ຮູ້ສຶກມື້ນຫົວແຕ່ເຊົ້າ,ເຫດມາຈາກມື້ຄືນນອນເດິກ,ຕ້ອງຕື່ນເຊົ້າ(ຫຼັບ5.5ຊົ່ວໂມງ).

ແຕ່ຍ້ອນຄວາມຢາກອັບໄດຯກ່ອນທີ່ສະໜອງອັນກະຈິ໊ດລິດຂອງຂ້ອຍມັນຊິລືມ.

ເລີຍຟ້າວມາອັບໄດຯໃຫ້ມັນແລ້ວ((ແບບວ່າເຫີ…firefoxນັ້ນເອງ,ເລີຍຢາກຫຼິ້ນ)).

Firefoxເປັນອິຫຍັງທີ່ໃໝ່ສຳຫຼັບຂ້ອຍ(ເອະ…ມຶ ງ ຫາກະອອກຈາກຖ້ຳມາບໍ?)

ເພາະວ່າໃຊ້ແຕ່ internet explorer ມາຕະຫຼອດ”ແນວມັນມານຳຄອມເດະ”

 Int-explo ເປັນອິຫຍັງທີ່ຂ້ອຍຄິດວ່າຊ່ວຍຊີວິດໃຫ້ມີເນັດຫຼິ້ນ(ເນັດຊ້າກະອົດເອົາ)

ແຕ່ພໍໂຫລດFirefoxມາມື້ຄືນນີ້,ຈາກການແນະນຳຂອງນິນ,ສຸດທ້າຍໂຫລດຜິດອີກ.

(ຈົນນິນຊິຂ້າຖິ້ມ,ເພາະອະທິບາຍ,ຊົ່ວຂ້ອຍຈະບັນລຸພາວະunderstand-.-)

ຈົນໂຕຄວາຍຢ່ອງຢູ່ເທິງຫົວຂ້ອຍເປັນ10ໂຕເລີຍ,ຖ້ານິນນຳເລື່ອງຄົນຖາມກ່ຽວຄອມມາປະຈານ

ຂຽນເປັນໄດຯ,ປານນີ້ຄົນເຂົ້າມາວິວໄດຯນິນເຕັ້ມໂຫລດ(ເລື່ອງພວກຄວາຍໆບໍ່ເຂົ້າໃຈພາສາຄອມ).

 ກັບມາເວົ້າເລື່ອງຂ້ອຍຕໍ່...ພາຍຫຼັງໂຫຼດfoxມາແລ້ວ. ໂອ໊…ຖືກໝາກຫົວເຈິເຮັງ.

“ເຖິງວ່າຈະຕົກໃຈເລັກນ້ອຍຈາກໜ້າຕົວຕາໜັງສື,ເປັນເອີເຫຼີແນວໃດບຸ.ປານວ່າສາຍຕາສັ້ນ”

ຄວາມຮູ້ສຶກປານວ່າ:ແຕ່ກິ້ກູຖືກກົດຂີ່ຂູດຮິດປົກຄອງໂດຍພັກExproມັນດົນ,ໄດ້ຮັບການຊ່ວຍ

ຈຸດຄຣາຍແມ໋ກສ໌ຂອງfire Foxສຳຫຼັບຂ້ອຍ,ຢູ່ບ່ອນນີ້((ບ່ອນທີ່ສາມາດຫຼິ້ນtwitterໄດ້ເຈງຂຶ້ນ))

   “ເອະ…ກູ ເປັນແຮງແລ້ວ,ເອົາໄປໂຮງໝໍດີບໍ,ຫຼືຕ້ອງໄດ້ຮັບການປິ່ນປົວຂັ້ນ3ດ່ວນ”

Twitterສຳຫຼັບຂ້ອຍແລ້ວ,ມັນເປັນແຫຼ່ງສ້າງສັນສູນລວມຄວາມຄິດກະຈິ໊ດລິ໊ດ(ຂອງຂ້ອຍ)….

