ຮັບປະທານໂຢເກີດຕໍ່ເນືອ່ງ ຮັບປະທານໂຢເກີດລົດທີ່ມັກປະມານວັນລະ 2 ຈອກເປັນໄລຍະເວລາ 6 ອາທິດຕິດຕໍ່ກັນຮັບຮອງວ່າຈະຊ່ວຍເຮັດໃຫ້ ລົມຫາຍໃຈຂອງທ່ານບໍ່ເຫັມນແນ່ນອນ ນອກຈາກນີ້ ຍັງຊ່ວຍຫລຸດ ຄວາມສ່ຽງຕໍ່ການເກີດເປັນພະຍາດເຫືອກໄດ້ດີນຳອີກ.

ໃບກະເດົາ:ໃບກະເດົາມີຄຸນປະໂຫຍດສຳຄັນທີ່ສາມາດຕ້ານເຊື້ອພະຍາດແລະເຊື້ອລາໃນປາກໄດ້ເຖິງແມ່ນວ່າລົດຊາດໃບກະເດົາຈະຂົມຫລາຍແຕ່ມັນ

ຊ່ວຍກຳຈັດກິ່ນເຫັມນໃນປາກໄດ້ໃຫ້ຫມົດໄປພຽງມ່ານຫຍ້ຳໃບກະເດົາສົດແລ້ວກືນລົງທ້ອງພຽງເທົ່ານີ້ລົມຫາຍໃຈກໍ່ບໍ່ມີກິນແລ້ວ

ດື່ມນ້ຳຫລາຍໆ ເຊື້ອພະຍາດໃນປາກຈະເລີນເຕີບໂຕໄວຂຶ້ນຖ້າປາກທ່ານແຫ້ງ ດັ່ງນັ້ນຄວນຈະດື່ມນ້ຳໃຫ້ ຫລາຍໆຢ່າງຫນ້ອຍ 8 ຈອກຕໍ່ວັນ ເພືອ່ປ້ອງກັນບໍ່ໃຫ້ລົມຫາຍໃຈມີກິ່ນຫລາຍຈົນເກີນໄປຈະເຮັດໃຫ້ທ່ານຫົມດຄວາມຫມັ້ນໃຈ ທີ່ຈະອ້າປາກສົນທະນາກັບຫມູ່.

ແຕ່ທີ່ສຳຄັນຄືທ່ານຕ້ອງຫມັ່ນທຳຄວາມສະອາດໃນປາກເປັນປະຈຳນັ້ນກໍ່ຄືການຖູແຂ້ວຫັລງຮັບປະທານທຸກເທືອ່ແຕ່ສຳລັບໃຜທີ່ອອກໄປນອກ ຫລືໄປເຮັດວຽກບໍ່ມີເວລາຖູແຂ້ວຕອນສວຍກໍ່ນຳວິທີທີ່ບອກມານັ້ນໄປປະຕິບັດໄດ້

ທີ່ມາ ໜັງສືພິມ ຊາວຫນຸ່ມ

ສະບາຍດີ

ຫອມລາບ: ບ້ານຂ້ອຍເອີ້ນ ຜັກເສີມ

ເປັນພຶດທຳມະຊາດ ຊະນິດໜຶ່ງທີ່ຫາຊື້ໄດ້ຕາມທ້ອງຕະຫລາດ ແຖມຍັງເປັນໜຶ່ງໃນວິທີ ກຳຈັດກິ່ນປາກໄດ້ດີນຳອີກ ພຽງທ່ານຢ້ຳຫອມລາບແບບສົດໆ ບໍ່ດົນຈະຮູ້ສຶກເຖິງຄວາມສົດຊື່ນພາຍໃນປາກແລະຍັງຊ່ວຍເຮັດໃຫ້ລົມຫາຍໃຈຫອມຂຶ້ນເພາະວ່າໃນຫອມລາບ

ມີສານຄໍໂຣຟີລຈະຊ່ວຍດູດກິ່ນທີ່ບໍເພີ່ງປະສົງໃຫ້ໝົດໄປເຫລືອພຽງແຕ່ກິ່ນລົມຫາຍໃຈທີ່ຫອມສົດຊື່ນ

ຕໍມາແມ່ນ  ການຮັບປະທານ ແອັບເປິ້ນ : ທ່ານຮູ້ຫລືບໍ່ວ່າແອັບເປີ້ນ ປຽບເໝືອນແປງຖູແຂ້ວຈາກທຳມະຊາດອັນໜຶ່ງເພາະວ່າແອັບສາມາດກຳຈັດເຊື້ອພະຍາດ ເຊີ່ງເປັນສາເຫດ ຂອງການເກີດ ກິ່ນເຫມັນໃນປາກ ໄດ້ດີ

ຖ້າໃຜທີ່ຮັບປະທານອາຫານຢ່າລືມຮັບປະທານແອັບເປິ້ນ ກໍ່ຈະຊ່ວຍດັບກິ່ນປາກໄດ້ຫລາຍສົມຄວນ

ທີມາ ໜັງສືພິມຊາວໝຸ່ມ

1ວິທີຕົ້ມໄຂ່ໃຫ້ກິນແຊບແລະໄດ້ຄຸນຄ່າ

ເວລາຕົ້ມຄວນເອົາໄຂ່ໃສ່ພ້ອມກັບນ້ຳແລ້ວເອົາໄປຕົ້ມແລະບໍ່ຄວນຈະຕົ້ມນ້ຳຈົນຟົດແລ້ວຈຶ່ງເອົາໄຂ່ໃສ່ ເດັດຂາດ ເມືອ່ຕົ້ມສຸກແລ້ວຄວນເອົາໄຂ່ໄປແຊ່ນນ້ຳເຢັນທັນທີຈະເຮັດໃຫ້ໄຂ່ຕົ້ມອອ່ນແຊບພ້ອມທັງຍ່ອຍງ່າຍອີກດ້ວຍ

2ວິທີ ຕົ້ມໄຂ່ໃຫ້ໄຂ່ແດງຢູ່ທາງກາງ:

ຖ້າຢາກຕົ້ມໄຂ່ແລ້ວໃຫ້ໄຂ່ແດງຢູ່ທາງກາງ ເວລາຕົ້ມໃຫ້ຫມັ່ນຄົນເພືອ່ໃຫ້ໄຂ່ແດງມີການປີ້ນເບື້ອງ ຢູ່ສະເຫມີ ເມືອ່ຕົ້ມສຸກແລ້ວຜ່າອອກມາ ຈະເຫັນວ່າ ໄຂ່ແດງຢູ່ທາງກາງຂອງໄຂ່ຂາວຢ່າງສະເຫມີກັນ

3 ວິທີຕົ້ມໄຂ່ໃຫ້ປອກເປືອກງ່າຍ:

ເວລາຕົ້ມໄຂ່ຖ້າຢາກໃຫ້ ປອກເປືອກງ່າຍ ໃນເວລາຕົ້ມໃຫ້ໃສ່ເກືອ 1 ບ່ວງແກງ ຕໍ່ນ້ຳ 1 ລິດ ເວລາຕົ້ມໄຂ່ສຸກແລ້ວຈະເຮັດໃຫ້ປອກເປືອກງ່າຍ.

4 ວິທີຈືນໄຂ່ບໍ່ໃຫ້ ດ້ານ:

ສ່ວນຫລາຍແມ່ນເກີດຈາກ ການເອົາໄຂ່ອອກ ມາຈາກຕູ້ເຢັນ ແລ້ວນຳມາຈືນທັນທີ ຈຶ່ງເປັນເຫດເຮັດໃຫ້ໄຂ່ດ້ານ ວິທີແກ້ ງ່າຍໆ ໃຫ້ເອົາໄຂ່ອອກມາປະໄວ້ ໃຫ້ເຊົາເຢັນກ່ອນ

ແລ້ວຈຶ່ງເອົາໄປຕີ ແລ້ວຈືນໃນຫມໍ້ ຮ້ອນໆໆ

5 ວິທີ ຕົມ້ໄຂທີມີຮອ່ຍລ້າວບໍ່ໃຫ້ ແຕກ

ໄຂ່ແມ່ນສານອາຫານທີ່ອຸດົມສົມບູນໄປດ້ວຍຄຸນຄ່າທາງໂພຊະນາການ ເວົ້າໄດ້ວ່າກິນໄຂ່ຫນວ່ຍດຽວໄດ້ ສານອາຫານຄົບທັງ5 ຫມວດ ທຸກເຮຶອນຈິ່ງຕ້ອງມີໄຂ່ ໄວ້ ແລະໄຂ່ກໍ່ມີ ວິທີປຸງທີ່

ງ່າຍທີ່ສຸດແລະຍັງເປັນໄດ້ທັງອາຫານຄາວແລະອາຫານຫວານ ບໍ່ວ່າໄຂ່ໄກ່ຫລືໄຂ່ເປັດ ແຕ່ຖ້າບໍລະມັດລະວັງ ໄຂ່ອາດຈະກະທົບກະແທກ ເຮັດໃຫ້ມີຮອຍລ້າວ ເມືອ່ເອົາໄປຕົ້ມໄຂ່ ກໍ່ຈະແຕກ

ອອກຈາກ ເປືອກ ດັ່ງນັ້ນ ກ່ອນທີ່ ຈະນຳເອົາໄຂ່ທີ່ມີ ຮອຍລ້າວໄປຕົ້ມ ໃຫ້ໃສ່ເກືອ່ 1 ບວ່ງແກງ ຄວາມເຄັມຂອງເກືອ ຈະຊ່ວຍອັດຮອຍລ້າວຂອງເປືອກບໍ່ໃຫ້ໄຂ່ໄຫລອອກມາ ແລະຖ້າຢາກຕົ້ມໄຂ່ໃຫ້ແດງງາມ ເປັນຕາແຊບຂຶ້ນ ແມ່ນໃຫ້ໃຊ້ເວລາ8 ນາທີ ໃນການຕົ້ມ

ນອກຈາກນີ້ ແລ້ວໄຂ່ຍັງເພີ່ມ ຮໍໂມນຂອງເພດຊາຍ

ໄຂ່ນີ້ແລະເປັນຂອງດີ ໃນການເພີ່ມ ຮໍໂມນ ບໍ່ຕ້ອງກັງວົນເລື່ອງໂລກຫົວໃຈເພາະວ່າມີການສຶກສາໃນປະເທດ ສ ອາເມລິກາ ແລ້ວພົບວ່າຜູ້ຊາຍທີ່ກິນໄຂ່ວັນລະ 3 ຟອງ ກໍບໍ່ມີຜົນຕໍ

ລະດັບ ຄລໍເຣດສະເຕີຣອນເລີ

ທີ່ມາ ຫນັງສື ພິມແຮງງານ

​ແກ້​ອາການ​ຄັນ

          ສີ່​ງ​ເລັກໆ​ນ້ອຍໆ​ແຕ່​ສຳຄັນ​ຄວນ​ຮູ້​ໄວ້​ແລະ​ເປັນ​ສະ​ໜຸນ​ໄພ​ທີ່​ຊອກ​ໄດ້​ໃນ​ຮົ້ວ​ສວນ​ຂອງ​ເຮົາ

ຄົນ​ເຮົາ​ແມ່ນ​ໃຜ​ກໍ່​ມີ​ອາການ​ຄັນ​ເກີດ​ຂື້ນ​ໄດ້​ຄົນ​ບູຮານ​ບອກ​ໄວ້​ວ່າ ​ໃຫ້​ນຳ​ເອົາ​ເປືອກ​ໜາ​ກສົ້ມ​ໂອ ມາ​ຕາກ​ໃຫ້​ແຫ້ງ ​ແລ້ວ​ຕົ້ມ​ຈົນ​ຟົດ​ແລະ​ປະ​ໃຫ້​ອຸນພໍດີ ​ແລ້ວ​ນຳ​ມາ​ອາບ ອາການ​ຄັນ​ກໍ່​ຈະ​ເຊົາ.

