ຊາວຕ່າງປະເທດສ່ວນຫຼາຍບໍ່ຮູ້ຊ້ຳວ່າເຮົາເຄີຍຖືກຮຸກຮານຈາກພວກລ່າເມືອງຂຶ້ນມາດົນນານປານໃດ
ແລະ ເກີດເຫດການໂຫດຮ້າຍຫຍັງແດ່.
ເປັນທີ່ໜ້າຕົກໃຈທີ່ຄົນຕ່າງປະເທດ,ນັກທ່ອງທ່ຽວສ່ວນໃຫຍ່ບໍ່ຮູ້ວ່າລາວເຮົາ
ກໍ່ເຄີຍເປັນໜຶ່ງໃນອີກຫຼາຍປະເທດທີ່ຖືກສົງຄາມຮຸກຮານ ແລະ
ຊຳບໍ່ໜຳຍັງຄິດວ່າລາວເຮົາຄືຊິພາກັນຖືປືນກັນໝົດບ້ານໝົດເມືອງ,
ເພາະຂ້າພະເຈົ້າໄດ້ຍິນນັກທ່ອງທ່ຽວຄົນໜຶ່ງບອກວ່າກ່ອນຊິມາ,ລາວບໍ່ຮູ້ວ່າປະເທດລາວຢູ່ໃສ່ຂອງໂລກ,ຄືຊິເປັນປ່າດົງດິບ,ແຕ່ພໍໄດ້ມາເຫັນເອງຈິງຮູ້ວ່າອັນທີ່ຄົນອື່ນເວົ້າມາແລະອັນທີ່ລາວຄິດມາມັນຄົນລະເລື່ອງເລີຍ.
ນັ້ນສະແດງວ່າຄວາມຮັບຮູ້ຂອງຕ່າງປະເທດກ່ຽວກັບປະເທດລາວເຮົາຍັງມີໜ້ອຍຫຼາຍ.
ພູມໃຈຢູ່ໜ້ອຍໜຶ່ງທີ່ກຸ່ມຄົນດັ່ງກ່າວໄດ້ມາສຳພັດກັບຫໍພິພິດຕະພັນແຫ່ງນີ້,ເຂົາເຈົ້າຈິ່ງໄດ້ເຂົ້າໃຈວ່າປະເທດທີ່ຕົນເອງເກີດມານັ້ນໄດ້ສ້າງຄວາມປ່າເຖືອນຫຍັງແນ່ໃຫ້ປະເທດອື່ນ.
ນັ້ນກໍ່ຄືປະເທດມະຫາອຳນາດຂອງໂລກໃນອະດິດ ຝລັ່ງ ແລະ ອາເມລິກາ
ໄດ້ສ້າງວິນາດສະກຳຫຍັງແດ່ໃຫ້ລາວ ແລະ ບາງປະເທດໃນອາຊີ.
ແຕ່ລະມື້ຍ້ານຂ້າພະເຈົ້າວາງວຽກຈັດດດ(ຫຼາຍຕິເບາະ)ເລີຍຖືກຂັ້ນເທບໃຫ້ເປັນເດັກສົ່ງເຄື່ອງ
ເລຍມີໂອກາດໄດ້ເຫັນສະຖານທີ່ອອ້ມແອມໃກ້ບ້ານຕົນເອງ,
ທຸກໆມື້ໄດ້ມີໂອກາດເຂົ້າໄປສຳພັດເບື້ອງຫຼັງຫ້ອງຄົວຂອງຮ້ານອາຫານຜູ້ດີ,ຫ້ອງຄົວໂຮງແຮມ,
ຮ້ານກະເຝແອນຂະໜົມສຸດແພງສຳຫຼັບຄົນລາວທຳມະດາຄືຂ້າພະເຈົ້າຈະຫາຊື້ກິນໄດ້.
ຕ້ອງຂອບໃຈຂັ້ນເທບ(ແມ່ຂ້ອຍເອງ ຂ້າພະເຈົ້າມັກກວນແມ່ວ່າ ຂັ້ນເທບ 5555)
ເພິ່ນໄດ້ອອກໜັງສືອາຍາສິດໃຫ້ຂ້າພະເຈົ້າເປັນເດັກສົ່ງເຄື່ອງໃຫ້.
