ມີຄູ່ຮັກຄູ່ໜື່ງຄວາມຮັກກະຄືວ່າຈະໄປໄດ້ດີແຕ່ສຸດທ້າຍແລ້ວກໍ່ຈົບລົງໂດຍທີ່ທຸກຄົນບໍ່ຄິດວ່າຈະເກີດຂື້ນ, ຂໍເລົ່າແບບຫຍໍ້ທີ່ສຸດ ເລື່ອງມີຢູ່ວ່າ: (ຜູ້ຊາຍ=ລາວ, ຜູ້ຍິງ=ນາງ)

     ມີຊາຍຄົນໜື່ງເປັນຄົນມາແຕ່ຕ່າງແຂວງ ຈົບມໍປາຍມາແລ້ວກໍມາຮຽນຕໍ່ຢູ່ວຽງຈັນ, ເຂົາເປັນຄົນໜ້າກໍທຳມະດາ (ບໍ່ຫຼໍ່ວ່າຊົ້ນຊະ) ດ້ວຍເຫດນີ້ເອງຕັ້ງແຕ່ເປັນໜຸ່ມມາລາວຈື່ງບໍ່ມີແຟນນຳໝູ່ເລີຍ, ໄດ້ແຕ່ແອບຮັກຄົນນັ້ນຄົນນີ້ໄປ, ລາວກະເປັນຄົນມີຖານະຢູ່...ແຕ່ວ່າຖານະຍາກຈົນ ຮ່າຮ່າ ກະມີນຳເຂົາຊ່ຳນັ້ນລະ. ເມື່ອເຂົ້າມາຮຽນຢູ່ໃນເມືອງຫຼວງແລ້ວກໍບໍ່ກ້າທີ່ອາດເອື້ອມທີ່ຈະສົນໃຈໃຜເລີຍ ຕ້ອງໄດ້ຈຽມໂຕເອງ, ເວລາກໍຜ່ານໄປປີໜື່ງ ເວລາຜ່ານໄປໄວຄືເຕົ່າຄານນີ້ແຫຼະ!!  ແລ້ວກໍເຂົ້າປີທີ 2 ຊື່ງເປັນຕົ້ນເຫດຂອງເລື່ອງນີ້. ມື້ທຳອິດທີ່ໄປຂື້ນຫ້ອງ ໂອ່!ແມ່ຈ້າວ ໂດນເລີຍນີ້ແຫຼະແມ່ຂອງລູກ...ອະອະອ່າວເວົ້າໄປລະ ອິອິອິ! ລາວເຈີຍິງຄົນໜື່ງກໍບໍ່ງາມບໍ່ຂີ້ລ້າຍແຕ່ກະບໍ່ຮູ້ວ່າເປັນຫຍັງຄັ້ງທຳອິດທີ່ໄດ້ເຈີ ລາວເວົ້າກັບໂຕເອງເລີຍວ່າຕໍ່ໃຫ້ລຳບາກຍາກເຂັນພຽງໄດກໍຈະຂໍສູ້ ແລະ ຈະຜ່າກົດທີ່ວ່າຈຽມຕົວຕອນນັ້ນຢ່າງສິ້ນເຊີງ. ແຕ່ມັນກໍຍາກທີ່ສຸດຄືເຂົາເປັນຄົນຂີ້ອາຍເວລາເຈີໜ້າແລ້ວລາວກັບໂຕເກັງ, ເວົ້າຫຍັງບໍ່ອອກ ເຮັດຫຍັງບໍ່ເປັນເລີຍ. ສຸດທ້າຍລາວກໍບໍ່ກ້າທີ່ຈະປະເຊີນໜ້າກົງໆ, ສຸດທ້າຍຄືໄດ້ແຕ່ຢູ່ຫ່າງໆ ແລະ ຈຽມຕົວເອງເໝືອນເຄີຍເພາະເຂົາເປັນຄົນທີ່ມີຖານະດີກວ່າໂຕເອງ, ທຸກມື້ໄດ້ແຕ່ນັ່ງແນມເບີ່ງ ແລະ ຄອຍລົບໜ້າທຸກຕັ້ງເວລາລາວແນມມາ, ທຸກມື້ກໍໂທໄປຫຼີ້ນນຳບໍ່ຮູ້ວ່າເອົາຄຳເວົ້າມາແຕ່ໃສຈົນເພີນໄປເລີຍ ແຕ່ເວລາເຫັນໜ້າກັບບໍ່ໄດ້ລົມເລີຍ ແລະ ກໍເປັນນຳລາວເອງທີ່ບໍ່ເຂົ້າຫານາງເອງເຈີໜ້າກໍເວົ້າຫຍັງບໍ່ອອກເລີຍ ໄດ້ແຕ່ຫຼົບໜ້າລາວໄປວັນໆ, ພໍຮອດຕອນແລງກໍໂທຫານາງ ເທົ່ານີ້ກໍມີຄວາມສຸກແລ້ວ J. ຫຼາຍຄັ້ງທີ່ພະຍາຍາມໂຕເອງທີ່ຈະເຂົ້າໄປໃກ້ໆ ນັ່ງລົມກັບນາງຄືກັບຄົນອື່ນ ແຕ່ກັບເຮັດບໍ່ໄດ້ ຮ້າຍໄປກວ່ານັ້ນເທົ່າທີ່ສັງເກດເຫັນເວລາລາວເຂົ້າໄປນັ່ງນາງກັບຍັບໜີອອກໄປຊ້ຳ, ເພາະໝູ່ເຢີ້ຍຫຼາຍ ອີກຢ່າງນາງເປັນຄົນທີ່ບໍ່ມັກທີ່ສຸດເວລາໝູ່ເຢີ້ຍດັ່ງນັ້ນມາຕອນນີ້ນາງຈີ່ງບໍ່ຢູ່ທີ່ນັ້ນຖ້າມີລາວຢູ່ ແລະ ພະຍາຍາມຫຼີກຫຼ້ຽງໄປ. ເວລາຜ່ານໄປເຄີ່ງໜື່ງຂອງພາກຮຽນກໍບໍ່ມີແວວທີຈະດີກວ່າເກົ່າ ໜຳຊ້ຳນາງກັບຊັງລາວຊ້ຳ, ທີ່ລາວເລີ່ມຈະສະແດງອອກແບບນັ້ນທຸກຢ່າງມາຕອນນີ້ມັນຍີ່ງສັບສົນ ແລະ ຫຍຸ້ງຍາກໄປອີກ. ດັ່ງນັ້ນ, ລາວຈີ່ງຖອນໂຕເອງອອກມາຢູ່ໃນໄລຍະນື່ງແຕ່ກໍຍັງມີການຕິດຕໍ່ຫານາງຢູ່ເພາະລາວຮູ້ວ່າຂາດນາງບໍ່ໄດ້ແລ້ວ ແລະ ຖ້າບໍ່ໄດ້ລົມນຳຄືຈະຂາດໃຈໄປເລີຍ. ເມື່ອມາຮອດຕອນນີ້ແລ້ວຮູ້ວ່າຖ້າຂາດນາງໄປຄົງຢູ່ບໍ່ໄດ້ແນ່ ດັ່ງນັ້ນຈື່ງຕັດສີນໃຈເທື່ອສຸດທ້າຍ ສູ້ໆໆໆໆໆໆໆ! ໂດຍເລີ່ມຈາກການກ້າປະເຊີນໜ້າກັບນາງ ແລະ ຊ່ວຍເຫຼືອລາວທຸກໆເລື່ອງ, ເຊື່ອບໍວ່າ? ລາວແອບຮຽນແບບລາຍເຊັນນາງຈົນເປັນ ແລະ ເຊັນແທນນາງເວລາຂາດ . ເວລາເລີກກໍຍ່າງອອກໄປສົ່ງນາງຢູ່ຄອກລົດ ທຸກໆມື້, ໃນຂະນະທີ່ລາວລົມນາງຢູ່ນັ້ນກໍມີຫຼາຍຄົນໃນຫ້ອງທີ່ສົນໃຈນາງ ແລະ ກໍພາກັນວ່າແຟນຄົນນັ້ນຄົນນີ້ຢູ່ ແຕ່ລາວບໍ່ສົນໃຈຫຍັງແລ້ວໃຊ້ເວລາໄປທັງພາກ 2 ພາກຮຽນກໍຄືໝົດປີທີ 2 ຫັ້ນແຫຼະທີ່ຈະເຮັດໃຫ້ນາງເຫັນໃຈເພາະກະບອກໝົດແລ້ວວ່າຄິດຈັ່ງໄດກັບນາງ ແຕ່ນາງກັບພະຍາຍາມຕີໂຕອອກຫ່າງແຕ່ລາວກັບຕື້ໆໆໆ ແລ້ວກໍຕື້  ແລະ ກໍໄດ້ພຽງແຕ່ຍ່າງໄປສົ່ງຢູ່ຄອກລົດເທົ່ານັ້ນເອງ, ໃຫ້ໝູ່ເຢີ້ຍພໍມີແຮງ. ເວລາ1 ປີເຕັມທີ່ລາວຈີບນາງ (ຮ້ອງວ່າຈີບໄດ້ຢູ່ຕິເນາະ) ແຕ່ກັບບໍ່ມີຫຍັງຫຼາຍກວ່ານັ້ນເລີຍ ບໍ່ມີວີ່ແວວທີ່ຈະສົມຫວັງ ກໍເລີ່ມຈະທໍ້ແລ້ວໝົດຫວັງແລ້ວ ຍັງແຕ່ຢ່າງດຽວແລ້ວທີ່ຈະເຮັດຄື...............................ແນະຄິດຫຍັງຢູ່ນິຮູ້ໃດວ່າຄິດຫຍັງນະ ຮ່າຮ່າ. ເອົາໄວ້ຕິດຕາມຕອນຕໍ່ໄປເອົາເນາະ. ສະຫຼຸບຄືປີ 1 ເຕັມໆໆທີ່ເບີ່ງໃຈນາງ ແລະ ເບີ່ງໃຈໂຕເອງໄປພ້ອມກັນ ແລະ ຮູ້ແລ້ວວ່າຄົນນີ້ແຫຼະຈະບໍ່ມີໃຜ ແລະ ບໍ່ລົມໃຜອີກເລີຍ.

ເຈີກັນໃນຕອນຕໍ່ໄປ.....

ນ້ອຍເດີ່ :)