ຫາກທ່ານໃດມີລາຍຊື່ຢູ່ໃນ “4ຍອດມະນຸດທີ່ໜ້າຖີບແຫ່ງປີ”
ຂໍໃຫ້ທ່ານຢ່າຄິດນ້ອຍໃຈ ຫຼື ຮູ້ສຶກເສຍແມວທີ່ຖືກປະນາມໄຮ້ຄວາມປານີ
ເພາະຢ່າງໜ້ອຍ,ທ່ານກໍ່ໄດ້ເປັນສ່ວນໜຶ່ງໃນປະຫວັດສາດບລ໋ອດໄດອະຣີ່ອອນໄລ໌ທີ່ສຳຄັນຫຼາຍຂອງຂພຈ.
ແລະນີ້ກໍ່ຄື 4 ຍອດມະນຸດຄວນຖືກປະຈານແຫ່ງປີ2008ທີ່ຜ່ານມາ.
- ມະນຸດກົ້ນຕິດລົດ,ປາກອອກຄຳສັ່ງ.
ມະນຸດຄົນນີ້ຂພຈຂໍຍົກໃຫ້ເປັນ Top Ten ເລີຍ, ບໍ່ຮູ້ວ່າກົ້ນເປັນຝີ ຫຼື ຂາພິການປານກາ
ງຫຼືມີຄືນເລັກໜ້ອຍກະບໍ່ຮູ້(ພິການທາງຈິດໃຕ້ສຳນຶກຕິເບາະ? ).
ເພາະມັກຈະຈອດລົດໃຫຍ່(ບາງທີ່ກໍ່ລົດຈັກ)ຈອດຢູ່ໜ້າຮ້ານ,
ແລ້ວກໍ່ຈະໃຊ້ປາກຮ້ອງຊື້ເຄື່ອງແນ່. ຍັງບໍ່ແລ້ວວວວ,ເຮົາຕ້ອງໄດ້ແລ່ນອອກໄປຫາເພິ່ນພ້ອມທັງໄດ້ຖາມວ່າ “ເອົາຫຍັງນໍ?”
(ໃນໃຈກະຄິດວ່າ ຈັງແມ່ນມັນໜັກເນາະ ຍ່າງອອກມາຊື້ເຄື່ອງຫັນນະ, ກົ້ນເປັນຝີບໍ?)
ດີບໍ່ດີ ຊື້ເຄື່ອງຍັງເຮັດໜ້າປານຄຸນນາຍກະມີ (ພະເຈົ້າໆໆໆ ມັນເປັນຫຍັງກັນແທ້ຄົນທຸກມີນີ້)
ອັນທີ່ຊື້ກະບໍ່ໄດ້ແພງຫຼາຍປານໃດເດາະ ບາງທີ່ພັນກີບກະມີ.
ມື້ໜ້າກະຊິໄດ້ເຮັດໜ້າບ້ານເປັນບ່ອນຈອດລົດວີໄອພີ,ໄວ້ໃຫ້ມະນຸດດັ່ງກ່າວຈອດຮ້ອງຊື້ເຄື່ອງອີກກ່ອນ.
ຍ້ານເພິ່ນຊິຈອດລົດຮ້ອງເຄື່ອງບໍ່ໄດ້ ອິອິອິອິ.
(ແມ່ນຢູ່ວ່າລູກຄ້າເປັນພະເຈົ້າ, ແຕ່ພະເຈົ້າກະຢ່າໃຫ້ຂ້ານ້ອຍແລ່ນໄປແລ່ນມາຍ້ອນທ່ານບໍ່ລົງຈາກລົດຫຼາຍ,ກະຮູ້ວ່າມີລົດໃຫຍ່.
ຂພຈຂໍມອບລາງວັນອອດສະກາ ສາຂາມີອຳນາດຍອດຍ້ຽມໃຫ້ມະນຸດດັ່ງກ່າວໄປເລີຍ.
ຍົກເວັ້ນວ່າທ່ານໄປປ້ຳນ້ຳມັນ, ຢູ່ໃນລົດໂລດບໍ່ມີໃຜວ່າຫຍັງ.
- ມະນຸດກົດວາງ.
ຍໍ້ມາຈາກ ກົດໂທອອກແລ້ວວາງສາຍພາຍໃນ2ວິນາທີ.
ອີກສັບສັງຄົມທົ່ວໄປເອີ້ນວ່າ ໂທຊ໊ອດ.
ຖ້າຖາມວ່າພົບເຫັນບຸກຄົນດັງກ່າວໄດ້ຈາກໃສ່,
ແນ່ນອນ...ມະນຸດດັ່ງກ່າວແມ່ນບຸກຄົນທີ່ສະໜິດກັບທ່ານດີໆນີ້ເອງ,
ຈາກການຄົ້ນພົບ,ວິໃຈຈາກສະຖາບັນມູດສະກູ້ບໍ່ມີຫຍັງເຮັດອໍລິທໍ້College(ຂ້ອຍເອງ)
ໄດ້ທຳການວິໃຈວ່າ: ໝູ່ມີໄວ້ໂທຊ໊ອດສ່ວນແຟນມີໄວ້ໂທຫາ.
***ເລື່ອງນີ້ໃຜໆກະຄືຈະເຈິຕະຫຼອດ, ໂດຍສະເພາະມີໝູ່ຮຽນຂ້າງຂພຈ, ມັກໂທມາຊ໊ອດຕະຫຼອດໆໆໆ
ໂທມັນຢູ່ຫັນແລະ,ໂທລະກະວາງ.ກົດວາງກົດວາງ.
ຕອນແລກໆໆຂພຈກະໂທກັບຢູ່, ແຕ່ພໍດົນໆໆຫຼາຍເທື່ອຫຼາຍ,ຂພຈກະເລີ່ມຮູ້ສຶກວ່າມັນບໍ່ຄິດຊິໂທມາລົມດີໆນຳກະເຈົ້າຈັກມື້ແນ່ຫວາ?
ມີບາງເທື່ອມັນລົງທຶນໂທມາຫາພຂຈແທ້ໆໆ
ໂອ໊ ມັນໂທມາແທ້ຫວານິ້, ໃນໃຈກະຄິດວ່າມັນຄົງຊິມີວຽກຕິ,ກະເລີຍຮັບ…
ແຕ່ແລ້ວໆໆໆມັນກະບອກວ່າໂທກັບແນ່ເງີນຊິໝົດແລ້ວ
(ຕາຍ!Kooຫາກະເອີຍ ວ່າ Hello ຍັງບໍ່ໄດ້ອ້າປາກວ່າ ມີມີມີຫຍັງຊຳນະໆໆໆໆ ບອກໃຫ້ໂທກັບແລ້ວ),
ເອີ ກະໄດ້ໄປອຸດສາລົງທຶນໂທມາຫາຈັກເທື່ອໜຶ່ງ ກະເລີຍໂທກັບ, ມັນບໍ່ໄດ້ມີຫຍັງຫຼາຍເດາະ
ແຄ່ຖາມວ່າມື້ອື່ນຊິໄປຮ.ຮບໍ?. ໂອ໊ໆໆໆໆ ເບິ່ງໆໆເບິ່ງມັນ(ພາສາອຸດົມ ກໍ່ຕ້ອງບອກວ່າ ທຳໄປດ້າຍຍຍ)
ອັນທີ່ວຽກທີ່ວ່າມັນໜັກມັນໜານີ້ ກະເລື່ອງນີ້ຫວາໝູ່.
ກະເປັນແບບນີ້ປະຈຳ ຈົນຂພຈຄິດວ່າ Kooກຳລັງຫຼິ້ນເກມແມວຈັບໜູແມ່ນບໍນີ້??
Meungໆໆໆ ຢ່າໃຫ້Kooຮັບທັນເດີ, ໃນໃຈໝູ່ຂພຈ,ມັນກະຄືຊິສະໃຈຕິເບາະທີ່ຂພຈຮັບບໍ່ທັນຈັກເທື່ອ.
ເມື່ອມັນມັກໂທແລ້ວວາງໆຕະຫຼອດ,ຂພຈກະເລີຍປິດໂທລະສັບໄປເລີຍ,
ປິດໂທລະສັບໄປກະສະໃຈໄປ ເຣິໆໆໆໆ Meungຕ໊ອດKooບໍ່ໄດ້ແລ້ວ 55555.