• ສາມາດຈົ່ມອິຫຍັງດ່ວນໆໄດ້ສະບາຍ,
• ສາມາດເວົ້າຫຍັງໂດຍບໍ່ແຄ່ໃຜ,
• ສາມາດຍັດຍຽດຄວາມຄິດສ່ວນຕົວໃຫ້ພວກfollowເຮົາໄດ້ຮັບຮູ້ວ່າ ກູ ເວົ້າຫຍັງ.
• ມັກທີ່ມັນ ບໍ່ເຊັນເຊີ້ ຄຳເວົ້າ(((ກະແນ່ແລະເນາະ..ແນວມຶ ງມັກວ່າບໍ່ສຸພາບ)))
• ແນ່ນອນສາມາດເຂົ້າໄດ້ໄວໆໆ,ອັບເດດເຫດການຄັກກວ່າລະບອບE(xlorer)

ທັງທີ່ເມື່ອກ່ອນ,ການຈະເຂົ້າtwitterແຕ່ລະເທື່ອສຸດແສນຈະເສຍອາລົມຈິດສະເຫຼືອເກີນ,

ເມື່ອພີມຂໍ້ຄວາມແລ້ວ,ກະຕ້ອງກົດrefreshເວັບໃໝ່,ເພື່ອຈະໄດ້ຮູບວ່າໃຜຂຽນຫຍັງໃໝ່.

(ສຸດແສນຈະທໍລມານ)…..ເຫິ້ໆໆໆຈົບແບບງ່າຍໆກ່ອນມື້ນີ້,ຢາກເອົາຄຳເວົ້າຕົວຢ່າງຢູ່ໃນ

Twitterທີ່ຂຽນມາລົງໃຫ້ເບິ່ງຈັກອັນ2ອັນ,ແຕ່ຢ່າແລະ…ຄຳເວົ້າບໍ່ມ່ວນ(ປະສາດ)ປານໃດ.

ສະຫຼູບແລ້ວ : ຂອງເຂົາດີຈິງໆໆ…ພີ່ນ້ອງເອີ້ຍ

”ເອະ...ຄາຍໆຄືໄດ້ຍິນສຽງມານຳລົມວ່າ,ຈັງຊິແລະພວກບໍ່ເຄີຍຈວບ Firefox 555”

 ຈວບ = n,vt ພົບພໍ້ “ໄດ້ໄປຍິນຈາກໝູ່ມັກໃຊ້ກັນ,ງ່າຍໆວ່າ ບ້ານນອກເຂົ້າໃນເມືອງຄັ້ງທຳອິດ”

ພາຍຫລັງຊ່ວງເຮັດວຽກແມ່ນເລື່ອງມິດຕະພາບໄວເດັກຖືກລົບໄປ,
ບາງຄັ້ງຄວາມຄິດຂອງຂ້ອຍກະເປັນຄືກັບເລື່ອງໂງ່ໆໆຂອງໃຜຫຼາຍໆໆຄົນ.
ຄຳຖາມທີ່ໄດ້ຍິນແລ້ວບໍ່ພູມໃຈທີ່ໄດ້ຟັງແມ່ນ "ຄຳຖາມໂງ່ໆໆ".
ເບື່ອພວກຝາກຊື້ແຕ່ບໍ່ເຄີຍຝາກເງີນ, ເບື່ອພວກມັກເພື່ອເຮັດນັ້ນເຮັດນີ,
ແຕ່ທີ່ຕົວ ມຶ ງ ເອງແລ້ວກູເພື່ອມຶ່ງເຮັດນັ້ນເຮັດນີ້ຄືນລະ ມຶ ງ ກະວ່າ "ບໍ່,ໄປເອງແມ້".
ມັນເປັນສິ່ງທີ່ຫຼີກລຽງບໍ່ໄດ້ແທ້ໆໆ(ເປັນຄວາມຈິ່ງກະວ່າແມ່ນ).
ເວລາທີ່ເຮົາມີບັນຫາຢາກລົມນຳໃຜຈັກຄົນ...ຄົນທີ່ເຮົາຄິດຫາທີ່ພໍຈະຊ່ວຍຮັບຟັງ,
ແຕ່ກະບໍ່ມີຈັກຄົນ.ໝູ່ທີ່ວ່າຫຼາຍໃນເວລາມີຄວາມສຸກ(ຫຼາຍຈົນວ່າຈື່ບໍ່ໄດ້).
ແຕ່ພໍເວລາເສົ້າ,ໝູ່ພວກນັ້ນກັບບໍ່ແມ່ນທາງເລືອກທີ່ດີພໍທີ່ຈະມາຮັບຟັງ.
ເຮົາແທບຈື່ບໍ່ໄດ້ວ່າ,ຜູ້ໃດແນ່ທີ່ຈະມາຮັບຟັງ..ພິຈະລາແລ້ວກະບໍ່ມີໃຜວ່າງຈັກຄົນ....
.---ມັນຊ່າງເປັນເລື່ອງໜ້າຫົວແລະສົມນ້ຳໜ້າຕົວເອງໄປພ້ອມໆໆກັນ----
ເພາະນັ້ນມັນໝາຍຄວາມວ່າ...ບໍ່ມີໃຜເປັນຕາສະແຕກຈັກຄົນລວມທັງເຮົານຳ.
ຕອນເຮົາມີບັນຫາກະບໍ່ເຫັນໃຜຊິກະຕື້ລື້ລົ້ນແລ່ນເຂົ້າມາຖາມ.
ແຕ່ພໍເຂົາເຈົ້າເປັນຫຍັງ,ໜຶ່ງໃນຕົວເລືອກສຸດທ້າຍຂອງເຂົາເຈົ້າຕ້ອງມີຊື່ເຣົາຕິດຢູ່ໃນນັ້ນ.
ລະເປັນຈັງໃດລະ???ກະເອີ....ກຸນີ້ແລະ.
 

ຈະມີໃຜມານັ່ງຄິດ,ນອນຄິດ,ເຮັດຫຍັງກະຄິດ,ກະຍັງມີຄຳຖາມໃຫ້ໂຕເອງຕະຫລອດຄືກັບເຮົາບໍນໍ?

ທຸກຄັ້ງທີ່ມີສິ່ງຕ່າງໆເຂົ້າມາໃນຊີວິດ,ເຣົາກໍ່ຈະຄິດວ່າບໍ່ມີຫຍັງຫລາຍເດາະ..ຈັກໜ້ອຍມັນກະຜ່ານໄປ...

ແຕ່ຄຳຕອບທີ່ມີໃຫ້ໂຕເອງອອກມາກະບໍ່ມີຫຍັງດີຂຶ້ນເລີຍ(ມີແຕ່ຄວາມເວັງວ່າງ,ຫວ່າງເປົ່າ).

ແຕກຕ່າງກັບຊ່ວງເວລາທີ່ເຮົາຍັງເປັນເດັກນ້ອຍ,ທຸກຢ່າງເບິ່ງເປັນເລື່ອງສະບາຍໆບໍ່ມີຫບັງໃຫ້ຄິດລຳບາກກັບບັນຫາໃດໆເລີຍ

ນະເວລານີ້,ຄວາມຮູ້ສຶກນີ້..ຮູ້ສຶກເໝື່ອຍແລ້ວ,ຢາກຢຸດແຄ່ນີ້,ຢາກຫັນຫລັງໃຫ້ກັບທຸກຢ່າງ,ຢາກເປັນຝ່າຍຢຸດນິ້ງ"ແຕ່ກັບບໍ່ສາມາດ"

ການເຮັດສິ່ງໃດສິ່ງໜຶ່ງຄ້າຍຄືກັບວ່າ "ເຮົາກັບມາເລີ່ມຕົ້ນທີສູນຕະຫລອດ,ສຸດທ້າຍກັບມາມີແຕ່ຄວາມຮູ້ສຶກວາງເປົ່າກັບຄຳຖາມໃຫ້ໂຕເອງ"

