ຮັກໜົດທຸກຄົນ ເຮົາໄດ້ອ່ານຄຳສອນດີໆຂອງ ຄູບາ

ສະບາຍດີ ເພື່ອນໆພັນລາວທີ່ໜ້າຮັກ ເຮົາໄດ້ອ່ານຂໍ້ຄິດ ດີໆ ຈາກ ຄູບາອົງໜື່ງທີ່ເພີ່ນມັກຈະເທສະນາທຳ ອອນລາຍ  ສົ່ງມາໃຫ້ເປັນປະຈຳ

ເລີຍນຳມາບອກຕໍ່

ອັນທີ່ຈິງແລ້ວ
ການດື່ມເຫລົ້າ ດື່ມເບຍນີ້
ພຣະພຸດທະເຈົ້າ ເພີ່ນບໍ່ໄດ້ຫ້າມໃດ
ເພີ່ນພຽງແຕ່ບອກໃຫ້ເຮົາລະເວັ້ນ (ເວຣະມະນີ)

ແຕ່ຖ້າເວັ້ນບໍ່ໄດ້ ກໍ່ໃຫ້ຄ່ອຍໆລະວັງ
ແລະເພີ່ນຍັງບອກໃຫ້ເຮົາຮູ້ອີກວ່າ
ອັນໃດເປັນໂທດ ອັນໃດເປັນປະໂຫຍດຕໍ່ສຸຂະພາບ
ທ່ານວ່າບໍ່...?

ກິນແລ້ວກໍ່ບໍ່ເຫັນມີຫຍັງດີ
ຊ້ຳບໍ່ຫນຳ ເຂົ້າປາ ອາຫານທີ່ກິນເຂົ້າໄປໃນທ້ອງ
ຍັງຮາກອອກມາຫມົດຊ້ຳ
ແທນທີ່ຈະກິນເພື່ອຫລໍ່ລ້ຽງຮ່າງກາຍ
ກິນເພື່ອການດຳລົງຢູ່ຂອງຊີວິດ
ທ່ານຄິດວ່າແມ່ນຢູ່ບໍ່ລະ..?

ຢ່າຟ້າວເຊື່ອເດ໋
ພະພຸດທະເຈົ້າ ເພີ່ນສອນບໍ່ໃຫ້ເຊື່ອຄົນງ່າຍ
ແຕ່ກ່ອນຈະເຊື່ອນັ້ນ ຕ້ອງເຊື່ອຢ່າງມີເຫດຜົນ
ຈື່ງຈະເປັນປະໂຫຍດແກ່ຕົນ ແລະຄົນອື່ນ
(ເຫດ ຄື ດື່ມນ້ຳເມົາ....ຜົນ ຄື ເສຍເງີນ ແລະເສຍສຸຂະພາບ)

ຂໍອະນຸໂມທະນາ ທີ່ເສຍສະຫລະເວລາອ່ານ
ຈະເລີນພອນ
ຈາກ ຄູບາລາຕຣີ
ທັມມະ ສະບາຍດີ