ພໍຮອດຊ່ວງບຸນປີໃໝ່ລາວລູກຊາຍທັງ 3 ກໍ່ໄດ້ກັບມາຢ້ຽມຢາມພໍ່ແມ່ຜູ້ບັງເກີດເກົ້າ

ພາຍຫຼັງທີ່ຖາມຫຼາຍເລື່ອງລາວກ່ຽວກັບຄອບຄົວ ແລະ ການດຳເນີນຊີວິດຂອງລູກໆແລ້ວ

ຜູ້ເປັນພໍ່ກໍ່ເລີຍຢາກຮູ້ວ່າພວກລູກໆຂອງຕົນເອງມີໃຜແດ່ທີ່ຢ້ານເມຍ ເລີຍຖາມຂື້ນວ່າ

ພໍ່: ເອີ!!! ພວກລູກນີ້ກະຢ້ານເມຍຢູ່ຫວາ?

ລູກຊາຍກົກ: ໂອ!!!! ເຮົານີ້ຢ້ານແທ້ພໍເອີຍ ເມຍເຮົານີ້ມັນລະຮ້າຍເອົາແທ້ເອົາວ່າ

ພໍ່:​ ອືມ!!! ແລ້ວພວກລູກເດຊັ້ນນະ?

ລູກຊາຍກາງ: ລູກນີ້ບໍ່ຢ້ານແຕ່ກະບໍ່ຖຽງຄວາມດອກ

ລູກຊາຍຫຼ້າ: ໂອຍ!! ພໍ່ເຮົານີ້ບໍ່ໄດ້ວ່າຊິຢ້ານມັນເມຍນະ

ພໍ່: ດີໆໆໆໆໆໆໆໆ ຖືກໃຈພໍ່ຫຼາຍບັກຫຼ້າພໍ່ຊິເອົາຄວາຍເຖິກໃຫ້ເປັນຂອງຂວັນລູກໂຕໜື່ງ

ພາຍຫຼັງທີ່ລູກຊາຍຫຼ້າໄດ້ຄວາຍແລ້ວກໍ່ເອົາກັບບ້ານ  2-3 ມື້ຜ່ານໄປລາວກໍ່ໄດ້ນຳຄວາຍກັບມາ ຜູ້ເປັນພໍ່ແປກໃຈເລີຍຖາມຂື້ນ

ພໍ່: ອ໊າວ!!! ບັກຫຼ້າມືງເປັນຫຍັງຄືເອົາຄວາຍກັບມາ?

ລູກຊາຍຫຼ້າ: ຄືວ່າ ເມຍຂອງເຮົາຮ້າຍໃຫ້ເຮົາ ມັນວ່າມັນຢາກໄດ້ໂຕແມ່ມັນຈັ່ງຊິໄດ້ແຜ່ພັນຊັ້ນນາ ເຮົາກະເລີຍເອົາມາປ່ຽນ

ຜູ້ເປັນພໍ່ໄດ້ຍິນແນວນັ້ນກະເລີຍເອົາຄວາຍຄືນເລີຍທັນທີ

ຈັກຊິເປັນຕາຢາກຫົວຫຼືບໍ່ກະບໍ່ຮູ້ ແນວໃດກະຢ່າຫົວໃຫ້ແດ່ເດີ 55555555555