ສ່ວນຂັ້ນເທບເພິນກໍ່ເປັນWorldBankປະຈຳບ້ານນັ້ນເອງ5555
ມື້ນີ້ບັງເອີນມີວຽກໄປສົ່ງເຄື່ອງຢູ່ຫໍພິພິດຕະພັນແຫ່ງຊາດ(ກະໄປຕະຫຼອດ ອິອິອິ)
ເພາະໄດ້ຮັບຄຳສັ່ງຈາກຂັ້ນເທບຢູ່ບ້ານໃຫ້ຂ້າພະເຈົ້າໄປເກັບເງີນ.
ເທົ່າທີ່ຈື່ຄວາມໄດ້…ຄັ້ງຫຼ້າສຸດທີ່ໄດ້ເຂົ້າໄປເບິ່ງຂ້າງໃນຫໍແບບເຕັ້ມໆແທ້
ແມ່ນ10ປີທີ່ແລ້ວ (ທັງທີ່ເຮືອນໃກ້ແຄ່ນີ້ກະບໍ່ເຄີຍໄປເບິ່ງເລີຍຂ້ອຍ,ຈັງແມ່ນຂ້ອຍຂີ້ຄານ)
ແລະແຕ່ລະເທື່ອທີ່ໄປຫັນກໍ່ຄິດວ່າຈະຂໍຄົນເຝົ້າວຽກຢູ່ຫັນເຂົ້າຊົມຟຣີຈັກເທື່ອ ອິອິອິອິ,
ສຳພັດມີແນວຕ້ອງໄປເຮັດຕະຫຼອດ,ເລີຍບໍ່ມີໂອກາດໄດ້ໄປເບິ່ງສະພາບດ້ານໃນແບບເຕັ້ມໆ.
ສະພາບດ້ານໃນແມ່ນມີການປັບປຸງໃໝ່ຫຼາຍຂຶ້ນ, ປະຈຸບັນກໍ່ໄດ້ມີຊ່ຽວຊານຈາກຕ່າງປະເທດ(ປະເທດໃດບຸ ອິອິອິ ສົມເປັນນັກຄົ້ນຄົ້ວອິຫຼິ ລາວເຖົ້າໆ...) ມີວັດຖຸບູຮານທີ່ຖືກຄົ້ນພົບມາຈັດສະແດງ
ຖືວ່າໄດ້ສຳນິກໍ່ດີແລ້ວສຳຫຼັບລາວເຮົາ.ອາດຈະບໍ່ທັນສະໄໝ ແຕ່ໃນສາຍຕານັກທ່ອງທ່ຽວຖືວ່າ
ຄົງສະພາບອາຄານຊົງເກົ່າໄວ້ໄດ້ດີຫຼາຍ,ເພາະອາຄານດ້ານນອກຍັງຄົງສະພາບເກົ່າສະໄຕລ໌ຝລັ່ງ,
ເກົ່າຈົນຄົນບໍ່ສັງເກດດີໆຈະບໍ່ຮູ້ວ່າແມ່ນຫໍພິພິດຕະພັນ5555,ເພາະສະພາບດ້ານນອກຍັງຄັ່ງ...ຄັ່ງຈົນເປັນຕາຍ້ານຖ້າເບິ່ງຕອນກາງຄືນ ອິອິອິອິ.
ອາຄານດັງກ່າວຖ້າຈື່ຈາກການບອກເຫຼົ່າຂອງຂັ້ນເທບບໍ່ຜິດ,
ແມ່ນເຄີຍເປັນ ກະຊວງປ້ອງກັນຕ່າງປະເທດສະໄໜຍັງກ່ອນຫຼືຫຼັງການປົດປ່ອຍໃໝ່ນີ້ແລະ.
ທຸກຄັ້ງທີ່ມາໃນຫໍແຫ່ງນີ້ ຂ້າພະເຈົ້າມັກໄປເປີດປຶ້ມສຳຫຼັບຄວາມຄິດເຫັນຂອງນັກທ່ອງທ່ຽວ
ທີ່ມາຢ້ຽມຢາມຫໍພິພິດຕະພັນແຫ່ງນີ້ ບໍ່ທຳມະດາເລຍໃດປຶ້ມຫົວນີ້ນະ ເພາະມີນັກທ່ອງທ່ຽວຈາກທົ່ວທຸກມຸມໂລກໄດ້ບັນຍາຍຄວາມຮູ້ສຶກຂອງຕົນເອງຫຼັງຈາກທີ່ມີໂອກາດເຂົ້າມາຢ້ຽມຊົມຫໍແຫ່ງນິ້.
