ເນື່ອງຈາກວ່າມັກອ່ານບົດວິເຄາະການຕະຫຼາດ,ແຕ່ບໍ່ໄດ້ຮຽນໃນສາຍນີ້.
ເລີຍຈະມາວິເຄາະພາສາປາກຕະຫຼາດແທນ ກ່ຽວກັບມະນຸດຕ່າງໆໃນສັງຄົມເຮົາ.
ແລະເນື່ອງຈາກວ່າເຄີຍວິເຄາະມາແລ້ວ4ມະນຸດໃນບົດຄວາມດຽວ,
ຍ້ອນມັນຍາວໂພດເລີຍບໍ່ມີຄົນອ່ານ 5555(ມ່ວນ).
ຫຼາຍຄົນອາດຈະສົງໃສວ່າມະນຸດພວກນີ້ແມ່ນໃຜ?
ກະແມ່ນຄົນເຮົາດີໆໆນີ້ແລະ,ຄົນໃນສັງຄົມເຮົາເຈົ້າຂ້ອຍນີ້ ແລະ.
ບໍ່ໄດ້ຕ່າງຫຍັງ, ແຕ່ໆໆໆໆມະນຸດດັ່ງກ່າວແມ່ນມີຈຸດເດັ່ນຢູ່ບ່ອນວ່າ ມັກເຮັດຫຍັງແບບພິເສດໆໆ,
ເກີນໜ້າເກີນຕາ,ເຮັດໃຫ້ຄົນອື່ນໄດ້ມີສ່ວນຮ່ວມ ໃນເລື່ອງຂອງຕົນແບບບໍ່ຕັ້ງໃຈ 5555.
ມື້ນີ້ເລີຍຊິມາອະທິບາຍແຕ່ລະມະນຸດໃຫ້ຟັງເປັນແຕ່ລະບົດຄວາມໄປ.
ເຮົາມາເລີ່ມ ຈາກມະນຸດຫວານຕົ້ນຈືດປາຍ.
ເຫດການນີ້ຫາກໍ່ເກີດຂື້ນມື້ເຊົ້ານີ້ເອງ.
ເມື່ອຂພຈເກີດຢາກກິນເຂົ້າປຽກຂຶ້ນມາ(ສົງໃສນອນຝັນຮ້າຍຫຼາຍກະເລີຍຫິ້ວເຂົ້າແຕ່ເຊົ້າ), ເລີຍໄປນັ່ງກິນແຖວບ້ານນີ້ແລະ.
ຢູ່ດີໆໆກະມີເອື່ອຍຕຸ່ຍໆຄົນໜຶ່ງມາຊື້ເຂົ້າປຽກກັບບ້ານ,
ລາວບັງເອີ້ນເຈິກັບປ້າຄົນໜຶ່ງທີ່ຫາກະຮູ້ວ່າມີຮ້ານຂາຍກະປຽກແຖວນີ້...
ແລະແລ້ວເລື່ອງລາວກໍ່ເກີດຂຶ້ນ...
ເອື່ອຍຄົນດັ່ງກ່າວກະລົມນຳປ້າຄົນນັ້ນບັກດີໆໆ ທັງເວົ້າລະກະທັງຍ້ອງລາວ.
ຖາມເລື່ອງຂາຍເຄື່ອງກັນໄປມາ(ຢູ່ແຖວບ້ານດຽວກັນ,ກະເຈົ້າຮູ້ຈັກກັນ).
ຫຼັງຈາກທີ່ປ້ານັ້ນໄດ້ອອກໄປ(ບໍ່ຮອດ4ນາທີ), ເອື່ອຍຕຸ່ຍກໍ່ຊ້ວມວິນຍານລູກອີ່ນ້ອຍຊ່າງນິນທາມາແຕ່ໃສ່ບຸ.
ຫັນໜ້າມາເວົ້າກະຄົນເຮັດເຂົ້າປຽກວ່າ : (ແມ່ຍ່າກຳມະລໍ, ລູກບໍ່ໄດ້ແຕ່ງດອງນຳເຂົາ. ຂ້ອຍຫັນນະກະຕັ້ງເວົ້າດີນຳລາວຊື່ໆໆໆ)@$&@$^@(.
ຂພຈໄດ້ຍິນແນວນັ້ນຈົນເຊົ່າກິນເຂົ້າປຽກ,ຈ່າຍເງີນຍ່າງກັບບ້ານເລີຍ.
ໄດ້ຍິນແນວນັ້ນລະຮູ້ສຶກອີ່ຕົນປ້າຜູ້ນັ້ນ, ບໍ່ໄດ້ຮູ້ເລື່ອງນຳເຂົາເລີຍວ່າຖືກນິນທາລັບຫຼັງ.
ຄິດໄດ້ຈັງໃດ, ກ້າຕໍແຫຼໄດ້ທັງທີ່ມີຄົນນັ່ງໃນຮ້ານເຕັມ.ສັງຄົມເຊື່ອມໂຊມຍ້ອນແນວນິແລະ.
ເປັນເຫດການໜຶ່ງທີ່ຂພຈຈະຈື່ເອົາໄວ້ວ່າ ເວລາໄປຊື່ຂອງກິນບໍ່ຄວນລົມນຳໃຜຫຼາຍ, ດຽວເວລາອອກຈາກຮ້ານລະຊິຖືກນິນທາ.
ແນ່ນອນເອື່ອຍດັງກ່າວຂພຈຄືຊິບໍ່ກ້າເວົ້ານຳລາວເດາະ,ດຽວລາວຊິເອົາເລື່ອງຂັ້ນເທບແມ່ຂ້ອຍມານິນທາ ອິອິອິອິ
ຕອ້ງຢູ່ໃຫ້ຫ່າງໆໆໄວ້ເດີ. ອັນພວກມະນຸດຫວານຕົ້ນຈືດປາຍ. ຍ້ອນວ່າຕໍ່ໜ້າລະເວົ້າດີແຕ່ພໍເລີກວົງສົນທະນາປັບ,
ເລື່ອງເນົ່າໆເຮົາຈະມາຕາມຫຼັງ.
ປ.ລ ມະນຸດຫວານຕົ້ນຈືດປາຍ, ບໍ່ແມ່ນ LOG ເດີ 55555
ບົດເລື່ອງໂດຍ : November Love
ໜວດ : ເລື່ອງໄຣ້ສາລະ(ບໍ່ຄວນຈິ່ງຈັງ)
ປະເພດ : ວິເຄາະພາສາ(ປາກ)ຕະຫຼາດ.
ຂຽນເມື່ອ: ກ.ພ.. 12, 2009
| ມີ
ໜວດໝູ່:
ກັບໄປໄດອາຣີ່ຂອງ ╬═ ‡ November™ ‡ ╬═ ເລື່ອງເບື່ອໆຂອງຄົນເສຍອາລົມຈິດ., 'user_report.php?return_url=http%253A%252F%252Fpunlao.com%252Fblog.php%253Fuser%253DNovember%2526blogentry_id%253D2712&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