          ຖ້າ​ຫາກ​ຄັນ​ຕາມ​ມື​ຕາມ​ຕົນ​ໂຕ​ຍ້ອນ​ຖຶກໜາ​ຫຕຳ​ແຍ ​ໃຫ້​ເອົາ​ຜັກ​ຕຳນິນ​ມາ​ຍ່ອງ​ໃຫ້ ​ແຫຼກ​ປົນ​ນ້ຳ​ແລ້ວ ທາ​າບໍ່​ລິິ​ເວນທີ່​ຄັນ​ກໍ່​ຈະ​ະເຊົາ​ໄດ້.

ເກັບມາຈາກໜັງສືພິມ

  ບໍ່ຢາກເຖົ້າຕາມອາຍຸ ຕ້ອງຫັນມາດື່ມຊາຂາວ

ໜັງສືພິມ ເສດຖະກິດ-ສັງຄົມ

ອີກກະແສໜື່ງທີ່ເປັນທີ່ນິຍົມ ໃນປະຈຸບັນເພາະດຽວນີ້ຄົນເຮົາເລັງເຫັນປະໂຫຍດຈາກອາຫານການກິນ ຫລາຍຂື້ນເພາະສະນັ້ນການບໍລິໂພກພຽງເພື່ອຕອບສະໜອງຄວາມແຊບຄວາມອີ່ມແລ້ວອີກປັດໄຈທີ່ສຳຄັນ ຂອງອາຫານຄືຄຸນປະໂຫຍດ ຕໍ່ສຸຂະພາບຮ່າກາຍນັ້ນເອງ. ໂດຍສະເພາະຢ່າງຍິ່ງການຕໍ່ຕ້ານແລະຫລຸດ ຮ່ອຍແຫ່ວຍານແຫ່ງໄວເປັນອີກ ໜຶ່ງສີ່ງ ເປັນທີ່ຕ້ອງການຫລາຍໃນອາຫານເຫລົ່ານີ້ໂດຍສະເພາະສານ ຕ້ານອະນຸມູນອິດສະຫລະ ທີ່ຊ່ວຍປົກປ້ອງຜີວຈາກການທຳລາຍຂອງປັດໃຈພາຍນອກ ແລະພາຍໃນໄດ້ ເປັນຢ່າງດີ.ຊາຂາວເປັນອີກ ໜຶ່ງ ຄຸນຄ່າທີ່ບໍ່ຄວນເບີ່ງຂ້າມ ມັນມີສານຕ້ານອະນຸມູນອິດສະຫລະໃນປະລິ ມານສູງກວ່າຊາຂຽວເຖິງ 3 ເທົ່າ ແຖມຍັງມີລົດຊາດນຸ່ມ ເມື່ອສຳພັດລີ້ນ ຫລາຍກ່ວາເນື່ອງຈາກວ່າຊາ ຂາວຈະເອົາສະເພາະຍອດຈູມເທົ່ານັ້ນມາເຮັດ ແຕກຕ່າງຈາກຊາທົ່ວໄປ ເພາະມັນບໍ່ບານອອກຮັບແສງ ແດດຈີ່ງມີການສະສົມຂອງສານອາຫານ ທີ່ມີປະໂຫຍດເອົາໄວ້ຫລາຍທີ່ສຸດ, ນອກຈາກສານຕ້ານອະນຸມູນ ອິດສະຫລະແລ້ວ ຍັງມີສານອີກຫລາຍຊະນິດທີ່ຊ່ວຍປົກປ້ອງສະພາບຜີວຈາກປັດໄຈແວດລ້ອມພາຍນອກ ຕ່າງໆທີ່ຄອຍທຳລາຍ ຜີວຕະຫລອດເວລາ ໂດຍສານຈຳພວກນີ້ຈະມີຢູ່ໃນຊາຂາວ ຫລາຍເປັນພິເສດດ້ານ ລົດຊາດແລ້ວນອກຈາກຄວາມນຸ່ມແລ້ວຍັງມີກີ່ນຫອມຫລາຍເມື່ອດື່ມແລ້ວຈະຮູ້ສຶກສົດຊື່ນ ຫ້າວຫັນທັນທີ ດ້ວຍຄຸນສົມບັດທີ່ກ່າວມານັ້ນຈິ່ງເຮັດໃຫ້ຊາຂາວກາຍເປັນເຄື່ອງດື່ມທີ່ຫາຍາກລາຄາແພງ ແລະເປັນທີ່ນິຍົມ ໃນກຸ່ມຄົນຊົນຊັ້ນສູງເທົ່ານັ້ນຈົນໄດ້ຮັບຍໍຍ້ອງໃຫ້ເປັນຊາທີ່ດີທີ່ສຸດ ໃນບັນດາຊາທັງໝົດ(ໃນສະໄໝກ່ອນ) ປະຈຸບັນເຮົາສາມາດເລືອກຄຸນປະໂຫຍດທີ່ກ່າວມານັ້ນໄດ້ຢ່າງງ່າຍດາຍໂດຍສະເພາະຊາຂາວໃນຮູບແບບ ເຄື່ອງດື່ມໄດ້ສະດວກແລະດື່ມໄດ້ຕາມທີ່ໃຈຕ້ອງການ ເພາະດຽວນີ້ມີເຄື່ອງດື່ມຫລາຍປະເພດທີ່ເຮັດຈາກ ຊາຂາວອອກມາວາງຈຳຫນ່າຍໃຫ້ໄດ້ເລືອກດື່ມກັນຢ່າງຫລາກຫລາຍແບບ.

  ຄຸນປະໂຫຍດຂອງເຫັດແລະຜັກກາດນາ.

ຮຽບຮຽງໂດຍ: ຕາດຳ                                                                                ໜັງ ພິມເສດຖະກິດ-ສັງຄົມ

ສຳລັບໃຜທີ່ມັກເຂ່ຍຜັກໄປໄວ້ຂ້າງຈານ ຫລືບໍ່ຮັບປະທານຜັກເລີຍ ແຕ່ມື້ນີ້ເປັນຕົ້ນໄປ ທ່ານອາດສົນໃຈ ແລະຢາກລອງຮັບປະທານອາຫານທີ່ມີຜັກເປັນສ່ວນປະກອບ ກໍ່ເປັນໄດ້ ຫລັງຈາກທີ່ທ່ານໄດ້ຮູ້ເຖິງຄຸນປະ ໂຫຍດຂອງດເຫັດແລະຜັກທີ່ນຳມາສະເໜີໃນມື້ນີ້.
ເລີ່ມຈາກຜັກຊະນິດທຳອິດ ທີ່ຈະນຳສະເໜີຄື ເຫັດ ເຊີ່ງມີຄຸນສົມບັດຊ່ວຍໃນການປ້ອງກັນບໍ່ໃຫ້ກະດູກ ຜ່ອຍ ໂດຍມີນັກວິໄຈສຶກສາ ພົບວ່າການຮັບປະທານ ອາຫານເຊັ່ນ: ເຫັດ,ປາ,ປູແລະຫອຍ ນາງລົມ ເປັນປະຈຳຈະ ຊ່ວຍເພີ່ມຄວາມຫນາແຫນ້ນຂອງກະດູກ ແລະເຮັດໃຫ້ກະດູກແຂງແຮງ, ສ່ວນຜັກຊະນິດ ທີ່ຈະສະເຫນີ ຕໍ່ໄປໄດ້ແກ່ ຜັກກາດນາ ເຊີ່ງເປັນຜັກທີ່ມີຫລາຍສາມາດຫາຊື້ໄດ້ງ່າຍໃນຕະຫລາດ ຫລື ຮ້ານຂາຍຜັກທົ່ວໄປ ແຕ່ຫລາຍໆຄົນບໍ່ມັກຮັບປະທານເພາະວ່າ ມີລົດຊາດຂົມຫນ້ອຍໜຶ່ງ ແຕ່ຖ້າຮູ້ ຈັກວິ ທີການປຸງແຕ່ງ ກໍ່ເຮັດໃຫ້ຄວາມຂົມຫາຍໄປມີແຕ່ຄວາມແຊບເຂົ້າມາແທນຄົນສ່ວນຫລາຍນິຍົມ ນຳໄປປະ ກອບເປັນອາຫານໄດ້ຫລາຍ ຊະນິດໂດຍສະເພາະຂົ້ວຜັກກາດນາໃສ່ໝູກອບ ຫຼືຊີ້ນໝູ ,ເຂົ້າຜັດ,ຂົ້ວເຝີ ແລະ ອື່ນໆກໍ່ເຮັດໃຫ້ອາຫານຈານນັ້ນມີລົດຊາດແຊບ. ນອກຈາກຈະມີລົດຊາດຖຶກປາກແລ້ວຜັກກາດນາ ຍັງອຸດົມໄປດ້ວຍວິຕາມິນ ຊີ ,ວິຕາມິນ ອີ ,ໂຟເລດ, ແລະ ລູທີນ ເຊີ່ງເປັນສານສຳຄັນ ງານວິໄຈໃຫມ່ໄດ້ ສຶກສາພົບວ່າການຮັບປະທານຜັກທີ່ມີລູທີນສູງຈຳພວກຜັກກາດນາ ຈະຊ່ວຍຫລຸດຄວາມສ່ຽງຂອງການເກີດ ພະຍາດແກ້ວຕາເຊື່ອມໄດ້ເຖິງ 20% ເມື່ອທຽບກັບຄົນທີ່ບໍ່ຮັບປະທານ ຫລືຮັບປະທານໃນປະລິມານໜ້ອຍ ເມື່ອທ່ານຮູ້ເຖິງຄຸນປະໂຫຍດຂອງເຫັດ ແລະຜັກກາດນາແລ້ວ ເມື່ອຮັບປະທານຄາບຕໍ່ໄປຢ່າເຂ່ຍຜັກອອກ ໄວ້ຂ້າງຈານອີກເດີ ເພາະວ່າສີ່ງນັ້ນມີຄຸນປະໂຫຍດຕໍ່ຮ່າງກາຍຂອງເຮົາຄວນຈະຝຶກຮັບປະທານ ຜັກໄປ ເທື່ອລະໜ້ອຍເພາະຮ່າງກາຍຕ້ອງການວິຕາມິນຈາກຜັກຫລາຍຊະນິດ ເພື່ອໄປບຳລຸງແລະປົກປ້ອງບໍ່ໃຫ້ ເກີດພະຍາດບາງຊະນິດໃນຮ່າງກາຍ. ຖ້າເປັນໄປໄດ້ລອງນຳເອົາສອງຊະນິດທີ່ກ່າວມານີ້ີນຳປະສົມໃສ່ກັນ ເຮັດເປັນອາຫານຊະນິດດຽວກັນ ເມື່ອຮັບປະທານ ແລ້ວຮ່າງກາຍຍີ່ງຈະໄດ້ຮັບປະໂຫຍດຫລາຍ.

