອົາຫນ້າໄປໄວ້ໃສ ອາລຸນ້າກະຮ້ອງຂື້ນບັກແຮງໆອີກໃດຫັ່ນວ່າ: ວາສາບິ ວາສາບິ!!!! ຈາກນັ້ນເຈົ້າຂອງຮ້ານກໍເອົາວາສາບິຂອງແທ້ມາໃຫ້ບັກໄວໆ ມາຮູ້ນຳຫລັງວ່າມັນແມ່ນຊາຂຽວ ບໍ່ແມ່ນວາສາບິ...ຫນ້າແຕກຢ່າງຮຸນແຮງ

+ອັນນີ້ແມ່ນຄຳຖາມຈາກແຟນເພງ Aluna ກັບແຊມນັກຮ້ອງindeeຄ້າຍດຽວກັນເປັນແຟນກັນຫລືບໍ່?
=>(ຍິ້ມຫນ້າແດງ) ບໍ່ມີຫຍັງ ບໍ່ມີຫຍັງເປັນຫມູ່ຄ້າຍດຽວກັນ ອັນທີ່ເຫັນວ່າອາລຸນ້າຢູ່ໃສເຫັນແຊມຢູ່ຫັນ(ກະບໍ່ກະຫນາດນັ້ນ), ແຕ່ກໍໄດ້ໄປອອກງານນຳກັນຕະຫລອດ ແລະມີຫຍັງກະແລກປ່ຽນຄວາມຄິດເຫັນເລື້ອງວຽກກັນເທົ່ານັ້ນ ບໍ່ມີຫຍັງ(ປະຕິເສດສຽງແຂງ) ເອົາຈັງຊີ້ດີກວ່າ ອາລຸນ້າມີຫຍັງຈະບອກກ່ຽວກັບແຊມ ເລື່ອງມີຢູ່ວ່າ: ແຊມ... ມັກເບີ່ງໂທລະທັດຊ່ອງ...ບໍ່ບອກດີກວ່າ ຮ່າໆໆໆໆ ລາຍການຫຍັງນໍ..ບູມໆ ຈັກຢ່າງນິແລະ(ຮ່າໆ) ຖາມແຊມເອົາເອງເດີ້ ວ່າເປັນຫຍັງ ມີຫຍັງພິເສດ ລາວຈື່ງມັກລາຍການນີ້ (ພູມໃຈທີ່ໄດ້ຂາຍຫມູ່)

+ຊຸດທ້າຍAluna ມີຫຍັງຈະຝາກເຖິງແຟນເພງ?
=>ຂໍຝາກໃຫ້ແຟນໆ ລອງຟັງເພງໃນອາລະບ້ຳທີ2 ຂອງອາລຸນ້າ ອາລະບ້ຳ Aluna part2ນີ້ ອາລຸນ້າໄດ້ຕັ້ງໃຈຫລາຍກັບອາລະບ້ຳ ໃຊ້ເວລາ3ປີຈື່ງແລ້ວ ຢາກໃຫ້ມັນອອກມາດີທີ່ສຸດເພື່ອແຟນເພງຂອງອາລຸນ້າທຸກຄົນ ຫວັງຢ່າງຍິ່ງວ່າທຸກຄົນຈະໄດ້ຮັບຄວາມມ່ວນຊື່ນ ແລະມູມມອງຕ່າງໆໃນຄວາມຮັກ, ຊີວິດແລະສັງຄົມ ທີ່ອາລຸນ້າໄດ້ເວົ້າໃນອາລະບ້ຳນີ້ອາດໂດນໃຈແລະຖືກກັບຊີວິດຫລາຍໆຄົນ. ທ້າຍນີ້ຂໍຂອບໃຈນຳແຟນເພງອາລຸນ້າທີ່ໃຫ້ການສະຫນັບສະຫນູນໂດຍດີຕະຫລອດມາ ແລະຕະຫລອດໄປ.

thx for news