ບໍ່ວ່າຈະເປັນຄົນອາເມລິກາ,ອົດສະຕາລີ,ຍີ່ປຸ່ນ,ເກົາຫຼີ…. ແລະ ລາວເຮົາເອງກະຍັງຂຽນອີກ.ພຸ້ມໃຈເດ່
ທີ່ຍັງມີຄົນລາວມັກຫໍພິພິດຕະພັນຢູ່.
ບາງຄວາມຄຳເວົ້າທີ່ຂ້າພະເຈົ້າປະທັບໃຈຕໍ່ຮູ້ສຶກຂອງນັກທ່ອງທ່ຽວທີ່ຂຽນໃສ່ປຶ້ມນັ້ນມີດັ່ງນີ້ :
- ເກີດມາຫາກະຮູ້ວ່າລາວໄດ້ຖືກທຳລາຍຈາກນຳມືຂອງປະເທດຂອງຕົນເອງ,ເປັນຫຍັງໃນປະຫວັດສາດຂອງອາເມລິກາຄືບໍ່ກ່າວໄວ້ແນ່.
- ປະເທດທີ່ກໍ່ສົງຄາມໃນສະໄໝກ່ອນຄວນເຂົ້າມາຊ່ວຍເຫຼືອ,ຊົດໃຂ້ກັບການກະທຳທີ່ຜ່ານມາຫຼາຍກວ່ານີ້.
- ປະເທດລາວຖືວ່າຜ່ານເຫດການທີ່ຫຍຸ້ງຍາກມາຫຼາຍໃນອະດິດ ຖືວ່າເກັງຫຼາຍທີ່ສາມາດຕໍ່ສູ້ກູ້ປະເທດຊາດຈາກການເປັນຫົວເມືອງຂັ້ນຕັ້ງຫຼາຍຄັ້ງ.
- ປະຊາຊົນລາວມີໜ້ອຍດຽວແຕ່ສາມາດສູ້ກັບພວກລ່າເມືອງຂຶ້ນທີ່ມີມະຫາສານ,ທັງອາວຸດຄົບມືໄດ້ ຖືວ່າສຸດຍອດດດດດ.ສູ້ຕໍ່ໄປປປ
ມາຮອດນີ້ຂ້າພະເຈົ້າຈະຂໍຢຸດໄວ້ເທົ່ານີ້ກ່ອນ ເພາະຂຽນຍາວເກີນໄປແລ້ວ,ດຽວຊິບໍ່ມີຄົນອ່ານ. (ຍ້ອນຂ້າພະເຈົ້າເມົາແດດມາກະບໍ່ຮູ້)ຈັງແມ່ນເວົ້າບໍ່ຢຸດ 55555 ໄປກ່ອນນນນນ ເຈິກັນເລື່ອງໃໝ່.
ປ.ລ ຄຳເຫັນທີ່ຕ່າງປະເທດທີ່ຂຽນໃນນັ້ນເປັນພາສາອັງກິດ ກະເລຍແປຕາມໂຕ
ເພາະພາສາອັງກິດຂ້າພະເຈົ້າຍັງຢູ່ລະດັບຕ່ຳຫຼາຍຍຍຍຍຍ, ສ່ວນພາສາອື່ນບໍ່ເຂົ້າໃຈເລຍບໍ່ຮູ້ 55555
ປ.ລ 2 : ມື້ໃດທ່ານຜູ້ເຖົ້າຂັ້ນເທບບໍ່ຮ້າຍ,ໂຄດເຫງົາເລີຍ ອິອິອິອິ ຖືກດ່າແລ້ວມີຄວາມສຸກ.ຮັກຂັ້ນເທບສຸດຍອດດດດດ
ຂຽນເມື່ອ: ມ.ກ.. 17, 2009
| ມີ
ໜວດໝູ່:
