ເຈົ້າກຳລັງຫລົງຮັກໃຜຢູ່ຫລືບໍ ?

ເປັນຄຳຖາມທີ່ຕອບໄດ້ຍາກສຳລັບ ບາງຄົນ ຂະນະທີ່ຫລາຍຄົນກໍ່ຕອບໄດ້ຍາກແມ່ນບໍ? ເພາະບໍ່ຮູ້ຫົວໃຈຂອງໂຕເອງເລີຍ! ກໍ່ຄືວ່າຫັ້ນແຫລະ ເລື່ອງບາງເລືອ່ງມັນຍັງຄົງສັບສົນວຸ້ນວາຍ ຈົນຫາຄຳຕອບບໍ່ໄດ້. ແຕ່ເອົາເຖາະ ເຮົາລອງມາເບີ່ງພຶດຕິກຳກັນເບິ່ງກໍໄດ້ ເຂົາເວົ້າກັນວ່າຄົນທີ່ກຳລັງລັກມັກໃຜຢູ່ ຈະມີອາການດັ່ງຕໍ່ໄປນີ້:

1.   ກະວົນກະວາຍ ຄິດເຖິງໃຜບາງຄົນ ບໍ່ວ່າເຂົາຄົນນັ້ນຈະເປັນຄົນທີ່ເຈົ້າຮູ້ຈັກພຽງຂ້າງດຽວ ຫຼືທັງເຈົ້າແລະເຂົາຕ່າງກໍ່ຮູ້ຈັກກັນ ເຊັ່ນ: ເພື່ອນຮ່ວມຫ້ອງຮຽນ ຄົນໃນໂຮງຮຽນ ເພື່ອນຮ່ວມງານ ເພື່ອນບ້ານດຽວກັນ ໆລໆ … ຖ້າຄິດເຖີງມື້ລະຫລາຍໆເທື່ອ ຄົງບໍ່ຕ້ອງບອກເດີວ່າເຈົ້າກຳລັງຕົກຂຸມຮັກ ເຂົາເຂົ້າແລ້ວ

2.   ຢາກເຫັນເລື້ອຍໆ ຖ້າເປັນໄປໄດ້ຄົງຢາກເຫັນທຸກມື້ເລີຍແຫລະ ….ຮັ່ນແນ່ ລັກເບີ່ງເຂົາຢູ່ເລື້ອຍໆແມ່ນບໍລະ

3.   ຢາກເວົ້າຢາກລົມນຳ ພຽງໄດ້ທັກທາຍ ຫຼືເວົ້າລົມກັນຈັກປະໂຫຍກ ແລ້ວຈະຮູ້ສຶກສຸກໃຈ ສະບາຍໃຈ ຍີ້ມເປີ້ຍໆໄປໝົດມື້ເລີຍ ແມ່ນບໍ່ລະ

4.   ມັກເວົ້າເຖິງເຂົາໃຫ້ໝູ່ເພື່ອນຫຼືຄົນສະໜິດຟັງ ພຽງຮູ້ເຖິງຄວາມເປັນໄປຂອງເຂົາເລັກນ້ອຍໆເຈົ້າກໍ່ມັກຈະໄປ ເລົ່າໃຫ້ຫມູ່ເພື່ອນຟັງດ້ວຍອາການຕື່ນເຕັ້ນທຸກເທື່ອ

5.   ມັກຟັງເພງຮັກ, ຢາກເບີງໜັງ love ບໍ່ຮູ້ເປັນຫຍັງຍິ່ງຟັງຍີ່ງມັກ ຍີ່ງເບີ່ງຍີ່ງຍີ້ມ ແນ່ …. ມັນເຂົ້າກັບສະຖານະການ ແມ່ນບໍ່ລະ 5555

ວາລະສານ ມະຫາຊົນ