ໄກ້ຈະຮອດປີໃຫມ່ສາກົນແລ້ວບໍ່ກີ່ມື້ນີ້ເອງ ຜູ້ຂ້າຄິດວ່າບາງຄົນກໍ່ອາດຈະສະຫນຸກສະຫນານກັນເຕັມທີ ແຕ່ບາງຄົນກໍ່ອາດຈະເລື່ອງເສົ້າໆ ເຂົ້າມາແຊກແຊງໃນຫົວໃຈຂອງເຮົາ 

ເຊັ່ນວ່າ: ຜິດຫວັງບໍ່ , ຄົນຮັກອອກຈາກໄປທີ່ໄກບໍ່ ແລະສິ່ງອື່ນໆ ມັນອາດຈະສະດຸດຂື້ນມາຈາກຈິດໃຈເຮົາໃຣເມື່ອເຮົາມີອະດີດ ທີ່ຜ່ານມາ ເຖິງແມ່ນວ່າເຮົາບໍ່ຢາກໃຫ້ມັນເກີດຂື້ນ

ແຕ່ກໍ່ຫ້າມຄວາມຄິດແມ່ນບໍ່ໄດ້ ຂ້າພະເຈົ້າກໍ່ເລີຍເອົາການຫົວນີ້ມາໃຫ້ທ່ານ ຄ່ອຍຄິດພິຈາລະນາເບິ່ງ ວ່າມັນແມ່ນຄວາມທີ່ເຂົເວົ້າແທ້ບໍ່ ເຊິ່ງເລື່ງນີ້ຜູ້ຂ້າໄດ້ເອົາລົງຄັ້ງຫນຶ່ງ ແຕ່ບໍ່

ໃຜອ່ານ ກໍ່ເລີຍຄິດວ່າ  ເອ.... ປີໃຫມ່ນີ້ຫນ້າຈະມີສິ່ງອື່ນໆເກີດຂື້ນ ກໍ່ເລີຍເອົາມາໃຫ້ສະມາຊິກເຮົາໄດ້ອ່ານອີກຄັ້ງ ເປັນຈັງໃດລອງໄປອ່ານກັນເລີຍ

ອອກກຳລັງກາຍດ້ວຍ ”ການຫົວ!”

            ຫລາຍໆຄົນຄົງຮູ້ວ່າການຫົວນັ້ນເປັນສິ່ງທີ່ດີຕໍ່ສຸຂະພາບ ແຕ່ຄົງມີຄົນບໍ່ເທົ່າໃດທີ່ຮູ້ວ່າ

ການຫົວກໍ່ເປັນການອອກກຳລັງກາຍທີ່ດີຢ່າງຫນຶ່ງເຊັ່ນກັນ ເຊິ່ງການຫົວນັ້ນນອກຈາກຈະເຮັດ ໃຫ້ສຸຂພາບຈິດແຈມໃສແລ້ວ ຍັງຊ່ວຍໃນເລື່ອງການຈະເລີນອາຫານແລະ ຮໍຣ໌ໂມນຕ່າໆ ໃຫ້ທຳ ງານໄດ້ຢ່າງມີປະສິດທິພາບ ເຖິງວ່າຈະເປັນເລື່ອງປະຫລາດທີ່ເຮົາຈະນຳການອອກກຳລັງກາຍ

ແບບປົກກະຕິໄປປຽບທຽບກັບການອອກກຳລັງກາຍດ້ວຍການຫົວ ແນ່ນອນວ່າທ່ານຈະບໍ່ສາ

ມາດລ່ຳບິ໋ກ ກ້າມໃຫຍ່ຂື້ນມາໄດ້ຈາກກາຫົວ ແຕ່ທ່ານຈະມີສຸຂະພາບທີ່ດີຂື້ນຢ່າງແນ່ນອນ

            ການຫົວນັ້ນສາມາດລົດຄວາມຄຽດ ແລະລົດຄວາມສ່ຽງຂອງການເປັນໂລກຫົວໃຈໄດ້ນຳ ແຖມຍັງຊ່ວຍໃຫ້ຈິດໃຈແຈ່ມໃສເຂົ້າເຕີ່ມອີກ ແລະສາມາດເບິ່ງໂລກໃນແງ່ບວກຫລາຍຍິ່ງຂື້ນ ເຮັດໃຫ້ການແກ້ປັນຫາຕ່າງໆ ບໍ່ວ່າຈະເປັນປັນຫາຊີວິດ ຫລືທຸລະກິດການງານ ກໍ່ຈະເຮັດ ໃຫ້ມີຄວາມຄິດດີດີທີ່ຈະຜ່ານພົ້ນໄປໄດ້ ນອກຈາກນີ້ຍັງຊ່ວຍໃນເລື່ອງການຈະເລີນອາຫານ ເຊິ່ງຄວາມສາມາດໃນການຍ່ອຍອາຫານ ແລະລະບົບຂັບຖ່າຍຈະຄ່ອຍໆ ລົດລົງເມື່ອທ່ານ ມີອາຍຸຫລາຍຂື້ນ ດັ່ງນັ້ນການຫົວຈະຊ່ວຍທ່ານໄດ້ຫລາຍ ເພື່ອບໍ່ໃຫ້ທ່ານມີປັນຫາກ່ຽວ ກັບຊີ ວິດຄວາມເປັນຢູ່ ແລະສຸຂະພາບຂອງທ່ານ

ຄວາມສຳພັນຂອງສຸຂະພາບ ແລະການຫົວ

            ມີງານວິໄຈລະບຸວ່າການຫົວຢ່າງສະຫນຸກສະຫນານລ່າເລີງຈະຊ່ວຍລົດຮ​ໍຣ໌ໂມນທີ່ບໍ່ດີ  ເຊິ່ງເກີດຈາກຄວາມຄຽດ ເຊິ່ງເປັນຜົນກະທົບດ້ານບວກທີ່ການຫົວເຮັດໄດ້ ເຫມືອນກັບການອອກ ກຳລັງກາຍປະເພດອື່ນໆ ນອກຈາກນີ້ລະບົບຕ່າງໆ ຂອງຮ່າງກາຍກໍ່ຈະທຳງານໄດ້ດີຍິ່ງຂື້ນ ທ່ານ ມີລະດັບຄໍເຣສເຕີອຣອລ ແລະຄວາມດັນເລືອດທີ່ລົດລົງນອກຈາກນີ້ງານວິໄຈ ຍັງລະບຸອີກວ່າ

ການຫົວຊ່ວຍກະຕຸ້ນການທຳງານຂອງຮໍຣ໌ໂມນ leptin ແລະ ghrelin ຖ້າລະດັບ leptin ລົດລົງລະດັບ ghrelin ເພີ່ມຂື້ນຈະເຮັດໃຫ້ທ່່ານຮູ້ສຶກຢາກອາຫານ ເຊິ່ງມັກເກີດຂື້ນຫລັງຈາກ ທ່ານອອກກຳລັງກາຍຕາມປົກກະຕິ

            ມີງານວິໄຈທີ່ສຶກສາອາສາສະຫມັກຈຳນວນ ໑໔ ຄົນເຊິ່ງທຸກຄົນມີສຸຂະພາບທີ່ດີ ແລະມີອາຍຸສະເລ່ຍ ໒໑ ໂດຍແບ່ງອອກເປັນສອງກຸ່ມ ກຸ່ມຫນຶ່ງໃຫ້ເບິ່ງ ວີດີໂອ ຕະຫລົກເປັນເວລາ ໒໐ ນາທີ ແລະອີກກຸ່ມຫນຶ່ງໃຫ້ເບິ່ງຫນັງສົງຄາມໂລກຄັ້ງທີ່໒ ມີຄວາມຄຽດສູງຫລັງຈາກເບິ່ງຫນັງຈົບ ນັກວິໄຈໄດ້ທຳການເບິ່ງເລືອດເພື່ອຫາລະດັບ leptin ແລະ ghrelin ຂອງອາສາສະຫມັກ ການຫົວນັ້ນ ໄດ້ຜົນລັບທີ່ leptin ລົດລົງແລະ ghrelin ເພິ່ມຂື້ນ ຫລືເວົ້າງ່າຍໆ ຄືເມື່ອທ່ານເບິ່ງຫນັງຕະຫລົກຈົບທ່ານຈະມີອາການຢາກອາຫານ ເຊິ່ງຖືວ່າເປັນສິ່ງທີ່ດີເຊິງເກີດຈາກການຫົວນັ້ນເອງ

            ບໍ່ແມ່ນແຕ່ພຽງເລື່ອງຄວາມຢາກອາຫານເທົ່ານັ້ນ ແຕ່ໃນທາງການແພດຍັງຍ່ອມຮັບວ່າການຫົວຊ່ວຍໃຫ້ຟື້ນຕົວຂອງຜູ້ປ່ວຍໄວຍິ່ງຂື້ນ ແລະໃນຄົນທຳມະດາທີ່ຫົວເປັນປະຈຳນັ້ນ ກໍ່ຈະມີສຸຂະພາບແຂງແຮງກວ່າຄົນທີ່ມີອາການຊຶມເສົ້າອີກດ້ວຍ ດັ່ງນັ້ນເຮົາຄວນມາຫາເລື່ອງຫົວກັນດີກວ່າ ເຮັດຕົວໃຫ້ລ່າເລີງແຈມໃສ ແລະເບິ່ງຊີວິດໃນແງ່ມູມທີ່ຕ່າງອອກໄປ ຫັດເບິ່ງຫຍັງບໍ່ໃຫ້ຊີເຣສແລະເບື່ອຫນ່າຍ ເບິ່ງຫຍັງໃຫ້ສະຫນຸກສະຫນານເພື່ອໃຫ້ຊີວິດວັນນີ້ຂອງທ່ານມີຄວາມສຸກ 

 ອີກບໍ່ເທົ່າໃດມື້ ປີໃໝ່ສາກົນກໍ່ຈະກ້າວເຂົ້າມາແລ້ວ ແລະກໍ່ຈະມີຄູ່ບ່າວໆ ສາວໆ ໄປສະຫຼອງກັນແລ້ວ ບາງຄົນກໍ່ຈະສົມຫວັງບາງຄົນກໍ່ຈະຜິດຫວັງ

ເຖິງຢ່າງໃດກໍ່ຕາມ ກໍ່ຂໍໃຫ້ທຸກໆຄົນໄດ້ສົມຫວັງກັນທຸກໆຄູ່ເດີ ໂດຍສະເພາະຜູ້ຊາຍຈະເຮັດແບບໃດໃຫ້ຜູ້ຍິງສົມໃຈເຮົາ ແລະກໍ່ຈະໃຫ້ຜູ້ຍິງຕິດຄ່າລົມເຮົາ ຈະເອົາອົກເອົາໃຈເຂົາແບບໃດ

