ຕິດຕັ້ງເຈັດປ່ອງຢ້ຽມ (Windows 7) ຜ່ານ USB Flash Drive.

ບໍ່ໄດ້ຂຽນຕັ້ງດົນ... ມາມື້ນີ້ເກີດປ່ວງບ້າກະເລີຍຊອກໆແນວມາຂຽນເບິ່ງ ເພື່ອວ່າບາງທີອາດຈະເປັນຄວາມຮູ້ເພີ່ມເຕີມສຳລັບບາງຄົນ.
ບໍ່ຢາກຝອຍຫຼາຍ ມາເລີ່ມກັນເລີຍເນາະ.

ອຸປະກອນ:
1. USB Flash Drive ຢ່າງໜ້ອຍ 4 GB.
2. ແຜ່ນຕິດຕັ້ງເຈັດປ່ອງຢ້ຽມ (Windows 7).
3. ເຄື່ອງຄອມພິວເຕີຣ໌ທີ່ BIOS ສາມາດບູຕຜ່ານ USB Flash Drive ໄດ້.

ໝາຍເຫດ: ຕອນເຮັດນີ້ ຂະນ້ອຍໃຊ້ເຈັດປ່ອງຢ້ຽມຢູ່.

ເຮັດ:

1. ປ່ອນແຜ່ນເຈັດປ່ອງຢ້ຽມເຂົ້າໄປ, ສຽບ USB Flash Drive (ຈຶ໊ກ)ເຂົ້າໄປນຳ (ຕອນນີ້ກຳລັງບ້າ Gaia Memory ແຮງ ກະເລີຍມີໄອຄອນ Fang ຮ່າໆໆໆ).

2. ຄລິກ Start>All Programs>Accessories (ຂອງຂະນ້ອຍປ່ຽນຊື່ແລ້ວ ຮ່າໆໆໆ!)>ຄລິກຂວາຢູ່ Command Prompt ເລືອກ Run as administrator.

3. ຢູ່ທີ່ Command Prompt ພິມ DISKPART

   ຫຼັງຈາກນັ້ນພິມ LIST DISK ເພື່ອເບິ່ງວ່າ USB Flash Drive ຢູ່ Disk ໃດນັ້ນເອງ (ຂອງຂະນ້ອຍຢູ່ Disk 6).

4. ພິມ SELECT DISK 6 (ເລືອກເປົ້າໝາຍ)
    CLEAN (ເຮັດໃຫ້ຄວາມຈຳເສື່ອມ)
    CREATE PARTITION PRIMARY (ສ້າງ Partition ເປັນແບບ Primary ຫຼືເປັນເດັກນ້ອຍປະຖົມ)

5. SELECT PARTITION 1
   ACTIVE (ເຮັດໃຫ້ບູຕໄດ້)
   FORMAT FS=NTFS (Format ໃຫ້ເປັນແບບ NTFS ນອນຖ້າເລີຍພີ່ນ້ອງ)

6. ASSIGN
   EXIT(ແຕ່ຢ່າຟ້າວປິດ Command Prompt ເທື່ອ)

7. ພິມ H: (ຍ້ອນ DVD Drive ຂອງຂະນ້ອຍເປັນ H)
   CD BOOT
   ພິມ BOOTSECT.EXE /NT60 M: ເພື່ອສ້າງ Bootcode ໄປໄວ້ໃນ USB Flash Drive (ຂອງຂະນ້ອຍເປັນ M: ແຕ່ກ່ອນໜ້ານັ້ນເປັນ N: ງົງເລີຍ) ພໍແລ້ວໆກໍ່ບອກເລີກ Command Prompt ໄປໄດ້ເລີຍ.

8. Copy ຂໍ້ມູນທັງໝົດທີ່ຢູ່ໃນແຜ່ນເຈັດປ່ອງຢ້ຽມໄປໄວ້ໃນ USB Flash Drive (ຈົບ)

ເທົ່ານີ້ເຮົາກໍ່ຈະໄດ້ເຈັດປ່ອງຢ້ຽມທີ່ສາມາດຕິດຕັ້ງຜ່ານ USB Flash Drive ໄດ້ແລ້ວ (ຕັ້ງຜ່ານ USB Flash Drive ນີ້ໄວພີລຶກເລີຍ)

ມາແບບປ່ວງສຸດໆ...

Gundamania OO

ອັນນີ້ຖ້າບຸກຄົນໃດຍັງບໍ່ຄ່ອຍຈະເຈົ້າໃຈແລ້ວກໍ່... ແນະນຳໃຫ້ຊອກເລື່ອງ Gundam OO ມາເບິ່ງກ່ອນກະໄດ້ເດິ. (-_^)

ມາປ່ວງອີກເປັນຮອບທີ່ສາມແລ້ວພີ່ນ້ອງ

ບໍ່ວ່າຫຼາຍ ເຊີນຮັບອ່ານ+ຊົມໄດ້ເລີຍ...

Strange Hero in Suparobo World

ປລ.ຖ້າທ່ານໃດທີ່ຄ່ອຍເຂົ້າໃຈ ສາມາດອ່ານຍ້ອນຫຍັງໄດ້ທີ່ "ບົດແປເນື້ອເລື່ອງ SRW ສາຍຣິວເຊຍ໌"ຂອງຂ້າພະເຈົ້າໄດ້.

ຫ່າງຫາຍຈາກການຂຽນໄດອາຣີ່ໄປດົນ...

ມື້ນີ້ຄິດຮອດ ກະເລີຍມາປ່ວງອີກເທື່ອໜຶ່ງ

ເຊີນຮັບຊົມໄດ້ເລີຍ...

SRW - Secret Battle Underground

ປລ. ຄົນທີ່ຮູ້ເລື່ອງ SRW (Super Robot Wars) ຈະເຂົ້າໃຈດີກວ່າ.

ຕົ້ນກຳເນີດ Video Game (ຫຼື Console Game)

ປະຈຸບັນນີ້ Console Game ພັດທະນາໄປໄກຫຼາຍຖ້ານັບຈາກຈຸດເລີ່ມຕົ້ນຂອງມັນ. ທ່ານຮູ້ຫຼືບໍ່ວ່າ ເກມທີ່ທ່ານຕໍ່ໂທລະພາບຫຼິ້ນນຳກັນຢູ່ເປັນຍຸກທີ່ເທົ່າໃດ?
ບົດນີ້ ຂ້າພະເຈົ້າຈະນຳເອົາຄວາມຮູ້ເລັກໆນ້ອຍໆມາຝາກບັນດາທ່ານທີ່ຫຼິ້ນເກມທັງຫຼາຍ.
ເຄື່ອງຫຼິ້ນວິດີໂອເກມ (VDO Game Console) ແມ່ນເຄື່ອງໃຊ້ໄຟຟ້າທີ່ໃຊ້ໃນການຫຼິ້ນເກມ ໂດຍສະແດງພາບຜ່ານທາງໜ້າຈໍພາຍໃນເຄື່ອງໂທລະທັດ

ເຊິ່ງແບ່ງເປັນ: ເຄື່ອງຫຼິ້ນເກມຄອນໂຊລ ເປັນເຄື່ອງທີ່ມີໄວ້ຫຼິ້ນພາຍໃນບ້ານເຮືອນ ແລະເຄື່ອງເກມພົກພາ ຫຼືມັກເອີ້ນວ່າເຄື່ອງເກມມືຖື.

Zero Generation
ຖ້າເວົ້າເຖິງ”ກຳເນີດ”… ຕ້ອງມີຄຳຖາມອີກວ່າ”ແມ່ນຫຍັງຄືຈຸດເລີ່ມຕົ້ນ?”
ຄວາມຈິງແລ້ວມັນກໍ່ບໍ່ແມ່ນເຄື່ອງເກມໂດຍກົງດອກ ມັນເປັນອຸປະກອນໃນຫ້ອງວິໄຈແຫ່ງ໑ ໃນໂຄງການ Manhattan Project…
ໃນວັນທີ່ ໑໘ ຕຸລາ ໑໙໕໘ ດ້ວຍຄວາມຫວ້າງວຽກ ນັກວິທະຍາສາດຟີຊິກ ນຳໂດຍ William Higinbotham ກໍ່ນຳເອົາອອສຊິລໂລສໂຄປ (Oscilloscope) ມານັ່ງຫຼິ້ນເທນນິສນຳກັນ.


Tennis The First game of the world

First Generation
Magnavox Odyssey • Pong • Coleco Telstar

ຕໍ່ມາໃນຍຸກ ໕໐ ວິດີໂອເກມກໍ່ເຂົ້າສູ່ຍຸກເລີ່ມຕົ້ນໃນຮູບແບບເກມຄອມພິວເຕີຣ໌ ເລີ່ມຕົ້ນອອກມາສູ່ສາຍຕາປະຊາຊົນ. ສະໄໝນັ້ນຈໍພາບຍັງເປັນແບບ Vector Display ບໍ່ຕ່າງກັບເກມເທນນິສປານໃດ. ເວລາຜ່ານມາເລື້ອຍໆຈົນມາເຖິງປີ ໑໙໗໒ ບໍລິສັດ Magnavox ເຜີຍໂສມໜ້າເຄື່ອງຫຼິ້ນເກມໂຕທຳອິດ ຊື່ວ່າ Magnavox Odyssey ດ້ວຍສີມືຂອງ Ralph H. Baer ແລະຄົນຮ່ວມທີມ.


Ralph H. Baer

Magnavox Odyssey ຖືວ່າປະສົບຄວາມສຳເລັດແຕ່ບໍ່ດົນປານໃດ, ຈົນໃນທີ່ສຸດ Atari ກໍ່ສ້າງເກມ Pong ຂຶ້ນມາ, Pong ເປັນເກມທີ່ນິຍົມຫຼາຍທີ່ສຸດໃນຍຸກນັ້ນເລີຍກໍ່ວ່າໄດ້…

ໃນປີ ໑໙໗໕ Magnavox ຂໍຊື້ Pong ແຕ່ Atari ບໍ່ຂາຍ, ຈຶ່ງເຮັດໃຫ້ອັດຕາການຜະລິດຄ່ອຍໆຫຼຸດລົງໄປ. ຕໍ່ມາບໍ່ດົນ Odyssey 100 ກໍ່ອອກມາ ແລ້ວກໍ່ຕິດຕາມມາດ້ວຍ Odyssey 200 ພັດທະນາໃນເລື່ອງ multi-palyers ຫຼິ້ນໄດ້ເຖິງ ໔ ຄົນ ແລະເພີ່ມເກມ Smash ແຖມໄປນຳ ເຮັດໃຫ້ຕະຫຼາດເລີ່ມຕ້ອງການເຄື່ອງຫຼິ້ນເກມຫຼາຍຂຶ້ນ.

Second Generation
Fairchild Channel F • RCA Studio II • Atari 2600 • Odyssey² • Intellivision • Arcadia 2001 • Atari 5200 • ColecoVision • Vectrex • Bally Astrocade

ບໍລິສັດ Fairchild (ບໍ່ແມ່ນ FarCry) ໄດ້ປ່ອຍ Fairchild Video Entertainment System (VES) ໃນປີ ໑໙໗໖ ບໍ່ດົນເທົ່າໃດ RCA ກັບ Atari ກໍ່ຕິດຕາມມາເປັນຄູ່ແຂ່ງຂັນທີ່ເປັນຕາຢ້ານໃນຍຸກນັ້ນນຳກົ້ນກັນມາ.

Fairchild (VES)

ການຄ້າບໍ່ໄດ້ດີປານໃດສຳຫຼັບ Fairchild ກັບ RCA ໃນປີ ໑໙໗໗ ທັງ໒ຄ້າຍລົ້ມເຫຼວບໍ່ເປັນທ່າ, ເຮັດໃຫ້ສະໜາມແຂ່ງຂັນຄັ້ງນີ້ ເຫຼືອພຽງແຕ່ Atari ກັບ Magnavox.

ຕໍ່ມາໃນປີ ໑໙໘໐ Atari ກໍ່ດັງອີກຄັ້ງ ເມື່ອປະສົບຄວາມສຳເລັດກັບ Space Invaders ແຕ່ກໍ່ບໍ່ແມ່ນວ່າຈະສະເໝີໄປ ເມື່ອໃນປີ ໑໙໘໓ ເຄື່ອງຫຼິ້ນເກມຖືກຄອມພິວເຕີມາແທນບ່ອນ… ດ້ວຍປະໂຫຍດທີ່ມະຫາສານຫຼາຍກວ່າຫຼິ້ນເກມ ເຮັດໃຫ້ Atari ແລະຄ້າຍອື່ນໆຕ້ອງສະດຸດທັນທີ.

“ຈະພາກັນຊື້ໄປເຮັດຫຍັງ ຖ້າເອົາໄວ້ພຽງແຕ່ຫຼິ້ນເກມ!?”

Third Generation
Nintendo Entertainment System • Sega Master System • Atari 7800

ຍຸກນີ້ນັບວ່າຫຼາຍທ່ານໃນບ່ອນນີ້ໜ້າຈະເກີດທັນ… ຢູ່ລ້າໆກໍ່ມີບໍລິສັດຍີ່ປຸ່ນມາເປັນເຈົ້າແຫ່ງວົງການ ຄົງນຶກເຖິງໃຜບໍ່ໄດ້ ນອກຈາກ Nintendo ເຈົ້າດຽວເທົ່ານັ້ນ ປ່ອຍ Famicom ອອກມາພ້ອມເທັກໂນໂລຢີໃໝ່ພາຍໃນນັ້ນກໍ່ແມ່ນ ຮອງຮັບລະບົບພາບ Sprites ຄວາມລະອຽດສູງ ແລະພື້ນຫຼັງແບບ Tiled ໄດ້.

ການພັດທະນາເປັນໄປຢ່າງຕໍ່ເນື່ອງ ຈົນເຂົ້າສູ່ ໑໙໘໕ Famicom ບຸກຕະຫຼາດໃນ USA ໃນຊື່ວ່າ NES (Nintendo Entertainment System) ພ້ອມກັບເກມ Super Mario Brothers, ຕິດຕາມມາດ້ວຍຂອງຫຼິ້ນທີ່ບໍ່ຄືເພິ່ນຄືທ່ານ ນັ້ນແມ່ນ ປືນ (Light-Gun ຫຼື Zapper) ແລະຫຸ່ນຍົນ R.O.B (Robotic Operating Buddy)

R.O.B ມາໃນຊຸດ NES

ສ່ວນໃນລາວນັ້ນບໍ່ຕ້ອງເວົ້າຮອດ ມັກເຫັນແຕ່ Family FR202 ທີ່ປະຈຸບັນກໍ່ຍັງມີຂາຍຢູ່.

Fourth Generation
TurboGrafx-16 (PC Engine) • Sega Genesis/Mega Drive • Neo Geo • Super Nintendo Entertainment System • CD-i

ເຂົ້າສູ່ຍຸກຮຸ່ງເຮືອງຂອງເຄື່ອງຫຼິ້ນເກມ ເມື່ອຄ່າຍເກມໃນຍີ່ປຸ່ນອີກຄ້າຍ໑ກຳລັງມາແຮງເຊັ່ນ SEGA ນຳພາ Mega Drive ລົງຕະຫຼາດທີ່ຍີ່ປຸ່ນ ໃນວັນທີ່ ໒໙ ຕຸລາ ໑໙໘໘

ແລ້ວຍົກກັນໄປລົງຢູ່ USA ໃນປີ ໑໙໙໐ ເປັນຊ່ວງເວລາກ່ອນໜ້າ Nintendo ຈະປ່ອຍ SNES (Super Nintendo Entertainment System)… ນັບວ່າເປັນຍຸກທຳອິດທີ່ໃຊ້ CD-ROM ສຳຫຼັບເຄື່ອງຫຼິ້ນເກມ ແຕ່ Nintendo ຍັງໃຊ້ກະແຊັດຢູ່…

Mega Drive ຫຼື Genesis

ຄູ່ແຂ່ງຕິດຕາມາເລື້ອຍໆສຳຫຼັບການແຂ່ງຂັນໃນຍຸກທີ່໔ ເມື່ອມີ NEC's TurboGrafx-16 ແລະ SNK Playmore's Neo Geo ມາທ້າປະລອງ.

Fifth Generation
3DO • Atari Jaguar • Sega Saturn • PlayStation • Nintendo 64

ໃນຊ່ວງທຳອິດ Atari Jaguar ກັບ 3DO ແລ່ນແຊງໜ້າ Nintendo ກັບ SEGA ເກືອບບໍ່ເຫັນສົ້ນເລີຍ. ເມື່ອປະສົບຜົນສຳເລັດໃນການສະແດງຜົນແບບ ໓ມິຕິເຕັມຮູບແບບ, ທຸກຄ້າຍຕ່າງກໍ່ພາກັນໃຊ້ແຜ່ນ CD-ROM ບັນຈຸເກມດ້ວຍເຫດຜົນທີ່ວ່າ CD-ROM ມີພື້ນທີ່ສຳຫຼັບຂໍ້ມູນມາກມາຍໃນຍຸກນັ້ນ (DVD ແພງຫຼາຍ ຫຼາຍກວ່າລາຄາ Blue-ray ກັບ HDDVD ຕອນນີ້ເລີຍ)… ແຕ່ Nintendo ກັບ SEGA ກໍ່ບໍ່ຍອມເສຍ, ສຳຫຼັບ Nintendo ອອກເຄື່ອງໃໝ່ຊື່ວ່າ Nintendo 64 ມາລົງສະໜາມເຊັ່ນກັນ ພ້ອມກັບເກມ Donkey Kong Country ກັບ Star Fox, ສ່ວນ SEGA ກໍ່ປ່ອຍ Saturn ອອກມາດ້ວຍລະບົບ Virtua Processor ເກມທີ່ອອກສ່ວນຫຼາຍຈຶ່ງໃຊ້ຊື່ວ່າ Virtua ຂຶ້ນຕົ້ນສະເໝີ (ເຊັ່ນ: Virtua ON, Virtua Cop, Virtua Fighter ແລະ Virtua Racing ເປັນຕົ້ນ)… ແຕ່ທີ່ດັງທີ່ສຸດໃນຍຸກພັດກາຍເປັນຄ້າຍທີ່ບໍ່ເຄີຍສ້າງເກມມາກ່ອນໜ້ານີ້ເລີຍ Sony ເຮັດໃຫ້ວົງການສັ່ນສະເທືອນດ້ວຍເຄື່ອງ Playstation ອອກມາໄດ້ແຮງແຊງທຸກມູມໂຄ້ງ ລວມທັງໃນປະເທດລາວນຳ.


Sony's Playstation (PS1 ຫຼື PSX)

Sixth Generation
Dreamcast • PlayStation 2 • Nintendo GameCube • Xbox

ການແຂ່ງຂັນກຳລັງດຸເດືອດ… ເຫຼືອຜູ້ລອດຊີວິດພຽງແຕ່ ໔ ລາຍເທົ່ານັ້ນ, ນັ້ນກໍ່ແມ່ນ SEGA, Sony, Nintendo ແລະຜູ້ແຂ່ງຂັນໃໝ່ Microsoft. ເຫັນຊື່ Microsoft ກໍ່ຄິດໄປເຖິງເລື່ອງ "Pirates of Silicon Valley" ຖາມວ່າ: “ແລ້ວ Apple ບໍ່ອອກເຄື່ອງຫຼິ້ນເກມນຳແດ່ເບາະ?” ມີ ແຕ່ບໍ່ປະສົບຄວາມສຳເລັດ.


Apple's Pippin

໙ ກັນຍາ ໑໙໙໙ ເຄື່ອງ Dreamcast ຈາກຄ້າຍ SEGA ລົງຕະຫຼາດຢູ່ North America ... “ມັນເຂົ້າລາວແດ່ບໍ່?” ຄວາມຈິງແລ້ວມັນເຂົ້າ ແຕ່ວ່າມັນໃຊ້ແຜ່ນ GD-ROM ຈະ Copy ຂາຍມັນເປັນເລື່ອງຍາກ ຍາກຫຼ໊າຍຫຼາຍເລີຍແຫຼະ ປະຈຸບັນກໍ່ຍັງມີຢູ່ ແຕ່ມັນມີຢູ່ໃນຕູ້ເກມ ຕູ້ທີ່ໃຊ້ເຄື່ອງ Chihilo (ເຊັ່ນ: Ghost Squad, House of Dead 3 ແລະ Virtua Cop 3)
໒໖ ຕຸລາ ໓໐໐໐ 2000 Sony ປ່ອຍ Playstation 2 ສູ່ຕະຫຼາດ North America ເຮັດໃຫ້ເປັນທີ່ອຶກກະທຶກກັນຫຼາຍ ນັບວ່າປະສົບຄວາມສຳເລັດ Combo ເລີຍກໍ່ວ່າໄດ້ ທັງ PS1 ແລະ PS2… ໃນລາວກໍ່ໂດ່ງດັງຫຼາຍ ຍ້ອນວ່າໃຊ້ DVD ຈະ Copy ກໍ່ງ່າຍໆແມ່ນບໍ່… ສຳຫຼັບ Nintendo GameCube ຈະບໍ່ຄ່ອຍມີລາຍລະອຽດຫຼາຍປານໃດ ຮູ້ແຕ່ວ່າ ວາງຕະຫຼາດໃນວັນທີ່ ໒໔ ກັນຍາ ໒໐໐໑ ໃນປະເທດຍີ່ປຸ່ນ ແລະເກມທີ່ຂາຍດີທີ່ສຸດແມ່ນ Super Smash Bros. Melee (2001-09-14) ແລະສຸດທ້າຍໃນຍຸກທີ່ ໖ ແມ່ນ Microsoft's Xbox ວາງຕະຫຼາດຄັ້ງທຳອິດໃນວັນທີ່ ໑໕ ພະຈິກ ໒໐໐໑ ຖາມວ່າ “ໃຊ້ແຜ່ນ DVD ຄືກັນກັບ PS2 ແຕ່ເປັນຫຍັງມັນຂາຍດີສູ້ບໍ່ໄດ້?... ເຫດຜົນດຽວຂອງ Xbox ແລະເປັນບັນຫາໃຫຍ່ທີ່ສຸດແມ່ນ ໄຟແດງມໍລະນະ ທີ່ນັກຫຼິ້ນເກມທັງຫຼາຍຮູ້ຈັກກັນດີ.

Seventh Generation
PlayStation 3 • Wii • Xbox 360

ນີ້ແມ່ນຊ່ວງເວລາຂອງ Graphic ລະດັບ HD (High-Definition)… ການແຂ່ງຂັນຍົງຄົງດຸເດືອດບໍ່ເຫືອດຫາຍ… ເຫຼືອນຳກັນ ໓ ຄ້າຍເທົ່ານັ້ນໃນຕອນນີ້ ຄື: Sony, Microsoft ແລະ Nintendo. ສ່ວນ SEGA ຂໍໜີໄປເຮັດດີທາງດານເກມຕູ້ (ເຊິ່ງຕອນນີ້ກາຍເປັນເຈົ້າພໍ່ Arcade ໄປແລ້ວ) ໂດຍຜົນງານໃໝ່ແມ່ນ Lindberg (ເກມ Afterburner Climax ເປັນຕົ້ນ)
໒໒ ພະຈິກ ໒໐໐໕ ບໍລິສັດ Microsoft ສົ່ງ Xbox 360 ໄປລົງຕະຫຼາດເປັນຄັ້ງທຳອິດສູ່ສາຍຕາປະຊາຊົນ. ໃນຍຸກນັ້ນເລີ່ມມີລະບົບ Wireless ລົງໄປໃນເຄື່ອງຫຼາຍຂຶ້ນ ຜູ້ຫຼິ້ນສາມາດ Online ໄດ້ຢ່າງສະດວກ, ໃຊ້ແຜ່ນ DVD ເປັນຫຼັກ ແຕ່ຮອງຮັບ HDDVD ໄດ້… ເບິ່ງຄືວ່າ Microsoft ຈະພາດທ່າທີ່ສະໜັບສະໜູນ HDDVD ຫຼາຍກວ່າ Blue-ray ເມື່ອສົງຄາມ High-Definition ຝ່າຍ Toshiba ຜູ້ຜະລິດ HDDVD ເປັນຝ່າຍເສຍໄຊ.
Sony PlayStation 3 ປ່ອຍສູ່ຕະຫຼາດເປັນຄັ້ງທຳອິດໃນວັນທີ່ ໑໑ ພະຈິກ ໒໐໐໖… ຈາກສົງຄາມ High-Definition ເຮັດໃຫ້ PS3 ມີຄວາມໄດ້ປຽບຫຼາຍກວ່າ Xbox 360 ຍ້ອນຮອງຮັບ Blue-ray ຫຼາຍກວ່າ HDDVD… PS3 ມີຄວາມພ້ອມສຳຫຼັບພາບ HD ຄວາມລະອຽດທີ່ 1080p.
ໃນລະຫວ່າງທີ່ Microsoft ກັບ Sony ກຳລັງສູ້ກັນໃນເລື່ອງ High-Definition, ບໍລິສັດ Nintendo ກໍ່ບໍ່ສົນໃຈເລື່ອງຄວາມງົດງາມມາກມາຍ ແຕ່ເນັ້ນໜັກໃນເລື່ອງວິທີຫຼິ້ນທີ່ແປກໃໝ່ ນັ້ນແມ່ນ Wii (ວີ່) ເຊິ່ງວາງຈຳໜ່າຍຄັ້ງທຳອິດຢູ່ North America ໃນວັນທີ່ ໑໙ ພະຈິກ ໒໐໐໖… ເບິ່ງຄືວ່າ Wii ຈະໄດ້ໃຈນັກຫຼິ້ນທັງຫຼາຍ ທັງມືເກົ່າແລະມືໃໝ່ ທັງເດັກນ້ອຍຜູ້ໃຫຍ່ ຄວາມທີ່ປ່ຽນຈາກ Gamepad (Joy) ໄປເປັນ Wii Remote ແທນ, Wii Remote ໄດ້ເປັນທຸກສິ່ງ: ໄມ້ເທນນິສ, ເປັນປືນ ແລະເປັນສິ່ງອື່ນໆໄດ້ນາໆປະການ ແລະ Wii Remote ຍັງສາມາດຂຽນໂປຣແກຣມຄວບຄຸມ Wii Remote ໄດ້ຢ່າງງ່າຍດາຍ… ນັບວ່າ Nintendo ໄດ້ປະສົບຄວາມສຳເລັດຫຼາຍທີ່ສຸດໃນຍຸກນີ້ເລີຍກໍ່ວ່າໄດ້.


Microsoft's Xbox 360


Sony's PlayStation 3


Nintendo's Wii

Eighth Generation
Nintendo's Wii ກຳລັງພິສູດໃຫ້ໂລກເຫັນວ່າ Graphic ບໍ່ແມ່ນສິ່ງສຳຄັນຫຼາຍປານໃດ ບໍ່ຈຳເປັນຕ້ອງລະດັບ High-Definition… ແຕ່ສິ່ງທີ່ດຶງດູດໃຈຫຼາຍທີ່ສຸດແມ່ນຄວາມແປກໃໝ່ຂອງຮູບແບບການຫຼິ້ນ. ດັ່ງນັ້ນ ເຮົາຍັງບໍ່ສາມາດວິເຄາະກັນໄດ້ວ່າໃນຍຸກທີ່ ໘ ນີ້ ເຄື່ອງເກມຈະເປັນຢ່າງໃດຕໍ່ໄປ…

ແຕ່ສິ່ງດຽວທີ່ຕັ້ງຢູ່ໃນຍຸກເລີ່ມຕົ້ນ ມາຈົນເຖິງຍຸກທີ່ ໗ ແລະຈະຢູ່ໄປຈົນຍຸກທີ່ ໘ ທີ່ ໙… ໄປເລື້ອຍໆ ນັ້ນແມ່ນ Desktop Computer ນັນເອງ… ແມ່ນບໍ່? ໕໕໕!!! (ຄວາມຄິດເຫັນສ່ວນເດີ້)

ຂໍຂອບໃຈ: http://en.wikipedia.org/wiki/Video_game_console
 

ທຳນາຍແມ່ນ໑໐໐%

ຄົນທີ່ເກີດວັນອາທິດ
ຊ່ວງນີ້ດວງອາທິດຍັງຈະຮ້ອນຢູ່ ດັ່ງນັ້ນບໍ່ຄວນຍ່າງຕາກແດດດົນໆ ເພາະວ່າຈະເຮັດໃຫ້ເຫື່ອອອກ.
ບໍ່ຄວນເບິ່ງໂທລະທັດໃກ້ໆ ເພາະວ່າຈະເຮັດໃຫ້ແສບຕາ ແລະບັງຄົນທາງຫຼັງ.
ແລະບໍ່ຄວນຂາກຂີ້ເຖີ່ທົ່ວທີບ ໂຊກບໍ່ດີອາດຈະຖືກດ່າ.
ຖ້າເປັນທ້ອງໃຫ້ດື່ມນ້ຳຫຼາຍໆ ເວລາເຈັບໃຫ້ຟ້າວເຂົ້າຫ້ອງຖ່າຍ ແລະຄວນແກ້ໂສ້ງອອກກ່ອນ.
ເວລາອາບນ້ຳຫ້າມນຸ່ງເຄື່ອງ ບໍ່ຄວນຫຼິ້ນພັນລາວຕອນເດິກຫຼາຍ ເພາະວ່າຈະບໍ່ມີຄົນລົມນຳ.
ເດັນນ້ອຍເກີດມື້ນີ້ ຖ້າເປັນຄົນຈະບໍ່ມີຫາງ ຈະມີໜ້າມີຕາຕັ້ງແຕ່ຍາມນ້ອຍ ນອກຈາກນີ້ຍັງຈະມີຫູ, ດັງ ແລະຄາງນຳອີກ.
ຕອນທີ່ເປັນແອນ້ອຍຈະໂຕນ້ອຍ ໃນຊ່ວງນີ້ຖ້າແອນ້ອຍຂີ້ແຕກໃຫ້ຟ້າວປ່ຽນຜ້າອ້ອມທັນທີ ແລະເດັກນ້ອຍຈະໂຕໃຫຍ່ຂຶ້ນເມື່ອອາຍຸຫຼາຍຂຶ້ນ.
ເມື່ອເຕີບໃຫຍ່ເດັກນ້ອຍກໍ່ຈະກາຍເປັນຜູ້ໃຫຍ່ໄດ້ເອງ ຖ້າຖິ້ມໄວ້ຕໍ່ໄປກໍ່ຈະແຂງແຮງເອງ.
 

ຄົນທີ່ເກີດວັນຈັນ
ໄລຍະນີ້ຈັນເພັງເຄື່ອນທີ່ຕັດໜ້າດາວພະສຸກຢູ່ໜ້າພະລາຊະວັງເກົ່າ ຖ້າບໍ່ລະວັງອາດຈະຕຳກັນໄດ້
ຖ້າຍ່າງບໍ່ລະວັງອາດຈະລົ້ມເຈັບ ແລະຍັງອັບອາຍເສື່ອມເສຍ
ຖ້າພົບໝາວໍ້ບໍ່ຄວນເຂົ້າໄປໃກ້ເດັດຂາດເພາະວ່າອາດຈະຖືກກັດໄດ້
ເມື່ອຫິວກໍ່ຄວນຊອກຫຍັງກິນເປັນການແກ້ກົນ
ເດັກນ້ອຍທີ່ເກີດມື້ນີ້ຖ້າເປັນຜູ້ຊາຍຈະບໍ່ເປັນແມ່ຍິງ
ໃຫຍ່ຂຶ້ນມາອີກຈັກໜ່ອຍຈະສາມາດນຸ່ງເຄື່ອງໄດ້ເອງ
ເມື່ອເຕີບໃຫຍ່ຕ້ອງໄດ້ໄປເຮັດບັດປະຈຳຕົວແນ່ນອນ
ໃນເລື່ອງຄວາມຮັກ
ຖ້າມີແຟນແລ້ວກໍ່ຈະເປັນຄົນທີ່ເຫັນໜ້າກັນກ່ອນທີ່ຈະເປັນແຟນ
ຖ້າຍັງບໍ່ມີແຟນກໍ່ຈະເປັນຍ້ອນຍັງຊອກຄົນທີ່ເໝາະສົມບໍ່ໄດ້
ກໍ່ໃຫ້ແກ້ກົນໂດຍການພະຍາມຕໍ່ໄປ.
 

ຄົນທີ່ເກີດວັນອັງຄານ
ຖ້າຫາກຈ່າຍເງິນຫຼາຍເກີນທີ່ມີອາດຈະຕ້ອງໄປ******້ໜີ້ຢືມສິນເຂົາເຈົ້າໄດ້
ໄປຕະຫຼາດຖ້າຕໍ່ລາຄາຫຼາຍໆອາດຈະຖືກແມ່ຄ່າດ່າ
ດາວປະຈຳໂຕຍັງໂຄຈອນອ້ອມຮອບອານຸສາວະລີປະທານໄກສອນ ແລະຕາມທາງແຍກຕ່າງໆ
ໃຫ້ຟ້າວໄປເຮັດວຽກແຕ່ເຊົ້າ ຖ້າໄປສວາຍຈະຖືກຫົວໜ້າຈື່
ຖ້າເຈັບຫົວກໍ່ໃຫ້ນອນພັກຜ່ອນ ຢ່າກິນຢາປາຣາຕອນທ້ອງຫວ້າງ
ແລະຢ່າກິນກາເຟກ່ອນນອນເພາະວ່າຈະເຮັດໃຫ້ນອນບໍ່ຫຼັບ
ເດັນນ້ອຍເກີດມື້ນີ້ບໍ່ວ່າຈະເປັນຍິງຫຼືຊາຍກໍ່ຄວນເຮັດໃບຢັ້ງຢືນການເກີດ
ເມື່ອຮອດໄວຮຽນກໍ່ຄວນພາໄປເຂົ້າໂຮງຮຽນ
ຖ້າລ້ຽງບໍ່ດີຈະກາຍເປັນໂຈນຫຼືຕິດຢາບ້າ
ຖ້າລ້ຽງດີອາດຈະໄດ້ຮຽນມະຫາວິທະຍາໄລ
ເລື່ອງຂອງຄວາມຮັກ
ຕອນນີ້ຖ້າຍັງຖືກໃຈໃຜຢູ່ກໍ່ໃຫ້ຟ້າວເຂົ້າໄປລົມບໍ່ຊັ້ນລາວບໍ່ຮູ້ວ່າເຮົາກຳລັງຈີບລາວຢູ່
 

ຄົນທີ່ເກີດວັນພຸດ
ດາວພຸດຢູ່ໃກ້ດວງອາທິດ
ຕື່ນຂຶ້ນມາຄວນແກ້ກົນດ້ວຍການບິດຄີງ ແລະລ້າງໜ້າຖູແຂ້ວແກ້ປາກເໝັນ
ຖ້າຝົນຕົກບໍ່ຄວນອອກໄປຫຼິ້ນນ້ຳຝົນເດັດຂາດ ເພາະວ່າຈະເປັນຫວັດໄດ້
ເດີນທາງໄກຈະພົບພໍ້ຄົນແປກໜ້າ
ໃນມື້ນີ້ຖ້າພົບພະສົງຄຸມບາດຕອນ໓ໂມງແລງຫ້າມໃສ່ບາດເດັດຂາດ
ພົບໝູ່ເພື່ອນຈົ່ງທັກທາຍດີໆ ແຕ່ຖ້າພົບເຈົ້າໜີ້ຄວນຫຼົບໜີໄກໆ
ເດັກນ້ອຍເກີດມື້ນີ້ຖ້າເປັນຜູ້ຊາຍໃຫຍ່ຂຶ້ນອາດຈະເປັນຕຸ໊ດໄດ້
ຖ້າເປັນລູກຊາຍດຽວຈະບໍ່ໄດ້ເປັນທະຫານ
ຖ້າເປັນຜູ້ຍິງເມື່ອອາຍຸ໒໐ປີ ຈະບັນລຸນິຕິພາວະໄດ້ເອງ
ໃນຊ່ວງອາຍຸນີ້ບິດາ-ມານດາບໍ່ຄວນອະນຸຍາດໃຫ້ລູກສາວບວດເດັດຂາດ
ໃນເລື່ອງຂອງຄວາມຮັກຄົນທີ່ມີແຟນຢູ່ອາດຈະເຊົາກັນໄດ້
ຄົນທີ່ຍັງບໍ່ມີແຟນອາດຈະມີຄົນມາມັກກໍ່ໄດ້
 

ຄົນທີ່ເກີດວັນພະຫັດ
ມື້ນີ້ຖ້າຢຽບຂີ້ໝາໃຫ້ຟ້າວເອົາເກີບຂູດຂີ້ດິນໂດຍໄວບໍ່ຊັ້ນມັນຈະເໝັນ
ຂີ່ລົດໃຫຍ່ຄວນຈັບໃຫ້ແໜ້ນໂດຍສະເພາະແມ່ນທາງໂຄ້ງ ແລະບໍ່ຄວນຕົດໃນລົດເດັດຂາດ
ຖ້າອາກາດຮ້ອນບໍ່ຄວນນຸ່ງເສື້ອກັນໜາວ ຖ້າອາກາດໜາວບໍ່ຄວນກິນນ້ຳກ້ອນ
ເມື່ອເຫັນພັດລົມກຳລັງປິ່ນຢ່າເອົາມືເຂົ້າໄປແຍ່ບໍ່ຊັ້ນຈະເຮັດໃຫ້ເລືອດອອກໄດ້
ເດັກນ້ອຍເກີດມື້ນີ້ ເມື່ອເກີດໃໝ່ຈະບໍ່ມີແຂ້ວຄວນຖ້າໄປເລື້ອຍກໍ່ຈະມີແຂ້ວເອງ
ຢ່າພາເດັກນ້ອຍໄປໃສ່ແຂ້ວປອມເພາະວ່າຈະມີແຂ້ວເຫຼືອ
ບໍ່ຄວນລ້ຽງເດັກນ້ອຍດ້ວຍນົມຂຸ້ນຫວານຈະເຮັດໃຫ້ຂາດສານອາຫານໄດ້
ໃຫ້ລ້ຽງດ້ວຍນົມແມ່ໄປກ່ອນຈົນກວ່າຈະມີອາຍຸຄົບ໒ປີ
ເມື່ອໃຫຍ່ຂຶ້ນຜູ້ປົກຄອງຄວນສອນໃຫ້ເດັກນ້ອຍລ້າງກົ້ນເອງບໍ່ສະນັ້ນຈະເປັນພາລະໃນອະນາຄົດໄດ້
ໃນເລື່ອງຂອງຄວາມຮັກຖ້າຍັງເປັນແຟນກັນຈະຍັງບໍ່ມີໃບຢ່າຮ້າງ
ຖ້າຫາກຕັດສິນໃຈຈະກິນດອງກໍ່ຈະຕ້ອງໄດ້ແຈກບັດເຊີນແນ່ນອນ.
 

