ໄດອາຣີ່ຂອງ ╬═ ‡ November™ ‡ ╬═ ເລື່ອງເບື່ອໆຂອງຄົນເສຍອາລົມຈິດ.

ມະນຸດລ່າເງີນພັນລາວວິ້ງຟັດໂລກ ຫຼື ມະນຸດກະຕູນ.

ຂຽນເມື່ອ: ກ.ພ.. 16, 2009 | ມີ 4 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ມື້ນິ້ເຮົາຈະມາເລົ່າເລື່ອງມະນຸດ(ອີກແລ້ວ). ເລື່ອງນີ້ເປັນເລື່ອງຈິ່ງ,

ແຕ່ງຂຶ້ນມາເພື່ອຄວາມຫັນສາ(ປົນກັບອາລົມກວນປະສາດ), ເປັນຕາລົກ(ຝຶດໆໆ)ທີ່ຂພຈຕ້ອງການແບ່ງປັນໃຫ້ໝູ່ໆທຸກຄົນໄດ້ຫົວນຳກັນ.

ຂຽນຂຶ້ນມາເປັນການຢ໋ອກລໍ້ຊື່ໆໆໆ,ບໍ່ໄດ້ແປວ່າມະນຸດດັ່ງກ່າວຈະເປັນຄົນບໍ່ດີ,

ໃນມຸມກັບກັນມະນຸດ(ມະນຸດທຸກປະເພດທີ່ຂພຈຂຽນ)ອາດເປັນຄົນດີກວ່າເຮົາ,ເຈົ້າ,ຂ້ອຍກະມີ.

ມະນຸດໃນບົດຄວາມຂພຈຂຽນ,ໃຊ້ແທນການກະທຳ(ຈຸດເດັ່ນ)ບາງຢ່າງທີ່ເຮັດໃຫ້ເປັນຕົວແທນຂອງຄົນໆນັ້ນ.

ຈິ່ງເອີ້ນວ່າ : ມະນຸດ.ເຊັ່ນມະນຸດກົດວາງ,ມະນຸດເມົາງ່າຍ….ເປັນຕົ້ນ.

(ບໍ່ໄດ້ເຈາະຈົງບຸກຄົນໃດ,ເປັນການຕັ້ງຂຶ້ນມາເພື່ອຄວາມຫັນສາປະສົມຄວາມໄຣ້ສາລະ ອິອິອິ).

ເລີ່ມກັນເລີຍ……………………ກັບມະນຸດກະຕູນ.

ມະນຸດກະຕູນນີ້,ຂພຈໄດ້ແຮງບັນດານໃຈມາຈາກເວັບພັນລາວນີ້ແລະ.

ເພາະເວລາອ່ານບົດໄດລະຣີ່ຂອງໃຜກະມັກຈະເຫັນມະນຸດດັ່ງກ່າວມັກເຂົ້າໄປຄອມເມັ້ນດວ້ຍໂຕກະຕູນຢ່າງດຽວ.

ບໍ່ວ່າບົດຄວາມນັ້ນຈະດີ,ຈະມ່ວນ,ຕະລົກ,ເສົ້າ,ຈະເປັນເລື່ອງຈິ່ງອິຫຍັງກະຢ່ານະ,ປະມານວ່າຂ້ອຍກໍ່ຊິເອົາແຕ່ກະຕູນບັນຍາຍແທນໂຕໜັງສື(ໃຜຊິວ່າຫຍັງ,ມັນສິດສ່ວນຕົວຂ້ອຍ). ເຫັນເປັນແນວນີ້ຕະຫຼອດກະອິຕົນຄົນຂຽນບາງລາຍ,ເພາະກະເຈົ້າຂຽນມາກະຢາກໃຫ້ຄົນອ່ານ,

ເມື່ອອ່ານແລ້ວກະຄອມເມັນກະໄດ້,ບໍ່ຄອມເມັນກະບໍ່ເປັນຫຍັງ(ຊິຄອມເມັ້ນມີໂຕໜັງສືບວກກະຕູນກະໄດ້,ແຮງດີໃຈນະ).

ແຕ່ມະນຸດດັ່ງກ່າວກັບບໍ່ສົນໃຈໆໆໆໆຫຼິ້ນເອົາແຕ່ໂຕກະຕູນມາຄອມເມັນ.

