ລົດເຮົາປີ້ນ

             ນໍ້າກັບຕົ້ນທັງສອງຮຽນຢູ່ຄະນະດຽວກັນແລະທັງສອງກໍ່ເປັນໝູ່ຮຽນຢູ່ຫ້ອງດຽວກັນຫຼາຍປີ ແຕ່ຕ່າງຝ່າຍກໍ່ບໍ່ໄດ້ສະໜິດສະນົມ

ແລະສົນໃຈກັນປານໃດ,ຈົນມາຮອດປີສຸດທ້າຍຈຶງໄດ້ມາລຶ້ງເຄີຍສະໜິດສະໜົມກັນ.ໜຶ່ງອາທິດຕໍ່ມາຫຼັງຈາກມື້ຮັບໃບປະກາດສະນີຍະບັດ

ນໍ້າກັບຕົ້ນກໍ່ໄດ້ມາເຈິກັນໃນງານລ້ຽງຂອງຫ້ອງທີ່ຈັດຂື້ນຢູ່ຮ້ານອາຫານແຫ່ງໜຶ່ງ, ເມື່ອງານລ້ຽງໃກ້ຈະເລີກແລະກໍ່ເດິກແດ່ແລ້ວ ຕົ້ນຈຶ່ງ

ຖາມນໍ້າວ່າ:  

            ຕົ້ນ: ມື້ນີ້ໂຕສິກັບບ້ານຈັ່ງໃດນິ?

            ນໍ້າ:  ບໍ່ຮູ້ຄືກັນ ມື້ນີ້ບໍ່ໄດເອົາລົດມາ,ເຮົາວ່າຈະຈ້າງລົດເມືອ

            ຕົ້ນ:  ມັນສິດີຫວາ,ຕອນນີ້ກະເດິກລະ ໃຫ້ເຮົາໄປສົ່ງໄດ້ບໍ່?

            ນໍ້າ: ກະໄດ້ ຊັ້ນນະ

            ຕົ້ນ: ແຕ່ກັບນຳກັນຫຼາຍຄົນ ດຽວເຮົາໄປສົ່ງໂຕເປັນຄົນສຸດທ້າຍເນາະ

                ນໍ້າ:  ໂອເຄ ບໍ່ມີປັນຫາ

           ຫຼັງຈາກສົ່ງໝູ່ໝົດທຸກຄົນແລ້ວ ກໍ່ຍັງເຫຼືອແຕ່ຕົ້ນກັບນໍ້າພຽງສອງຄົນຢູ່ໃນລົດ ຜ່ານມາຕົ້ນບໍ່ເຄີຍໄປສົ່ງນໍ້າຈັກເທື່ອ ເພາະ

ປົກກະຕິນໍ້າຈະມີຄົນມາຮັບຫຼືບໍ່ກະຂັບລົດມາເອງ ດັ່ງນັ້ນນໍ້າຈຶ່ງເປັນຄົນບອກທາງໃຫ້ຕົ້ນຕະຫຼອດ ພໍຂີ່ລົດມາຮອດທາງແຍກ ນໍ້າຊີ້

ໄປຫາລົດຄັນໜຶ່ງທີຫງາຍທ້ອງຢູ່ຂ້າງທາງແລະເວົ້າວ່າ

           ນໍ້າ: ຢູ່ຫັ້ນເດລົດເຮົານະ ມື້ວານນີ້ເຮົາຂັບລົດປີ້ນ ເບິ່ງແມະຍັງບໍ່ມີໃຜມາສົນໃຈຊໍ້າ

           ຕົ້ນ:ຍັງໄຄ ທີ່ໂຕບໍ່ເປັນຫຍັງ. ຕົ້ນກ່າວດ້ວຍຄວາມແປກໃຈ

              ນໍ້າ: ອືມ.....ດຽວຈອດໃຫ້ເຮົາລົງຢູ່ນີ້ແຫຼະ ທາງທາງໜ້າມັນບໍ່ຄ່ອຍດີປານໃດ

          ຕົ້ນ:  ກະໄດ້

    ຕົ້ນຈອດລົດຢູ່ຂ້າງທາງໃຫ້ນໍ້າລົງ ແລ້ວນໍ້າກໍ່ຄ່ອຍໆຍ່າງຫາຍໄປກັບຄວາມມືດ,ຕົ້ນກຳລັງຈະລ້ຽວລົດກັບ ເລີຍຄິດຂື້ນໄດວ່າລືມຖາມ

ເບີໂທຂອງນໍ້າ ເພື່ອຈະໄດ້ໂທຖາມວ່າກັບຮອດບ້ານແລ້ວຫຼືຍັງ  ແຕ່ຕົນຂັບລົດນຳໄປກໍ່ບໍ່ເຫັນນໍ້າເລີຍ ແລະກໍ່ບໍ່ເຫັນວ່າແຖວນັ້ນມີບ້ານ

ເຮືອນຄົນຢູ່ເລີຍ   ຫຼັງຈານັ້ນຕົ້ນກໍ່ຂັບລົດກັບທາງເກົ່າ ພໍຜ່ານລົດຂອງນໍ້າທີ່ຫງາຍທ້ອງຢູ່ຂ້າງທາງ ຕົ້ນໄດ້ຈອດລົດແລະກະລົງໄປເບິ່ງໃກ້ໆ

ຈຶ່ງໄດ້ຮູ້ວ່ານໍ້າໄດ້ກາຍເປັນສົບທີ່ຄາຢູ່ໃນລົດນັ້ນເອງ