ຊື່ປຶ້ມ  : ພິເສດອີ່ຫຼີ່ ພາສາລາວ ຂອງຂ້ອຍນີ້ເອີຍ

ຂຽນໂດຍ ເຂີຍ ທ່າເມືອງ

ພະຍັນຊະນະ “ນ- ຫນ”

ນົກນ້ອຍໆ           ນອນແນບໃນໜອງ

ໜອງໃນນາ          ນັກນອນແນນິ້ງ

ນາຍແນໜ້າ         ແນນຳນົກໜຶ່ງ

ໜ້າໜ້ອງເນັ້ນ        ນາຍນ້ອຍນັ່ງແນ

ໜ້ອງແມ່ນຢາພິດທີ່ໝໍພານເອົາທາໃສ່ປາຍລູກໜ້າເພື່ອໃຫ້ສັດທີ່ຖືກຍິງນັ້ນສິ້ນໃຈດ້ວຍພິດນັ້ນ. ກອນທີ ສອງ ທີ່ໃຊ້ ພະຍັນຊະນະ ນ,ໜ ຈະອະທິບາຍເຖິງຄົນຂັບລົດທີ່ພານາຍ ໄປກິນເຫລົ້າຢູ່ເຮືອນຄູ່ຮັກຂອງຕົນ ເມື່ອເຫັນຄວາມໃກ້ ຊິດລະຫວ່າງນາຍແລະຄູ່ຮັກຂອງຕົນ ເປັນໄປຢ່າງເລິກເຊິ່ງລາວຈຶ້ງໄດ້ລະບາຍອອກເປັນຄຳກອນດັ່ງນີ້:

ນວນນາງນ້ອງ        ນັ່ງແນບນຳນາຍ

ແນມນຳນຶກ          ເນົ່າໃນແນນິ້ງ

ນາຍນຳເນັ້ນ         ນົມນາງນຶກໜ່າຍ

ໜີໜ່າຍໜ້າ          ນາຍເນັ້ນເໜົ່າໃນ

ເໜົ່າໃນ= ເຈັບໃຈ