 ວິທີຫູງເຂົ້າ ທີ່ສາມາດເກັບໄວ້ໄດ້ ດົນໆໆໆໆໆ
(( ຫນັງສືພີມ ເສດຖະກິດ- ສັງຄົມ))
ວິທີການຫູງເຂົ້າໃຫ້ງາມແລະສາມາດ ເກັບຮັກສາໄວ້ໄດ້ດົນໆ ໂດຍບໍ່ບູດເນົ່າມາບອກກັນ ຄື:ໃນເວລາຫູງເຂົ້າໃຫ້ໃສ່ນ້ຳສົ້ມສາຍ ຊູລົງໄປຫນ້ອຍຫນື່ງປະມານ ຫນື່ງບວ່ງຊາລົງໄປໃນຫມໍ້ເຂົ້າເພາະເຂົ້າທີ່ຫູງໂດຍໃສ່ນ້ຳສົ້ມສາຍຊູ ລົງໄປນັ້ນ ສາມາດເກັບຮັກ ສາໄວ້ໄດ້ຫລາຍມື້ໂດຍທີ່ເຂົ້າບໍ່ມີກີ່ນແລະເຫມັນບູດ. ສະດວກເວລາເດີນທາງໄປຕ່າງແຂວງ ທ່ານສາມາດຫູງເຂົ້າເພືອນຳໄປຮັບ ປະທານລະຫວ່າງການເດີນທາງ ໄດ້ ພຽງແຕ່ຫູງເຂົ້າຕາມວິທີ ທີ່ບອກນັ້ນ ຫລັງຈາກເຂົ້າສຸກ (ປະໃຫ້ເຢັນກ່ອນ)ໃຫ້ຕັກໃສ່ຖົງຢາງ ແຕ່ຢ່ງຟ້າວຮັດຢາງເທື່ອລໍຖ້າໃຫ້ອາຍນ້ຳລະເຫີຍອອກມາກ່ອນຈີ່ງມັດ ເພາະວ່າຖ້າຮັດ ຢາງຕອນທີ່ເຂົ້າຮ້ອນອາດຈະເຮັ້ດໃຫ້ເຂົ້າເກີດເຊື້ອລາ ຫລືຕົກໂມະໄດ້ໄວ.

 ຫມາກເຜັດຜົງ
ໃນຫມາກເຜັດຜົງທີ່ເຮົາໃຊ້ປຸງອາຫານຈະມີຣົດຊາດແລະກິ່ນທີ່ເຜັດຮ້ອນຫລາຍນັ້ນເປັນເພາະວ່າໃນຫມາກເຜັດມີ ສານ ແຄບໄຊຊິນ ເມື່ອຮັບປະທານເຂົ້າໄປໃນຮ່າງກາຍສານດັ່ງກ່າວຈະເຮັດໃຫ້ເຮົາຮູ້ສຶກຕື່ນຕົວຢູ່ຕະຫລອດເວລາ,ຊວ່ຍບັນເທົາ ອາການປວດເມື່ອຍຕາມບໍລິເວນກ້າມຊີ້ນແລະຫັລງໄດ້ເປັນຢ່າງດີ, ສຳລັບສາວໆທີ່ເລີ່ມກັງວົນກັບນ້ຳໜັກຕົວທີ່ເພີ່ມຂື້ນທຸກມື້
ຂໍເນາະນຳວ່າ ໃຫ້ທ່ານລອງປຸງແຕ່ງອາຫານ ໂດຍການໃສ່ຫມາກເຜັດຜົງລົງໄປນຳເພາະຫມາກເຜັດຜົງຈະຊ່ວຍເຜົາຜານ ຄາໂບໄຮເດດ ແລະຊ່ວຍຄວບຄຸມລະດັບນ້ຳຕານໃນເລືອດໃຫ້ເປັນປົກກະຕິ.ນອກຈາກນີ້ຍັງມີສັບພະຄຸນຄ້າຍຄືກັບສານດີທ໋ອກຊ໌ ທີ່ຄອຍກວດຈັບຢຸດຢັ້ງນ້ຳເມືອກທີ່ເກາະຕົວຢູ່ຕາມບໍລິເວນອະໄວຍະວະຕ່າງໆພາຍໃນຮ່າງກາຍ ຂອງເຮົາແລະຍັງຊວ່ຍກຳຈັດ ຈຸລັງມະເຮັງໄດ້ອີກດ້ວຍ ((ຫນັງສືພິມ ເສດຖະກິດ- ສັງຄົມ))

 ອອກກຳລັງກາຍເວລາມີປະຈຳເດືອນ ດີ ຫລື ບໍ?
Mahason issue 101
ຜູ້ຍິງຄົງຈະເຄີຍໄດ້ຍິນວ່າ ຫ້າມອອກກຳລັງກາຍເວລາມີປະຈຳເດືອນ ແຕ່ຮູ້ຫລືບໍ່ວ່າຄວາມເຊື່ອເຊັ່ນນັ້ນເປັນຄວາມເຊື່ອທີ່ຜິດ ໃນລະ ຫວ່າງທີ່ເຮົາມີປະຈຳເດືອນນັ້ນເຮົາອາດມີການປວອທ້ອງ ອ່ອນເພຍຫງຸດຫງິດງ່າຍ ການອອກກຳລັງກາຍເປັນປະຈຳນັ້ນຮ່າງກາຍຈະ ຫລັ່ງສານ ເອນດໍຟີນ ອອກມາສານນີ້ຈະເຮັດໃຫ້ເຮົາເກີດຄວາມສຸກ ຊວ່ຍຜ່ອນຄາຍຄວາມຄຽດ ແລະຊວ່ຍບັນເທົາອາການເຈັບປວດ ຈະຊ່ວຍບັນເທົາອາການປວດປະຈຳເດືອນ ເຮັດໃຫ້ການໄຫລວຽນຂອງເລືອດດີຂື້ນ
ແຕ່ໃນການອອກກຳລັງກາຍນັ້ນເຮົາຈະຕ້ອງເລືອກການອອກກຳລັງກາຍທີ່ຖິກຕ້ອງແລະເຫມາະສົມ ເຊີ່ງການອອກກຳລັງກາຍ ງ່າຍໃນເວລາມີປະຈຳເດືອນ
໑ ຫລິ້ນກິລາປະເພດເບົາໆພໍໃຫ້ເຫື່ອອອກເລັກຫນ້ອຍ ຫລືຝຶກໂຍຄະກໍ່ໄດ້
໒ ການອອກກຳລັງກາຍຫນັກອາດເປັນຜົນໃຫ້ ເສັ້ນເລືອດຝອຍບໍລິເວນມົດລູກແຕກ ເຮັດໃຫ້ປະຈຳເດືອນມາຫລາຍເກີນໄປ
໓ ຫລີກລ່ຽງການລອຍນ້ຳ ຫລືການອາບນ້ຳເຢັນຈັດຈົນເກີນໄປ ການແຊ່ອ່າງອາບນ້ຳເຢັນໆ ເພາະໄລຍະນີ້ມົດລູກຈະຕິດເຊື້ອ ງ່າຍ ແລະໄວຕໍ່ອຸນຫະພູມ ເມື່ອຖຶກຄວາມເຢັນອາດເຮັດໃຫ້ເສັ້ນເລືອດບໍລິເວນໜ້າທ້ອງຫົດຕົວ ມີຜົນເຮັດໃຫ້ປະຈຳເດືອນມີ ໜ້ອຍຫລື ຫມົດໄວ
Publicpost by Sumo )))

 ເຄັດບໍ່ລັບ (ແກ້ປວດແຂ້ວ ສຸກເສີນ)

ໂດຍ: ແມ່ລູກອ່ອນ (ສົງໄສເປັນຊື່ເຈົ້າຂອງສູດ ຢາ)
ປວດແຂ້ວຂື້ນມາຫາຢາບໍ່ໄດ້ ໃຫ້ເອົາຜັກຫອມທີ່ໃສ່ລາບ ມາຕຳໃຫ້ລະອຽດ ປະສົມກົບເຫລົ້າຂາວ ປຸກໆໆໆ ແລ້ວອົມໄວ້ ກໍ່ຈະເຊົາປວດ,

ແຕ່ຖ້າເປັນແຂ້ວແມງນກໍ່ບໍ່ຮູ້ຄືກັນວ່າຈະເຊົາຫລືບໍ ເພາະ ຫັນງສືບໍ່ໄດ້ລະບຸ ອິອິ

publish post by Sumo

ສວ່ນ ປະສົມ

1 ຜັກໜອກ 1 g ຂີດ

2 ໄຂ່ໄກ່ 1  ຟອງ

ວິທີປະສົມ

ນຳຜັກໜອກມາລ້າງໃຫ້ສະອາດ ຂາກນັ້ນປັ່ນ ພ້ອມກັບໄຂ່ໄກ່ ປັ່ນຈົນລະອຽດເປັນເນື້ອດຽວກັນ ໃຫ້ມີລັກສະນະເປັນຄີມ ຂຸ້ນໆແຕ່ຖ້າເຫັນວ່າມັນຂຸ້ນເກີນໄປ ກໍ່ສາມາດຕືມນົມລົງໄປໄດ້ ອີກທັງເພືອ່ເພີມ່ຄວາມນຸ້ມໃຫ້ແກ່ຜີວພັນ ແຕ່ຢ່າໃສ່ຫຼາຍຈົນເກີນໄປ ສູດນີ້ໃຊ້ພອກໜ້າ