ເລື່ອງທີ່ເຮົາເຈິ,ພົບພໍ້...ຍ້ອນເຮົາຄິດຫລາຍ ຫຼື

ວ່າເຮົາເປັນຄົນຂີ້ຄາດບໍ່ຍອມຮັຍກັບອະດິດທີ່ເກີດຂຶ້ນແລະຜ່ານໄປແລ້ວ,ແຖມບໍ່ກ້າປະເຊີນກັບບັນຫາທີ່ຍັງບໍ່ເກີດຂຶ້ນເທື່ອ!

ເປັນຍອມຄວາມຄິດເຮົາມັນເທົ່າສຸນ,ພຽງແຄ່ນັ້ນທີ່ສາມາດເຮັດໃຫ້ຄົນໜຶ່ງຄົນລົ້ມບໍ່ເປັນທ່າໄດ້?

ເລື່ອງເບື່ອໆຂອງຊີວິດຄົນໆໜຶ່ງ...ວາລະຄົບຮອບຫຼາຍເຫດການປະທັບໃຈ"ບ່ອນໃດຫວະ"
ອາດຈະບໍ່ແມ່ນເລື່ອງດັງ ຫຼື ໜ້າຕິດຕາມປານໜັງພາກຕໍ່ຂອງTransformerເດີ....
ເລີຍບໍ່ມີຄຳອວຍພອນ,ອາຫານພ້ອມເສີບ,ຫຼືເຄັກມາໃຫ້ກິນໃນນີ້.ມັນເປັນພຽງເລື່ອງເຊື່ອມໆຂອງ
ຄົນສຸຂະພາບຈິດ(ເຊື່ອມ)ເລັກໜ້ອຍຫາປານກາງແລະອາດມີໂຄ່ມ້າບາງເທື່ອທີ່ເຈິພວກເຊື່ອມໆ.
ໄດອະຣີ່ມື້ນີ້ກໍ່ແມ່ນໄດອະຣີ່ລຳດັບທີ່ 50 ຂອງຂ້ອຍ.
ແລະກໍ່ເປັນ 5 ເດືອນພໍດີ,ທີ່ໃຊ້ພັນລາວເປັນບ່ອນຊຸກຫົວນອນ(ໃນການຂຽນເລື່ອງເຊື່ອມໆ).
ແລະກໍ່ແມ່ນ 3 ອາທິດປາຍທີ່ໂນເວມເບີ້ຫຍິບຂໍ້ມື(ຍ້ອນນ້ຳແປບສັດ...ລົດຊາດຂອງຄົນສົ້ນຕີນ).
 "ຄຳຂັວນດີແຮະ,ເອົາໄປຈົດລິຂະສິດຊຳບໍ ອິອິອິ ນ້ຳຈືດຊືດ...ລົດຊາດຂອງຄົນສົ້ນຕີນ"
ຄຳເຕືອນ : ເດັກນ້ອຍ,ຄົນເປັນໂລກຫົວໃຈ,ຄົນທີ່ມີອາລົມອ່ອນໄຫວ,ຜູ້ດີ(ຕີນໃຫຍ່)...ຫ້າມເປີດອ່ານ.
ອັນເນື່ອງມາຈາກ...ໄດອະຣີ່ຂອງໂນເວມເບີ້ມັນເປັນໄດອະຣີ່ເລື່ອງເຊື່ອມໆໆ,ບໍ່ມີສະລາ,ຂາດຈິດວິນຍານຂອງຄົນດີ.
ຫົວຂໍ້ກະບອກລະເດະ....ວ່າເລື່ອງເຊື່ອມໆໆຂອງຄົນອາລົມ(ຈິດ)ເຊື່ອມ
(ຊິອ່ານແນວດີໆໆຕ້ອງໄປອ່ານໄດອະຣີ່ຂອງຜູ້ອື່ນເອົາເດີເຈົ້າ ອິອິອິ)

