ໃນສະໃໝປັດຈຸບັນ ປະກົດວ່າໄວລຸ້ນເປັນຈໍານວນຫຼວງຫຼາຍຢູ່ທົ່ວຯປະເທດໂດຍສະເພາະນະຄອນຫຼວງວຽງຈັນ ໄດ້ພາກັນຫຼົງໄຫຼຕາມສັງຄົມທີຂ້ອນຂ້າງເຊື່ອມເສຍຈາກພາຍນອກ ມົ່ວເມົານໍາສີ່ງທີບໍ່ເປັນປະໂຫຍດ  ບາງຄັ້ງກໍ່ສ້າງຄວາມເຊື່ມເສຍໃຫ້ອານາຄົດຕົນເອງ ຈົນເດືອດຮ້ອນເຖີງພໍ່ແມ່       ອັນເປັນສາເຫດເຮັດໃຫ້ໄວລຸ້ນທັງຫຼາຍທັງປວງພາກັນທໍ້ຖອຍແລະບໍ່ມີກໍາລັງໃຈໃນການຮໍ່າຮຽນ  ໃນເມື່ອພວກເຂົາເຫຼົ່ານັ້ນບໍ່ມີຄວາມຮູ້ຄວາມສາມາດອັນແທ້ຈິງຕິດຕົວໄປ  ເວລາຈະໄປເຮັດວຽກບ່ອນໃດ ຜູ້ບໍລິຫານກໍ່ຈະບໍ່ເອົາເຂົ້າເຮັດວຽກເດັດຂາດເພາະການດໍາເນີນວຽກງານໃນສະໃໝປັດຈຸບັນແມ່ນມີການແຂ່ງຂັນກັນ ດັ່ງນັ້ນ ຈື່ງ ມີຄວາມຕ້ອງການແຕ່ຄົນມີຄວາມຮູ້ທີແທ້ຈິງ   ແຕ່ຖ້າຄົນສະໄໝໃໝ່(ໄວລຸ້ນ)ບໍ່ມີຄວາມຮູ້ກໍ່ຈະພາກັນບໍ່ມີວຽກເຮັດງານທໍາ(ເຕະຝຸ່ນ)ໄປຕາມຯກັນ ໃນສຸດທ້າຍກໍ່ຕ້ອງໄດ້ມາອາໄສຢູ່ກີນຂໍເງີນນໍາພໍ່ແມ່ເໝືອນເດີມ  ແຕ່ຖ້າພໍ່ແມ່ຕາຍໄປ ກໍ່ຕ້ອງຈໍາເປັນມາເປັນກໍາມະກອນເພື່ອຫາເງີນມາຈ່າຍຄ່ານໍ້າຄ່າໄຟ  ຄ່າຢູ່ຄ່າກີນ ເພື່ອໃຫ້ຢູ່ລອດໄປແຕ່ລະວັນ    ແຕ່ຖ້າມີລູກໃນໄວຮຽນຍີ່ງທຸກໄປກັນໃຫ່ຍ      

       ສະນັ້ນກ່ອນເຮົາຈະທໍາສີ່ງໃດຂໍໃຫ້ຄິດຢ່າງທີຖ້ວນເສຍກ່ອນ     ແລະຢາກຂໍເຊີນຊວນພວກເຮົາໄວລຸ້ນທັງຫຼາຍຈົ່ງພາກັນຕັ້ງໃຈສຶກສາຮຽນຢ່າງເຂັ້ມງວດແລະໃຫ້ເຂົ້າໃຈໃນບົດຮຽນດ້ວຍທຸກວິທີທາງ ພ້ອມກັນນັ້ນກໍ່ຕ້ອງມີຄວາມມານະອົດທົນບໍ່ທໍ້ຖອຍຕໍ່ອຸປະສັກທັງຫຼາຍທັງປວງ  ຕ້ອງເອົາການຮຽນມາກ່ອນສະເໝີ... ຈາກນັ້ນສັງຄົມກໍ່ເຕັມໄປດ້ວຍຄົນທີມີຄວາມຮູ້ຄວາມສາມາດ(ໜ້າຕື່ນເຕັ້ນຫຼາຍ*.*) ນອກຈາກຈະສາມາດຊ່ວຍເຫຼືອຕົວເອງໄດ້ຍັງສາມາດໃຊ້ຄວາມຮູ້ທີມີຢູ່ມາພັດທະນາສັງຄົມລາວໃຫ້ເປັນທີຮູ້ຈັກໃນທົ່ວໂລກ  

                                                                                                                                ຄວາມຮູ້ກໍ່ຄືອາວຸດປ້ອງກັນຕົວຂອງເຮົາໄປຕະຫຼອດການ