ກ່ອນເຂົ້ານອນ ໂດຍພອກປະໄວ້ປະມານ 30 ນາທີ ແລ້ວລ້າງອອກ ດວ້ຍນ້ຳ ສະອາດ

ເຮັດ 3-4 ຄັ້ງ ຕໍ່ອາທິດ ປະຈຳ ກໍ່ຈະຮູ້ສືກວ່າຜີວໜ້າດີຂື້ນ

ສະບາຍດີເພື່ອນໆ ຊາວພົນລາວ ຫ່າງຫາຍໄປແຕ່ດົນ ຄຶດຮອດກັນຢູ່ບໍ

ມື້ນີ້ມີ ສະລະເລັກໆໆໜ້ອຍມາຝາກ ສຳລັບຜູ້ທີ່ສູຢາ ຫຼືຜູ້ທີ່ຄິດຢາກຈະສູບ

ຜູ້ທີ່ສູບຢາ ຈະໄດ້ຮັບສານ ນິໂຄຕຶນ ເຮັດໃຫ້ເກີດຜົນເສຍແກ່ຫ່າງກາຍ ເລີມຈາກໂລກມະເຮັງ ແລະ ເກີດຜົນຂ້າງຄຽງອື່ນໆທີ່ອາດຈະບໍ່ຮູ້ຕົວໄດ້ ເຊັ່ນ ເຈັບຫົວດຸ ເບື່ອອາຫານ ແຕ່ຜົນເສຍທີ່ເກີດກັບຜີວໜັງຄື ການ ສູບຢາເປັນປະຈຳ ຈະເຮັດໃຫ້ການໄຫຼວຽນຂອງເລືອດຜິດປົກກະຕິອາດຈະມີອາການ ຫຼອດເລືອດຕືຕັນໄດ້ ຈື່ງຂາດ ອາກາດ ບໍລິສຸດ ທີ່ພຽງພໍຕໍຮ່າງກາຍ ຊື່ງມີຜົນເຮັດໃຫ້ຜີວພັນຊູບຊີດ ເຫຼືອງ ກະດ້ານ ແລະບໍນູ້ມນວນ

ສຸລາ

ຕາມຫຼັກການແລ້ວ ການດື່ມເຫຼົ້າ ເບີຍ ໄວສ ຫຼືເຄືອ່ງດືມທີ່ມີ ແອລກໍຮອລປະສົມຢູ່ນັ້ນ ຫາກດື່ມໃນປະລິມານທີ່ ພໍເໜາະ ກໍ່ມີຜົນດີ ຄື ຊ່ວຍໃຫ້ ຮ່າງກາຍອົບອຸ່ນ ແຕ່ຫາກດື່ມຫຼາຍ ເກີນໄປກໍ່ ຈະມີຜົນເຮັດໃຫ້ ເສັ້ນເລືອດທີ່ຜີວໜັງແຕກ ຫຼື ແຫ້ງ ດ້ານ

ມັນມືເສືອ ມີຊື່ທາງວິທະຍາສາດວ່າDiosocorea esculenta (lour) Burk ມີຖີ່ນກຳເນີດ ກຳເນີດຢູ່ໃນ ແຖບອິນດູຈີນ ເປັນພຶດລົ້ມລຸກ ລຳຕົ້ນເປັນເຄືອ ເລືອຍ ມີຂົນອ່ອນສັ້ນໆ ປົກຄຸມໃບສີຂຽວຮູບຮ່າງຄືຮູບຫົວໃຈ ປາຍໃບແຫຼມ ມີຮາກສະສົມອາຫານຫຼືຫົວ ຢູ່ພື້ນດິນ ມີທັງຊົງກົມຮູບໄຂ່ ແລະຂອບເປັນກີບ ຄ້າຍຕີນເສືອ ຈຶ່ງເປັນທີ່ມາຂອງຊື່ ”ມັນມືເສືອ” ເປືອກມັນມືເສືອບາງ ສີເທົາ ອົມເຫຼືອງ ມີຮາກເປັນເສັ້ນຝອຍປົກຄຸມ ສວານເນື້ອໃນສີຂາວອົມເຫຼືອງ ປູກໄດ້ທຸກພາກຂອງປະເທດ

ມັນມືເສືອຫາກກິນດີບຈະຄັນຄໍ ຕ້ອງນຳໄປເຮັດໃຫ້ສຸກກ່ອນ ເນື້ອຈະໜຽວ ຣົດຫວານນຳມາແກງໄດ້ ຫຼືໃສ່ແກງກະລີ່ແກງເຜັດ

ໃສ່ແທນມັນ ຝຣັ່ງໄດ້ຫຼືຳມາໜື້ງ ຫຼືຕົມ ກິນກັບນ້ຳຕານກໍໄດ້

ສານອາຫານ ໄດ້ແກ່:ຄາໂບຮາຍເດຼດ, ແຄຊ້ຽມ, ຟໍສຟໍຣັສ,ແລະວິຕາມິນຊີເປັນຕົ້ນ

ຄັດຈາກໜັງສື ຜັກແະໝາກໄມ້

ສານອາຫານທີ່ສຳຄັນໃນ ມັນຝຣັ່ງ:ວິຕາມິນ ຊີ,ໂພແທສຊ້ຽມ ,ວິຕາມິນ ບີ 1, ບີ6 ຊື່ງຊວ່ຍບຳລຸງປະສາດ ບຳລຸງສະໜອງ ແລະຍັງມີ ແຄໂຣລີ້ຕຳ ມັນຝຣັ່ງຕົ້ມ 100 ກໃຫ້ພະລັງງານ 82 ແຄໂຣລີ້ ເໝາະສຳລັບອາຫານຄວບຄຸມນ້ຳໜັກ ແຕ່ຖ້າເບບທອດຈະໃຫ້ພະລັງງານສູງ

ມີຊື່ທາງວິທະຍາສາດວ່າ Solanum tuberosum Linn. ມີຖີ່ນກຳເນີດ ຢູ່ໃນທະວີບອາເມລິກາໃຕ້ ແຖບເຖືອກເຂົາ ແອນດີສ ເປັນພືດລົ້ມລຸກ ມີລຳຕົ້ມສະສົມອາຫານ ຢູ່ໃຕ້ດິນ ເອີ້ນວ່າຫົວ ,ຫົວອ່ອນສີຂຽວ ,ຫົວແກ່ສີເຫຼືອງ ອົມນ້ຳຕານ ສີຂາວ,ສີສົ້ມ, ຫືຼສີແດງ ຮູບຊົງກົມ ຜີວເປືອກບາງ ມີຮູນ້ອຍໆໆ ອ້ອມກະຈາຍຢູ່ທົ່ວຫົວ ເນື້ອໃນກ໊ອບ ຊຸ່ມນ້ຳ ສີຂາວ ສີເຫຼືອງອ່ອນ ຫຼືເຫຼືອງແລ້ວແຕ່ພັນ ສ່ວນໃບເປັນແບບໃບປະກອບ ດກອອກເປັນຊໍ່ ກີບດອກມີສີຂາວ ສີບົວມວ່ງ ຫຼືສີມວ່ງ ນີຍົມປູກ 2 ປະເພດ

ຄືປູກສຳລັບບ“ລິໂພກ ແລະ ປູກສົ່ງໂຮງງານແປຮູບ

ມັນສົດ ໃຊ້ເຮັດອາຫານໄດ້ລາຍຢ່າງ ເຊັ່ນ ແກງຕ່າງໆ,ມັນບົດ,ມັນອົບ,ມັນທອດ,

ຄັດຈາກ ໜັງສືຜັກແລະສຸຂະພບ

ເຫັດ ນາງຟ້າ ມີຊື່ເອີ້ນທາງວີທະຍາສາດວ່າ Pleurotus Sajor-Caju (Fr,)Sing

ມີຖິ່ນກຳເນີດຢູ່ແຖບເທືອກເຂົາຫິມາໄລ ປະເທດອິນເດຍ ເປັນເຫັດຕະກູນດຽວກັບເຫັດ ເປົ້າຫື້ ຈະເລີນເຕີບໂຕຕາມຕໍໄມ້ຜຸ,ດອກ

ບໍລິເວນທີ່ມີອາກາດຊຸ່ມແລະເຢັນ,ດອກເຫັດມີສີຂາວ,ຈົນເຖີງສີນ້ຳຕານອ່ອນໆ ໜວກດອກເນື້ອແໜ້ນ ສີຄ້ຳໆ ກ້ານດອກສີຂາວ

ມີວົງແຫວນອ້ອມຮອບ,ກີບດອກສີຂາວເສັ້ນໄຍຂ້ອນຂ້າງລະອຽດ,

ເຫັດນາງຟ້າມີກິ່ນຫອມເນື້ອແໜ້ນ ຣົດຫວານ ຫາຊືໄດ້ງ່າຍ ສາມາດປຸງອາຫານໄດ້ຫຼາຍຊະນິດເຊັ່ນ: ເຫັດນາງຟ້າ ຈຸ່ມແປ້ງທອດ

ຜັດເຫັດນາງຟ້າ,ຍຳເຫັດນາງຟ້າ,ຕົ້ມຍຳເຫັດນາງຟ້າ ,ແກງເຫັດນາງຟ້າໃສ່ນ້ຳຢ່າງນາງ, ຫຼື ນຳໄປໃສ່ແກງຈືດໝູບົດ,ໜື້ງເຫັດນາງຟ້າ ແຈ້ວກະປິ,ປາແດກ

ສານອາຫານທີ່ສຳຄັນໄດ້ແກ່:

ໂປຕີນ,ແຄນຊ້ຽມ,ຟອສຟໍຣັສ,ໂພແທສຊ້ຽມ, ເຫຼັກແລະ ແຮ່ທາດອື່ນໆ

ເຫັດເຜາະ ມີຊື່ທາງວິທະຍາສາດວ່າ Astraeus hygromemtricus(Pers)Morgan

ມີຖິ່ນກຳເນີດໃນປະເທດລາວ ມີສອງຊະໜິດ ຄື ເຫັດເຜາະໜັງ ແລະ ເຫັດເຜາະຝ້າຍ

ໜວກເຫັດເຜາະເປັນກ້ອນກົມ ສີດຳໝົ່ນ ເນື້ອຕ້ານໃນສີຂາວ ອອກເຫຼືອງອ່ອນ ເມືອ່ດອກບານເປືອກນອກ ຈະແຕກອອກເປັນ

ຮູບດາວ 6-8 ແສກ ເຫັດເຜາະເປັນ ເຫັດປ່າທີ່ຄົນລາວນິຍັມບໍລິໂພກກັນທົ່ວທຸກພາກ ໂດຍສະເພາະພາກກາງ ແລະໃຕ້ ເກີດໃນໜ້າແລ້ງ ຕາມບ່ອນຊື້ນເທີງພູເຂົາ ທົ່ງພຽງ ໃຕ້ຊອກຫີນ ມັກເກີດໃນບໍລິເວນດິນເປັນຂີ້ເທົ່າ ບໍລິເວນປ່າທີຖຶກໄຟເຜົາໄໝ້

ເຫັດເຜາະອ່ອນ ເປືອກກອບ ຣົດຫວານ ຄ້ຽງມັນ ນິຍົມນຳມາແກງໃສ່ໃບອີ່ຕູນ້ຳຢານາງ ,ໜື້ງ ແລະແກງໃສ່ໜໍໄມ້ ,ຕົ້ມຈ້ຳແຈ່ວ

ແກງໃສ່ໃບໜາກຂາມອ່ອນ,ໃບຜັກຕີ້ວ

ສວ່ນເຫັດເຜາະແກ່ ເປືອກນອກເປັນສີນ້ຳຕານ ເຂັ້ມ ແຂງແລະໜຽວ ເນື້ອດ້ານໃນເປັນສີດຳ ບໍ່ນິຍົມນຳມາປຸງເປັນອາຫານ

ສານອາຫານທີ່ສຳຄັນ

ເຫັດເຜາະ ມີໂປຕີນ,ຄາໂບໄຮເດດ ແລະ ແຄນຊ້ຽມແລະ ຟອສຟໍຣັສ ແລະແຮ່ທາດອື່ນໆ.

