ມີຊາຍສູງ​ອາຍຸ 4 ຄົນ​ເປັນ​ເພື່ອນ​ສະໜິດກັນ ​ໄດ້​ນັດ​ກັນ​ໄປ​ກິນລ້ຽງສ້າງສັນ ພໍ​ເວລາ​ຜ່ານ​ໄປຈົນ​ເດິກກໍ່​ເລີຍ​ໄດ້​ຊວນ​ກັນ​ໄປ​ນອນ​ຢູ່​ຫ້ອງ​ເຊົ່າ​ຂອງ​ສ່ຽວຜູ້​ທີ່ 4 ​ເຊິ່ງຢູ່​ຫ້ອງ​ພັກ​ຊັ້ນ​ທີ 60

ພໍດີ​ມື້ນນັ້ນ​ລິບ​ຕາຍຊາຍ​ສູງ​ອາຍຸ​ທັງ 4 ຈື່ງ​ຕົກລົງ​ໃຈ​ກັນ​ຍ່າງ​ຂື້ນ​ຂັ້ນ​​ໄດ ​ແຕ່​ເພື່ອ​ບໍ່​ໃຫ້​ເຫງົາ​ພວກ​ເຂົາ​ຈື່ງ​ໄດ້​ຕົກລົງ​ກັນ​ເລົ່າ​ເລື່ອງ​ຕ່າງໆ

ຊາຍ​ຄົນທີ 1: ອາສາ​ເ​ລົ່າ​ເລື່ອງ​ “ຕະຫຼົກ” ຕ່າງ​ຄົນ​ຕ່າງ​ກໍ່ມີ​ຄວາມ​ສະໜຸກສະໜານ ​​ແລະ​ແລ້ວ​ພໍ​ຮອດ​ຊັ້ນ​ທີ 20 ​ເລື່ອງ​ກໍ່ຈົບ​ພໍດີ

ຊາຍ​ຄົນທີ 2: ອາສາ​ເ​ລົ່າ​ເລື່ອງ​ “ປະສົບ​ການ​ຊີວິດ” ຕ່າງ​ຄົນ​ຕ່າງ​ກໍ່ມີ​ຄວາມ​ຕື່ນ​ເຕັ້ນ​ກັບ​ການ​ປະ​ເຊີນ​ກັບ​ອຸປະສັກຂອງໝູ່​ໃນ​ອະ​ດີດ ຈົນຮອດ​ຊັ້ນ​ທີ 40 ​ເລື່ອງ​ກໍ່ຈົບ​ພໍດີ

ຊາຍ​ຄົນທີ 3: ອາສາ​ເ​ລົ່າ​ເລື່ອງ​ “ເສົ້າ” ​ແລ້ວ​ຕ່າງ​ຄົນ​ຕ່າງ​ກໍ່​ເສົ້າ​ຈົນ​ນ້ຳ​າຕາຈະຕົກ ຈົນຮອດ​ຊັ້ນ​ທີ 60 ​ເລື່ອງ​ກໍ່ຈົບ​ພໍດີ. ຊາຍ​ທັງ 3 ຄົນ​ຕ່າງ​ກໍ່​ຫຼຽວ​ໄປ​ທາງ​ຄົນທີ 4 (ຊຶ່ງ​ກຳລັງ​ຢືນ​ຢູ່ໜ້າຫ້ອງ​ແລ້ວ)

ຊາຍ​ຄົນທີ 4: ບອກ​ວ່າ​ຕົນ​ເອງ​ຈະ​ເ​ລົ່າ​ເລື່ອງ​ “​ເສົ້າ” ອີກ​ເລື່ອງໜື່ງ​ໃຫ້​ຟັງ​ ​ເລື່ອງ​ມີ​ຢູ່​ວ່າ “​ເຂົາ​ລືມ​ຈັບ​ກະ​ແຈ​ຫ້ອງ​ຂື້ນມາ​ນຳ”

     ຫາກ​ມື້​ນີ້​ຫາກ​ບໍ່​ແມ່ນ​ການ​ຂື້ນ​ຂັ້ນ​ໄດ​ຕຶກ 60 ຊັ້ນ ​ແລ້ວ​ລືມ​ກະ​ແຈ​ຫ້ອງ ​ແຕ່​ຫາກ​ເປັນ​ການ​ລືມ​ເວລາ 60 ​ເດືອນ ຫຼື 60 ​ປີ​ລະ ​ແລ້ວ​ລືມ​ອິຫຍັງບາງ​ຢ່າງ

     ​ເວລາ​ເດີນທາງ​ຜ່ານ​ໄປ​ເປັນ​ປີໆ ບາງ​ຄົນ​ອາດ​ຈະ​ເດີນທາງ​ໄປ​ຮອດ 60 ປີ​ແລ້ວ​ຈື່ງ​ຄິດ​ອອກ​ວ່າ​ລືມ​ເຮັດ​ຫຍັງ​ບາງ​ຢ່າງ ​ເຖີງ​ເວລາ​ນັ້ນ​ຈະ​ຢ້ອນ​ກັບ​ມາບໍ່​ໄດ້​ອີກ​ແລ້ວ ພຽງ​ແຕ່​ລົງ​ຂັ້ນ​ໄດ​ໄປ​ເອົາ​ກະ​ແຈ​ພຽງ 60 ຊັ້ນ​ກະ​ຍັງ​ຖື​ວ່າ​ເປັນ​ເລື່ອງ​ເສົ້!ຫຼາຍ​ແລ້ວ ​ແຕ່​ລອງ​ຄິດ​ເບິ່ງ​ວ່າ​ຖ້າ​ເປັນ​ເວລາ 60 ປີ ທີ່​ບໍ່ສາມາດ​ກັບ​ຄືນ​ມາ​ໄດ້ ​ແລ້ວ​ມັນ​ຈະ​ເສົ້າ​ເທົ່າ​ໃດ?

     ຈາກ​: ໜັງສື​ຖອດ​ລະຫັດ​ຄວາມ​ຄິດ ​ເພື່ອ​ຊີວິດ​ທີ່​ມີ​ຄຸນຄ່າ. ​ໂດຍ: ຮສ.ດຣ. ​ໄຊ​ນະຣົງ ວົງສິນຊັບ

     ຂໍ​ໂທດ​ເດີ​ຖ້າ​ຫາກ​ມັນ​ຊ້ຳກັບຄົນອື່ນເພາະບໍ່ຮູ້ມາກ່ອນ