ເວລາທີ່ຄົນເຮົາຮູ້ສຶກເສົ້າ,ເບິ່ງຄືກັບວ່າຖ້າມີຄົນເປັນຮ້ອຍເປັນພັນມາຢືນຢູ່ທາງໜ້າເຮົາ.ມັນກະບໍ່ໄດ້ຊ່ວຍໃຫ້ເຮົາເບິ່ງມີຄຸ່ນຄ່າຫຍັງເດາະ.

ນີ້ແມ່ນໝູ່ເສຍເສັ້ນຂ້ອຍຍຍຍຍຍ, ເຫິ່ໆໆໆ ຕັດຕໍ່ພາບໄດ້ປັນຍາອ່ອນແທ້ໆໆຂ້ອຍ lolzz

ເປັນຫຍັງນໍກັບໄດອະຣີ່ຂ້ອຍ...

ເອະບໍ່ແມ່ນແຕ່ໄດອະຣີ່ເທົ່ານັ້ນໄດ, ແຕ່ມັນລວມໄປນຳເວັບບອດທີ່ຂອ້ຍບໍ່ສາມາດອັບເລື່ອງການຕະຫຼາດຂອງຕັນ-ໂອອິຊິໄດ້ນະ.

ອຸດສາວ່າຈະຂຽນພາກ2ໃຫ້ມັນຈົບ.ຂຽນແລ້ວກະເອົາມາອັບບໍ່ໄດ້ຊຳ.

ແຜນກາຍຕໍ່ໄປວ່າຈະມາເວົ້າເຖິງຜູ້ນຳCEOດ້ານນິຄົມອຸດສາຫະກຳຊື່ດັ່ງຂອງໄທ.

ໝົດເລີຍຍຍຍຍຍ:ຄວາມຄິດກຳລັງແລ່ນ,ກະມາຕົກມ້າຕາຍຊຳ(ບລ໋ອກໄດອະຣີ່)ຂ້ອຍ

ເຮັດຈັງໃດນິ????? ຄັນຊິຕັ້ງບລ໋ອກໃໝ່ກະບໍ່ຮູ້ວ່າຊິດີບໍ?

ລອງຂຽນໄດນີ້ເບິ່ງວ່າມັນຍັງເບິ່ງໄດ້ບໍ!!!!!!!!!!!!!!!!!.

(ຂໍອະລຳພະບົດເລື່ອງເສດຖະກິດໜ້ອຍໜຶ່ງ..... ອົດທົນອ່ານແນ່ເດີ T__T)

 

 

ກ່ອນໜ້ານີ້ແລະມາຮອດມື້ນີ້ມັກຈະມີໝູ່ມາຖາມ,ຖາມວ່າໄປຫຼິ້ນໃສ່ວາເລນທາຍ

ຈັກຊິຕອບແນວໃດບຸ, ເພາະທຸກປີກະບໍ່ໄດ້ອອກໄປໃສ່?

ລະຊິຖາມເຮັດຫຍັງເນາະໝູ່ຂອ້ຍ,

ໄປບໍ່ມື້ນີ້, ຊິພາກັນໄປກິນສະເຕັກ(ຈັງແມ່ນພວກເຈົ້າເລືອກກິນມື້ສຳຄັນເນາະ).

ລະຂ້ອຍຊິໄປເອົາໂລກເບົາຫວານເຂົ້າສະໝອງຂອ້ຍເຮັດຫຍັງ.....

ກິນໄປເຫັນພວກເຈົ້າSweetກັນເປັນຄູ່ໆໆຢູ່ໂຕະອາຫານຫັນຫວາ((ໝູ່ຂອ້ຍຈັງແມ່ນດີເນາະ!!!!!)