ເຫັດເພືອງ ມີຊື່ທາງວິທະຍາສາດວ່າ Volvariella Volvaceae (singer) ມີຖິ່ນກຳເນີດ ຢູ່ໃນປະເທດຈີນ ມັກຂື້ນຕາມກອງເພືອງ

ດອກເຫັດອອກເຫື່ຍອສີນ້ຳຕານ ຫໍຫູ້ມເມືອ່ໃຫ່ຍຂື້ນມາຈະດັນເຫື່ຍອຫູ້ມໄປຢູ່ທີ່ໂຄນຕົ້ນຫຼືເຫົ້ງາຕົ້ນ ກ້ານດອກສີຂາວ ເຊື່ອມໜວກດອກກັບເຫົ້ງາຂະໜາດຂອງກ້ານຂື້ນຢູ່ກັບໜວກດອກ ຊື່ງມີລັກສະນະ ຄ້າຍຄັນຮົ່ມສີເທົາ ຂ້ອນຂ້າງດຳ ເຫັດເພືອງມີກີບດອກສີນ້ຳຕານເປັນຈຳນວນຫຼາຍ ລຽນຕົວກັນເປັນລັດສະໝີຮອບກ້ານດອກ. ປະຊາຊົນນິຍົມເຮັດເຮືອນ (ຕູບ) ປູກເຫັດເພືອງເປັນອາຊີບ ຫຼາຍໃນປະຈຸບັນ

ເຫັດເພືອງເປັນເຫັດທີ່ເນົ່າເສຍໄດ້ງ່າຍ ຫາກປ່ອຍໄວ້ມັນຈະ ຂັບນ້ຳຍ່ອຍອອກມາ ຍ່ອຍໂຕເອງ (autolysis)ເມືອ່ເກັບມາໃໝ່ໆ ຄວນກິນໃຫ້ໜົດ ເຫັດເພືອງໃນໄລຍະດອກຕູມ ມີສານອາຫານຫຼາຍກວ່າດອກບານ ອີກທັງຍັງມີຣົດຊາດ ແຊບແລະເນື້ອແໜ້ນກວ່າ ນຳມາປະກອບອາຫານໄດ້ຫຼາຍຢ່າງ ເຊັ່ນ ຍຳເຫັດເພືອງ,ປີ້ງປົ່ນ ກັບປາ ກັບເນື້ອ້, ກັບໝູ,ນຳມາແກງ

ປະເພດຕ່າງ ຕົ້ມຍຳ ຫຼືຜັດນ້ຳມັນຫອຍ ກໍແຊບໃດ ອິອິ

ສານອາຫານທີ່ສຳຄັນ

ປະກອບດ້ວຍ ແຄນຊ້ຽມ ,ຟໍສຟໍຣັສ ,ເຫຼັກ,ໂຊດ້ຽມ, ໂພແທສຊ້ຽມ,ແລະກົດອາມີໂນເປັນຕົ້ນ.

ລົດຊາດດີມີປະໂຫຍດ ຢ່າລືຫາມາກິນລະ ຈະໄດ້ມີສຸຂະພາບດີກັນທຸກທົ່ວໜ້າເລີຍ

ຖ້າຫາກໃຜຍັງຕ້ອງການ ເຫດຜົນອີກຈັກຂໍ້ໜື່ງ ເພືອ່ສະໜັບໜູນການກິນຜັກ ນອກເໜືອໄປຈາກວ່າຜັກແລະໝາກໄມ້ ຫຼຸດຄວາມສ່ຽງ ຈາກໂຣກຫົວໃຈ ມະເຮັງ ແລະອີກຫຼາຍໆ ພະຍາດແລ້ວ ລ່າສຸດນັກວິໄຈ ຍັງພົບວ່າ ຜັກຊວ່ຍປ້ອງກັນ ເຮົາຈາກ ໂຣດເສັ້ນເລືອດ ຝອຍໃນສະໝອງແດກອີກດ້ວຍ
ຄະນະນັກວິໄຈ ທີ່ນຳໂດຍ ນັກຣະບາດວິທະຍາ ຮາເວີດ ຊື່ ເກົາມູດີ້ ເຈ. ໂຈຊິປູ ໄດ້ສຶກສາ ໄດ້ສຶກສາພຶດຕິກຳ ຂອງຜູ້ຍີງ 75.000 ຄົນ ແລະພົບວ່າການກິນຜັກແລະໝາກໄມ້ ພຽງວັນລະ 1 ຈານ ຊ່ວຍຫຼຸດຄວາມ ສ່ຽງ ຈາກອາການເສັ້ນເລືອດ ໃນສະໝອງແຕກ ຊື່ງມີສາເຫດ ມາຈາກໂລຫິດ ອຸດຕັນ ໃນເສັ້ນເລືອດທີ່ໄປລ້ຽງສະໝອງ ລົດລົງໄດ້ເຖີງ ຮ້ອຍລະ 7
ພະລັງຜັກແລະໝາກໄມ້ ໃນການຕ້ານການອຸດຕັນຂອງເສັ້ນເລືອດ ບໍໄດ້ມີພຽງແຕ່ປະການດຽວ ຜູຊ່ຽວຊານ ລາຍຄົນ ເຊື່ອວ່າ ອາຫານ ຈາກພຶດ ມັກມີໄຂມັນຕ່ຳ ແລະມີສານອາຫານ ອື່ນໆທີ່ມີ ປະໂຫຍດຕໍ່ຫັວໃຈ ເຊັ່ນ ເສັ້ນໃຍ ໂຟເລສ ແລະ ໂພແທສຊ້ຽມ.
ແຕ່ສານອາຫານ ເຫຼົ່ານີ້ມີຂໍ້ຈຳກັດ ເພາະປະໂຫຍດ ໃນການປ້ອງກັນເສັ້ນເລືອດ ໃນສະໝອງແຕກ ຈະປາກົດເດັ່ນຊັດ ທີ່ສຸດສຳລັບ ຜູ້ທີ່ກິນຜັກແລະໝາກໄມ້ ປະມານ 6 ຄັ້ງຕໍ່ມື້ ແລະກໍ່ບໍ່ແມ່ນ ອາຫານຈາກພືດ ທຸກຊະໜິດ ຈະໃຫ້ປະໂຫຍດເທົ່າກັນ ໃນການຫຼຸດຄວາມສ່ຽງ ຈາກໂຣກເສັ້ນເລືອກຝອຍໃນສະໜອງແຕກ ເຊັ່ນ ມັນຝຣັ່ງ ແລະຖົ່ວຕ່າງໆ ນັ້ນ ບໍ່ມີຜົນທີ່ເດັ່ນຊັດພໍທີຈະວັດແທກໄດ້ ແຕ່ພົບວ່າ ພວກທີ່ກິນຜັກ ຢ່າງ ບັອກໂຄລີ້ ກະລ່ຳປີ ແລະກະລ່ຳດອກ ຮວ່ມກັບຜັກໃບຂຽວ ແລະໝາກໄມ້ ຈຳພວກໝາກກ້ຽງ ຈະເປັນຜູ້ທີ່ມີຄວາມສ່ຽງຕ່ຳທີ່ສຸດ

ເຫັນຈະຕ້ອງພົກນ້ຳ ຕິດຕົວພ້ອມດື່ມ ກັນຈັກໜ່ອຍ ເພາະຢ່າງທີຮູ້ວ່ານອກຈາກ ການດື່ມນ້ຳຈະຊື່ນໃຈແລ້ວ ນຳຍັງມີປະໂຫຍກຕໍ່

ຮ່າງກາຍອີກ ໃນມໍ່ໆນີ້ ຍັງພົບວ່າ ການດື່ມນ້ຳຫຼາຍໆ ອາດຈະຊ່ວຍ ລົດຄວາມສ່ຽງການເກີດມະເລັງລຳໄສ້ໃຫ່ຍໄດ້ນຳ.

ງານສຶກສາຂອງສູນວິໄຈ ມະເລັງ ເຟຣດ ຮັກຊິສັນ ແຫ່ງເມືອງ ຊີແອັດເທີນ ນອກຈາກຈະພົບ ຂໍ້ສະໜັບສະໜູນ ວ່າການກິນຜັກ ໝາກໄມ້ ,ເມັດພືດບໍ່ຂັດສີ ແລະອາຫານໄຂມັນຕ່ຳ ຊວ່ຍລົດຄວາມສ່ຽງ ການເກີດໂຣດມະເລັງລຳໄສ້ໃຫ່ຍແລ້ວ ຍັງພົບວ່າການດື່ມ ນ້ຳຫຼາຍ ກໍ່ມີສວ່ນຊວ່ຍນຳເຊັ່ນກັນ ໂດຍອອກແບບສອບຖາມ ນິໄສການກິນອາຫານຈາກຍິງ ແລະຊາຍ ກວ່າ 400 ຄົນພົບວ່າ ຜູ້ທີ່ດື່ມນ້ຳ ຫຼາຍກວ່າວັນລະ 5 ຈອກ ມີຄວາມສ່ຽງເປັນມະເລັງ ລຳໄສ້ໜ້ອຍກວ່າ ກຸ່ມທີ່ ດື່ມນຳ້ ໜ້ອຍກວ່າ 2 ຈອກຕໍວັນ ປະມານເຄີ່ງໜື່ງເລີຍ.