ຄົນທີ່ເກີດວັນສຸກ
ມື້ນີ້ຫ້າມຖິ້ມແຟນເດັດຂາດເພາະວ່າແຟນອາດຈະເສຍໃຈໄດ້ ແລະຫ້າມກິນອາຫານມັນລະວັງຈະຕຸ້ຍ
ຄວນປ່ຽນແປງຖູແຂ້ວເລື້ອຍໆ ໓ເດືອນ/໑ອັນ ກຳລັງພໍດີ
ແລະບໍ່ຄວນລົງໄປຫຼິ້ນນ້ຳຮ່ອງເດັດຂາດ
ມື້ນີ້ດາວສຸກໂຄຈອນມາພົບກັບດາວເສົາດັ່ງນັ້ນຖ້າມື້ນີ້ເປັນວັນສຸກມື້ອື່ນກໍ່ຄວນຈະເປັນວັນເສົາ ແລະມື້ຕໍ່ໄປກໍ່ຈະເປັນວັນອາທິດ
ເດັກນ້ອຍເກີດມື້ນີ້ເປັນຜູ້ມີບຸນພາວາດສະໜາສົ່ງ ເມື່ອເປັນແອນ້ອຍຈະເວົ້າບໍ່ໄດ້ ຄວນສອນໄປເລື້ອຍໆແລ້ວຈະເວົ້າໄດ້ເອງ
ຍົກເວັ້ນຖ້າເປັນຄົນໃບ້ ໃນໄລຍະ໖~໘ປີຄວນສອນໃຫ້ເດັກນ້ອຍເຂົ້າເຮືອນທາງປະຕູ ບໍ່ຄວນສອນໃຫ້ເຂົ້າເຮືອນທາງປ່ອງຢ້ຽມເດັດຂາດ
 

ຄົນທີ່ເກີດວັນເສົາ
ມື້ນີ້ຖ້າຍ່າງຜ່ານກອງຂີ້ເຫຍື້ອຄວນເອົາມືອັດດັງ ແລະຟ້າວຍ່າງຜ່ານໂດຍໄວ
ຫຼັງຈາກກິນເຂົ້າຖ້າມີຫຍັງຄາແຂ້ວບໍ່ຄວນເອົາໄມ້ຖູ່ຈີ້ມແຂ້ວເດັດຂາດຄວນໃຊ້ໄມ້ຈີ້ມແຂ້ວດີທີ່ສຸດ
ຖ້າເລັບຍາວຄວນຕັດໃຫ້ສັ້ນແຕ່ຖ້າສັ້ນຄວນຖ້າໃຫ້ຍາວກ່ອນ
ຄືນນີ້ບໍ່ຄວນນອນເດິກເພາະວ່າມື້ອື່ນຈະຕື່ນສວາຍ
ເວລາອາບນ້ຳຄວນຖູສະບູ່ໃຫ້ທົ່ວ ເວລາໄປວັດຄວນນຸ່ງເຄື່ອງໄປນຳແລະບໍ່ຄວນຄວັດຂີ້ດັງຕໍ່ໜ້າພະສົງ
ຖ້າຄັນດັງຄວນຈາມໃຫ້ຮຽບ໑໐໐ກ່ອນເຂົ້າວັດ
ແຕ່ຖ້າໄປຕາດກວາງຊີຫ້າມເດ່ມືເຂົ້າຄອກໝີເດັດຂາດ
ຖ້າຂັບລົດບໍ່ເປັນກໍ່ບໍ່ຄວນຂັບ ຈະເກີດອຸບັດຕິເຫດຕຳກັນ
ໃຫ້ແກ້ກົນດ້ວຍການຈ້າງ໓ລໍ້, ຕຸກໆ, ຈຳໂບ່ ຫຼືຍ່າງຈະດີກວ່າ
ເດັກນ້ອຍທີ່ເກີດມື້ນີ້ເມື່ອເປັນແອນ້ອຍຖ້າຫົວຈະຮ້ອງໄຫ້
ຄວນປ້ອນນົມແລ້ວແອນ້ອຍກໍ່ຈະເຊົາຮ້ອງເອງ
ແລະເມື່ອປ້ອນນົມຈົນແອນ້ອຍອີ່ມແລ້ວບໍ່ຄວນເຂົ້າໄປຫຼິ້ນກັບແອນ້ອຍທັນທີແອນ້ອຍອາດຈະຮາກໃສ່ໜ້າໄດ້
ເມື່ອໃຫຍ່ຂຶ້ນມາຄວນລ້ຽງດ້ວຍນົມຜົງ, ນົມກ້ອງ, ເຫຼົ້າຂາວ ແລະເບຍລາວຕາມລຳດັບ.


ແມ່ນບໍ່? (-_^)

FF - Yo****aka Amano ເອກະລັກຂອງFinal Fantasyທຸກພາກຕ້ອງມີ

ຜົນງານຂອງນັກພັດທະນາຜູ້ນີ້ທີ່ຂ້າພະເຈົ້າຈະກ່າວເຖິງນັ້ນ ຖືວ່າເປັນວຽກງານທີ່ມີເອກະລັກສ່ວນໂຕຫຼາຍວຽກ໑ ລາຍເສັ້ນທີ່ອອກແບບໂຕລະຄອນນັ້ນເບິ່ງມີພະລັງຢ່າງປະຫຼາດ ໂທນສີແບບມືດຄຶ້ມ ປານກັບວ່າພາບນັ້ນມີຊີວິດ ແລະລາວຜູ້ນີ້ຍັງເຮັດວຽກໃຫ້ກັບຕະກຸນມີຊື່ສຽງເຊັ່ນ Final Fantasy ນຳນັ້ນເອງ ຍິ່ງເຮັດໃຫ້ນັກຫຼິ້ນຫຼາຍໆຄົນໄດ້ຜ່ານຕາແລະຄຸ້ນເຄີຍບໍ່ຫຼາຍກໍ່ໜ້ອຍ ລາວຜູ້ນີ້ແມ່ນ Yo****aka Amano.

ປະຫວັດຫຍໍ້
Yo****aka Amano ເກີດເມື່ອວັນທີ່ ໒໘ ພືດສະພາ ໑໙໕໒ ຢູ່ເມືອງ Shizuoka ປະເທດຍີ່ປຸ່ນ. ຕອນຍາມນ້ອຍລາວຮັກການແຕ້ມຮູບເປັນຊີວິດຈິດໃຈ ຈົນອາຍຸໄດ້ ໑໕ປີ ລາວເລີ່ມເຮັດວຽກໃຫ້ກັບບໍລິສັດ Tatsunoko Productions (Tatsunoko Pro.) ໃນຜະແນກອະນິເມຊັ່ນ ນັ້ນເປັນກ້າວທຳອິດໃນວົງການຂອງລາວ. ວຽກຕ່ອນທຳອິດແມ່ນອະນິເມະທີ່ຊື່ Speed Racer (ຫຼື March Go Go Go ໃນພາສາຍີ່ປຸ່ນ) ແລະວຽກຕໍ່ໆມາກໍ່ແມ່ນອອກແບບໂຕລະຄອນໃຫ້ອະນິເມະເຊັ່ນ: ຕະກຸນ Time Bokan, ຕະກຸນ Getchaman ,ຕະກຸນ Tekkaman ແລະ ຕະກຸນ Honey Bee ເປັນຕົ້ນ.

ໃນຊ່ວງນີ້ເອງ ລາວເລີ່ມຫຼົງໃນສິລະປະແບບ Psychedelic (ແບບທີ່ເຫັນໃນປະຈຸບັນນີ້ແຫຼະ) ໂດຍມີ Peter Max ນັກແຕ້ມຮູບແບບ Psychedelic ເປັນບຸກຄົນທີ່ມີອິດທິພົນຕໍ່ວຽກຂອງລາວ ແຕ່ລາວກໍ່ຍັງເຮັດວຽກໃຫ້ Tatsunoko Pro. ຈົນຮອດປີ ໑໙໘໒.

ຜົນງານທີ່ສ້າງຊື່ໃຫ້ລາວ

ຊ່ວງປີ໑໙໘໐ ລາວເລີ່ມສົນໃຈແຕ້ມຮູບໃຫ້ກັບນິຍາຍວິທະຍາສາດ ແລະ ແຟນຕາຊີ ແຕ່ຍັງຄົງເກັບຄວາມມັກນັ້ນໄວ້ ໃນຊ່ວງທີ່ເຮັດວຽກດ້ານອະນິເມະ ແລະເມື່ອລາອອກໃນປີ ໑໙໘໓ ລາວໄດ້ໂອກາດແຕ້ມຮູບໃຫ້ນັກແຕ່ງນະວະນີຍາຍ Hideyuki Kikuchi ກັບນິຍາຍທີ່ຊື່ວ່າ Demon City Shinjuku ເຊິ່ງເປັນຕອນທຳອິດຂອງ Vampire Hunter D ແລະເລື່ອງນີ້ເອງທີ່ເລີ່ມສ້າງຊື່ສຽງໃຫ້ລາວ ເມື່ອນິຍາຍຖືກນຳໄປເຮັດເປັນເລື່ອງໃນປີ ໑໙໘໕ ແລະລາວໄດ້ຮັບໜ້າທີ່ອອກແບບໂຕລະຄອນ ເປັນເລື່ອງອະນິເມະເລື່ອງທຳອິດທີ່ມີການສົ່ງອອກນອກປະເທດຍີ່ປຸ່ນ ແຕ່ໃນບົດສຳພາດຂອງລາວກ່ຽວກັບວຽກນີ້ ລາວພັດບໍ່ຄ່ອຍພໍໃຈກັບຜົນງານປານໃດ.

Yo****aka Amano ກັບ Final Fantasy
ລາວໄດ້ເຂົ້າຮ່ວມກັບບໍລິສັດ Square (ເຊິ່ງປະຈຸບັນແມ່ນ Square Enix) ໃນປີ໑໙໘໗ ແລະໄດ້ມີໂອກາດ. Final Fantasy ເກມທີ່ເປັນຄວາມຫວັງສຸດທ້າຍຂອງບໍລິສັດໃນຂະນະນັ້ນ ປະກົດວ່າເກມໄດ້ຮັບຄວາມນິຍົມເກີນຄວາມຄາດໝາຍ ແນວການແຕ້ມຮູບຂອງລາວກໍ່ໄດ້ຮັບຄວາມນິຍົມໄປນຳ ຈຶ່ງເຮັດໃຫ້FFພາກຫຼັກທຸກພາກ ໂລໂກ່ຂອງເກມຈະເປັນການອອກແບບໂດຍລາວທັງໝົດເປັນອີກ໑ເອກະລັກຂອງFFໄປແລ້ວ.

ວຽກອິດສະລະ
ໃນປີ ໒໐໐໐ ລາວໄດ້ແຕ້ມຮູບໃຫ້ກັບນັກແຕ່ງນະວະນິຍາຍລາງວັນ Hugo Award (ລາງວັນສຳຫຼັບນິຍາຍແຟນຕາຊີດີເດັ່ນ) ຊື່ Neil Gaiman ກັບເລື່ອງທີ່ຊື່ວ່າ Sandman: The Dream Hunters, ໃນປີຖັດມາກໍ່ມີຜົນງານເຊັ່ນ: Vampire Hunter D: Bloodlust ພາກຕໍ່ຈາກຜົນງານສ້າງຊື່ຂອງລາວ ແລະຍັງມີຜົນງານກັບ Greg Rucka ກັບໜັ່ງສືກາຕູນຂອງ Marvel Comics ຊື່ວ່າ Elektra and Wolverine: The Redeemer, ປະຈຸບັນລາວເຮັດວຽກໃນໂຄງການ Final Fantasy XIII ແລະອອກແບບໜ້າປົກໃຫ້ກັບວົງດົນຕີ Power Metal ທີ່ຊື່ວ່າ Galneryus.

ຜົນງານຂອງລາວຕັ້ງແຕ່ອະດີດຈົນຮອດປະຈຸບັນ:

Illustrations
Genji
Rampo
Chimera
Vampire Hunter D
Guin Saga
The Sandman: The Dream Hunters
The Heroic Legend of Arslan
Sohryuden
Elektra and Wolverine: The Redeemer
Yo****aka Amano: The Sky (ລວມຮູບແຕ້ມທີ່ແຕ້ມໃຫ້ກັບ Final Fantasy ຕັ້ງແຕ່ Final Fantasy ຈົນເຖິງ Final Fantasy X)
Galneryus
Elric's saga

Video Games
- Final Fantasy I (1987) Famicom
ໜ້າທີ່ Character Designer, Title Logo Designer & Graphic Designer
- Final Fantasy II (1988) Famicom
ໜ້າທີ່ Character Designer, Title Logo Designer & Graphic Designer
- First Queen (1988) PC98 & X68000
ໜ້າທີ່ Box cover artist
- Duel (1989) PC88
ໜ້າທີ່ Box cover artist
- Duel98 (1989) PC98
ໜ້າທີ່ Box cover artist
- Final Fantasy III (1990) Famicom
ໜ້າທີ່ Character Designer & Title Logo Designer
- First Queen 2 (1990) PC98 & X68000
ໜ້າທີ່ Box cover artist
- Final Fantasy IV (1991) Super Famicom
ໜ້າທີ່ Character Designer, Image Designer & Title Logo Designer
- Final Fantasy V (1992) Super Famicom
ໜ້າທີ່ Character Designer, Image Designer & Title Logo Designer
- Kawanakajima Ibunroku (1992) PC98
ໜ້າທີ່ Box cover artist
- First Queen 3 (1993) PC98
ໜ້າທີ່ Box cover artist
- Final Fantasy VI (1994) Super Famicom
ໜ້າທີ່ Character Designer, Image Designer & Title Logo Designer
- Front Mission (1995) Super Famicom
ໜ້າທີ່ Character Designer
- Maten Densetsu (1995) Super Famicom
ໜ້າທີ່ Character Designer
- Front Mission: Gun Hazard (1996)
ໜ້າທີ່ Super Famicom Character Designer
- Final Fantasy VII (1997) PlayStation
ໜ້າທີ່ Promotional Artwork, Image Illustrator, Title Logo Designer & Character Artwork
- Kartia: World of Fate (1998) PlayStation
ໜ້າທີ່ Art Designer
- Final Fantasy VIII (1999) PlayStation
ໜ້າທີ່ Promotional Artwork, Image Illustrator, Title Logo Designer & Character Artwork
- Final Fantasy IX (2000) PlayStation
ໜ້າທີ່ Character Illustrations & Original Character Designer
- l Dorado Gate Vol. 1 to 7 (2000-2001) Sega Dreamcast
ໜ້າທີ່ Creative Director & Additional Design
- Final Fantasy X (2001) PlayStation 2
ໜ້າທີ່ Promotional Artwork, Image Illustrations, Title Logo Designer & Character Artwork
- Final Fantasy X-2 (2001) PlayStation 2
ໜ້າທີ່ Promotional Artwork, Title Logo Designer & Image Illustrator
- Final Fantasy XI (2002) MS Windows, PlayStation 2 & Xbox 360
ໜ້າທີ່ Promotional Artwork, Title Logo Designer & Image Illustrator
- Final Fantasy XII (2006) PlayStation 2
ໜ້າທີ່ Promotional Artwork, Title Logo Designer & Image Illustrator
- Final Fantasy XIII (?) PlayStation 3
ໜ້າທີ່ Promotional Artwork, Title Logo Designer & Image Illustrator
- Final Fantasy Agito XIII (?) Mobile
ໜ້າທີ່ Promotional Artwork, Title Logo Designer & Image Illustrator
- Final Fantasy Versus XIII (?) PlayStation 3
ໜ້າທີ່ Promotional Artwork, Title Logo Designer & Image Illustrator
- Dissidia: Final Fantasy (?) PlayStation Portable
ໜ້າທີ່ Title Logo Designer

Animation
Kagaku Ninja Tai Gatchaman (1972)
Genesis Climber Mospeada (1983)
Okawari Boy Starzan-S (1984)
Sei Jūshi Bismarck (1984)
The Space Knight Tekkaman (1976)
Hurricane Polymer (1977)
Angel's Egg (1985)
Amon Saga (1986)
Casshern TV series (1975)
Time Bokan (1974)
Fantascope ~Tylostoma~ (2006)
Vampire Hunter D (1985)

FF - Yoshinori Kitase ຈາກຜູ້ສ້າງເລື່ອງກາຍເປັນນັກພັດທະນາເກມ

ປະຫວັດຫຍໍ້
Yoshinori Kitase ເກີດເມື່ອວັນທີ່ ໒໓ ກັນຍາ ໑໙໖໖, ຈົບການສຶກສາໄດ້ Nihon University College of Art ສາຂາເລື່ອງ ໂດຍມີເກມໃນດວງໃຈແມ່ນ ナポレオン戦記 (Napoleon Military History), The Legend of Zelda, A-Train ແລະ 4D BOXING, ເຂົ້າມາເຮັດວຽກກັບບໍລິສັດ Square Enix (Squaresoft ເກົ່າ) ເມື່ອວັນທີ່ ໑ ເມສາ ໑໙໙໐.

ຕົວຢ່າງ໒ເກມທີ່ບໍ່ເຄີຍໄດ້ຍິນຊື່ປານໃດ ナポレオン戦記 ກັບ 4D BOXING.

ເມື່ອເຂົ້າມາໃນບໍລິສັດໄດ້ບໍ່ດົນ ລາວກໍ່ໄດ້ຮັບວຽກທຳອິດແມ່ນ ການຂຽນບົດເກມ Seiken Densetsu ໃນປີ ໑໙໙໑, ແລ້ວປີຕໍ່ມາລາວກໍ່ໄດ້ເປັນສ່ວນ໑ຂອງເກມຕະກຸນ Final Fantasy ໂດຍລາວຮັບໜ້າທີ່ອອກແບບແຜນທີ່ໃນພາກ໕ ຕອນນັ້ນເອງທີ່ລາວໄດ້ຮ່ວມວຽກກັບໝູ່໒ຄົນ ເຊິ່ງຕໍ່ມາໄດ້ກາຍເປັນໝູ່ສະນິດທີ່ມີອິດທິພົນໃນຕະກຸນຍຸກໃໝ່ ນັ້ນກໍ່ແມ່ນ Tetsuya Nomura ແລະອີກຄົນ໑ກໍ່ແມ່ນ Kazushige Nojima ນັກຂຽນເກມລະດັບໂລກ ທີ່ຝາກຜົນງານມາແລ້ວມາກມາຍເຊັ່ນ Final Fantasy VII, VIII, X ແລະ Kingdom Hearts ເປັນຕົ້ນ.

ສາກເກົ່າຂອງຕະກຸນສາກ໑.

ໜ້າທີ່ວຽກງານຂອງລາວເລີ່ມມີພອນສະຫວັນໂປຣດິວເຊີຣ໌ ເມື່ອລາວເລີ່ມມີຄວາມສາມາດຂຽນໂປຣແກຣມໄດ້ ອອກແບບເປັນຫົວຂໍ້ເອງໄດ້ ຈາກການຂຽນບົດເກມໄດ້ເທົ່ານັ້ນ ເຮັດໃຫ້ບໍລິສັດເຫັນພອນສະຫວັນລອງສົ່ງລາວຂຶ້ນນັ່ງເປັນໄດເຣັກເຕີຣ໌ເກມລຳດັບທີ່໗ ຂອງຕະກຸນFF. ເມື່ອເກມອອກວາງຈຳໜ່າຍໄດ້ສ້າງປະຫວັດສາດຂຶ້ນອີກເທື່ອ໑ ຍອດຂາຍຮອດລະດັບເກືອບ໒ລ້ານ໕ແສນແຜ່ນໃນຍີ່ປຸ່ນ ບົ່ງບອກໄດ້ເຖິງຄວາມສາມາດທີ່ລາວມີໄດ້ເປັນຢ່າງດີ.

໑ໃນສິ່ງທີ່ໜ້າສົນໃຈຂອງພາກ ໑໐ ຢູ່ບ່ອນລວດລາຍຂອງສິ່ງຕ່າງໆພາຍໃນເກມ.

ຫຼັງຈາກໄດ້ຮັບໜ້າທີ່ຄວບຄຸມການຜະລິດFFພາກລຸນເຖິງ໒ພາກຕິດຕໍ່ກັນ ບໍລິສັດກໍ່ໄດ້ສົ່ງລາວໄປເຮັດວຽກທີ່ບໍລິສັດຍ່ອຍທີ່ຕັ້ງຢູ່ຮາວາຍເພື່ອສ້າງອີກພາກ໑ ໂດຍໃຫ້ຂຶ້ນເປັນໂປຣດິວເຊີຣ໌ຂອງເກມ (FF X ສ້າງຢູ່ຮາວາຍ ຈຶ່ງບໍ່ປະຫຼາດທີ່ຈະເຫັນເອກະລັກຂອງຮາວາຍຕະຫຼອດເລື່ອງ ບໍ່ວ່າຈະເປັນສິລະປະ ໂຕລະຄອນ ມອນສເຕີຣ໌ ມົນອະສູນພາຍໃນເກມ) ແລະບ່ອນຫັ້ນເອງຮູບແບບການສ້າງເກມຂອງລາວເລີ່ມເປັນຮູບແບບສະເພາະຂອງລາວ ທີ່ເນັ້ນຄວາມສົມດຸນໃນອິສະລະພາບຂອງສູ້ຫຼິ້ນ ແລະການຊີ້ແນວທາງການຫຼິ້ນ ຮູບແບບນີ້ຈະເຫັນໄດ້ຈາກເກມ Zelda ທີ່ລາວມັກນັ້ນເອງ ໃນສ່ວນຂອງເນື້ອເລື່ອງຫຼືບົດບາດຂອງເກມ ລາວໃຊ້ຄວາມສາມາດທີ່ໄດ້ຮຽນມາໃນມະຫາວິທະຍາໄລ ແຕ່ງແລະຕື່ມເນື້ອເລື່ອງໃຫ້ມີຄວາມໜ້າສົນໃຈ ແລະຊວນຕິດຕາມຢ່າງຖອນໂຕບໍ່ໄດ້.

ພາກນີ້ຂອງຕະກຸນຈະສາມາດສ້າງສິ່ງທີ່ໜ້າຈື່ຈຳໄດ້ຄືເກົ່າຫຼືບໍ່?

ປະຈຸບັນ Yoshinori Kitase ຍັງເຮັດວຽກໃຫ້ກັບ SQEN ໃນຕຳແໜ່ງຫົວໜ້າຝ່າຍພັດທະນາເກມທີ່໑ຂອງບໍລິສັດ ແລະກຳລັງພັດທະນາໂຄງການໃຫຍ່ FF XII ຯລຯ.

ຜົນງານທີ່ຜ່ານມາ:

ປະເພດເກມ
-    Seiken Densetsu (1991)
ເຮັດໜ້າທີ່ Scenario Writer
- Romancing SaGa (1992)
ເຮັດໜ້າທີ່ Field Map Designer
- Final Fantasy V (1992)
ເຮັດໜ້າທີ່ Field Planner ແລະ Scenario Writer ຮ່ວມກັບ Ikuya Dobashi
- Final Fantasy VI (1994)
ເຮັດໜ້າທີ່ Co-Director ແລະ Scenario Writer ຮ່ວມກັບ Hiroyuki Ito
- Chrono Trigger (1995)
ເຮັດໜ້າທີ່ Director ຮ່ວມກັບ Akihiko Matsui ແລະ Takashi Tokita
Final Fantasy VII (1997)
ເຮັດໜ້າທີ່ Director ແລະ Scenario Writer ຮ່ວມກັບ Kazushige Nojima
- Final Fantasy VIII (1999)
ເຮັດໜ້າທີ່ Director
- Final Fantasy X (2001)
ເຮັດໜ້າທີ່ Producer
- Kingdom Hearts (2002)
ເຮັດໜ້າທີ່ Co-Producer
- Final Fantasy X-2 (2003)
ເຮັດໜ້າທີ່ Producer
- Kingdom Hearts: Chain of Memories (2004)
ເຮັດໜ້າທີ່ Co-Producer
- Before Crisis : Final Fantasy VII (2004)
ເຮັດໜ້າທີ່ Producer
- Final Fantasy VII Advent Children (2005)
ເຮັດໜ້າທີ່ Producer
- Kingdom Hearts II (2005)
ເຮັດໜ້າທີ່ Co-Producer
- Dirge of Cerberus : Final Fantasy VII (2005)
ເຮັດໜ້າທີ່ Producer
- Crisis Core : Final Fantasy VII (2007)
ເຮັດໜ້າທີ່ Executive Producer
- Final Fantasy XIII (TBA)
ເຮັດໜ້າທີ່ Producer

ອື່ນໆ

- ເປັນ Technical Demo Producer ໃຫ້ກັບເຄື່ອງເກມ PlayStation 2 (1999)
- ເປັນ Technical Demo Producer ໃຫ້ກັບເຄື່ອງເກມ PlayStation 3 (2005)

FF - Yoko Shimomura ນັກປະພັນເພງຍິງຍຸກໃໝ່

ປະຫວັດ
Yoko Shimomura ເກີດໃນພາກ Hyōgo ປະເທດຍີ່ປຸ່ນ. ຍາມນ້ອຍພໍ່-ແມ່ຂອງນາງ ສະໜັບສະໜູນໃຫ້ນາງຫຼິ້ນເປຍໂນຕັ້ງແຕ່ຫາກໍ່ໄດ້໕ປີ ປະກົດວ່ານາງກໍ່ຊຳນານໃນການຫຼິ້ນເປຍໂນໄດ້ຢ່າງວ່ອງໄວ ແລະຫຼາຍເທື່ອທີ່ນາງສາມາດຮຽບຮຽງດົນດີຂອງນາງເອງຈາກຫຼາຍໆເພງເຂົ້ານຳກັນ. ຫຼັງຈາກຈົບມັດທະຍົມປາຍ ນາງກໍ່ເຂົ້າຮຽນໃນລະດັບວິທະຍາໄລສາຂາເປຍໂນ ຢູ່ມະຫາວິທະຍາໄລດົນຕີ Osaka.

ເມື່ອຈົບການສຶກສານາງຕັ້ງໃຈວ່າຈະເປັນຄູສອນເປຍໂນ ແຕ່ດ້ວຍຄວາມທີ່ເປັນນັກຫຼິ້ນເກມລະດັບເຂົ້າສາຍເລືອດ ນາງໄດ້ລອງສົ່ງຜົນງານການປະພັນ ແລະການຫຼິ້ນເປຍໂນຂອງນາງໄປຫາບໍລິສັດເກມຫຼາຍໆແຫ່ງ ຈົນມີບໍລິສັດ໑ທີ່ແນເຫັນຄວາມສາມາດຂອງນາງກໍ່ແມ່ນ ບໍລິສັດ Capcom ໄດ້ຮຽກນາງໄປທົດສອບ ແລະສຳພາດເຂົ້າເຮັດວຽກ ແລະນາງກໍ່ເຮັດສຳເລັດ ບໍລິສັດ Capcom ໄດ້ສະເໜີວຽກໃຫ້ແກ່ນາງ. ດ້ວຍເຫດນັ້ນເອງ ຄອບຄົວ ແລະຄູບາອາຈານຂອງນາງຕ່າງກໍ່ບໍ່ເຫັນດີທີ່ນາງປ່ຽນຄວາມຕັ້ງໃຈມາເຮັດວຽກສາຍນີ້ ຍ້ອນໃນຕອນນັ້ນອຸດສາຫະກຳເກມໃນຍີ່ປຸ່ນຍັງບໍ່ແມ່ນອຸດສາຫະກຳຫຼັກຂອງປະເທດ.

ແຕ່ຍ້ອນຄວາມທີ່ເປັນນັກຫຼິ້ນເກມຂອງນາງເອງ ນາງຕັດສິນໃຈຮັບວຽກທີ່ Capcom ສະເໜີມາ, ໂດຍວຽກທຳອິດຂອງນາງແມ່ນເພງປະກອບ Samurai Sword ແຕ່ວຽກທີ່ມີຊື່ຂອງນາງທີ່ນາງມີສ່ວນຮ່ວມກໍ່ແມ່ນເພງປະກອບເກມ Street Fighter II ກັບທີມ Alpha Lyla.

ເວລາຜ່ານໄປຈົນເຖິງປີ ໑໙໙໓ ນາງໄດ້ຍ້າຍບໍລິສັດມາເຮັດວຽກກັບບໍລິສັດ Squaresoft ແລະວຽກທຳອິດຂອງນາງໃນບໍລິສັດໃໝ່ກໍ່ແມ່ນ Live A Live, ຫຼັງຈາກນັ້ນນາງກໍ່ໄດ້ຮັບໂອກາດເຮັດວຽກຮ່ວມກັບນັກປະພັນເພງອີກຫຼາຍຄົນ ເຊັ່ນ: Noriko Matsueda (ແມ່ຍິງທີ່ເກ່ງໃນວົງການເກມອີກຜູ້໑) ກັບເກມ Front Mission ຫຼືຈະເຮັດວຽກກັບ Koji Kondo ຜູ້ປະພັນເພງຕະກຸນ Mario ແລະໃນສຸດຍອດນັກປະພັນເພງຂອງບໍລິສັດ Nobuo Uematsu ໃນໂຄງການຮ່ວມກັບບໍລິສັດ Nintendo ກັບເກມ Super Mario RPG.

ໃນປີ ໑໙໙໘ ນາງພັດມາໄດ້ຮັບໂອກາດເຮັດວຽກດ່ຽວອີກເທື່ອ໑ກັບເກມ Parasite Eve, ຕິດຕາມມາດ້ວຍ Legend of Mana ໃນອີກ໑ປີຖັດມາ ແລະຖືເປັນຜົນງານເອກຂອງນາງນຳອີກ. ຈົນມາເຖິງປີ ໒໐໐໒ ນາງໄດ້ລາອອກຈາກບໍລິສັດ Squaresoft ມາເປັນວຽກອິດສະລະ ໂດຍຮັບວຽກປະພັນເພງປະກອບ Mario & Luigi: Superstar Saga ໃນເຄື່ອງເກມ GBA.

ແລະຈົນມາຮອດປີ ໒໐໐໕ ນາງໄດ້ຮັບການຕິດຕໍ່ຈາກ Sqyare Enix ອີກເທື່ອ໑ໃຫ້ເຮັດວຽກໃນໂຄງການຮ່ວມລະຫວ່າງ Square Enix ກັບ Disney (ແມ່ນແລ້ວທ່ານອ່ານບໍ່ຜິດດອກ) ນາງເປັນຜູ້ປະພັນເພງປະກອບຕະກຸນ Kingdom Hearts ເຊິ່ງໃນຕອນທຳອິດນາງກໍ່ຫວາດຫວັ່ນໃນສີມືຂອງຕົນເອງກັບມະຫາໂຄງການນີ້ ແຕ່ເມື່ອຜົນງານອອກແລ້ວປະກົດວ່າປະສົບຄວາມສຳເລັດຢ່າງຫຼວງຫຼາຍ ຈົນເຮັດໃຫ້CDເພງປະກອບຂຶ້ນອັນດັບ Best-Seller ໄດ້ນຳອີກ.

ປະຈຸບັນນາງຍັງໄດ້ຮັບໂອກາດໃນໂຄງການໃຫຍ່ອີກເທື່ອ໑ ກັບການປະພັນເພງປະກອ[ Final Fantasy Versus XIII.

ຜົນງານຕັ້ງແຕ່ອະດີດຈົນເຖິງປະບັນຂອງນາງ:

ເພງປະກອບເກມ:
Samurai Sword (1988)
Adventures in the Magic Kingdom (1990)
Nemo (1990)
King of Dragons (1991)
Street Fighter 2 (1992) (ຮ່ວມກັບທີມ Alph Lyra)
Breath of Fire (1993) (ຮ່ວມກັບນັກປະພັນອີກຫຼາຍຄົນ)
Street Fighter 2: Championship Edition (1994) (ຮ່ວມກັບທີມ Alph Lyra)
Live A Live (1994)
Front Mission (1995) (ຮ່ວມກັບ Noriko Matsueda)
Super Mario RPG: Legend of the Seven Stars (1996) (ຮ່ວມກັບ Nobuo Uematsu ແລະ Koji Kondo)
Tobal No. 1 (1996) (ຮ່ວມກັບນັກປະພັນອີກຫຼາຍຄົນ)
Parasite Eve (1998)
Legend of Mana (1999)
Kingdom Hearts (2002)
Mario & Luigi: Superstar Saga (2003)
Kingdom Hearts: Chain of Memories (2004)
Mario & Luigi: Partners in Time (2005)
Kingdom Hearts II (2005/2006)
Monster Kingdom: Jewel Summoner (2006) (ຮ່ວມກັບນັກປະພັນອີກຫຼາຍຄົນ)
Final Fantasy Versus XIII (TBD)
Heroes of Mana (2007)
Super Smash Bros. Brawl (2008) (ຮ່ວມກັບນັກປະພັນອີກຫຼາຍຄົນ)

ວຽກອື່ນໆ:

Parasite Eve Remixes (1998)
Phantasy Star Online Episode I & II Premium Arrange (2004) (ຮ່ວມກັບນັກປະພັນອີກຫຼາຍຄົນ)
Dark Chronicle Premium Arrange (2004) (ຮ່ວມກັບນັກປະພັນອີກຫຼາຍຄົນ)
Rogue Galaxy Premium Arrange (2006) (ຮ່ວມກັບນັກປະພັນອີກຫຼາຍຄົນ)
murmur (2007) (ຊຸດດ່ຽວພ້ອມກັບເນື້ອຮ້ອງ ທີ່ຮ້ອງໂດຍ Chata)

FF - Yasumi Matsuno ຜູ້ສ້າງໂລກ Ivalice


ປະຫວັດ
Yasumi Matsuno ເກີດເມື່ອປີ ໑໙໖໖໕ ທີ່ແຂວງ Nigata ປະເທດຍີ່ປຸ່ນ. ຕອນທີ່ລາວກຳລັງຮຽນຢູ່ລະດັບມະຫາວິທະຍາໄລ ລາວມັກນິຍາຍຂອງ AD&D novels ແລະມັກ Freddie Mercury ນັກຮ້ອງນຳວົງ Queen ເປັນພິເສດ, ເຮັດໃຫ້ລະຫວ່າງທີ່ຮຽນນັ້ນເອງລາວກໍ່ໄດ້ຂຽນນິຍາຍແຟນຕາຊີຂອງລາວເອງ ຄວາມຍາວ໘ຕອນ ໃນຊື່ວ່າ “Ogre Battle Saga” ເຊິ່ງຕໍ່ມາຊື່ນີ້ກໍ່ໄດ້ກາຍມາເປັນຊື່ເກມທີ່ສ້າງຊື່ໃຫ້ກັບລາວ.

