ເຕືອນ: ຊາ​ນົມ​ເຢັນ-ກາ​ເຟນົມ​ເຢັນ ​ເຮັດ​ໃຫ້​ມີຫນ້າ​ທ້ອງ​ໃຫຍ່  (ກັບມາແຕ່ຫັນງສືພິມ ບໍ່ຈື່ວ່າສະບັບໃດ)

ນັກວິຊາການຈາກ​ປະ​ເທດ​ເຢຍລະ​ມັນ ​ໄດ້​ອອກ​ມາ​ເຕືອນ​ວ່າ​ຈຳພວກ​ຊາ​ໄຂ່​ມຸກ,ຊາ​ນົມ​ເຢັນ,ກາ​ເຟນົມ​ເຢັນ ​ເປັນ​ອີກ​ປັດ​ໄຈ ໜຶ່ງ​ທີ່​ເຮັດ​ໃຫ້​ຕຸ້ຍ​ໂດຍ​ສະ​ເພາະ​ຫນຸ່ມ​ສາວ​ນິຍົມ​ດື່ມ​ກັນ,ຫລາຍ​ບາງ​ຄົນ​ວັນ​ລະ 3 ຈອກ​ກໍ່​ມີ​ການ​ສຳ​ຫລວດ​ຫາ​ຂໍ້​ມູນ​ທີ່​ແຈ່ມ​ແຈ້ງຂໍ​ແນະນຳ​ໃຫ້​ຫລີກ​ເວັ້ນ ຫລຸດ​ການ​ດື່ມ ຊາ​ນົມ​ເຢັນ,ຊາ​ຂຽວ​ສີ​ເຂັ້ມໆ ​ເພາະ​ຄາດ​ວ່າ​ຈະ​ເປັນ ຊາ​ຂຽວ​ໃສ່​ສີ​ອາດ​ເປັນອັນ ຕະລາຍ​ຕໍ່​ຮ່າງ​ກາຍ.

      ວິທີ​ປ້ອງ​ກັນ​ຄື​ດື່ມ​ໃຫ້​ຫນ້ອຍ​ລົງ ບໍ່​ຄວນ​ດື່ມ​ໃຫ້​ຫນ້ອຍ​ລົງ ບໍ່​ຄວນ​ດື່ມ​ຕິດ​ກັນ​ເປັນ​ເວລາ​ດົນໆ ​ເພາະ​ເຄື່ອງ​ດື່ມ​ປະ​ເພດ​ນີ້​ມີ​ຄວາມ​ຫວານ​ຫລາຍ​ມີ​ທັງ​ນົມ ມີ​ທັງ​ນ້ຳຕານ ​ແລະ​ອື່ນໆ​ທີ່​ສຳຄັນ​ເດັກ​ອາຍຸ​ຕໍ່າ​ກວ່າ 4 ປີ​ບໍ່​ຄວນ​ໃຫ້​ດື່ມ​ເດັດຂາດ ​ໂດຍ​ສະ​ເພາະ​ຊາ​ໄຂ່​ມຸກ ​ເພາະ​ຫລາຍ​ຄົນ​ຄິດ​ວ່າ​ບໍ່​ເປັນ​ອັນຕະລາຍ​ແຕ່​ຊາ​ໄຂ່​ມຸກ​ທີ່​ເຮັດ​ຈາກ​ແປ້ງ​ມັນ​ຕົ້ນ​ຈະ​ມີ​ຄວາມ​ຫນຽວ​ຫລາຍ​ການ​ດູດ​ໂດຍ​ໃສ່​ທໍ່ດູດ​ໃຫຍ່​ເດັກນ້ອຍ​ອາດ​ດູດ​ແຮງ​ຈົນ​ຄາ​ຄໍ​ກໍ່​ເປັນ​ໄດ້.

      ຈາກ​ການ​ສອບ​ຖາມ​ຄົນ​ທີ່​ຫລຸດ​ນ້ຳໜັກ​ຕົວ​ພົບ​ວ່າ​ຄົນ​ທີ່​ມີ​ນ້ຳໜັກ​ຕົວ​ຫລາຍຈະມັກດື່ມກາເຟນົມເຢັນ ວັນລະ 3 ຈອກ

ນອກຈາກ​ເລື່ອງ​ຄ່າ​ໃຊ້​ຈ່າຍ​ແລ້ວ​ຍັງ​ເຮັດ​ໃຫ້​ນ້ຳຫນັກ​ເພີ່ມ​ຫລາຍ​ຂຶ້ນ ຜູ້​ຊ່ຽວຊານ​ແນະນຳ​ໃຫ້​ດື່ມ​ວັນ​ລະ1 ຈອກ ປະກົດ​ວ່າ ນ້ຳໜັກ​ຕົວ​ຫລຸດ​ລົງ 5 ກິ​ໂລກຣາມ ​ໃນ 1 ​ເດືອນ ​ແລະ​ຍັງ​ປະ​ຫຍັດ​ເງິນ​ນຳ​ອີກ ດັ່ງ​ນັ້ນ​ຜູ້​ຊ່ຽວຊານ​ຈິ່ງ​ຢາກ​ໃຫ້​ທຸກ​ທ່ານຄຳ​ນຶງ​ເຖິງ​ຄ່າ​ໃຊ້​ຈ່າຍ ​ແລະ​ພາວະ​ນ້ຳໜັກ​ເກີນ​ ດ້ວຍ​ເຫດ​ນີ້​ນັກວິ​ໄຈ​ກຳລັງ​ຈະ​ທຳ​ການ​ສຳ​ຫລວດ​ການ​ບໍ​ລິ​ໂພ​ກກາ​ເຟວ່າ​ມີ​ຄວາມ​ສຳພັນ​ກັບ​ພາວ​ະນ້ຳຫນັກ​ໂຕ​ເກີນ ຂອງ​ຄົນ​ຫລື ບໍ່.

      ​ໃຜ​ທີ່​ຮູ້​ຕົວ​ວ່າ​ດື່ມ​ວັນ​ລະ​ຫລາຍ​ຈອກ​ຄວນ​ຫລຸດ​ປະລິມານ​ລົງ ​ເພາະວ່າ​ເຄື່ອງ​ດື່ມ​ປະ​ເພດ​ນີ້​ຈະ​ມີ​ທັງ​ຄວາມ​ຫວານ ​ແລະ​ຄວາມ​ມັນ​ສູງ ຄວນ​ຈະ​ຫັນ​ມາ​ດື່ມ​ນ້ຳ​ສະອາດ​ແທນດີກ​ວ່າ ຮ່າງກາຍ​ຈະ​ໄດ້​ຫ່າງ​ໄກ​ຈາກ​ພະຍາດ​ຕ່າງໆ​ທີ່​ຈະ​ຕາມ​ມາ​ກັບ ຄວາມ​ຕຸ້ຍ​ຂອງ​ຮ່າງກາຍ​ທ່ານ.