ນັກວິທະຍາສາດສັນນິຖານວ່າ ການດື່ມນ້ຳຫຼາຍໆຈະຊວ່ຍປ້ອງກັນທ້ອງຜູກ ແລະເຮັດໃຫ້ຮ່າງກາຍຂັບຖ່າຍຂອງເສຍໄດ້ໄວຂື້ນ

ຊື່ງອາດມີສ່ວນ ໃນການຊວ່ຍຫຼຸດຄວາມເຂັ້ມຂຸ້ນຂອງສານກໍ່ມະເລັງ ແລະເຮັດໃຫ້ລຳໄສ້ໃຫ່ຍສຳພັດກັບສານພິດໜ້ອຍລົງ

ປະໂຫຍດຂອງນ້ຳມີຫຼາຍຂະໜານ ຍຶດຫຼັກ ດື່ມນ້ຳຢ່າງໜ້ອຍວັນລະ 8 ຈອກ ຊ່ວຍຫຼຸດຄວາມສ່ຽງ ເລືອ່ງໂຣດໄພ,

ຊັບປະຄຸນ ຂອງຊາຂຽວອີກປະການໜື່ງຊຶ່ງໄດ້ຮັບການພິມເຜີຍແພ່ ໃນວົງການ ວາລະສານ American Journal of Clinical Nutrition ຄືຊວ່ຍຫຼຸດນ້ຳໜັກ ການວິໄຈພົບວ່າສານຄາເຟອິນ ປະລິມານເລັກໜ້ອຍ ແລະສານ ຝາດສມານແຄທທິຄິນ (catechin)ໃນຊາຂຽວ ເຮັດໃຫ້ ເມຕາບໍລິຊຶມ ໃນຮ່າງກາຍດີຂື້ນ ເຜົາຜານ ພະລັງງານໃນຮ່າງກາຍ ໄດ້ຫຼາຍຂື້ນ ເປັນຜົນເຮັດໃຫ້ນ້ຳໜັກໂຕຫຼຸດລົງ ໂດຍທີ່ບໍ່ມີຜົນກະທົບ ຕໍອັດຕາການເຕັ້ນຂອງຫົວໃຈ ຖືວ່າເປັນການຫຼຸດນ້ຳໜັກທີ່ຂ້ອນຂ້າງປອດໄພ ແຕ່ວ່າການອອກກຳລັງກາຍຍັງເປັນສີ່ງທີ່ຈຳເປັນ ເຖິງວ່າ ຊາຂຽວຈະເປັນພືດສະໝູນໄພທີ່ ປອດໄພກວ່າ ຊະໜິດອື່ນ ແຕ່ກໍຄືກັບການກິນຢາ ຕ້ອງຄຳນືງເຖີງຜົນຂ້າງຄຽງນຳ

ຊາຂຽວຈະມີປະໂຫຍດຕໍຮ່າງກາຍກໍ່ຕໍ່ເມືອ່ ດື່ມຊາທີ່ຜ່ານການຊົງ ຫຼືອົບ ດວ້ຍອຸນຫະພູມຄວາມຮ້ອນ ແລ້ວນຳມາດື່ມ ຕອນທີ່ຍັງ ມີອຸນຫະພູມສູງ ອຸ່ນໆໆ ພໍດື່ມໄດ້ ເມືອ່ນຳເຂົ້າສູ່ຮ່າງກາຍຈະສາມາດດູດຊຶມ ສານຕ່າງໆໆ ທີ່ມີຢູ່ ໃນໃບຊາໄດ້

ບໍ່ແມ່ນການດື່ມຊາສຳເລັດຮູບ ທີ່ຜ່ານການປຸງແຕ່ງ ບັນຈຸຂວດຂາຍ

ສີ່ງທີ່ຜູ້ບໍລິໂພກຈະໄດ້ຮັບຈາກການດື່ມຊາສຳເລັດຮູບແມ່ນ ຣົດຊາດແລະກິ່ນຫອມຂອງຊາ ແລະປະໂຫຍດຄື ຊວ່ຍດັບກະຫາຍ

ສວນ່ ສານອາຫານ ແລະແຮ່ທາດບຳລຸງຮ່າງກາຍຕ່າງໆໆ ແມ່ນຖຶກທຳລາຍຈົນໜົດໃນລະຫວ່າງຂັ້ນຕອນການຜະລິດໜົດແລ້ວ

ໝາກຮຸ່ງມີຊື່ ທາງວິທະຍາສາດວ່າ Cacrica Papaya Linn. ມີຖິ່ນກຳເນີດ ຢູ່ໃນທະວີບອາເມລິກາ ແຖບປະເທດແມັກຊິໂກ ໝາກຮຸ່ງເປັນພຶດລົ້ມລຸກ ລຳຕົ້ນຕັ້ງຊື່ ອວບນ້ຳ ບໍ່ມີແກນກາງ ໃບເປັນແຊກກີບ ກ້ານໃບຍາວອອກ,ດອກສີຂາວ ມີຕົ້ນດອກຜູ້ ແລະ ຕົ້ນແມ່ ແລະດອກສົມບູນເພດ ມີຜົນຍາວແຫຼມ ຕອນປາຍ ໝາກຮຸ່ງດີບມີ ສີຂຽວ ເນື້ອສີຂາວ, ແຂງ, ກອບໄນສີຂາວ ເມືອ່ສຸກ ມີເປືອກແລະເນື້ອສີເຫຼືອງ ເມັດສີດຳກົມ ມີວຸ້ນໃສ່ໆອ້ອມຮອບ ໝາກຮຸງປູກງ່າຍແລະ ໃຫ້ຜົນໄວ ໃຫ້ຜົນຕະຫຼອດປີ

ໝາກຮຸ່ງດີບ ນອກຈາກນຳມາຕຳແລ້ວ ຍັງນຳມາໜື້ງ ,ລວກ ຈ້ຳແຈ່ວຫຼືແກງໄດ້ອີກ ຂື້ນຕາມ ແຕ່ລະທ້ອງຖິ່ນ

ບາງທີກໍ່ນຳມາຊອຍເປັນເຫືຍ່ອເຂົ້າປຸ້ນນຳອີກ

ສານອາຫານທີ່ສຳຄັນໃນໝາກຮ່ງ

ໝາກຮຸ່ງດີບ ມີຄາໂບໄຮເດດ ແລະແຄນຊ້ຽມ ຟໍສຟໍຣັສ,ວິຕາມິນເອ, ແລະ ຊີ,ແລະ ມີເອັນຊາຍ, ຊື່ປາເປອິນ(Papain)

ແລະໄຊໂມປາເປອິນ (Chymopapain) ໃຊ້ເປັນຢາຖ່າຍພະຍາດ ສາມາດຍ່ອຍໂປຕີນໃນເນື້ອ ສັດໄດ້

ໝາກຮຸ່ງດີບ ນອກຈາກຈະນຳມາເຮັດຕຳໜາກຮຸ່ງທີ່ມີລົດຊາດແຊບໆໆໆ ແລ້ວຍັງມີຄຸນປະໂຫຍດ ເປັນຍາຊ່ວຍຍ່ອຍອາຫານ

ນຳອີກໃດ ເພາະໃນໝາກຮຸ່ງດີບຈະມີ ເອັນຊາຍ ຫຼື ນ້ຳຍ່ອຍຢູ່ຫຼາຍຊະນິດ ແຕ່ຊະນິດທີ່ສຳຄັນທີ່ສຸດຄື ປາເປອິນ (Papain) ຊື່ງມີຄຸນສົມບັດ ຄ້າຍ ກັບນ້ຳຍ່ອຍ ຊະນິດໜື່ງ ທີ່ຮ່າງກາຍຜະລິດຂື້ນ ຄື ເອັນຊາຍ ເປບຊີນ ມີໜ້າທີ່ ຍ່ອຍອາຫານພວກໂປຼຕີນ

ນອກຈາກນີ້ໃນໝາກຮຸ່ງຍັງມີ ເອັນຊາຍ ທີ່ຊວ່ຍຍ່ອຍໂປຼຕີນໃນນົມ ແລະອາຫານຈຳພວກແປ້ງຢູ່ນຳ ຈື່ງຊວ່ຍໃຫ້ ລະບົບຍ່ອຍອາຫານ ເຮັດວຽກໄດ້ດີຂື້ນ.

ແຕ່ລະວັງຢ່າກິນຕຳໝາກຮຸງທ່ີ ເຜັດຈົນເກີນໄປໃດ ມັນຈະເຈັບທ້ອງ

ຫຼືຖອກທ້ອງໄດ້

ຄົງຈະເຄີຍໄດ້ຍິນກັນຢູ່ແລ້ວວ່າ ໄວສແດງ ຊື່ງຜະລິດມາຈາກອາງຸ່ນ ນັ້ນດີຕໍສຸຂະພາບ ຂອງຫົວໃຈ ແຕ່ໃນປະຈຸບັນ ນັກວິໄຈຊາວ ອີດສລາແອັນ ໄດ້ຄົ້ນພົບວ່າ ໝາກພິລາ ນັ້ນມີຜົນທີ່ ດີຕໍ່ຫົວໃຈຫຼາຍກວ່າອະງຸ່ນ

ຈາກການສືກສາ ພົບວ່າ ໄວສທີ່ເຮັດຈາກ ໝາກພິລາ ແລະນ້ຳມັນຈາກໜາກພິລາ ມີປະລິມານຂອງສານ ອານຟລາໂວນອຍ ຫຼາຍກວ່າໄວສແດງ ຜະລິດຕະພັນທີ່ເຮັດຈາກ ໝາກພິລາມີປະລິມານສານ ຟລາໂວນອຍ ພໍໆກັບໃນຊາຂຽວ ແລະຍັງພົບອີກວ່າ ນ້ຳໝາກພິລາ ຄັ້ນສົດ ມີປະສິດທິພາບປ້ອງກັນໂຣດ ພະຍາດ ໄດ້ດີກວ່ານ້ຳ ອະງຸ່ນ

ຂອງດີໃກ້ຕົວນີ້ເອງ

ຜົນການວິໄຈ ຈາກມະຫາວິທະຍາໄລ ຄອລເນວ ແລະ ປະເທດເກົາຫຼີໃຕ້ ລາຍງານໃນວາລະສານ Lancet ໃນສະບັບ ເດືອນມັງກອນ 2002 ພົບວ່າ ແອັບເປີ້ນ ມີສານຊະນິດໜື່ງ ທີ່ສາມາດຕ້ານ ມະເລັງໄດ້ ດີກວ່າ ວິຕາມີນຊີ ເສຍອີກ ສານໄຟໂຕ ເຄມີດັ່ງກ່າວ ຊື່ ເຄີເຊຕິນ (quercetin) ມີສັບພະຄຸນຕ້ານເຊວ ມະເລັງອັນເນື່ອງມາຈາກ ອອກຊິໄດເຊຊັ້ນ ຂອງກົດ ໄຂມັນ ຄໍແລັສໂຕໂຣ ກ່ອນໜ້ານີ້ຮູ້ພຽງວ່າ ເຄີເຊຕິນ ມີປະສິດທິພາບໃນາານຮັກສາມະເລັງໜ່ວຍອັນທະ (ຕ່ອມລູກໝາກ)

