ໄດອາຣີ່ຂອງ PINOCCHIO PINOCCHIO

ຂຽນເມື່ອ: ພ.ຈ.. 6, 2010 | ມີ 4 ຄຳເຫັນ ແລະ 0 trackback(s)

ມີໝູ່ບ້ານໜຶ່ງພາກັນມັກຫລີ້ນໄພ້ຂະໜາດບໍ່ວ່າໄວໜຸ່ມຫລືຜູ້ເຖົ້າກໍ່ພາກັນຕິດການພະນັນໝົດພວກເພິນ
ກໍ່ພາກັນຫລີ້ນໄພ້ທຸກມື້ຢູບ້ານແມ່ຕູ້ສີ (ນາມສົມມຸດ) ໂດຍບໍ່ຄິດຢ້ານເຈົ້າໜ້າທີ່ເລີຍນ່າ! ພວກເຂົາພາກັນ
ຫລີ້ນທຸກມື້ຫລາຍຈົນມີຫາງສຽງໄປເຖິງຫູເຈົ້າໜ້າທີວ່າໝູ່ບ້ານນີ້ຫລີ້ນໄພ້ທຸກມື້ເມື່ອໄດ້ຍິນແນວນັ້ນເພີ່ນກໍ່
ໄດ້ແຕ່ງຕັ້ງຕຳຫລວດມາກວດກາເບິ່ງວ່າມັນມີການຫລີ້ນການພະນັນແທ້ບໍ່! ຖ້າຫລີ້ນກໍ່ຕ້ອງໄດ້ປັບໄໝເພາະ
ມັນຜິດກົດໝາຍເມື່ອຕຳຫລວດມາຮອດບ້ານຕູ້ສີເດັກນ້ອຍນັ່ງຫລີ້ນຢູ່ໜ້າບ້ານກໍ່ຮ້ອງຂື້ນວ່າ: ຕຳຫລວດມາ
ຕຳຫລວດມາ!!!...ວົງໄພ້ກໍ່ແຕກຕ່າງຄົນຕ່າງໄປໃຜທັນລີ້ຢູ່ໃສກະລີ້ແຕ່ຕູ້ສີລາວແລ່ນໄປຫລັງບ້ານທັນຈັບ
ໄດ້ສຽມກໍ່ເຮັດທຳທ່າຄຸດກະປູຢູ່ແຄ່ມນາຫລັງບ້ານເມື່ອຕຳຫລວດ

ໄປເຫັນຕຳຫລວດຮ້ອງຖາມ: ແມ່ຕູ້ຄຸດຫຍັງຫັນ

ແມ່ຕູ້ສີທັງຢ້ານທັງຕອບ: ຄຸດກະປູລູກເອີ້ຍ

ຕຳຫລວດພັດຖາມອີກວ່າ: ໄດ້ຫລາຍບໍ່ແມ່ຕູ້

ແມ່ຕູ້ສີກະຕອບແບບຊັນໆເຊັນໆ: ບໍ່ໄດ້ດອກທໍທືນ...

ຂອງແມ່ຕູ້ OK

ຂຽນເມື່ອ: ທ.ວ.. 31, 2009 | ມີ 12 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ແມ່ຕູ້ຄົນໜຶ່ງຖືເຄື່ອງຫລາຍຢ່າງ ເພາະລາວມາແຕ່ຕະຫລາດຈະເຂົ້າໄປບ້ານເລີຍໄປທີຄົນຈຳໂບ້

ແມ່ຕູ້: ຫລານເອີຍໄປສົງແມ່ຕູ້ທີ່ສ້າງເຫວີຍແດ່(ນີ້ແມ່ນບ້ານແມ່ຕູ້)

ຄົນຂັບລົດຈຳໂບ້: OK ແມ່ຕູ້

ແມ່ຕູ້: OK ແມ່ນຫຍັງຫລານ

ຄົນຂັບລົດຈຳໂບ້: ອື ແປ່ວ່າ ຕົກລົງ ຊັ້ນໄປເລີຍເນາະແມ່ຕູ້ ເອົາເຄື່ອງຂື້ນເລີຍ

ແມ່ຕູ້: ໄປເລີຍຫລານຊາຍເອີຍ

ລົດກໍ່ຂັບໄປເຮື່ອຍໆ ບຸດໜຶ່ງແມ່ຕູ້ກະບອກຄົນຂັບລົດວ່າ:

ແມ່ຕູ້: ຈອດໆໆໆໆໆໆໆໆໆໆໆຫລານເອີຍ

ຄົນຂັບລົດຈຳໂບ້: ເປັນຫຍັງແມ່ຕູ້

ແມ່ຕູ້: ເຄື່ອງໆຂອງແມ່ຕູ້ ມັນ OK

ຄົນຂັບລົດຈຳໂບ້: ແມ່ນຫຍັງແມ່ຕູ້ ຂ້ອຍງົງ(ຄົນຂັບລົດເວົ້າ)

ແມ່ຕູ້: ເຄື່ອງແມ່ຕູ້ມັນຕົກລົງ (ຈາກລົດນະ)

ຄົນຂັບລົດຈຳໂບ້: ???

“ຍ້ອນສຸກເສີນ”

ຂຽນເມື່ອ: ສ.ຫ.. 7, 2009 | ມີ 7 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຈ່າສານ: ເຈົ້າຖືກປັບຍ້ອນຂັບລົດໄວ 100 ກິໂລແມັດ ຕໍ່ຊົ່ວໂມງ. ເຈົ້າມີຫັຍງສິແກ້ໂຕບໍ?

ຜູ້ທຳຜິດ: ມັນແມ່ນເລຶ່ອງສຸກເສີນ ຂ້ານ້ອຍ!

ຈ່າສານ: ສຸກເສີນເລື່ອງຫຍັງ?

ຜູ້ທຳຜິດ: ຄືວ່າ…ເອີ່ ລົດທີ່ຂ້ານ້ອຍຂັບຫັ້ນແມ່ນລັກເຂົາມາ ຂ້ານ້ອຍ..!

ບາບ

ຂຽນເມື່ອ: ກ.ພ.. 27, 2009 | ມີ 2 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal0falsefalsefalseMicrosoftInternetExplorer4/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-parent:"";mso-padding-alt:0in 5.4pt 0in 5.4pt;mso-para-margin:0in;mso-para-margin-bottom:.0001pt;mso-pagination:widow-orphan;font-size:10.0pt;font-family:"Times New Roman";mso-ansi-language:#0400;mso-fareast-language:#0400;mso-bidi-language:#0400;}

ເມື່ອກ່ອນມີຊາຍຄົນໜຶ່ງ, ເຂົ້າໄປຖາມຄູບຢູ່ໃນວັດວ່າ:

“ ຖ້າຄົນສອງຄົນບໍ່ທັນແຕ່ງດອງເປັນຜົວເປັນເມຍກັນ,

ຫາກນອນນຳກັນ ຈະເປັນບ້າຫລືບໍ່ຂ້ານ້ອຍ ? ”

“ ຄູບາຄຶດຫງຳຄາວໜຶ່ງ ແລ້ວຕອບວ່າ: ”

“ ບໍ່…ບໍ່ບາບດອກ ຖ້າຫາກພວກເຈົ້ານອນອີຫລີໃດ. ”

ຄືເຮືອນຂອງທ່ານເອງ

ຂຽນເມື່ອ: ກ.ພ.. 27, 2009 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ລູກຄ້າ: “ ພັກຢູ່ໂຮງແຮມຂອງເຈົ້ານີ້ ຂ້ອຍກໍ່ພໍຊິໄດ້ຮັບ

ຄວາມສຸກກາຍສະບາຍໃຈຢູ່ບໍລະ ? ”

ເຈົ້າຂອງໂຮງແຮມ: “ ແນ່ນອນທີ່ສຸດລະທ່ານ. ທ່ານຈະມີຄວາມຮູ້ສຶກປານກັບວ່າ

ຢູ່ເຮືອນ ຕົນເອງຊັ້ນລະ”

ລູກຄ້າ: “ ໂອຍຟ້າເອີຍ ! ຖ້າຍັງຊິປະເຊີນກັບສະພາບຫຍຸ້ງໆແບບຢູ່ເຮືອນອີກ,

ຂ້ອຍກໍເລືອກຢູ່ເຮືອນຊິບໍ່ດີກວ່າຫວະ “

ດວ້ຍຄວາມຢ້ານ

ຂຽນເມື່ອ: ກ.ພ.. 27, 2009 | ມີ 2 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ໃນຊົ່ວໂມງວິຊາຊີວະ, ອາຈານຖາມຂື້ນວ່າ :

“ ເປັນຫັຍງປາຈຶ່ງຢູ່ໄດ້ແຕ່ໃນນ້ຳ ? ເປັນຫຍັງມັນບໍ່ຂື້ນໄປຢູ່ເທິງໂຄກ ? ”

ນັກຮຽນທັງໜົດ ຕອບເປັນສຽງດຽວກັນວ່າ :

“ ຍ້ອນວ່າຢູ່ເທິງໂຄກມີແມວ. ແມວມັກກິນປາທີ່ສຸດ. ”

ເຈັບຫູ

ຂຽນເມື່ອ: ກ.ພ.. 27, 2009 | ມີ 2 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ດອກເຕີ: “ ເຈົ້າມີບັນຫາຫຍັງລະ ? ”

ຄົນເຈັບ: “ ເຮົາເຈັບຫູແຕ່ທິດແລ້ວພຸ້ນ ແຕ່ບໍ່ຮູ້ສາເຫດ.”

ຫລັງຈາກຄຶດຢູ່ບຶດໜຶ່ງ ທ່ານໜໍເລີຍຖາມຂື້ນວ່າ :

“ ບອກມາເບິ່ງ ວ່າທິດແລ້ວນີ້ ເກີດມີສຽງຟ້າດັງ ຫລືວ່າເຈົ້າໄດ້ຟັ່ງດົນຕີສຽງດັງໂພດບໍ ? ”

“ ບໍ່ນ່າ, ຕະຫລອດເຈັດວັນຜ່ານມາ ອາກາດດີ ມີແສງແດດ, ສ່ວນດັນຕີຫັ້ນຂ້ອຍຊັງຄືຊິຕາຍນີ້ ”

“ ຊັ້ນ…ບໍ່ແມ່ນແມງໄມ້ໄຕ່ເຂົ້າຫູເຈົ້າບໍ ? ”

“ ມັນເປັນໄປບໍ່ໄດ້ດອກທ່ານ. ”

ທ່ານໜໍ ສືບຕໍ່ຄຶດຫງຳ ແລະ ຖາມຂື້ນວ່າ :

“ ເຈົ້າມີລາຍຮັບເປັນເງິນຫລາຍບໍ ? ”

“ ສອງເດືອນຜ່ານມານີ້ ຂ້ອຍຕົກງານ - ດ່ຽວນີ້ຂ້ອຍ ບໍ່ມີຫຍັງຊິລ້ຽງເມຍແລ້ວ. ”

ທ່ານໜໍຫົວຂື້ນກາກໆ

“ ຄັນຊັ້ນລະແມ່ນວ່າ ເຈົ້າເຈັບຫູ ຍ້ອນສຽງເມຍດ່າລະຕີ ”.

ເຮົາອ່ານບໍ່ເປັນ

ຂຽນເມື່ອ: ກ.ພ.. 27, 2009 | ມີ 3 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ທີ່ຮ້ານຂາຍແວ່ນຕາ, ເຈົ້າຂອງຮ້ານຊ່ວຍທ້າວ ຈ່ອຍ ເລືອກແລະ ທົດລອງໃສ່ແວ່ນຕາຫລາຍຄູ່,

ເຈົ້າຂອງຮ້ານບອກໃຫ້ເຂົາອ່ານໂຕໜັງສືຈຳນວນໜຶ່ງຢູ່ກະດານ.

“ ເອົາ…ເຈົ້າອ່ານໂຕໜັງສືນີ້ໄດ້ບໍ ? ”

“ ບໍ່…ອ່ານບໍ່ໄດ້ ”. ເຈົ້າຂອງຮ້ານຂຽນໂຕ “ A ” ບັກໃຫຍ່ໆໃສ່ກະດານ ແລ້ວຖາມວ່າ:

“ ເຫັນໂຕໜັງສືນີ້ບໍ່ ? ”

“ ເຫັນ ”

“ ອ່ານເບິ່ງລະ ”

“ ບໍ່ໆ…ຂ້ອຍອ່ານບໍ່ໄດ້.”

ດ້ວຍຄວາມແປກໃຈ, ເຈົ້າຂອງຮ້ານຈຶ່ງຖາມວ່າ:

“ ເປັນຫຍັງໂຕໜັງສືງ່າຍໆປານນີ້ ເຈົ້າກໍ່ອ່ານບໍ່ໄດ້ ?”

“ ເພາະວ່າ…ເອີ່…ເຮົາກືກໜັງສື ” ທ້າວ ຈ່ອຍ ຕອບ.

ຄວາມແຕກຕ່າງ

ຂຽນເມື່ອ: ກ.ພ.. 27, 2009 | ມີ 2 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຄູ: “ ມີຫຍັງແຕກຕ່າງກັນ ລະຫວ່າງເຈົ້າໜີ້ ກັບລູກໜີ້ ?”

ນັກສຶກສາ: “ ເຈົ້າໜີ້ຫັ້ນ ຍາມໃດກໍ່ມີຄວາມຈຳດີກວ່າລູກໜີ້”.

ສຳລັບເຈົ້າ

ຂຽນເມື່ອ: ກ.ພ.. 27, 2009 | ມີ 3 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ໃນງານລ້ຽງ, ນາງເມຍຮ້າຍວຶດວື່ໃສ່ຜົວ:

“ ນີ້ເປັນເທື່ອທີແປດແລ້ວໃດ ທີ່ເຈົ້າໄປຂໍເຫລົ້າຊຳປາຍ, ນາງເວົ້າຂື້ນ ”

ເຈົ້າບໍ່ລະອາຍເພິ່ນແດ່ຫວະ ?

“ ເປັນຫຍັງຂ້ອຍຊິບອາຍ ? ” ຜົວຢ້ອນຖາມຄືນ, “ ຍາມໃດຂ້ອຍກໍ່ບອກວ່າຂໍມາໃຫ້ເຈົ້າ.”

ພໍ່******ເກ່ງກວ່າ

ຂຽນເມື່ອ: ກ.ພ.. 7, 2009 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal0falsefalsefalseMicrosoftInternetExplorer4/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-parent:"";mso-padding-alt:0cm 5.4pt 0cm 5.4pt;mso-para-margin:0cm;mso-para-margin-bottom:.0001pt;mso-pagination:widow-orphan;font-size:10.0pt;font-family:"Times New Roman";mso-bidi-font-family:"Times New Roman";mso-ansi-language:#0400;mso-fareast-language:#0400;mso-bidi-language:#0400;}

ທ້າວຕຸ້ຍ ເປັນລູກນາຍພານ, ທ້າວຈ່ອຍເປັນລູກທະຫານ, ທ້າວດຳ ເປັນນາຍຄູ.

ທັງສາມ ຕ່າງຄົນກໍຕ່າງຄຸຍໂມ້ເລື່ອງຄວາມເກ່ງຂອງພໍ່ຕົນເອງ.

ທ້າວຕຸ້ຍ: “ ສູໆ ! ພໍ່******ເກ່ງຂະໜາດເລີຍ, ຂະໜາດວ່າຍິງໜ້າໄປແລ້ວ ຍັງສາມາດແລ່ນໄປຈັບເອົາລູກໜ້າທັນ. ”

ທ້າຍຈ່ອຍ: “ ໂອ່ຍ ! ພໍ່******ແຮ່ງພິລຶກຕວ່າ ຂະໜາດຍິງປືນໄປແລ້ວ ຍັງສາມາດແລ່ນໄປຈັບເປົ້າຢືນຕໍ່ໜ້າລໍຖ້າຮັບລູກປືນທັນ.”

ທ້າວດຳ: “ ຮຶ ! ຊາຫຍັງພໍ່ພວກສູນັ້ນ, ພໍ່******ແຮ່ງເກ່ງກ່ວາພໍ່ພວກສູຕັ້ງທໍ່ໆໃດເທົ່າ

ຂະໜາດວ່າໂຮງຮຽນເລີກ 4:00 ໂມງແລງ ແຕ່ພໍ່******ມາຮອດເຮືອນແຕ່ 2:00 ໂມງພຸ້ນ ”

ທ້າວຕຸ້ຍ ກັບ ທ້າວຈ່ອຍ……………………..?

ຂໍທ່ານກະມີຫົວໃຈ

ຂຽນເມື່ອ: ກ.ພ.. 7, 2009 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal0falsefalsefalseMicrosoftInternetExplorer4/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-parent:"";mso-padding-alt:0cm 5.4pt 0cm 5.4pt;mso-para-margin:0cm;mso-para-margin-bottom:.0001pt;mso-pagination:widow-orphan;font-size:10.0pt;font-family:"Times New Roman";mso-bidi-font-family:"Times New Roman";mso-ansi-language:#0400;mso-fareast-language:#0400;mso-bidi-language:#0400;}

ລຸງບຸນມາ ນັ່ງຢູ່ໜ້າເຮືອນ ພໍດີມີຄົນຂໍທານສອງຄົນກາຍມາ ແລະ ຍ່າງເຂົ້າມາຫາລາວ ນັ່ງຍໍມືນົບ ພ້ອມທັງເວົ້າວ່າ:

“ ໂອ້ຍຍາລຸງເອີ້ຍ ! ພວກຂ້ານ້ອຍຂໍທານ ຂໍເງິນ ຂໍເຄື່ອງນຸ່ງເກົ່າແດ່ທ້ອນ ”

“ ລູງບຸນມາເຂົ້າໄປໃນເຮືອນ ບຶດໜຶ່ງແລ້ວອອກມາ ແລະ ເອົາເງິນໃຫ້ຜູ້ລະ 500 ກີບ ພ້ອມທັງຍື່ນເສື້ອເກົ່າໃຫ້ຜູ້ລະຜືນ,”

ຄົນຂໍທານເອົາເງິນຍັດໃສ່ຖົງ, ເອົາເສື້ອມາພຶງເບິ່ງ ແລ້ວເບະສົບພ້ອມທັງເວົ້າວ່າ:

“ ເສື້ອນີ້ມັນເກົ່າໂພດ ! ນຸ່ງໄປຂໍທານກະອາຍເຂົາລະບໍ່…”

ລຸງບຸນມາ…………………………….?

ຜູ້ໃດເອົາລົງ ຜູ້ນັ້ນເອົາຂື້ນ

ຂຽນເມື່ອ: ກ.ພ.. 7, 2009 | ມີ 3 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal0falsefalsefalseMicrosoftInternetExplorer4/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-parent:"";mso-padding-alt:0cm 5.4pt 0cm 5.4pt;mso-para-margin:0cm;mso-para-margin-bottom:.0001pt;mso-pagination:widow-orphan;font-size:10.0pt;font-family:"Times New Roman";mso-bidi-font-family:"Times New Roman";mso-ansi-language:#0400;mso-fareast-language:#0400;mso-bidi-language:#0400;}

ລຸງຢຸ້ຍ ຂີ່ລົດເມໄປຍາມລູກສາວຢູ່ພາກໃຕ້ ລົດເມຄັບຫລາຍບໍ່ມີບ່ອນນັ່ງ

ຈຳເປັນລາວຈຶ່ງໄດ້ຢືນຈັບຮາວຢູ່, ລົດແລ່ນໄປໄວສົມຄວນ ພໍດີມີໜາແລ່ນຕັດໜ້າລົດ

ຄົນຂັບຈຶ່ງຢຽບຫ້າມລໍ່ໜົດແຮງ ເຮັດໃຫ້ລົດຢຸດຈຶກກັບບາດ, ຜູ້ໂດ້ຍສານພາກັນຫົວດວນໄປທາງໜ້າຢ່າງບໍ່ເປັນລະບຽບ.

ປ້າແພງຫົວຊຸກໄປຕຳລຸງປຸ້ຍສອງມືທັນຄຸບໄດ້ຂາໂສ້ງລຸງປຸ້ຍ ແຕ່ຈັ້ງບໍ່ຢູ່ຈຶ່ງຮູດໂສ້ງລຸງປຸ້ຍລົງຈຳຕີນ ເພາະເປັນໂສ້ງວອມ.

ເມື່ອທຸກສິ່ງທຸກຢ່າງເຂົ້າສູ່ສະພາບປົກກະຕິແລ້ວແຕ່ສຽງຫົວຍັງແຕກໂຄບໆຢູ່,

ທຸກໆສາຍຕາຫລຽວສັກໄປຫາລຸງປຸ້ຍ ເພາະລາວບໍ່ໄດ້ນຸ່ງໂສ້ງຊ້ອນໃນ ໂສ້ງຫລຸດກໍບໍ່ຍອມເອົາຂື້ນ

ລາວຢືນເສີຍໆແບບບໍ່ຮ້ອນບໍ່ໜາວ. ເມື່ອເປັນດັ່ງນັ້ນຜູ້ໂດ້ຍສານຈຶ່ງພາກັນຮ້ອງໃສ່ລຸງປຸ້ຍວ່າ:

“ ໂອ້ຍລຸງເອີ້ຍ ! ດຶງຂື້ນແດ່ດຸໂສ້ງເຈົ້າຫັ້ນນ່າ ”

ລຸງປຸ້ຍຈຶ່ງຕອບແບບໜ້າຕາເສີຍວ່າ:

“ ຜູ້ໃດດຶງລົງ ກະຜູ້ນັ້ນເອົາຂື້ນລະບໍ ”

ປ້າແພງ………………………?

ຂອງຈຳລອງ

ຂຽນເມື່ອ: ກ.ພ.. 7, 2009 | ມີ 3 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal0falsefalsefalseMicrosoftInternetExplorer4/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-parent:"";mso-padding-alt:0cm 5.4pt 0cm 5.4pt;mso-para-margin:0cm;mso-para-margin-bottom:.0001pt;mso-pagination:widow-orphan;font-size:10.0pt;font-family:"Times New Roman";mso-bidi-font-family:"Times New Roman";mso-ansi-language:#0400;mso-fareast-language:#0400;mso-bidi-language:#0400;}

ດ້ວຍຄວາມໂມໂຫ, ຍິງຄົນໜຶ່ງ ເວົ້າຊາກໃສ່ຄົນຂາຍວັດຖຸບູຣານວ່າ:

” ຕອນຂາຍເຄຶ່ອງແຕ່ງເຮືອນອັນນີ້ໃຫ້ຂ້ອຍຫັ້ນ ເຈົ້າບອກວ່າແມ່ນງາຊ້າງແທ້ໆ”

ແຕ່ແລ້ວມັນພັດເປັນຂອງປອມ - ຂອງຈຳລອງ ລາຄາຖືກໆ.

” ຄົງເປັນໄປບໍ່ໄດ້ດອກຍານາງ, ແຕ່ແນ່ນອນ… ບາງທີຊ້າງມັນອາດໃສ່ແຂ້ວປອມກໍ່ເປັນໄດ້ໃດ໋.”

ຜູ້ຟັງທີ່ເກີດອາການເບື່ອ

ຂຽນເມື່ອ: ກ.ພ.. 7, 2009 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal0falsefalsefalseMicrosoftInternetExplorer4/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-parent:"";mso-padding-alt:0cm 5.4pt 0cm 5.4pt;mso-para-margin:0cm;mso-para-margin-bottom:.0001pt;mso-pagination:widow-orphan;font-size:10.0pt;font-family:"Times New Roman";mso-bidi-font-family:"Times New Roman";mso-ansi-language:#0400;mso-fareast-language:#0400;mso-bidi-language:#0400;}

ນັກບັນລະຍາຍສອງຄົນ ໂສກັນກ່ຽວກັບບັນຫາໜັກໃຈ ທີ່ພວກຕົນໄດ້ພັບມາ.

ຜູ້ທີ່ໜຶ່ງ: “ ບັນຍາກາດຈັ່ງແມ່ນບໍ່ຄັກ ເວລາຜູ້ຟັງພາກັນເບິ່ງໂມງ ໃນຂະນະທີ່ເຮົາພວມບັນລະຍາຍຢູ່ ”

ຜູ້ທີ່ສອງ: “ ສໍ່ານັ້ນຍັງພໍທົນໄດ້, ອັນຂີ້ຮ້າຍກວ່ານັ້ນກໍຄືວ່າຜູ້ຟັງພາກັນຍົກໂມງຂື້ນມາແປະໃສ່ຫູ

ເພື່ອກວດເບິ່ງວ່າໂມງຂອງພວກເຂົາຢຸດ ຫລື ຍັງເດີນຢູ່. ”

ລໍ້າໜ້າເວລາ

ຂຽນເມື່ອ: ກ.ພ.. 7, 2009 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal0falsefalsefalseMicrosoftInternetExplorer4/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-parent:"";mso-padding-alt:0cm 5.4pt 0cm 5.4pt;mso-para-margin:0cm;mso-para-margin-bottom:.0001pt;mso-pagination:widow-orphan;font-size:10.0pt;font-family:"Times New Roman";mso-bidi-font-family:"Times New Roman";mso-ansi-language:#0400;mso-fareast-language:#0400;mso-bidi-language:#0400;}

ແປງ: “ ເມຍເຮົາເປັນຄົນລໍ້າຍຸກລໍ້າເວລາແທ້ໆ”

ສົງ: “ ຈັ່ງໃດຈຶ່ງວ່າຊັ້ນ ? ”

ແປງ: “ ເອີ່ ຄືວ່າ… ເງິນເດືອນເຮົາສຳລັບປີໜ້າຫັ້ນ ລາວເອົາໄປຈ່າຍໜົດແລ້ວ. ”

ຮູ້ສຶກເຂີຍອາຍ

ຂຽນເມື່ອ: ກ.ພ.. 7, 2009 | ມີ 2 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal0falsefalsefalseMicrosoftInternetExplorer4/* Style Definitions */table.MsoNormalTable{mso-style-name:"Table Normal";mso-tstyle-rowband-size:0;mso-tstyle-colband-size:0;mso-style-noshow:yes;mso-style-parent:"";mso-padding-alt:0cm 5.4pt 0cm 5.4pt;mso-para-margin:0cm;mso-para-margin-bottom:.0001pt;mso-pagination:widow-orphan;font-size:10.0pt;font-family:"Times New Roman";mso-bidi-font-family:"Times New Roman";mso-ansi-language:#0400;mso-fareast-language:#0400;mso-bidi-language:#0400;}

ທ້າວໂຣເບີດ ຖືກທ້າວ ຈິມ ຄົນເຮືອນໃກ້ ເຊີນໄປປົງສົບເມຍຄົນທີ່ສາມຂອງເຂົາ.

ໂຣເບີດບອກນາງເມຍວ່າ ຄັ້ງນີ້ເຂົາຈະບໍ່ໄປຮ່ວມ. ເມຍຂອງເຂົາຮູ້ສຶກແປກໃຈ

ເພາະເຂົາເຄີຍໄປຣ່ວມງານສົບເມຍຄົນທີ່ໜຶ່ງ ແລະ ເມຍຄົນທີສອງຂອງຈິມມາແລ້ວ.

“ ເປັນຫຍັງຄັ້ງນີ້ອ້າຍຈຶ່ງບໍ່ໄປຣ່ວມ ? ”

“ ມັນເປັນຈັ່ງຊີ້ນະແມ່ຣິ. ອ້າຍຮູ້ສຶກເກີ້ເຂີນເລັກໜ້ອຍ ທີ່ຍາມໃດກໍ່ມີແຕ່ຕ້ອງຮັບຄຳເຊີນຂອງຈິມ ໃນເມື່ອອ້າຍເອງພັດບໍ່ເຄີຍເຊີນຕອບໃຫ້ເຂົາມາຣ່ວມງານແບບນີ້ຈັກເທື່ອ.”

ໄວ້ໃຈໄມ້ແທກ

ຂຽນເມື່ອ: ມ.ກ.. 8, 2009 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-bidi-font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}

ແຕ່ກ່ອນກີ້ ມີຊາຍຄົນໜຶ່ງວາງແຜນຊື້ເກີບຈັກຄູ່ ມາໃສ່ເອງ.

ເຂົາແທກຂະໜາດຕີນຂອງຕົນ ຢູ່ເຣືອນດ້ວຍບັນທັດໄມ້ໃຜ່,

ແລ້ວໜາຍໄວ້ ກ່ອນປົງໄມ້ບັດທັດໄວ້ເທິ່ງຕັ້ງ.

ເຂົາເຂົ້າໄປຕະຫລາດ ແລ້ວຕົກລົງຊື້ເກີບຄູ່ໜຶ່ງ. ໃນຂະພວມທີ່ຈະລອງເກີບ,

ເຂົາເລີຍສະເດືອກໄດ້ວ່າຕົນລືມໄມ້ບັນທັດ ຢູ່ເຣືອນ.
ດັ່ງນັ້ນເຂົາຈຶ່ງລິວເມືອເຣືອນ. ເມືອເຂົາກັບຄືນມາພ້ອມດ້ວຍໄມ້ບັນທັດ,

ຕະຫລາດພັດປິດຣຽບຮ້ອຍແລ້ວ. ເປັນອັນວ່າເຂົາບໍ່ສາມາດຊື້ເກີບໄດ້.

ເວລານັ້ນ ມີຄົນຜູ້ໜຶ່ງຫົວຂວັນລາວ ທັງຖາມວ່າ:

“ ຖ້າເຈົ້າຕັ້ງໃຈຊິຊື້ເກີບໄປໃສ່ເອງແທ້ ເປັນຫຍັງບໍ່ສຸບແທກຂະໜາດໃສ່ ຕີນເລີຍ?”

ຊາຍຄົນນັ້ນຕອບດ້ວຍສຽງຈິ່ງໃຈວ່າ: “ ຂ້ອຍເຊື້ອແລະໜັ້ນໃຈ

ໃນຂະໜາດທີ່ຂ້ອຍແທກໄວ້ເທົ່ານັ້ນ”

ເຕັກໂນໂລຊີທັນສະໄໜ

ຂຽນເມື່ອ: ມ.ກ.. 8, 2009 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-bidi-font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}

ຕອນໄປຢາມລູກຊາຍທີ່ປະເທດຝຣັ່ງ ເປັນເວລາ 3 ປີ,

ລຸງຕຸ້ຍໄດ້ເຣັດວຽກຊົ່ວຄາວຢູ່ໂຣງງານຜະລິດເຄື່ອງໜັງ.

ມັນເປັນໂຣງງານໃຫຍ່ ແລະ ມີກົນໄກປະກອບຊີ້ນສ່ວນລະອຽດທັນສະໄໜທີ່ສຸດ.

ຈົນເຣັດໃຫ້ລຸງຕຸ້ຍຕົກຕະລຶງຊຶງເຊີ້. ພໍມາຣອດເຄື່ອງຈັກຂະໜາດໃຫຍ່ເຄື່ອງໜຶ່ງ

ຫົວໜ້າໄດ້ອະທິບາຍໃຫ້ລຸງຟັ່ງວ່າ:

“ ນີ້ແມ່ນເຕັກໂນໂລຢີລຸ້ນລ້າສຸດສຳລັບປຸ່ງແຕ່ງຜະລິດຕະພັນຈາກໜັງສັດ”

ພວກເຣົາເອົາຄວາຍທັງຕົວປ່ອນເຂົ້າສົ້ນໜຶ່ງ ແລ້ວມັນກໍ່ອອກໄປສົ້ນໜຶ່ງເປັນເກີບສຳເລັດຣູບ.

“ ໂດ້ຍບໍ່ຍອມໜ້ອຍນ້າໃຜ, ລຸງຕຸ້ຍຕອບຄືນໄປວ່າ: ”

ຢູ່ປະເທດລາວພວກຂ້ອຍມີເຄຶ່ອງຈັກດີກວ່ານີ້ຊໍ້າ. ພວກຂ້ອຍເອົາເກີບຄູ່ເກົ່າໆປ່ອນໃສ່ສົ້ນໜຶ່ງ

ແລ້ວມັນກໍ່ເປັນຄວາຍຍ່າງໂຢ້ງໆອອກຈາກອີກສົ້ນໜຶ່ງ.

“ ໂທ້ ! ພິລຶກປານນັ້ນພຸ້ນຫວະ ? ” ຝ່າຍຫົວໜ້າຝຣັ່ງຣ້ອງລັນຂຶ້ນ

“ ຊັ້ນ…ສາຍເກີບແດ່ໄປໃສ ? ”

“ ເອີ … ສາຍເກີບຫວະ ? ມັນກໍກາຍເປັນຫາງຄວາຍຊັ້ນລະບໍ ”

ຍ່ຽວໃກ້ ຍ່ຽວໄກ

ຂຽນເມື່ອ: ມ.ກ.. 8, 2009 | ມີ 16 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-bidi-font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}

ລູງແດງ ຂີ່ລົດເມມາຈາກທ່າແຂກ ຈະຂື້ນມາຢາມລູກຢູ່ວຽງຈັນ.

ແຕ່ລົດເມອອກຈາກຄິວໜ້ອຍໜຶ່ງກໍປວດຍ່ຽວຂື້ນມາ ແຕ່ລາວກໍອົດກັ້ນເອົາໄວ້

ເພາະບໍ່ກ້າບອກໃຫ້ລົດຈອດ.

ລົດເມແລ່ນມາຣອດນ້ຳທອນຈຶ່ງຈອດໃຫ້ຜູ້ໂດ້ຍສານລົງກິນເຂົ້າທ່ຽງຢູ່ນັ້ນ,

ພໍແຕ່ລົດຈອດປຸບ ລຸງແດງກໍຟ້າວລົງຈາກລົດແລ່ນໄປຂ້າງຫລັງຮ້ານອາຫານ

ແລ້ວກໍຍ່ຽວໃສ່ຝາເຮືອນຄົວດັງຈາກໆ. ແມ່ປ້າແພງເຈົ້າຂອງຮ້ານທີ່ຢູ່ຂ້າງໃນເຫັນຈຶ່ງຮ້ອງໃສ່ວ່າ:

“ ໂອ້ຍ ! ເປັນຫຍັງຄືມາຍ່ຽວໃກ້ແທ້ …ໄປຍ່ຽວບ່ອນອື່ນມັນຊິຕາຍຫວະ”

“ ລຸງແດງບໍ່ຫລາຍເລື່ອງຕອບດອດຂື້ນໂລດ”

“ ປັດຕິໂທ້ ! ອອກມາແຕ່ທ່າແຂກມາຍ່ຽວຢູ່ພີ້ຣ້ອຍກວ່າຫລັກ…ເຈົ້າຍັງວ່າມາຍ່ຽວໃກ້ຢູ່ຫວະ”

ແມ່ປ້າແພງ………………………….?

ໜົດກ້ຽງ

ຂຽນເມື່ອ: ມ.ກ.. 8, 2009 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

Normal 0 false false false MicrosoftInternetExplorer4 /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-bidi-font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;}

ປ້າຕຸ້ຍ ບອກໃຫ້ຫລານຍູ້ລໍ້ໜາກໄມ້ ໄປເລາະຂາຍຊ່ວຍ ເພາະລາວເມື່ອຍ

ຄິດຢາກຈະຜັກຜ່ອນ ຫລັງຈາກເນາະນຳລາຄາໃຫ້ຫລານຊາຍແລ້ວ

ຫລາຍຊ້າຍກໍ່ຍູ້ລໍ້ອອກໄປ, ປະມານຊົ່ວໂມງໜຶ່ງກໍເຫັນຫລານຊາຍກັບມາພ້ອມດ້ວຍລໍ້ເປົ້າ.

ພໍແຕ່ກ້າວເຂົ້າຮອດປະຕູຣົ້ວ

ປ້າຕຸ້ຍກໍເອີ້ນຖາມຫລາຍຊາຍໂລດວ່າ:

“ ເປັນແນວໃດຂາຍດີບໍ່ ? ”

ຫລານຊາຍຈຶ່ງຣ້ອງຕອບວ່າ:

“ ໜົດກ້ຽງ ”

ປ້າຕຸ້ຍດີໃຈຫົວຍຸ້ມໆ ນຶກວ່າຫລານຊາຍໄດ້ຂາຍດີຈົນໜົດກ້ຽງ ຈິ່ງເອີ້ນຖາມອີກວ່າ:

“ ໄດ້ເງິນຫລາຍປານໃດ ? ”

ຫລານຊາຍເກົາຫົວຍອກໆ ພ້ອມທັງຕອບດັງໆວ່າ:

“ ລໍ້ປີ້ນຕົກຂົວ…ໜາກໄມ້ຕົກນ້ຳໄຫລໄປໜົດກ້ຽງ…”

ປ້າຕຸ້ຍ:………………………………………..?

ໃສ້ຂີ້ມັນອອກ

ຂຽນເມື່ອ: ທ.ວ.. 13, 2008 | ມີ 10 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ລຸງກອງ ບອກຫລານຊາຍວ່າ:

“ ຖ້າມີຜູ້ໃດເອົາຫຍັງມາໃຫ້ ເອົາໄວ້ໃຫ້ລຸງແດ່ເດີ້ ” ຫລັງຈາກລຸງກອງອອກຈາກເຮືອນໄປໜ້ອຍໜຶ່ງຄົນເຮືອນໃກ້ກໍເອົາປາໂຕບັກໃຫຍ່ມາໃຫ້, ຫລານຊາຍກໍເອົາຫ້ອຍປະໄວ້, ຕອນແລງ ລຸງກອງກັບມາ ເຫັນປາຫ້ອຍຢູ່ ເໜັນອື້ໆ ຈຶ່ງຮ້າຍຫລານຊາຍວ່າ:

“ ບາດນີ້ເຂົາເອົາມາໃຫ້ ມຶງກະໃສ້ຂີ້ມັນອອກຊັ້ນລະບໍ ”

ມື້ໃໜ່ມາລຸງກອງກໍອອກຈາກເຮືອນໄປອີກ, ຄົນເຮືອນໃກ້ກໍເອົາໜາກກ້ວຍງ້າວມາໃຫ້ຫວີໜຶ່ງ, ຫລານຊາຍບໍ່ຫລາຍເລື່ອງຈັດການໃສ້ຂີ້ມັນກິນໜົດ ເຫລືອແຕ່ເປືອກເອົາຫ້ອຍປະໄວ້.

ເມື່ອລຸງກອງກັບມາເຫັນແຕ່ເປືອກໜາກກ້ວຍງ້າວຫ້ອຍປະໄວ້ ຈຶ່ງເອີ້ນຖາມຫລານຊາຍວ່າ:

“ ອ້າວ ! ບັກແອ…ໜາກກ້ວຍນີ້ເປັນຫຍັງມີແຕ່ເປືອກ…ໃນມັນໄປໃສໜົດ ? ”

ຫລານຊາຍຈຶ່ງຟ້າວຕອບວ່າ:

“ ຂ້ອຍໃສ້ຂີ້ມັນອອກໜົດແລ້ວ ”

ລຸງກອງ:………………………………?

ບໍ່ຍອມເສຍປຽບ

ຂຽນເມື່ອ: ທ.ວ.. 13, 2008 | ມີ 10 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຊາຍຕາບອດຜູ້ໜຶ່ງຍ່າງກາຍໜ້າເດັກນ້ອຍມາ, ເດັກນ້ອຍຈຶ່ງເວົ້າຢອກວ່າ:

“ ລະວັງ ! ຢຽບງູ”

ຊາຍຕາບອດຜູ້ນັ້ນກໍຟ້າວເຕັ້ນກະໂຫຍ່ງກະເຫຍ່ງອອກຈາກທາງ, ເດັກນ້ອຍຄຶດຢາກຫົວຈຶ່ງຮ້ອງບອກວ່າ:

“ ໂອ້ຍ ! ຢ້ານຕາຍອີຫຍັງ…ງູຕາຍແລ້ວ ”

ຊາຍຕາບອດຢ້ານເສຍປຽບຈຶ່ງເວົ້າຂຶ້ນວ່າ:

“ ສົມພໍດອກ…ຈຶ່ງເໜັນທຸ່ຍໆ ”

ເດັກນ້ອຍຈຶ່ງເວົ້າອີກວ່າ:

“ ເໜັນຕາຍຫ່າອີຫຍັງ ງູຕາຍຈົນວ່າແຫ້ງແລ້ວ ”

ຊາຍຕາບອດບໍ່ຍອມເສຍປຽບເດັກນ້ອຍ ຈຶ່ງເວົ້າວ່າ:

“ ສົມພໍ…ກູຢຽບຈຶ່ງດັງກອບບາດໜຶ່ງ”

ເດັກນ້ອຍ…………………………………………….?

ຄວາມຕັ້ງໃຈ

ຂຽນເມື່ອ: ທ.ວ.. 13, 2008 | ມີ 4 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຍິງສາວທີ່ໄປໆ-ມາໆກັບຊາຍໜຸ່ມ ເປັນເວລາປີກວ່າ ຖືກຜູ້ເປັນພໍ່ແມ່ຖາມຄາດຄັ້ນກ່ຽວກັບຄວາມໜາຍໜັ້ນຄັ້ນມື ຂອງຝ່າຍຊາຍ. ຍິງສາວຕອບວ່າ:

“ ເລື່ອງນີ້ລູກກໍ່ບໍ່ແນ່ໃຈປານໃດ. ສ່ວນໃຫຍ່ລາວມັກພາລູກຢູ່ບ່ອນມືດໆກັບລາວ”.

ສິ່ງທີ່ມີຄ່າກວ່າເມຍ

ຂຽນເມື່ອ: ທ.ວ.. 13, 2008 | ມີ 10 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ທີ່ຮ້ານອາຫານແຫ່ງໜຶ່ງ, ຫລັງຈາກຮັບປະທານອາຫານ,

ລູກຄ້າເວົ້າສຽວຫຍຸ້ງໆກັບເຈົ້າຂອງຮ້ານວ່າ:

“ ຂໍໂທດນະ, ເຮົາລືມເງິນຢູ່ເຮືອນ ຈຶ່ງບໍ່ສາມາດຈ່າຍຄ່າອາຫານນີ້ໄດ້,

ເມຍເຮົາຊິຖ້າຢູ່ນີ້ກ່ອນ ສ່ວນເຮົາຊິເມືອເອົາເງິນຢູ່ເຮືອນ ແລ້ວຊິກັບມາພາຍໃນ 15 ນາທີ. ” ເຈົ້າຂອງຮ້ານເວົ້າຕັດຂື້ນວ່າ:

“ ເຈົ້າຕ້ອງເອົາສິ່ງໃດໜຶ່ງທີ່ມີຄ່າກວ່າເມຍປະກັນໄວ້ເຊັ່ນ: ໂມງ, ແຫວນ ຫລືໂທລະສັບມືຖືບໍເອີ່ຍ… ສ່ວນເມຍຫັ້ນ… ຂ້ອຍມີຢູ່ເຮືອນພໍແຮງແລ້ວ. ”

ໂມງປຸກ

ຂຽນເມື່ອ: ທ.ວ.. 11, 2008 | ມີ 7 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຝ່າຍພໍ່ເຖົ້າ ຕ້ອງການລຸກແຕ່ເດິກ ໃນເຊົ້າມື້ຕໍ່ໄປ ເພື່ອໃຫ້ທັນລົດເມກັບບ້ານ. ພໍ່ເຖົ້າຖາມຫລານຊາຍວ່າ:

“ ໂມງປຸກນີ້ ມັນກໍລັ່ນຕົງຕາມເວລາຢູ່ຫວະ ?.” ຫລານຊາຍຕອບວ່າ:

“ ພໍ່ເຖົ້າບໍ່ຕ້ອງເປັນຫ່ວງດອກ, ຖ້າມັນບໍ່ປຸກ ພໍ່ເຖົ້າກໍພຽງແຕ່ ຈັບມັນສັ່ນຈັກບຶດໜຶ່ງ ແລ້ວມັນກໍ່ຈະລັ່ນບໍ່ຍອມຢຸດ”.

ຕ້ອງການເມຍ

ຂຽນເມື່ອ: ທ.ວ.. 11, 2008 | ມີ 10 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ພາຍຫລັງນາງເມຍໄດ້ລ່ວງລັບໄປເປັນເວລາ 5 ປີ, ທ້າວພີເຕີໄດ້ລົງປະກາດໃນໜັງສືພິມ ໂດ້ຍມີຫົວຂໍ້ວ່າ: “ ຕ້ອງການເມຍ”. ຕະຫລອດ 2 ອາທິດຕໍ່ມາ ເຂົາໄດ້ຮັບຈົດໜາຍຂານຕອບເປັນຈຳນວນຮ້ອຍໆກ້ານ, ທັງໜົດມາຈາກເພດຊາຍ ທີ່ບອກວ່າ:

“ ເອົາເມຍເຮົາກໍ່ໄດ້”

ຜູ້ສຳນືກບາບ

ຂຽນເມື່ອ: ທ.ວ.. 11, 2008 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ເມຍ: “ ອ້າຍເຊື່ອບໍວ່າ ອັ່ນພວກຂີ້ລັກທັງຫລາຍຫັ້ນພວກມັນຈະຕ້ອງສຳນືກບາບ ບໍ່ໄວ້ກໍ່ຊ້າ.”

ຜົວ: “ ຖືກຕ້ອງແລ້ວທີ່ຮັກ. ຮູ້ບໍ ເມື່ອ 9 ປີກ່ອນໜ້ານີ້ ອ້າຍໄດ້ຂະໂມຍຫົວໃຈຂອງນ້ອງ. ມາດ່ຽວນີ້ອ້າຍຈື່ງຮູ້ສືກກິນແໜງແຄງໃຈ.”

ບໍ່ຮູ້ແວ່ນ

ຂຽນເມື່ອ: ທ.ວ.. 11, 2008 | ມີ 6 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ມີເລື່ອງເລົ່າວ່າ: ຍິງໜຸ່ມຄົນໜຶ່ງບໍ່ຮູ້ຮອດວ່າແວ່ນແມ່ນຫຍັງ?.

ມື້ໜຶ່ງ. ຝ່າຍຜົວຊື້ແວ່ນວົງໜຶ່ງມາໃຫ້ນາງ. ໃນຂະນະແຍງແວ່ນ, ນາງຮູ້ສຶກຕົກໃຈຈຶ່ງຟ້າວແລ່ນໄປບອກແມ່ຜົວວ່າ :

“ ລູກຊາຍອີ່ແມ່ຫັ້ນ ເອົາເມຍໃໜ່ມາຢູ່ໃນເຮືອນນຳ ” ນາງຕໍ່ວ່າຕໍ່ຂານ.

“ ແມ່ນແທ້ຫວະ ? ” ຝ່າຍແມ່ຍາຖາມດ້ວຍຄວາມແປກໃຈ

“ ເບິ່ງ… ໃຫ້ແມ່ເບິ່ງແດ່ ” ໃນຂະນະຈຶ້ງໜ້າໃສ່ແວ່ນ, ຝ່າຍແມ່ຍ່າກໍຮູ້ສຶກສັບສົນເຊັ່ນກັນ

“ ນີ້ມັນແມ່ນກະເລີ່ກັນ… ແມ່ເມຍມັນກໍ່ມານຳກັນຕະວ່ານີ້…” ແມ່ຍ່າຈົ່ມພຶມພຳ

ຜະລິດທີ່ ຍີ່ປຸ່ນ

ຂຽນເມື່ອ: ທ.ວ.. 11, 2008 | ມີ 9 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ນັກທ່ອງທ່ຽວຍີ່ປຸ່ນຄົນໜຶ່ງເດີນທາງມາວຽງຈັນ. ຕອນນັ່ງລົດຕັກຊີນຳທ່ຽວຫັ້ນ, ເຂົາສັງເກດເຫັນວ່າທຸກສິ່ງທຸກຢ່າງຢູ່ເມືອງລາວນີ ເຄືອນເໜັງໄປດ້ວຍຈັງຫວະເຍີບຍາບຊັກຊ້າ ເມື່ອສົມທຽບກັບຍີ່ປຸ່ນ. ອົດບໍ່ໄດ້, ເຂົາເລີຍເວົ້າກັບຄົນຂັບລົດຕັກຊີວ່າ:

“ ຕັກຊີພວກເຈົ້າແລ່ນຊ້າໂພດ, ຢູ່ຍີ່ປຸ່ນ ຕັກຊີແລ່ນບັກໄວໆ, ເບິ່ງລົດເມພວກເຈົ້າກໍພໍກັນ, ແລ່ນປານຫອຍໄຕ່. ຢູ່ຍີ່ປຸ່ນລົດເມແລ່ນໄວປານໃສ່ຕີນຜີ. ພຸ້ນໆ…

ເບິ່ງລົດຈັກພວກເຈົ້າກໍພໍກັນ. ຢູ່ຍີ່ປຸ່ນ ລົດຈັກແລ່ນໄວໄປປານລົມ.”

ການນຳທ່ຽວສິ້ນສຸດລົງ. ຄ່າຕັກຊີຕົກເປັນເງິນສອງແສນກີບ.

“ ປັດໂທ ! ” ນັກທ່ອງທ່ຽວຍີ່ປຸ່ນຮ້ອງຂື້ນວຶດວື່.

“ ກົງເຕີລົດເຈົ້າຄືແລ່ນໄວຕາຍແທ້ ?”

“ ໄວໂອ້ … ຊິບໍ່ໃຫ້ໄວແນວເດີ …” ໂຊເຟີລົດຕັກຊີເວົ້າທັ່ງອອກມາວ່າ:

“ ແນວວ່າກົງເຕີໜ່ວຍນີ້ມັນຜະລິດຢູ່ຍີ່ປຸ່ນ !”

ຄະແນນສຸດຍອດ

ຂຽນເມື່ອ: ທ.ວ.. 10, 2008 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ລູກ: ” ມື້ນີ້ລູກໄດ້ຄະແນນລະດັບຍອດໆສຳລັບບົດສອບເສັງ ”

ແມ່: “ ຄູຖາມລູກຫຍັງແດ່ ?”

ລູກ: “ ຄູຖາມວ່າ: ຄວາຍມີຈັກຂາ. ?”

ແມ່: “ ແລ້ວລູກຕອບວ່າແນວໃດ ?”

ລູກ: “ ລູກບອກວ່າຄວາຍມີ 3 ຂາ ”

ແມ່: “ ລູກໄດ້ຄະແນນສູງສຸດແນວໃດ ຈາກຄຳຕອບທີ່ຜິດ ພາດນັ້ນ ?”

ລູກ: “ ກໍ່ເພາະວ່ານັກຮຽນຄົນອື່ນໆ ໃນຫ້ອງທັງໜົດ ຕອບວ່າ: ຄວາຍມີ 2 ຂາ.”

ຊາຍຕົກອັບ

ຂຽນເມື່ອ: ທ.ວ.. 10, 2008 | ມີ 3 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ໃນຂະນະທີ່ຊາຍຄົນໜຶ່ງເຄືອນຄີງໄປຕາມເສັ້ນທາງທີ່ມີແສງສະຫວ່າງພໍມົວໆ ເຂົາກໍ່ໄດ້ພົບກັບຄົນແປກໜ້າ ທີ່ໂຜ່ອອກມາຈາກເງົາມືດ ແລ້ວຢຸດເຂົາ.

“ ແມ່ນເຈົ້າຕ້ອງການຫຍັງເຮີຍ ?” ຊາຍຄົນນັ້ນຖາມແບບສັ່ນໆເຊັນໆ.

ຄົນແປກໜ້າເວົ້າອອກມາດ້ວຍສຽງເສົ້າໆວ່າ:

“ ຂໍທ່ານຈົ່ງກາລຸນາຊາຍທີ່ອັບຈົນຫິດໂຫຍ ແລະ ຕົກງານແດ່ທ້ອນ. ໜົດໂລກນີ້…ຜູ້ຂາກໍມີແຕ່ປືນບອກດຽວນີ້ລະຕິດຕົນຕິດໂຕ.”

ຄິດເຖິງສະພາບເບິ່ງຕອນນັ້ນ

ທາງເລືອກ

ຂຽນເມື່ອ: ທ.ວ.. 10, 2008 | ມີ 1 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ທີ່ຄີນີກແຫ່ງໜື່ງ, ນາງພະຍາບານຖາມຄົນເຈັບວ່າ:

“ ດ່ຽວນີ້ຂ້ອຍຊິຊັກຢາໃຫ້ເຈົ້າ, ເຈົ້າຢາກໃຫ້ຂ້ອຍສັກໃສ່ບ່ອນໃດ…”

ແລ້ວກໍ່ມີສຽງຕອບອອກມາໂດ້ຍໄວ້ວ່າ:

“ ຂ້ອຍຢາກໃຫ້ສັກໃສ່ແຂນເບື້ອງຂວາຂອງເຈົ້າ.”

ຜົນດີ

ຂຽນເມື່ອ: ທ.ວ.. 8, 2008 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ໃນສະໄໜເຢຍລະມັນຢຶດຄອງຝຮັ່ງ, ພໍ່ນາຝຮັ່ງຄົນໜຶ່ງຖືກຂ້າເສິກຈັບໄປ. ເຂົາໄດ້ຮັບຈົດໜາຍຈາກຝ່າຍເມຍເລື້ອຍໆ.

ນາງຈົ່ມທຸກຈົ່ມຍາກວ່າ: ຫຍຸ້ງນຳວຽກໄຮ່ການນາຫລາຍ. ນາງມີແນວພັນພຽງພໍ ແຕ່ນາງບໍ່ມີແຮງໄຖນາເອງໄດ້. ຝ່າຍຜົວຂຽນຕອບຄືນໄປວ່າ: “ ປະໄວ້ແນວນັ້ນດີທີ່ສຸດແລ້ວທີ່ຮັກ, ບໍ່ຕ້ອງໄຖຕ້ອງຄາດມັນດອກ ເພາະອ້າຍໄດ້ຝັງປືນ ເຊື່ອງໄວ້ຢູ່ຫັ້ນ. ”

ສີ່ວັນຕໍ່ມາຈາກນັ້ນ, ທະຫານແກສຕາໂປເຢຍລະມັນເຕັມສອງຄັນລົດກໍ່ຕະລຸມບອນລົງໃສ່ທົ່ງນາ. ພວກເຂົາພາກັນຂຸດໄງ້ພື້ນທີ່ນາເປັນແລວໄປທົ່ວ.

ດ້ວຍຄວາມຕື່ນເຕັ້ນ ແລະ ຢ້ານກົວ, ຝ່າຍເມຍຂຽນເລົ່າໃຫ້ຜົວຟັງກ່ຽວກັບເຫດການທີ່ເກີດຂື້ນ ທັງຖາມວ່າ: ຊິໃຫ້ນາງເຮັດແນວໃດ.

ຜົວຂຽນຕອບໄປດ້ວຍຂໍ້ຄວາມສັ້ນໆວ່າ: “ ຮີບຈັດການເອົາແນວປູກລົງປູກໂລດ. !

ເພື່ອນແທ້

ຂຽນເມື່ອ: ທ.ວ.. 8, 2008 | ມີ 3 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຄັ້ງໜື່ງ ພະຍາເຊດດິຼກ ກຽມຕົວອອກສູ່ສົງຄາມ. ທ່ານມ້ຽນມັດອາຫານການກິນໄວຫໍຜາສາດຈົນເຕັມ ແລ້ວທ່ານກໍ່ລັ່ນກະແຈຂັງພັນລະຍາຄົນງາມໄວ້ ເພື່ອຄວາມປອດໄພເວລາທ່ານຢູ່ຫ່າງໄກ. ແລ້ວທ່ານຂີ່ມ້າໄປພົບເພື່ອນທີ່ທ່ານໄວ້ໃຈ ຊື່ວ່າທ່ານພະຍາ ລໍເຮັນ ຊື່ງອາໄສຢູ່ຫໍຜາສາດຫລັງຖັດໄປ.

“ ລໍເຮັນສ, ໂຕເປັນເພື່ອນທີ່ເຮົາໄວ້ໃຈທີ່ສຸດ. ຍາມເຮົາຢູ່ຫ່າງໄກ ຂໍໃຫ້ໂຕຮັກສາກະແຈລູກນີ້ໄວ້ ເພື່ອບໍ່ໃຫ້ໃຜເຂົ້າໄປໃນຫໍຜາສາດເຮົາ. ” ດ້ວຍຄວາມຕືນຕັນໃຈ, ທ່ານພະຍາລໍເຮັນ ຂານຮັບວ່າ:

“ ສ່ຽວເຊດດິຼກເອີຍ, ເຮົາສຸດທີ່ອີ່ມເອີບໃຈຕໍ່ຄວາມເຊື້ອໜັນທີ່ໂຕມອບໃຫ້ເຮົາ. ຂໍຈົ່ງຕາຍໃຈໂລດວ່າ ບໍ່ມີໃຜຈະຮັກສາກະແຈລູກນີ້ດີລືນເຮົາດອກ. ເມຍໂຕຈະປອດໄພທຸກປະການ. ”

ທ່ານເຊດດຼິກບັນຊາກາມ້າອອກໄປ. ຂີ້ໄປໄດ້ປະມານໜຶ່ງ ຊົ່ວໂມງປານນັ້ນລະ ທ່ານກໍ່ໄດ້ຍິນສຽງບາດຕີນມ້າແລ່ນຫອບມາຕາມຫັລງ. ນັ່ງຢູ່ເທິງຫລັງມ້າ ແມ່ນທ່ານພະຍາລ“ເຮັນ. ທ່ານຫາຍໃຈເກືອບບໍ່ທົ່ວທ້ອງ ເພາະເມື່ອຍຈາກການບັນຊາມ້າຢ່າງໜັກ. ເຂົາຮ້ອງຂື້ນວ່າ: “ ເຊັດດຼິກ ! ເຊັດດຼິກ ! ໂຕເອົາກະແຈຜິດລູກໃຫ້ເຮົາ ! ”.

ໃຊ້ຕົວ “ຣ” ບໍ່ເປັນ

ຂຽນເມື່ອ: ທ.ວ.. 8, 2008 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຍາພໍ່ຢາກທົດສອບຈົວ 2 ອົງທີ່ໄດ້ຮຽນມາຫລາຍປີແລ້ວ ຈື່ງເອີ້ນຈົວທັງ 2 ເຂົ້າໄປຫາໃນຫ້ອງແລະຖາມວ່າ:

“ຈົວນ້ຍອ ! ດ່ຽວນີ້ເຈົ້າໄດ້ຊັ້ນໄດ້ແລ້ວ”

ຈົວນ້ອຍຕອບຍາບໍ່ວ່າ: “ຊັ້ນຕີ… ຂ້ານອຍ”

ຍາພໍ່ໜ້າແດງຮືດຂິ້ນກັບບາດ, ຈັບໄມ້ແສ້ຟາດກົ້ນຈົວນ້ອຍທົງເວົ້າວ່າ:

“ຊັ້ນຕຣີ…ກໍ່ວ່າຊັ້ນຕຣີ…ຕົວ ຣ ມື່ງເອົາໄປໄວ້ໃສ…” ຈົວໃຫຍ່ຢືນລັກຟັງຢູ່ນອກປະຕູໄດ້ຍິນວ່າໃຊ້ ຕົວ ຣ ຈຶ່ງຈື່ໃສ່ໃຈໄວ້, ຫລັງຈາກຈົວນ້ອຍອອກມາ ແລ້ວຍາພໍ່ກໍ່ເອີ້ນຈົວໃຫຍ່ເຂົ້າໄປຖາມວ່າ:

“ ຈົວນີ້ເດ່…ໄດ້ຊັ້ນຫຍັງ ?”

ຈົວໃຫຍ່ຈື່ງຕອບແບບໜັ້ນໃຈວ່າ:

” ຊັ້ນໂທຣ…ຂ້ານ້ອຍ”

ຍາພໍ່ບໍ່ຫລາຍເລືອງຈັບໄມ້ແສ້ຟາດກົ້ນຈົວໃຫຍ່ດັງເປັ້ຍໆ…ທັງປາກກໍ່ຮ້າຍວ່າ:

” ຊັ້ນໂທຣ…ແມ່ມືງຫວະ…ມືງເອົາຕົວ ຣ ມາໃສ່ເຮັດຫຍັງ…ຊັ້ນໂທ…ກໍວ່າຊັ້ນໂທຊັ້ນຕວ່າ…”

ຢາກເຫລົ້າວາຍ

ຂຽນເມື່ອ: ທ.ວ.. 8, 2008 | ມີ 2 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຊາຍຄົນໜື່ງ ມັກດື່ມເຫລົ້າວາຍເປັນປະຈຳ. ໃນງານລ້ຽງອາຫານຄຳວັນໜື່ງ, ເຂົາກອກໜັກ ຈົນລຸກຈາກບ່ອນນັ່ງບໍ່ໄດ້.

ເຈົ້າພາບງານລ້ຽງລະດົມໃຫ້ເຂົາຣີບກັບເຮືອນ ໂດ້ຍບອກວ່າ:

“ ຈັກໜ່ອຍຝົນຊິຕົກໄດ໋ ! ”

“ຄັນຝົນຊິຕົກ…ແລ້ວເຮົາຊິເມືອເຮືອນໄດ້ແນວໃດ ? ” ຊາຍຂີ້ເຫລົ້າເວົ້າຂື້ນ. ຈາກນັ້ນມາຄາວໜື່ງ, ເຈົ້າພາບພັດເວົ້າຂື້ນວ່າ:

“ ຝົນເຊົາຕົກແລ້ວເດ !”

“ ເອີ່… ຖ້າຝົນເຊົາຕົກ…ເຮົາກໍບໍ່ຈຳເປັນຮີບຮ້ອນເມືອເຮືອນດອກ, ” ຊາຍຂີ້ເມົາທັງເວົ້າ ທັງສືບີ່ກ໋ອກໃຫ້ສົມໃຈ.

They say smoking shortens your life. It also shortens your cigarettes.

ຄຳຖາມຊ່ວຍຕອບໃຫ້ແດ່?

ມີຄົນເວົ້າວ່າ ການສູບຢານັ້ນເຮັດໃຫ້ຊີວິດຄົນເຮົາສັ້ນເຂົ້າ, (ນອກນັ້ນ) ມັນຍັງເຮັດໃຫ້ກອກຢາສັ້ນເຂົ້າເຊັ່ນກັນແມ່ນບໍ່?

ທ່ານຄິດແນວໃດກັບຄຳຖາມນີ້

ສອງສ່ຽວຂີ້ໂມ້

ຂຽນເມື່ອ: ທ.ວ.. 8, 2008 | ມີ 3 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ມີເທື່ອໜຶ່ງ ສອງສ່ຽວຊື່ອ່ຽນ ແລະ ອື່ງ ເວົ້າຄຸຍໂມ້ໂອ້ອວດກ່ຽວກັບຕົນເອງ.

ອ່ຽນ : “ ຄັ້ງໜຶ່ງ ໂມງພໍ່ເຖົ້າກູຕົກລົງນ້ຳສ້າງ, ແຕ່ເວລາເອົາໂມງໜ່ວຍນັ້ນນື້ນມາ ພາຍຫລັງມັນແຊ່ນ້ຳຢູ່ສ້າງເປັນເວລາ 30 ປີ, ມັນກໍຍົງເດີນເສີຍຢູ່. ”

ອື່ງ : “ ສໍ່ານັ້ນກູບໍ່ງຶດດອກ, ຄັ້ງໜຶ່ງພໍ່ເຖົ້າກູຕົກນ້ຳສ້າງ, ຫລັງຈາກນັ້ນ 30 ປີ ຈຶ່ງເອົາລາວຂື້ນມາໄດ້, ແຕ່ລາວກໍ່ຍັງມີຊີວິດເສີຍມັ່ງຢູ່. ”

ອ່ຽນ : “ ມັນເປັນໄປໄດ້ແນວໃດຫວະ ? ແລ້ວພໍ່ເຖົ້າໂຕເຮັດຫຍັງຢູ່ພື້ນນ້ຳສ້າງຕະຫລອດ 30 ປີ ? ”

ອື່ງ: “ ເປັນຫຍັງຊິເປັນໄປບໍ່ໄດ້ ? ຕະຫລອດ 30 ປີ ໃນນ້ຳສ້າງຫັ້ນ, ພໍ່ເຖົ້າເຮົາເຮັດໜ້າທີ່ແປງໂມງພໍ່ເຖົ້າໂຕຊັ້ນຕວ່ະວ່າ.”

ນອກໃຈ

ຂຽນເມື່ອ: ທ.ວ.. 6, 2008 | ມີ 7 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ແມ່ຍິງ: “ ທ່ານ… ຂ້ານ້ອຍຈຳເປັນຕ້ອງຢ່າຮ້າງກັບຜົວຂ້ານ້ອຍ”

ຈ່າສານ: “ ແລ້ວເປັນຫຍັງຕ້ອງຮ້າງ ?”

ແມ່ຍິງ: “ ຍ້ອນລາວນອກໃຈ…ບໍ່ຊື່ສັດ.”

ຈ່າສາສ: “ ເຈົ້າມີຫຍັງມາພິສູດວ່າລາວນອກໃຈ ?”

ແມ່ຍິງ: “ ຄືຈັ່ງຊີ້ນະທ່ານ… ລູກຂ້ານ້ອຍຫາຜູ້ໃດຊິຄືລາວກໍ່ບໍ່ມີພໍຄົນ. ”

ເປັນໄປບໍ່ໄດ້

ຂຽນເມື່ອ: ທ.ວ.. 6, 2008 | ມີ 7 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຈິມ: “ ຂ້າພະເຈົ້າເຄີຍເຫັນໜ້າທ່ານຢູ່ບ່ອນໃດບ່ອນໜື່ງນີ້ລະ ແຕ່ບໍ່ຮູ້ວ່າເມື່ອໃດ ? ເວລາໃດ ?”

ຄົນແປກໜ້າ: “ ເປັນໄປບໍ່ໄດ້ດອກ. ໃບໜ້າຂອງເຮົາຍາມໃດກໍຢູ່ກັບເຮົາ”

ໄຂຫວັດສັດປີກ

ຂຽນເມື່ອ: ທ.ວ.. 6, 2008 | ມີ 3 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ທ່ານໜໍ: “ ຈົ່ງລະວັງໂຮກໄຂ້ຫວັດສັດປີກ. ຂໍ່ໃຫ້ຢູ່ຫ່າງໆຈາກໄຂ່ດິບໆ”

ແມ່ເຮືອນ: “ ແຕ່ຜົວຂ້ານ້ອຍ ລາວບໍ່ຍອມນອນແຍກຕຽງ !”

ຄວາມຝັນ

ຂຽນເມື່ອ: ທ.ວ.. 6, 2008 | ມີ 4 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ລູກສາວນ້ອຍ ຊື່ວ່າຂາວ ເວົ້າກັບແມ່ວ່າ:

“ ແມ່, ເລົ່າຄວາມຝັນຂອງລູກໃຫ້ຟັງແດ່ດູ. ລູກຈື່ບໍ່ໄດ້ຄັກ.

ໃນຄວາມຝັນຫັ້ນ ແມ່ໄປໃສ ? ແມ່ກິນຫຍັງ ? ເດັກນ້ອຍຜູ້ຊາຍ

ລູກເຫັນຫັ້ນຊື່ຫຍັງ ?”. ຝ່າຍແມ່ແປກໃຈ ແລະ ຫົວຂື້ນກາກໆ.

“ຊິໃຫ້ແມ່ເລົ່າຄວາມຝັນຂອງລູກເອງໃຫ້ລູກຝັງໄດ້ແນວໃດ?”

ນາງຂາວເຊັດນ້ຳຕາ ແລະ ເວົ້າຂື້ນວ່າ :

“ ເປັນຫຍັງແມ່ຊິເລົ່າບໍ່ໄດ້. ໃນຄວາມຝັນຂອງລູກຫັ້ນ ແມ່ກໍ່ຢືນແປະໆ ກັບລູກນະ!”.

ດ້ວຍເຫດໃດ

ຂຽນເມື່ອ: ທ.ວ.. 6, 2008 | ມີ 6 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ແອນ້ອຍ: “ ພວກໂຕຮູ້ບໍວ່າ ດ້ວຍເຫດໃດ ມ້າຈຶ່ງບໍ່ມີເຂົາ”

ແອຈ່ອຍ: “ ບໍ່ມີເຂົາ ກໍ່ເພາະວ່າມັນບໍ່ແມ່ນຄວາຍ.”

ແອຕຶກ: “ ບໍ່ແມ່ນ…ມັນບໍ່ມີເຂົາກໍ່ຍ້ອນວ່າມັນບໍ່ແມ່ນຊ້າງຕ່າງຫາກ !”

ເຈົ້າຄວນອ່ານໃຫ້ໜົດກ່ອນ

ຂຽນເມື່ອ: ທ.ວ.. 5, 2008 | ມີ 9 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຄູທ່ານໜື່ງ ຫາກໍ່ຍ້າຍອອກຈາກເຮື້ນສຳເລັດ ພ້ອມດ້ວຍວັດຖຸສິ່ງຂອງທັງໜົດ ລວມທັງຫໍ່ປື້ມເປັນຈຳນວນຫລວງຫລາຍ.

ຫລັງຈາກໂຊເຟີວາງຫໍ່ປື້ມບັກໜັກໆຫໍ່ສຸດທ້າຍໄວ້ເຮືອນຫລັງສ້ງຊັ້ນແລ້ວ ເຂົາກໍ່ອອກປາກຈົ່ມວ່າ:

" ຟ້າເອີຍ ! ເປັນຫຍັງທ່ານບໍ່ອ່ານໃຫ້ໜົດກ່ອນ ຈື່ງຍ້າຍເຮືອນ?"

ວັນເກີດ

ຂຽນເມື່ອ: ທ.ວ.. 5, 2008 | ມີ 8 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ຜູ້ເປັນພໍ ຖາມລູກສາວອາຍຸ 10 ປີ ຂອງເຂົາວ່າ:

"ສຳລັບວັນເກີດຂອງລູກ, ລູກຕ້ອງການເຄັກໜື່ງກ້ອນ ກັບທຽນ 10 ເຫລັ້ມແມ່ນບໍ່?"

ລູກສາວເຜີຍຮ້ອຍຍິ້ມ ແລະ ຕອບວ່າ:

"ອີ່ພໍ່, ຊື້ເຄັກ 10 ກ້ອນ ກັບທຽນພຽງເຫລັ້ມດຽວໃຫ້ລູກໍພໍແລ້ວ."

ຄົນຂີ້ລືມ

ຂຽນເມື່ອ: ພ.ຈ.. 26, 2008 | ມີ 5 ຄຳເຫັນ ແລະ 0 trackback(s)

ໜວດໝູ່: ເລື່ອງຕະລົກ/ຊວນຫົວ

ບູນປອນນາມສົມມຸດ: ເປັນຄົນມັກລືມທີ່ສຸດ ຂະໜາດວ່າກິນເຂົ້າອີ່ມແລ້ວວ່າຕົນເອງບໍ່ທັນໄດ້ກິນເຂົ້າ.

ມື້ 1 ບຸນປອນຈັບພ້າອີ່ໂຕເຂົ້າປ່າໄປຕັດຟືນໃນປ່າ ຫລັງຈາກຕັດຟືນໄດ້ແລ້ວ ລາວຊໍ້າເຈັບທ້ອງຖ່າຍ ຈື່ງເອົາພ້າສັບໃສ່ຕໍໄມ້ຕໍ່ໜ້າໄວ້ ແລ້ວກໍ່ໄປນັ່ງຖ່າຍຢູ່ຂ້າງໆຕໍໄມ້ນັ້ນ

ລາວເຫລືອກຕາໄປເຫັນພ້າສັບຢູ່ເທິງຕໍໄມ້ ກໍຟ້າວລຸກຂີ້ນໄປເອົາພ້າຈົນລືມຮອດເຊັດກົ້ນ

ເມື່ອຈັບໄດ້ຟ້າແລ້ວກໍເວົ້າດັງໆຂື້ນວ່າ:

'ປັກໃດເດ້ ! ໂງ່າແທ້ໆ...ພ້າບັກງາມໆຍັງເອົາມາວາງໄວ້ນີ້'

ລາວດີໃຈຫລາຍຟ້ອນກະໂຫຍ່ງກະເຫຍ່ງ ເລີຍໄປຢຽບຂີ້ຕົນເອງ ຈື່ງຫລົງຮ້ອງຂື້ນໜົດແຮງວ່າ:

'ໂອ້ຍ ! ແມ່ນບັກຮ່າໃດ... ມາຂີ້ໃສ່ບ່ອນນີ້...'

ຂໍອະໄພນຳຄຳທີ່ບໍສຸພາຍ

PINOCCHIO PINOCCHIO

ເບິ່ງທັງໝົດ

ອ່ານຄືນຫຼັງ

2010 (17)
2009 (30)
2008 (28)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.