ການ​ໃຫ້​ອະ​ໄພ​ຄື​ໄຊຊະນະ​ຂອງ​ຜູ້​ມີ​ປັນຍາ,

ຍອມ​ກັນ​ແນ່​ກໍ່​ເປັນຄວາມ​ສຸກອີກ​ຢ່າງ​ໜຶ່ງ​ການ​ປານີ​ປານ​ອມອາດ​ໝາຍ​ເຖິງ​ໄຊຊະນະ​ອັນ​ຍິງ​ໃຫຍ່​ຄື ການ​ໃຫ້​ອະ​ໄພ,ການ​ໃຫ້​ອະ​ໄພ ​ເບີ່​ງຄື​ວ່າ​ເຮົາ​ຍອມ,ບໍ່​ໃສ່​ໃຈ,ບໍ່​ເອົາ​ເລື່ອງ​ແລ້ວ​ເຂົາ​ຈະ​ກຳ​ເລີບ​ເຕີບ​ສານ.ສວ່ນ​ເຮົາ​ເສຍປຽບ.

      ຕາມ​ຄວາມ​ເປັນ​ຈິງ​ແລ້ວ,ບໍ່​ເປັນ​ເຊັ່ນ​ນັ້ນ​ມັນ​ເປັນ​ໄລຍະ​ທີ່​ເຮົາ​ກຳລັງ​ບຳ​ເພັນ​ບາ​ລະ​ມີ​ຄື:”ອະ​ໄພ​ຍະ​ທານ” ອັນ​ເປັນ ທານ​ທີ່​ມີ​ບາ​ລະ​ມີ​ທີ່​ສູງ​ສົ່ງ.ຜົນ​ຂ​ອງການ​ບໍ່​ໃຫ້​ອະ​ໄພ​ກໍ່​ເໜືອນກັບ​ການ​ຜູກ​ສີ່​ງທີ່​ເຮົາ​ບໍ່​ມັກ​ໄວ້​ກັບ​ຕົນ​ເອງ​ຕະຫລອດ,ຄ້າຍ​ກັບ​ການ​ຜູກ​ເວນ​ຈອງ​ເວນ​ບໍ່​ມີ​ທີ່​ສິ້ນ​ສຸດ.

      ການ​ໃຫ້​ອະ​ໄພ​ເປັນ​ການ​ຝຶກ​ຈິດ​ໃຈ,ອົບຮົມ​ຈິດ,​ເປັນ​ການ​ຊຳລະ​ໃຈ​ເປັນ​ການ​ຍຸຕິ​ບັນຫາ​ຕ່າງໆ ​ເປັນ​ການສະ​ແດງ​ກຳລັງ​ໃຈ​ທີ່​ຍິ່ງ​ໃຫຍ່​ບໍ່​ແມ່ນ​ການ​ເສຍຫນ້າ​ຫລື​ບໍ່​ແມ່ນ​ການ​ໄດ້​ປຽບ​ເສຍປຽບ​ແຕ່​ເປັນ​ການ​ຊຳລະ​ລ້າງ​ສີ່​ງທີ່​ບໍ່​ດີ​ອອກ​ຈາກ​ໃຈ​ເຫມືອນ​ການ​ລ້າງ​ພາຊະນະ​ທີ່​ສົກກະປົກ.

      ການ​ໃຫ້​ອະ​ໄພ,​ເວົ້າ​ງ່າຍ​ແຕ່​ເຮັດ​ຍາກ​ເຖິງ​ແມ່ນ​ຈະ​ຍາກ​ເພາະ​ໃຈ​ບໍ່​ຢາກ​ເຮັດ​ກໍ່​ຕ້ອງ​ຝືນ​ໃຈ​ເພາະ​ຄວາມ​ເມດ​ຕາ​ແລະ​ການ​ໃຫ້​ອະ​ໄພ​ເປັນ​ຄຸນ​ປະ​ໂຫຍ​ດ​ແກ່​ພວກ​ເຮົາ​ເປັນຄວາມ​ສຸກ​ຮົ່ມ​ເຢັນ​ຂອງ​ພວກ​ເຮົາ​ເອງ,ບໍ່​ແມ່ນ​ຂອງ​ຄົນ​ອື່ນ ສະ​ນັ້ນ​ການ​ໃຫ້ ອະ​ໄພ​ຈຶ່ງ​ເປັນ​ໄຊຊະນະ​ຂອງ​ຜູ້​ມີ​ປັນຍາ

ທີ່ມາ ໜັງສືພິມແຮງງານ