ສານ ເຄີເຊຕິນ ມີຫຼາຍໃນແອັບເປີ້ນ ແລະຜັກ,ໝາກໄມ້ ແລະວິຕາມິນຊີ ກໍ່ມີຫຼາຍໃນຜັກແລະໝາກໄມ້ເຊັ່ນກັນ ໃຜຢາກປອດໄພ ຫ່າງໄກຈາກມະເລັງ ຈື່ງຄວນກິນຜັກແລະໝາກໄມ້ ໃຫ້ຫຼາຍໆ

ແຕ່ຕ້ອງກິນໃຫ້ຖຶກຫຼັກອານາໄມ ລ້າງໃຫ້ສະອາດກອ່ນນຳມາກິນ ຈື່ງໄດ້ປະໂຫຍດ ອິອິ

ເຫັດຫອມ ມີຊື່ທາງວິທະຍາສາດວ່າ Lentinus Edodes(berk) sigger ມີຖີ່ນກຳເນີດໃນ ປະເທດຈີນ ຢີ່ປຸ່ນ ອິນໂດເນເຊຍ ແລະ

ໄຕ້ຫັວນ ໜວກດອກເປັນຮູບຊົງກົມ ຜີວໜວກດ້ານໃນເປັນສີນ້ຳຕານປົນແດງ ຫຼືສີນ້ຳຕານເຂັ້ມ ກີບດອກເປັນແຜ່ນສີຂາວ ເມືອ່ແກ່ຈະປ່ຽນເປັນສີເຂັ້ມ ສ່ວນກ້ານດອກມີສີຂາວຫຼືສີນຳ້ຕານອ່ອນ ຫາກປະໃຫ້ຖຶກກັບອາກາດຈະປ່ຽນເປັນສີເຂັ້ມ ລັກສະນະສະເພາະຕົວຂອງເຫັດຫອມຄື ມີກິ່ນຫອມເນື້ອນຸ້ມ ເມືອ່ຕາກໃຫ້ແຫ້ງແລ້ວສາມາດເກັບໄວ້ໄດ້ດົນ ໂດຍທີ່ຍັງມີກິ່ນຫອມຢູ່ ເຫັດຫອມມັກອາກາດໜາວເຢັນ ມັກເກີດຂື້ນເທີງຂອນໄມ້ ເນື້ອແຂງ

ສະໄໝກອ່ນເຫັດຫອມມີລາຄາແພງ ຕ້ອງສັ່ງຊື້ຈາກຕ່າງປະເທດ ແຕ່ໃນປະຈຸບັນ ທາງພາກເໜືອຂອງລາວກໍ່ສາມາດ ເພາະປູກໄດ້ແລ້ວ ຈຶ່ງລົດປະລິມານການນຳເຂົ້າຈາກຕ່າງປະເທດໄດ້ສ່ວນໜື່ງ ສາມາດນຳມາປະກອບອາຫານໄດ້ຫຼາຍຊະນິດເຊັ່ນ ເຫັດຫອມສົດຜັດນ້ຳມັນຫອຍ, ເຫັດຫອມຕຸ໋ນ, ໂຈກເຫັດຫອມ,ໃສ່ໃນເຂົ້າຜັດ ແລະຜັດຜັກ.

ເຫັດຫອມມີ ກົດອາມີໂນຊື່ Eritadenine ຊ່ວຍໃຫ້ໄຕ ຍ່ອຍ ຄໍແລັສໂຕໂຣໄດ້ດີ ແລະມີ ສານ ເລນຕິແນນ Lantinan

ຊ່ວຍກະຕຸ້ນການເຮັດວຽກຂອງ ເຊວໃນລະບົບພູມຄູ້ນກັນ ໃຫ້ມີປະສິດທິພາບໃນການຕໍສູ້ ກັບການຈະເລີນເຕີບໂຕຂອງເຊວ ເນື້ອງອກ ຄົນຈີນໃຊ້ເປັນຍາ ອາຍຸວັດທະນະ ຮັກສາຫວັດ ເຮັດໃຫ້ເລືອດລົມດີ

ຮູ້ແລ້ວກໍຢ່າລືມ ລອງຫາມາກິນເດີ ສຸຂະພາບຈະໄດ້ແຂງແຮງກັນໜົດທຸກຄົນ

ເຫັດຫູໜູ ມີສອງສີຄື ເຫັດຫູໜູຂາວ ແລະ ດຳ ມີສານອາຫານທີ່ສຳຄັນຄືໂປຼຕີນ ໄຂມັນ ແຄນຊ້ຽມ ແລະ ຟໍສຟໍຣັສ, ວິຕາມິນຊີ ,

ແລະອື່ນໆ

ສວ່ນເຫັດຫູໜູຂາວ,ມີທາດເຫຼັກແລະຟໍສຟໍຣັສ ຫຼາຍກ່ວາ ຊະນິດອື່ນ ຊາວຈີນກິນບຳລຸງກຳລັງ ເຊືອ່ວ່າເປັນຢາອາຍຸວັດທະນະ

ເຫັດຫູໜູມີ່ຖິ່ນກຳເນີດໃນປະເທດຈີນ ພົບໄດ້ຕາມຂອນໄມ້ຫຼືໄມ້ຢືນຕົ້ນ ທີ່ຢູ່ໃນເຂດຮ້ອນ ທີ່ຮູ້ຈັກກັນທົ່ວໄປໃນເມືອງລາວ ມີສອງຊະນິດທີ່ໄດ້ກວ່າໄວ້ຂ້າງເທີງຄື: ເຫັດຫູໜູດຳ ຫຼືເຫັດຫູໜູທຳມະດາ ມີຊື່ວິທະຍາສາດວ່າ Auricularia auricula judae

ລັກສະນະເປັນວຸ້ນສີນ້ຳຕານ ຣົດຫວານ ເນື້ອອ່ອນນຸ້ມ ນິຍົມນຳມາໃຊ້ທັງແບບແຫ້ງແລະແບບສົດ

ເຫັດຫູໜູຂາວ ມີຊື່ທາງວິທະຍາສາດວ່າ Tremella fusiformis berk ສີຂາວໃສມີຮູບຮ່າງແຕກຕ່າງກັນ ເຊັ່ນຄືໃບຫູ ຫຼືກີບດອກໄມ້ ແລະພາຊະນະ ຣົດຫວານ ເນື້ອ້ນຸ້ມກວ່າເຫັດຫູໜູດຳ ມີທັງແບບບໜວກບານໃຫ່ຍແລະໜວກບານຝອຍຄ້າຍຄືແມງກະພຸນ

ເຫັດຫູໜູ ເປັນເຫັດທີ່ມີຣົດຊາດດີ ກີ່ນຫອມ ຊຶມຊັບລົດຊາດອາຫານໄດ້ດີ ເຫັດຫູໜູດຳ ນຳມາປຸງອາຫານລາວໄດ້ ຫຼາຍຊະນິດ

ເຊັນຜັດໃສ່ຜັກ ,ແກງຈືດ ,ແກ່ງໃສ່ໜໍໄມ້, ໃສ່ອ່ອມ ຫຼືເອາະຫຼາມ,ຕົ້ມຍຳ, ນຳໄປເປັນເຄືອ່ງປະກອບອາຫານປະເພດຍຳເປັນຕົ້ນ

ສວ່ນເຫັດຫູໜູຂາວນິຍົມນຳໄປລວກໃສ່ຍຳເປັນຕົ້ນ

ຂໍໂທດເດີ ຂ້ອຍຫາຮູບເຫັດຫູໜູຂາວ ບໍເຫັນນະ

ເຫັດລະໂງກ ມີຊື່ທາງວິທະຍາສາດວ່າ Amanita Vaginata ມີຖີ່ນກຳເນີດ ຢູ່ໃນປະເທດລາວ ທົ່ວທຸກພາກ ມີຫຼາຍໃນເຂດພາກ

ກາງແລ້ໃຕ້ ເຫັດລະໂງກມີສີຂາວນວນ ແລະສີເຫຼືອງສົດ ໜວກເຫັດເປັນຮູບກະທະຂວ້າມ ກີບແລະກ້ານ ຍາວຮ່ຽວ ເຫົ້ງາ ເປັນ

ກະເປາະ ພົ້ນຈາກດິນຂື້ນ ຫຼືໃນປ່າທີ່ມີໃບໄມ້ ເປືອຍທັບຖົມກັນໃນເຂດພູເຂົາ ພົບເຫັນໄດ້ ໃນຊວ່ງລະດູຝົນ

ດອກຕູມ ຂອງເຫັດລະໂງກ ມີລັກກສະນະເຫືອ່ຍຫຸ້ມຈາກ ເຫົ້ງາຂື້ນມາຈົນເກືອບສຸດຫຸ້ມໜວກເຫັດ ເປັນໄລຍະທີ່ຣົດຊາດດີ

ເອກະລັກຂອງເຫັດລະໂງກ ຄືມີເມືອກໜ່ຽວໆ ທີ່ເຮັດໃຫ້ແກງຂຸ້ນໜຽວ ສ່ວນໜວກເຫັດ ນຸ້ມ ລຳເຫັດ ກອບ ຣົດຫວານຕາມທຳມະຊາດ ກິນເມືອ່ປຸງໃໝ່ໆ ຣົດຊາດຈະຫວານ ສາມາດເຮັດໄດ້ທັງແກງໃສ່ນ້ຳຢານາງ ຜັກຕີ້ວ, ໜື້ງຈ້ຳແຈວ,

ແກງໃສ່ໃບໝາກຂາມ ແລະອີກຫຼາຍປະເພດ ອີງຕາມຜູ້ມັກ

ເຫັດປວກ ມີຊື່ທາງວິທະຍາສາດວ່າ Termitomyces Sp ,ມີຖິ່ນກຳເນີດ ໃນປະເທດ ລາວໄດ້ຊື່ວ່າເປັນເຫັດທີ່ແຊບີ່ສຸດແລະແພງ
ເນື້ອແໜ້ນຣົດຫວານ ມີກີ່ນຫອມ ຫາຍາກ ເກີດຂື້ນເອງຕາມທຳມະຊາດ ໃນຕົ້ນລະດູຝົນ
ດ້ານບົນຂອງໜວກເຫັດມີ ສີນ້ຳຕານລຽບ ເປັນຮ່ອຍຮ່ຽວເລັກໜ້ອຍ ກົ້ນເນື້ອເຫືອ່ຍໜວກ ມີສີຂາວ ນຸ່ມ ແລະໜ່ຽວ ກ້ານຊົງ
ກະບອກ ສີຂາວ ຜີວລຽບຍາວປະມານ 12-20 ຊັງຕິແມັດ