ຫຼັງຈາກທີ່ຈົບການສຶກສາໃນປີ ໑໙໘໙ ລາວກໍ່ໄດ້ເລີ່ມສ້າງຄວາມຝັນຂອງລາວໃນການເປັນ Game Designer ໂດຍວຽກທຳອິດທີ່ບໍລິສັດກໍ່ແມ່ນການເຮັດເກມ ທີ່ມີຊື່ວ່າ Matendouji (ຫຼືໃນຊື່ອັງກິດວ່າ Conquest of the Crystal Palace) ໃນເຄື່ອງເກມ NES, ຕໍ່ຈາກນັ້ນກໍ່ມີ Dungeon KiD ໃນ NES ແລະ Battle Pingpong ໃນ GB. ຈົນໃນປີ ໑໙໙໑ ລາວໄດ້ເຮັດວຽກຮ່ວມກັບ Hiroshi Managawa ໃນເກມທີ່ຊື່ວ່າ Magical Chase ແລະເປັນການພົບກັນຂອງທີມງານທີ່ຂ້າພະເຈົ້າມັກທີ່ສຸດ.

ຫຼັງຈາກນັ້ນ໒ປີ Matsuno ກໍ່ໄດ້ນຳສະເໜີຜົນງານເຂົ້າບ່ອນປະຊຸມຂອງບໍລິສັດ ແລະແນວຄິດຂອງຜົນງານໃນເທື່ອນີ້ກໍ່ແມ່ນນິຍາຍແຟນຕາຊີທີ່ລາວຂຽນຂຶ້ນເອງເມື່ອຕອນທີ່ຍັງຮຽນບໍ່ທັນຈົບນັ້ນເອງ ໂດຍໄດ້ພົບກັບ Akihiko Yoshida ນັກອອກແບບຕົວລະຄອນທີ່ພາຍຫຼັງກາຍມາເປັນນັກອອກແບບຄູ່ໃຈຂອງລາວໃນທຸກໆໂຄງການ ບວກກັບນັກອອກແບບສິລະປະ Hiroshi Minagawa ເຮັດໃຫ້ເກມທີ່ຊື່ວ່າ Ogre Battle: March of the Black Queen ໄດ້ອອກມາໃຫ້ນັກຫຼິ້ນເກມໃນຍຸກນັ້ນໄດ້ສຳຜັດ.

ການປະກົດໂຕຂອງຕະກຸນເກມໃໝ່ຄັ້ງນັ້ນສ້າງກະແສຄວາມນິຍົມຢ່າງເຫຼືອເຊື່ອ ຈົນທາງບໍລິສັດຕ້ອງຂໍຮ້ອງໃຫ້ Matsuno ເຮັດພາກຕໍ່ຂອງເກມໂດຍທັນທີ. ລະຫວ່າງທີ່ລາວເຮັດພາກຕໍ່ນັ້ນ ລາວໄດ້ອອກທ່ຽວໄປຫຼາຍໆບ່ອນໃນປະເທດຢູໂຣບເພື່ອເກັບຂໍ້ມູນ ແລະວັດທະນະທຳ ສະຖາປັດຕະຍະກຳ ແລະຄວາມເຊື່ອທາງສາດສະໜາມາເປັນຂໍ້ມູນໃນການເຮັດເກມ ແລະຂໍ້ມູນເຫຼົ່ານັ້ນກໍ່ມີອິດທິພົນຕໍ່ເກມທີ່ລາວສ້າງ. ນັບຈາກນັ້ນ໒ປີຜ່ານໄປ Tactics Ogre: Let Us Cling Together ກໍ່ສ້າງສຳເລັດ ແລະສ້າງລາຍໄດ້ໃຫ້ບໍລິສັດຫຼວງຫຼາຍ ແຕ່ໂຕລາວພັດລາອອກຈາກບໍລິສັດພ້ອມໝູ່ຄູ່ໃຈທີ່ສ້າງເກມມານຳກັນ ໂດຍຈຸດໝາຍບ່ອນຕໍ່ໄປແມ່ນບໍລິສັດ Squaresoft (ໃນຂະນະນັ້ນ).

ຫຼັງຈາກເຂົ້າມາຢູ່ໃນບໍລິສັດໃໝ່ໄດ້ບໍ່ດົນ ລາວກໍ່ໄດ້ຮັບໜ້າທີ່ສ້າງເກມທີ່ເປັນພາກຍ່ອຍຂອງຕະກຸນດັງ Final Fantasy ໃນຊື່ໂຄງການທີ່ວ່າ Final Fantasy Tactics ໂດຍທີມງານຂອງລາວກໍ່ຍັງມີແຕ່ໝູ່ທີ່ລາອອກມານຳກັນເຊັ່ນ: Hiroshi Minagawa ກັບ Akihiko Yoshida ເປັນກຳລັງຄົນສຳຄັນໃຫ້ ແລະອີກ໒ປີຕໍ່ມາ Final Fantasy Tactics ກໍ່ສຳເລັດສົມບູນ ໂດຍເກມນີ້ນັ້ນມີລະບົບການຫຼິ້ນ ແລະການອອກແບບຄືກັບ Tactics Ogre ຕະກຸນສ້າງຊື່ຂອງລາວເລີຍ ແລະກໍ່ໄດ້ຮັບຄວາມນິຍົມຕາມເຄີຍ. ແຕ່ຍັງບໍ່ໝົດເທົ່ານັ້ນ ໃນປີ໒໐໐໐ ລາວຍັງໄດ້ສ້າງ Vagrant Story ຂຶ້ນມາອີກເກມ໑ ແລະເກມນີ້ເອງກໍ່ແມ່ນເກມທີ່ໄດ້ຮັບຄະແນນວິຈານເຕັມຈາກ”ຟາມິສຶ” ແລະຄະແນນລະດັບເກືອບເຕັມຈາກຫຼາຍໆບ່ອນ ທີ່ສຳຄັນກໍ່ຍັງຖືກເລືອກເປັນ "Best PlayStation Game" ໃນງານ E3 ປີ ໒໐໐໐.

Publication Score
Famitsu 40 of 40
IGN 9.6 of 10
GameSpot 9.6 of 10
EGM 9.0 of 10
OPM 4.5 of 5
Edge 7 of 10
AllRPG.com 8.7 of 10
PSXExtreme.com 9.6 of 10
Quote Form IGN "in spite of the occasional typo or grammatical hiccup",
"Best PlayStation Game" In E3 2000 IGN Awards
nominated for Best Console Action/Adventure in the 4th Annual Interactive Achievements Awards held by the Academy of Interactive Arts & Sciences.

ຍອດຂາຍກໍ່ບໍ່ແມ່ນຂອງຄ່ອຍ ສາມາດຂາຍໄດ້ ໑ແສນກ໊ອປປີ່ໃນ໒໐ມື້ທຳອິດ ຫຼາຍກວ່າເກມຊື່ດັງຂອງຄ້າຍ Final Fantasy IX ແລະ Chrono Cross ຊ້ຳອີກ.

ນອກຈາກນີ້ Matsuno ຍັງເປັນຄົນຊ່ອຍວາງລະບົບ PlayOnline ໃນປີ໒໐໐໑ ໃຫ້ບໍລິສັດນຳອີກ. ຫຼັງຈາກລວມບໍລິສັດກັບ Enix ລາວກໍ່ໄດ້ຮັບເລືອກເປັນຫົວໜ້າທີມພັດທະນາທີ່ ໔ (ກ່ອນໜ້າລວມບໍລິສັດກັບ Enix ທາງດ້ານ Square ໄດ້ໄປຊື້ບໍລິສັດ Quest ມາເປັນສ່ວນ໑ຮຽບ໑໐໐ແລ້ວ). ໂຄງການທຳອິດຫຼັງຈາກລວມບໍລິສັດຂອງລາວກໍ່ແມ່ນ Final Fantasy Tactics Advance ໃນເຄື່ອງເກມ GBA ແລະໂຄງການໃຫຍ່ກັບຕະກຸນFFພາກລຸນເປັນຄັ້ງທຳອິດ ໂດຍທີມງານຫຼັກຂອງພາກນີ້ກໍ່ເປັນທີມດຽວກັບລາວຕອນສະໄໝເຮັດເກມ Ogre Battle ນັ້ນເອງ. ແຕ່ໂຕເກມພັດມີບັນຫາຫຼ້າຊ້າ ຍ້ອນບັນຫາດ້ານສຸຂະພາບຂອງ Matsuno ເອງ ຈົນເຮັດໃຫ້ລາວຕ້ອງລາອອກຈາກບໍລິສັດໃນວັນທີ່ ໓໑ ສິງຫາ ໒໐໐໕ ໂດຍມີ Akitoshi Kawazu ຜູ້ໃຫ້ກຳເນີດຕະກຸນ Saga ເປັນຄົນມາຮັບວຽກຕໍ່ໃຫ້ ແຕ່ກໍ່ຍັງຄົງແນວທາງເກົ່າທີ່ Matsuno ໄດ້ວາງໄວ້.

Matsuno`s Game for Wii ???
ປະຈຸບັນ ບັນຫາດ້ານສຸຂະພາບຂອງລາວດີຂຶ້ນມາແລ້ວ ແລະໄດ້ກັບມາສ້າງເກມຕໍ່ ໂດຍປະກົດໂຕໃນງານສຳມະນາຂອງ Nitendo ແລະກ່າວເຖິງຄວາມສາມາດຂອງ Wii controller (ຢາກຕິດຕາມໄປຫຼິ້ນຢູ່ຄືກັນ).

ສິ່ງທີ່ໜ້າສົນໃຈກ່ຽວກັບ Matsuno:
-    ໂລກແຫ່ງ Ivalice ເປັນໂລກທີ່ສ້າງຈາກຈິນຕະນາການຂອງ Matsuno ທັງໝົດ ໂດຍສິ່ງຕ່າງໆໃນ Ivalice ໄດ້ຮັບອິດທິພົນມາຈາກທະວີບຢູໂຣບປະສົມປະສານຂໍ້ມູນໃໝ່ທີ່ທີມງານຈະອອກໄປຊອກມາເພີ່ມເລື້ອຍໆ.
-    ໂລກແຫ່ງ Ivalice ມີ Timeline ດັ່ງນີ້:
Final Fantasy XII --> Final Fantasy XII: Revenant Wings --> Final Fantasy Tactics Advance 1,2 (ຕອນທີ່ເຂົ້າມາຢູ່ໃນໂລກຂອງປຶ້ມ) --> Final Fantasy Tactics --> Final Fantasy Tactics Advance ແລະ Final Fantasy Tactics Advance 2 (ຕອນເລີ່ມເກມ ກ່ອນພົບປຶ້ມ)

(ໂດຍ Vagrant Story ບໍ່ໄດ້ບອກເວລາແນ່ນອນ ແຕ່ເກີດກ່ອນຍຸກ Final Fantasy Tactics ຍ້ອນວ່າຕຳນານVagrant Story ບໍ່ມີການກ່າວເຖິງສາດສະໜາ Ajora )

-    ມັງກອນຮ້ອຍລ້ານທີ່ຊື່ YazMat ເອົາມາຈາກຊື່ຂອງ Yasumi Matsuno ໂດຍລາວບໍ່ໄດ້ເປັນຜູ້ຄິດຂຶ້ນມາ ແຕ່ເປັນທີມງານຂອງລາວເປັນຜູ້ຄິດ ໂດຍປຽບລາວເປັນຄືພະເຈົ້າຂອງໂລກ Ivalice.
-    ຄວາມບ້າວົງດົນຕີ Queen ຂອງ Matsuno ນັ້ນມີໃຫ້ເຫັນໄດ້ໃນເກມຂອງລາວເກືອບທັງໝົດ.
1. Ogre Battle: March of the Black Queen ຊື່ເກມທຳອິດທີ່ສ້າງຊື່ຂອງລາວ ຄຳວ່າ Ogre Battle ກັບ March of the Black Queen ນັ້ນເອົາມາຈາກເພງໃນຊຸດ Queen II.

Queen II Track listing
Side "White"
"Procession" (May) – 1:12
"Father to Son" (May) – 6:14
"White Queen (As It Began)" (May) – 4:33
"Some Day One Day" (May) – 4:21
"The Loser in the End" (Taylor) – 4:01
Side "Black"
"Ogre Battle"  (Mercury) – 4:08
"The Fairy Feller's Master-Stroke" (Mercury) – 2:41
"Nevermore" (Mercury) – 1:17
"The March of the Black Queen" (Mercury) – 6:33
"Funny How Love Is" (Mercury) – 2:48
"Seven Seas of Rhye" (Mercury) – 2:48

2. Tactics Ogre: Let Us Cling Together ຄຳວ່າ Let Us Cling Together ນັ້ນເອົາມາຈາກເພງໃນຊຸດ A Day at the Races.
3. Final Fantasy Tactics chapter ທີ່ຊຶ່ວ່າ "Somebody to Love" ນັ້ນເອົາມາຈາກເພງໃນຊຸດ A Day at the Races.

A Day at the Races Track listing
Side one
"Tie Your Mother Down" (May) – 4:47
"You Take My Breath Away" (Mercury) – 5:08
"Long Away" (May) – 3:33
"The Millionaire Waltz" (Mercury) – 4:54
"You and I" (Deacon) – 3:25
Side two
"Somebody to Love" (Mercury) – 4:56
"White Man" (May) – 4:59
"Good Old-Fashioned Lover Boy" (Mercury) – 2:54
"Drowse" (Taylor) – 3:45
"Teo Torriatte (Let Us Cling Together)" (May) – 5:57

4. Vagrant Story ພະເອກຂອງເກມຖືດາບເຫຼັ້ມທຳອິດຊື່ Fandango ເຊິ່ງເປັນສ່ວນ໑ຂອງເພງ Bohemian Rhapsody ໃນຊຸດ A Night at the Opera.

5. Final Fantasy XII ມົນອະສູນລາສີ Leo ທີ່ຊື່ Hashmal ນັ້ນມີທ່າໄມ້ຕາຍທີ່ຊື່ວ່າ Rock You ເຊິ່ງເປັນສ່ວນ໑ຂອງເນື້ອເພງ We Will Rock You ຈາກຊຸດ News of the World.

ຜົນງານຂອງ Yasumi Matsuno ຕັ້ງແຕ່ອະດີດຈົນເຖິງປະຈຸບັນ:

- Ogre Battle: March of the Black Queen
ໜ້າທີ່ Director, scenario and game design
- Tactics Ogre: Let Us Cling Together
ໜ້າທີ່ Director, scenario and game design
- Final Fantasy Tactics
ໜ້າທີ່ Director, script and game design
- Vagrant Story (ຄະແນນວິຈານ 40/40 ຈາກແຟມິສຶ)
ໜ້າທີ່ Producer, director and battle design
- Ogre Battle 64
ໜ້າທີ່ Person of Lordly Caliber: Script, scenario design
- Final Fantasy Tactics Advance
ໜ້າທີ່ Producer, original concept
- Final Fantasy XII (ຄະແນນວິຈານ 40/40 ຈາກແຟມິສຶ)
ໜ້າທີ່ Original concept, scenario plotter, and supervisor.

FF - Tetsuya Nomura ພະເຈົ້າແຫ່ງFFໃນຍຸກປະຈຸບັນ

ນັກພັດທະນາຄົນຕໍ່ໄປທີ່ຂ້າພະເຈົ້າຈະກ່າວເຖິງ ຄິດວ່າແຟນໆຕະກຸນFFຫຼຸ້ນໃໝ່ໜ້າຈະຮູ້ຈັກເປັນຢ່າງດີ ນອກຈາກນີ້ຍັງມີຕະກຸນດັງເຊັ່ນ Kingdom Hearts ຫົວໜ້າໂປ່ໃນທີມສ້າງກໍ່ແມ່ນລາວຜູ້ນີ້ເອງ ນັກແຕ້ມຮູບທຳມະດາຜູ້ປ່ຽນຕົນເອງມາເປັນນັກພັດທະນາເກມຜູ້ທີ່ມີຊື່ສຽງ ນາມວ່າ Tetsuya Nomura (ເທັຕສຶຢະ ໂນມຸຣະ).

ປະຫວັດຫຍໍ້
Tetsuya Nomura ເກີດເມື່ອວັນທີ່ ໘ ຕຸລາ ໑໙໗໐ ທີ່ແຂວງ Kōchi ທາງພາກ Shikoku ປະເທດຍີ່ປຸ່ນ. ເລີ່ມຕົ້ນອາຊີບນັກແຕ້ມຮູບ ໃນບ່ອນສຶກສາວິຊາຊີບທີ່ຮັບອອກແບບສິລະປະເພື່ອເຮັດໂຄສະນາ. ຈົນຮອດປີ ໑໙໙໒ ບໍລິສັດ Square ໄດ້ຈ້າງລາວໄປເຮັດວຽກດ້ານ Battle Graphics ໃນຕຳແໜ່ງອອກແບບສັດປະຫຼາດໃນເກມຕະກຸນດັງຊື່ Final Fantasy V, ຫຼັງຈາກນັ້ນອີກ໒ປີຕໍ່ມາ ກໍ່ໄດ້ຮັບໂອກາດຮ່ວມເຮັດວຽກກັບສິລະປິນຊື່ດັງ Yo****aka Amano ໃນຕຳແໜ່ງ Graphic Director ແລະຜູ້ອອກແບບຕົວລະຄອນຍ່ອຍໃນ Final Fantasy VI ຕະຫຼອດເວລານັ້ນລາວເກືອບບໍ່ໄດ້ຮັບຊື່ສຽງໃດໆເລີຍ ເປັນພຽງແຕ່ນັກອອກແບບຕຳແໜ່ງນ້ອຍໆໃນບໍລິສັດ.

ຈົນເວລາຜ່ານມາເຖິງປີ ໒໙໙໗ ລາວໄດ້ຮັບໂອກາດທີ່ຍິ່ງໃຫຍ່. ບໍລິສັດຕົ້ນສັງກັດຂອງລາວຖາມລາວວ່າ ສາມາດຮັບໜ້າທີ່ອອກແບບຕົວລະຄອນຫຼັກໃນ Final Fantasy VII ແທນທີ່ Yo****aka Amano ໄດ້ບໍ່? ເນື່ອງຈາກຮູບແບບການແຕ້ມຮູບຂອງ Amano ນັ້ນບໍ່ສາມາດນຳໄປສແກນ ແລະໃຊ້ເຮັດກຣາຟິກພາຍໃນເກມໄດ້, ລາວບໍ່ລັງເລທີ່ຈະປ່ອຍໂອກາດນັ້ນໄປ ແລະລາວກໍ່ເຮັດໄດ້ດີນຳອີກ. ເມື່ອ Final Fantasy VII ອອກວາງຈຳໜ່າຍກໍ່ໄດ້ຮັບການຕອບຮັບຢ່າງລົ້ນເຫຼືອ ແລະມີສ່ວນເຮັດໃຫ້ເຄື່ອງເກມ Playstation ສາມາດເອົາຊະນະເຄື່ອງເກມຄູ່ແຂ່ງອື່ນໆ ກາຍເປັນເຈົ້າແຫ່ງເຄື່ອງເກມຄອນໂຊລໃນຍຸກນັ້ນໄດ້ເປັນຜົນສຳເລັດ.

ຫຼັງຈາກນັ້ນວຽກຕ່າງໆຫຼາຍແບບກໍ່ເຂົ້າມາຫາໂຕລາວເຊັ່ນ: Parasite Eve, Brave Fencer Musashiden ກໍ່ສ້າງຊື່ໃຫ້ລາວໄດ້ຢູ່ເລື້ອຍໆ. ໒ປີຖັດມາ ລາວກໍ່ຍັງໄດ້ຮັບຄວາມໄວ້ວາງໃຈໃຫ້ອອກແບບຕົວລະຄອນຫຼັກໃນ Final Fatasy VIII ຕໍ່ອີກ໑ພາກ ໂດຍໃນພາກນີ້ລາວບໍ່ພຽງແຕ່ເຮັດໜ້າທີ່ອອກແບບຕົວລະຄອນເທົ່ານັ້ນ ຍັງຮັບໜ້າທີ່ Battle Visual Director ນຳອີກ.   ຜົນຕອບຮັບຂອງເກມກໍ່ຍັງດີເຊັ່ນເຄີຍ ຈົນເຮັດໃຫ້ທາງບໍລິສັດຕັດສິນໃຈໃຫ້ລາວເປັນຫົວໜ້າທີມຜູ້ອອກແບບຕົວລະຄອນຫຼັກໃນຕະກຸນ Final Fantasy ນັບຈາກນັ້ນເປັນຕົ້ນມາ.

ເຖິງແມ່ນລາວຈະມີຕະກຸນຫຼັກຢູ່ໃນມືແລ້ວ ລາວກໍ່ຍັງເຮັດວຽກໃຫ້ກັບເກມອື່ນໆຂອງ Square ຕໍ່ໄປເລື້ອຍໆເຊັ່ນ: Ehrgeiz: God Bless the Ring ແລະ Parasite Eve II ລວມໄປເຖິງເກມທຳອິດຂອງບໍລິສັດໃນເຄື່ອງເກມຄອນໂຊລຫຼຸ້ນໃໝ່ຂອງ Sony ກໍ່ແມ່ນ The Bouncer ໂດຍໃນປີດຽວກັນທີ່ The Bouncer ວາງຈຳໜ່າຍ ເມື່ອ Shinji Hashimoto ເຈົ້າຂອງບໍລິສັດ Squaresoft ໃນຂະນະນັ້ນໄດ້ພົບກັບເຈົ້າໜ້າທີ່ລະດັບສູງຂອງທາງ Disney ໃນລິຟທ໌ (ບໍ່ເຊື່ອກໍ່ຕ້ອງເຊື່ອວ່າສຳນັກງານຂອງ Square ກັບ Disney ໃນຍີ່ປຸ່ນນັ້ນຕັ້ງຢູ່ເທິງຕຶກດຽວກັນ) ແນວຄິດໃນການຮ່ວມວຽກໃນເກມ Kingdom Hearts ຈຶ່ງເກີດຂຶ້ນ ແລະຜູ້ຮັບໜ້າທີ່ໃຫຍ່ໃນໂຄງການນີ້ກໍ່ແມ່ນລາວນີ້ເອງ ໃນຕຳແໜ່ງ Director, Concept Design ແລະອອກແບບຕົວລະຄອນຫຼັກ ແລະເກມທີ່ວ່າກໍ່ໄດ້ວາງຈຳໜ່າຍໃນປີ໒໐໐໒ ພ້ອມກັບຜົນຕອບຮັບທີ່ແຮງເກີນຄາດໝາຍ ຈົນເຮັດໃຫ້ກາຍເປັນອີກຕະກຸນຫາເງິນຂອງບໍລິສັດໄປໃນທີ່ສຸດ. ແລະປີນັ້ນເອງໂຕລາວກໍ່ໄດ້ຮັບລາງວັນ Excellence In Visual Arts ຈາກ Game Developers Choice Awards.

ບໍ່ພຽງແຕ່ເກມເທົ່ານັ້ນທີ່ລາວເຮັດ ຍັງມີເລື່ອງແບບ CGI animated ຄື: Final Fantasy VII Advent Children ທີ່ອອກສາຍໃນປີ໒໐໐໕ ກໍ່ຍັງໄດ້ຮັບຄວາມນິຍົມ. ນອກຈາກຕຳແໜ່ງ Director ຂອງເລື່ອງແລ້ວ ລາວຍັງແຕ່ງເພງປະກອບເອງໃນເພງ “Calling” ທີ່ຮ້ອງໂດຍ Kyosuke Himuro ນັກຮ້ອງເພງຣ໊ອຄຄົນຍີ່ປຸ່ນ ແລະປີຖັດມາຈາກນັ້ນລາວກໍ່ຍັງໄດ້ຮັບລາງວັນ Best Creator ຈາກ Game Developers Choice Awards ອີກເທື່ອ໑.

ປະຈຸບັນ Nomura ກຳລັງເຮັດວຽກໃນໂຄງການໃຫຍ່ຂອງບໍລິສັດ Fabula Nova Crystallis: Final Fantasy XIII ໃນຕຳແໜ່ງຜູ້ອອກແບບຕົວລະຄອນຫຼັກທັງໝົດໂຄງການ ແລະເກມ໑ໃນໂຄງການ Final Fantasy Versus XIII ລາວໄດ້ຮັບໜ້າທີ່ Director ເຊັ່ນດຽວກັບເກມທີ່ຫາກໍ່ອອກວາງຈຳໜ່າຍໄປ Crisis Core: Final Fantasy VII ແລະເກມສະຫຼອງຄົບຮອບ ໒໐ປີ ຂອງຕະກຸນ FF ໃນຊື່ Dissidia: Final Fantasy ນອກຈາກນີ້ຍັງມີໜ້າທີ່ສຳຄັນໃນຕະກຸນທີ່ສຳຄັນຂອງລາວເຊັ່ນ: Kingdom Hearts ທັງ໓ພາກ (Kingdom Hearts: Birth by Sleep, Kingdom Hearts: 358/2 Days, ແລະ Kingdom Hearts: Coded) ອີກ.

ຈາກຄວາມສາມາດທີ່ມາກມາຍຂອງລາວເຮັດໃຫ້ອິດທິພົນການຕັດສິນໃຈໃນບໍລິສັດຂອງລາວສູງໄປນຳອີກ. ເມື່ອ໒ປີກ່ອນລາວອອກປາກກ່າວໃນວາລະສານ “ເດັນເກຄິ” ສະບັບເດືອນ ພະຈິກ ປີ ໒໐໐໗ ໄວ້ວ່າ: Final Fantasy Versus XIII ເກມທີ່ລາວເປັນຜູ້ນຳນັ້ນຕ້ອງເປັນ PS3 Exclusive ເທົ່ານັ້ນ.

ເນຶ່ອງຈາກຄວາມສາມາດ ແລະໜ້າທີ່ໆກ່າວມາທັງໝົດ ລາວຍັງໄດ້ຮັບໜ້າທີ່ດູແລຜະລິດຕະພັນສິນຄ້າທີ່ກ່ຽວກັບເກມຂອງບໍລິສັດນຳອີກ.

ຜົນງານຕັ້ງແຕ່ອະດີດຈົນເຖິງປະຈຸບັນ:

Final Fantasy V (1992)
Final Fantasy VI (1994)
Live A Live (1994)
Final Fantasy VII (1997)
Parasite Eve (1998)
Ehrgeiz: God Bless the Ring (1998)
Brave Fencer Musashi (1998)
Parasite Eve II (1999)
Final Fantasy VIII (1999)
The Bouncer (2000)
Final Fantasy X (2001)
Kingdom Hearts (2002)
Final Fantasy X-2 (2003)
Kingdom Hearts: Chain of Memories (2004)
Musashi: Samurai Legend (2005)
Final Fantasy VII Advent Children (2005/2006)
Kingdom Hearts II (2005/2006)
Final Fantasy V Advance (2006)
Dirge of Cerberus: Final Fantasy VII (2006)
Crisis Core: Final Fantasy VII (2007)
It's a Wonderful World (2007)
Final Fantasy XIII (TBD)
Final Fantasy Agito XIII (TBD)
Final Fantasy Versus XIII (TBD)
Monotone (2006/2007)
Dissidia: Final Fantasy (TBD)
Kingdom Hearts Birth by Sleep (TBD)
Kingdom Hearts 358/2 Days (TBD)
Kingdom Hearts coded (TBD)

FF – Nobuo Uematsu ຜູ້ຊາຍທີ່ເຮັດໃຫ້ດົນຕີຂອງ FF ມີຊີວິດ

ຖ້າຈະເວົ້າວ່າ Hironobu Sakaguchi ເປັນປິດາແຫ່ງFF ລາວຜູ້ນີ້ທີ່ຂ້າພະເຈົ້າຈະກ່າວເຖິງນີ້ກໍ່ຄືຊິແມ່ນອ້າຍ ຫຼືບໍ່ກໍ່ແມ່ນນ້າຂອງFF ຍ້ອນເກມທີ່ດີນອກຈາກມ່ວນແລ້ວ ດົນຕີປະກອບກໍ່ຖືເປັນສ່ວນສຳຄັນໃນການສ້າງອາລົມຂອງຜູ້ຫຼິ້ນ ບາງເກມເຮັດດົນຕີອອກມາບໍ່ດີກໍ່ເຮັດໃຫ້ເກມອອກແນວເປັນຕາເບື່ອກໍ່ໄດ້ ແລະຄົນທີ່ຂ້າພະເຈົ້າຈະກ່າວເຖິງກໍ່ແມ່ນ Nobuo Uematsu (ໂນບຸໂອະ ອຸເອມາສຶ).

ປະຫວັດຫຍໍ້
Nobuo Uematsu ເກີດເມື່ອວັນທີ່ ໒໑ ມີນາ ໑໙໕໙ ຢູ່ເມືອງ Kochi ແຂວງ Kochi ປະເທດຍີ່ປຸ່ນ. ລາວເລີ່ມຫຼິ້ນດົນຕີເມື່ອອາຍຸໄດ້໑໒ປີ ໂດຍເຄື່ອງດົນຕີທຳອິດທີ່ຫຼິ້ນກໍ່ແມ່ນ ເປຍໂນ, ແຕ່ທີ່ໜ້າສົນໃຈກໍ່ແມ່ນ ລາວຮຽນຮູ້ການຫຼິ້ນດົນຕີດ້ວຍຕົນເອງທັງໝົດ. ຫຼັງຈາກຈົບການສຶກສາຈາກມະຫາວິທະຍາໄລ Kanakawa University ແຕ່ຄະນະທີ່ຈົບພັດບໍ່ແມ່ນດ້ານດົນຕີຊ້ຳ. ລາວເລີ່ມປະພັນເພງຂາຍກ່ອນທີ່ຈະເຂົ້າຮ່ວມກັບບໍລິສັດ Square Co., Ltd. (ປະຈຸບັນແມ່ນບໍລິສັດ Square Enix Co., Ltd.) ໃນປີ ໑໙໘໖ ລາວໄດ້ປະພັນເພງໃຫ້ກັບເກມກວ່າ ໓໐ ເກມ ລວມເຖິງຕະກຸນດັງ FF.

ໃນປີ ໒໐໐໔ ລາວໄດ້ຕັ້ງບໍລິສັດຂອງລາວຂຶ້ນມາເອງ Smile Please Co., Ltd. ແຕ່ກໍ່ຍັງປະພັນເພງໃຫ້ກັບ Square Enix ຕໍ່ໄປ, ແຕ່ກໍ່ໄດ້ຮັບວຽກຈາກບໍລິສັດເກມແລະສື່ອື່ນໆເພີ່ມຂຶ້ນນຳ ເຊັ່ນ: ເພງThemeຂອງອະນີເມະ Ah! My Goddess The Movie ລວມໄປເຖິງຂຽນເພງໃຫ້ກັບນັກຮ້ອງຂອງຍີ່ປຸ່ນ Emiko Shiratori (ຜູ້ຮ້ອງເພງ Molodies of Life ທັງເວີຣ໌ຊັ່ນອັງກິດແລະຍີ່ປຸ່ນ) ແລະ Rikki (ຜູ້ຮ້ອງເພງ Suteki da ne).

ວົງດົນຕີ Emerson, Lake and Palmer.

ແນວເພງຂອງ Nobuo Uematsu ຂ້ອນຂ້າງມີຫຼາຍແບບແຕ່ຈະເນັ້ນໄປທາງ Classical ເຊິ່ງແບບການແຕ່ງຈະຄ້າຍຄືກັບນັກປະພັນເພງຂອງເຢຍລະມັນ Peer Raben ລວມໄປເຖິງແນວເພງຍຸກໃໝ່ ທີ່ເນັ້ນດົນຕີແບບ Techno-Eletronica ແບບການແຕ່ງໄດ້ຮັບອິດທິພົນມາຈາກວົງດົນຕີ Emerson, Lake and Palmer ແລະຍ້ອນການແຕ່ງເພງໃຫ້ກັບເກມນີ້ເຮັດໃຫ້ວາລະສານ Time ເລືອກລາວເປັນ໑ໃນນັກປະຕິວັດວົງການດົນຕີສະໄໝໃໝ່.

ຫຼັງຈາກທີ່ປະສົບຜົນສຳເລັດຈາກຄອນເສີດຊື່ “Tour de Japon – Music from Final Fantasy” ສະແດງ໖ເມືອງໃນຍີ່ປຸ່ນ ລາວກໍ່ໄດ້ຮັບໂອກາດໄປສະແດງຄອນເສີດຮອດ Los Angeles, California ປະເທດອາເມຣິກາ ບັດຄອນເສີດຂາຍໝົດພາຍໃນ໓ມື້ ໂດຍວົງດົນຕີທີ່ສະແດງແມ່ນ Los Angeles Philharmonic Oechestra ແລະ Los Angeles Master Chorale ໂດຍຄວບຄຸມການສະແດງໂດຍ Forth Worth Symphony Orchetra ໃນປີ ໒໐໐໕ ມີຄອນເສີດອີກເທື່ອ໑ໃນອະເມຣິກາໃນຊື່ “Dear Friends: Music from Final Fantasy” ແລະໃນປີ ໒໐໐໖ ກໍ່ມີຄອນເສີດອີກ ໂດຍເທື່ອນີ້ຈັດຂຶ້ນຢູ່ເມືອງ ໂຢໂກຮາມ່າ ທີ່ພິເສດກວ່າທຸກເທື່ອກໍ່ບ່ອນທີ່ມີນັກຮ້ອງເພງປະກອບFF ມາຮ່ວມສະແດງນຳ ໃນຊື່ຄອນເສີດວ່າ: “Voices: Music from Fianal Fatasy” ນອກຈາກນີ້ແລ້ວໃນຄອນເສີດນີ້ເອງລາວໄດ້ຕອບຮັບການເຂົ້າຮ່ວມທົວຣ໌ຄອນເສີດເພງ ຈາກເກມທີ່ໃຫຍ່ທີ່ສຸດໃນໂລກ Play! A Video Game Symphony ນຳອີກ.

ລາຍຊື່ເພງທັງໝົດໃນຄອນເສີດ Play! A Video Game Symphony:
Final Fantasy
Metal Gear Solid
The Legend of Zelda
Castlevania
The Elder Scrolls III: Morrowind
The Elder Scrolls IV: Oblivion
Blue Dragon
Lost Odyssey
Halo
Apidya
Super Mario Bros.
Super Mario World
Prey (video game)
Sonic the Hedgehog
The Revenge of Shinobi
ActRaiser
World of Warcraft
Black (video game)
Kingdom Hearts
Chrono Cross
Chrono Trigger
Stella Deus
Silent Hill
Shadow of the Colossus
Battlefield 1942
Shenmue
The Chronicles of Riddick: Escape from Butcher Bay
The Darkness (video game)
Daytona USA (arcade game)
Commodore 64-Medley, including the titles The Great Giana Sisters, International Karate, Wizball, The Last Ninja, Forbidden Forest and Ancestors - Zoids Desert Battle
Commodore Amiga-Medley, including the titles Alienbreed, Lionheart, Pinball Fantasies, James Pond 2, Lemmings and Turrican 2

ໃນປີ ໒໐໐໓ Nobuo Uematsu ຍັງໄດ້ຕັ້ງວົງດົນຕີ The Black Mages ຂຶ້ນມາພ້ອມກັບອອກອັລບ້ຳນຳອີກ ໂດຍເພງຈະມາຈາກເພງຕະກຸນFFທີ່ຮຽບຮຽງໃໝ່ທັງໝົດ ໂດຍເນັ້ນໄປທາງແນວ Rock, Syphonic Rock ແລະ Neo-Classical Metal ໄດ້ຮັບຄວາມນິຍົມຫຼວງຫຼາຍຈົນມີຊຸດທີ່໑ The Black Mages II: The Skies Above ອອກມາອີກໃນປີ ໒໐໐໕.

ນັກດົນຕີທີ່ມີອິດທິພົນຕໍ່ຜົນງານເພງຂອງ Nobuo Uematsu:
Elton John
Emerson, Lake & Palmer
Mike Oldfield
Vangelis
Pyotr Ilyich Tchaikovsky
Simon & Garfunkel
Vienna Boys Choir
Yes
Deep Purple

ຜົນງານຕັ້ງແຕ່ອະດີດຈົນເຖິງປະຈຸບັນ:

Video game soundtracks
Genesis (1985)
Cruise Chaser Blassty (1986)
Alpha (1986)
Crystal Dragon (1986)
King's Knight Special (1986)
King's Knight (1986)
Aliens (1987)
3-D WorldRunner (1987)
JJ (1987)
Apple Town Story (1987)
Cleopatra no Mahou (1987)
Rad Racer (1987)
Final Fantasy (1987)
Nakayama Miho no Dokidoki High School
Hanjuku Hero
Final Fantasy II (1988) - ບັນທຶກສຽງໃໝ່ຮ່ວມກັບ Tsuyoshi Sekito ສຳຫຼັບເວີຣ໌ຊັ່ນ Wonderswan Color ແລະ PlayStation (2000, 2002)
Makaitoushi SaGa (a.k.a. Final Fantasy Legend) (1989)
Square's Tom Sawyer (1989)
Final Fantasy III (1990) - ບັນທຶກສຽງໃໝ່ຮ່ວມກັບ Tsuyoshi Sekito ແລະ Keiji Kawamori ສຳຫຼັບເວີຣ໌ຊັ່ນ the Nintendo DS (2006).
SaGa 2 Hihou Densetsu (ຫຼື Final Fantasy Legend 2) (1991)
Final Fantasy IV (1991)
Final Fantasy V (1992)
Romancing SaGa 2 (1993) - ຮ່ວມກັບ Kenji Ito
Final Fantasy VI (1994)
Chrono Trigger (1995) - ຮ່ວມກັບ Yasunori Mitsuda and Noriko Matsueda (ຮ່ວມກັບ Tsuyoshi Sekito ສຳຫຼັບເວີຣ໌ຊັ່ນ PlayStation)
DynamiTracer (1995)
Front Mission: Gun Hazard (1996) - ຮ່ວມກັບ Yasunori Mitsuda, Masashi Hamauzu ແລະ Junya Nakano
Final Fantasy VII (1997)
Final Fantasy VIII (1999)
Final Fantasy IX (2000)
Final Fantasy X (2001) - ຮ່ວມກັບ Masashi Hamauzu ແລະ Junya Nakano
Hanjuku Hero Vs. 3D (2002)
Final Fantasy XI (2002/2003) - ຮ່ວມກັບ With Naoshi Mizuta ແລະ Kumi Tanioka
Hanjuku Hero 4 (2005) - ຮ່ວມກັບ Kenichiro Fukui, Hirosato Noda, Tsuyoshi Sekito, Naoshi Mizuta, Kenichi Mikoshiba, Ai Yama****a ແລະ Kenji Ito
Final Fantasy XII (2006) - ຮ່ວມກັບ Hitoshi Sakimoto, Hayato Matsuo, Masaharu Iwata, ແລະ Taro Hakase
Blue Dragon (2006)
Super Smash Bros. Brawl (2007) - ຮ່ວມກັບນັກປະພັນອີກຫຼາຍຄົນ
Lost Odyssey (Q4 2007)
Anata o Yurusanai (Q4 2007)
Cry On (TBD)
Final Fantasy XIII (TBD) - ຮ່ວມກັບ Masashi Hamauzu

ຜົນງານຂອງ Nobuo Uematsu ທີ່ຖືກນຳໄປຮຽບຮຽງໃໝ່:

Super Mario RPG: Legend of the Seven Stars (1996) - Music from Final Fantasy IV ຮຽບຮຽງໃໝ່ໂດຍ Yoko Shimomura
Ehrgeiz (1998) - Music from Final Fantasy VII ຮຽບຮຽງໃໝ່ໂດຍ Takayuki Nakamura
Chocobo Racing (1999) - Music from multiple Final Fantasy games ຮຽບຮຽງໃໝ່ໂດຍ Kenji Ito
Kingdom Hearts (2002) - Music from Final Fantasy VII ຮຽບຮຽງໃໝ່ໂດຍ Yoko Shimomura
Kingdom Hearts II (2005) - Music from Final Fantasy VII ຮຽບຮຽງໃໝ່ໂດຍ Yoko Shimomura
Final Fantasy III (Nintendo DS) - Music from Final Fantasy III ຮຽບຮຽງໃໝ່ໂດຍ Tsuyoshi Sekito and Keiji Kawamori ພາຍໃຕ້ການດູແລຂອງ Nobuo Uematsu

ອື່ນໆ:

Final Fantasy IV: Celtic Moon (1991) - ຮ່ວມກັບ Máire Breatnach
Final Fantasy: Pray (1994) - ຮ່ວມກັບ Risa Ohki
Phantasmagoria
Final Fantasy: Love Will Grow (1995) - ຮ່ວມກັບ Risa Ohki ແລະ Ikuko Noguchi
Final Fantasy VIII - Fithos Lusec Wecos Vinosec (1999)
Final Fantasy IX - Piano Collections (2000)
Final Fantasy IX - Original Soundtrack Plus (2000)
Ah! My Goddess The Movie - Original Soundtrack ຮ່ວມກັບ Shiro Hamaguchi (2000)
20020220 music from FINAL FANTASY (2002)
Over the Fantasy - ຮ່ວມກັບ Kana Ueda
Final Fantasy VII - Piano Collections (2003)
The Black Mages (2003)
The Black Mages II - The Skies Above (2004)
Final Fantasy VII Advent Children (2005)

FF - ປະຫວັດຂອງຄາຣ໌ບັງເຄິລ
Carbuncle… ໜູສີຂຽວ ກັບອັນຍະມະນີສີແດງ

ນັບຕັ້ງແຕ່ມີການເລີ່ມມີລະບົບມົນອະສູນຂຶ້ນມາໃນFF III… ຈວບຈົນເຖິງພາກປະຈຸບັນ ເວດມົນສາຍອັນເຊີນນີ້ ກໍ່ຍັງຄຽງຄູ່ກັບຕະກຸນມາຕະຫຼອດ ແມ່ນວ່າຈະມີການປັບປ່ຽນຊື່ຮຽກ ປ່ຽນແປງບ່ອນທີ່ມາ ຫຼືປັບປຸງຮູບແບບການໃຊ້ໄປຫຼວງຫຼາຍເທົ່າໃດກໍ່ຕາມ.
ໃນບັນດາສັດອະສູນຫຼາຍ໑໐ໂຕນັ້ນ ມີຢູ່ຫຼາຍຊື່ທີ່ແຟນໆມັກຈະລື້ງຫູກັນດີ ແລະກາຍເປັນເອກະລັກປະຈຳ ທີ່ຈະປະໂລມາໃຫ້ເຫັນໜ້າພົບຕາກັບຢ່າງສະໝ່ຳສະເໝີ ໂດຍ໑ໃນນັ້ນ ຈະມີສັດໂຕນ້ອຍສີຂຽວ ຮູບຮ່າງໜ້າຕາໜ້າຮັກໜ້າແພງຢູ່ໂຕ໑ ທີ່ແສນຈະຂັດກັບລັກສະນະຂອງເຫຼົ່າອະສູນອັນມີພະລັງ ແລະຈະຖ້າເສກຄາຖາສະທ້ອນເວດມົນກັບໄປສູ່ຜູ້ປ່ອຍມາ… ຊື່ຂອງມັນແມ່ນ “ຄາຣ໌ບັງເຄິລ”.

ຄຳວ່າ “ຄາຣ໌ບັງເຄິລ”(Carbuncle) ຖືກໃຊ້ກັນຫຼາຍຄວາມໝາຍໃນຫຼາຍວົງການເຊັ່ນ: ວົງການອັນຍະມະນີ ກໍ່ອາດຈະໃຊ້ຮຽກເຖິງ”ເພັດສີແດງ”(Garnet)ເມັດງາມສົດໃສ… ແຕ່ທີ່ມາຂອງໝາຈິ່ງຈອກນ້ອຍໂຕນີ້ ຄາດວ່າໜ້າຈະມາຈາກເລື່ອງເລົ່າຂານຂອງຊາວສະເປນ ເຖິງສິ່ງທີ່ມີຊີວິດເລິກລັບໃນອາເມລິກາລາຕິນ ເຊິ່ງມີຮູບຮ່າງນ້ອຍ ມີແກ້ວສີແດງງາມຍື່ນອອກມາຈາກຫົວ ແລະຈະນຳໂຊກດີມາສູ່ຜູ້ທີ່ໄດ້ຄອບຄອງໂຕມັນ…
ຄາຣ໌ບັງເຄິລ ປະກົດໂຕໃນຖານະສັດອະສູນເປັນຄັ້ງທຳອິດໃນFF V ໃນຮູບແບບຂອງ Optional Boss ທີ່ເຮົາສາມາດພົບໄດ້ໃສຜາສາດ Exdeath ທີ່ໂລກຂອງກາຣັຟ.

ເມື່ອບັທຊ໌ກັບພັກພວກສາມາດເອົາຊະນະມັນໄດ້ ຄາຣ໌ບັງເຄິລຈະຍອມຮັບໃນຄວາມແຂງແກ່ນ ແລະຕິດຕາມເຫຼົ່າໂຕເອກໃນຖານະຂອງ Sommon Level 4 ທີ່ຈະເສກຄາຖາ Reflect ໃຫ້ກັບສະມາຊິກທຸກຄົນ.
ໂຕນ້ອຍໆນີ້ ຍັງເປັນ໑ໃນຍຸດທະສາດສຳຄັນຂອງຫຼາຍໆຄົນ ທີ່ຈະໃຊ້ປ້ອງກັນທ່າ”ເມກ້າແຟລຣ໌”ທີ່ສຸດອັນຕະລາຍໃນເສິກປະທະມັງກອນບາຮາມຸຕຊ່ວງທ້າຍເກມນຳອີກ.

ໃນFF VI ກໍ່ຍັງມີຮູບຮ່າງແລະຄວາມສາມາດບໍ່ຕ່າງຈາກເກົ່າຫຼາຍ ແລະເປັນ໑ໃນຜະນຶກອະສູນ Espers ທີ່ເຮົາຈະໄດ້ຮັບມາຈາກໂຮງງານວິໄຈຂອງຈັກກະພັດກັສທຣ່າ ແລະຍັງສາມາດຮຽນເວດສາຍສະໜັບສະໜູນຕ່າງໆໄດ້ຈາກມັນ ໄດ້ແກ່: Reflect, Haste, Safe, Shell, Warp.

FF VIII ຄາຣ໌ບັງເຄິລກັບມາອີກຄັ້ງ໑ ໃນຮູບແບບຂອງອະສູນພິທັກ(Guardian Force) ທີ່ເຮົາສາມາດສັ່ງ Draw ມາໄດ້ໃນເຫດການລອບສັງຫານແມ່ມົດ ຈາກຫົວໜ້າກັບໂກ້ຍັກ Iguions ແຫ່ງເມືອງເດລິງ(Deling City) ຫຼືໃນພາລະກິດນັ້ນເອງ ກໍ່ຕ້ອງຖ້າເຖິງຜາສາດແມ່ມົດອັລຕິມີເຊຍໃນຊ່ວງທ້າຍຂອງເກມ.

FF IX ມີບົດບາດໃນຖານະສັດມາຍາ(Eidolon) ຂອງເອຍ໌ໂກະ ແລະຈະເສກຄາຖາ Reflect ໃຫ້ກັບສະມາຊິກທຸກຄົນ ໂດຍພາກນີ້ເຮົາສາມາດປ່ຽນແປງຮູບແບບຄາຖາສະໜັບສະໜູນຂອງຄາຣ໌ບັງເຄິລໄດ້ ໂດຍຕິດຕັ້ງເຄື່ອງປະດັບຕ່າງໆໃຫ້ກັບເອຍ໌ໂກະ ໄດ້ແກ່: Diamond=Vanish, Emerald=Haste, Moonstone=Shell.

FF XI ຄາຣ໌ບັງເຄິລເປັນມົນອະສູນ Avatar ໂຕທຳອິດທີ່ຜູ້ຫຼິ້ນຈະໄດ້ຮັບ ໃນຖານະຂອງອາຊີບ Sommoner ໂດຍໜ້າທີ່ຫຼັກຂອງມັນ ຈະເປັນການໃຊ້ເວດຮັກສາແລະສະໜັບສະໜູນໃຫ້ກັບປາຣ໌ຕີ່.

FF XII ບັນດາ Espers ແຫ່ງໂລກອິວາລິຊໄດ້ເຂົ້າມາເຮັດໜ້າທີ່ເປັນໂຕແທນປະຈຳລາສີທັງ໑໒ ແລະເປັນຂຸມພະລັງໃຫ້ກັບບັນດາໂຕເອກ… ມົນອະສູນຈາກພາກກ່ອນໆຈຶ່ງປ່ຽນບົດບາດ ກາຍມາເປັນຊື່ຍວດຍານພາຫະນະມາກມາຍ ທີ່ບິນຢູ່ເທິງນ່ານຟ້າ… ແລະຄາຣ໌ບັງເຄິລຂອງເຮົາ ກໍ່ກາຍມາເປັນຍານຮົບຫຸ້ມເກາະ ຮູບຮ່າງແຂງແຮງດ້ວຍປະການນີ້ແລ.

ນອກຈາກນີ້ ຄາຣ໌ບັງເຄິລຍັງປະກົດໂຕໃນພາກຍ່ອຍໆຫຼາຍພາກເຊັ່ນ:
FF XII Revenant Wings - ເປັນ໑ໃນ Summon ສາຍ Healing ທີ່ສຳຄັນແລະຫາໄດ້ຍາກຫຼາຍ.
FF Tactics Series - ມົນອະສູນທີ່ຍັງຄົງເຮັດໜ້າທີ່ປະຈຳໂຕເອກໃນການເສກ Reflect ໄດ້ຢ່າງຊື່ສັດ.
Chocobo Series - ໃນຖານະແກ້ວອະສູນໃນພາກ Dungeon, ໃນຖານະໄອເທັມສະໜັບສະໜູນໃນພາກ Dices ແລະໃນຖານະກາຣ໌ດພິເສດທີ່ໄດ້ຈາກເຄວສຍ່ອຍໃນພາກ Tales ເປັນຕົ້ນ.
…ແມ່ນວ່າການປ່ຽນແປງຮູບລັກສະນະໄປແດ່ ຕ່າງກຳຕ່າງວາລະ ແຕ່ມັນຍັງຄົງເຫຼືອເອກະລັກເກົ່າໆໄວ້ ທີ່ເປັນສິ່ງທີ່ມີຊີວິດໂຕນ້ອຍ ມາພ້ອມກັບອັນຍະມະນີສີແດງສົດໃສຢູ່ກາງໜ້າຜາກ ແລະເປັນທີ່ຈື່ຈຳຂອງບັນດາແຟນໆມາຈົນເຖິງປະຈຸບັນ… ບໍ່ວ່າຄົນຈະເບິ່ງປະໂຫຍດຂອງມັນໄວ້ຫຼາຍຫຼືໜ້ອຍກໍ່ຕາມ…

ຖ້າຈະກ່າວເຖິງ “ຄາຣ໌ບັງເຄິລ”ໃນຖານະຊື່ສະເພາະຊື່໑ແລ້ວນັ້ນ… ໂຕມັນໄດ້ເຄີຍປ່ຽນຮູບແບບໃໝ່ຕັ້ງແຕ່ FF III ໃນຖານະ໑ໃນສັດຕູຊຸດທຳອິດ ທີ່ຢູ່ພາຍໃນຖ້ຳ Altar Cave ຊ່ວງເລີ່ມເກມ… ດ້ວຍຮູບຮ່າງທີ່ແຕກຕ່າງໄປຈາກຄວາມຊົງຈຳຂອງພວກເຮົາຢ່າງສິ້ນເຊີງ!

ຄາຣ໌ບັງເຄິລໂຕນີ້ ຍ່ອມມີທີ່ມາແລະຄວາມໝາຍແຕກຕ່າງຈາກຄາຣ໌ບັງເຄິລຫຼຸ້ນຫຼັງແນ່ນອນ… ແລະຖ້າພິຈາລະນາຈາກຮູບຮ່າງທີ່ເປັນກ້ອນຜິວບໍ່ລຽບ ມີເປັນຕູດເປັນຕາໜ້າຢ້ານ ແລະນ້ຳໜອງໄຫຼແລ້ວ…

…ຄາດວ່າໂຕມັນໜ້າຈະມາຈາກ ໂລກຜິວໜັງຊະນິດ໑ ທີ່ຄົນທົ່ວໄປຮູ້ຈັກກັນໃນຊື່ຂອງ”ຝີ”(Carbuncle) ເປັນການອັກເສບຂອງຕ່ອມໄຂມັນແລະຮູຂົນ ເຮັດໃຫ້ເກີດເປັນຕຸ່ມໜອງ ບວມແດງຫຼາຍໆຫົວ… ເຊັ່ນດຽວກັບຄາຣ໌ບັງເຄິລດັ່ງເດີມໂຕນີ້ເລີຍ.
ແຕ່ກະຕ້ອງຂອບໃຈ SquareEnix ທີ່ປ່ຽນໃຫ້ມັນກາຍມາເປັນອະສູນໂຕປະຈຳຂອງຕະກຸນ ໃນຮູບແບບໜ້າຮັກໜ້າກອດຄືທຸກມື້ນີ້…

Hironobu Sakaguchi

ບິດາແຫ່ງ Final Fantasy

ຖ້າກ່າວເຖິງ ບິດາແຫ່ງ Final Fantasy ນັກຫຼິ້ນເກມເກືອບທັງໝົດກໍ່ຄົງບໍ່ມີໃຜຮູ້ວ່າແມ່ນໃຜ? ຍ້ອນວ່າລາວຜູ້ນີ້ເປັນຜູ້ສ້າງສຸດຍອດເກມຕະກຸນ໑ຂອງໂລກທີ່ມີຍອດຂາຍລວມກັນທຸກພາກທົ່ວໂລກ ກວ່າ ໘໐ລ້ານ ກອປປີ່ (ບໍ່ນັບແຜ່ນກອປ) ແລະລາວຜູ້ນີ້ທີ່ຂ້າພະເຈົ້າຈະກ່າວເຖິງມີຊື່ວ່າ Hironobu Sakaguchi (ຮິໂຣະໂນບຸ ຊາຄາງຸຈິ).

ປະຫວັດຫຍໍ້

Hironobu Sakaguchi ເກີດເມື່ອວັນທີ່ ໒໕ ພະຈິກ ໑໙໖໒ ແຂວງ Ibaraki ເຊິ່ງຢູ່ໃນພາກຄັນໂຕ ເຊັ່ນດຽວກັບແຂວງໂຕກຽວ. ຈົບການສຶກສາຊັ້ນມັດທະຍົມຢູ່ໂຮງຮຽນ Mito Senior High School ແລະເຂົ້າສຶກສາຕໍ່ຢູ່ມະຫາວິທະຍາໄລ Yokohama National University ໃນຄະນະວິສະວະກຳສາດ ສາຂາໄຟຟ້າ ແຕ່ລາວໄດ້ລາອອກຈາກມະຫາວິທະຍາໄລລະຫວ່າງທີ່ຮຽນຢູ່ໃນປີ ໑໙໘໓ ພ້ອມກັບໝູ່ຊື່ Hiromichi Tanaka (ປະຈຸບັນດຳລົງຕຳແໜ່ງຫົວໜ້າທີມພັດທະນາເກມຂອງບໍລິສັດ Square Enix ທີມທີ່໓ ທີ່ຮັບຜິດຊອບດ້ານເກມອອນໄລນ໌ເປັນສ່ວນໃຫຍ່)

ຫຼັງຈາກອອກມາຈາກມະຫາວິທະຍາໄລແລ້ວ ລາວໄດ້ຮ່ວມລົງທຶນກັບໝູ່ຊື່ Masafumi Miyamoto (ປະທານບໍລິສັດ Square ຄົນທຳອິດ) ໃນເດືອນກັນຍາ ໑໙໘໓ ຕັ້ງບໍລິສັດ Square ຂຶ້ນມາໂດຍລາວຮັບໜ້າທີ່ເປັນຄົນວາງແຜນ (Director of Planning) ແລະຜູ້ພັດທະນາເກມຂອງບໍລິສັດ (Developer). ເກມໃນຊ່ວງທຳອິດຂອງພວກລາວບໍ່ໄດ້ຮັບຄວາມນິຍົມປານໃດ ເຮັດໃຫ້ເງິນທີ່ລົງທຶນໄປຄ່ອຍໆໝົດ ເຮັດໃຫ້ Sakaguchi ຕັດສິນໃຈຄັ້ງສຳຄັນທີ່ສຸດໃນຊີວິດນັ້ນກໍ່ແມ່ນ ຂຽນເກມສຸດທ້າຍຂອງບໍລິສັດດ້ວຍເງິນທຶນທີ່ເຫຼືອທັງໝົດ ໂດຍໃສ່ຊື່ເກມນີ້ວ່າ “Final Fantasy” ແລະວາງຈຳໜ່າຍໃນວັນທີ່ ໑໘ ທັນວາ ປີ ໑໙໘໗ ໃນເຄື່ອງ Nintendo, ປະກົດວ່າໄດ້ຮັບຄວາມນິຍົມຢ່າງຖະຫຼົ່ມທະລາຍ ສ້າງຄວາມປະຫຼາດໃຈໃຫ້ແກ່ລາວຢ່າງຫຼວງຫຼາຍ ເຮັດໃຫ້ລາວກັບມາພັດທະນາເກມຕໍ່ຫຼັງຈາກປະສົບຄວາມສຳເລັດເກມນີ້ໄດ້ ແລະເກມພາກຕໍ່ຕະກຸນນີ້ກໍ່ຖືກພັດທະນາມາເລື້ອຍໆ ກາຍເປັນຕະກຸນທີ່ຕິດຕະຫຼາດໄປໃນທີ່ສຸດ.

ຫຼັງຈາກ Final Fantasy V ເຊິ່ງເປັນເກມສຸດທ້າຍທີ່ລາວຮັບຜິດຊອບໂດຍກົງວາງຈຳໜ່າຍ ລາວກໍ່ໄດ້ຮັບແຕ່ງຕັ້ງເປັນ Excutive Vice President ແລະຮັບໜ້າທີ່ດູແລໂຄງການເກມເກືອບທັງໝົດໃນຖານະໜ້າທີ່ Excutive Producer (ຕັ້ງແຕ່ FF VI ຈົນເຖິງ FF XI ລວມເຖິງຕະກຸນຍ່ອຍດັງເຊັ່ນ: Vagrant Story, Parasite Eve ແລະ Kingdom Hearts) ແລະເຮັດໃຫ້ລາວກາຍເປັນບຸກຄົນທີ່໓ ທີ່ຖືກບັນທຶກຊື່ເຂົ້າໃນ ຫໍກຽດຕິຍົດຂອງອຸດສາຫະກຳເກມ (Academy of Interactive Arts and Sciences’ Hall of Fame) ໃນປີ ໒໐໐໐ ຍ້ອນຜົນງານຂອງລາວໄດ້ສ້າງຄວາມປ່ຽນແປງແລະການພັດທະນາວົງການເກມຢ່າງຫຼວງຫຼາຍ.

ໃນປີຕໍ່ມາ (໒໐໐໑) ລາວໄດ້ໂດດເຂົ້າມາໃນວົງການໜັງເລື່ອງ ແລະກຳກັບເລື່ອງທຳອິດນັ້ນແມ່ນ Final Fantasy: The Spirits Within ເລື່ອງສ້າງຈາກຄອມພິວເຕີຣ໌ທັງໝົດ ແຕ່ພັດບໍ່ປະສົບຄວາມສຳເລັດເທົ່າທີ່ຄວນຈະເປັນ ເຮັດໃຫ້ບໍລິສັດຂາດທຶນເຖິງ ໑໒໐ ລ້ານ$ສະຫະລັດ ເຮັດໃຫ້ບໍລິສັດເຖິງກັບປະສົບວິກິດທາງການເງິນອີກເປັນເທື່ອທີ່໒ ແລະຕ້ອງເຂົ້າລວມກິດຈະການກັບບໍລິສັດ Enix ບໍລິສັດຄູ່ແຂ່ງໃນດ້ານແນວເກມ RPG ເພື່ອຮັກສາສະພາບຄ່ອງໂຕທາງການເງິນຂອງບໍລິສັດ.

ໃນປີ ໒໐໐໓ Sakaguchi ໄດ້ລາອອກຈາກບໍລິສັດແລະຕັ້ງບໍລິສັດໃໝ່ຂອງລາວໃນຊື່ Mistwalker ຊື່ບໍລິສັດທີ່ລາວໄດ້ຈົດສິດທິບັດເອົາໄວ້ໃນປີ ໒໐໐໑ ໂດຍໄດ້ຮັບການສະໜັບສະໜູນທາງດ້ານການເງິນຈາກ Microsoft ແລະພັດທະນາເກມໃນຖານະຜູ້ຮັບຜິດຊອບໂຄງການໂດຍກົງອີກເທື່ອ໑.

ຜົນງານຂອງລາວຕັ້ງແຕ່ອະດີດຈົນເຖິງປະຈຸບັນ:
Cry On
Lost Odyssey
ASH: Archaic Sealed Heat (2007)
Blue Dragon (2006)
Final Fantasy XII (2006)
Kingdom Hearts II (2005)
Final Fantasy VII Advent Children (2005)
Final Fantasy Tactics Advance (2003)
Final Fantasy X-2 (2003)
Final Fantasy XI (2002)
Final Fantasy Origins (2002)
Kingdom Hearts (2002)
Driving Emotion Type-S (2001)
Final Fantasy Chronicles (2001)
Final Fantasy X (2001)
The Bouncer (2000)
Final Fantasy IX (2000)
Vagrant Story (2000)
Chocobo Racing (1999)
Chrono Cross (1999)
Final Fantasy Anthology (1999)
Final Fantasy VIII (1999)
Front Mission 3 (1999)
Parasite Eve II (1999)
Saga Frontier 2 (1999)
Brave Fencer Musashi (1998)
Bushido Blade 2 (1998)
Chocobo's Dungeon 2 (1998)
Ehrgeiz (1998)
Parasite Eve (1998)
Xenogears (1998)
Bushido Blade (1997)
Einhänder (1997)
Final Fantasy Tactics (1997)
Final Fantasy VII (1997)
Bahamut Lagoon (1996)
Super Mario RPG: Legend of the Seven Stars (1996)
Tobal No.1 (1996)
Chrono Trigger (1995)
Seiken Densetsu 3 (1995)
Final Fantasy VI (1994)
Final Fantasy V (1992)
Final Fantasy IV (1991)
Final Fantasy III (1990)
Final Fantasy II (1988)
Final Fantasy (1987)
Rad Racer (1987)

ປະຫວັດໂຈໂຄໂບະ

ຂ້າພະເຈົ້າເຊື່ອວ່າແຟນເກມຕະກຸນFFຕ້ອງຮູ້ຈັກກັບໂຈໂຄໂບະ(「チョコボ」, Chocobo?) ນົກຂະໜາດໃຫຍ່ແນ່ນອນ ແຕ່ຈະມີຈັກຄົນທີ່ຮູ້ວ່າໂຕນົກໃຫຍ່ສີເຫຼືອງ (ຫຼືສີອື່ນໆ) ນັ້ນມີທີ່ມາແບບໃດ ມື້ນີ້ຂ້າພະເຈົ້າຈຶ່ງຂໍນຳມາສະເໜີປະຫວັດຂອງໂຕນີ້.

ໂຈໂຄໂບະ ນົກໃຫຍ່ສີເຫຼືອງທີ່ປະກົດໂຕໃນຕະກຸນFFເກືອບທຸກພາກນັ້ນ ເປັນນົກຕະກຸນດຽວກັນກັບນົກກະຈອກເທດ ໂດຍທົ່ວໄປຈະມີສີເຫຼືອງ ແຕ່ກໍ່ມີສີອື່ນນຳ ເຊິ່ງພວກທີ່ມີສີແຕກຕ່າງຈາກປົກກະຕິຈະມີຄວາມສາມາດພິເສດ ໃນເກມນັ້ນຈະຖືກໃຊ້ໃນຫຼາຍປະເທດເຊັ່ນ ພາຫະນະຂົນສົ່ງ ພາຫະນະສົງຄາມ ຈົນກະທັ້ງເປັນມົນອະສູນກໍ່ມີ ສຽງຮ້ອງຂອງນົກໂຕນີ້ຈະອອກສຽງໄດ້໒ແບບຄື: ແບບຍີ່ປຸ່ນຈະເປັນ “ຄູເອະ” (クエ, Kue) ແຕ່ໃນພາກອັງກິດຈະຖືກປ່ຽນເປັນ “ວ໊າກ” (Wark)

ໂຈໂຄໂບະເປັນສີມືການອອກແບບຂອງ Koichi Ishii ໑ໃນທີມງານສ້າງFFຫຼາຍພາກທີ່ຜ່ານມາແລະເກມຕະກຸນSeiken ໂດຍຕົ້ນແບບຂອງນົກໂຕນີ້ມາຈາກPresenterຊັອກໂກແລັດໂຕ໑ເຊິ່ງເປັນນົກຄືກັນ ຊື່ວ່າ “ຄຽວໂຣະ ຈັງ” (Kyoro Chan) ແລະຊື່ຂອງສິນຄ້ານັ້ນກໍ່ແມ່ນ “ໂຊໂຄບອລ” (Chocoball) ເຊິ່ງເປັນທີ່ມາຂອງນົກໂຕນີ້ເອງ.

ການປະກົດໂຕຄັ້ງທຳອິດຂອງນົກເຫຼືອງໂຕນີ້ແມ່ນ FF II ໃນຖານະເປັນແຕ່ພາຫະນະໃຊ້ເດີນທາງໄດ້ວ່ອງໄວກວ່າຍ່າງ ແລະບໍ່ຕ້ອງພົບສັດຕູ ແຕ່ເມື່ອລົງຈາກຫຼັງແລ້ວມັນຈະແລ່ນຫາຍໄປທັນທີ. ແລະນັບຈາກນັ້ນເປັນຕົ້ນມາFFເກືອບທຸກພາກກໍ່ຕ້ອງມີມັນເປັນສ່ວນ໑ຂອງເກມ ບໍ່ເວັ້ນແມ່ນແຕ່ໜັງເລື່ອງ The Spirits Within ກໍ່ຍັງມີມັນປະກົດໂຕນ້ອຍໆໃຫ້ໄດ້ເຫັນ.

ເຫັນບໍ່ວ່າຢູ່ບ່ອນໃດ?

ນອກຈາກຈະປະກົດໂຕຢ່າງຕໍ່ເນື່ອງໃນຕະກຸນFFແລ້ວ ມັນຍັງອອກໄປອາລະວາດຕາມຕະກຸນອື່ນໆຂອງຄ້າຍເຊັ່ນ:
-    ເປັນຕົວລະຄອນລັບໃນເກມຕໍ່ສູ້ຊື່ Tobal 2,
-    ເປັນມອນສເຕີຣ໌ໃນເກມຕະກຸນ Seiken Densetsu,
-    ເປັນຍານອາວະກາດໃນ Kingdom Hearts.
ຍັງບໍ່ລວມຕະກຸນຂອງຕົນເອງແຍກອອກມາອີກຕ່າງຫາກນຳ.

Biggs ກັບ Wedge ແມ່ນໃຜ?

ທ່ານຄົງເຄີຍເຫັນຕົວລະຄອນ໒ໂຕທີ່ປະກົດຢູ່ໃນFFພາກຫຼັງໆທີ່ຂ້າພະເຈົ້າຈະກ່າວເຖິງແນ່ນອນ ໂດຍການປະກົດໂຕຄັ້ງທຳອິດຂອງຄູ່ນີ້ນັ້ນ ຜູ້ຫຼິ້ນສາມາດບັງຄັບໄດ້ນຳອີກ ແລະຕົວລະຄອນທີ່ຈະເວົ້າເຖິງກໍ່ແມ່ນ໒ໂຕທາງລຸ່ມນີ້ແຫຼະ.

໒ຄົນນີ້ຊື່ວ່າ Vicks ກັບ Wedge ແຕ່ຄວາມຈິງແລ້ວຄົນທຳອິດຊື່ Biggs ຍ້ອນນັກແປເກມ FF VI ນັ້ນໄດ້ແປຜິດ ເນື່ອງຈາກສຽງໃນພາສາຍີ່ປຸ່ນນັ້ນ ໂຕ V ບໍ່ສາມາດອອກສຽງໄດ້ ໃຊ້ໂຕ B ແທນ, ຄົນແປກໍ່ເຂົ້າໃນຜິດວ່າຄົນສ້າງຕ້ອງການໃຫ້ສຽງອອກຕາມແບບນັ້ນ ເລີຍຈັດການປ່ຽນສຽງຈາກ Biggs ກາຍເປັນ Vicks.

ນອກຈາກພາກ໖ແລ້ວ ໒ຄົນນີ້ຍັງໄປປະໂລໃນພາກຫຼັງໆແລະເກມຂອງຄ້າຍ Square ຈົນເປັນເຫດໃຫ້ຫຼາຍຄົນສົງໄສວ່າ໒ຄົນນີ້ມາແບບໃດ ຈະຄື ຊິດ, ໂຈໂຄໂບະ ລວມໄປຈົນເຖິງ ໂມລໂບນ ຍ້ອນຖືເປັນຕົວລະຄອນທີ່ຈະປະໂລມາຫຼາຍໆພາກໃນFF. ຈາກການສືບໄປ-ສືບມາຂອງແຟນໆຢູ່ຕ່າງປະເທດກໍ່ເຮັດໃຫ້ໄດ້ຮູ້ວ່າ ໒ຄົນນີ້ມາຈາກເລື່ອງ Star Wars ນັ້ນເອງ.

໒ຄົນນີ້ປະກົດໂຕໃນ Star Wars ຖານະນັກບິນຮ່ວມຝູງຮົບ X-Wing ຂອງ Luke ທີ່ໄປຖະຫຼົ່ມດາວມໍລະນະໃນພາກ A New Hope (Episode IV: A New Hope) Biggs Darklighter ກັບ Wedge Antilles. ໂດຍBiggsແມ່ນຄົນທີ່ເຂົ້າໄປຊ່ອຍLukeບໍ່ໃຫ້ຖືກດາຣ໌ທ ເວເດີຣ໌ໄລ່ຕິດຕາມ ແລະຍອມສະລະຊີບເພື່ອໃຫ້ວຽກສຳເລັດຜົນ, ສ່ວນWedgeນັ້ນລອດຈາກເສິກຄັ້ງນີ້ໄປໄດ້ ແລະມີບົດບາດໃນພາກຫຼັງໆນຳອີກ (໒ພາກຕໍ່ມາ ແລະພາກນິຍາຍ)

ແລະຂ້າພະເຈົ້າຂໍສະຫຼຸບບົດບາດຂອງ໒ຄົນນີ້ໃນFFອີກເທື່ອ໑ ເພື່ອມີຄົນຕ້ອງການຢາກຮູ້ລາຍລະອຽດເດີ້.

-    Final Fantasy VI ໃນບົດບາດທະຫານຂອງຈັກກະພັດ ທີ່ໄດ້ຮັບພາລະກິດຮ່ວມກັບ Terra Branford ຕົວລະຄອນເອກໃຫ້ມາຄົ້ນຫາພະລັງ Esper ໃນເມືອງ Narshe, ແຕ່ເມື່ອເຂົ້າໃກ້ຫີນ Esper ທັງ໒ຄົນກໍ່ຖືກພະລັງເລິກລັບດູດຫາຍໄປຕະຫຼອດການ.
-    Final Fantasy VII ໃນບົດບາດຂອງສະມາຊິກກຸ່ມກໍ່ການຮ້າຍ AVALANCE ຫຼຸ້ນທີ່ມີ Barret Wallance ເປັນຫົວໜ້າ.

-    Final Fantasy VIII ໃນບົດບາດທະຫານ Galbadian ທີ່ກຸ່ມຂອງພວກ Squall ໄດ້ພົບໃນພາລະກິດທີ່ຫໍຄອຍເມືອງ Dollet ໃນແຜ່ນທີ່໑ (ເຊິ່ງຖືກBossເປົ່າໄປໃສກະບໍ່ຮູ້) ຫຼັງຈາກນັ້ນກໍ່ໄປພົບອີກເທື່ອ໑ຢູ່ຄຸກ D-District ໃນແຜ່ນທີ່໒ ແລະເທື່ອສຸດທ້າຍຢູ່ Lunatic Pandora ນອກຈາກນັ້ນຍັງເປັນຄົນປ້ອງກັນອີກນຳ.

-    Final Fantasy X ແລະ X-2 ໃນບົດບາດຄົນຍາມໜ້າສະໜາມແຂ່ງຂັນ Blitzball ຢູ່ເມືອງ Luca ແລະຍັງສາມາດຊວນມາຫຼິ້ນໃນທີມໄດ້ນຳ (ຍັງເກ່ງອີກຕ່າງຫາກ).
-    Final Fantasy XII ໃນບົດບາດທະຫານ Archadian ຊື່ Gibbs ກັບ Deweg (ເອົາມາຮຽງແບບAnagram) ທີ່ຢູ່ເມືອງ Nalbina.
-    Final Fantasy Tactics ໃນບົດບາດອັດສະວິນທີ່ບໍ່ມີບົດບາດ ແລະຕາຍທີ່ວິຫານ Orbonne Monastery.
-    Final Fantasy Tactics Advance ຈະປະກົດເປັນຕົວລະຄອນຊື່ໂລເລ.
ນອກຈາກນີ້ຍັງມີບົດບາດໃນເກມອື່ນໆອີກເຊັ່ນ:

-    Chono Trigger ໃນບົດບາດທະຫານທີ່ຫ້ອງທົດລອງຂອງ Norstein Bekkler ແລະຍັງມາພ້ອມກັບຕົວລະຄອນຊື່ Piett ທີ່ມາຈາກ Star Wars ຄືກັນ.
-    Kingdom Hearts II ໃນບົດບາດຄົນຂາຍເຄື່ອງປ້ອງກັນພ້ອມກັບ Jessie ຕົວລະຄອນຈາກກຸ່ມ AVALANCE ໃນພາກ7ຄືກັນ.
-    Chocobo’s Dungeon 2 ໃນບົດບາດຈອມເວດດຳທີ່ລໍຖ້າແນະນຳຜູ້ຫຼິ້ນ.