ຈາກທີ່ຂພຈເຫັນມາ, ~~ຈະມີຢູ່2ຄົນ~~ທີ່ເພິ່ນມັກໆໆໆເຮັດແນວນິ.ທຸກບົດຄວາມຂພຈ,ບົດສຳຫຼວດ,

ມະນຸດດັ່ງກ່າວ,ເພິ່ນກໍ່ຈະເຮັດແນວນິ້ເປັນປະຈຳ(ອິອິອິ),ກວນປະສາດຂ້ານ້ອຍເລັກໜ້ອຍເຖິງປານກາງ 5555.

ມີບາງເທື່ອເຂົ້າມາຄອມເມັ້ນບົດຄວາມດຽວຕັ້ງວ່າ2ຄັ້ງ(ຕອນເຊົ້າ,ກັບຕອນແລງ--ສຸດຍອດດດ--)”

ສະແດງວ່າຜູ້ກ່ຽວເປັນຄົນດຸໝັ້ນ,ເພາະມີການເຊັກເລດຕິ້ງວ່າມີໃຜມາຄອມເມັ້ນບົດຄວາມດັງກ່າວແບບຕາລົກບໍ່?

ຖ້າມີ,ດຽວຂ້ອຍກະຊິເອົາກະຕູນມາເຮັດຫົວຂັວນແທນອາລົມໃຫ້ເບິ່ງຈັກ2-3ຄອມເມັ້ນໃນໄດອະຣີ່ດຽວຫັນແລະ---ປະມານນັ້ນ---”5555

ທຳອິດກະງົງໆໆໆຢູ່ວ່າ : ເອະ,ກະເຈົ້າອ່ານບໍ່ຈົບຍ້ອນໄດອະຣີ່ຂ້ອຍມັນຍາວໂພດບໍ? ເລີຍເອົາກະຕູນເປັນສິ່ງຕອບແທນທີ່ເຮົາຂຽນມາໃຫ້ເພິ່ນອ່ານ.

ແຕ່ພໍຂພຈໄປອ່ານໄດອະຣີ່ຂອງຄົນອື່ນ...ກະເຈິແບບດຽວກັນນີ້ຕະຫຼອດ.ຈົນມາຮ້ອງ ອໍໆໆໆໆແບບນີ້ນິເອງ.

ຫຼິ້ນເອົາຂ້ອຍຄິດຫຼາຍຕັ້ງແຕ່ດົນໆໆວ່າເປັນຍ້ອນຂ້ອຍຂຽນຫຼາຍ,ຂຽນບໍ່ມ່ວນສັນເດາະ ເພິ່ນກະເລີຍເອົາກະຕູນມາຄອມເມັ້ນເພື່ອບໍ່ໃຫ້ຂ້ອຍເສຍໃຈ.

ທີ່ແທ້ ~~Koo~~ ກະຄິດຜິດໄປເອງເນາະ(ຈັງແມ່ນເຈົ້າໂງ່ເນາະNovember).

ທີ່ຈິ່ງມະນຸດດັ່ງກ່າວຕ້ອງການປ້ຳເງີນໃຫ້ຕົວເອງນັ້ນເອງ 55555(ຈັງແມ່ນຂ້ອຍຄິດບໍ່ຮອດ).

ກະເລີຍໃຫ້ສາຍາເປັນ : ມະນຸດລ່າເງີນພັນລາວວິ້ງຟັດໂລກ(ເອົາໄວ້ໄປແປງຄູ່ແຂ່ງກັບ ເສິ້ນຫລົງ ອິອິອິ) ຫຼື ອີກຊື່ໜຶ່ງກໍ່ຄື : ມະນຸດກະຕູນ.

ພວກທ່ານພໍຈະພາກັນມ່ວນໆໆ,ຣ່າໆໆກັບບົດຄາມນີ້ ບໍ? 555 ບອກແລ້ວວ່າຂ້ອຍຂຽນເປັນແຕ່ແນວຕະລົກຝຶດໆໆໆງົງໆໆໆກວນໆໆປະສາດ.

ມາຮອດນີ້ກະຂໍລາໄປກ່ອນ,ເຈິກັນກັບເລື່ອງມະນຸດ…..(ມະນຸດໃດດີນໍ???) ຕິດຕາມຕໍ່ໄປ.

ຕ້ຽມໂຕຖືກມະນຸດດັ່ງກ່າວດ່າລະຂ້ອຍ,ຍ້ານຖືກເນັບຢູ່ບາດນີ້ ອິອິອິອິ.ສ້ຽວສັນຫຼັງເດະ ຫື່ໆໆ.