ເບິ່ງໆໆໆໆ ເບິ່ງວ່າໝູ່ແນວນີ້ກະມີ,ໂທຫາແຟນມັນຢູ່ຕ່າງປະເທດໝົດເປັນລ້ານຍັງກ້າໂທ,
ໂທຫາໝູ່ລະມັນ້ເສຍເງີນ800ກີບນີ້ຫຼາຍໆໆໆເນາະເງີນ.
ດີແຕ່ກຸ່ມໜູ່ສະໜິດຂພຈບໍ່ເປັນຄືໝູ່ຢູ່ຮ.ຮ, ເພາະນິໄສຂພຈບໍ່ມັກຄົນໂທວາງ.
ຢາກໃຫ້ໂທກັບກະສົ່ງຂໍ້ຄວາມກະໄດ້ແລ້ວຂ້ານ້ອຍຊິໂທກັບກະໄດ້.......
ເຫັນບໍວ່າ,ເປັນເລື່ອງທີ່ໜ້າໃຫ້ລາງວັນລູກໂລກທອງຄຳກັບມະນຸດໂທແລ້ວວາງແທ້ໆໆ.
- ມະນຸດຢາກໄດ້ເຄື່ອງ(ແຕ່ບໍ່ໄດ້ດັ່ງໃຈໂຕເອງ)
ອ່ານມາຮອດນີ້ ອາດຈະງົງວ່າແມ່ນມະນຸດແນວໃດ?
ເປັນມະນຸດທີ່ຢາກຊື້ເຄື່ອງທີ່ເພິ່ນຢາກໄດ້, ແຕ່ບັງເອີ້ນເຄື່ອງນັ້ນໝົດ, ຫຼືບໍ່ພໍໃຈໃນສິ້ນຄ້າ.
ກໍ່ຈະມີການຕຳນິ..... ທັງທີ່ເທື່ອກ່ອນເພິ່ນກະມາຊື້ແຕ່ມັນກະຄືເກົ່າຫັນແລະ.
ກະເລີຍເປັນບັນຫາໂລກແຕກຂອງຂພຈ.
ຍັງບໍ່ແລ້ວໆໆໆໆໆມັນຍັງບໍ່ແລ້ວໆໆໆໆ
ມີມື້ໜຶ່ງມີແມ່ປ້າໜຶ່ງເພິ່ນຖາມວ່າມີໂສດາສິງບໍ?
ຍ້ອນເປັນຄົນນິ້ໄສດີ(ບໍ່ເຂົ້າເລື່ອງ), ກະເລີຍບອກເພິ່ນໄປວ່າ ຢູ່ມິນິມາດແຄມຂອງມີຂາຍ, ໄປຊື້ຢູ່ຫັນກະມີ.
ຮູ້ບໍວ່າຄວາມຫວັງດີ ໄດ້ສິ່ງຕອບແທນມາເປັນຄຳເວົ້າ(ບໍ່ໜ້າຟັງເລີຍ)
ໂອ້ຍໆ ອັນໂສດານີ້ຂ້ອຍໄປຊື້ຢູ່##)(#&$_*@90ກະໄດ້.
ປາໆໆໆໆ ຂອ້ຍປານກິປອມປ່ຽນສີເລີຍໜ້າ(ຈາກໜ້າປົກກະຕິມາເປັນໜ້າຈືດຢ່າງແຮງ)
ໃນໃຈກະຕອບວ່າ ເອິ (ຂ້ອຍອູດສາຫວັງດີ,ເຫັນວ່າຢາກໄດ້ໂສດາໄປກິນນຳເຫຼົ້າ,
ກະມາຕອບເປັນຕາຊັງແທ້ເດະປ້າເອີຍ, ເວົ້າດີໆກະໄດ້,ປ້າຊິຟ້າວໄປໃສ່ໆໆໆຫະ)
ຫຼັງຈາກນັ້ນມາເວລາປ້າຄົນດັ່ງກ່າວມາຊື້ເຄື່ອງຢູ່ບ້ານຂພຈ, ຂພຈກະຊິຮອດບໍ່ເບິ່ງໜ້າ,
ຂາຍແລ້ວກະເກັບເງີນລະຍ່າງໜິ້ເລີຍ. ດຽວລາວຊິເວົ້າບໍ່ມ່ວນອີກ.