ກິນໄປພໍດີສະເຕັກຂ້ອຍຄືຊິຫວານຈົນຂ້ອຍຕ້ອງເປັນເບົາຫວານຍ້ອນພວກເຈົ້າແລະໝູ່ເອ໋ຍໆໆໆໆ

....ອີກພວກໜຶ່ງກະຊິໄປເບິ່ງແຟນຂຶ້ນຄອນເສີດຢູ່ຂອງວີວຕອນແລງຄືນນີ້...

ແຕ່ຂ້ອຍກະບໍ່ໄປເພາະເຫັນກະເຈົ້າຮ້ອງຕະຫຼອດ.....

(ບັນຫາໜຶ່ງຍ້ອນຂ້ອຍບໍ່ຢາກກິນຂອງມື້ນເມົາ ເພາະຂ້ອຍເປັນມະນຸດເມົາຄາງປະຈຸບັນ)

ເປີດໂທລະສັບມາກະເຈິ : ມີຄວາມສຸກວັນວາເລນທາຍເດີໆໆໆໆ ຕອນແລງໄປຫຼິ້ນໃສ່ກັບແຟນ?.

ຈົບເລີຍຂ້ອຍໆໆໆໆ ຈົບແບບງົງໆໆ ຈັກຊິຕອບແນວໃດ.

ຄຳຖາມນີ້ປານໄປເສັງຈົບການເງີນພຸ້ນຕົວະ.

ບໍ່ຮູ້ຊິຕອບໄປເຮັດຫຍັງ ແນວພວກMgກະຮູ້ຢູ່ວ່າຂ້ອຍຊິຢູ່ບ້ານນຳແມ່.

 ຈົບແບບງົງໆໆໆເລີຍຊີວິດມື້ນີ້.

ຖ້າປີໃດບໍ່ມີມື້ວາເລນທາຍຄືຊິດີ .

ມື້ນີ້ກະໝົດໄປແລ້ວອີກມື້ໜຶ່ງ ຈາກຕອນເຊົ້າມາກະຮອດຕອນຄ່ຳແລ້ວ,ກະຍັງວົນວຽນແນວນີ້ຄືເກົ່າ

ຕອນເຊົ້າກະເຮັດວຽກໃຫ້ຂັ້ນເທບ,ຄ່ຳມາກະກັບມາຢູ່ມຸມເດີມໆຄວາມຣູ້ສຶກເສົ້າມັນມາແຕ່ໃສຫວະ,ເສົ້າທັງທີ່ບໍ່ໄດ້ມີຫຍັງເລີຍ.

ອາການແນວນີ້ມັນເປັນຫຍັງຄືເປັນສ່ວນໜຶ່ງຂອງຊີວິດປະຈຳວັນຂອງຂ້ອຍ, ຢູ່ດີໆກະເຫງົາໄດ້ຕະຫຼອດເວລາ,

ຈົນເປັນຄົນຂີ້ລືມເຂົ້າຂັ້ນ3ແລ້ວນີ້....ເຣິ້ ເປັນເອົາແຣງແລ້ວ.

ມື້ຄືນເຊັງແຣງ, ບອກໝູ່ມາຫາກະຄ່າວຽກໝົດ ວ່າຈະຊວນມາກິນເບຍຢູ່ບ້ານຄັ້ງແລກ ກະບໍ່ເຫັນໃຜຕອບ

ຂ້ອຍກະເລີຍໄປກິນເບຍນຳໝູ່ຢູ່ຣ້ານສະ ອິອິອິອິ ກະເມົາຕາມເຄີຍ

ຕືນມາກະເລີຍເມື່ອຍຢ່າງແຮງ,ຕື່ນສວຍໂຄດດດດ ເລີຍຖືກຂັ້ນເທບດ່າ 55555 ແຖມຖືກແມ່ບ້ານຮ້ານອາຫານດ່າອີກ ຈັງແມ່ນເປັນຕາຊັງສົ່ງເຄື່ອງຊ້າກະເວົ້າໃຫ້.

ຕອນຄ່ຳກະຈະອອກໄປກິນເບຍອີກ ເປັນການຮ່ວມໂຕຂອງSociety Gang ແນ່ນອນດົນໆໄດ້ເຈິກັນ

ເພາະໝູ່ພາກັນໄປGo interໝົດ ຍັງແຕ່ຂ້ອຍນີ້ແລະຖ້າຕຳເບຍຢູ່ລາວນຳພວກບ້ານີ້.

 ປ.ລ ຄວນພິຈາລະນາຍານໃນການອ່ານ

ຄົນໃດທີ່ເຂົ້າມາອ່ານກະບໍ່ຄວນໃຊ້ຄຳເວົ້າດູມີ່ນຄົນຂຽນເດີ, ເພາະຂພຈບໍ່ຢາກໃຊ້ຄຳບໍ່ສຸພາບຕອບກັບຄືກັນ.ຂພຈກະບໍ່ໄດ້ແມ່ນຄົນເວົ້າມ່ວນປານໃດ

ເພາະEntryນີ້ແມ່ນອາລົມສ່ວນຕົວຂອງເຈົ້າຂອງໂປຼຟາຍນີ້,ຕອນນີ້,ເວລານີ້.

ໄວ້ມື້ໜ້າຈະເອົາເລື່ອງດີໆມາໃຫ້ອ່ານ ເຊັ່ນ ລົດປາຍສີຟ້າ,ທະນາຄານຂອງລັດເປັນຕົ້ນ.

ເຈິກັນEntry ໜ້າ.ໄປກິນເບຍກ່ອນເດີ 55555

ເຖິງຈະເປັນປີໃໝ່ແຕ່ຄວາມຮູ້ສຶກເບື່ອໆນີ້ຄືບໍ່ໝົດຈັກເທືອ

ແລະນີ້ກໍ່ແມ່ນວັນທີ 1/1/2009 ລະມີຫຍັງຫລະ?
ກະຍັງເປັນຂ້ອຍຄົນເກົ່າ ບໍ່ເຫັນມີຫຍັງຮູ້ສຶກດີ
ຢູ່ຄົນດຽວລະມັນຊິຕາຍປານນັ້ນພຸ້ນຫວາຂ້ອຍ?

ຈາກມຸມເດີມໆເວລາເດີມໆທຸກໆເຊົ້າ 

ຊີວິດກະມີແຄ່ນີ້ ຕືນຂຶ້ນມາກະເຫັນພາບບັນຍາກາດນີ້ທຸກເຊົ້າ ແລະ ນີ້ກໍ່ແມ່ນເຊົ້າມື້ໜຶ່ງຂອງປີ2009

ປ.ລ ພວກໃດເປັນຄົນອາລົມບໍ່ອ່ອນໄຫວກະຢ່າປວດຫາກເດີທີ່ອ່ານ ອິອິອິອິ

ເພາະນີ້ແມ່ນອັນທີ່ຂ້ອຍຂຽນຢູ່Blog diary ອີກເວປໜຶ່ງຂອງລາວເຣົາ.

ບໍ່ຮູ້ຊິຂຽນຫຍັງກະເລີຍໄປເອົາອັນເກົ່າມາໃຊ້ຢູ່ເວປພັນລາວ

ຄິດໄວ້ວ່າຈະເຮັດນັ້ນເຮັດນີ້ ແຕ່ຮອດຍາມກະບໍ່ເປັນໄປຕາມທີ່ຕັ້ງໃຈໄວ້

ສະຫຼູບວ່າ ເຮົາເອງເປັນບ້າຄົນດຽວ ກະເຈົ້າກະບໍ່ໄດ້ຊິມາຈິງຈັງນຳນະ 55555 ບໍ່ໂທດໃຜເດາະ (ເພາະບາງທີ່ເຮົາເອງກະແອບປັນໃຈໃຫ້ຄົນອອ້ມຂ້າງເລີຍໆໆຢູ່)