ຂໍເຊີນທ່ານອ່ານຂ້າງລຸ່ມນີ້ເດີ ເປັນຢ່າງໃດກໍ ຄອມເມັ້ນໃຫ້ແດ່ເດີ

ວິທີລົມສາວໃຫ້ຕິດ

໑. ຢ່າພົບເຂົາເປັນໝູ່ເພື່ອນ

  ດຽວເຂົາຈະເຂົ້າໃຈຜິດຄິດວ່າທ່ານເປັນພຽງໝູ່ເພື່ອນ ຫຼືບໍ່ກໍ່ເປັນກິ໊ກຄົນຫນຶ່ງຂອງ ເຂົາເທົ່ານັ້ນ ຖ້າທ່ານພ້ອມທີ່ຈະເຮັດທຸກສິ່ງທຸກຢ່າງເພື່ອເຂົາກ່ອນຄວາມຮັກຈະຕັ້ງ ຕົວຂື້ນ ເຂົາຈະຄິດວ່າທ່ານເປັນເໝືອນໜູ່ເພື່ອນຄົນຫນຶ່ງທັນທີ ຍິ່ງດົນໄປຄວາມສຳ ພັນຄວນຈະເບັ່ງບານ ແຕ່ມັນກໍ່ບານໄດ້ສະເພາະເປັນໝູ່ເພື່ອນເທົ່ານັ້ນ ບໍ່ກ້າວເຖິງ ຄວາມເປັນແຟນຈັກເທື່ອ ດີບໍ່ດີໂດນຄົນອື່ນຄວ້າໄປອີກ ສະນັ້ນຖ້າຄິດວ່າຈະພົບເຂົາ ເປັນແຟນ ກໍ່ຈົ່ງພົບແບບແຟນຕັ້ງແຕ່ທຳອິດເລີຍ

໒. ເຮັດສິ່ງທີ່ຕື່ນຕາຕື່ນໃຈໃຫ້ເຂົາແດ່

ຜູ້ຍິງເຂົາມັກເລື່ອງຄວາມຕື່ນເຕັ້ນ ຈະໃຫ້ເຂົາປາກແຂງເທົ່າໃດ ເຊື່ອເຖິະ ວ່າເຂົາ ມັກຄວາມຕື່ນເຕັ້ນເລົ້າໃຈ ແລະເລິກລັບ ຫຼາຍກວ່າທີ່ຈະຮູ້ຈັກທ່ານໝົດເນື້ອໝົດຕົວ ເພາະຍ່າງນັ້ນ ມັນກໍ່ເໝືອນໝົດຄວາມໜ້າຕື່ນເຕັ້ນໃນຕົວເອງນັ້ນແລະ ໃຫ້ຂໍ້ມູນຕົວ ທ່ານກັບເຂົາແດ່ບາງຄັ້ງ ກະຕຸ້ນໃຫ້ເຂົາຢາກຮູ້ຢາກເຫັນ ຢ່າໃຫ້ເຂົາຮູ້ວ່າທ່ານເດີນ ກຳລັງຍ່າງມາຢ່າງໃດ ສ້າງຄວາມປະທັບໃຈແລະໂຍນໃຈເຂົາເອົາໄວ້ ແລ້ວເຂົາຈະ ຍ່າງມາຫາທ່ານເອງ

໓. ເປັນຟ່າຍຢູ່ເສີຍໆ ບໍ່ແມ່ນຟ່າຍໄລ່ນຳ

ຢ່າເຄື່ອນໃຫວກ່ອນ ຍຸກສະໃໝມັນປ່ຽນໄປແລ້ວ ກ່ອນທີ່ຈະຄົ້ນຜູ້ຍິງຈັກຄົນໜຶ່ງກ່ອນ

ຈົ່ງນຶກໄວ້ວ່າ ມັນອາດຈະເຮັດໃຫ້ເຂົາລຳຄານໄດ້ງ່າຍໆ ຢູ່ເສີຍໆ ແລ້ວຍັ້ງເບິ່ງກ່ອນ ວ່າ ເຂົາສົນໃຈທ່ານຫຼືບໍ່ ຫຼືທ່ານສົນໃຈເຂົາແທ້ຫຼືບໍ່ ຖ້າແມ່ນ ຄ່ອຍໆ ເຜີໃຫ້ເຂົາຮູ້ ເທື່ອລະນ້ອຍ ແຕ່ຢ່າອ່ອຍດົນເກີນໄປ ດຽວເຂົາຈະຫຼຸດຫາຍໄປຈາກວົງໂຄຈອນ ສາກ່ອນ

໔. ຫັນມາສົນໃຈຕົວເອງແດ່ຈັກໜ່ອຍ

 ເພື່ມສະເໜ່ໃຫ້ຕົວເອງ ດ້ວຍກິ່ນກາຍທີ່ຫອມໆ ຜີວພັນທີ່ຊວນເບິ່ງ  ອ້າວ… ວ່າບໍ່ໄດ້

ດຽວນີ້ຜູ່ຍິງເຂົາເບິ່ງຜູ້ຊາຍທີ່ຜີວພັນນຳເດີ ປະເພດຜີວດຳຄ້ຳ ຍ່ອມຮັບວ່າມີບາງ ກຸ່ມທີ່ມັກ ແຕ່ສວ່ນໃຫຍ່ຖ້າເປັນໜຸ່ມຜີວດີ ມັກເຂົ້າຕາກຳມະການສາວໆ ຫຼາຍກວ່າ ສິ່ງສຳຄັນຄືລົມຫາຍໃຈແລະກິ່ນປາກຕ້ອງສົດຊື່ນ ແຕ່ງຕົວສະອາດຊວນເບິ່ງ ແຕ່ງໃຫ້ເບິ່ງແລ້ວໜ້າຄົບຫາສມາຄົມແລະເບິ່ງສຸພາບໄວ້ກ່ອນ ໜ້າຈະໄດ້ຄະແນນ ຄວາມນິຍົມງ່າຍກວ່າ

໕. ມີອາລົມຂັນ

ຜູ້ຍິງນ້ອຍຄົນຈະມັກຜູ້ຊາຍທີ່ເຕັມໄປດ້ວຍຄວາມກຽດ…ຯລຯ

 ໃນເວັບບອດ ມີສະມາຊິກຕັ້ງຄຳຖາມຂື້ນມາວ່າ “ສົມຄວນເວົ້າຈັງຊັ້ນບໍ່?”  ໃນຄວາມວ່າ: “ໃຫ້ໄປຕືກເບັດຢູ່ຕ່າງປະເທດປະເທດລາວຄືຊິຈະເລີນໄວຄືກັບຈີນ”

ຫລາຍໆຄົນກໍ່ໄປ ຄອມເມັ້ນວ່າ ງົງ ອ້າວລະເຖິງຢ່າງໃດກໍ່ຕາມ ຈະມາອະທິບາຍ ຄວາມຂ້ອງໃຈນ້ອຍຫນຶ່ງ ເປັນຄວາມຄິດເຫັນຂອງຂ້າພະເຈົ້າເອງ ແຕ່ຂ້າພະເຈົ້າ ກໍ່ເຄີຍຟັງມາແລ້ວກ່ຽວກັບເລື່ອງນີ້ ມັນເປັນການເມືອງການພັດທະນາ

            ຄຳວ່າ ”ໄປຕຶກເບັດຢູ່ຕ່າງປະເທດ” ບໍ່ແມ່ນຊິແບກແຫແບກມອງ ຖືເບັດຖືໄຊ ໄປຫາປາທີ່ນ້ຳທະເລຍແລະນ້ຳມະຫາສະມຸດ ໃຫ້ມັນຍາກລຳບາກດັ່ງທີ່ຫລາຍໆຄົນ ຄົງຄິດກັນ ວ່າ: ບໍ່ສົມຄວນຈະເວົ້າ, ອ່ານລະງົງ, ແມ່ນຫຍັງວະງົງ !!! ຄວາມໝາຍຕຶກເບັດຢູ່ຕ່າງປະເທດ ຫັ້ນນະ? , (ສ່ວນນີ້ແມ່ນສະມາຊິກບາງຄົນເວົ້າ)

ໄປຕຶກເບັດຢູ່ຕ່າງປະເທດ: ຫມາຍຄວາມໃຫ້ໄປສຶກສາທີ່ຕ່າງປະເທດໄປສຶກ ສາຫາຄວາມຮູ້ຈາກປະເທດທີ່ເພິ່ນພັດທະນາວ່າເຂົາພັດທະນາແບບໃດ ເຂົາສ້າງ ປະເທດແບບໃດ ເປັນຫຍັງປະເທດເຂົາຈິ່ງຈະເລີນກວ່າລາວ ໃນເມື່ອເຮົາໄດ້ໄປສຶກສາຮູ້ແບບເຂົາເຈົ້າເຮົາກໍ່ເອົາ ແບບຂອງເຂົາມາພັດທະນາບ້ານເຮົາ ເຂົາໃຊ້ການພັດທະນາແບບໃດ ດ້ານໃດ ດ້ານການສຶກສາບໍ່? ດ້ານການພັດທະນາບໍ່? ດ້ານການເມືອງບໍ່? ແລະອື່ນໆ ທີ່ເຮົາຄວນນຳແບບເຂົາມາ ບໍ່ແມ່ນວ່າຈະໄປນຳແບບທຸກສິ່ງທຸກ ຢ່າງ ສິ່ງບໍ່ດີກໍ່ຈະເອົາມາເປັນແບບ ສິ່ງນີ້ກໍ່ບໍ່ແມ່ນ ເຮົາຄວນຕຶກຕອງເອົາ ສິ່ງທີ່ຈະສະດວກສະບາຍບ້ານເມືອງເຮົາໆກໍ່ສະແຫວງຫາ ຊອກຫາສິ່ງທີ່ອິ່ນຳຊຳລານຈິດໃຈຂອງພວກເຮົາ,, ເວົ້າແບບພາສາຊາວບ້ານເນາະ ໃນເມື່ອເຮົາຫີວເຂົ້າກິນເຂົ້າກັບແຈ່ວ ວ່າແຈ່ວມັນບໍ່ແຊບທຸກໆມື້ ກິນແຕ່ແບບເກົ່າ ແລ້ວເຮົາຮູ້ບໍ່ວ່າ ຕະຫລາດເຂົາຂາຍຫຍັງກັນ ຂາຍແຈ່ວບໍ່? ເຫມືອນກັບເຮືອນເຮົາກິນທຸກໆມື້ບໍ່?

ສິ່ງນີ້ກໍ່ເປັນຂໍ້ຄິດສິ່ງຫນຶ່ງ ຖ້າເຮົາບໍ່ໄປສະແຫວງຫາ ເຮົາບໍ່ຮ່ອນຮູ້ ບູຮານວ່າ: ບໍ່ອອກຈາກບ້ານບໍ່ຮູ້ດານແດນໄກ ຖ້າບໍ່ໄປສຶກສາຮ່ຳຮຽນຣ່ອນບໍ່ມີຄວາມຮູ້

ເອົ້າລະພໍເທົ່ານີ້ກ່ອນເນາະ ໃຫ້ສະມາຊິກເຮົາມີຄວາມຄິດເຫັນນຳແດ່

ຂອບໃຈນຳອາຈານຄົນນັ້ນເດີ  ທີ່ໃຫ້ຄວາມຄິດອອກມາ

 ໃນກາລະຄັ້ງຫນຶ່ງ ໃນມະຫາໄລແຫ່ງຊາດ ມີອາຈານຄົນຫນຶ່ງໄດ້ມາບັນຍາຍເລົ່າເລື່ອງຄວາມຈິງຂອງອາຈານໃຫ້ພວກນັກສຶກສາທັງຫລາຍໄດ້ຟັງກັນ

ອາຈານ ທັງເວົ້າທັງຮ້ອງໄຫ້ ເພາະໄດ້ກິນແຫນງໃຈໃນພານລຸນ

                                                                      "ເລື່ອງມີຢູ່ວ່າ" 

 ໃນສະໃຫມ່ ອາຈານໄດ້ບວດຮ່ຳຮຽນ ບວດນຳກັນ ສອງຄົນ  ອາຈານຊື່ ແສງຫລ້າ ຫມູ່ຂອງອາຈານຊື່ ແພງ ໄດ້ຮ່ຳຮຽນນຳກັນເປັນເວລາ ສາມປີກວ່າໆ

ເຊິງທັງສອງເປັນຫມູ່ຮັກຫມູ່ແພງກັນມາແຕ່ຕົ້ນ ກໍ່ບໍ່ເຄີຍຊິດ່າວ່າຮ້າຍໃຫ້ກັນແລະກັນ ມີມາມື້ຫນຶ່ງ ຈົວແພງ (ຫມູ່ຂອງອາຈານ) ໄດ້ໄປແອບມັກລູກສາວ

ຂອງ ພໍ່ຈານວັດ ຈົວແສງຫລ້າ (ອາຈານ) ເກີດຄວາມບໍ່ພໍໃຈຂື້ນມາ ເພາະວ່າຢາກໃຫ້ເພື່ອນ ຕັ້ງໃຈຮ່ຳຮຽນຄືກັນ ດ້ວຍຄວາມຫວັງດີຈາກ ຫມູ່ເພື່ອນ

ອາຈານກໍ່ໄດ້ໄປລາຍງານ ເຈົ້າອາວາດ ເຈົ້າອາວາດກໍ່ເລີຍໄລ່ ຈົວແພງໃຫ້ຍ້າຍວັດ ໃນເມື່ອຈົວແພງຖືກໄລ່ອອກຈາກວັດ ລາວກໍ່ສິກອອກ ໃນຄວາມເປັນ ຈົວ

ຫລັງຈາກສິກແລ້ວ ຊຽງແພງ ກໍ່ໄດ້ໄປເປັນກຳມະກອນ ກິນເຫລົ້າກິນເບຍ ກໍ່ເລີຍກາຍເປັນຄົນຂີ້ເມົສຂື້ນມາ ອີກບໍ່ດົນ ຊຽງແພງກໍ່ໄດ້ເສຍຊີວິດໄປ

 ຈົວແສງຫລ້າ ກໍ່ໄດ້ດັບໄດ້ດີ ແຕ່ກໍ່ບໍ່ລືມເພື່ອນ ຄື ແພງ ອາຈານກໍ່ບໍ່ຮູ້ສາເຫດວ່າ ຈົວແພງ ຢູ່ໃສ (ສະໃຫມ່ນັ້ນບໍ່ມີໂທລະສັບ) ໂດຍບໍ່ໄດ້ຕິດຕໍຫາກັນເປັນເວລາ

ດົນານ  ໃນເມື່ອອາຈານ ເສັງ ຈົບ ມໍ3 ກໍຄິດເຖິງ ຫມູ່ ລາວເວົ້າໃນໃຈວ່າ: ຖ້າແພງ ຢູ່ກັບລາວ ແພງກໍ່ຄົງຊິຈົບມໍ3 ຄືກັນ ປີຕໍ່ມາ ອາຈານກໍ່ຈົບມໍ4 ແລ້ວກໍ່ບໍ່ລືມເພື່ອນ

ຄືເກົ່າ ມີແຕ່ຄິດເຖິງຫມູ່ຕະຫລອດ ຈົນກະທັງຈົບ ປະລິນຍາຕີ ອາຈານກໍ່ຄິດໃນໃຈວ່າ: ຖ້າແພງຢູ່ກັບລາວ ແພງກໍ່ຄົງຈະຈົບ ປະລິນຍາຕີຄືກັນ ໃນເມື່ອ ຄິດແບບນັ້ນ

ອາຈານກໍ່ສະອື້ນໃຈ ຄິດກິນແຫນງທີ່ໄດ້ເອົາ ເລື່ອງໃຫ້ເຈົ້າອາວາດຮູ້  ອາຈານຢາກໄປຂໍໂທດກັບ ແພງ ຢ່າງແຮງ ຄິດວ່າຈະໄປຂໍໂທດຫມູຍາມໃດກໍ່ມີແຕ່ຮ້ອງໄຫ້

ເທົ່ານັ້ນ ໂດຍຄວາມຈິງມັນບໍ່ເກີດຂື້ນ ອາຈານກໍ່ໄດ້ກັບຄືນໄປ ຊອກຫາຫມູ່ ກໍ່ບໍ່ພົບພໍ້ ຈົນໄດ້ກັບໄປຫາທີ່ບ້ານຂອງຫມູ່ ໃນເມື່ອໄປບໍ່ທັນຮອດບ້ານຊ້ຳ ກໍ່ມີຄົນບອກວ່າ

ຊຽງແພງຕາຍແລ້ວ ອາຈານກໍ່ບໍ່ຊ່າງເຮັດຫຍັງຈົນເປັນລົມລົ້ມຢູ່ກາງທາງ ຫລັງຈາກເມື່ອຮູ້ສຶກຕົວຂື້ນມາ ອາຈານວ່າຮ້ອງໄຫ້ຈົນບໍ່ອອກ ອາຈານກໍນຳໄປຫາທີ່ຂຸມຟັງສົບ

ຂອງຊຽງແພງ ທັງໄຫ້ ທັງຂໍໂທດ ຢູ່ເທິງຂຸມສົບຂອງຫມູ່ ແຕ່ກໍ່ບໍ່ປາກົດຮ່າງຂອງ ຊຽງແພງອອກມາ ໃນເມື່ອຄວາມຈິງບໍ່ເກີດຂື້ນ ອາຈານກໍ່ໄດ້ກັບມາຫາຄອບຄົວຂອງຊຽງ

ແພງ ມາຂໍໂທດພໍ່ແມ່ແທນ ລາວເວົ້າວ່າຕົ້ນສາເຫດທີ່ຊຽງແພງມາເສຍຊີວິດກໍ່ເພາະລາວ.

*  ຫມູ່ເພື່ອນສະມາຊິກພັນລາວເຮົາທຸກໆຄົນ ຈົ່ງຮັກກັນໄວ້ເຖີດ ມັນບໍ່ເສຍຫາຍຫຍັງດອກ ຄວາມກຽດຄວາມຊັງ ພາໃຫ້ເສຍໃຈໃນພາຍຫລັງ

ຄວາມຮັກບໍ່ໄດ້ຊື້ໄດ້ຂາຍ ຈົ່ງສ້າງສາຕົນເອງໄວ້ໃຫ້ດີ ເຖິງວ່າຫມູ່ເພື່ອນບໍ່ດີກໍ່ຈົ່ງພະຍາຍາມ ກ່າວວ່າຕັກເຕືອນກັນ ບໍ່ຈຳເປັນຈະຕ້ອງໃຊ້ຄວາມຮຸ່ນແຮງໃສ່ກັນ

ເພື່ອບໍ່ໃຫ້ເສຍໃຈໃນພາຍຫລັງຄືອາຈານ ໄດ້ເລົ່າມາ ຄວາມຊັງ ຄວາມລັງກຽດ ອິດສາລິດສະຍາກັນ ເປັນສິ່ງທີ່ເສຍຫາຍທັງນັ້ນ ມັນບໍ່ແມ່ນເລື່ອງດີດອກ

 ລູກຖິ້ມແມ່… ແຕ່ແມ່ບໍ່ຖິ້ມລູກ

ໃນສະໃໝກ່ອນ ມີນິທານເລື່ອງລູກທໍລະຍົດກັບແມ່ ແມ່ກໍເຖົ້າແກ່ຫຼາຍແລ້ວ ເຊິ່ງລູກຊາຍຂອງເຂົາ ບໍ່ສາມາດຈະລ້ຽງດູໄດ້ ໃນເມື່ອບໍ່ສາມາດລ້ຽງແມ່ໄດ້ ຈິ່ງວາງແຜນການ ເອົາແມ່ໄປຖິ້ມໃນປ່າ

ແມ່ຮູ້ຊະຕາກຳດີ ວ່າລູກບໍ່ສາມາດລ້ຽງດູໄດ້ ເມື່ອຍ່າງເຂົ້າໄປໃນປ່າ ແມ່ຂອງເຂົາກໍ່….ບໍ່ອ້ອນວອນ…ບໍ່ຖາມ…ບໍ່ຮ້ອງຂໍ ໃຫ້ລູກຊາຍພາແມ່ກັບ ແຕ່ນາງກໍ່ໄດ້ຫັກກິ່ງໄມ້ເອົາໄວ້ຕະຫຼອດທາງ ເມື່ອເຂົ້າມາໃນປ່າດົງດິບໄກພໍສົມຄວນແລ້ວ ລູກຊາຍກໍຖິ້ມແມ່ໄວ້ ແລ້ວກໍ່ແລ່ນໜີ ໃນຕອນນັ້ນເອງ ລູກຊາຍຂອງເຂົາກໍ່ໄດ້ຍິນສຽງແມ່ຮ້ອງດັງມາຕາມຫຼັງຂື້ນມາວ່າ

“ລູກເອີຍ…ຕາມຮອຍກິ່ງໄມ້ທີ່ແມ່ຫັກໃວ້ເດີ…ຈະບໍ່ໄດ້ຫຼົງປ່າ”

ທ່ານຜູ້ອ່ານ… ໃນເມື່ອແມ່ບໍ່ຍອມຖິ້ມລູກ… ແລ້ວທ່ານລະຄິດແບບໃດກັບແມ່!

ຂ້າພະເຈົ້າໄດ້ອ່ານປະໂຫຍກທ້າຍນີ້ ນ້ຳຕາຈົນຊຶມອອກໃນຄວາມຮູ້ສຶກຂອງລູກ

“ລູກເອີຍ… ຕາມຮອຍກິ່ງໄມ້ທີ່ແມ່ຫັກໄວ້ເດີ…ຈິ່ງຈະບໍ່ໄດ້ຫຼົງປ່າ”

 ອອກກຳລັງກາຍດ້ວຍ ”ການຫົວ!”

            ຫລາຍໆຄົນຄົງຮູ້ວ່າການຫົວນັ້ນເປັນສິ່ງທີ່ດີຕໍ່ສຸຂະພາບ ແຕ່ຄົງມີຄົນບໍ່ເທົ່າໃດທີ່ຮູ້ວ່າ

ການຫົວກໍ່ເປັນການອອກກຳລັງກາຍທີ່ດີຢ່າງຫນຶ່ງເຊັ່ນກັນ ເຊິ່ງການຫົວນັ້ນນອກຈາກຈະເຮັດ ໃຫ້ສຸຂພາບຈິດແຈມໃສແລ້ວ ຍັງຊ່ວຍໃນເລື່ອງການຈະເລີນອາຫານແລະ ຮໍຣ໌ໂມນຕ່າໆ ໃຫ້ທຳ ງານໄດ້ຢ່າງມີປະສິດທິພາບ ເຖິງວ່າຈະເປັນເລື່ອງປະຫລາດທີ່ເຮົາຈະນຳການອອກກຳລັງກາຍ

ແບບປົກກະຕິໄປປຽບທຽບກັບການອອກກຳລັງກາຍດ້ວຍການຫົວ ແນ່ນອນວ່າທ່ານຈະບໍ່ສາ

ມາດລ່ຳບິ໋ກ ກ້າມໃຫຍ່ຂື້ນມາໄດ້ຈາກກາຫົວ ແຕ່ທ່ານຈະມີສຸຂະພາບທີ່ດີຂື້ນຢ່າງແນ່ນອນ

            ການຫົວນັ້ນສາມາດລົດຄວາມຄຽດ ແລະລົດຄວາມສ່ຽງຂອງການເປັນໂລກຫົວໃຈໄດ້ນຳ ແຖມຍັງຊ່ວຍໃຫ້ຈິດໃຈແຈ່ມໃສເຂົ້າເຕີ່ມອີກ ແລະສາມາດເບິ່ງໂລກໃນແງ່ບວກຫລາຍຍິ່ງຂື້ນ ເຮັດໃຫ້ການແກ້ປັນຫາຕ່າງໆ ບໍ່ວ່າຈະເປັນປັນຫາຊີວິດ ຫລືທຸລະກິດການງານ ກໍ່ຈະເຮັດ ໃຫ້ມີຄວາມຄິດດີດີທີ່ຈະຜ່ານພົ້ນໄປໄດ້ ນອກຈາກນີ້ຍັງຊ່ວຍໃນເລື່ອງການຈະເລີນອາຫານ ເຊິ່ງຄວາມສາມາດໃນການຍ່ອຍອາຫານ ແລະລະບົບຂັບຖ່າຍຈະຄ່ອຍໆ ລົດລົງເມື່ອທ່ານ ມີອາຍຸຫລາຍຂື້ນ ດັ່ງນັ້ນການຫົວຈະຊ່ວຍທ່ານໄດ້ຫລາຍ ເພື່ອບໍ່ໃຫ້ທ່ານມີປັນຫາກ່ຽວ ກັບຊີ ວິດຄວາມເປັນຢູ່ ແລະສຸຂະພາບຂອງທ່ານ

ຄວາມສຳພັນຂອງສຸຂະພາບ ແລະການຫົວ

            ມີງານວິໄຈລະບຸວ່າການຫົວຢ່າງສະຫນຸກສະຫນານລ່າເລີງຈະຊ່ວຍລົດຮ​ໍຣ໌ໂມນທີ່ບໍ່ດີ  ເຊິ່ງເກີດຈາກຄວາມຄຽດ ເຊິ່ງເປັນຜົນກະທົບດ້ານບວກທີ່ການຫົວເຮັດໄດ້ ເຫມືອນກັບການອອກ ກຳລັງກາຍປະເພດອື່ນໆ ນອກຈາກນີ້ລະບົບຕ່າງໆ ຂອງຮ່າງກາຍກໍ່ຈະທຳງານໄດ້ດີຍິ່ງຂື້ນ ທ່ານ ມີລະດັບຄໍເຣສເຕີອຣອລ ແລະຄວາມດັນເລືອດທີ່ລົດລົງນອກຈາກນີ້ງານວິໄຈ ຍັງລະບຸອີກວ່າ

ການຫົວຊ່ວຍກະຕຸ້ນການທຳງານຂອງຮໍຣ໌ໂມນ leptin ແລະ ghrelin ຖ້າລະດັບ leptin ລົດລົງລະດັບ ghrelin ເພີ່ມຂື້ນຈະເຮັດໃຫ້ທ່່ານຮູ້ສຶກຢາກອາຫານ ເຊິ່ງມັກເກີດຂື້ນຫລັງຈາກ ທ່ານອອກກຳລັງກາຍຕາມປົກກະຕິ

            ມີງານວິໄຈທີ່ສຶກສາອາສາສະຫມັກຈຳນວນ ໑໔ ຄົນເຊິ່ງທຸກຄົນມີສຸຂະພາບທີ່ດີ ແລະມີອາຍຸສະເລ່ຍ ໒໑ ໂດຍແບ່ງອອກເປັນສອງກຸ່ມ ກຸ່ມຫນຶ່ງໃຫ້ເບິ່ງ ວີດີໂອ ຕະຫລົກເປັນເວລາ ໒໐ ນາທີ ແລະອີກກຸ່ມຫນຶ່ງໃຫ້ເບິ່ງຫນັງສົງຄາມໂລກຄັ້ງທີ່໒ ມີຄວາມຄຽດສູງຫລັງຈາກເບິ່ງຫນັງຈົບ ນັກວິໄຈໄດ້ທຳການເບິ່ງເລືອດເພື່ອຫາລະດັບ leptin ແລະ ghrelin ຂອງອາສາສະຫມັກ ການຫົວນັ້ນ ໄດ້ຜົນລັບທີ່ leptin ລົດລົງແລະ ghrelin ເພິ່ມຂື້ນ ຫລືເວົ້າງ່າຍໆ ຄືເມື່ອທ່ານເບິ່ງຫນັງຕະຫລົກຈົບທ່ານຈະມີອາການຢາກອາຫານ ເຊິ່ງຖືວ່າເປັນສິ່ງທີ່ດີເຊິງເກີດຈາກການຫົວນັ້ນເອງ

            ບໍ່ແມ່ນແຕ່ພຽງເລື່ອງຄວາມຢາກອາຫານເທົ່ານັ້ນ ແຕ່ໃນທາງການແພດຍັງຍ່ອມຮັບວ່າການຫົວຊ່ວຍໃຫ້ຟື້ນຕົວຂອງຜູ້ປ່ວຍໄວຍິ່ງຂື້ນ ແລະໃນຄົນທຳມະດາທີ່ຫົວເປັນປະຈຳນັ້ນ ກໍ່ຈະມີສຸຂະພາບແຂງແຮງກວ່າຄົນທີ່ມີອາການຊຶມເສົ້າອີກດ້ວຍ ດັ່ງນັ້ນເຮົາຄວນມາຫາເລື່ອງຫົວກັນດີກວ່າ ເຮັດຕົວໃຫ້ລ່າເລີງແຈມໃສ ແລະເບິ່ງຊີວິດໃນແງ່ມູມທີ່ຕ່າງອອກໄປ ຫັດເບິ່ງຫຍັງບໍ່ໃຫ້ຊີເຣສແລະເບື່ອຫນ່າຍ ເບິ່ງຫຍັງໃຫ້ສະຫນຸກສະຫນານເພື່ອໃຫ້ຊີວິດວັນນີ້ຂອງທ່ານມີຄວາມສຸກ  

*ທີ່ມາ ງານວິໄຈ ຕ່າງປະເທດ

 ບ້ານໃກ້ທ່າ..................ບໍ່ມີນ້ຳກິນ

ມີຫມໍ້ດິນ......................ບໍ່ຮູ້ຈັກໃຊ້

ລ້ຽງໄກ່.......................ໄກ່ບໍ່ຂັນ

ຢາກຂື້ນສະຫວັນ........ໃຫ້ໄປແກ້ຜ້າຊິ້ນໃນວັດ

** ຂໍ້ສຸດທ້າຍຢ່າເຂົ້າໃຈເລິກເດີ້ ພີ່ນ້ອງ

ຖ້າມີຜູ້ສົນໃຈບາດຫນ້າຊິມາຂະຫຍາຍຄວາມໃຫ້ຟັງ ເອົາຄວາມຫມາຍແຕ່ລະຂໍ້

ຖ້າໃຜຮູ້ກໍ່ຊ່ວຍຕອບແດ່ເພື່ອບໍ່ໃຫ້ເຂົ້າໃຈຜິດ ຈຸດຫນັກແມ່ນຂໍ້ສຸດທ້ານນີ້ລະ

 ຫນ້າທີ່ຂອງຜູ້ຍິງກໍ່ບໍ່ມີຫຍັງຫລາຍເກີນໄປມີແຕ່ເຮັດຫນ້າທີ່ເປັນແມ່ເຮືອນ ລ້ຽງດູລູກເບິ່ງແຍງຄອບຄົວແຕ່ກໍ່ຕ້ອງມີດັ່ງນີ້:

*  ລ້ຽງລູກຢ່າໃຫ້ລູກຊົ່ວ ເປັນຜູ້ຍິງຕ້ອງຕ້ອງເບິງຕ້ອງແຍງ ດູແລເອົາໃຈໃສ່ ໃຫ້ຄວາມອົບອຸ່ນຢ່າໃຫ້ລູກຕົກເປັນຄົນຊົ່ວ

* ລ້ຽງຜົວຢ່າໃຫ້ຂາດຄວາມພາກພູມໃຈ ສາມີຈະພາກພູມໃຈຕໍ່ເມຍກໍ່ຄືເຮືອນ ໓ ນ້ຳ ໔

ເຮືອນ ໓ ນ້ຳ ໔ ມີດັ່ງນີ້

*** ເຮືອນ ສາມ 

໑ ເຮືອນຜົມງາມ

໒ ເຮືອນຮ່າງງາມ

໓ ເຮືອນທີ່ຢູ່ອາໃສງາມ

*** ນ້ຳ ສີ່

໑ ມີນ້ຳກິນໃຫ້ສາມີໃຊ້ ເອົາຕ້ອນຮັບໃນເວລາລຸກມາຈາກເຮັດວຽກ

໒ ມີນ້ຳໃຊ້ໃຫ້ສາມີ

໓ ມີນ້ຳໃຈໃຫ້ສາມີ ເມື່ອ  ເຂົາມີທຸກກໍປອບໃຈໃຫ້ເຂົາ

໔ ມີນ້ຳຄຳທີ່ດີ 

     ຖ້າເຮົາເອົາແບບນີ້  ລູກກໍ່ບໍ່ຊົ່ວ ຜົວກໍ່ຈະມີຄວາມພາກພູມໃຈ

ເມື່ອປາຖະຫນາຢາກໃຫ້ຄອບຄົວມີຄວາມສຸກກໍ່ຈົ່ງປະຕິບັດກັນເລີຍ

ບາດຫນ້າຊິເອົາຫນ້າທີ່ຂອງຜູ້ຊາຍມາລົງໃຫ້ອ່ານ

 ໑ ຍິ້ມໄວ້ໃຈສົດຊື່ນ…………………ອາຍຸຍືນໄຮ້ໂລຄາ

   ຮູບຮ່າງງາມໂສພາ……………..ເປັນສະເຫນຫາແກ່ປ່ວງຊົນ

໒ ຍິ້ມໄວ້ໃຈສົດຊື່ນ………………..ທຸກວັນຄືນຈິດຜ່ອງໃສ

   ຈະພົບແຕ່ຂອງໃຫມ່……………ຕະຫລອດໄປຊົ່ວຊີວັນ

໓ ຮອຍຍິ້ມບົນໃບຫນ້າ…………...ບົ່ງບອກວ່າເຮົາສະບາຍ

   ຍິ້ມເຖີດທັງຍິງຊາຍ…………...ຍິ້ມແກ້ຮ້າຍກາຍເປັນດີ

໔ ຍິ້ມໃຫ້ແກ່ທຸກຄົນ……………..ເປັນມຸງຄົນເມື່ອພົບເຫັນ

   ຈິດໃຈເຂົນເຍືອກເຢັນ…………ເພາະເຂົາເຫັນຮອຍຍິ້ມເຮົາ

໕ ຍິ້ມເຊົ້າແລ້ວຍິ້ມສວາຍ……….ຍິ້ມທ່ຽງບາຍຄ່ຳແລະແລງ

   ຍິ້ມດ້ວຍໃຈຮັກແພງ…………..ຍິ້ມນີ້ເປັນສະເຫນເອີຍ.

 ອົກຮັກໃນວັນນິ້ມັນບໍ່ຕາຍດອກ........................ຢູ່ເບື້ອງຫລັງຍັງມີຄົນຮັກ

ບໍ່ຕ້ອງໄປຄິດໃຫ້ໃຈຫນັກ.................................ຄົນພັກພິງເຮົາຍັງມີ

ຄົນເລົ່ານິ້ສຸດແສນດີ........................................ບໍ່ຕ້ອງຄິດໃຫ້ຫນ້ອຍໃຈ

ຄົນເຫລົ່ານິ້ສຸດຫວງໄຍ..................................ທີ່ລໍວັນແລະລໍມື້

ຄົນເຫລົ່ານິ້ຫລື............................................ຄື ຜູ້ໃຫ້ກຳເນີດ(ພໍ່ແລະແມ່).

ຖ້າໃຜແຕ່ງກອນມ່ວນໆໆ ແຕ່ງໃຫ້ຟັງແດ່ ຊ່ວງນິ້ຢາກເປັນນັກປະພັນແຕ່ງກອນ  ອິກໆໆໆໆໆ ມີເປັນຊ່ວງ 

ຊ່ວງຄ້ານກໍ່ຄ້ານແທ້ຄ້ານວ່າ

ຄວາມເກັ່ງ ຄວາມສາມາດ ແລະສະຕິປັນຍາ ມີໄວ້ຮັບໃຊ້ຄວາມດີ

ຂໍໃຫ້ສະມາຊິກເຮົາອ່ານເບິ່ງ ລະຫວ່າງ ຄົນເກັ່ງ ແລະຄົນດີ ວ່າສົມຄວນສ້າງໃຜດີ, ຕໍ່ໄປນິ້ຈະອະທິບາຍໃຫ້ຟັງ ແລະໃຫ້ຄວາມຫມາຍລະຫວ່າງ ຄົນດີ ແລະຄົນເກັ່ງ.

***  ໃນການສ້າງບຸກຄະລະກອນພັນໃຫມ່ ຈຳເປັນຢ່າຍິ່ງ ທີ່ຈະຕ້ອງມີປັນຍານຳລະຫວ່າງຄົນ ເກັ່ງແລະຄົນດີ ຈະສ້າງຫຍັງກ່ອນໃນຄວາມເປັນຈິງໃນການສ້າງຄົນ ຈະສ້າງໄປພ້ອມໆກັນ ເມື່ອວັນຫນຶ່ງຈະຕ້ອງປະເຊີນຫນ້າ ເພາະຈະຕ້ອງເລືອກລະຫວ່າງຄົນເກັ່ງ ກັບຄົນດີ ກໍ່ໃຫ້ເລືອກຄົນດີກ່ອນຄົນເກັ່ງ ເພາະຄົນເກັ່ງສ້າງໄດ້ ຄົນດີສ້າງຍາກ ເນື່ອງຈາກຄວາມດີນັ້ນ ຈະຕ້ອງຢູ່ໃນວິຖີຊີວິດ ແລະສະຖາບັນການສອກສາມີຫນ້າທີ່ສ້າງຄວາມເກັ່ງ ສ້າງສະຕິປັນຍາ ແລະສ້າງສີມືເພື່ອຮັບໃຊ້ຄວາມດີ

      ການສ້າງຄົນດີເປັນການສ້າງສັງຄົມສ່ວນລວມ ເພາະສັງຄົມດີບໍ່ມີຂາຍ ຢາກໄດ້ກໍ່ຊ່ວຍ ກັນສ້າງ ເພາະຄົນເປັນຫຸ້ນສ່ວນຂອງສັງຄົມ ແລະການເປັນຄົນດີກໍ່ເປັນຜົນຜະລິດຂອງສັງຄົມ ໃນຂະນະດຽວກັນ ຫົວໃຈຂອງຄວາມເປັນມະນຸດນັ້ນ ຄວາມດີສ້າງຄວາມສາມາດແລະຄວາມສາມາດເຮັດໃຫ້ເກີດຄວາມດີ.

ຄຳກອນກວນສົ້ນຕີນ

* ແຟນຄືຄວາມຮູ້           ຊູ້ຄືປະສົບການ

ພົບໄປນານໆ        ປະສົບການມີຫຼາຍ

* ໃຊ້ພັດລົມເວລາຮ້ອນ       ໃຊ້ຄ້ອນໄວ້ຕີແຟນ

ແລ້ວໄປຄວງແຂນ           ແຟນຂອງຄົນອື່ນ

* ກໍ ກໍ່ຄືກໍໄກ

ຂໍ ໄຂ່ຢູ່ໃນກາງເກງ

ຄໍ ຄວາຍໂທ່ງເທັ່ງ  ຢູ່ໃນກາງເກງ ຄໍ ຄົນ    (ຮ່າໆໆ ກວນສຸດໆໆ)

* ຈະຮັກແຕ່ຄົນມີຄູ່          ຈະສູ້ເພື່ອແຍ້ງແຟນຂອງເຂົາ

ຈະເອົາມາເປັນຂອງເຮົາ       ເຖິງເຂົາເສົ້າ ເຮົາສະໃຈ  ຮິໆໆໆໆ

* ຄິດເຖິງເຈົ້າເກີບຕາຍ       ຢາກໂທຫາເກີບເປັນບ້າ

ແຕ່ຕິດຕໍ່ມີຄຳວ່າ               ກະລຸນາເຕີມເງິນແດ່

* ພໍຫນ້າທ້ອງຂອງແມ່ເລີ່ມເບັ່ງອອກ          ພໍ່ກໍ່ບອກຢາກໃຫ້ລູກເປັນດ໊ອກເຕີ

ຍ່າກໍ່ບອກຢາກໃຫ້ຫຼານເປັນນາຍຂາຍເກືອ      ແຕ່ຕ້ອງສະເງິ້ ຫມໍບອກແມ່ວ່າ ແຄລົງພົງ

* ອັນນາລີມີຫຼາຍເຫມືອນຟູງລີງ       ຈະລົມຖິ້ມຂວາງກໍ່ຍັງໄຫວ

ມັນບໍ່ຮັກກໍ່ຊ່າງມັນ ບໍ່ເປັນຫຍັງ          ຢ່າເສຍໃຈເພື່ອນເອີຍ……….ກະເທີຍມີ   ຮິໆໆໆ

ຕໍ່ໄປນິ້ເປັນຄຳສັບພາສາອັງກິດ ແລະພາສາລາວ ຄຳຄ່ອງ ອ່ານແລ້ວເຂົ້າໃຈງ່າຍວ່າຊັ້ນ

son=  ລູກຊາຍ                  ຂາຍ= sell

tell=  ບອກ                    ອອກ= out

cow= ແມ່ງົວ                   ຫົວ=  head

get=  ໄດ້ຮັບ                   ຈັບ=  catch

advice= ຄຳແນະນຳ              ຈຳ=   remember

never= ບໍ່ເຄີຍ                   ເນີຍ=  butter

better= ດີກວ່າ                  ມາ=   come

drum= ກອງ                    ທອງຄຳ=gold

hold= ຖື                       ມື=    hand

fan=  ພັດລົມ                   ຫນຸ່ມສາວ=   young

tongue= ລີ້ນ                   ກີນ=  eat

need= ຕ້ອງການ                ບ້ານເຮືອນ= house

now= ດຽວນິ້                    ດີ=    good

put=  ວາງ                     ກາງ= middle

gentle= ສຸພາບ,ຜູ້ດີ               ທີ່ຫລັງ= after

brother= ອ້າຍ,ນ້ອງຊາຍ           ຮ່າງກາຍ= body

story= ເລື່ອງລາວ                ຂາວ= white

right= ຂວາ                     ນາລິກາ(ໂມງ)= clock

rock= ຫີນ                      ໄດ້ຍິນ= hear

near= ໃກ້                      ຄົນໃຊ້= servant

ຄາຖາບູຊາຜົວ….

ຮັກຜົວຕ້ອງໃຫ້ຜົວ                 ຫມົດຕົວຫມົດທັງໃຈ

ຮັກຜົວຕ້ອງອ່ອນໄຫວ              ຜົວວ່າແບບໃດກໍ່ວ່າຕາມ (ບໍ່ແມ່ນໃຫ້ຮຽນຄຳເວົ້າເດີ)

ຮັກຜົວຕ້ອງເຄົາລົບ                ຕ້ອງປະຈົບບໍ່ລາມປາມ

ຮັກຜົວຕ້ອງວ່າຕາມ                ຫ້າມວູວາມເອົາແຕ່ໃຈ

ຮັກຜົວຕ້ອງອົດທົນ                ຜົວເປັນຄົນບໍ່ຍອມໃຜ

ຮັກຜົວຕ້ອງທຳໃຈ                 ບໍ່ແມ່ນຜົວໃຜກໍ່ຜົວເຮົາ

ຮັກຜົວຕ້ອງຫມັ່ນແຕ່ງ              ດຽວຈະແຫ້ງຜົວບໍ່ເອົາ

ຮັກຜົວຕ້ອງຄ່ອຍເຟົ້າ               ຖ້າຜົວເມົາຕ້ອງຕາມໃຈ

ຮັກຜົວໃຫ້ເຟິກຟົນ                 ຜົວເປັນຄົນມັກຂອງໃຫມ່

ຮັກຜົວຕ້ອງເຂົ້າໃຈ                ຜົວໄປໃສ່ຢ່າຫ້າມປາມ !!!

ຮັກຜົວຕ້ອງແຂງແຮງ               ຕ້ອງຫມັ່ນແພງໃຫ້ວາບຫວາມ

ຮັກຜົວຕ້ອງທຸກຍາມ               ຢ່າຊັກຖາມຫ້າມກວນໃຈ

ຮັກຜົວຕ້ອງກ້າເສຍ                ມີນ້ອງເມຍຍົກໃຫ້ໄປ        ຮິໆໆໆໆ

ຮັກຜົວຕ້ອງສົນໃຈ                 ຜົວເປັນຍ່າງໃດຕ້ອງຄ່ອຍເບິ່ງດູ

ຮັກຜົວຕ້ອງເວົ້າງ່າຍ               ບໍ່ໂວຍວາຍບໍ່ລົບຫຼູ່

ຮັກຜົວຕ້ອງເຟົ້າແລດູ               ດຽວອີຫນູມາເອົາໃຈ

ຮັກຜົວຕ້ອງເຊື່ອຟັງ                ຜົວສຽງດັງຕ້ອງທົນໃຫວ

ຮັກຜົວຕ້ອງຮູ້ໃຈ                  ຜົວຢາກໄດ້ຕ້ອງຫາມາ

ຮັກຜົວຕ້ອງໃຈເຢັນ                ຖືຜົວເປັນເຊັ່ນເທວະດາ

ຮັກຜົວຕ້ອງບູຊາ                  ຜົວມີຄ່າກວ່າສິ່ງໃດ

ຮັກຜັວຕ້ອງຮັກດຽວ                ຢ່າໄປທ່ຽວຮັກຜົວໃຜ

ຮັກຜົວຕ້ອງແນ່ໃຈ                 ຢ່າເຊື່ອໃຈຄົນອື່ນມັນ

ຮັກຜົວຕ້ອງແນ່                   ຕ້ອງຮັກແທ້ ຕ້ອງຜູກພັນ

ຮັກຜົວຕ້ອງຍຶດຫມັ້ນ               ທຸກຂໍ້ນັ້ນສຳຄັນເອີນ….

ແມ່ນໃຜມີລູກມີເຕົ້າໃຫ້ຮັກລູກຮັກຜົວເດີ ຢ່ານອກໃຈຜົວເດີ

* ກອນອັນນິ້ບາງບ່ອນກໍ່ຕະຫຼົກໄປ ເພື່ອວ່າຢາກໃຫ້ມັນສອດຄ້ອງເຂົ້າກັນ ບາງບ່ອນກໍ່ມີສາລະ ບາງບ່ອນກໍ່ບໍ່ມີ ໃຫ້ພິຈາລະນາເອົາກໍ່ແລ້ວກັນ ຮິໆໆໆໆ

ຄາຖາບູຊາເມຍ….

ມ. ເມຍນັ້ນຫາຍາກ                ຕ້ອງລຳບາກອອກລົດໃຫມ່

ຮັບສົ່ງເຖິງວ່າຈະໄກ້ຫຼືໃກ            ໃຊ້ຢາດເຫື່ອເປືອງນ້ຳມັນ

ຊັກພ້າບໍ່ແມ່ນໃຜ                  ເຮັດກິນແມ່ນຜົວທັງນັ້ນ

ຕະກູນຜົວຄົງຫມົດກັນ              ເພາະເມຍນັ້ນເປັນຈອມມານ

ກັບເດິກເພາະຕີກອ໊ຟ               ໂອເຈົ້າລອບແອບຫນ້າບ້ານ

ສາກນິ້ຕີກະບານ                  ໂອ້ຍອດຂວັນ ແມ່ນແທ້ໆ

ມ.ເມຍ ຫຼື ມ.ແມ່                 ຮ້າຍຈິງແທ້ ແມ່ຍອດຍິງ

ຍ້ານແລ້ວຍ້ານຈິງໆ                ເຫັນຕາຍິງ ອ້າຍເກືອບຕາຍ

ແກ່ງ່າຍແຖມຕາຍຍາກ              ແມ່ຍອດຮາກຄືມານຮ້າຍ

ຜົວຄືກະສອບຊາຍ                 ຜົວທັງຫຼາຍຈົດຈຳຈົງດີ

ຮັກເມຍຕ້ອງອົດທົນ                ຕ້ອງເປັນຄົນເຄົາລົບເມຍ

ຮັກເມຍຕ້ອງສົ່ງເສຍ               ຢ່າໃຫ້ເມຍຕ້ອງສົງໃສ

ຮັກເມຍຕ້ອງຮັກດຽວ               ຢ່າໄປທ່ຽວໄປຮັກໃຜ

ຮັກເມຍຕ້ອງທຳໃຈ                ເຖິງຢ່າງໃດເຂົເກໍ່ເມຍ

ຮັກເມຍຢ່າຂິ້ເຫຼົ້າ                  ຖ້າເມຍເຮົາ ເຮົາຈະເສຍ

ຮັກເມຍຢ່າອ່ອນເພຍ               ຄົນຮັກເມຍຕ້ອງແຂງແຮງ

ຮັກເມຍຢ່າທ່ຽວເດິກ               ຈະເກີດເສິກຜິດສຳແດງ

ຮັກເມຍຢ່າຮຸ່ນແຮງ                ຄ່ອຍໆແຊງຢ່າຂັບໄວ

ຮັກເມຍຕ້ອງຍອມເມຍ              ເພາະວ່າເມຍບໍ່ຍອມໃຜ

ຮັກເມຍຕ້ອງເຂົ້າໃຈ                ບໍ່ມີໃຜໃຫຍ່ກວ່າເມຍ

ຮັກເມຍຢ່າຖຽງເມຍ                ຄຳເວົ້າເມຍໃຫຍ່ກວ່າໃຜ

ຊາດຫນ້າມີສັນໃດ                 ຈົ່ງຈຳໄວ້ຢ່າລືມເມຍ.

*ແມ່ນໃຜມີລູກມີເຕົ້າແລ້ວໃຫ້ຮັກລູກຮັກເມຍແດ່ເດີ ຢ່າຕີເມຍ ເຫັນສະມາຊິກບາງຄົນຂຽນມາ ສ່ອງແສງເຖິງເລື່ອງຜົວຕີເມຍ(ຜູ້ຊາຍມັກຕີຜູ້ຍິງ) ເພາະວ່າຜູ້ຍິງເປັນເພດທີ່ອ່ອນແອ ຄັນຈະເວົ້າໄປແລ້ວຜູ່ຍິງກໍ່ຄືເພດແມ່ເຮົານິ້ລະ ຮ່າໆໆໆໆ

ປະເທດຖືກປວກກັດ

ປະເທດລາວເປັນປະເທດທີ່ອຸດົມສົມບູນໄປດ້ວຍວັດທະນາທຳ ທຳມະຊາດ ແລະ ຈົນເຖິງການພາສາປາກເວົ້າ ເປັນຂອງ ຂອງຕົນເອງ, ຊາວໂລກກໍ່ຍົກ ຍ້ອງສັນລະເສີນວ່າ ປະເທດລາວເປັນປະເທດທີ່ອະນຸລັກວັດທະນາທຳໄດ້ດີ ຈົນ ກະທັງການນຸ່ງຖື ກໍ່ເປັນລະບຽບຮຽບຮ້ອຍດີ, ເຊິ່ງໃນໂລກນິ້ບໍ່ມີໃຜ ມີເຫມືອນ ລາວເຮົາ ທີ່ຈະນຸ່ງສິ້ນພາດແພເຂົ້າວັດວາ ເຂົ້າຫາຜູ້ຫຼັກຜູ້ໃຫຍ່ ແບບເຮົາ.

     ແຕ່ມາປັດຈຸບັນນິ້ ປະເທດລາວຖືກກົມກືນໄປດ້ວຍວັດທະນາທຳ ການນຸ່ງ ຖື ພາສາປາກເວົ້າ ຈົນກະທັງສຳປະທານທີ່ດິນກໍ່ຍັງເປັນຂອງຕ່າງຊາດໄປແລ້ວ, ເປັນຫຍັງຈິ່ງເວົ້າຈັງຊັ້ນ? ກໍ່ເພາະວ່າ ປັດຈຸບັນນິ້ຄົນລາວເຮົາມັກນຳຂອງປະຫຼາດ ມາໃສຕົວ ໃນເມື່ອມັກຂອງປະຫຼາດແລ້ວຕ່າງຊາດເຂົາກໍ່ສົນໃຈ, ດຽວນິ້ປະເທດ ເຮົາຖືກແຊກຊຶມເຂົ້າມາຫຼາຍຮູບແບບເຊັ່ນວ່າ: ມາເຜີຍແຜ່ວັດທະນາທຳຂອງເຂົາ ໃຫ້ເຮົາທາງກົງແລະທາງອ້ອມ ສ່ວນຫຼາຍການນຸ່ງຖືແລະການປາກເວົ້າຈະນຳມາ ຈາກການເບິ່ງໂທລະພາບຈາກປະເທດເພື່ອນບ້ານ ໃນເມື່ອຮຽນແບບຂອງເຂົາ ມາແລ້ວຄຳເວົ້າຈົນເຖິງການນຸ່ງຖືແບບຂອງລາວໆ ຫາຍໄປໃສ? ເປັນຈັງຊິ້ລະ ຜູ້ຂຽນ ຈິ່ງໃສ່ຫົວເລື່ອງວ່າ “ປະເທດຖືກປວກກັດ” ທ່ານເຄີຍເຫັນປວກກັດໄມ້ບໍ່ ມັນຄ້ອຍໆກັດກິນໄປເທື່ອລະນ້ອຍໆ ອີກບໍ່ດົນຕົ້ນໄມ້ຕົ້ນັ້ນກໍ່ອາດຈະລົ້ມລົງໄດ້, ໃນເມື່ອເຫັນແບບນິ້ແລ້ວພວກເຮົາຈະຍ່ຽວຢາແບບໃດ ໃຫ້ຕົ້ນໄມ້ຕົ້ນນິ້ ໃຫ້ມັນແຂງແຮງເຫມືອນເດີມໄດ້ ເພື່ອບໍ່ໃຫ້ປວກຕ່າງຊາດມາກັດໄດ້.