Final Fantasy ໘

ຄຳສັນຍາ ແຫ່ງຊ່ວງເວລາອັນນິລັນດອນ

Prologue
ຕັ້ງແຕ່ອະດິຕະການ ຈວບຈົນຮອດວັນທີ່ວິທະຍາການຈະເລີນກ້າວໜ້າເຖິງຂີດສຸດນີ້… ເປັນຕາຫົວຫຼາຍ ທີ່ຜູ້ດຳລົງຢູ່ໃນຈຸດສູງສຸດເໜືອສັບພະຊີວິດ ພັດບໍ່ແມ່ນມະນຸດຜູ້ຄົ້ນຄິດປະດິດສ້າງ ແຕ່ເປັນພວກສະຕຣີທີ່ມີພະລັງພິເສດເໜືອຈິນຕະນາການ ເຊິ່ງຖືກຮຽກດ້ວຍຊື່ລວມ ທີ່ສະທ້ອນເຖິງຄວາມຫວັ່ນວິຕົກ… ບັນດາ”ແມ່ມົດ”(Sorceress) ຜູ້ເປັນຕາຢ້ານ…

ກ່ອນໜ້າຍຸກປະຈຸບັນໄປພຽງແຕ່ໜ້ອຍດຽວ ທົ່ວທັງໂລກເຕັມໄປດ້ວຍຫາຍະນະຈາກ ແມ່ມົດອາເດລ(Adel)ຜູ້ຊົ່ວຮ້າຍ… ດ້ວຍພະລັງເວດທີ່ບໍ່ມີຜູ້ໃດທຽບທຽມ ແລະກອງທັບທີ່ເຕັມໄປດ້ວຍພະລັງແຫ່ງວິທະຍາສາດແລ້ວ ອາເດລສາມາດປົກຄອງຄົນດ້ວຍຄວາມຢ້ານກົວມາເປັນໄລຍະເວລາດົນນານ.
…ແຕ່ວ່າ ດ້ວຍທຳມະຊາດຂອງຜູ້ທີ່ເປັນແມ່ມົດນັ້ນ ເມື່ອເຖິງເວລາທີ່ສົມຄວນ ກໍ່ຈະຕ້ອງຖ່າຍທອດ”ພະລັງ”ຂອງຕົນ ໃຫ້ກັບຄົນສືບທອດທີ່ເໝາະສົມ… ກ່ອນຈະຈົບຊີວິດຂອງຕົນໄປໄດ້ຢ່າງສະຫງົບສຸກ.

ຈຸດເລີ່ມຕົ້ນຂອງເລື່ອງລາວ ຢູ່ທີ່ວິກິດການຄັ້ງຍິ່ງໃຫຍ່ໃນຊີວິດຂອງສາວນ້ອຍ ເອລໂອເນ່(Ellone) ຜູ້ທີ່ມີຄວາມສາມາດໃນການ “ສົ່ງ” ຄວາມຮູ້ສຶກຂອງຄົນ ໃຫ້ຢ້ອນກັບໄປຊ່ວງເວລາຕ່າງໆໃນອະດີດໄດ້ຕາມຕ້ອງການ… ດ້ວຍພະລັງພິເສດທີ່ເໜືອມະນຸດທຸກຄົນນີ້ເອງ ເຮັດໃຫ້ເດັກຍິງຕົກເປັນເປົ້າສາຍຕາ ທັງໃນຖານະຕົວຢ່າງວິໄຈຊັ້ນເລີດ ແລະໃນຖານະ ວ່າທີ່“ໂຕແທນ”ແມ່ມົດຄົນຖັດໄປ ຕໍ່ຈາກອາເດລນັ້ນເອງ.
…ໃນທີ່ສຸດ ສາວນ້ອຍກໍ່ຖືກລັກພາໂຕໄປສູ່ມືຂອງແມ່ມົດ… ເຮັດໃຫ້ພໍ່ລ້ຽງຂອງນາງ “ລາກູນ່າ”(Laguna) ຕ້ອງຈາກພັນລະຍາແລະລູກໃນທ້ອງ ອອກເດີນທາງກວ່າເຄິ່ງໂລກ ເພື່ອໄລ່ຊອກຫາລູກສາວສຸດທີ່ຮັກຂອງຕົນກັບຄືນມາ.
ພາລະກິດໄລ່ນຳສາວນ້ອຍເອລໂອເນ່ຈົບລົງດ້ວຍດີ… ລາກູນ່າປະສົບຄວາມສຳເລັດໃນການເປັນຜູ້ນຳກອງທັບປົດແອກ ຜະນຶກແມ່ມົດອາເດລໄວ້ໃນຍານແຊ່ແຂງ ແລະຍິງຖິ້ມອອກໄປນອກອາວະກາດໄດ້ເປັນຜົນສຳເລັດ… ແຕ່ກຽດຕິຍົດ ແລະຕຳແໜ່ງຜູ້ປົກຄອງທີ່ລາວໄດ້ຮັບຕໍ່ມາຈາກແມ່ມົດອາເດລນັ້ນ… ເຮັດໃຫ້ລາວບໍ່ສາມາດຈະແຍກໂຕກັບບ້ານພ້ອມກັບເອລໂອເນ່… ຈົນບໍ່ໄດ້ແມ່ນກະທັ້ງຢູ່ເບິ່ງໃຈ ຍາມທີ່ພັນລະຍາເສຍຊີວິດ ແລະບໍ່ໄດ້ພົບໜ້າລູກຊາຍແທ້ໆແຕ່ຕອນເກີດ…

Shedding Tear
ຫຼັງຈາກສູນເສຍແມ່ຄົນສຳຄັນໄປ ເອລໂອເນ່ແລະນ້ອງຊາຍ ຜູ້ໄດ້ຮັບຊື່ທີ່ເຂັ້ມແຂງດັ່ງສິງວ່າ “ສຄອລລ໌ ເລອອນວຮາຣ໌ທ”(Squall Leohart) ກໍ່ພະເນຈອນໄປທີ່ບ່ອນລ້ຽງເດັກກ່ຳພ້າ ພ້ອມກັບເດັກນ້ອຍໄວໄລ່ລຽງກັນ ທີ່ລ້ວນແຕ່ສູນເສຍຄອບຄົວໄປໃນສົງຄາມແມ່ມົດອັນປ່າເຖື່ອນນັ້ນເອງ.
ແຕ່ຝັນຮ້າຍຍັງດຳເນີນຕໍ່ໄປ ເມື່ອການໄລ່ລ່າເອລໂອເນ່ເພື່ອໄປທົດລອງພະລັງພິເສດນັ້ນຍັງບໍ່ສິ້ນສຸດ… ອີເດຍ ເຈົ້າຂອງບ່ອນລ້ຽງເດັກກ່ຳພ້າຜູ້ອ່ອນໂຍນ ແລະເປັນອະດີດຜູ້ສືບທອດພະລັງແມ່ມົດ ໄດ້ເປັນຫ່ວງຄວາມປອດໄພຂອງສາວນ້ອຍ ຈຶ່ງສົ່ງໂຕເອລໂອເນ່ໄປລີ້ຢູ່ບ່ອນລ້ຽງເດັກກ້ຳພ້າກາງທະເລ… ແລະບໍ່ໄດ້ກັບມາພົບໜ້ານ້ອງຊາຍຂອງນາງເລີຍ ນັບແຕ່ນັ້ນເປັນຕົ້ນມາ.
ເດັກນ້ອຍສຄອລລ໌ເຕີບໃຫຍ່ມາຢ່າງໂດດດ່ຽວແລະໄຫວຫວັ່ນ.. ໂຕລາວເຊິ່ງບໍ່ເຄີຍໄດ້ຮັບຄວາມຮັກຈາກຜູ້ໃຫ້ກຳເນີດ ເມື່ອຕ້ອງສູນເສຍເອື້ອຍຄົນສຳຄັນໄປ… ທາງເລືອກທີ່ເຫຼືອຢູ່ ໃນການເຕີບໃຫຍ່ເປັນຜູ້ໃຫຍ່ຂອງລາວ… ຈຶ່ງຕ້ອງເປັນການ”ປິດຜະນຶກ” ອາລົມແລະຄວາມຮູ້ສຶກຂອງຕົນເອງ ປະຕິເສດທີ່ຈະສ້າງສາຍສຳພັນກັບໃຜໜ້າໃດ ພຽງແຕ່ເພື່ອຕົນເອງຈະບໍ່ໄດ້ເຈັບປວດຊ້ຳ໒ ກັບການແຍກຈາກຄົນທີ່ຕົນເອງຮັກ…
…ແລະແລ້ວ ຮອຍຍິ້ມທີ່ເປື້ອນໜ້າ ແລະນ້ຳຕາຂອງສິງໜຸ່ມ ກໍ່ແຫ້ງຫາຍໄປ ນັບແຕ່ນັ້ນເປັນຕົ້ນມາ…

Tales from the Future
ເລື່ອງລາວບົດທີ່໒ເລີ່ມຕົ້ນຂຶ້ນ ເມື່ອ “SeeD” ທະຫານຮັບຈ້າງ ຜູ້ມີໜ້າທີ່ຫຼັກໃນການສັງຫານແມ່ມົດ ໄດ້ເດີນທາງໄລ່ລ່າ ແມ່ມົດອັລຕິມີເຊຍ(Ultimecia)ຈາກໂລກອະນາຄົດ ກັບມາທີ່ຍຸກປະຈຸບັນ ທາງໜ້າອິເດຍແລະເດັກນ້ອຍສຄອລລ໌.
…ອິເດຍຕັດສິນໃຈຈະຮັບມອບພະລັງເທື່ອສຸດທ້າຍຂອງແມ່ມົດຈາກອັລຕິມີເຊຍມາໄວ້ທີ່ຕົນເອງ ເພື່ອປົກປ້ອງພວກເດັກນ້ອຍຂອງນາງ… ແລະໄດ້ຮັບຮູ້ເຖິງການມີຢູ່ຂອງSeeDເປັນຄັ້ງທຳອິດ ຈາກປາກຂອງເດັກໜຸ່ມຈາກໂລກອະນາຄົດນັ້ນເອງ.
ອິເດຍແລະສາມີ ຕັດສິນໃຈກໍ່ສ້າງໂຮງຮຽນພິເສດ ພາຍໃຕ້ຊື່ “Garden”ຂຶ້ນມາ ຕາມຄຳແນະນຳຂອງຊາຍໜຸ່ມ ໂດຍການນຳເອົາເດັກກ່ຳພ້າມາບົ່ມເປັນກອງກຳລັງSeeD ໃນຖານະນັກຮຽນທະຫານທີ່ຮັບຈ້າງປະຕິບັດພາລະກິດສ່ຽງໄພຕ່າງໆ ແລະມີຈຸດໝາຍສູງສຸດທີ່ເຊື່ອງຢູ່ ເປັນການ”ກຳຈັດ”ແມ່ມົດກາລະກີນີ… ກຳຈັດໂຕ”ອິເດຍ”ທີ່ຖ້າມື້ຈະຖືກຄວບຄຸມນັ້ນເອງ!!

ສິງໜຸ່ມຜູ້ເຢັນຊາ ໄດ້ເຕີບໃຫຍ່ມາໃນຖານະSeeDຜູ້ມີສີມືດີ ແລະໄດ້ມີໂອກາດພົບກັບສາວນ້ອຍ ຣີນໍຣ໌ ຮາຣ໌ທທິລລີ່(Rinoa Heartily) ຜູ້ຈ້າງໃຫ້ລາວໄປຮ່ວມກັບກອງກຳລັງປົດປ່ອຍ ເພື່ອປະເຊີນໜ້າກັບ”ແມ່ມົດອິເດຍ” ຜູ້ຖືກຄວບງວຳຈາກພະລັງຂອງແມ່ມົດອັລຕິມີເຊຍແຫ່ງໂລກອະນາຄົດ.
…ອາດຈະກ່າວໄດ້ວ່າ ແຜນຮັບມືຂອງອິເດຍຕັ້ງແຕ່ຕອນນັ້ນ ດຳເນີນໄປດ້ວຍດີ… ບັນດາSeeDທີ່ບໍ່ຮູ້ຕື້ນ-ເລິກ ເຖິງໂຕຕົນທີ່ແທ້ຈິງຂອງແມ່ມົດຜູ້ເຄີຍເປັນແມ່ລ້ຽງຂອງພວກລາວ ໄດ້ຕໍ່ຂ້າຟັນກັນໄປຈົນບົດສະຫຼຸບ… ແມ່ມົດອິເດຍຖືກປົດປ່ອຍພະລັງດ້ານມືອໃນທີ່ສຸດ… ແຕ່ພະລັງແມ່ມົດນັ້ນ ພັດຖືກຖ່າຍທອດຕໍ່ໄປທີ່ສາວນ້ອຍຣີນໍຣ໌!!

ສຸດທ້າຍ ແຜນການຂອງແມ່ມົດແຫ່ງໂລກອະນາຄົດ ອັລຕິມີເຊຍ ກໍ່ໄດ້ກະຈ່າງແຈ້ງຕໍ່ທຸກຄົນ… ນັ້ນແມ່ນຄວາມປາຖະໜາທີ່ຈະໃຊ້ພະລັງໃນການສົ່ງສະຕິຂອງເອລໂອເນ່ ເດີນທາງຢ້ອນກັບໄປຄວບງວຳແມ່ມົດຕ່າງຍຸກຕ່າງສະໄໝ… ເພື່ອເຮັດການ”ບີບອັດ”ມິຕິຫ້ວງເວລາ ທັງອະດີດ ປະຈຸບັນ ແລະອະນາຄົດ ໃຫ້ຄວບເຫຼືອແຕ່ຍຸກສະໄໝດຽວ.
… ແລະທີ່ຈຸດບັນຈົບ ແຫ່ງຊ່ວງເວລາທີ່ບີບອັດນັ້ນ… ສິ່ງມີຊີວິດພຽງ໑ດຽວທີ່ຈະຍັງເຫຼືອຢູ່ໄດ້ ທ່າມກາງຊາກຂອງການເວລາກໍ່ແມ່ນນາງ… ແມ່ມົດຜູ້ເປັນນິລັນດອນ!!!

Behind the cover
Final Fantasy ໘ - “ບົດແຫ່ງຊ່ວງບັນຈົບ” ນີ້ ນັບເປັນອີກພາກ໑ ທີ່ປະຕິວັດນິຍາມຂອງໄຟນັລ ແຟນຕາຊີໃຫ້ປ່ຽນໄປຢ່າງຮຸນແຮງອີກຄັ້ງ໑ ດ້ວຍການປັບໂທນຂອງເລື່ອງ ໃຫ້ມີຄວາມ”ຮ່ວມສະໄໝ”ມາກມາຍຫຼາຍຢ່າງທີ່ບໍ່ເຄີຍເປັນມາກ່ອນ… ເນັ້ນການປະຍຸກລວມກັນ ລະຫວ່າງເທັກໂນໂລຢີສຸກລ້ຳຍຸກ ກັບສິ່ງເພີ້ຝັນທີ່ກັ່ນຕອງມາຈາກຈິນຕະນາການ.
…ແມ່ນວ່າຈະບໍ່ແມ່ນເທື່ອທຳອິດ ທີ່ມີການພະຍາຍາມໃສ່ “ວັດທະນະທຳ” ທີ່ລ້ຳສະໄໝ ຫຼື “ວິທະຍາການ” ໄຮເທັຄຈາກໂລກຄວາມຈິງເຂົ້າໄປໃນໂຕເກມ… ແຕ່ພາກນີ້ ກໍ່ນັບເປັນພາກທຳອິດ ທີ່ຈັບເອົາສິ່ງເຫຼົ່ານັ້ນມາສ້າງເປັນສາກໃຫຍ່ໂຕ ຈົນເຖິງຂັ້ນກາຍເປັນໂຄງຫຼັກຂອງພາກ… ແນ່ນອນວ່າ ແຟນໆຈຳນວນບໍ່ໜ້ອຍ ຍ່ອມຈະບໍ່ພໍໃຈເລີຍກັບການທີ່ຜູ້ສ້າງໄດ້ປິດກິ່ນອາຍແຫ່ງແຟນຕາຊີ ດ້ວຍບັນຍາກາດຂອງເທັກໂນໂລຢີສະໄໝໃໝ່ທີ່ຮຸນແຮງເປັນພິເສດ… ເປັນຕົ້ນແມ່ນ: ຍານອາວະກາດ ສະຖານນີພາກພື້ນດິນ ລິຟທ໌ແກ້ວທີ່ເຄື່ອນທີ່ຄວາມໄວສູງ ຯລຯ ທີ່ກໍ່ເກີດກະແສຕໍ່ຕ້ານໃນຊ່ວງເວລາດັ່ງກ່າວ.

ແຕ່ຖ້າເບິ່ງໃນອີກແງ່໑ ກໍ່ອາດຈະກ່າວໄດ້ວ່າ ນີ້ເປັນສະເໜ່ສະເພາະໂຕຂອງພາກ ທີ່ກ້ານຳເອົາແນວຄິດ”ຮ່ວມສະໄໝ”ເລັກໆນ້ອຍໆ ຈາກພາກກ່ອນໜ້າມາສານຕໍ່ ຈາກຮູບແບບຄວາມເປັນ”ແຟນຕາຊີຢ້ອນຍຸກ”ທີ່ຜູ້ຫຼິ້ນຕິດຕາມມາແສນດົນ… ເຊິ່ງກໍ່ໜ້າຈະເວົ້າໄດ້ເຕັມປາກວ່າ ເປັນການສ່ຽງທີ່ໄດ້ຜົນທີ່ໜ້າພໍໃຈເລີຍ… ຍ້ອນອົງປະກອບທີ່ເຫັນທັງໝົດນັ້ນ ລ້ວນແຕ່ເປັນຜົນລັບທີ່ໄດ້ກັ່ນຕອງມາຢ່າງພິຖີພິຖັນແລ້ວ ຈົນເກີດເປັນເອກະລັກທີ່ຕິດຕາຕິດໃຈບໍ່ມີໃຜຄື.
...ເມື່ອພິຈາລະນາຈາກຍຸກປະຈຸບັນ ແນວຄິດປະສົມປະສານຫຼາຍໆຢ່າງ ກໍ່ຍັງເດັ່ນເຫັນແຈ້ງໃນຄວາມຊົງຈຳ ເຊັ່ນ: ເຄື່ອງຈັກເວດມົນທີ່ສ້າງຂຶ້ນ ໂດຍຮຽນແບບຄື່ນສະໝອງຂອງຜູ້ມີພະລັງພິເສດ / ການຜະນຶກແມ່ມົດຜູ້ຊົ່ວຮ້າຍໃສ່ໂລງແຊ່ແຂງ ແລະຍິງຂຶ້ນໄປປ່ອຍໂຄຈອນໃນອາວະກາດ ຫຼືລວມຮອດອາຄານຂະໜາດໃຫຍ່ສີດຳມືດ ທີ່ໃຊ້ຄວບຄຸມປະກົດການເອີ້ນຫາສັດປະຫຼາດຈາກດວງຈັນ ເປັນຕົ້ນ.
ນອກຈາກສາກຫຼັກຂອງພາກທີ່ໃຫ້ອາລົມໄຊໄຟແລ້ວ ປະເດັນອື່ນໆທີ່ກໍ່ກະແສຕອບຮັບທີ່ຮຸນແຮງກໍ່ແມ່ນ: ຄວາມສຳພັນຂອງຄູ່ພະເອກ-ນາງເອກ ທີ່ຫຼາຍຄົນຄິດວ່າ ເນັ້ນຫຼັກໃນເລື່ອງຂອງ”ຄວາມຮັກ”ຫຼາຍຈົນອອກໜ້າອອກ... ເຊິ່ງໃນຄວາມເປັນຈິງ ປະເດັນເລື່ອງຄວາມຮັກນັ້ນ ໜ້າຈະເອີ້ນວ່າ ໄຟນັລ ແຟນຕາຊີ 6 ເມື່ອຄັ້ງກ່ອນນັ້ນຫຼາຍກວ່າ ທີ່ມີເລື່ອງລາວຄວາມຮັກຢູ່ຫຼາຍຮູບແບບ ແລະເນັ້ນຢ້ຳຫຼາຍສາຈົນເປັນປະເດັນຫຼັກຂອງພາກ.

“ຄວາມຮັກ” ໃນພາກ໘ນີ້ ແມ່ນວ່າຈະເບິ່ງປານກັບເປັນປະເດັນສຳຄັນ... ແຕ່ກໍ່ບໍ່ໄດ້ຖືກໃຫ້ຄວາມສຳຄັນສາເກີນພໍດີ ຈົບທັບແກນຫຼັກຂອງເນື້ອເລື່ອງໄປເລີຍ... ກົງກັນຂ້າມ ເລື່ອງລາວຄວາມຮັກໃນເຊີງໜຸ່ມ-ສາວຂອງຕົວລະຄອນຫຼັກນັ້ນ ຢູ່ໃນລະດັບທີ່ເລິກເຊິ່ງພໍເໝາະແລ້ວ ທີ່ຈະດຶງໂຕເນື້ອເລື່ອງ ແລະບັນຫາປົມທາງຈິດຂອງໂຕເອກ ໃຫ້ໄປສູ່ບົດສະຫຼຸບທີ່ລົງໂຕ ສົມເຫດສົມຜົນໄດ້ໃນຕອນທ້າຍເລື່ອງ.
...ເມື່ອພິຈາລະນາຈາກອົງປະກອບ ແລະບັນຍາກາດຫຼາຍຢ່າງແລ້ວ ອາດເວົ້າໄດ້ວ່າ ນີ້ແມ່ນອີກພາກ໑ ທີ່ມີສຽງຕອບຮັບຈາກຜູ້ຫຼິ້ນ ຫຼືຜູ້ຊົມທີ່ເປັນ”ຜູ້ຍິງ”ຫຼາຍທີ່ສຸດພາກ໑... ອາດຈະແມ່ນດ້ວຍການອອກແບບຕົວລະຄອນທີ່ເນັ້ນໜ້າຕາດີ ແລະການຂຽນບົດທີ່ຊວນໃຫ້ນຶກເຖິງເລື່ອງ ຫຼືໂທລະທັດສັນຊາດຕາເວັນອອກຢ່າງອົດບໍ່ໄດ້...

ທັງເລື່ອງລາວຄວາມຮັກທີ່ບໍ່ສົມຫວັງຂອງຫຼຸ້ນພໍ່ແມ່ ເລື່ອງການສານຕໍ່ໃນຫຼຸ້ນລູກ ຄວາມສຳພັນເລີ່ມຕົ້ນແບບຜິດກັນ ຊັງກັນຂອງຄູ່ພະເອກ-ນາງເອກ ລວມໄປເຖິງເລື່ອງຄວາມຂັດແຍ່ງລະຫວ່າງ໑ສາວກັບ໒ໜຸ່ມທີ່ເປັນຄູ່ຮັກຄູ່ແຄ້ນກັນເລື້ອຍມາ... ສິ່ງທັງຫຼາຍທັງປວງ ເຊິ່ງເກືອບຈະບໍ່ເຄີຍປະກົດໃນພາກກ່ອນນີ້ ຈະເບິ່ງວ່າມັນເຮັດໃຫ້”ຍຸ້ມ”ຫຼື”ປວດຮາກ”ກໍ່ດີ... ຢ່າງໜ້ອຍຜູ້ສ້າງກໍ່ປະສົບຄວາມສຳເລັດ ໃນການສ້າງບັນຍາກາດໂຣແມນຕິຄ ທີ່ຄົນຫຼຸ້ນໃໝ່ລື້ງເຄີຍ ເຂົ້າເຖິງງ່າຍ ແລະຂະຫຍາຍກຸ່ມເປົ້າໝາຍໄປໄດ້ຢ່າງທີ່ຕັ້ງໃຈ.

ໂຕເກມກໍ່ພັດທະນາຈາກພາກກ່ອນຢ່າງເຫັນໄດ້ແຈ້ງ ທັງສັດສ່ວນຂອງຕົວລະຄອນ ການເຄື່ອນໄຫວທີ່ສົມຈິງ ແລະສາກMovieທີ່ສວຍງາມໂດດເດັ່ນ... ທັງສາກຕໍ່ສູ້ເປີດໂຕເກມ, ສາກເຕັ້ນລຳຂອງຄູ່ເອກ ແລະສາກທົ່ງດອກໄມ້ໃນຕອນຈົບ ຕ່າງກໍ່ລ້ວນແຕ່ເປັນພາບທີ່ຕິດຕາ ແລະຈື່ຈຳໄດ້ຈົນເຖິງທຸກມື້ນີ້.
...ແລະເໜືອສິ່ງອື່ນໃດ ນີ້ເປັນພາກທຳອິດຂອງຕະກຸນ ທີ່ມີເພງປະກອບຄຳຮ້ອງ(Vocal Song) ອອກມາໃນເກມຢ່າງເປັນທາງການ... ເພງສຳຄັນຈາກເນື້ອເລື່ອງທີ່ສະທ້ອນຄວາມສຸກ ຄວາມອົບອຸ່ນ ແລະຄວາມຮຽກຮ້ອງຫາ ຊວນໃຫ້ຜູ້ຫຼິ້ນລະນຶກເຖິງບົດສະຫຼຸບຂອງຄວາມຮັກທີ່ບໍ່ສົມຫວັງ... ເພງ “Eyes On Me” (ຄອຍວັນຮັກຫວນຄືນ-ເວີຣ໌ຊັ່ນລາວ ໂດຍ ອາເລັກຊານດຣາ) ທີ່ໂດ່ງດັງນັ້ນເອງ.

ລະບົບເກມທີ່ອາດຈະມີພຽງແຕ່ລະບົບການຕໍ່ສູ້ແບບຍາດຊິງເວລາ(Ative Time Battle)ເທົ່ານັ້ນທີ່ຍັງສືບຕໍ່ມາ ແຕ່ສິ່ງຫຼັກທີ່ເຫຼືອ... ທັງໜ້າຕາເມນູສີຟ້າໃນຕອນຕໍ່ສູ້ ເງິນທີ່ໄດ້ຈາກການຂ້າມອນສເຕີຣ໌ ອຸປະກອນເຄື່ອງປ້ອງກັນທີ່ຫຼາກຫຼາຍ ແລະການຕັ້ງໜ້າຕັ້ງຕາເກັບເລເວລ... ທັງໝົດນັ້ນລ້ວນແຕ່ປ່ຽນໂສມໜ້າໄປ ແທນທີ່ດ້ວຍລະບົບເງິນເດືອນ ທີ່ຈະເພີ່ມຂຶ້ນຈາກການປະຕິບັດພາລະກິດແລະເຮັດຂໍ້ສອບເສັງ / ອາວຸດໃໝ່ທີ່ຈະໄດ້ຈາກການລວມວັດຖຸດິບມາຕີອັພເກຣດຂອງເກົ່າ / ພັດທະນາການຂອງມອນສເຕີຣ໌ທີ່ຈະເກ່ງຂຶ້ນເລື້ອຍໆຕາມໂຕເຮົາ / ການນຳມົນອະສູນມາເຊື່ອມຕໍ່ກັບຕົວລະຄອນ ໃຫ້ໄດ້ອະບີລິຕີໃໝ່ໆມາໃຊ້...

ແລະທີ່ລືມບໍ່ໄດ້ເລີຍກໍ່ແມ່ນ ລະບົບການDraw – “ດຶງ”ເວດມົນຈາກສັດຕູມາສະສົມໄວ້ໃຊ້ ຫຼືຕິດຕັ້ງເພື່ອເພີ່ມຄວາມສາມາດໃຫ້ກັບຕົວລະຄອນ... ເຊິ່ງເປັນລະບົບທີ່ແຟນເກມຫຼາຍຄົນຕ່າງເຫັນພ້ອມກັນວ່າ ເປັນລະບົບທີ່ບໍ່ໄດ້ເລື່ອງຫຼາຍທີ່ສຸດລະບົບ໑ໃນປະຫວັດສາດຕະກຸນໄຟນັລເລີຍແຫຼະ.
ເລື່ອງຂອງອະບີລິຕີ ແລະທ່າພິເສດໃນພາກນີ້ ມີການພັດທະນາໃຫ້ໜ້າສົນໃຈຂຶ້ນໄປອີກຂັ້ນ ດ້ວຍການພະຍາຍາມສ້າງ “Interaction” - ປະຕິສຳພັນລະຫວ່າງເກມກັບຜູ້ຫຼິ້ນໃຫ້ຫຼາຍຂຶ້ນ ເປັນຕົ້ນແມ່ນການໃຊ້ທ່າໄມ້ຕາຍທີ່ຕ້ອງກົດປຸ່ມຕາມຈັ່ງຫວະ ກົດບີບໄວໆ ກົດຫ້ອງແບບສລອຕແມຊຊີນ ຫຼຶກົດຊຸດຄຳສັ່ງໃນເວລາຈຳກັດ ລວມໄປຮອດການຮຽນຮູ້ອະບີລິຕີຈາກການຍ່າງໄປມາ ອ່ານໜັ່ງສື ຫຼືການໃຊ້ໄອເທັມ ເປັນຕົ້ນ.

Last page’s story – The Junction of Time
ແມ່ນວ່າຈະມີຄົນພະຍາຍາມຫຼາຍຕໍ່ຫຼາຍຄັ້ງ... ແຕ່ຣີນໍຣ໌ ຮາຣ໌ທີລີ່ ພັດເປັນຜູ້ຍິງຄົນທຳອິດແລະຄົນດຽວ ທີ່ສາມາດທຳລາຍໂສ້ແຫ່ງຄວາມຊົງຈຳອັນປ່ຽວເຫງົາຂອງຊາຍໜຸ່ມຈົນສຳເລັດ... ສຄອລລ໌ຮູ້ສຶກເຖິງຄວາມປາຖະໜາ ແລະຄວາມຮູ້ສຶກອັນຮຸນແຮງທີ່ເກີດຂຶ້ນໃນໃຈເປັນຄັ້ງທຳອິດ... ລາວສັນຍາຈາກຫົວໃຈ ວ່າຈະກັບໄປຫາຍິງສາວຄົນສຳຄັນຂອງຕົນໃຫ້ໄດ້.
...ປະຕິບັດການຄັ້ງໃຫຍ່ຂອງເຫຼົ່າSeeDເລີ່ມຕົ້ນຂຶ້ນເປັນຄັ້ງສຸດທ້າຍ... ທຸກຄົນຈັດການແມ່ມົດອາເດລທີ່ຖືກປຸກຂຶ້ນມາໄດ້ສຳເລັດ ອັລຕິມີເຊຍບໍ່ມີທາງເລືອກອື່ນ ຈຶ່ງຕ້ອງອາໄສຮ່າງຂອງຣີນໍຣ໌ເປັນພາຫະນະແຫ່ງແມ່ມົດປະຈຸບັນ... ເອລໂອເນ່ບໍ່ລໍຖ້າ ສົ່ງຈິດຂອງທັງ໒ກັບໄປທີ່ຮ່າງຂອງແມ່ມົດໃນຍຸກອະດີດ... ອັລຕິມີເຊຍຍິ້ມ ແຜນການບີບອັດເວລາຕ່າງຍຸກຕ່າງສະໄໝ... ປະສົບຜົນສຳເລັດແລ້ວ...
ແຕ່ກ່ອນທີ່ແມ່ມົດຮ້າຍຈະທັນຮູ້ໂຕ ເອລໂອເນ່ຕັດການເຊື່ອມຕໍ່ຂອງສະຕິທັງໝົດ... ດຶງຣີນໍຣ໌ກັບຍຸກປະຈຸບັນ ແລະລາກອັລຕິມີເຊຍກັບໄປທີ່ໂລກອະນາຄົດໄດ້ສຳເລັດ... ສຄອລລ໌ເດີນທາງຜ່ານຫ້ວງເວລາທີ່ຖືກບີບອັດນັ້ນ ໄປປະກົດກາຍຕໍ່ໜ້າແມ່ມົດຮ້າຍໃນຍຸກອະນາຄົດ... ແລະກຳຈັດນາງລົງໄດ້ສຳເລັດ.

......ພາບອ້ອມຂ້າງມົວໆ... ຊາຍໜຸ່ມຫຼົງທາງກັບໝູ່ເພື່ອນ ໃນມິຕິເວລາທີ່ແສນສັບສົນ... ສິ່ງທີ່ປະກົດຢູ່ທາງໜ້າຂອງລາວ ຄືຮ່າງທີ່ເຈັບຊ້ຳກ່ອນສິ້ນລົມຂອງອັລຕິມີເຊຍ ໃນບ່ອນລ້ຽງເດັກກ່ຳພ້າທີ່ລາວລື້ງເຄີຍເມື່ອໃນອະດີດ... ພ້ອມກັບອິເດຍ ແລະໂຕຂອງລາວເອງ ໃນຍາມນ້ອຍ.
...ທີ່ຈຸດບັນຈົບແຫ່ງຊ່ວງເວລາທັງໝົດນັ້ນເອງ ສິງໜຸ່ມເຂົ້າໃຈໄດ້ທັນທີວ່າ ໜ້າທີ່ໃນຍຸກສະໄໝຂອງລາວ ກຳລັງຈະສິ້ນສຸດລົງໃນບໍ່ດົນ ແລະເຖິງເວລາແລ້ວ ທີ່ລາວຈະສົ່ງຕໍ່ ບອກຜ່ານເລື່ອງລາວທັງປວງ ໃຫ້ກັບ”ຕົວຕົນ”ຂອງ”ຕົນເອງ”ທີ່ກຳລັງໄລ່ນຳມາຈາກຫ້ວງອະດີດທີ່ຫ່າງໄກ...

Closing Comment
ກ່າວໂດຍສະຫຼຸບ... ພາກທີ່໒ຂອງໄຕຣພາກທີ່໓ໃນຕະກຸນFFນີ້ ເປັນອີກ໑ຈຸດບັນຈົບ ທີ່ເຊື່ອງຕໍ່ອົງປະກອບລວມທັງໝົດຂອງຕະກຸນສະໄໝເກົ່າກ່ອນເຂົ້າກັບເສັ້ນທາງທີ່ໂຕມັນຈະມຸ້ງໜ້າຕໍ່ໄປໃນອະນາຄົດ... ເປັນການປ່ຽນແປງໃນຫຼາຍໆດ້ານ ທີ່ຍ່ອມຈະຫຼີກກະແສທີ່ຮຸນແຮງບໍ່ໄດ້... ແຕ່ຖ້າເບິ່ງຢ້ອນໄປຈາກທຸກມື້ນີ້ ພາກນີ້ນັບວ່າເປັນພາກສຳຄັນ ທີ່ມີບົດບາດຕໍ່ທິດທາງຂອງຕະກຸນໃນຍຸກຕໍ່ໆມາ ແລະຊ່ອຍຂະຫຍາຍກຸ່ມເປົ້າໝາຍຂອງໂຕເກມໃຫ້ກ້ວາງໄກຂຶ້ນຫຼາຍ ຈົນເຖິງຂັ້ນເປັນປະກົດການເລີຍກໍ່ວ່າໄດ້.

Final Fantasy ໗

ກະແສແຫ່ງຊີວິດ ລິຂິດຈາກດວງດາລາ

Prologue
ທົ່ວທັງໂລກໄກອາ ດາວໜ່ວຍໃຫຍ່ທີ່ແສນສວຍງາມແຫ່ງນີ້ ຖືກຫຼໍ່ລ້ຽງດ້ວຍກະແສນ້ຳແຫ່ງຊີວິດ ນາມວ່າ “ໄລຟ໌ສຕຣີມ”(Lifestream)… ທຸກສັບພະສິ່ງ ຕ່າງກໍ່ວົນວຽນຢູ່ຢູ່ພາຍໃຕ້ວົງຈອນແຫ່ງການເກີດຕາຍນີ້ມາດົນນານ… ຊີວິດ໑ຖືກຫຼໍ່ຫຼອມ ຖືກຳເນີດຈາກກະແສໄລຟ໌ສຕຣີມສີຂຽວສົດໃສ… ແຕ່ເມື່ອຊີວິດນັ້ນດັບສູນ ກໍ່ຍ່ອມຕ້ອງເສື່ອມສະຫຼາຍລົ້ມກາຍກັບຄືນສູ່ຜືນແຜ່ນດິນ.

…ລວມທັງຮ່າງເນື້ອ ອາລົມສຳຜັດ ແລະຄວາມຊົງຈຳ ທຸກສິ່ງຕ່າງກໍ່ກັບຄືນສູ່ຈຸດກຳເນີດ ກ່ອນຈະລວມກໍ່ກຳເນີດເປັນຊີວິດໃໝ່ໃຫ້ແກ່ພື້ນໂລກ ແລະສັບພະສິ່ງຕໍ່ໄປ.

ທີ່ຈຸດສູງສຸດຂອງດວງດາວເມື່ອປາງນັ້ນ ກໍ່ຍັງບໍ່ພົ້ນສິ່ງມີຊີວິດຊັ້ນສູງແຫ່ງດວງດາວ… ເຜົ່າພັນທີ່ສູງສົ່ງແລະມີປັນຍາ ນາມ “ເຊທຣ່າ”(Cetra) ຫຼືທີ່ເອີ້ນຂານກັບພາຍຫຼັງວ່າ “ຊົນເຜົ່າຍຸກບູຮານ”… ຊົນເຜົ່າທີ່ດຳລົງຊີວິດຢູ່ຮ່ວມກັບຈິດວິນຍານແຫ່ງແຜ່ນດິນຢ່າງສະຫງົບສຸກ ແລະອົບພະຍົບຢູ່ເລື້ອຍໆ ໂດຍມີຈຸດໝາຍຢູ່ທີ່ ”ດິນແດນແຫ່ງພັນທະສັນຍາ”(The Promised Land) ເຊິ່ງເຊື່ອກັນວ່າ ເປັນສະຖານທີ່ສູງສຸດຂອງຈິດວິນຍານ ບ່ອນທີ່ກະແສແຫ່ງໄລຟ໌ສຕຣີມມາລວມກັນຢ່າງໜາແໜ້ນ.

ແຕ່ວ່າວົງຈອນທີ່ດຳເນີນມາດົນນານ ພັດຕ້ອງພັງທະລາຍລົງພຽງພິບຕາ… ເມື່ອມື້໑ ຝັນຮ້າຍໃນຮູບຂອງອຸກກາບາດໃຫຍ່ ກໍ່ໄດ້ຕົກມາ ຜ່ານຊັ້ນບັນຍາກາດລົງມາສູ້ພື້ນໂລກ ພ້ອມກັບສິ່ງທີ່ມີຊີວິດອັນເປັນກາຝາກຈາກມະຫາອາວະກາດ… ສິ່ງມີຊີວິດທີ່ສາມາດຮັບຮູ້ ແຊກແຊງ ແລະປ່ຽນແປງຮູບຮ່າງໃຫ້ສຳພັນກັບເຫຍື່ອໄດ້ດັ່ງຕ້ອງການ… ຫາຍະນະແຫ່ງຟາກຟ້າທີ່ຖືກຂະໜານນາມວ່າ… “ເຈໂນວ່າ”.

ສິ່ງມີຊີວິດຊົ່ວຮ້າຍຈາກຟາກຟ້າ ໃຊ້ເວລາບໍ່ດົນທີ່ຈະແຊກຊຶມ ແລະແຜ່ພັນທຳລາຍລ້າງຊາວເຊທຣ່າຈົນເກືອບພິນາດສິ້ນ… ກ່ອນທີ່ຈະດຳເນີນການຂັ້ນສຸດທ້າຍ ຄືກັບທີ່ເຄີຍເຮັດກັບດວງດາວອື່ນໆທີ່ຜ່ານມາ… ໃຊ້ໂລກໃໝ່ທີ່ແຫ້ງແລ້ງແລະພິນາດ ເປັນພາຫະນະຂະໜາດໃຫຍ່ເດີນທາງຕໍ່ໄປໃນຈັກກະວານ… ຈວບຈົນມື້ທີ່ຈະໄດ້ພົບກັບດາວໜ່ວຍໃໝ່ອີກຄັ້ງ…

Greed and Foolishness
ຜົນລັບຂອງວິກິດການເທື່ອນັ້ນ ສູນຫາຍໄປຈາກປະຫວັດສາດກວ່າ໒໐໐໐ປີ ແຕ່ໂລກໄກອາຍັງຄົງຢັ້ງຢືນຕໍ່ມາໄດ້ຈົນເຖິງທຸກມື້ນີ້… ມື້ທີ່ວິທະຍາການກ້າວໜ້າໃໝ່ໆໄດ້ຖືກພັດທະນາຈົນເຕີບໃຫຍ່ຂຶ້ນຫຼາຍ… ພ້ອມກັບຄວາມໂງ່ຈ້າ ແລະໂລບມາກຂອງເຜົ່າພັນທີ່ຮຽກຕົນເອງວ່າ “ມະນຸດ”.

ບໍລິສັດໃຫຍ່ ຜູ້ກຳບັງຫຽນຂອງວົງການວິທະຍາສາດແລະເສດຖະກິດກວ່າເຄິ່ງໂລກ ນາມວ່າ “ຊິນຣະ” ໄດ້ຄົ້ນພົບວິທີການນຳເອົາໄລຟ໌ສຕຣີມຈາກພື້ນໂລກ ມາປ່ຽນສະພາບເປັນພະລັງງານສູງຄ່າ ໃຊ້ຄູ່ກັບວິທະຍາການໃໝ່ໆມາກມາຍເຫຼືອຄະນາ… ໑ໃນນັ້ນ ແມ່ນການຄົ້ນພົບຄັ້ງຍິ່ງໃຫຍ່ທີ່ເກີດຈາກການ”ອາບ”ພະລັງງານນັ້ນໃຫ້ກັບມະນຸດທີ່ມີຊີວິດ ເພື່ອກໍ່ໃຫ້ເກີດສຸດຍອດກອງທັບທີ່ມີພະລັງແລະກ້າວໄກ… ກອງກຳລັງພິເສດ ທີ່ຂຶ້ນໂດຍກົງຕໍ່ບໍລິສັດ… ກອງກຳລັງ “ໂຊລເຢີຣ໌” ອັນໂດ່ງດັງ…
ເມື່ອພະລັງຊີວິດຂອງດວງດາວຖືກດູດໄປໃຊ້ຢ່າງຕໍ່ເນື່ອງ ຄົນຈຳນວນຫຼາຍຍ່ອມບໍ່ພໍໃຈກັບຄວາມໂງ່ຈ້າທີ່ບໍ່ໜ້າໃຫ້ອະໄພນີ້ ແລະລວມກຸ່ມເປັນກອງກຳລັງໃຕ້ດິນ ອອກຕໍ່ຕ້ານບໍລິສັດຊິນຣະ ກ່ອນທີ່ດວງດາວທີ່ຕົນຮັກຈະສູນສະຫຼາຍກາຍເປັນພຽງແຕ່ຊາກທີ່ແຫ້ງແລ້ງໄຮ້ສັນຍານແຫ່ງຊີວິດໃດໆ.

Cloudy Insurgent
ຄຣາວດ໌ ຊາຍໜຸ່ມຜູ້ເປັນອະດີດທະຫານຊັ້ນເອກຂອງກອງກຳລັງໂຊລເຢີຣ໌ ໄດ້ຖືກຈ້າງໃຫ້ມາຮ່ວມເຮັດວຽກໃຕ້ດິນອະວາລັນຊ໌ຫຼາຍຕໍ່ຫຼາຍເທື່ອ ແລະໄດ້ສະແດງໃຫ້ເຫັນເຖິງເຊີງດາບອັນບໍ່ເປັນຮອງໃຜ… ແລະເມື່ອໄດ້ພົບກັບ ເອຣິຊ ສາວນ້ອຍຜູ້ສືບສາຍເລືອດຈາກຊົນເຜົ່າຍຸກບູຮານ ເຊິ່ງສາມາດສື່ສານກັບຈິດວິນຍານຂອງດວງດາວໄດ້ແລ້ວ… ພາບສຸດທ້າຍຂອງພາລະກິດຕໍ່ຕ້ານກໍ່ຈະເບິ່ງເປັນຮູບຮ່າງຂຶ້ນທຸກມື້.
ແຕ່ວ່າ ເມື່ອເຖິງວິນາທີເປັນຕາຍ… ປະທານບໍລິສັດຊິນຣະ ພັດຖືກຄາດຕະກຳຢ່າງກະທັນຫັນ! ໂດຍສີມືຂອງຍອດສີມືໃນໝູ່ຍອດສີມື… ອະດີດໂຊເຢີຣ໌ຊັ້ນເອກທີ່ເກ່ງກ້າທີ່ສຸດ… ຕຳນານທີ່ຍັງມີຊີວິດ ນາມວ່າ ເຊຟິຣອທ.
ຊາຍໜຸ່ມຜົມຂາວແລະດາບຍາວຄູ່ໃຈປະກົດຕົວຂຶ້ນທາງໜ້າ ພ້ອມປະກາດກ້າຈະທຳລາຍລ້າງພວກມະນຸດຜູ້ໂງ່ຈ້າ ແລະຍາດຊິງແຜ່ນດິນຄືນມາສູ່ມືຂອງຜູ້ທີ່ເໝາະສົມ… ມືຂອງພະເຈົ້າຄົນໃໝ່ແຫ່ງສັບພະຊີວິດ… ໂຕລາວນັ້ນເອງ…
ເວດມົນດຳຕ້ອງຫ້າມ ເມເມໂອ ກຳລັງຖືກເອີ້ນຂຶ້ນ ເພື່ອຮຽກຫາອຸກກາບາດລູກໃຫຍ່ຈາກຫ້ວງອາວະກາດໃຫ້ຕົກລົງ ສ້າງບາດແຜອັນຍິ່ງໃຫຍ່ໃຫ້ກັບດວງດາວອີກຄັ້ງ… ແລະເມື່ອຮອດເວລານັ້ນ ໂຕເຊຟິຣອທກໍ່ຈະມຸ້ງໄປທີ່ບາດແຜທີ່ນອງໄປດ້ວຍກະແສແຫ່ງໄລຟ໌ສຕຣີມ ແລະຮັບເອົາພະລັງຊີວິດ ຄວາມຊົງຈຳ ແລະຄວາມຮອບຮູ້ແຫ່ງດວງດາວ ມາເປັນຂອງຕົນໃນທີ່ສຸດ…
ແຜນການທີ່ເບິ່ງຄືເລື່ອນລອຍແລະເປັນຕາຫົວນີ້ ຈະເປັນໄປໄດ້ແທ້ຫຼືບໍ່ກໍ່ແລ້ວແຕ່… ກອງກຳລັງໃຕ້ດິນອະວາລັນຊ໌ຮູ້ສຶກໂຕໂດຍພ້ອມພຽງກັນວ່າ ຄວາມຕັ້ງໃຈທີ່ຈະ”ປົກປ້ອງດວງດາວ”ຂອງພວກຕົນ… ໄດ້ປ່ຽນເປົ້າໝາຍໄປສາແລ້ວ…

Behind the cover 
Final Fantasy ໗ – “ບົດແຫ່ງພື້ນພິພົບ” ນີ້ ເປັນພາກທຳອິດຂອງຊຸດ ທີ່ໄດ້ກ້າວຂ້າມເຄື່ອງ SNES 16bit ມາສູ່ໂລກແຫ່ງ 3D ໂພລິກອນເຕັມຮູບແບບ ຄວາມຍາວເຖິງ ໓ແຜ່ນCD… ນັບວ່າເປັນເກມໃຫຍ່ໃນການເປີດສາກຍຸກສະໄໝໃໝ່ແຫ່ງວົງການເກມ RPG ໃນຍຸກປະຈຸບັນຢ່າງແທ້ຈິງ.
ແມ່ນວ່າຈະບໍ່ສາມາດຕັດສິນແທນຜູ້ຫຼິ້ນແຕ່ລະຄົນໄດ້ວ່າ ເປັນພາກທີ່”ດີທີ່ສຸດ”ຫຼືບໍ່… ແຕ່ຄົງຈະບໍ່ເກີນເລີຍໄປປານໃດ ຫາກຈະກ່າວວ່າ ນີ້ເປັນພາກທີ່ ”ໂດ່ງດັງທີ່ສຸດ” ແລະ “ເປັນທີ່ກ່າວຂານຫຼາຍທີ່ສຸດ” ຢ່າງບໍ່ມີຂໍ້ຂັດແຍ່ງ… ເຊິ່ງມາເຖິງປະຈຸບັນ ກໍ່ໄດ້ມີການແຕກຍອດ ຕໍ່ເລື່ອງລາວອອກມາອີກມາກມາຍ ຕະຫຼອດ໑໐ກວ່າປີຫຼັງ.
ຖ້າຈະກ່າວເຖິງສາເຫດແຫ່ງຄວາມໂດ່ງດັງ ຄືຕ້ອງຢ້ອນກັບໄປຕັ້ງແຕ່ຈຸດກຳເນີດຂອງໂຕເກມ ທີ່ເອີ້ນຄະແນນຕັ້ງແຕ່ First Impression ໄປຫຼາຍຢູ່… ຍ້ອນທ່າມກາງຮອຍຕໍ່ລະຫວ່າງໂຕເກມຍຸກ ໒ມິຕິ ແລະ ໓ມິຕິ ໃນຂະນະນັ້ນ ບໍລິສັດ Square Soft ໄດ້ຍາດປ່ອຍຜົນງານທີ່ໂດດເດັ່ນ ແລະພິຖີພິຖັນແບບທີ່ສຸດນີ້ອອກມາຕົບໜ້າຄູ່ແຂ່ງນ້ອຍໃຫຍ່ທີ່ກະແຈກກະຈາຍໄດ້ຢ່າງຮຸນແຮງ.
ດ້ວຍປະສິດທິພາບຂອງເຄື່ອງຄອນໂຊລທີ່ພັດທະນາຂຶ້ນມາຢ່າງກ້າວກະໂດດ ເຮັດໃຫ້ອານາເຂດຂອງຈິນຕະນາການ ກັບໂຕເກມ ເຂົ້າມາໃກ້ຊິດກັນຢ່າງທີ່ບໍ່ເຄີຍເປັນມາກ່ອນ ບັນດາຕົວລະຄອນ ສາກເຫດການ ແລະບົດສົນທະນາເຕັມຄຸນນະພາບທັງຫຼາຍ ກໍ່ສາມາດສະແດງປະສິດທິພາບອອກມາໄດ້ຢ່າງເຕັມທີ່ ດຶງອາລົມຂອງຜູ້ຫຼິ້ນໃຫ້ຕິດແໜ້ນຢູ່ກັບໂຕເກມ.
...ແລະຖ້າບວກຮ່ວມໄປກັບບົດເພງທີ່ມ່ວນ ໃນລະບົບສຽງເຕັມຮູບແບບ ແລະສາກMovie ທີ່ງາມຕາ ເຊິ່ງບໍ່ເຄີຍປະກົດມາກ່ອນໃນຕະກຸນເຂົ້າໄປນຳແລ້ວ… ພຽງແຕ່”ຮູບລັກສະນະພາຍນອກ”ຂອງມັນ ກໍ່ພຽງພໍທີ່ຈະດຶງດູດຜູ້ພົບເຫັນໃຫ້ຫຼຽວມາເບິ່ງ… ເປັນປະກົດການແຫ່ງການປ່ຽນຍຸກສະໄໝທີ່ຮຸນແຮງຫຼາຍທີ່ສຸດ ຈົນແມ່ນແຕ່ສະໄໝເປີດໂຕເຄື່ອງເກມຍຸກຕໍ່ມາ ກໍ່ຍັງບໍ່ສາມາດຮຽກກະແສໃດໆໄດ້ເຖິງຂະໜາດນີ້.

ແຕ່ເມື່ອເບິ່ງລົງໄປໃຫ້ເລິກກວ່ານັ້ນ ບັນດາແຟນໆຕ່າງໆ ທັງຂາປະຈຳ ແລະຂາສັນຈອນ ຕ່າງກໍ່ເຫັນພ້ອມຄ້ອງກັນວ່າ… ຈຸດເດັ່ນທີ່ສຸດ ທີ່ສົມຄົນຍົກຍ້ອງ ແລະຖືກກ່າວຂານຫຼາຍທີ່ສຸດ ກໍ່ຄົງຈະໜີບໍ່ພົ້ນ ມິຕິທີ່ເໜືອຂຶ້ນໄປອີກຂັ້ນຂອງ “ເນື້ອເລື່ອງ” ເຊິ່ງລົງເລິກເຖິງລາຍລະອຽດ ຫັກມູມດຶງອາລົມຫຼາຍຕໍ່ຫຼາຍເທື່ອ ແລະລວມຍອດໄປເຖິງ “ບັນດາຕົວລະຄອນ” ທີ່ມີສະເໜ່ ສົມຈິງ ເຕັມໄປດ້ວຍເລື່ອງລາວພາຍຫຼັງ ແລະປົມແຕ່ເກົ່າກ່ອນ ສະທ້ອນອອກມາຊັດເຈນ ຈົນສຳຜັດໄດ້… ເປັນຈຸດເດັ່ນທີ່ບໍ່ເຄີຍຈາງຫາຍໄປໃສ ຕະຫຼອດຊ່ວງເວລາກວ່າທົດສະວັດທີ່ຜ່ານມາ…
ແມ່ນວ່າວັດຖຸດິບຫຼາຍຢ່າງໃນເລື່ອງ ຈະເປັນການ”ປັບໃຊ້”… ພັດທະນາຄຳເວົ້າມາຈາກພາກເກົ່າໆກໍ່ຕາມແຕ່ ແຕ່ເມື່ອທີມງານສາມາດທີ່ຈະປ່ອຍແນວຄວາມຄິດເຫຼົ່ານັ້ນ ໃຫ້ອອກມາເປັນຮູບເປັນຮ່າງຢ່າງບໍ່ຕ້ອງມີຂີດຈຳກັດ.
ເປົ້າໝາຍຫຼັກ - ການຕໍ່ສູ້ເພື່ອເດີມພັນຊະຕາຂອງໂລກມະນຸດ… ແນວຄິດດັ່ງເດີມ ທີ່ຖືກຍົກມາໃຊ້ຈົນໜ້າຈະໝົດລາຄາໄປແສນດົນນານ… ແຕ່ວ່າ ມູນຄ່າຂອງ”ດວງດາວ”ໃນສ ໄຟນັລ ແຟນຕາຊີ ໗ ພັດຖືກເນັ້ນຢ້ຳຢ່າງສະຫຼຽວສະຫຼາດ ແລະຊຸກດັນໃຫ້ມີລາຄາສູງຫຼາຍຂຶ້ນ ຈົນພຽງພໍທີ່ຈະເປັນແກນຫຼັກຂອງເລື່ອງລາວ ລາກຕໍ່ທຸກຕົວລະຄອນໄປຈົນຮອດບົດສະຫຼຸບໄດ້ຢ່າງຕະຫຼອດຮອດຝັ່ງ.
ນ້ຳໜັກຂອງເລື່ອງລາວ - ໝາຍລວວມໄປເຖິງ”ຄວາມສົມຈິງ” ຂອງເຫດຜົນໃນການຕໍ່ສູ້ ແລະອອກເດີນທາງຂອງຕົວລະຄອນແຕ່ລະໂຕ ເຊິ່ງເຄີຍເປັນຈຸດເດັ່ນຈາກພາກກ່ອນໜ້ານີ້… ໄດ້ຖືກພັດທະນາລາຍລະອຽດໃຫ້ສູງຍິ່ງຂຶ້ນໄປອີກ ດ້ວຍການບັນຈົງໃສ່ອະດີດຕາມຫຼັງ ເຫດການທີ່ເປັນຈຸດຜັນປ່ຽນຂອງຊີວິດ ແລະບົດສົນທະນາທີ່ແໜ້ນ ສົມເຫດສົມຜົນ… ຄຳຖາມໂລກແຕກທີ່ວ່າ ຕົວລະຄອນນີ້… ເປັນຫຍັງຕ້ອງຕໍ່ສູ້ ເປັນຫຍັງຕ້ອງຮ່ວມທາງ ເປັນຫຍັງຕ້ອງທຸ້ມເທ… ໃນທີ່ສຸດ ບັນດາຜູ້ຫຼິ້ນເກມກໍ່ຈະໄດ້ຮັບຄຳຕອບທີ່ເຂົ້າໃຈ ບໍ່ຕື້ນເຂີນເກີນໄປ.
ສະເໜ່ຕົວລະຄອນ - ເປັນປະເດັນຫຼັກທີ່ໜ້າສົນໃຈ ແລະພິຖີພິຖັນຫຼາຍທີ່ສຸດຂໍ້໑… ເມື່ອທີມງານໄດ້ທຸ້ມເທສຶກສາແລະເຈາະເລິກລົງໄປ່າງດ້ານ”ປົມ”ທາງຈິດວິທະຍາຢ່າງເຖິງຮາກ ພ້ອມໃສ່ເຫດການຕອບສະໜອງ ທີ່ຮອງຮັບອາການເຫຼົ່ານັ້ນອອກມາໄດ້ຢ່າງກົງໄປກົງມາທີ່ສຸດ… ຜົນທີ່ໄດ້ຮັບກໍ່ແມ່ນ “ຕົວລະຄອນເອກ” ທັງຝັ່ງດີແລະຊົ່ວ ທີ່ສະແດງອອກເຖິງຄວາມມືດມົນໄດ້ຢ່າງເລິກເຊິ່ງ ລະອຽດອ່ອນ ແລະຊັດເຈນຫຼາຍທີ່ສຸດ ຈົນກາຍມາເປັນສັນຍາລັກຂອງຄູ່ພະເອກ-ນາງເອກ ແລະຄູ່ໂຕເອກ-ໂຕຮ້າຍອຳມະຕະ ຂອງຕະກຸນໄຟນັລ ແຟນຕາຊີ ຈົນມາຮອດທຸກມື້ນີ້.

Unanswered Questions 
ເວນກຳອັນໃດທີ່ຫາໄດ້ຮັບ ເມື່ອຄົນ໑ຄົນ ປິ່ນມາຈັບດາບທ້າທາຍດວງດາລາ?
ເທິງວົງຈອນແຫ່ງການເກີດຕາຍທີ່ບໍ່ຮູ້ຈົບສິ້ນນີ້… ໑ຊີວິດ ກໍ່ແສນສັ້ນບໍ່ຕ່າງຫຍັງກັບຊ່ວງພັບຕາ… ມີກໍ່ເກີດ ສ້າງສັນ ແລະແຕກມອດ ກັບຄືນສູ່ກະແສແຫ່ງດວງດາວທີ່ເປັນນິລັນດອນ… ສິ່ງໃດເປັນຄວາມຈິງແທ້ເທິງໜ້າປະຫວັດສາດ ສິ່ງໃດເປັນຄວາມລວງທີ່ປິດບັງໃນແກນທີ່ເຊື່ອງເລິກ… ຍິ່ງຕໍ່ສູ້ໄປດົນເທົ່າໃດ ຄລາວດ໌ ສໄຕຣຟ໌ ກໍ່ຍິ່ງໄຫວຫວັ່ນກັບ”ຄວາມຈິງ” ທີ່ກຳລັງຈະຖືກເປີດເຜີຍ… ແລະເສົ້າໄປກັບ”ຊະຕາກຳ” ທີ່ລໍຖ້າຢູ່ທາງໜ້າ ພາບຫຼອນທີ່ລວງຕາຜູ້ຫຼິ້ນທຸກຄົນນັ້ນ.

ເຊຟິຣອທ ເຫຍື່ອທົດລອງ ຜູ້ສືບທອດເຊລລ໌ຂອງເຈໂນວ່າຢ່າງສົມບູນທີ່ສຸດ… ເຂົ້າໃຈຜິດໃນລາຍລະອຽດເລື່ອງຫາຍະນະຈາກຟາກຟ້າເມື່ອຄັ້ງກ່ອນ ແລະປ່ວງບ້າຄຽດແຄ້ນມະນຸດ ທີ່ລະເລີຍ”ບັນພະບູລຸດ”ຂອງຕົນ ໃຫ້ຕໍ່ສູ້ຈົນຕົນຕາຍ.

ເອຣິທ ສາວນ້ອຍຄົນສຸດທ້າຍ ຜູ້ສືບທອດເຊື້ອສາຍທີ່ແທ້ຈິງຈາກຊົນເຜົ່າຍຸກບູຮານ… ເມື່ອບໍ່ສາມາດປັດເປົ່າຄວາມມືດມິດທີ່ບົດບັງສາຍຕາຂອງສັດຕູຜູ້ງົມງວາຍໄດ້… ນາງຕັດສິນໃຈຮຽກໃຊ້ມົນຂາວ ດ້ານສະຫວ່າງທີ່ສຸດ ເພື່ອປົກປ້ອງດວງດາວທີ່ຕົນຮັກ ຕ້ານທານມືຂອງມົນດຳອັນໜ້າຢ້ານກົວ… ແມ່ນວ່າມັນຈະແລກມາດ້ວຍຊີວິດອັນແສນສັ້ນ ແລະງົດງາມຂອງໂຕນາງເອງ.

ຄລາວດ໌ ຊາຍໜຸ່ມຜູ້ສູນເສຍຄວາມເປັນໂຕເອງໄປທຸກຂະນະຈິດ… ຍິ່ງເຂົ້າໃກ້ເປົ້າໝາຍທີ່ໄຂວ່ຄວ້າໄປເທື່ອລະກ້າວ ກະແສຄວາມຢ້ານກົວບາງປະການ ກໍ່ຄືບຄານເຂົ້າມາຫາ ຈົນຢູ່ໃກ້ກ້ານຄໍຂອງຕົນເອງ.
ສຸດທ້າຍແລ້ວ… “ພັນທະນາການ”ອັນໃດ ທີ່ຈະປ່ອຍໄປສູ່ຄຳຕອບທີ່ຄົນແຕ່ລະຄົນໄຂວ່ຄວ້າຫຼາຍທີ່ສຸດ?
“ບົດສະຫຼຸບ”ຈາກດວງດາວ ຈະເຕັມໄປດ້ວຍຄວາມສຸກຫຼືເສົ້າໝອງ?
“ດິນແດນແຫ່ງພັນທະສັນຍາ” ທີ່ແຕ່ລະຄົນຈຳເປັນຕ້ອງຄົ້ນໃຫ້ພົບຕົນເອງ ຈະເຜີຍຮູບລັກສະນະອອກມາໃນແງ່ມູມໃດ?
.
.
….ພື້ນແຜ່ນດິນຍັງຮຽກຮ້ອງຢ່າງທຸກທົນ… ຄວາມເປັນຈິງຍັງຮຽກຫາຢ່າງດ່ຽວດາຍ…

(ມັນຍັງບໍ່ຈົບ ເອົາໄວ້ທໍ່ນີ້ກ່ອນເດີ້ພີ່ນ້ອງພັນລາວ… ຖ້າໝັ່ນແລ້ວຊິເຮັດຕໍ່ ^_^)

ບົດແປເນື້ອເລື່ອງ SRW OG ສາຍຣິວເຊຍ໌

ສາກສຸດທ້າຍ

ທີ່ເມເທໂອ໓ ບ່ອນທີ່ທຸກຢ່າງເລີ່ມຕົ້ນ ແຕ່ບັດນີ້ ມັນຈະເປັນບ່ອນທີ່ທຸກຢ່າງຈົບລົງ ກອງທັບຂອງສະຫະພັນໂລກຖືກເມເທໂອ໓ກິນເຂົ້າໄປຈົນໝົດ ຄຸໂຣງາເນະກັບຮິຣິວໄຄມາຮອດເກາະຂອງDCແລະໄດ້ພົບກັບສະພາບທີ່ແທ້ຈິງຂອງເມເທໂອ໓ ເຊິ່ງບັດນີ້ໄດ້ເຜີຍໂຕເປັນອາວຸດສຸດທ້າຍຂອງຊາວບາລເມີຣ໌ແລ້ວ. ຣຽວໂຕະຄຶດໄວ້ບໍ່ມີຜິດ ເມື່ອຄັ້ງທີ່ລາວຍັງຢູ່DC ສາສະດາຈານ ບິອັນເຄີຍເລົ່າໃຫ້ຟັງວ່າບາງສ່ວນຂອງເມເທໂອ໓ຖືກສະໝໍແຮງຖ່ວງດຶງປິດຜະນຶກໄວ້ ທີ່ແທ້ກໍ່ເພື່ອປິດຜະນຶກອຳນາດຂອງເມເທໂອ໓ນັ້ນເອງ ສາສະດາຈານບິອັນຄາດໄວ້ແລ້ວວ່າເປົ້າໝາຍຂອງມະນຸດຕ່າງດາວແມ່ນຫຍັງແຕ່ຕອນນັ້ນ ຈຶ່ງເລີ່ມພະຍາຍາມເຮັດທຸກວິທີເພື່ອປົກປ້ອງໂລກໄວ້.

ເມເທໂອ໓ເຮັດການປົດປ່ອຍກອງກຳລັງທະຫານທີ່ດູດກືນໄວ້ອອກມາພາຍໃຕ້ການຄວບຄຸມຂອງຕົນເອງ ຖ້າພວກລາວພ່າຍແພ້ການຕໍ່ສູ້ຄັ້ງນີ້ ໂລກຈະຖືກກືນເຂົ້າໄປແລະກາຍເປັນອາວຸດທີ່ໄຮ້ຊີວິດຈິດໃຈຕໍ່ໄປ. ທຸກຄົນທຸ່ມເທເຕັມທີ່ ນີ້ແມ່ນການຕໍ່ສູ້ຄັ້ງສຸດທ້າຍທີ່ແທ້ຈິງແລ້ວ.

ການຕໍ່ສູ້ເປັນໄປຢ່າງດຸເດືອດ ເມເທໂອ໓ຫຼືເຊພທາກິນ ຄ່ອຍໆປ່ອຍກອງກຳລັງເສີມອອກມາເມື່ອເວລາຜ່ານໄປເລື້ອຍໆ ແລະຍັງສາມາດສ້ອມແປງຕົນເອງໄດ້ນຳອີກ ໃນຊ່ວງເວລາສຸດທ້າຍເຊພທາກິນປົດປ່ອຍລະບົບສຸດທ້າຍສຳຫຼັບກືນກິນໂລກ ໄດເທັຕສຶບອກວ່າເວລາເຫຼືອອີກແຕ່໕ນາທີກ່ອນທີ່ໂລກຈະຖືກທຳລາຍ ຮີບທຳລາຍເຊພທາກິນສາ ຊະຕາກຳສຸດທ້າຍຂອງການຕໍ່ສູ້ນີ້ ທັງDCກັບແອໂຣເກເຕີຣ໌ ແລະບາລເມີຣ໌ ໃນທີ່ສຸດກໍ່ເຖິງເວລາທີ່ຈະຈົບສິ້ນ……

ເມເທໂອ໓ຖືກທຳລາຍລົງໄດ້ສຳເລັດ ໄດເທັຕສຶປະກາດວ່າປະຕິບັດການSRWເສັດສິ້ນແລ້ວ ການເຄື່ອນໄຫວຂອງເນບິອິມຢຸດລົງ ເຣວີ່ຫາຍສາບສູນ ລາດາຈຶ່ງບອກຄວາມຈິງກັບອາຢະວ່າ ແທ້ຈິງແລ້ວເຣວີ່ກໍ່ແມ່ນນ້ອງສາວຂອງອາຢະ ໄມ ໂຄບາຢາຊິ ທີ່ຖືກອິນແກຣມປອມແປງຂໍ້ມູນແລະພາໂຕລ້າງສະໝອງທີ່ດາວໄວທ໌ສຕາຣ໌ ເຊັ່ນດຽວກັບບຸກຄົນອື່ນໆຂອງແອໂຣເກເຕີຣ໌ທີ່ເປັນຊາວໂລກ ຣິວເຊຍ໌ເສຍໃຈວ່າທັງທີ່ຄວນຈະໄດ້ຊ່ອຍເຫຼືອເຣວີ່ຄືກັບຄຸສຸຮະແທ້ໆ ອາຢະປອບໃຈໂດຍລະນຶກເຖິງຄຳສັ່ງຂອງອິນແກຣມທີ່ວ່າ “ຢ່າໃຫ້ອະດີດມາຜູກມັດຕົນເອງ ຈົ່ງຝ່າຟັນສູ່ອະນາຄົດດ້ວຍຕົນເອງ” ອາຢະຍິ້ມພ້ອມກັບບອກວ່າ ເປັນຕາແປກເນາະ ທີ່ນາງຮູ້ສຶກວ່າອິນແກຣມແລະໄມຕ້ອງຍັງມີຊີວິດຢູ່ບ່ອນໃດບ່ອນ໑ ເຖິງຈະເປັນແຕ່ລາງສັງຫອນກໍ່ຕາມເທາະ.

ອິນແກຣມລົມກັບວິເລຕຕ້າ໒ຄົນ ວິເລຕຕ້າເປີດເຜີຍຄວາມຈິງວ່າ ນາມສະກຸນທີ່ແທ້ຈິງຂອງນາງແມ່ນ ພຣິສເກ້ນ, ວິເລຕຕ້າ ພຣິສເກ້ນ ເປັນລູກສາວທີ່ອິນແກຣມສ້າງຂຶ້ນໃນລະຫວ່າງທີ່ການຄວບຄຸມຂອງຈູເດຄກ້າອ່ອນກຳລັງລົງ ເພື່ອໃຫ້ວິເລຕຕ້າຊ່ອຍສືບທອດຄວາມຕັ້ງໃຈຂອງຕົນເອງ ກ່ອນທີ່ອິນແກຣມຈະຖືກຄອບງວຳໂດຍສົມບູນ ດັ່ງນັ້ນວິເລຕຕ້າຈຶ່ງພົ້ນຈາກການຄວບຄຸມຂອງຈູເດຄກ້າແລະເຮັດໂຕເປັນສາຍລັບ໒ໜ້ານີ້ເອງ ສ່ວນຂໍ້ມູນອື່ນໆເທົ່າທີ່ຮູ້ກໍ່ແມ່ນ ອິນແກຣມຖືກສົ່ງມາພ້ອມກັບຈູເດຄກ້າໂດຍເຜົ່າພັນບາລເມີຣ໌ ເດີນທາງຜ່ານຈັກກະວານທີ່ກວ້າງໄກມາຈົນພົບໂລກມະນຸດ ເມື່ອອິນແກຣມຕື່ນຂຶ້ນ ລາວພະຍາຍາມທຸກວິທີທາງທີ່ຈະໃຫ້ຕົນເອງເປັນອິສະລະ ແລະສ້າງວິເລຕຕ້າຂຶ້ນເພື່ອເປົ້າໝາຍຂອງຕົນເອງ ສ່ວນເຜົ່າບາລເມີຣ໌ໃນຕອນນີ້ ນາງບໍ່ຮູ້ຄືກັນວ່າຍັງມີຢູ່ຫຼືພິນາດຈາກສົງຄາມໄປແລ້ວ.

ກີລ່ຽມຄຶດໃນໃຈວ່າ ເປັນໄປໄດ້ທີ່ຈະມີມະນຸດຕ່າງດາວເຜົ່າພັນອື່ນຫຼົງເຫຼືອຢູ່ໃນຈັກກະວານນີ້ແທ້ ຖ້າແບບນັ້ນຫ້ວງມິຕິນີ້ກຳລັງຈະປ່ຽນໄປຈາກທີ່ລາວເຄີຍຮັບຮູ້ໄດ້. ກີລ່ຽມຊວນໃຫ້ວິເລຕຕ້າໄປຢູ່ໜ່ວຍຂ່າວຄືກັນ ແຕ່ວິເລຕຕ້າປະຕິເສດຍ້ອນວ່າຄຳສັ່ງເສຍສຸດທ້າຍຂອງອິນແກຣມແມ່ນໃຫ້ນາງຢູ່ຄຽງຂ້າງພວກຣິວເຊຍ໌ ທີ່ນາງຮັບເຮັດບໍ່ແມ່ນຍ້ອນເປັນຄຳສັ່ງ ແຕ່ເປັນຍ້ອນນາງເຕັມໃຈເຮັດດ້ວຍຄວາມຕັ້ງໃຈຂອງຕົນເອງໂດຍບໍ່ຖືກບົງການ ແລ້ວກໍ່ຂອບໃຈກີລ່ຽມທີ່ວາງໃຈນາງຕະຫຼອດມາ.

ຮິຮິວໄຄກັບລູກເຮືອຄົນອື່ນໆຈະໄປປະຈຳຢູ່ຖານອິຄາຣອສນອກໂລກ ໄດເທັຕສຶກ່າວລາຈອຫ໌ນຜູ້ເປັນສະຫາຍເກົ່າພ້ອມກັບລໍ້ເລັກໆນ້ອຍໆ.

ທາສຸຄຸຖາມຫາເຊນກາຣ໌ແລະເອລແຊມທີ່ຫາຍໄປດັ່ງສາຍລົມຫຼັງຈາກທີ່ສົງຄາມຈົບລົງ ຄຽວສຸເກະຕອບວ່າເມື່ອໂລກຢູ່ໃນອັນຕະລາຍ ພວກລາວຕ້ອງກັບມາແນ່ນອນໆ. ບູລິທທ໌ຖາມທາສຸຄຸວ່າຈະຍ້າຍໄປຢູ່ອາວະກາດແທ້ໆຫວາ? ທາສຸຄຸຢັ້ງຢືນຄວາມຕັ້ງໃຈເກົ່າທີ່ຍັງຕັດໃຈເລື່ອງເລໂອນ່າບໍ່ໄດ້ ແຕ່ກໍ່ຍັງລັກລໍ້ບູລິທທ໌ເລື່ອງຄຸສຸຮະໜ້ອຍ໑. ລັບຫຼັງເອັກເຊລເລນລັກບອກຄ່ອຍໆໃສ່ທາສຸຄຸວ່າ ນີ້ແມ່ນໂອກາດສຸດທ້າຍແລ້ວ ຊິປ່ອຍໄປແບບນີ້ຫວາ?

ຄຽວສຸເກະໃຫ້ກຳລັງໃຈທາສຸຄຸໃຫ້ລວມຄວາມກ້າຄັ້ງຍິ່ງໃຫຍ່ໄປເລີຍ. ທາສຸຄຸຈຶ່ງຕັດສິນໃຈລວມຄວາມກ້າ ບອກເລໂອນ່າວ່າ ຢາກໃຫ້ນາງໄປຢູ່ຖານອິຄາຣອສນຳກັນໄດ້ບໍ່? ຂ້ອຍຢາກກິນແກງທີ່ເຈົ້າເຮັດນ່ະ…

(*ນີ້ແມ່ນປະໂຫຍກຂໍແຕ່ງດອງແບບບູຮານແລະClassicທີ່ສຸດໃນລະຄອນຫຼັງຂ່າວຂອງຍີ່ປຸ່ນເດີ້)

ເລໂອນ່າລອງຖາມລອງໃຈທາສຸຄຸອີກເລັກນ້ອຍກ່ອນຕອບຕົກລົງ ເຮັດໃຫ້ທາສຸຄຸດີໃຈຫຼາຍ. ແຄທີນ່ານຳມາລາກຄໍທາສຸຄຸໃຫ້ຮີບໄປຢ່າເມົາຊັກຊ້າ ເລໂອນ່າບອກໃຫ້ທາສຸຄຸຍ່າງໄປກ່ອນ ແລະຫ້າມຄິດບໍ່ຊື່ໂດຍເດັດຂາດບໍ່ຊັ້ນມີເລື່ອງ.

ແຄທີນ່າບອກລາຄຽວສຸເກະ ເຖິງແມ່ນວ່ານາງຈະບໍ່ໄດ້ເປັນນັກບິນທົດສອບຢ່າງທີ່ຕັ້ງໃຈໄວ້ ແຕ່ໄດ້ຢູ່ກັບຄຽວສຸເກະກໍ່ມ່ວນຫຼາຍ ດັ່ງນັ້ນຈະຂໍຮັບຫຸ່ນຮົບຫຼຸ້ນປັບປຸງພິເສດຂອງນາງໂດຍສະເພາະໄວ້ເປັນທີ່ລະນຶກ. ລັຊເຊລຄຶດໃນໃຈວ່າ ແຕ່ກ່ອນເກສເພນສຕ໌ໂຕນັ້ນມັນເປັນຂອງທີ່ແຄທີນ່າລັກແຫບນຳຄຽວສຸເກະມາທາສີເອງຕາມໃຈມັກຈົນແດງຜ່າງໆໝົດໂຕແລ້ວບໍ່ແມ່ນຫວະ.

ເລຟີນ່າມາລາຍງານໂຕຄັ້ງສຸດທ້າຍນຳໄດເທັຕສຶກ່ອນທີ່ຈະໄປຢູ່ຖານອິຄາຣອສ ນາງຂອບໃຈທີ່ຊ່ອຍເຫຼຶອມາຕະຫຼອດລວມເຖິງທຸກຄົນທີ່ຊ່ອຍເຫຼືອຕະຫຼອດເວລາຂອງປະຕິບັດການSRW. ເລຟີນ່າບອກລາເທັຕສຶຢະວ່າ ຈັກມື້ເທັຕສຶຢະຕ້ອງເປັນກັບຕັນທີ່ດີບໍ່ນ້ອຍກວ່າໄດເທັຕສຶແນ່ນອນ ກ່ອນຈະອອກເດີນທາງໄປ. ເທັຕສຶຢະຕາລອຍນຳແມ່ນວ່າເລຟີນ່າຈະພົ້ນສາຍຕາໄປແລ້ວ ຈົນເອຍ໌ຕະຕ້ອງມາເຕາະວ່າເມົາແຕ່ໃຈລອຍຫຍັງຢູ່.

ອິຣຸມກັບມາພົບກັບພໍ່ຕົນເອງແລະທວງປຶ້ມປົກດຳຕາມສັນຍາ ແຕ່ພັດພົບຫຼິນໂດຍບໍ່ຄາດຄິດ ຫຼິນຖາມອິຣຸມວ່າ ອະທິບາຍມາດີໆເດີ້.

ຫຍວນ ພໍ່ຂອງຣິໂອະແລະຫຼິນເດີນທາງຈາກເໝົາອິນດັສຕຣີ້ເພື່ອສະແດງຄວາມຍິນດີ ຣຽວໂຕະຮູ້ສຶກຕື່ນເຕັ້ນຈົນເອີ້ນຫຍວນເປັນພໍ່ ເຮັດໃຫ້ຫຍວນເກືອບເປັນລົມ ນຶກວ່າໄດ້ລູກເຂີຍແບບບໍ່ທັນຕັ້ງໂຕ. ຣິໂອະໃຫ້ຣຽວໂຕະແນະນຳໂຕ ຣຽວໂຕະຈຶ່ງແນະນຳໂຕແລະບອກວ່າຢູ່ເຮືອນຂອງລາວເປັນບ່ອນເຝິກຄາຣາເຕ້ ເຮັດໃຫ້ຣິໂອະເລີ່ມບໍ່ພໍໃຈທີ່ຣຽວໂຕະບໍ່ເຄີຍບອກກັນກ່ອນ ຍ້ອນລາວບໍ່ມັກທີ່ເສຍໃຫ້ຣຽວໂຕະຕອນຊ້ອມPTຕະຫຼອດ ດັ່ງນັ້ນຖ້າກັບໄປທີ່ເໝົາອິນດັສຕຣີ້ທີ່ດວງຈັນຍາມໃດຕ້ອງມາເຈິກັນດີໆ. ສ່ວນອິຣຸມພະຍາຍາມຢ່ອງໄປແບບມິດໆ ແຕ່ຖືກຫຼິນທ່າທາງໂມໂຫເອີ້ນໄປລົມນຳ ແລະທ່າທາງທັງ໒ຄົນຕ້ອງລົມກັນອີກດົນເລີຍ.

ເຈຍຣ໌ດ້າ ກາຣ໌ເນັຕແລະລາດາລົມກັນເລື່ອງແຜນການໃຊ້ຊີວິດຕໍ່ໄປ ລາດາຈະໄປເຮັດວຽກກັບເໝົາອິນດັສຕຣີ້ຕໍ່ ສ່ວນເຈຍຣ໌ດ້າກັບກາຣ໌ເນັຕປະກາດຈະກິນດອງກັນ ຈັດງານມື້ໃດຈະແຈ້ງໃຫ້ທຸກຄົນຮູ້ຕາມຫຼັງ ຕອນນີ້ຂໍເກັບເງິນກ່ອນ. ສ່ວນລາທູນີ່ຈະເຂົ້າສັງກັດກັບໄຄ ເພື່ອອອກສືບຫານັກຮຽນຄົນອື່ນໆຈາກ”ສຄູລ”ຂອງແອດເລີຫ໌ຕໍ່ໄປ.

ຄຽວສຸເກະແລະລູກທີມATXທີ່ເຫຼືອຈະໄປປະຈຳຢູ່ຖານແລງເກຣຍ໌ ອາເມຣິກາເໜືອທີ່ເຄີຍຖືກທຳລາຍໄປເມື່ອຕອນສົງຄາມDC ຕ້ອນນີ້ສ້ອມແປງຈົນກັບມາດີຄືເກົ່າແລ້ວ. ດຣ.ມາຣິອອນກັບອາຈານຣິຊູວ໌ກໍ່ໄປນຳ ແຕ່ກ່ອນໜ້ານັ້ນ ຣ໊ອບບອກເຖິງແຜນການຢຸດຢັ້ງການພັດທະນາອາວຸດປະເພດPTກັບAM ນັ້ນລວມເຖິງການປົດອາວຸດຂອງພວກPTທີ່ໃຊ້ໃນSRWເພື່ອຢັ້ງຢືນເຈຕະໃນດ້ານການຮັກສາສັນຕິພາບນຳ. ຍ້ອນເຫດນີ້ຮິວເຄໄບນ໌ມາຣ໌ຄ3 ແລະກຣຸນກັສຕ໌ຊັນຊິຄິທີ່ກຳລັງພັດທະນາຈຶ່ງຖືກສັ່ງລະງັບການຜະລິດໄປ ແຕ່ສາເຫດແທ້ໆແລ້ວ ເປັນຍ້ອນຫຸ່ນພວກນັ້ນໃຊ້ວິທະຍາການຂອງຕ່າງດາວຕ່າງຫາກ ດຣ.ມາຣິອອນບໍ່ສົນບັນຫານີ້ ຍ້ອນນາງຕັ້ງໃຈຈະພັດທະນາວິທະຍາການຂອງໂລກບໍ່ຍອມພວກຕ່າງດາວເລີຍ ບໍ່ວ່າຈະເປັນອັລໄທເຊນ ແລະພວກວິລດ໌ວິລເກີຣ໌, ວິລດ໌ຟາລເກ້ນນຳ. ເຮັດໃຫ້ອາຈາຣິຊູວ໌ກັບຣ໊ອບລັກຍິ້ມ ຍ້ອນພວກວິລດ໌ຫັ້ນເປັນຜົນງານຂອງເຄີຣ໌ຄ(ອະດີດ)ສາມີຂອງດຣ.ມາຣິອອນ.

ມາຊາຄິກ່າວລາພວກຣິວເຊຍ໌, ຣິວເນ່ຈະອອກເດີນທາງໄປທີ່ດາວພະຫັດ ຍ້ອນວ່ານາງເປັນລູກສາວຂອງຜູ້ນຳDC ຈະໃຫ້ຢູ່ໃນກອງທັບຂອງສະຫະພັນຕໍ່ໄປຄືຊິບໍ່ດີແນ່ນອນ. ສ່ວນມາຊາຄິຈະອອກຊອກຫາຊູວ໌ຕໍ່ໄປ ໝູ່ເພື່ອນທີ່ຣິວເຊຍ໌ໄດ້ພົບລະຫວ່າງທາງທີ່ຜ່ານມາຕ່າງກໍ່ແຍກຍ້າຍໄປສູ່ເສັ້ນທາງຂອງຕົນເອງຕໍ່ໄປ.

ລາທູນີ່ລົມກັບອາຢະ ບອກວ່ານາງຕັດສິນໃຈຢູ່ໃນກອງທັບຕໍ່ໃນຖານະລູກທີມຂອງໄຄ ເພື່ອຊອກຫາໝູ່ທີ່ເຄີຍຈົບຈາກ”ສຄູລ”ຄືກັນກັບນາງ ເຊັ່ນ: ໂອວຄະ, ອາຣາໂດ້, ເຊໂອລ່າ ເຊິ່ງນາງເຊື່ອວ່າຕ້ອງມີຊີວິດຢູ່ບ່ອນໃດບ່ອນ໑ແນ່ນອນ.

(*ຢູ່ພາກ໒ຫັ້ນເດນ້ອງ ຮີບໄປຫາແມ໋)

ຣິວເຊຍ໌ມາຫາອາຢະຕາມທີ່ຖືກເອີ້ນມາ ອາຢະບອກເລື່ອງການອະນຸມັດການສ້ອມແປງRທັງໝົດຜ່ານແລ້ວ ດັ່ງນັ້ນໃນລະຫວ່າງທີ່ເຮັດວຽກຟື້ນສະພາບຫຸ່ນທຸກໂຕ ຣິວເຊຍ໌ໄດ້ຮັບອະນຸຍາດໃຫ້ກັບບ້ານໄປພັກຜ່ອນໄດ້ ບໍ່ຕ້ອງເປັນຫ່ວງ ເພາະວ່າບ່ອນນີ້ມີກີລ່ຽມກັບວິເລຕຕ້າຖ້າຄຸມຢູ່ແລ້ວ ລາທູນີ່ເອງກໍ່ເຫັນດີທີ່ຈະໃຫ້ຣິວເຊຍ໌ກັບໄປຢາມແມ່ທີ່ເວລານີ້ອາການດີຂຶ້ນຫຼາຍແລ້ວ.

ຢູ່ປ່າຊ້າແຫ່ງ໑ໃນຍີ່ປຸ່ນ

ອົງຍິງໄຊນ໌ລໍຖ້າທ່ານໄຣດີ້ຂອງນາງ ດ້ວຍລາງສັງຫອນວ່າເຈົ້າຊາຍຂອງນາງຈະມາຢາມບ່ອນແຫ່ງນີ້ຫຼັງຈາກສົ່ງຄາມຈົບລົງແນ່ນອນ ໃນທີ່ສຸດໄຣກໍ່ມາຈົນໄດ້ ໄຣບອກວ່າປ່າຊ້າແຫ່ງນີ້ເປັນຂອງແຄທລີຢາ ຟູຈິວາຣະ ບຣານຊໄທນ໌ ເອຶ້ອຍໃພ້ທີ່ເຄົ່ລົບຂອງລາວເອງ ເພື່ອບໍ່ໃຫ້ຫຼົງລືມນາງໄປ ຈຶ່ງໄດ້ເອົາຊື່ຂອງນາງມາເປັນນາມກາງຂອງໄຣດີສ ເອຟ ບຣານຊໄທນ໌ນັ້ນເອງ. ອົງຍິງໄຊນ໌ຊີ້ໃຫ້ໄຣດີ້ເບິ່ງດອກໄມ້ໄຫວ້ປ່າຊ້າທີ່ມີຜູ້ເອົາມາເຄົາລົບກ່ອນໜ້າໄຣ ດອກແຄທລີຢາ ແມ່ນແລ້ວແຫຼະ ນີ້ແມ່ນອານຸສອນຂອງທ່ານທີ່ເອລແຊມນັ້ນເອງ ໄຣຄຶດແກມຍິ້ມ.

ຣິວເຊຍ໌ກັບມາຮອດເຮືອນ ລາວໄດ້ພົບຈົດໝາຍຈາກຄຸສຸຮະ ນາງບອກວ່າຕັດສິນໃຈທີ່ຈະນຳບູລິທທ໌ໄປທີ່ອາເມຣິກາ ເພື່ອໄປສຶກສາເປັນແພດຢູ່ບ່ອນນັ້ນ ຣິວເຊຍ໌ຮູ້ສຶເຫງົາເລັກນ້ອຍເມື່ອຄິດຮອດເຫຼົ່າສະຫາຍເກົ່າຂອງລາວ ກ່ອນຈະກັບໄປທີ່ເຮືອນ ລາວພົບກັບແມ່ນທີ່ກຳລັງລໍຄອຍການກັບມາຂອງລາວຢູ່.

“ຍິນດີຕ້ອນຮັບກັບບ້ານເດີ້”

“ໂດຍ ລູກກັບມາແລ້ວ”.

-ຈົບພາກ-

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໔໑ (ເຄິ່ງທຳອິດ)

ໃນທີ່ສຸດຄຸໂຣງາເນະກໍ່ສາມາດເຂົ້າສູ່ໃຈກາງຂອງໄວທ໌ສຕາຣ໌ໄດ້ສຳເລັດ ສິ່ງທີ່ຖ້າພວກລາວຢູ່ນັ້ນກໍ່ແມ່ນR-Gunຣິວາເລ່, ອິນແກຣມ ພຣິສເກ້ນ. ຣິວເຊຍ໌ປະກາດວ່າຈະຈັດການກັບອິນແກຣມແລະທຳລາຍໄວທ໌ສຕາຣ໌ລົງໃຫ້ໄດ້. ມາຊາຄິບໍ່ໃຫ້ອະໄພອິນແກຣມທີ່ເຫັນມະນຸດເປັນພຽງແຕ່ຕົວຢ່າງທົດລອງ. ເອລແຊມກ່າວວ່ານີ້ແມ່ນເວລາທີ່ບິອັນແລະໄມເຢີຣ໌ລໍຖ້າມາຕະຫຼອດ ໄຣງຶກຫົວກັບອ້າຍຂອງຕົນເອງ ລາວຈະຕໍ່ສູ້ເພື່ອປົກປ້ອງໂລກແລະໂຄໂລນີ່ທີ່ທ່ານເອື້ອຍແຄທລີຢາຮັກໃຫ້ໄດ້. ເຊນກາຣ໌ຮ້ອງປຸກໃຈທຸກຄົນໃຫ້ຕໍ່ສູ້ດ້ວຍອາວຸດທີ່ທຸກຄົນມີຢູ່. ອາຢະຮັບຄຳດ້ວຍອາວຸດທີ່ມີຢູ່ໃນຫົວໃຈຂອງທຸກຄົນ ນາງຈະເອົາຊະນະອິນແກຣມໃຫ້ໄດ້. ອິນແກຣມຍົກຍ້ອງໃນຄວາມຕັ້ງໃຈຂອງທຸກຄົນແລະທ້າໃຫ້ເຂົ້າມາສູ້ກັນເພື່ອຕັດສິນທຸກສິ່ງໃນຄັ້ງນີ້.

ຣິວເຊຍ໌ໃຊ້SRXເຂົ້າຕໍ່ສູ້ກັບອິນແກຣມ ເມື່ອຕໍ່ສູ້ໄດ້ຈັກໜ່ອຍອາຢະມີອາການເຈັບຫົວອີກ ໄຣເຕືອນອາຢະໃຫ້ຕັດລະບົບT-Linkຫຼັກໃຫ້ເປັນໜ້າທີ່ຂອງR-1 ແຕ່ອາຢະປະຕິເສດ ຍ້ອນນາງຕ້ອງການຈະເຫັນທຸກສິ່ງດ້ວຍຕາຂອງນາງເອງ ເຖິງແມ່ນວ່າຈະບໍ່ຄ່ອຍເຫັນດີນຳແຕ່ເມື່ອເຫັນອາຢະຕັ້ງໃຈແທ້ ໄຣຈຶ່ງຍອມໃຫ້ອາຢະເຮັດໜ້າທີ່ຕໍ່ໄປ. ການຕໍ່ສູ້ຂອງຣິວເຊຍ໌ແລະອິນແກຣມມາຮອດຈຸດສິ້ນສຸດ ອິນແກຣມສະແດງຄວາມຍິນດີກັບຣິວເຊຍ໌. ລາວຂອບໃຈຣິວເຊຍ໌ທີ່ຊ່ອຍຢຸດຕົນເອງໃນລະຫວ່າງທີ່ໂຕລາວກຳລັງຈະຖືກຈູເດຄກ້າຄວບຄຸມ ຈົນບໍ່ເຫຼືອຄວາມເປັນຕົນເອງອີກຕໍ່ໄປ.

ແທ້ຈິງແລ້ວ ອິນແກຣມເປັນມະນຸດທຽມທີ່ບາລເມີຣ໌ສ້າງມາແລະສົ່ງໃຫ້ເດີນທາງໄປໃນຈັກກະວານທີ່ອ້າງວ້າງພ້ອມກັບຈູເດຄກ້າເພື່ອຮີບໂຮມຕົວຢ່າງທົດລອງ ຄວາມຮູ້ສຶກນຶກຄິດທຸກຢ່າງຂອງອິນແກຣມຈະເຊື່ອມຕໍ່ກັບຈູເດຄກ້າ ແລະຈູເດຄກ້າຄວບຄຸມຄວາມຮູ້ສຶກນຶກຄິດຂອງອິນແກຣມຕະຫຼອດປານວ່າເປັນນັກໂທດທີ່ບໍ່ອາດຈະເປັນອິສະລະໄດ້. ທັງ໒ເດີນທາງໄປບ່ອນຕ່າງໆຈົນໄດ້ມາພົບກັບດາວໂລກ ບ່ອນທີ່ລາວຫວັງໄວ້ວ່າຈະຕ້ອງມີຄົນຊ່ອຍປົດປ່ອຍພັນທະນາການຂອງຈູເດຄກ້າໃຫ້ສຳເລັດໄດ້. ຣິວເຊຍ໌ເກືອບບໍ່ຢາກເຊື່ອເລີຍວ່າ ທຸກສິ່ງທຸກຢ່າງທີ່ອິນແກຣມເຮັດລົງໄປກໍ່ເພື່ອໃຫ້ມີຄົນມາຈົບຊີວິດຕົນເອງ. ອິນແກຣມອວຍພອນໃຫ້ທຸກຄົນໄດ້ຮັບໄຊຊະນະໃນການຮົບຄັ້ງນີ້. ກ່ອນທີ່ອິນແກຣມຈະສິ້ນລົມ ລາວໃຫ້ກຳລັງໃຈອາຢະເປັນຄັ້ງສຸດທ້າຍວ່າ “ຢ່າໃຫ້ອະດີດມາຜູກມັດຕົນເອງ ຈົ່ງຝ່າຟັນສູ່ອະນາຄົດດ້ວຍຕົນເອງ” ແລະແລ້ວອິນແກຣມກໍ່ພົ້ນຈາກພັນທະນາການໄປສູ່ຄວາມສະຫງົບຊົ່ວນິລັນ. ທຸກຄົນໄຫວ້ອາໄລຕໍ່ອິນແກຣມເຊັ່ນດຽວກກັບໄມເຢີຣ໌ແລະບິອັນ ພ້ອມກັບສູນກາງຂອງດວງດາວເນບິອິມເຊິ່ງເລີ່ມການພັງທະລາຍລົງ.

ທາງນອກ ຮິຣິວໄຄແລະກອງຍານຮົບຂອງຊາວໂລກໄດ້ລໍຖ້າການກັບມາຂອງຄຸໂຣງາເນະ. ຄຸໂຣງາເນະອອກມາຈາກເນບິອິມໄດ້ທັນເວລາ ເຖິງແມ່ນວ່າຈະບໍ່ພົບເຣວີ່ ໂທເລີຣ໌ຜູ້ນຳຂອງແອໂຣເກເຕີຣ໌ກໍ່ຕາມ. ແຕ່ມັນຍັງບໍ່ຈົບ ເນບິອິມປົດປ່ອຍພະລັງງານຈຳນວນມະຫາສານອອກມາທຳລາຍກອງຍານຮົບທັງໝົດຂອງຊາວໂລກ ເຫຼືອແຕ່ຮິຣິວໄຄກັບຄຸໂຣງາເນະທີ່ລອດມາແຕ່ກໍ່ໄດ້ຮັບຄວາມເສຍຫາຍຢ່າງໜັກ. ດາວສີຂາວຍັງບໍ່ໝົດລິດ ມັນກຳລັງມຸ້ງໜ້າລົງໄປທີ່ໂລກເພື່ອເຂົ້າປະທະ ພ້ອມກັບສົ່ງອາວຸດຂະໜາດຍັກອອກມາ. ມັນແມ່ນຍັກສີຂາວເຊິ່ງເປັນຕົ້ນຕໍແຫ່ງສົງຄາມທັງໝົດ… ຈູເດຄກ້າ!

ສາກທີ່໔໑ (ເຄິ່ງສຸດທ້າຍ)

ທຸກຄົນປະເຊີນໜ້າກັບຈູເດຄກ້າ. ພຽງແຕ່ຢູ່ຕໍ່ໜ້າ ຜູ້ມີT-Linkທຸກຄົນຕ່າງກໍ່ສຳຜັດໄດ້ເຖິງພະລັງທີ່ຮຸນແຮງຮຸນຮານຈົນຄວາມຮູ້ສຶກໄດ້, ເຣວີ່ ໂທເລີຣ໌ນັ້ນເອງ. ເຣວີ່ບອກເຖິງຈຸດປະສົງຂອງແອໂຣເກເຕີຣ໌, ເລີ່ມຈາກສົ່ງວິທະຍາການEOTມານຳເມເທໂອ໓ ເພື່ອໃຫ້ມະນຸດໄດ້ຮຽນຮູ້ແລະພັດທະນາຄວາມຈະເລີນ ຈາກນັ້ນເມື່ອຜົນຜະລິດສຸກ ກໍ່ໄດ້ເວລາທີ່ເກັບກ່ຽວຄືນແລ້ວ ພວກຣິວເຊຍ໌ແມ່ນບັນດານັກຮົບທີ່ໄດ້ຜ່ານການຄັດເລືອກໃຫ້ເປັນອາວຸດຂອງແອໂຣເກເຕີຣ໌ ເພື່ອພິຊິດຈັກກະວານຕໍ່ໄປ ເຊັ່ນດຽວກັບຄຸສຸຮະ, ເທນຊັນແລະຜູ້ບັນຊາການເກົ້າເຫວີ່ຍທີ່ໄດ້ຮັບເລືອກກ່ອນໜ້ານີ້. ທຸກຄົນປະຕິເສດແລະເຂົ້າຕໍ່ສູ້ກັບເລວີ່ທັນທີ.

(ເນື່ອງຈາກເລື່ອງລາວຫຼັງຈາກນີ້ຈະເປັນບົດສົນທະນາເມື່ອຕໍ່ສູ້ກັບເຣວີ່ ດັ່ງນັ້ນຂໍເລົ່າແຍກຕາມໂຕລະຄອນແຕ່ລະຄົນເດີ້)

ອິຣຸມ - ອິຣຸມພິຈາລະນາເຣວີ່ແລ້ວສະແດງຄວາມເຫັນວ່າເຣວີ່ເບິ່ງດີໆແລ້ວກໍ່ໜ້າຮັກດີ ຖ້າໃຫຍ່ອີກຈັກໜ່ອຍຄືສິງາມຈົນຄວງໄປທ່ຽວນຳກັນໄດ້ແທ້ໆ ແນ່ນອນວ່າເຣວີ່ປະຕິເສດແລະຍັງໂມໂຫທີ່ຖືກແຍ່ຫຼິ້ນ. ອິຣຸມບອກວ່າຕໍ່ຈາກນີ້ຈະບໍ່ອອມມືໃຫ້ແລ້ວເດີ້.

ໄດເທັຕສຶ - ລາວບອກວ່າ ທຸກສິ່ງທຸກຢ່າງເລີ່ມຕັ້ງແຕ່ລາວຍັງບັນຊາການເຮືອຮິຣິວ ລູກເຮືອຫຼາຍຄົນຕ້ອງເສຍຊີວິດໄປ ແຕ່ການເສຍສະລະຂອງພວກລາວຈະບໍ່ເສຍໄປລ້າໆແນ່ນອນ!

ເລໂອນ່າ - ນາງປະກາດດ້ວຍກຽດແຫ່ງໄມເຢີຣ໌, ບິອັນ ແລະຜູ້ຄົນມາກມາຍທີ່ຍອມເສຍສະລະເພື່ອການປົກປ້ອງໂລກໃນຄັ້ງນີ້ ນີ້ແມ່ນເວລາທີ່ຈະປົກປ້ອງດາວໂລກແລະອະນາຄົດແຫ່ງມວນມະນຸດຊາດແລ້ວ.

ລາດາ - ເມື່ອໄດ້ປະເຊີນໜ້າກັນ ລາດາແນ່ໃຈໃນສິ່ງທີ່ນາງສັນນິຖານມາຕະຫຼອດ ເຣວີ່ຖາມລາດາຮູ້ຫຍັງແດ່ຈາກພະລັງຈິດພິເສດທີ່ຄົ້ນຄວ້າມາ? ລາດາຕອບວ່າ ເຣວີ່ແມ່ນມະນຸດໂລກຄືກັບນາງຫັ້ນແຫຼະ.

ຣິວເນ່ - ເຣວີ່ຫົວຂວັນວາລຊິໂອເນ່ວ່າເປັນແຕ່ຕຸກກະຕາທີ່ສ້າງຂຶ້ນມາເພື່ອຕາມໃຈຣິວເນ່ເທົ່ານັ້ນ. ແຕ່ຣິວເນ່ສວນກັບໄປວ່າ ຕຸກກະຕາໂຕນີ້ຄັກເຖິງກັບປາບພະຍົດເຣວີ່ໄດ້ກະແລ້ວກັນໄດ໋.

ລາທູນີ່ - ເຣວີ່ຍົກຍ້ອງລາທູນີ່ວ່າ ນາງຈະຕ້ອງເປັນອາວຸດທີ່ສຸດຍອດໄດ້ແນ່ນອນ. ລາທູນີ່ປະຕິເສດ ນາງຈະບໍ່ຍອມເຮັດຕາມຄຳບົງການຂອງຄົນອື່ນອີກຕໍ່ໄປແລ້ວ, ຍ້ອນຣິວເຊຍ໌ແລະທຸກຄົນແທ້ໆ ທີ່ເຮັດໃຫ້ນາງຄົ້ນພົບຕົນເອງຈົນໄດ້.

ແຄທີນ່າ - ແຄທີນ່າສູ້ດ້ວຍກຳລັງເຕັມທີ່ ບອກວ່ານາງຈະເຕະພວກທີ່ນາງບໍ່ມັກຂີ້ໜ້າທຸກຄົນເຕັມຕີນໄປເລີຍ ຮູ້ລິດເຈ໊ໜ້ອຍໄປແລ້ວພວກຕ່າງດາວ!

ຣິໂອະ - ຣິໂອະບອກວ່າເຣວີ່ແລະແອໂຣເກເຕີຣ໌ນັ້ນເຮັດໃນສິ່ງທີ່ຜິດ ແຕ່ເຣວີ່ບໍ່ຮູ້ສຶກຫຍັງເລີຍແມ່ນແຕ່ໜ້ອຍດຽວ ຣິໂອະຈຶ່ງດ່າໃສ່ເຣວີ່ ເຣວີ່ເປັນຄົນຊົ່ວ ນາງຈະສອນເຣວີ່ດ້ວຍຄວາມຍຸຕິທຳເອງ.

ຣຽວໂຕະ - ເຣວີ່ບອກກັບຣຽວໂຕະວ່າຢ້ານຢູ່ບໍ່ແມ່ນຫວາ ແລ້ວອັນຄົນຂີ້ຢ້ານຄືຣຽວໂຕະຈະເຮັດຫຍັງໄດ້ ຣຽວໂຕະຕອບວ່າ ແມ່ນຢູ່ທີ່ລາວກຳລັງຢ້ານ ແຕ່ລາວກໍ່ຮູ້ດີວ່າຄວາມຢ້ານບໍ່ຊ່ອຍຫຍັງ ລາວຈະຕໍ່ສູ້ດ້ວຍຄວາມກ້າທີ່ໄດ້ຈາກທຸກຄົນ.

ຣັຊເຊລ - ຣັຊເຊລບອກວ່າ ແມ່ນວ່າຈະຮູ້ສຶກຢ້ານໆຢູ່ແດ່ ແຕ່ຖ້າທຽບກັບແຄທີນ່າເວລາໂມໂຫແລ້ວ ເປັນຕາຢ້ານກວ່າຈູເດຄກ້າຫຼາຍ ເພາະເຫດນັ້ນ ລາວຈະບໍ່ໜີເປັນເດັດຂາດ.

ກາຣ໌ເນັຕ - ບອກວ່ານາງບໍ່ຢາກຕາຍ ນາງຈະຕ້ອງລອດຍ້ອນນາງມີເຫດຜົນທີ່ຕ້ອງມີຊີວິດຢູ່ ເຣວີ່ຖາມວ່າ ແລ້ວເປັນຍັງຄິດຈະຂ້າໂຕຕາຍໂດຍມາຕໍ່ສູ້ກັບຈູເດຄກ້າ? ກາຣ໌ເນັຕຕອບວ່າ ນາງບໍ່ຕ້ອງການອະນາຄົດທີ່ບໍ່ໄດ້ມາຢ່າງງ່າຍດາຍ ຖ້າຕິດຈະໜີກໍ່ໜີໄປແຕ່ດົນແລ້ວ ນາງຈະສ້າງອະນາຄົດຂອງຕົນເອງກັບຄົນທີ່ນາງຮັກດ້ວຍຕົນເອງ.

ເຊນກາຣ໌ - ເຊນກາຣ໌ສົ່ງສຽງຮ້ອງດ້ວຍສະໂລແກນປະຈຳໂຕ “ນາມຂອງຂ້າ ເຊນກາຣ໌ ໂຊນໂບລຕ໌! ຈອມກະບີ່ຜູ້ພະຊິດອະທຳ!!! ເຣວີ່ ໂທເລີຣ໌ ຂ້ອຍຈະຈັດການເຈົ້າດ້ວຍເພງດາບຊັນຄັນໂຕ(ດາບຟັນເຮືອຮົບ)ເອງ!!!”

ທາສຸຄຸ - ລາວບອກວ່າລາວຈະຕ້ອງສ່ຽງດວງເບິ່ງອີກຈັກເທື່ອ ເທື່ອນີ້ເດີມພັນກອງໃຫຍ່ແດ່ຕິ໋ ເຣວ່ຫົວຂວັນວ່າ ແຕ່ດວງຢ່າງດຽວຍັງບໍ່ພໍດອກ ແຕ່ທາສຸຄຸບອກວ່າ ເກ່ງແທ້ກໍ່ລອງພິສູດດຸ໋ ຂ້ອຍແມ່ນພວກຍິ່ງຫ້າມປານຍິ່ງຍຸໄດ໋.

ກິລ່ຽມ - ລາວບອກວ່າເຖິງຈຸດປ່ຽນແປງຂອງປະຫວັດສາດແລ້ວ ເລື່ອງລາວຫຼັງຈາກນີ້ເປັນອະນາຄົດທີ່ຖືກກຳນົດໄວ້ ຫຼືຈະເປັນອະນາຄົດທີ່ຄາດບໍ່ເຖິງຢູ່ທີ່ການຕັດສິນຂອງເວລານີ້ແຫຼະ. ເຣວີ່ບໍ່ເຂົ້າໃຈກີລ່ຽມເວົ້າ ແຕ່ຮູ້ສຶກວ່າບາງຢ່າງຕິດໃຈໃນຄຳເວົ້າຂອງກີລ່ຽມ.

ວິເລຕຕ້າ - ເຣວີ່ເອີ້ນວິເລຕຕ້າວ່າຕຸກກະຕານ້ອຍໆຂອງອິນແກຣມ ຕອນນີ້ນາງສາມາດຄິດເຮັດຫຍັງດ້ວຍຕົນເອງໄດ້ແລ້ວບໍ່? ນາງຕອບກັບໄປວ່າ ຕອນນີ້ນາງເປັນອິສະລະຈາກອິນແກຣມແລ້ວ ບາດນີ້ຈະປົດປ່ອຍເຣວີ່ຈາກຊະຕາກຳທີ່ຖືກອິນແກຣມບົງການແດ່ແລ້ວ.

ເອັກເຊລເລນ - ນາງທັກທາຍເຣວີ່ຄຶກັບໝູ່ຫຼິ້ນໆ ຍິນດີທີ່ໄດ້ຮູ້ຈັກ ເຣວີ່-ຈັງ ຕອນນີ້ເຮົາຕ້ອງສູ້ກັນແລ້ວເດີ້(^_^).

ບູລິທທ໌ - ເຣວີ່ຍົກຍ້ອງວ່າເຮັດໄດ້ດີຫຼາຍ ຕອນນີ້ພະລັງຂອງລາວເໝາະສົມທີ່ຈະເປັນ໑ໃນທະຫານທີ່ເຂັ້ມແຂງຂອງນາງແລ້ວ ແຕ່ບູລິທທ໌ປະຕິເສດວ່າ ພະລັງບໍ່ແມ່ນສິ່ງທີ່ເຮັດໃຫ້ລາວໄດ້ຮັບໄຊຊະນະ ວິຊາທີ່ໄດ້ຮຽນຮູ້ຈາກເຊນກາຣ໌ແລະອາຈານຕ່າງຫາກທີ່ເຮັດໃຫ້ລາວໄດ້ຮັບໄຊຊະນະ ລວມເຖິງການຕໍ່ສູ້ກັບເຣວີ່ໃນຄັ້ງນີ້ນຳ!

