ໃນຂະນະທີ່ເຮົາຄິດເຖີງຄົນໆ...ໜຶ່ງຕະຫຼວດເວລາ

ເຂົາຄົນນັ້ນກໍ່ອາດຄິດເຖີງຄົນ...ອື່ນຢູ່ກໍ່ເປັນໄດ້

ແລະບາງຄັ້ງກໍ່ອາດມີຄົນທີ່ຄິດເຖີງເຮົາໂດຍທີ່ເຮົາບໍ່ສົນໃຈເລີຍເຊັ່ນກັນ

ບາງຄັ້ງການໄດ້ຝັນໄປຄົນດຽວມັນກໍ່ດີກວ່າການໄດ້ຮູ້ຄວາມຈິງທີ່ວ່າ...

ສິ່ງທີ່ເຮົາຄິດທັງໝົດມັນຄືຄວາມຝັນຂອງເຮົາເອງພຽງຄົນດຽວ

ສະນັ້ນບໍ່ແປກຄົນສ່ວນໃຫຍ່ເລືອກທີ່ຈະຈົມກັບຄວາມຝັນ

ຫຼາຍກ່ວາການໄດ້ຮັບຮູ້ຄວາມຈິງ

ການບໍ່ໄດ້ເປັນທີ່ 1 ໃນໃຈເຂົາບໍ່ແມ່ນເລື່ອງໜ້າເສົ້າ

ເຮົາອາດເປັນທີ່ 2 ເຊິ່ງມັນອາດດີກວ່າເປັນທີ່ 3 ທີ່ 4...

ແລະຫາກ..ວ່າເຮົາເປັນທີ່ 10 ໃນໃຈເຂົາ...

ກໍ່ຂໍໃຫ້ຄິດໄວ້ວ່າດີກ່ວາເຮົາບໍ່ມີຄວາມສຳຄັນຫຍັງໃນໃຈເຂົາເລີຍ

ແຕ່ໂປດຈຳໄວ້ເລີຍວ່າ

ຫາກຫົວໃຈຂອງເຈົ້າຍັງບໍ່ຮ້ອງໃຫ້ອອກມາດັງໆ

ພ້ອມຄຳເວົ້າກັບຕົວເອງວ່າ...ມັນເມື່ອຍເຫຼືອເກີນ

ກໍ່ຈົງມັກຕໍ່ໄປ...

ການຮັກໃຜຈັກຄົນ ບໍ່ຕ້ອງການຄວາມພະຍາຍາມ

ການຕັດໃຈ ຕ່າງຫາກ ທີ່ຕ້ອງການຄວາມພະຍາຍາມຢ່າງຫຼວງຫຼາຍ

ລອງກະເກນນ້ຳໜັກໃນໃຈເຮົາເບິ່ງວ່າ ຄວາມສຸກຍາມທີ່ເຈົ້າໄດ້ເບິ່ງຕາເຂົາ

ກັບຄວາມທຸກ ຍາມທີ່ເຈົ້າຕ້ອງລົບສາຍຕາລາວ

ອັນໃດມັນໜັກໜາກ່ວາກັນ

ຢ່າໂທດຕົວເອງທີ່ມາພົບເຂົາສາຍເກີນໄປ

ຢ່າໂທດເຂົາທີ່ບໍ່ມີໃຈໃຫ້

ຢ່າໂທດໂຊກຊະຕາທີ່ເຮັດໃຫ້ເຮົາພົບກັນ ແຕ່ບໍ່ໄດ້ເຮັດໃຫ້ເຮົາ ໃຈຕົງກັນ

ແຕ່...ຈົງຍີ້ມໃຫ້ກັບຕົວເອງ

ທີ່ຢ່າງນ້ອຍ ເຖີງຈະພົບກັບເຂົາຄົນນັ້ນສາຍເກີນໄປ

ແຕ່ດີທີ່ຍັງໄດ້ພົບ...

ຍີ້ມໃຫ້ເຂົາ ເຖີງວ່າຈະບໍ່ໄດ້ໃຫ້ໃຈເຮົາມາ

ແຕ່ກໍ່ຍັງໄດ້ຮັບຫົວໃຈເຮົາໄປ

ຈົ່ງຍີ້ມໃຫ້ກັບໂຊກຊະຕາ

ທີ່ຍັງເຮັດໃຫ້ເຮົາໄດ້ຮູ້ຈັກກັນ

ເຈົ້າຄວນຈະດີໃຈນຳອີກທີ່ຄັ້ງໜຶ່ງ

ເຈົ້າໄດ້ພົບຄົນທີ່ເຈົ້າຢາກເກັບຮອຍຍີ້ມຂອງເຂົາໄວ້ຄົນດຽວ

ພຽງຮອຍຍີ້ມຂອງເຂົາຄົນນັ້ນ

ກໍ່ສາມາດປ່ຽນວັນທີ່ໝອງໝົ່ນ...ໃຫ້ກາຍເປັນວັນທີ່ສົດໃສ

ເທົ່ານີ້ມັນກໍ່ພຽງພໍແລ້ວ ບໍ່ແມ່ນຫວາ?

ການທີ່ໄດ້ເຫັນຄົນທີ່ເຮົາຮັກ..ໄດ້ມ່ວນຊື່ນຢູ່ກັບໃຜຈັກຄົນທີ່ເຂົາຮັກຫຼາຍທີ່ສຸດ

ນັ້ນແຫຼະຄືຄວາມສຸກຂອງການໄດ້ຮັກ...ຢ່າງຈິງໃຈ