     ຂໍໃຫ້ສະມາຊິກພັນລາວເຮົາ ຈົ່ງພິນິດພິຈະລະນາຊ່ວຍກັນເບິ່ງ ວ່າມັນ ແມ່ນແທ້ ຫລືບໍ່ແທ້ ຕາມທີ່ຜູ້ຂຽນເຄີຍເຫັນ ແລະເຄີຍສຳພັດມາແລ້ວ

ຄວາມຮັກຂອງຊາຍ ທີ່ມີຕໍ່ຍິງ

ຈູບທີ່ດັງ                       ຫມາຍເຖິງ    ເຈົ້າຫນ້າຮັກຫຼາຍ

ຈູບທີ່ແກ້ມ                      -//-    ຂ້ອຍຕ້ອງການເຈົ້າ

ຈູບທີ່ຄໍ                         -//-    ເຈົ້າຕ້ອງເປັນຂອງຂ້ອຍ  (ຄືນນິ້ແນ່ນອນ)

ຈູບທີ່ຮີມປາກ                   -//-    ຂ້ອຍຮັກເຈົ້າ

ຈູບທີ່ເປືອກຕາ                   -//-    ຂ້ອຍກຳລັງຫຼົງຮັກເຈົ້າ

ເອົາແຫວນຂອງເຈົ້າໄປໃສ່         -//-    ເຈົ້າຕ້ອງເເປັນຂອງຂ້ອຍຄົນດຽວຕະຫຼອດໄປ

ໃຫ້ຂອງຂວັນເຈົ້າເປັນປະຈຳ       -//-    ເຂົາເອົາໃຈໃສ່ແລະຄິດເຖິງເຈົ້າຈະຫຼອດ

ຈັບມື                          -//-    ຂ້ອຍມັກເຈົ້າ

ເບິ່ງເຂົ້າໄປໃນດວງຕາຂອງເຈົ້າ           -//-    ເຈົ້າຮັກຂ້ອຍຫຼືບໍ່

ບີບນິ້ວມືຂອງເຈົ້າ                -//-    ຂ້ອຍຢາກຈູບເຈົ້າ

ລູບເບົ່າໆທີ່ຫົວໄຫຼ່               -//-    ຢາກຈະເອົາໃຈເຈົ້າ

ກັດຮີມປາກ                     -//-    ຂ້ອຍຫຶງເຈົ້ານ່ະ

ຫຼິ້ນຜົມຂອງເຈົ້າ                      -//-    ຂ້ອຍຊື່ນຊົມເຈົ້າ

ຢຽບຕີນເຈົ້າ                    -//-    ຂ້ອຍຊັງເຈົ້າ

ເວົ້າວ່າຄິດເຖິງເຈົ້າສະເຫມີ        -//-    ຂ້ອຍໃສ່ໃຈເຈົ້າ

ເວົ້າວ່າຄືນນີ້ຈະຟັນເຖິງເຈົ້າ        -//-    ເຈົ້າເປັນຄົນພິເສດສຸດໆ

ເວົ້າວ່າຢາກຈະຢູ່ກັບເຈົ້າຕະຫຼອດເວລາ    -//-    ຄິດເຖິງເຈົ້າທຸກລົມຫາຍໃຈ

ແບບຫອມເຈົ້າ                       -//-    ເຈົ້າຄືຄົນທີ່ sweet (ຫວານ) ທີ່ສຸດໆເລີຍ                       

ພາສາລາວໃນປັດຈຸບັນ ເລີ່ມກະຈ່າງຫາຍໄປ ເອົາພາສາຕ່າງປະເທດມາໃຊ້ແທນເວົ້າພາສາອື່ນແທນພາສາລາວ ລອງໃຫ້ສະມາຊິກໃນພັນລາວເຮົານິ້ ໂວດເບິ່ງ ວ່າ ຄຳໃດທີ່ຖືກທີ່ສຸດໃນ ພາສາລາວເຮົາ ແລະໃຫ້ເຫດຜົນມາພ້ອມ ຖືກເພາະສາເຫດໃດ ບໍ່ຖືກເພາະສາເຫດໃດ.

ໂປ່ງໃສ            ແລະ        ປອດໃສ, ຂາວສະອາດ

ຫຼາກຫຼາຍ           -//-          ອຸດົມສົມບູນ, ເພິ່ງຕົນເອງ, ກຸ້ມຕົນເອງ

ບ້ານ (ຫຼັງດຽວ)       -//-          ເຮືອນ

ແປັບດຽວ           -//-          ບຶດຫນຶ່ງ, ຈັກຫນ້ອຍ

ທາງຊອຍ           -//-          ທາງຮ່ອມ

ລຸ້ນລາງວັນ          -//-          ເສັງເອົາລາງວັນ

ຈະ ຈ້າ            -//-          ໂດຍ, ເຈົ້າ

ບໍ່ໃຊ່               -//-          ບໍ່ແມ່ນ

ທີ່ຈິງແລ້ວ           -//-          ແທ້ຈິງແລ້ວ

ທຸນ                            -//-                        ທຶນ

ກິນເຂົ້າຫຼືຍັງ              -//-                        ກິນເຂົ້າແລ້ວບໍ່

**   ຍິ່ງນານວັນ ພວກເຮົາບໍ່ຫຼຽວແລ ຫົດນ້ຳພວນດິນ ໃສ່ຝຸ່ນໃຫ້ພາສາລາວ ຕໍ່ໄປອາດຈະມີເຄືອກ້ຽວ ມີບົ້ງແມງມາກັດກິນ ແລະ ໃນທີ່ສຸດ ກໍຈະຍາກແກ່ການປິ່ນປົວ ນັ້ນເອງ.

“When facing criticisms”

A message to teenagers

First of all, ask yourself if the criticisms are based on the truth and are fair. If they are, even in part, you should consider them when trying to improve yourself and your work. Just take the gist of it and ignore the accusatory or inaccurate words.

Lord Buddha said the wise one who shows us the mistake is guiding us toward a treasure. Look deeply. In criticism lies many invaluable things. They help us to see the other side of the truth--something we or our friends may not be able to see before. Or they help us to understand the speakers better and to know how to deal with them in the future.

Another valuable lesson when one is being criticized is to realize the truth of life, that praise and criticism are just to sides of the same coin. Nobody has ever received only praises. The more one has praises bestowed on them the more he or she is subject to gossip and criticism. Thus one should be swayed by either praise or criticism.

Indeed, the more we enjoy receiving praise, the more upset we are likely to be when facing criticism. If we don’t want to suffer from being criticized we should avoid be overjoyed when praised, for the louder we laugh, the harder we will cry.

ຂໍ້ຄິດເຖິງໄວລຸ້ນ (ພາກ 2)

“ເມື່ອທ່ານຖືກວິພາກ”

ກ່ອນອື່ນທ່ານຕ້ອງຖາມຕົວເອງວ່າຄຳວິພາກເຫລົ່ານັ້ນ ຈິງຫລືບໍ່ຈິງ ຖ້າມັນເປັນຄວາມຈິງຫລືບໍ່ຈິງທ່ານຄວນພິຈາລະນາເລືອກໃຊ້ຄຳວິພາກເຫລົ່ານັ້ນມາໃຊ້ປະ

ໂຫຍດໃນການປັບປຸງຕົວເອງແລະພັດທະນາການທຳ ງານ ລວມທັງບໍ່ສົນໃຈໃນຄຳ ກ່າວຫາແລະຄຳເວົ້າທີ່ບໍ່ຈິງ

ພຣະພຸທທະເຈົ້າສອນໄວ້ວ່າການໄດ້ຮັບຂໍ້ຄິດເຫັນໃນຄວາມຜິດພາດຈາກຜູ້ຮູ້ຫລືນັກປຼາດຈະນຳ ພາເຮົາໄປສູ່ຂົມສັບ ຫາກພິຈະລະນາໃຫ້ເລິກໆ ຄຳວິພາກອາດຈະເປັນສິ່ງທີ່ມີ ຄຸນຄ່າຫລາກຫລາຍ ເຊັ່ນ     ຄຳວິພາກຊ່ວຍໃຫ້ເຮົາເຫັນອີກດ້ານຫນຶ່ງຂອງຄວາມຈິງ ເຊຶງເຮົາຫລືເພື່ອນຂອງເຮົາອາດຈະບໍ່ໄດ້ເຫັນມາກ່ອນຫລືຄຳວິພາກເຫລົ່ານັ້ນຊ່ວຍໃຫ້ເຂົ້າໃຈ ຜູ້ເວົ້າດີຂຶ້ນເພື່ອທີ່ເຮົາຈະໄດ້ປັບຕົວໃຫ້ເຂົ້າກັບເຂົາໄດ້ດີໃນອະນາຄົດ

ນອກຈາກນິ້ບົດຮຽນທີ່ມີຄຸນຄ່າທີ່ເຮົາຈະໄດ້ຮັບເມື່ອຖືກວິພາກຄື ເຮົາຄວນຄິດວ່າເປັນຄວາມຈິງອີກດ້ານຫນຶ່ງຂອງຊີວິດວ່າ “ຄຳຊົມເຊີຍຫລືຄຳຕຳຫນິ” ຄືຄວາມຈິງສອງດ້ານຂອງຫລຽນ ບໍ່ມີໃຜທີ່ຈະໄດຮັບແຕ່ຄຳຊົມ ຄົນທີ່ໄດ້ຮັບແຕ່ຄຳຊົມ ມັກຈະມີໂອກາດທີ່ຈະໄດ້ຮັບຄຳ ນິນທາແລະຄຳວິພາກຫລາຍດັ່ງນັ້ນເຮົາບໍ່ຄວນຢູ່ພາຍໃຕ້ອິດທິຜົນຂອງຄຳຊົມແລະຄຳວິພາກ

ແນ່ນອນຖ້າເຮົາມີຄວາມສຸກ ຄວາມເພີເພີນກັບຄຳຊົມຫລາຍເຮົາກໍ່ຈະມີຄວາມທຸກ ເມື່ອໄດ້ຮັບຄຳວິພາກ ຖ້າເຮົາບໍ່ຕ້ອງການໃຫ້ຊີວິດທຸກທໍລະມານກັບຄຳວິພາກ ເຮົາກໍ່ຄວນຈະຕ້ອງພະຍາຍາມບໍ່ດີໃຈຈົນເກີນໄປເມື່ອໄດ້ຮັບຄຳຊົມ ຫລືກ່າວອີກຢ່າງຫນຶ່ງວ່າ ຖ້າເຮົາຍິ່ງຫົວດັງຫລາຍເທົ່າໃດ ເຮົາກໍ່ຈະຍິ່ງຮ້ອງໄຫ້ດັງຫລາຍເທົ່ານັ້ນ

“When you have a broken heart”

A message to teenagers

Disappointment in love does not mean the end of everything. You may have lost something, but you still have many precious things left. To fail at love does not mean you are good for nothings. So many people still love and care for you: your parents, family and friends. Do not let just one person determine your value or control your fate.