ຟັງແລ້ວຂົ່ນແຂນລຸກກັບຄຳເວົ້າ,ສັ້ນແຕ່ໄດ້ໃຈຂະໜາດ.
- ມະນຸດ2ຕຸກ ຫຼື ຕຸກໆໆ.
ບັນຫາໂລກແຕກອີກເລື່ອງໜຶ່ງ ໂດຍສະເພາະ ຕຸກໆໆຂົວມິດຕະພາບໄທລາວ.
ພາລະກິດຫຼັກຂອງຕຸກໆໆບາງຄົນ(ບາງຄົນຊື່ໆໆ)ກໍ່ຄື
ພະຍາຍາມຕື່ລູກຄ້າໃຫ້ໄດ້,ຕື່ມັນຢູ່ຫັນແລະວ່າຊິໄປໃສ່,ຕະຫຼາດເຊົ້າບໍ?
ພາລະກິດສອງ ຄື : ເມື່ອໄດ້ລູກຄ້າແລ້ວກໍ່ພາຍາຍາມຫາລູກຄ້າລາຍໃໝ່ໃຫ້ໄດ້ອີກ,ຫາເທົ່າທີ່ຕຸກໆຈະບັນຈຸຄົນໄດ້.
ພາລະກິດສາມ ຄື: ເມື່ອຖາມລູກຄ້າ(ຜູ້ເດີ່ນທາງມາແຕ່ໄທ)ວ່າໄປໃສ່ບໍ່ໄດ້, ຫຼື ລູກຄ້າວ່າມີລົດແລ້ວ,
ມະນຸດດັ່ງກ່າວກໍ່ຈະໄປລວມໂຕກັນແລ້ວກໍ່ຈະນິນທາລັບຫຼັງ .
ດີບໍ່ດີມີການເວົ້າລັບຫຼັງໃຫ້ໄດ້ຍິນອີກ(ຈັງແມ່ນເປັນຕາໜ່າຍ).
ເຮົາບໍ່ໄປນຳກະຍັງອຸດສາມີນ້ຳໃຈຢາກເວົ້າຂັວນອີກ
(ໂອ້ ພະເຈົ້າຈອດດດດ ເຈົ້າຊ່າງເປັນມະນຸດທີ່ຂພຈບໍ່ຢາກລົມນຳແທ້ໆໆໆ).
ຈົນຂພຈຂໍໄປລົດເມ້ດີກວ່າ.
ບໍ່ຮູ້ວ່າເປັນກິດຈະວັດປະຈຳວັນຂອງມະນຸດ2ຕຸກຕິເບາະ
ບໍ່ວ່າຢູ່ໃສ່ກະມັກຈັບກຸ່ມກັນເວົ້າຂວັນລູກຄ້າທີ່ບໍ່ຍອມໄປນຳ, ແຖມືມັກຮ້ອງລາຄາສູງໆໆ.
ກະເຂົ້າໃຈວ່າພວກທ່ານຫາເຊົ້າກິນຄ່ຳ, ຂພຈກະຄືກັນ.
ແຕ່ກະຢາກໃຫ້ພວກທ່ານມີນ້ຳໃຈແນ່ນ້ອຍໜຶ່ງກະຍັງດີ.
*****ມາຮອດນີ້ ກະຂໍພັກໄວ້ແຄ່ນີ້ກ່ອນ,ໄວ້ມື້ໜ້າຈະມາຕໍ່ພາກສອງເລື່ອງມະນຸດໄດນັ້ນຕອ້ງໄດ້ລໍຖ້າອ່ານຕໍ່ໄປ.
ປ.ລ ອາດມີກະທົບຈິດໃຈຂອງໃຜໄປແນ່. ກໍ່ຂໍໂທດຂໍອະໄພມາໃນທ້າຍບົດນີ້.
ຂພຈພະຍາຍາມຂຽນໃຫ້ມັນຕະລົກໆໆແລ້ວ.ຂໍໃຫ້ອ່ານໃນທາງຕະລົກເດີ,ບໍ່ຕ້ອງຈິ່ງຈັງກັບຄຳເວົ້າຂອງຂ້ານ້ອຍເດີ.
ຂຽນເມື່ອ: ກ.ລ.. 4, 2009
| ມີ
ໜວດໝູ່:
