ມີຊາຍ​ຄົນໜຶ່ງ (ທ້າວ ກ ນາມ​ສົມມຸດ) ​ໂທລະສັບ​ຫາ​ຜູ້​ສາວ (​ໂທ​ຫາ​ແຟນວ່າ​ຊັ້ນ​ສາ)

ທ້າວ ກ : Allo …ນີ້​ແມ່ນ​ນົກ​ກະຈິບ​ນ້ອຍ​ຂອງ​ອ້າຍ​ບໍ​ນໍ໊?

   ແຕ່​ມີ​ສຽງຜູ້​ຊາຍ(ພໍ່​ເຖົ້າ​ໃນ​ອະນາ​ຄົດ) ​ຕອບ​ກັບ​ມາ​ແບບ​ຮ້າຍໆໜ້ອຍນຶ່ງ:

ພໍ່​ເຖົ້າ : ບໍ່​ແມ່ນ…. ນີ້​ພໍ່ຂອງ​ມັນ.

ທ້າວ ກ : (ຕາຍຮ່າ​…) ຫຼານ​ຂໍ​ໂທດລຸງ​ຫຼາຍໆ​ເດີ່​, ລຸງ​ແຂງ​ແຮງ​ດີບໍ?

ພໍ່​ເຖົ້າ : ເອີ… ແຂງແຮງດີ, ຕີຄົນກະໄດ້ສຳບາຍ….

ທ້າວ ກ : ໂດຍ….ຫຼານຂໍຖາມແດ່ນ້ອຍ(ນ້ອຍ ນາມ​ສົມມຸດ) ນອນຢູ່ເຮືອນບໍ່?

ພໍ່​ເຖົ້າ : ອ່າວ….ບໍ່ໃຫ້ມັນນອນຢູ່ເຮືອນ ສິໃຫ້ມັນນອນຢູ່ແຄມທາງຫວະ?

ທ້າວ ກ : ອາ…..ຫຼານ​ຢາກ​ຖາມ​ວ່າ​ຕອນ​ນີ້​ນ້ອຍ​ຢູ່​ເຮືອນ​ບໍ?

ພໍ່​ເຖົ້າ : ບໍ່…. ມັນ​ບໍ່ຢູ່

ທ້າວ ກ : ແລ້ວລາວໄປໃສ?

ພໍ່​ເຖົ້າ : ອ່າວ…..ລະ ຫຼານແມ່ນຕຳຫຼວດຫວ໋ະ?

ທ້າວ ກ : ບໍ່​ແມ່ນ​ລຸງ ຫຼານ​ເປັນໝູ່ລາວ

ພໍ່​ເຖົ້າ : ​ເປັນໝູ່ກັນ​ແນວ​ໃດ​ເກາະ? ໝູ່​ໄປ​ໃສ​ກະບໍ່ຮູ້…….

ທ້າວ ກ : ຄັນ​ຊັ້ນ​ຫຼານ​ຂໍ​ເລກໂທລາ​ວ​ແດ່​ໄດ້​ບໍ່?

ພໍ່​ເຖົ້າ : ມັນ​ມີ​ຫລາຍ​ເລກ​ໂທ​ໃດ?

ທ້າວ ກ : ຄັ້ນ​ຊັ້ນ​ຫຼານ​ຂໍ​ເລກ​ໂທ​ດຽວກໍ໊ພໍ

ພໍ່​ເຖົ້າ : 7……

ທ້າວ ກ : 7… ​ແລ້ວ ຕໍ່​ໄປ​ເລກ​ຫຍັງ​ອີກ​ລຸງ

ພໍ່​ເຖົ້າ : ອ່າວ…..ຊິ​ເອົາ​ຫຍັງ​ອີກກະດຽວວ່າ​ຖາມ​ເລກ​ດຽວພໍ​ນະ

ທ້າວ ກ : (​…..ຮ່າ​ເອີຍ​ຖາມ​ຜິດ…..) ​ໂດຍໆ….ຂອບ​ໃຈ​ລຸງ

ພໍ່​ເຖົ້າ : ຮຶ…ບໍ່​ໄດ້​ຊ່ວຍ​ຊ່ວຍ​ຫຍັງ ສິມາ​ຂອບ​ໃຈ​ເຮັດ​ອັນ​ເດີ

   ພໍ​ເວົ້າ​ຈົບ​ພໍ່​ເຖົ້າ​ກໍ່ວາງ​ສາຍ​ແລ້ວ​ກໍ່ຈົ່ມ​ພຶມໆພຳໆຄົນ​ດຽວ​.

ຮຶຮຶ…ຄິດຈະ​ມາ​ລົມ​ລູກ​ສາວ​******​ຫວ໋ະ ໃຫ້​ມັນ​ຮູ້​ສະ​ບ້າງ​ວ່າ​ໃຜ​ເປັນ​ໃຜ?

   ສອງຜົວ​ເມຍ​ຫາກໍ່​ແຕ່ງງານ​ກັນ​ໄດ້​ໄລຍະ​ນຶ່ງ​ຜູ້​ເປັນ​ຜົວ ​ກໍ່ຖືກ​ສົ່ງ​ໃຫ້​ໄປ​ເຮັດ​ວຽກຕ່າງ​ແຂວງ

ພໍ​ຄົບ​ກຳໜົດຜູ້​ເປັນ​ຜົວ​ກໍ່ກັບ​ມາ​ບ້ານ ​ແລະ​​ໄດ້​ພາໝູ່ມາ​ຢາມ​ບ້ານ​ນຳ​ຜູ້​ນຶ່ງ​.

   ພໍ​ເດິກໆ​ແດ່​ຈັກໜ້ອຍຜູ້​ເປັນ​ຜົວ​ກໍ່ລັກ​ຈອບ​ເຂົ້າ​ໄປ​ຫາ​ເມຍ ​ເມຍ​ຕົກ​ໃຈ​ ແລະ​ບໍ່ຮູ້​ແນວເຮັດ ເລີຍເວົ້າຂຶ້ນວ່າ:

- ເມຍ : ອຸ້ຍ….! ເຈົ້າຊິເຮັດຫຍັງນິນະ ຈັກໜ້ອຍໝູ່ເຈົ້າຮູ້ຈັກເຂົ້າ ຂາຍໜ້າຕາຍໝົດແຫຼະ..!

- ຜົວ : ບໍ່ຕ້ອງເປັນຫ່ວງເລື່ອງນີ້ນະ ຂີ່ລົດມາ​ບັກ​ໄກໆ ​ເມື່ອຍ​ກະ​ເມື່ອຍ ​ແຖມ​ຊ່ວງ​ນີ້​ມັນ ຖຶກຊ້ອມ​ຍິງ​ປືນ​ໃຫຍ່ ຫູ​ມັນ​ອຶ້ງ ມັນ​ບໍ່​ໄດ້​ຫຍິນ​ຫຍັງ​ດອກ​.

   ພໍ​ໃກ້​ສິ​ແຈ້ງ​ຜູ້​​ເປັນ​ຜົວ​ອອກ​ມາ​ຈາກ​ຫ້ອງ​ນອນ ຫຼຽວ​ເຫັນ​ສ່ຽວນັ່ງ​ສູບຢາ​ມົກໆຢູ່​ໜ້າບ້ານ ກໍ່​ເລີຍ​ຍ່າງ​ໄປ​ຖາມ :

- ອາວ…​ສ່ຽວ ຄື​ມາ​ຕື່ນ​ເດິກ​ແທ້….!

- ສ່ຽວ : ມື້​ຄືນ​ນີ້​ຈັກ​ວ່າ​ຍີ​ງກັນ​ຢູ່​ໃສ​ບຸ ສຽງປືນ​ດັງ​ສະ​ນັ່ນ​ໄປ​ທົ່ວ ກະ​ເລີຍ​ນອນ​ບໍ່ຫຼັບ​.