ເຫັດປວກມັກມັກເກີດຂື້ນຕາມຈອມປວກຈື່ງເອີ້ນວ່າ ເຫັດປວກ ມັກພົບໃນປ່າ ປະສົມ ແລະປ່າດົງດີບ ເຫັດປວກເປັນເຫັດທີ່ມີ
ກິ່ນຫອມສະເພາະຕົວ ດັ່ງນັ້ນການ ຫາເຫັດປວກ ຈິ່ງມັກໃຊ້ວິທີດົມກິ່ນ ຍີ່ງຖ້າເປັນຕອນເຊົ້າ ດອກຕູມຂອງເຫັດຈະສົ່ງກິ່ນຫອມແຮງ
ເຫັດປວກສາມາດປຸງອາຫານໄດ້ຫຼາຍປະເພດ ເຊັ່ນ ແກງໃສ່ນ້ຳຢານາງແລະຜັກຕີ້ວ, ໜື້ງຈ້ຳແຈ້ວ ໜາກນາວ,
ຕົ້ມຍຳ, ຍຳເຫັດປວກ ແລະ ອີກຫຼາຍລາຍການ ຕາມແຕ່ລະທ້ອງຖີ່ນ
ສານອາຫານທີ່ສຳຄັນໃນເຫັດປວກ
ອຸດົມໄປດ້ວຍ ໂປຕີນ, ແລະແຮ່ທາດຕ່າງໆຊວ່ຍຈະເລີນອາຫານ,ແລະບຳລຸງຮ່າງກາຍ,ແກ້ບິດ ,ແກ້ປວດຮາກອາຈຽນ ,ແກ້ໄອ
ລະລາຍເສມຫະແລະຍັງຊວ່ຍລົດນ້ຳຕານໃນເລືອດ

ຄັດຈາກໜັງສື ຜັກແລະສຸຂະພາບ

ເຫັດຕັບເຕົ່າ ມີ ໂປຼຕີນ ເປັນແຫຼ່ງຂອງກົດ ອາມີໂນທີ່ຮ່າງກາຍຕ້ອງການນອກຈາກນີ້ຍັງມີວິຕາມິນ ແລະແຮ່ທາດອື່ນໆອີກຫຼາຍຢ່າງ

ຄຸນຄ່າທາງອາຫານ ເຫັດຕັບເຕົ່າ 100 ກຣັມ ໃຫ້ພະລັງງານ 29 ກາໂຣລີ:ປະກອບດ້ວຍ ນ້ຳ92.4 ກຣັມ,ໂປຼຕີນ 2.5 ກັຣມ ,ໄຂມັນ0.1 ກຣັມ,ຄາໂບໄຮເດດ 4.5ກຣັມ ແຄນຊ້ຽມ 13 ມີລີກຣັມ,ຟົດສຟັສ 37 ມິລີກຣັມ,ໄທອະມິນ 0.06 ມິລີກຣັມ,
ໄນອາຊິນ 2.0 ມິລີກຣັມ, ວີຕາມິນ ຊີC 16ມິລີກັຣມ

ສຳລັບຜູ້ທີ່ ມັກກິນໝາກໄມ້ ໝາກ້ຽງ ອາດຈະເປັນໜື່ງ ໃນໝາກໄມ້ ທີ່ມັກທີ່ສຸດ ແຕ່ກ່ອນຈະກິນ ໝາກກ້ຽງກໍ່ຄວນ

ສັງເກດວ່າ ເມື່ອປອກເປືອກ ພົບວ່າມີສີຟ້າ ແກມຂຽວຢູ່ໃຕ້ເປືອກ ໜາກກ້ຽງ ຫຼືຕາມເສັ້ນໄຍ ຂອງຜີວໜາກກ້ຽງ ຫຼືບໍ່

ສານນີ້ເກີດຈາກສານກຳຈັດເຊື້ອລາທີ່ ຜູ້ປູກ ຊີດພົ່ນ ເພືອ່ໃຫ້ ໜາກກ້ຽງມີ ໜວ່ຍງາມ ແຕ່ອາດຈະເປັນຍ້ອນໃຫ້ຫຼາຍເກີນໄປຫຼືການເກັບກ່ອນກຳໜົດ

ຈື່ງເກີດ ເສັ້ນໄຍ ສີຟ້າແກມຂຽວຂື້ນ ແລະຖ້າກິນເຂົ້ົາໄປ ກໍ່ຈະເປັນອັນຕະລາຍເຖີ່ງຊີວິດໄດ້

ຫາກປອກເປືອກໜາກກ້ຽງແລ້ວພົບເສັ້ນໄຍສີຟ້າ ແກມຂຽວກໍ່ບໍຕ້ອງໄປເສຍດາຍ ໃຫ້ຖີ້ມໄປສະ

ສານອາຫານທີ່ສຳຄັນ ຂອງຂີ້ເຫຼັກ

ໃບອ່ອນແລະດອກຕູມຂອງຂີ້ເຫຼັກ ພົບວ່າມີສານຈຳພວກ chromone ທີ່ມີຊື່ວ່າ Barakol ຊື່ງມີລິດ ກົດປະສາດສ່ວນກາງ

ຈະຊວ່ຍໃຫ້ນອນຫຼັບ ແລະເປັນຍາລະບາຍ ມີເບຕ້າແຄໂຣທີນ ມີແຄນຊ້ຽມ ແລະວິຕາມິນ ຊີC ໃນປະລິມານສູງ

ຂີ້ເຫຼັກມີຊື່ວິທະຍາສາດວ່າ Cassia Siamea Lam. ມີຖິ່ນກຳເນີດໃນແຖບອາຊີຕາເວັນອອກສ່ຽງໃຕ້ ຂີ້ເຫຼັກເປັນໄມ້ຢືນຕົ້ນຂະໜາດກາງ ພຸ່ມໃຫ່ຍ ໜາແໜ້ນ ຍອດອອ່ນ ສີນ້ຳຕານອົມຂຽວ ໃບແກ່ມີສີຂຽວເຂັ້ມ ດອກສີເຫຼືອງ ອອກ ຕາມປາຍຍອດເປັນຊໍ່ໃຫ່ຍ ແຕກຍອດແລະ ອອກດອກຫຼາຍໃນຊ່ວງລະດູຝົນ ຕົ້ນຂີ້ເຫຼັກຂື້ນຕາມທົ່ງນາ ຕາມແຄມທາງ ຕາມໜູ່ບ້ານ ທົ່ວທຸກພາກຂອງປະເທດລາວ ເຫັນໄດ້ທົ່ວໄປໃນປະເທດ ສີລັງກາ ແລະ ມາເລເຊຍ
ສ່ວນທີ່ເອົາມາປຸງອາຫານຄື ດອກຕູມ ແລະຍອດອ່ອນ ເຊີ່ງມີລົດ ອອກຂົ່ມ ອ່ອນໆ ດັ່ງນັ້ນກ່ອນນຳມາປະກອບອາຫານ ຕ້ອງຕົ້ມແລ້ວ ເຢັ້ນນ້ຳ ຖີ້ມປະມານສອງ ຫາ ສາມເທື່ອເພືອ່ລົດຄວາມຂົມລົງ ຈາກກໍ່ນຳໄປເຮັດແກງກະທິຂີ້ເລັກ ກັບຊີ້ນປີ້ງຫຼືປາປີ້ງ ຫຼືແກງຂີ້ເຫຼັກໃສ່ນ້ຳຢານາງເປັນຕົ້ນ

ນັກວິໄຈຈາກໂຮງຮຽນແພດ ມະຫາວິທະຍາໄລ ຍູຊີ ແອວເອ ຊື່ດັງຂອງ ສະຫະລັດ ຄົ້ນພົບຈາກການວິໄຈວ່າ: ຫາກດື່ມຊາດຳ ຫຼືຊາຂຽວ ມື້ລະ 3 ຈອກ ເປັນປະຈຳ ຈະຊວ່ຍປັດເປົ່າພະຍາດອຳມະພາດໄດ້.ນັກວິໄຈ

ລາຍງານຜົນການສຶກສາໃນວາລະສານວິຊາການ ຂອງ "ແພດສະມາຄົມ ພະຍາດຫົວໃຈອາເມລິກາ" ສະບັບອອນລາຍແຈ້ງວ່າ ໄດ້ເຮັດການສຶກສາດ້ວຍການສັງເກດການດື່ມຊາລວມ 9 ຫົວຂໍ້ ບຸກຄົນກຸ່ມຕ່າງໆ 195.000 ຄົນ. ສາດສະດາຈານ ເລນຣ ອາຣັລ ອາຈານອາຍຸສາດ,ຫົວໜ້າ ນັກວິໄຈ ລາຍງານວ່າ " ສີ່ງທີ່ເຮົາເຫັນກໍ່ຄືຜົນສະໜ່ຳສະເໝີ ໃນການດື່ມຊາ ມື້ລະ 3 ຈອກ ທຸກມື້ ຈະຊ່ວຍ ຫຼຸດຄວາມສ່ຽງຂອງການເປັນອຳມະພາດໄດ້ເຖີງຮ້ອຍລະ 21% ບໍວ່າຈະເປັນຊາຂຽວຫຼືຊາດຳ" ເພີ່ນຍັງບອກໃຫ້ຮູ້ອີກວ່າ

  ທາງອອກເພື່ອຫຼຸດຄວາມສ່ຽງຂອງການເປັນອຳມະພາດນັ້ນມີໜ້ອຍ ເຖີງແມ່ນວ່າຈະມີການຮັກສາດ້ວຍ ການໃຊ້ຢາ,ກໍ່ຕ້ອງເຮັດຢ່າງຮີບດ່ວນ ເນື່ອງຈາກຄວາມເສຍຫາຍເກີດຂື້ນ ໄວຫຼາຍ ສະນັ້ນຈີ່ງເຮັດໃຫ້ການ

ຄົ້ນພົບນີ້ ຕື່ນເຕັ້ນ ເພາະຖ້າເຮົາພົບເສັ້ນທາງປ້ອງກັນ ຫຼືປ້ອງກັນຖືວ່າເປັນຄວາມກ້າວໜ້າໃຫ່ຍຫຼວງໃນວົງການແພດ

ຄັດຈາກວາລະສານTraget