The past is the past. As long as you do not carry it or cling to it, it can have no effect on you. The more you carry it around, the more suffering you will have. That person may not your soul mate. To lost him or her may actually give you the freedom to search for the one who really suits you.

Bring heartbroken also teaches us that life is not all about success. Disappointments are a fact of life. They also make us stronger so that we will be able to withstand further disappointments.

ຂໍ້ຄິດເຖິງໄວລຸ້ນ

"ເມື່ອທ່ານອົກຮັກ"

ຫາກທ່ານຜິດຫວັງໃນຄວາມຮັກບໍ່ໄດ້ຫມາຍຄວາມຈະເປັນການສິ້ນສຸດໃນທຸກສິ່ງທຸກຢ່າງ ທ່ານອາດຈະສູນເສຍບາງຢ່າງແຕ່ທ່ານຍັງມີສິ່ງທີ່ມີຄ່າຫລາຍ

ຢ່າງເຫລືອຢູ່ການລົ້ມເຫລວໃນຄວາມຮັກບໍ່ແມ່ນທ່ານບໍ່ມີຄວາມດີຫຍັງເລີຍໃນຊີ

ວິດຍັງມີຄົນຈຳນວນຫລາຍຮັກແລະຫ່ວງໃຍທ່ານ ເຊັ່ນ ພໍ່ ແມ່ ຄອບຄົວ ແລະເພື່ອນໆ ຍັງຮັກທ່ານຢູ່ຢ່າປ່ອຍໃຫ້ຄົນພຽງຄົນດຽວຕັດສິນຄວາມມີຄຸນຄ່າ

ໃນຕົວທ່ານ ຫລືມີອິດທິຜົນຕໍ່ຄວາມເຊື່ອຫມັ້ນໃນຕົວທ່ານ

ອະດີດກໍ່ຄືອະດີດ ປ່ອຍຖິ້ມໄປຢ່ານຳຕິດຕົວມາຫລືຍຶດຕິດກັບອະ ດີດ ກໍ່ຈະເຮັດໃຫ້ເຮົາຫລຸດພົ້ນແລະບໍ່ມີຜົນກະທົບຕໍ່ຕົວເຮົາ ຫາກທ່ານຍຶດຕິດກັບອະ

ດີດທ່ານກໍ່ຈະມີແຕ່ຄວາມທຸກຫລາຍຂຶ້ນຄິດໄວ້ວ່າຄົນທີ່ສ້າງປັນຫາໃຫ້ທ່ານຄົງ ຈະບໍ່ແມ່ນເນື້ອຄູ່ການເລີກຈາກເຂົາຫລືເຂົາຄົນນັ້ນຖືວ່າເປັນການໄດ້ອິສະຫລະ ພາບໃນການຄົ້ນຫາຄົນທີ່ເຫມາະສົມກັບທ່ານແທ້ໆ

ການອົກຮັກສອນໃຫ້ເຮົາຮູ້ວ່າຊີວິດບໍ່ໄດ້ມີແຕ່ຄວາມສຳເລັດ ຄວາມຜິດຫວັງ ເປັນ ຄວາມຈິງຂອງຊີວິດທີ່ຈະສອນເຮົາໃຫ້ເຂັ້ມແຂງເພື່ອເຮົາຈະໄດ້ສາມາດຍືນຍັນ

ເອົາຊະນະຄວາມຜິດຫວັງໄດ້.

       ໃຜທີ່ຢາກເພື່ມພະລັງໃຫ້ຕົວເອງໃນຕອນເຊົ້າ ມື້ນິ້ມີຄຳແນະນຳເຄື່ອງດື່ມສຳຫລັບເພື່ມພະລັງໃນຕອນເຊົ້າມາບອກທ່ານຮັບຮູ້........ ແຕ່ລະຢ່າງມີດັ່ງນິ້..........

໑.   ນ້ຳຫມາກນາວ

ລອງເອົານ້ຳຫນາກນາວມາດື່ມຕອນເຊົ້າ ເພາະໃນນ້ຳຫມາກນາວຈະມີ ກຣົດຊິຕຣິກ ມີວິຕາມີນC ທີ່ນອກຈາກຈະຂັບຂີ້ກະເທີ່ ແກ້ອາການເຈັບຄໍ ແລ້ວຍັງຊ່ວຍໃຫ້ຮ່າງກາຍສົດຊື່ນ ແຖມຍັງມີກິ່ນຫອມອ່ອນໆ ຈາກເປືອກທີ່ຖືກຄັ້ນຍັງຊ່ວຍໃຫ້ຮູ້ສຶກຜ່ອນຄາຍໄດ້ອີກ

໒.   ນ້ຳຂີງ

ສຳຫລັບຄົນທີ່ມີອາການເມົາຄ້າງ ຄື້ນໄສ້ ຢາກອາຈຽນ(ຮາກ) ກໍ່ຂໍ່ແນະນຳນ້ຳຂີງຮ້ອນໆ ຈັກຈອກເພາະໃນຂີງມີສານເຄມີຊະຫນິດຫນຶ່ງທີ່ເອີ້ນວ່າ ຈິນເຈືອຣອລ ເປັນສານເຄມີປະເພດນ້ຳມັນລະເຫີຍ ຈັດຢູ່ໃນກຸ່ມ ແອລກໍຮອລ໌(ເຫລົ້າ)ທີ່ບໍ່ເຮັດໃຫ້ຮູ້ສຶກມື່ນເມົາແຖມຍັງແກ້ອາການເມົາໄດ້ດີ ການເຮັດນ້ຳຂີງໃຫ້ແຊບນັ້ນ ຄວນທຸບຫົວຂີງທີ່ບໍ່ແກ່ຈົນເກີນໄປຕົ້ມດ້ວຍນ້ຳຮ້ອນພໍຟົດ ຢ່າຕົ້ມດົນເກີນໄປ ເພາະຂີງຈະເສຍລົດແລະກິ່ນໄປໄດ້

໓.    ນ້ຳຜັກຫລືຫມາກໄມ້

ເປັນເຄື່ອງດື່ມທີ່ອຸດົມໄປດ້ວຍວິຕາມີນຫລາຍຊະຫນິດ ໂດຍສະເພາະວິຕາມີນC ວິຕາມີນA ໂຟລິຄແອຊິດ ແລະແຮ່ທາດ ເຊັ່ນ ໂຊດຽມໂປຣແຕສຊຽມ ສັງກະສີ ນອກຈາກນັ້ນໃນນ້ຳຜັກແລະນ້ຳຫມາກໄມ້ຍັງມີສ່ວນປະສົມຂອງນ້ຳຕານໂດຍທຳມະຊາດ ເຊຶ່ງສາມາດເຮັດໃຫ້ພະລັງງານແກ່ຮ່າງກາຍ ຊ່ວຍໃຫ້ຫາຍເມື່ອຍ ອ່ອນເພຍ ເຮັດໃຫ້ຮ່າງກາຍຮູ້ສຶກສົດຊື່ນ

໔.     ນ້ຳຫວານ

ຄົນທີ່ນອນເດິກສ່ວນໃຫຍ່ຍາມເຊົ້າຈະມີອາການປວດຫົວ ມຶນຫົວ ເກີດອາການຄຽດທາງປະສາດ ເຊຶ່ງອາດຈະເປັນເພາະຮ່າງກາຍພັກຜ່ອນບໍ່ພຽງພໍ ຄວນຮັບປະທານອາຫານເຊົ້າທີ່ມີແປ້ງແລະນ້ຳຕານເຊຶ່ງຈະສາມາດຊ່ວຍໄດ້ ໂດຍສະເພາະນ້ຳຕານນັ້ນຈະຖືກດູດຊຶມໄດ້ດີແລະງ່າຍ ດັ່ງນັ້ນນ້ຳຫວານຈະເຮັດໃຫ້ຈິດໃຈສະຫງົບ ຄາຍອາການຄຽດແລະມຶນງົງໄດ້ຢ່າງດີ 

ນົມຖົ່ວເຫລືອງ

ເຫມາະສຳຫລັບຄົນທີ່ຮັກສຸຂະພາບ ເພາະນົມຖົ່ວເຫລືອງເປັນເຄື່ອງດື່ມທີ່ໃຫ້ໂປຣຕີນທີ່ມີຄຸນສົມບັດເຫມືອນໂປຣຕີນຈາກຊິ້ນສັດ

໕.     ກາເຟ

ກາເຟເປັນເຄື່ອງດື່ມຍາມເຊົ້າຂອງຄົນເຮັດວຽກ ເພາະກາເຟກະຕຸ້ນຄວາມສົດຊື່ນກ່ອນລົງມືເຮັດວຽກ ນອກຈາກນິ້ຍັງສາມາດຊ່ວຍລົດຄວາມສ່ຽງຈາກການເກີດຫນິ້ວໃນຖຸງນ້ຳບີ ມະເລັງລຳໄສ້ໃຫຍ່ ລົດອາການຫອບໃນຜູ້ທີ່ເປັນໂລກຫອບຫືດ ແລະເປັນຜົນດີຕໍ່ນັກກິລາໃນການເພີ່ມຄວາມທົນທານແລະຄວາມອຶດໃນກິລາທີ່ຕ້ອງໃຊ້ເວລາດົນນານ

ຖ້າຢາກຮູ້ສຶກສົດຊື່ນຍາມເຊົ້າ ກໍ່ລອງຫາເຄື່ອງດື່ມທີ່ແນະນຳມາດື່ມກັນເບິ່ງໄດ້.

 ທີ່ມາ Internet