ຄຳນີ້ໃຜຄົງຈະບໍ່ຄັດຄານນຳຂ້ອຍກໍ່ໄດ້,ຖ້າໃຜໄດ້ໄປເຈິກັບເຫດການດັ່ງກ່າວຢູ່ເມືອງມໍລະດົກໂລກ(ຫຼວງພະບາງ).
ຊ່ວງເວລາ11-17/4/2009 ໄວຣຸ້ນວຽງຈັນ13ຊີວິດໄດ້ອົບພະຍົບໄປຫຼິ້ນປີໃໝ່ຢູ່ເມືອງຫຼວງພະບາງ.ບໍ່ຮູ້ວ່າຍ້ອນເປັນຄົນວຽງຈັນຫຼືວ່າບຸນປີໃໝ່ລາວກໍ່ບໍ່ຮູ້,ໄປກິນຮ້ານໃດກະລາຄາແພງໝົດທຸກຢ່າງ,
ຕັ້ງແຕ່ຂະໜົມ,ອາຫານ,ເສື້ອຜ້າຈົນໄປຮອດປີ້ເຂົ້າສະຖານທີ່ທ່ອງທ່ຽວທຸກຢ່າງ.
ປະມານວ່າເວົ້າສຽງຄົນວຽງຈັນແລ້ວລາຄາຈະພິເສດໂລດ.
ນັບຕັ້ງແຕ່ຂະໜົມພອງຖົງ500ກີບ,ແຕ່ຂາຍໃຫ້ຄົນຕ່າງຖິ່ນລະຖົງລະ1.000ກີບ.ນ້ຳຫວານແກ້ວລະ5.000ກີບ.
ນ້ຳດື່ມຕຸກພັນກີບແຕ່ຂາຍໃຫ້ພວກຂ້ອຍຕຸກ3.000ກີບ.ຍິ່ງຂອງກິນປະເພດເຂົ້າຊອຍ,ເຝິ,ເຂົ້າປຸນ…
ລາຄາຈະຕົກຢູ່10.000-15.000ກີບ(ເກືອບທຸກຮ້ານ).
ໄປຊື້ຢາແກ້ທ້ອງອຶດອີໂນ່ຕັ້ງວ່າ3ເທື່ອ(ມື້ວານຊ່ອງ3.000ກີບ,ມື້ນີ້4.000ກີບ)ບໍ່ຮູ້ວ່າຄົນຂາຍຂີ້ລືມຫຼືວ່າໜ້າຄົນຊື້ມັນໂງ່ກັນແທ້(ຟັນໄດ້ຟັນເອົາ).
ທີ່ເຈິມາຈັງໆໆໆເລີຍແມ່ນຮ້ານໝີ່ເຫຼືອງຂ້າງທາດ(ເມືອງ)ຫຼວງ,ພາກັນກິນແລ້ວຖາມວ່າເທົ່າໃດ…
ອື່ຫື່..ຖ້ວຍ20.000ກີບ,ພາກັນງົງເລີຍ.
ພໍຕັ້ງສະຕິກັບມາບ້ານພັກເລີຍຖາມພີ່ນ້ອງໝູ່ວ່າກະຮອດຊຳເບາະຖ້ວຍ20.000ກີບ.
ເລີຍໄດ້ຄຳຕອບມາວ່າ…ພວກເຈົ້າຄືຊິຖືກກະເຈົ້າຟັນແລ້ວ.ມັນຄືຊິບໍ່ຮອດເດາະ,ເພາະຄົນເມືອງເຂົ້າບໍ່ເຂົ້າຮ້ານໜີ່ຮອດຖ້ວຍແພງປານນັ້ນ.
ປະມານວ່າພວກຈູຖືກຕົ້ມຕະຫຼອດ6ມື້ທີ່ຢູ່ດິນແດນປະເທດຕົວເອງອີກແລ້ວໂອະ.
ແຕ່ເໜືອຟ້າຍັງມີຟ້າ...ເພາະໝູ່ຂອງໝູ່ທີ່ໄປຫຼິ້ນເທັກດາວຟ້ານຳກັນ,ໄປກິນເຂົ້າຊອຍຕອນເດິກໂທມາບອກວ່າ.....
ຈູກະເຈິເຂົ້າຊອຍຖ້ວຍ25.000ກີບ(ເອິ,ຍັງມີຄົນໂຊກຮ້າຍກວ່າພວກຂ້ອຍອີກເນາະ555).
ທີ່ໜ້າແປກຄືອາຫານຢູ່ຫັນຈະແປກໆແນວໃດບຸ,ບັນເຊວກະເຈົ້າເອົາສົ້ມໝູໃສ່ນຳ,ຂາຍທຳມະດາ10.000ກີບ,
ແຕ່ວ່າພວກຂ້ອຍເປັນຄົນແປກໜ້າເລີຍໄດ້ລາຄາອື່ຫື່....15.000ກີບ(ມາຮູ້ອີກເທື່ອໜຶ່ງຈາກໜູ່ຄົນເມືອງຫຼວງວ່າ ພວກຊູຖືກໂກງຫັນນະ).
ຍັງບໍ່ແລ້ວ,ການໂກງລາຄາຍັງມີໃຫ້ພວກຂ້ອຍໄດ້ເຈິເປັນປະຈຳ,ຕອນທີ່ນັ່ງເຮືອເຣວໄປຖ້ຳຕິ້ງ,ຄົນຂາຍປີ້ເຂົ້າຊົມຖ້ຳຕິ້ງກໍ່ຂາຍປີ້ໃຫ້ພວກຂ້ອຍຕັ້ງ20.000ກີບ(ໂກງອີກແລ້ວ),ແຕ່ບັງເອີ້ນຂ້ອຍຖ່ຽງວ່າບໍ່ແມ່ນຕິ,ອັນນີ້ແມ່ນປີ້ສຳລັບຕ່າງປະເທດແລ້ວ,ຄົນລາວຄືກັນກັບຄົນເມືອງຫຼວງກະເກັບຮອດນີ້ສຳເບາະ,ປີ້10.000ກີບຫັນລະເຫັນລູກເຈົ້າຈັບຢູ່ຫັນເດະ. ຖ່ຽງໄປມາພວກຂ້ອຍຈົນວ່າຊິບໍ່ເຂົ້າໄປລະ,ເພາະເໝື່ອຍກັບການໂກງແບບບໍ່ເຫັນຫົວຄົນລາວນຳກັນແຕ່ສຸດທ້າຍກະໄດ້ເຂົ້າຈົນໄດ້(ແຖມມີໜ້າວ່າຄົນວຽງຈັນກັບຕ່າງປະເທດກະເທົ່າກັນ).
ຍ້ອນວ່າຖືກໂກງລາຄາຕະຫຼອດ,ຈົນພວກຂ້ອຍພາກັນຕົກລົງກັນວ່າເວລາຊື້ຫຍັງຕ້ອງເວົ້າພາສາເມືອງຫຼວງນຳກະເຈົ້າ,ແລະຕ້ອງຖາມລາຄາກ່ອນສັ່ງອາຫານ(ດຽວຖືກຟັນອີກຕາມເຄີຍ).
ເຖິງວ່າໝູ່ຂ້ອຍຊິເວົ້າພາສາເມືອງຫຼວງ,ຫຼືຖາມລາຄາກ່ອນກິນ(ກະຍັງຖືກຟັນຈົນໄດ້).ບໍ່ໄດ້ອັນໜຶ່ງກະເອົາອັນອື່ນມາໂກງຈົນໄດ້.
ບໍ່ໜ້າແປກໃຈວ່າເປັນຫຍັງແຕ່ລະຮ້ານຈະບໍ່ມີປ້າຍຕິດລາຄາ,ເວລາໄປກິນຫຍັງ,ໄວຣຸ້ນຄົນເມືອງຫຼວງທີ່ອາໃສ່ຢຢູ່ວຽງຈັນຈະເວົ້າພາສາເມືອງຫຼວງກັບແມ່ຄ້າເພາະເປັນເໝືອນເກາະປ້ອງກັນການໂກງລາຄານັ້ນເອງ.ແຕ່ໄວຣຸ້ນວຽງຈັນ(ໂງ່ໆໆ)ຄືພວກຂ້ອຍເວົ້າບໍ່ໄດ້ກະເລີຍຖືກຟັນເຕັ້ມໆເກືອບທຸກເວລາເຊົ້າສວຍແລງ.
ຄົນຢູ່ຫັນມັກຫຼິ້ນຂີ້ມິນໝໍ້,ຈະບໍ່ເຫັນຄົນໃຊ້ຖົງຢ່າງດຶກໃສ່ກັນຄືກັບຄົນຢູ່ວຽງຈັນ(ເຈັບຄົນລະແບບ).
ມື້ສຸດທ້າຍໄປຢ່າງເລາະແຖວຫຼັງວັດປາຂາມ,ໄດ້ກິນເຝິຖ້ວຍຖືກສຸດໆໃນຊີວິດຢູ່ເມືອງຫຼວງ,ຖ້ວຍ8.000ກີບ.ເຈົ້າຂອງຮ້ານລາວກະຈົ່ມໆໃຫ້ຟັງວ່າປີນີ້ຄົນມາທ່ຽວໜ້ອຍ,ຮ້ານເຂົ້າປຸ້ນແຖວນັ້ນຂາຍຖ້ວຍຕັ້ງວ່າ15.000ກີບ,ຂາຍປຸກບ້ານຕີເບາະ(ຄົນເມືອງເພິ່ນກະບໍ່ພໍໃຈກັນເອງກະມີເດີ).
ໃນໃຈຂ້ອຍເລີຍຄິດວ່າ (ຍ້ອນກະເຈົ້າລາບເລື່ອງອາຫານການກິນຕິເບາະ,ເພາະຂ້ອຍເອງກະສັງເກດເຫັນວ່າຄົນວຽງໜ້ອຍແທ້ໆ,ຍ່າງຊິຕ່ຳກັນກະບໍ່ຮູ້ຈັກຈັກຄົນ).
ຖ້າຍັງແບ່ງເລື່ອງວ່າເປັນຄົນວຽງ,ຄົນເມືອງຫຼວງ,ຄົນຕ່າງປະເທດແລ້ວມີເງີນຫຼາຍ,ຄິດຊິເກັບເງີນແພງໆແບບບໍ່ຄິດເຖິງພາບພົດການທ່ອງທ່ຽວເມືອງຕົນເອງ.ຈັກມື້ໃດມື້ໜຶ່ງຄົນກໍ່ຈະບໍ່ຄິດຢາກກັບໄປທ່ຽວຊົມອີກແລ້ວ(ພວກຂ້ອຍກະຄິດບໍ່ໄປແລ້ວ,ນ້ອຍໃຈວ່າເປັນຫຍັງຄົນລາວຄືເຮັດແນວນີ້ນຳກັນ,ຄົນລາວບໍ່ສົງເສີມກັນລະໃຜຊິມາທ່ຽວຊົມ),ຂະໜາດຢູ່ວຽງຈັນຂອງກິນອາຫານກະຍັງລາຄາທຳມະດາໝົດສຳລັບຄົນລາວທຸກແຂວງ,ຕ່າງແຕ່ສຳລັບຕ່າງປະເທດເທົ່ານັ້ນ.
ໝູ່ພວກຂ້ອຍເລີຍຕັ້ງສາຍາຫຼາຍໆອັນວ່າ :
-ເມືອງແຫ່ງສະມູໄລ(ຟັນລາຄາຕະຫຼອດ),
-ປະເທດຫຼວງພະບາງ(ເພາະຄົນລາວຄືກັນກະຍັງເກັບປີ້ແພງກວ່າຄົນເມືອງຫຼວງພະບາງ)
ປະມານວ່າ...ເຈົ້າຊິເປັນຄົນລາວແຂວງໃດກະຢ່ານ່າ,ບໍ່ເວົ້າເມືອງຫຼວງລະເຈົ້າຖືກຟັນໂລດ.
+ຢ່າໃຫ້ມາຖິ່ນບ້ານ******ເດີ.....ໃຜເວົ້າພາສາເມືອງຫຼວງ,ຈູຟັນລາຄາມັນຄືນໂລດ(ໂຫດໆໆໆແທ້ລະບາດນີ້ໝູ່ຂ້ອຍ T_T )
ນີ້ແມ່ນບາງເຫດການທີ່ເຈິມາຈັງໆ(ເວົ້າທຸກອັນຄືຈະບໍ່ໝົດກັບປະສົບການ6ມື້ທີ່ຢູ່ຫັນ).
ຂໍອະໄພທີ່ເວົ້າຫຍັງໄປແລ້ວກະທົບຕໍ່ຄົນອື່ນ.ກະບໍ່ໄດ້ຢາກອອກມາກ່າວໂທດໃຜ,ເພາະຄົນເຮົາຕ່າງກໍ່ບໍ່ຄືກັນໝົດ(ຄົນເມືອງຫຼວງນິໄສດີກະມີຫຼາຍ).
ແຄ່ຢາກອອກມາເວົ້າບາງແງ່ມຸມທີ່ບັງເອີ້ນໄປເຈິກັບຕົນເອງມາ.
ຂຽນເມື່ອ: ມ.ສ.. 18, 2009
| ມີ
ໜວດໝູ່:
ກັບໄປໄດອາຣີ່ຂອງ ╬═ ‡ November™ ‡ ╬═ ເລື່ອງເບື່ອໆຂອງຄົນເສຍອາລົມຈິດ., 'user_report.php?return_url=http%253A%252F%252Fpunlao.com%252Fblog.php%253Fuser%253DNovember%2526blogentry_id%253D4140&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