ປ.ລ ນີ້ແມ່ນຍັນກັນຜີທີ່ຂພຈຂຽນດັກໄວ້ເພື່ອບໍ່ໃຫ້ມະນຸດກະຕູນຄອມເມັ້ນກວນໆໆໃນບົດຄວາມໜຶ່ງທີ່ຜ່ານມາ,

ແຕ່ກະບໍ່ໄດ້ຜົນ ເພາະຜູ້ກ່ຽວກະເຮັດຢູ່ດີ 55555 (ກວນປະສາດຂ້ອຍສຸດຍອດດດ).

ກົດຂອງການຄອມເມັ້ນຄື:ຈາກບັນຫາທີ່ມີການໃຊ້ກະຕູນແທນພາສາຂຽນຢ່າງດຽວ.
ເມື່ອເຂົ້າມາແລ້ວ,ມີໜ້າທີ່ອ່ານກະອ່ານໄປ,ບໍ່ຄອມເມັ້ນກະບໍວ່າກັນ(ຂພຈຍັງຮູ້ສຶກດີຂອບໃຈ).
ແຕ່ຢ່າໃຊ້ແຕ່ກະຕູນແທນການຄອມເມັ້ນຢ່າງດຽວ.
ເພາະອາດເຮັດໃຫ້ຜູ້ຂຽນອາລົມນ້ອຍໃຈລຸກຂຶ້ນມາຍິ້ມໃຫ້ເດີ.
ຄວນເຄົາລົບສິດຂອງຄົນຂຽນແດ່.
ຖ້າຊິໃສ່ແຕ່ກະຕູນລະກະບໍ່ຄອມເມັ້ນມັນຊິດີກວ່າ.
ບໍ່ເຂົ້າມາອ່ານບົດຂ້ອຍຕໍ່ໄປກະໄດ້ຖ້າມັນໄລສາລະນະສຳລັບພວກທ່ານ(ກະຕູນ).
ຂໍຂອບໃຈທີ່ໃຫ້ຄວາມຮ່ວມມື ^ ^.

ສິ່ງແວດລ້ອມພາຍນອກແລະການນອນ

ຂຽນເມື່ອ: ມ.ກ.. 30, 2009 | ມີ 23 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ມື້ນີ້ແມ່ນອາລົມສ່ວນຕົວອີກຄັ້ງໜຶ່ງ,ບໍ່ຖືກໃຜກະບໍ່ຮູ້ວ່າ ຄວາມໃຈຮ້າຍໃຫ້ ~~LUT~~ມັນມີຫຼາຍບໍ່ໄດ້ຢາກເວົ້າໃຫ້ໃຜໃດ

ແຕ່ສະຖານະການພາໄປ

ແມ່ນໃຜແນ່ທີ່ບໍ່ໃຈຮ້າຍຖ້າກຳລັງນອນຢູ່ລະມີສິ່ງນັ້ນສິ່ງນີ້ມາກວນໃຈ.

ມີເລື່ອງໜຶ່ງທີ່ກວນໃຈຂພຈ ແລະ ທຸກຄົນທີ່ຢູ່ແຖວບ້ານມາໄດ້ປະມານເກືອບ2ເດືອນແລ້ວ.

ເລື່ອງນີ້ບໍ່ເວົ້າບໍ່ໄດ້ ເພາະມັນເປັນເລື່ອງໃຫຍ່ແທ້ໆ,

ແລະແລ້ວເລື່ອງມັນກໍ່ສ້າງຄວາມເດືອດຮ້ອນມາໃຫ້ຊາວບ້ານຕາດຳໆຄືພວກຂພຈ,

ເລີ່ມຈາກກ່ອນມື້ປີໃໝ່ສາກົນ, ໄດ້ເລີ່ມມີການຕອກເສົາເຂັ້ມບ່ອນດັ່ງກ່າວ, ຖ້າມັນເປັນເສົາເຂັ້ມທຳມະດາກະແລ້ວໄປ ແຕ່ມັນຫຼິ້ນເອົາເສົາເຂັ້ມ ແລະ ລົດຕອກເສົາເຂັ້ມທີ່ສັ່ງພິເສດມາແຕ່ໄທ ຄິດເບິ່ງວ່າຄວາມໃຫຍ່ຂອງເສົາເກືອບເທົ່າກັບກົງຫຼໍລົດຈັກພຸ້ນນະ ສ່ວນຄວາມຍາວກະປະມານຕຶກ2ຊັ້ນ ແລ້ວມັນມີເສົາທີ່ຈະຕອກຕັ້ງວ່າ100 ຫາ 200ເສົາ.

ໂອ້ຍ….ອີ່ພໍ່ອີ່ແມ່, ຈັງແມ່ນມັນຄິດຫຍັງຢູ່. ຄິດວ່າລາວຊິແຜ່ນດິນໄຫວສັນຫວະ t_t

ແລະມື້ທີ່ຂພຈທົນບໍ່ໄຫວແທ້ກໍ່ເລີ່ມຂື້ນເມື່ອມັນເລີ່ມຕອກເສົາເຂັ້ມລົງພື້ນດິນດັ່ງກ່າວ ເພາະຄວາມແຮງຂອງມັນກໍ່ໃຫ້ເກີດການສັ້ນໄຫວໄປທົ່ວອາຄານບໍລິເວນອອມຂ້າງ, ບ້ານເຮືອນສັ້ນຈົນເປັນຕ້າຍ້ານ,ເກີດຮ້ອຍຣາວຕາມຝາບ້ານແລະຫ້ອງນອນ,ໂດຍສະເພາະບ້ານຂພຈເກີດຣ້າວຢ່າງແຮງ ເພາະບ້ານເກົ່ານີ້ແລະ.

ຊາວບ້ານແຖວນີ້ກໍ່ໄດ້ຮັບຄວາມເດືອດຮ້ອນທົນບໍ່ໄດ້.ສຸດທ້າຍເລີຍບໍ່ມີໃຜເຂົ້າມາອະທິບາຍວ່າ ອັນທີ່ໂຄດdadyມັນເຮັດຢູ່ນີ້(ອັນທີ່ພວກKooຊິຕາຍຍ້ອນເຮືອນຊິຖະລົ່ມຢູ່ນີ້ມັນແມ່ນຫຍັງກັນແທ້).

ສົງໄສຄົນທີ່ເຮັດວຽກ@$^&(*@%@&ຄືຊິພາກັນອິມໝົດແລ້ວເລີຍບໍ່ມີໃຜຊ່ວຍ,ເຮັດບໍ່ຮູ້ບໍ່ເຫັນໃນສິ່ງທີ່ເກີດຂຶ້ນ.

ໃນໃຈເລີຍຢາກຮ້ອງດັງໆວ່າ…(ຖ້າໃຫ້ພວກKooຕາຍໝົດໂຄດກ່ອນແລ້ວຄືຊິບອກວ່າເອິ….ຂໍຄວາມເສຍໃຈກັບເຫດການທີ່ເກີດຂຶ້ນຕິເບາະ? ຈັງແມ່ນKooຊັງພວກMeungເດະ $%*$#)$Q ພວກສົ້ນຕີນ $@^)*)$^#^%!%).

ມັນຕອກເສົາເຂັ້ມແລ້ວໝົດລະ ຫາກະຊິມາຕັ້ງປາຍຕິດບອກມື້ກ່ອນນີ້ .......

(ເອິ ! Zuຄັກຫຼາຍ Kooຍົກນິ້ວມື້ໃຫ້ເລີຍ t—t )

ເຄີຍໄດ້ຍິນຄົນແຖວບ້ານເວົ້າວ່າທີ່ມັນຕອກຫຼາຍປານນັ້ນ ເພາະມັນຈະສ້າງ3ຊັ້ນ,ມັນຍານແຜ່ນດິນໄຫວເລີຍເຮັດປານນີ້

(Kooວ່າມຶ່ງຕອກແຄ່50ເສົາ,ອາຄານມຶງກະບໍ່ສະເໝັນເດາະ100ປີ, ແຕ່ບ້ານKooນີ້ແລະມັນຊິບໍ່ຫຼອດຮອດ10ປີ, ເບິ່ງມັນຄືຊິຖະລົ່ມເອງແທ້ຍ້ອນພວກມຶງ)

ແຜນດິນໄຫວສົ້ນຕີນຫັຍງຢູ່ນີ້.

-----ເກີດອາການເຊັງສົ້ນຕີນສຸດຍອດກັບສະຖານະການແບບນີ້….

1. ການກໍ່ສ້າງອານຄານກິລາແລະການນອນ.

ຕອນປີໃໝ່ຂພຈກໍ່ນອນຢູ່ຫ້ອງນອນຢູ່ຊັ້ນ3ທຳມະດາ ເພາະໄປມ່ວນຈົນແຈງກັບມາບ້ານກະນອນຕອນເຊົ້າ…..ນອນຫຼັບກຳລັງຄັກ,ເອົາແລ້ວໆໆໆໆໆໆມັນເອົາອີກແລ້ວ ມັນຕອກເສົາເຂັ້ມອີກແລ້ວ, ແຕ່ລະມື້ກູນອນແບບຍ້ານໆທຸກມື້,ໂດຍສະເພາະຫ້ອງຂພຈມັນຢູ່ຊັ້ນສູງ ມັນກະເລີຍສັ້ນບັກແຮງໆໆໆໆໆ ແທ້ໃດພີ່ນ້ອງ ຄວາມຮູ້ສຶກຕອນມັນສັ້ນມັນຄືເຮືອນຊິຖະລົ່ມນີ້ແລະ ນອນກະຕອນເຊົ້າຕອນສວຍກະຈົນບໍ່ໄດ້.

ແຕ່ມື້ນີ້ປີໃໝ່ຊູກະຍັງຕອກເສົ້າອີກຫວາຫ໋ະ….. ຂ້າພະເຈົ້າກະເລີຍຈຳໃຈຫຼັບຕານອນຕໍ່ໄປ ເພາະຍ້ອນຄວາມເມົາຈາກງານລ້ຽງ ໃນໃຈກະເລີຍບອກວ່າ (ເອິ…ຄັກຫຼາຍ Meungຕອກໂລດ KooຕາຍKooກະບໍ່ສົນໃຈລະ Kooບໍ່ມີປັນຍາລົງໄປລຸ່ມແລ້ວ Kooຊິນອນ).

2. ສຽງໂທລະສັບແລະການນອນ.

ຈັກເປັນຫຍັງບຸ໋ ມີໂອກາດໄດ້ລັກໄປນອນຕອນເຊົ້າ ຕອນບໍ່ໄດ້ໄປສົ່ງເຄື່ອງແລ້ວ ມັນຕັ້ງເປັນການນອນທີ່ລຳບັກແທ້ໆໆໆ

ຊິນອນຕອນເຊົ້າລະມັກມີນັ້ນມີນີ້ມາຂັດໃຈຕະຫຼອດ.

ມື້ວານຕອນ10ໂມງກຳລັງນອນດີໆ ສຽງໂທລະສັບກະດັງຂຶ້ນ ມືຂຈພກະຮັບໂດຍອັດຕະໂນມັດທັງທີ່ຫຼັບຢູ່….

ໂທລະສັບ : Hello ລາວໂທລະຄົມສະບາຍດີ ^#(*^$()@

November : ອືມມມມມມມມ ^@(&*^@(*$@( ສະບາຍດີ(ບ່ອນໃດ?)

ໂທລະສັບ : ອັນນີ້ແມ່ນເບີ 4468X68 ແມ່ນບໍ?

November : ເຈົ້າແມ່ນແລ້ວ (ບໍ່ແມ່ນລະຄືໂທມາຖືກສັນນະ ຍາທ່ານເອີຍ !!!)

ໂທລະສັບ : ເຈົ້າ ເບີຂອງທ່ານແມ່ນຈະໝົດອາຍຸການນຳໃຊ້ມື້ນີ້ເນາະ ທ່ານຈົງຕືມມູນຄ່າໂທຂອງທ່ານດ່ວນເດີ,

ທ່ານຮູ້ບໍ່ວ່າເຮົາມີການແຈກລົດຈັກ FINO 5ຄັນທຸກເດືອນ ບລາໆໆໆ…

November : ຈ່າວໆໆໆໆ (ກົດວາງສາຍໄປເລີຍ)

ຕືນມາກະຄິດວ່າເອ້…ຄືວ່າມີຄົນໂທຫາເວົ້າໂທລະສັບຫຍັງຫວະ???ນອນລະຈົນຈື່ບໍ່ໄດ້ວ່າຄົນທີ່ລົມຕອນນອນມາແມ່ນໃຜເວົ້າຫຍັງ?

ເອິໆໆໆໆໆໆໆໆໆໆ ແປກເນາະຢູ່ດີໆກະມີແນວນີ້ອີກ ຮອດມື້ໝົດກະໂທມາບອກອີກ

ຈັງແມ່ນຍ້ານບໍ່ຕື່ມເງີນ (ຫາກະຊື້ເບີWe fly ມາບໍ່ຮອດເດືອນ, ໜີ້ຈາກຂໍ້ຄວາມຂອງTIGOມາບໍ່ຮອດມື້ກະມາເຈິໂທແຈ້ງແນວນີ້).

ຫາກະຮູ້ຈາກໝູ່ກີ້ນີ້ວ່າບໍລິການຈາກລາວໂທລະຄົມທີ່ໂທແຈ້ງບອກ, ຂອບໃຈສັງຄົມ .

╬═ ‡ November™ ‡ ╬═ ເລື່ອງເບື່ອໆຂອງຄົນເສຍອາລົມຈິດ.

ເບິ່ງທັງໝົດ

ອ່ານຄືນຫຼັງ

2009 (51)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.