ວຽກງານຂອງຊາດ ເເມ່ນວຽກງານງານຂອງປວງຊົນລາວທຸກຄົນ ບໍ່ແມ່ນແຕ່ຂອງພັກ ປປລາວຜູ້ດຽວ , ປະເທດລາວ ເປັນຂອງຄົນລາວທຸກຄົນ
ພັກ ປປລາວ ບໍ່ມີສິດ ເປັນເຈົ້າຜູກຂາດ ເປັນເຈົ້າຂອງ ທັງ ນໍາພາໃນທຸກຂົງເຂດວຽກງານຂອງຊາດແຕ່ຜູ້ດຽວ ແລະ ບໍມີສິດເອົາຊາດ ແລະ ປະຊາຊົນ
ເປັນສິນຄ້າໃຫ້ແກ່ພັກ ແລະກຸ່ມຕົນເອງ. ຊາວລາວຄວນຕຶ່ນຕົວ ແລະລຸກຂື້ນ ປ້ອງກັນ ສິດຂອງຄວາມເປັນເຈົ້າຂອງຕົນເອງ ສິດຄວາມເປັນເຈົ້າຂອງປະເທດຊາດເຈົ້າຂອງສັງຄົມຕົນເອງບໍໃຫ້ໃຜເຂົ້າລຸກລານ ຄື ຫວຽດນາມ ຈີນ ແລະ ທຸກນາຍທຶນສວຍໂອກາດຕ່າງຊາດ ທີ່ແອບອ້າງ ວ່າ ມາຊ່ວຍເຫລືອປະເທດລາວ ແລະປະຊາຊົນລາວ. ແຕ່ສຸດທ້າຍມັນກໍມາຮ່ວມຫົວກັບເຈົ້າໜ້າທີ່ລັດ ແດກຊັບພະຍາກອນຂອງຊາດໄປ ຢ່າງໄຮ້ມະນຸດທັມ ຄົນພວກນີ້ສົມຄວນປະນາມມັນໃຫ້ຈິບຫາຍວາຍວອດ ເພາະວ່າພວກນີ້ຄືຄົນທຳລາຍຊາດຕົວຈີງ

ບາງຄົນເຫັນເຮົາຂຽນພາສາໄທລະ ຕິນັ້ນ ຕິນີ້ ບາດຄົນລາວຂຽນພາສາຫວຽດນາມລົມກັນ ພາສາອັງກິດລົມກັນເດລະ ທ່ານຄິດແນວໃດ໋ ຂ້າພະເຈົ້າວ່າ ຫລາຍໆທ່ານຄືຊິຖືເປັນເລື່ອງທຳມະດາ
ຖ້າພາສາໄທມາແລ້ວ ແມ່ນເປັນເລື່ອງໂລດ ມັນທຳມະດາຢູ່ແລ້ວເຮົາໄດ້ຮັບການປູກຟັງໃຫ້ມີຫົວໃຈຊາດນິຍົມມາແຕ່ນ້ອຍ ເຮັດອັນໃດ໋ກ່ຽວຂ້ອງກັບໄທ
ຄືວ່າຜິດຫູ ຜິດຕາໄປໝົດທຸກເລື່ອງ ພວກເຮົາຕ້ອງຍອມຮັບວ່າໄທ ມີອິດທິພົນຕໍ່ປະເທດລາວຫລາຍຢ່າງ ນັບແຕ່ເຄື່ອງໃຊ້ບໍລິໂພດ ອຸປະໂພກ ສື່ບັນເທີງ
ໜັງ ເພງ ຕ່າງໆລ້ວນແຕ່ໄທຄອບງຳໝົດ ເພາະວ່າພາສາພວກເຮົາໃກ້ຄຽງກັນ ເວົ້າແບບນີ້ບໍ່ໄດ້ໝາຍຄວາມວ່າຂ້າພະເຈົ້າຢາກໃຫ້ໄທຄອບຄອງລາວເດີ
ແຕ່ກຳລັງບອກວ່າໂລກນີ້ຍຸກໄຮ້ພົມເເດນ ມັນປະຕິເສດຍາກວັດທະນະທຳ ບາງສິ່ງ ບາງຢ່າງຈະຫລື່ນໄຫລເຂົ້າ ສປປລາວເຮົາ ເຮັດແນວໃດ໋ ບາງສິ່ງບາງຢ່າງ ທີ່ມັນຂັດກັບຮີດຄອງປະເພນີລາວເຮົາ ກະໃຫ້ຄົນລາວເຮົາຈົງສະກັດກັ້ນ ແລະຮັກສາເອກະລັກຄວາມເປັນລາວເຮົາໄວ້ເດີ

ມະນຸດເປັນສັດສັງຄົມການເມືອງຫ້າມມະນຸດກ່ຽວຂ້ອງການເມືອງຄົງຈະຍາກ ແຕ່ບົດບາດແຕ່ລະຄົນທີ່ມີຕໍ່ການເມືອງອາດຕະແຕກຕ່າງກັນ ລົມເລື່ອງການເມືອງບໍ່ເປັນເຫດໃຫ້ຜິດກັນສະເຫມີຖ້າພວກເຮົາໃຈກ້ວາງຍອມຮັບຟັງຄວາມຄິດເຫັນທີ່ແຕກຕ່າງ ການດຳເນີນຊີວິດຂອງຄົນເຮົານັ້ນແນ່ນອນຕ້ອງການຊີວິດທີ່ມີຄວາມສຸກ ແຕ່ຖາມວ່າຄວາມສຸກມາຈາກໄສ?ທຸກຄົນອາດຈະຕອບຕ່າງກັນແລ້ວແຕ່ປະສົບການໃຜລາວແຕ່ທີ່ແນ້ໆຄວາມສຸກຄືມາຈາກໃຈ ແຕ່ຈິດໃຈເຮົານັ້ນກ່ອນຈະມີຄວາມສຸກໄດ້ຕ້ອງມີສິ່ງພາຍນອກເປັນຕົວກະຕຸ້ນທີ່ດີ ເຊັ່ນຢູ່ໃນສັງຄົມດີສະຫງົບສຸກສະພາບແວດລ້ອມປອດໂປ່ງລັດຖະບານບໍລິຫານເສດຖະກິດດີ ປະຊາຊົນມີສຸກທຸກຖ້ວນຫນ້າ ຂ້າພະເຈົ້າວ່າປະຊາຊົນ ຄວນອອກມາສຸ່ມແນວຄິດຫາແນວທາງແກ້ປັນຫາຊາດຮ່ວມກັນ ສຽງປະຊາຊົນຄືພາບສະທ້ອນຫນຶ່ງໃນການສະເເດງອອກຕໍ່ການເມືອງ ຢ່າລືມວ່າປະເທດຊາດນີ້ເປັນຂອງທຸກຄົນເພາະສະນັ້ນທຸກຄົນ ຕ້ອງມີສິດສະເຫມີກັນ