ຄຸສຸຮະ - ນາງພະຍາຍາມຫ້າມເຣວີ່ວ່າ ການຕໍ່ສູ້ບໍ່ສາມາດແກ້ໄຂຫຍັງໄດ້ ເຣວີ່ກໍ່ຄືກັບທີ່ນາງເຄີຍຖືກລ້າງສະໝອງມາແລ້ວ ເຣວີ່ປະຕິເສດແລ້ວສູ້ຕໍ່ໄປ

ມາຊາຄິ - ເຣວີ່ຍ້ອງຍໍໃນຄວາມເກ່ງກ້າຂອງມາຊາໂຊວຄິຊິນທີ່ມາຊາຄິຂັບ ກ່າວວ່າເຖິງແມ່ນວ່າພະລັງນີ້ເປັນສິ່ງທີ່ນາງບໍ່ເຄີຍຮູ້ຈັກແຕ່ເຕັມໄປດ້ວຍອຳນາດທີ່ຍິ່ງໃຫຍ່ ເມື່ອນາງໄດ້ຄອບຄອງຈະໃຊ້ອຳນາດເພື່ອບາລເມີຣ໌. ມາຊາຄິສວນກັບໄປວ່າການຊັກຈູງໃຫ້ຜູ້ອື່ນເຮັດຕາມໃຈຕົນເອງນັ້ນແມ່ນອຳນາດທີ່ຍິ່ງໃຫຍ່ ເຊິ່ງລາວໄດ້ຮຽນຮູ້ຈາກຊູວ໌ແລະອິນແກຣມມາແລ້ວ ຕອນນີ້ເຣວີ່ເອງກໍ່ກຳລັງຖືກຊັກຈູງໂດຍການບົງການຂອງຄົນອື່ນໂດຍໄຮ້ຄວາມຕັ້ງໃຈຂອງຕົນເອງ ໃນຖານະຂອງຜູ້ຂັບມາໂຊວຄິຊິນ ລາວຈະຕັດເຊືອກຊັກໃຍທີ່ບົງການເຣວີ່ເອງ.

ເອລແຊມ - ນາງຊົມເອລແຊມວ່າລາວຈະເລືອກເປັນອາວຸດຊັ້ນເອກຂອງແອໂຣເກເຕີຣ໌ຫຼືຕາຍ ເອລແຊມຕອບວ່າ ລາວຍັງບໍ່ພ້ອມທີ່ຈະພົບໜ້າພັນລະຍາໃນໂລກນັ້ນ ແຄທລີຢາຍອມສະລະຊີວິດຂອງນາງເພື່ອປົກປ້ອງຄວາມສະຫງົບສຸກ ຂ້ອຍຈະບໍ່ຍອມໃຫ້ການເສຍສະລະຂອງນາງຕ້ອງເສຍລ້າແນ່ນອນ ດ້ວຍມືທີ່ເປຶ້ອນເລືອດນີ້ ຈະຂັບທຣອມເບພິຊິເຣວີ່ເອງ.

ໄຄ (ເນື້ອເລື່ອງຄຽວສຸເກະເທົ່ານັ້ນ) - ລາວຂອບໃຈທີ່ເຮັດໃຫ້ໜ່ວຍພິເສດທີ່ແຍກຍ້າຍກັນໄປໄດ້ກັບມາລວມກັນອີກຄັ້ງ ເພື່ອໃຫ້ວິນຍານຂອງຜູ້ບັນຊາການເກົ້າເຫວີ່ຍໄດ້ພັກຜ່ອນຢ່າງສະຫງົບ. ເຣວີ່ບອກວ່າໄຄຖືກວິນຍານສິງແລ້ວບໍ? ໄຄຕອບວ່າ ແມ່ນ ໜ່ວຍພິເສດກ້າວເດີນໄປດ້ວຍສປິຣິຕ ຈິດວິນຍານທີ່ເອີ້ນວ່າເກສເພນສຕ໌ຈັ່ງໃດຫຼະ!

ຣິວເຊຍ໌ - ບອກໃຫ້ເຣວີ່ທົບທວນໃຫ້ດີໆ ທັງເທນຊັນ, ແອທທາໂດ, ເກົ້າເຫວີ່ຍ ຕ່າງກໍ່ເປັນມະນຸດໂລກທີ່ຖືກລ້າງສະໝອງໃຫ້ຄິດວ່າຕົນເອງເປັນແອໂຣເກເຕຣ໌ໝົດ ບາງທີເຣວີ່ກໍ່ອາດຈະເປັນຊາວໂລກທີ່ຖືກລ້າງສະໝອງນຳກໍ່ໄດ້ ແນ່ນອນວ່າເຣວີ່ປະຕິເສດ ນາງຢັ້ງຢືນວ່າເປັນຊາວແອໂຣເກເຕີຣ໌ເປັນສູນກາງຂອງຈູເດຄກ້າຫ່າງຫາກ. ຣິວເຊຍ໌ຮ້ອງໃສ່ວ່ານັ້ນແມ່ນຄວມຊົງຈຳຈອມປອມຄືກັນຫັ້ນແຫຼະ!

ໄຣ - ນັກຮົບທີ່ດີຮູ້ຈັກຕົນເອງຕ້ອງຕາຍ ລາວຮູ້ດີວ່າຍາມທີ່ຍັງມີສິ່ງທີ່ຕ້ອງປົກປ້ອງ ບ່ອນນີ້ບໍ່ແມ່ນບ່ອນຕາຍຂອງລາວເດັດຂາດ.

ອາຢະ - ນາງຮູ້ສຶກໄດ້ເຖິງພະລັງຈິດທີ່ຄືກັບຂອງຕົນເອງຈາກເຣວີ່ ອາຢະຈຶ່ງບອກວ່າແມ່ນວ່ານາງຈະບໍ່ຕ້ອງການພະລັງທີ່ຜິດມະນຸດທີ່ນາງມີຢູ່ ແຕ່ຖ້າມັນຈຳເປັນສຳຫຼັບຢຸດຢັ້ງເຣວີ່ແລະຈູເດຄກ້າແລ້ວ ນາງຍອມໃຊ້ພະລັງນັ້ນ.

ເມື່ອການຕໍ່ສູ້ດຸເດືອດຂຶ້ນເລື້ອຍໆ ເຣວີ່ເລີ່ມບໍ່ເຂົ້າໃຈວ່າເປັນຫຍັງມະນຸດພວກນີ້ເຖິງໄດ້ຕໍ່ສູ້ກັບຈູເດຄກ້າໂດຍທີ່ບໍ່ມີການລັງເລຫຼືຍອມແພ້ເລີຍ.

ຣິວເຊຍ໌ພະຍາຍາມລົມກັບເຣວີ່ອີກຄັ້ງ ແຕ່ກໍ່ຍັງປະຕິເສດຄືເກົ່າ ຣິວເຊຍ໌ຈຶ່ງບອກວ່າທັງDC ທັງກອງກຳລັງໂຄໂລນີ່ ແລະພວກລາວເອງຕ່າງກໍ່ຕໍ່ສູ້ດ້ວຍຈຸດປະສົງຂອງຕົນເອງທັງໝົດ ແຕ່ເຣວີ່ບໍ່ມີຈຸດປະສົງຂອງຕົນເອງເລີຍແມ່ນແຕ່ໜ້ອຍດຽວ ຄືກັບຕຸກກະຕາທີ່ຖືກຈູເດຄກ້າຫຼິ້ນຢູ່ເທົ່ານັ້ນ. ເຣວີ່ຍັງດື້ແລະປະຕິເສດຕໍ່ໄປ ມາຊາຄິແລະຄຽວສຸເກະບອກຣິວເຊຍ໌ວ່າສວາຍເກີນໄປສຳຫຼັບເຣວີ່ແລ້ວ ເຮົາມີທາງສຸດທ້າຍແມ່ນທຳລາຍຈູເດຄກ້າສາ.

ເຣວີ່ເກີດມີອາການທາງຈິດຂອງຕົນເອງ ນາງຮ້ອງດ້ວຍຄວາມບໍ່ເຂົ້າໃຈວ່າເກີດຫຍັງຂຶ້ນ. ອາຢະຖາມລາດາກ່ຽວກັບສິ່ງທີ່ເກີດກັບເຣວີ່ ລາດາໄດ້ແຕ່ມິດໄປ ອາຢະເລີ່ມສະຫຼຸບຫຍັງໄດ້ໃນໃຈກ່ອນຈະປະກາດວ່າ ເຣວີ່ໃນເວລານີ້ເກີນຮັກສາເຊັ່ນດຽວກັບອິນແກຣມສາແລ້ວ ດັ່ງນັ້ນ ເພື່ອປົກປ້ອງໂລກ ຕ້ອງຈັດການກັບຈູເດຄກ້າເທົ່ານັ້ນ. ເຣວີ່ຮ້ອງບອກໂດຍທີ່ຍັງເຈັບປວດວ່າ ພວກຊາວໂລກບໍ່ມີທາງຈະຢຸດຈູເດຄກ້າໄດ້.

ແຕ່ຄຽວສຸເກະສວນກັບໄປວ່າ ລາວເຫັນຫົນທາງແຫ່ງໄຊຊະນະຢູ່ຕໍ່ໜ້ານີ້ແລ້ວ ຖ້າທຳລາຍຈູເດຄກ້າລົງໄດ້ນັ້ນແຫຼະແມ່ນໄຊຊະນະ ລາວຈະບໍ່ປ່ອຍໃຫ້ໂອກາດຜ່ານມື ດ້ວຍໄພ້ຕາຍໃນມືນີ້ຫຼະ!

ເຣວີ່ໄດ້ຮັບຮູ້ເຖິງຄວາມມຸ້ງໝັ້ນໃນການຕໍ່ສູ້ຂອງຊາວໂລກທີ່ແອໂຣເກເຕີຣ໌ບໍ່ມີວັນຄອບຄອງໄດ້ ແລະກາຍເປັນດາບ໒ຄົມກັບມາທຳຮ້າຍນາງເອງ ເຣວີ່ແຜດຮ້ອງອອກປາກວ່າຈະທຳລາຍທຸກສິ່ງທຸກຢ່າງ.

ມາຊາຄິດດ່າກັບໄປຫາເຣວີ່ພ້ອມກັບບອກວ່າໃນເວລານີ້ບໍ່ຕ່າງຫຍັງກັບເດັກນ້ອຍທີ່ດື້ແລະຂີ້ໄຫ້ບໍ່ຍອມຮັບຄວາມພ່າຍແພ້ເລີຍ.

ເຣວີ່ບໍ່ເຂົ້າໃຈວ່ານາງມີຂໍ້ມູນຂອງພວກຊາວໂລກແລ້ວແທ້ໆ ມາຊາຄິຕອບວ່າຂໍ້ມູນເປັນແຕ່ບັນທຶກຂອງມື້ວານນີ້ເທົ່ານັ້ນ ລອງຊີມພະລັງທີ່ເຕີບໃຫຍ່ຈາກມື້ວານນີ້ລອງເບິ່ງແດ່ເມະ!

ຄຽວສຸເກະເຂົ້າປະຈັນບານ ພ້ອມກັບສັ່ງໃຫ້ທຸກຄົນວ່າ ໄດ້ເວລາເກໝົດໜ້າຕັກ ນີ້ແມ່ນຕາສຸດທ້າຍກິນເຈົ້າມືໃຫ້ເຈ໊ງສາ!

ຣິວເນ່ຮ້ອງ ນີ້ແມ່ນອະນາຄົດທີ່ພໍ່ຖິ້ມໄວ້ໃຫ້ກັບພວກເຮົາ ເຮົາຈະປົກປ້ອງໄວ້ດ້ວຍມືຕົນເອງ.

ມາຊາຄິຊູດາບປະກາດກ້ອງ ໃຫ້ມັນຈົບລົງບ່ອນນີ້ ເພື່ອຮຸ່ງອາລຸນຂອງມື້ອື່ນນີ້ແດ່ໂລກຂອງເຮົາ.

ສ່ວນເອັກເຊລເລນ ລັກຄຶດໃນໃຈວ່າ ທຸກຄົນໄປສາແລ້ວ.

ດ້ວຍຄວາມມຸ້ງໝັ້ນຂອງທຸກຄົນ ໃນທີ່ສຸດຈູເດຄກ້າກໍ່ຖືກທຳລາຍລົງຈົນໄດ້ ເຣວີ່ຫົວຂວັນ ຊາວໂລກທີ່ບັງອາດທຳລາຍຈູເດຄກ້າ. ນາງເຜີຍຄວາມຈິງວ່າເມື່ອຈູເດຄກ້າຖືກທຳລາຍລົງແລ້ວ ກໍ່ຈະບໍ່ມີຜະນຶກນິລະໄພສຳຫຼັບອາວຸດສຸດທ້າຍຂອງຊາວບາລເມີຣ໌ທີ່ຖືກສົ່ງໄປທີ່ໂລກໄດ້ອີກຕໍ່ໄປ ອາວຸດນັ້ນຢູ່ບ່ອນທີ່ເປັນຈຸດເລີ່ມຕົ້ນຂອງທຸກສິ່ງ ແລະຈະກືນກິນທຸກຢ່າງ ໂລກນີ້ເຖິງຈຸດຈົບແລ້ວ. ທຸກຄົນເມື່ອໄດ້ຟັງຈຶ່ງຮູ້ໄດ້ທັນທີວ່າ ອາວຸດສຸດທ້າຍຂອງມະນຸດຕ່າງດາວນັ້ນຢູ່ໂລກຮຽບຮ້ອຍແລ້ວ ນັ້ນກໍ່ແມ່ນ…

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໔໐

ທີ່ທາງໃນຂອງເນບິອິມ ບັນດານັກຮົບຜູ້ມາຈາກໂລກຕ້ອງປະຫຼາດໃຈເມື່ອພົບວ່າບັນຍາກາດໃນດາວສີຂາວນັ້ນຄືກັບໂລກຫຼາຍ ປານວ່າຖືກຈຳລອງມາເພື່ອໃຫ້ມະນຸດສາມາດມີຊີວິດຢູ່ໄດ້ເລີຍ. ຂະນະທີ່ເຮັດວຽກກວດສອບຢູ່ອ້ອມຮອບນັ້ນ ທາສຸຄຸລັກບອກເລໂອນ່າວ່າ ລາວຈະຍັງບໍ່ຍອມແພ້ເມື່ອຈົບການຮົບຄັ້ງນີ້ລາວມີເລື່ອງທີ່ຢາກບອກເລໂອນ່າ.

ໃນທີ່ສຸດກອງກຳລັງທີ່ປ້ອງກັນພື້ນທີ່ນີ້ກໍ່ປະກົດອອກມາ ທຸກຄົນປະຫຼາດໃຈເມື່ອພົບວ່າມັນແມ່ນກອງກຳລັງAMຂອງDCທີ່ຖືກລ້າງສະໝອງມາ. ຄຸສຸຮະຖາມວິທີທີ່ຈະຊ່ອຍຄົນພວກນີ້ຄືກັບທີ່ຊ່ອຍນາງໄວ້ ແຕ່ກີລ່ຽມປະຕິເສດວ່າບໍ່ສາມາດເຮັດໄດ້ຍ້ອນຕອນນັ້ນຄຸສຸຮະພຽງແຕ່ຖືກຄວບຄຸມດ້ວຍT-Linkເທົ່ານັ້ນ ແຕ່ກັບທະຫານDCພວກນີ້ຖືກລ້າງສະໝອງໂດຍສົມບູນ ບໍ່ມີທາງຊ່ອຍໄດ້ແລ້ວ ຄືກັບຜູ້ບັນຊາການເກົ້າເຫວີ່ຍນັ້ນເອງ. ເມື່ອບໍ່ທີທາງເລືອກພວກລາວຈຶ່ງຕ້ອງຈັດການກັບທະຫານພວກນີ້ແລະເກັບເອົາຄວາມເຈັບປວດໄວ້ຄືນໃຫ້ກັບແອໂຣເກເຕີຣ໌ທີ່ເປັນຕົ້ນເຫດທັງໝົດ.

ເມື່ອທະຫານDCຖືກຈັດການຈົນໝົດ ອາຢະມີອາການປະຫຼາດຄືກັບວ່າມີບາງຢ່າງກຳລັງລົບກວນທາງຈິດ ລາດາຮີບບອກໃຫ້ອາຢະຕັດລະດັບT-Linkລົງ໔໐% ເຮັດໃຫ້ອາຢະດີຂຶ້ນເລັກນ້ອຍ ລາດາຄິດໃນໃຈວ່າT-Linkຂອງເຣວີ່ທີ່ເປັນນ້ອງສາວຂອງໄມກຳລັງເອີ້ນຫາເອື້ອຍ.

ສິ່ງທີ່ປະກົດຕໍ່ມາກໍ່ແມ່ນວາລຊິອອນໄຄ໔ເຄື່ອງ ສ້າງຄວາມໂມໂຫໃຫ້ຣິວເນ່ຫຼາຍທີ່ບັງອາດເອົາວຽກສຸດຮັກຂອງພໍ່ມາຮຽນແບບ. ຫຼັງຈາກທີ່ທຸກຄົນເຂົ້າຕໍ່ສູ້ກັບວາລຊິອອນໄຄທຸກເຄື່ອງຈົນໝົດ ວິເລຕຕ້າປະກົດຕົວຂຶ້ນພ້ອມກັບເກສເພນສຕ໌. ຫຼາຍຄົນສົງໄສວ່າຈະໄວ້ໃຈວິເລຕຕ້າດີບໍ່ ມີແຕ່ພຽງກີລ່ຽມທີ່ຄິດວ່າວິເລຕຕ້າໄວ້ວາງໃຈໄດ້. ວິເລຕຕ້າຈຶ່ງບອກວ່າເມື່ອໃດທີ່ນາງນອກເລື່ອງກໍ່ຍິງຖິ້ມໄດ້ເລີຍ, ນາງຂອບໃຈກີລ່ຽມທີ່ວາງໃຈ.

ທັນໃດນັ້ນສັດຕູກຸ່ມໃຫຍ່ກໍ່ປະກົດຕົວອອກມາ ທຸກຄົນຕົກໃຈຫຼາຍເມື່ອພົບກັບ… ຮ່າງຮຽນແບບຂອງຕົນເອງ. ຊ້ຳບໍ່ໜຳທຸກຄົນຍັງມີນິໄສຄືໂຕແທ້ອີກ. ປະຫຼາດທີ່ຄຽວສຸເກະຄົນທີ່໒ບອກວ່າພວກເຮົາພົບໂຕປອມແລ້ວ ສ່ວນເອັກເຊລເລນຄົນທີ່໒ກໍ່ເຮັດເປັນມ່ວນຊື່ນຄືປົກກະຕິ, ຣິວເຊຍ໌ຄົນທີ່໒ບອກວ່າຈະສະແດງພະລັງໂຕແທ້ໃຫ້ເບິ່ງ ຊ້ຳບໍ່ໜຳນອກຈາກມາຊາຄິແລ້ວຂະໜາດຊິໂຣ່ກັບຄຸໂຣ່ກໍ່ຍັງມີໂຕປອມອີກ ເຮັດເຂົ້າໄປ.

ວິເລຕຕ້າສະຫງົບສະຕິທຸກຄົນໂດຍອະທິບາຍວ່າ ພວກນີ້ກໍ່ຄືກັບວາລຊິອອນໄຄແລະDCທີ່ຕໍ່ສູ້ໄປວ່າງກີ້, ແອໂຣເກເຕີຣ໌ສ້າງຂຶ້ນຈາກຂໍ້ມູນທີ່ໄດ້ຈາກອິນແກຣມ ລວມໄປຮອດຄື່ນສະໝອງແລະຄວາມຊົງຈຳຂອງນັກບິນທີ່ຖືກບັນທຶກໄວ້ ດັ່ງນັ້ນພວກລາວຈຶ່ງເຂົ້າໃຈວ່າຕົນເອງເປັນໂຕແທ້ ແຕ່ມີຄວາມຄິດຕາມຄຳສັ່ງຂອງແອໂຣເກເຕີຣ໌. ຄຽວສຸເກະຕັດສິນໃຈສັ່ງໃຫ້ທຸກຄົນເຂົ້າຕໍ່ສູ້ກັບໂຕປອມ ຈົ່ງກຳຈັດເງົາໃຫ້ຫາຍກັບໄປໃນຄວາມມືດສາ.

ເມື່ອທີມSRXປະທະກັບSRXເອງ ທັງ໓ຄົນຕ່າງກໍ່ຕົກໃຈເມື່ອໄດ້ຮູ້ວ່າ ຄູ່ຄືກັນຂອງຕົນເອງຕ່າງກໍ່ຫຼົງໃນພະລັງອັນຍິ່ງໃຫຍ່າຂອງSRXແລະຄິດຈະໃຊ້ເປັນອາວຸດເພື່ອທຳລາຍລ້າງມະນຸດໂລກ ຣິວເຊຍ໌ຈຶ່ງໃຊ້SRXທີ່ປ່ຽມດ້ວຍພະລັງແຫ່ງຫົວໃຈອັນທ່ຽງທຳແທ້ຈິງ ຈັດການກັບໂຕປອມດ້ວຍ “ເພງກະບີ່ໄຮ້ຕ້ານທານເໜືອຟ້າໃຕ້ປະຕະພີ” ຈົນສິ້ນ ເຊັ່ນດຽວກັບໂຕປອມໂຕອື່ນໆທີ່ບໍ່ອາດຈະທຽບສີມືກັບໂຕແທ້ໄດ້.

ໃນທີ່ສຸດໂຕການທີ່ແທ້ຈິງກໍ່ປະກົດອອກມາ ແອທທາໂດທີ່ລີ້ຢູ່ປະໂລອອກມາພ້ອມກັບຖາມວ່າມ່ວນບໍ່ກັບທຣາວມ່າຊາໂດວ໌? ພ້ອມກັບເຜີຍຄວາມຈິງວ່ານີ້ເປັນສິ່ງທີ່ແອທທາໂດເຮັດມາຕະຫຼອດ ເກັບມະນຸດທີ່ມີຄວາມສາມາດສູງມາມອບຮ່າງກາຍໃໝ່ເຊັ່ນດຽວກັບເທນຊັນແລະກັລອິນ ພ້ອມກັບປູກຝັງຄວາມຮູ້ສຶກກະຫາຍການຕໍ່ສູ້ໃຫ້. ແອທທາໂດລົມດ້ວຍຄວາມພູມໃຈໃນວິທະຍາການຂອງຊາວບາລເມີຣ໌(ຫຼືບາຣຸມ່າຣ໌)ເຊິ່ງເປັນຊົນຊາດ໑ຂອງແອໂຣເກເຕີຣ໌. ເກຊ່າໜ້າຈະມຸ່ນໄປພ້ອມກັບຮາງາເນະໄປແລ້ວປະກົດຕົວອອກມາພ້ອມກັບຫົວຂວັນດ້ວຍຄວາມດີໃຈເມື່ອໄດ້ບີບສັດຕູໃຫ້ຕາຍດ້ວຍມືຕົນເອງ. ຣິວເຊຍ໌ໃນເວລານັ້ນບໍ່ລັງເລອີກຕໍ່ໄປແລ້ວ ລາວຈະຂໍຈົບຄວາມປ່ວງບ້າຂອງເທນຊັນດ້ວຍມືຂອງຕົນເອງໃນຄັ້ງນີ້ໃຫ້ໄດ້.

ຣິວເຊຍ໌ເຂົ້າຕໍ່ສູ້ກັບເກຊ່າແລະເທນຊັນດ້ວຍຄວາມຊ່ອຍເຫຼືອຈາກໝູ່ເພື່ອນທຸກຄົນ ລາວສາມາດຈັດການເກຊ່າໄດ້. ກ່ອນຕາຍເກຊ່າກ່າວເຖິງເລື່ອງທີ່ຕັ້ງໃຈຈະເຮັດໃນມື້ອື່ນນີ້… ລາວຈະຫຼິ້ນເກມເບີຣ໌ນນີ່ງPTອີກເທື່ອ໑ ແລ້ວເທື່ອນີ້ຈະຕ້ອງຊະນະໃຫ້ໄດ້. ຣິວເຊຍ໌ຟັງແລ້ວມິດໄປຈົນຣຽວໂຕະເປັນຫ່ວງເລື່ອງທີ່ເກີດກັບເທນຊັນນັ້ນມີຜົນກັບຣິວເຊຍ໌ຫຼາຍເຫຼືອເກີນ. ຣິວເຊຍ໌ບອກພຽງແຕ່ວ່າເທນຊັນເກມຂອງເຈົ້ານັ້ນຈົບແລ້ວເດີ້ ຕໍ່ຈາກນີ້ໄປເປັນຂອງແທ້ຂອງຂ້ອຍແລ້ວເດີ້. ຣິວເຊຍ໌ປິ່ນໄປສູ້ກັບແອທທາໂດເຊິ່ງເປັນຕົ້ນເຫດທີ່ເຮັດໃຫ້ເທນຊັນກັບເກົ້າເຫວີ່ຍຕ້ອງມີຈຸດຈົບແບບນີ້.

ແອທທາໂດບາດເຈັບໂຊມໜີກັບໄປ ນາງບໍ່ຢາກເຊື່ອເລີຍວ່າຊາວບາລເມີຣ໌ທີ່ຍິ່ງໃຫຍ່ຈະພ່າຍແພ້ແກ່ມະນຸດໂລກໄດ້. ແອທາໂດໄດ້ພົບກັບຄວາມຈິງທີ່ບໍ່ຢາກເຊື່ອອີກຂໍ້ ໂຕຈິງຂອງນາງແມ່ນຊາວໂລກຊື່ເຈນນິເຟີຣ໌ ຟອນດ້າ ບໍ່ແມ່ນຊາວບາລເມີຣ໌ຄືທີ່ເຄີຍເຊື່ອມາຕະຫຼອດ. ອິນແກຣມສາລະພາບຄວາມຈິງວ່າຈັບໂຕເຈນນິເຟີຣ໌ມາພ້ອມກັບໄມ ໂຄບາຢາຊິ ນ້ອງສາວຂອງອາຢະໃນຖານະໂຕຢ່າງທົດລອງແລ້ວຈຶ່ງປູກຝັງຄວາມຊົງຈຳທຽມລົງໄປ ຄືກັບເກຊ່າແລະກັລອິນ. ໃນດາວສີຂາວເນບິອິມແຫ່ງນີ້ມີຊາວບາລເມີຣ໌ສາຍພັນແທ້ຈິງແຕ່ຄົນດຽວກໍ່ແມ່ນ ອິນແກຣມເທົ່ານັ້ນ. ເມື່ອເວົ້າຈົບແລ້ວອິນແກຣມຈຶ່ງຂ້າແອທທໂດຫຼັງຈາກທີ່ສົ່ງຊື່ເກົ່າໃນຖານະມະນຸດໃຫ້ເຈນນິເຟິຣ໌ໃນວາລະສຸດທ້າຍນີ້.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໙

ທີ່ພື້ນໂລກເວລານັ້ນ ເຈົ້າຍິງໄຊນ໌ຍັງລໍຄອຍໄຣດ້ວຍຄວາມເປັນຫ່ວງ ແລະສູດມົນອ້ອນວອນໃຫ້ທຸກຄົນກັບມາຢ່າງປອດໄພ…

ສ່ວນຮາງາເນະເວລານັ້ນ ຫຼັງຈາກທີ່ສູນເສຍຜູ້ບັນຊາການນໍຣ໌ແມນໄປແລ້ວ ໄດເທັຕສຶຈຶ່ງຄິດຈະໃຊ້ແຜນການຂັ້ນທີ່໔ ແລະຂໍໃຫ້ທຸກຄົນຮ່ວມມືແມ່ນວ່າຕ້ອງແລກດ້ວຍຊີວິດກໍ່ຕາມ.

ເປົ້າໝາຍຂອງຮາງາເນະແມ່ນການນຳເຮືອຮົບໄປທີ່ຕຳແໜ່ງທີ່ເໝາະສົມແລະຍິງໂທຣນ່ຽມບັສເຕີຣ໌ແຄນນອນເຂົ້າໃສ່ໄວທ໌ສຕາຣ໌ ແຕ່ວິເລຕຕ້າກໍ່ນຳກຳລັງແອໂຣເກເຕີຣ໌ໄວ້ຖ້າຕ້ອນຮັບຢູ່ແລ້ວ.

ໄດເທັຕສຶຝ່າວົງລ້ອມຂອງແອໂຣເກເຕີຣ໌ໄປຈົນເຖິງຈຳແໜ່ງທີ່ຕັ້ງໄວ້ ທຸກຄົນໃນຮາງາເນະກຽມພ້ອມສຳຫຼັບການຍິງປືນໂທຣນ່ຽມບັສເຕີຣ໌ແຄນນອນທັນທີ. ໂດຍບໍ່ມີໃຜຄາດຄິດ ເກຊ່າປະກົດຕົວຂຶ້ນແລະໂຈມຕີໃສ່ຮາງາເນະທີ່ກາຍເປັນເປົ້າໝາຍຢຸດນິ້ງຈົນປືນໃຫຍ່ເສຍຫາຍບໍ່ສາມາດຍິງຈາກໄລຍະໄກໄດ້ອີກ. ໄດເທັຕສຶຕັດສິນໃຈໃຊ້ທາງເລືອກສຸດທ້າຍນັ້ນແມ່ນການເລັ່ງເຕົາປະຕິກອນໂທຣນ່ຽມຂອງຮາງາເນະໃນໄລຍະໃກ້ເພື່ອເປີດສະໜາມພະລັງຂອງໄວທ໌ສຕາຣ໌ ລາວສັ່ງໃຫ້ທຸກຄົນສະລະເຮືອສາ ໜ້າທີ່ນີ້ຂໍໃຫ້ລາວເປັນຄົນຈັດການແຕ່ພຽງຜູ້ດຽວເອງ. ໄດເທັຕສຶສັ່ງເສຍເທັຕສຶຢະໃຫ້ມີຊີວິດຕໍ່ໄປ ແຕ່ເທັຕສຶຢະປະຕິເສດແລະຂໍປະຕິບັດໜ້າທີ່ຢ່າງເຖິງທີ່ສຸດນຳກັນ.

ລະຫວ່າງດຳເນີນແຜນການຂັ້ນຕໍ່ໄປນັ້ນເອງ ເກຊ່າກໍ່ປະກາດຈະຂ້າວິເລຕຕ້າເພາະຮູ້ວ່ານາງແມ່ນສາຍລັບ໑ໜ້າ ແລະທຳລາຍຫຸ່ນຂອງວິເລຕຕ້າຈົນພິນາດໄປ. ຣິວເຊຍ໌ໝັ້ນໃຈທີ່ສຸດວ່າເກຊ່າຍັງມີນິໄສຕອນທີ່ຍັງເປັນເທນຊັນເຫຼືອຢູ່.

ກອງເຮືອຂອງແອໂຣເກເຕີຣ໌ນຳມາສະໜັບສະໜູນໃນຊ່ວງເວລາທີ່ຄືກັບວ່າຊ້ຳເຕີມກັນ. ແຕ່ພວກຣິວເຊຍ໌ກໍ່ມີຜູ້ຊ່ອຍສະໜັບສະໜູນໃນຍາມລຳບາກເຊັ່ນກັນ ພວກລາວມາຕາມຄຳສັນຍາທີ່ເຄີຍໃຫ້ໄວ້, ເອລແຊມກັບເຊນກາຣ໌ປະກົດຕົວຂຶ້ນເພື່ອປົກປ້ອງໂລກຕາມທີ່ເຄີຍສັນຍາໄວ້ກັບທຸກຄົນ ກີລ່ຽມ, ເອລແຊມ ແລະເຊນກາຣ໌ທັກທາຍກັນໃນຖານະສະຫາຍເກົ່າທີ່ເຄີຍຮ່ວມນຳກັນກັບຜູ້ບັນຊາການເກົ້າເຫວີ່ຍແລະກັບມາສູ້ຄຽງບ່າຄຽງໄຫຼ່ກັນອີກຄັ້ງ ແລະຊ່ອຍເຫຼືອຮາງາເນະໃຫ້ສາມາດໄປຮອດເປົ້າໝາຍໄດ້ສຳເລັດ, ໂດຍແມ່ນວ່າພວກລາວຈະສາມາດລົ້ມຫຸ່ນຂອງເກຊ່າລົງໄດ້ ແຕ່ມັນກໍ່ຄືນຊີບກັບມາໄດ້ເລື້ອຍໆ.

(*ສາກນີ້ເໝາະຈະໃຊ້ເກັບLVແລະPP ຍ້ອນຍານຟູ-ເຣຈະໃຫ້PPລຳລະ໑໕ ສ່ວນເກຊ່ານັ້ນຂ້ອຍຕູ່ມມັນໄດ້ແຕ່໒ເທື່ອ ຍ້ອນSPບໍ່ເຫຼືອເອົາໄປຈັບເປົ້າໝົດ)

ເມື່ອຮາງາເນະເຂົ້າສູ່ຊັ້ນບັນຍາກາດຂອງໄວທ໌ສຕາຣ໌ໄດ້ສຳເລັດ ຈຶ່ງເລີ່ມເດີນເຄື່ອງຍົນດ້ວຍໂອເວີຣ໌ບູສຕ໌ ລະດັບຄວາມຮ້ອນເພີ່ມຂຶ້ນເລື້ອຍໆພ້ອມກັບຄວາມເສຍຫາຍຂອງໂຕຍານ ທຸກຄົນໃນຮາງາເນະທຸ້ມເທທຸກຢ່າງເພື່ອໃຫ້ປະຕິບັດການນີ້ສຳເລັດໃຫ້ໄດ້.

ໃນທີ່ສຸດພະລັງງານໂທຣນ່ຽມກໍ່ລຸກວາບທີ່ທາງໜ້າຂອງຍານພ້ອມສຳຫຼັບການພຸ່ງທະລຸສະໜາມພະລັງຂອງໄວທ໌ສຕາຣ໌ແລ້ວ. ເກຊ່າທີ່ຫາຮູ້ໂຕວ່າຖືກດຶງຄວາມສົນໃຈຈຶ່ງຮີບເຂົ້າມາຂວາງໝາຍທຳລາຍຮາງາເນະດ້ວຍມືຕົນເອງ. ແຕ່ສວາຍເກີນໄປ ເທັຕສຶຢະອາໄສຈັ່ງຫວະນີ້ເລັ່ງຄວາມໄວຂອງຮາງາເນະພຸ່ງເຂົ້າຕຳເກຊ່າປະທະອັດເຂົ້າກັບສະໜາມພະລັງຂອງໄວທ໌ສຕາຣ໌ໄປພ້ອມກັນ. ເຖິງແມ່ນວ່າຫຸ່ນຮົບຂອງເກຊ່າຈະສາມາດຄືນສະພາບໄດ້ເລື້ອຍໆ ກໍ່ຍັງບໍ່ສາມາດຕ້ານທານພະລັງງານໂທຣນ່ຽມມະຫາສານໃນໄລຍະຕິດກັນນີ້ໄດ້. ສ່ວນຮາງາເນະນັ້ນລະເບີດຢ່າງເຈີດຈ້າເປັນຄັ້ງສຸດທ້າຍກ່ອນຈະສູນສະຫຼາຍໄປ.

ແລະແລ້ວສະໜາມພະລັງຂອງດາວອະສູນສີຂາວກໍ່ຖືກທຳລາຍໄປພ້ອມກັບວາລະສຸດທ້າຍຂອງເຮືອຮົບຮາງາເນະໃນຄັ້ງນີ້ເອງ…

ການລະເບີດຄັ້ງໃຫຍ່ຂອງຮາງາເນະເຮັດໃຫ້ເລຟີນ່າແລະທຸກຄົນໃນເຮືອຮິຣິວໄຄຕື່ນຕົກໃຈ ຫຼັງຈາກນັ້ນສັນຍານຂອງຮາງາເຮະກໍ່ຫາຍໄປ. ພວກເຮົາສະລະຊີບໄປແລ້ວຫວາ?...

ສັນຍານຈາກຄຸໂຣງາເນະຂອງເອລແຊມຕິດຕໍ່ມາ, ແຈ້ງວ່າຂະນະນີ້ລູກເຮືອທຸກຄົນຂອງຮາງາເນະໄດ້ຮັບການຊ່ອຍເຫຼືອແລ້ວ. ຈາກນີ້ໄປຄຸໂຣງາເນະຈະໂອນການບັນຊາການໃຫ້ກັບຕັນໄດເທັຕສຶແທນ ແລະຂໍໃຫ້ຍານຮົບລຳອື່ນນອກຈາກຄຸໂຣງາເນະເຝົ້າຄວບຄຸມສະຖານະການທາງນອກ ພວກລາວຈະບຸກໄປທາງໃນໂດຍລຳພັງເອງ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໘

ຄຽວສຸເກະບອກໃຫ້ທຸກຄົນກຽມພ້ອມສຳຫຼັບການຕໍ່ສູ້ຄັ້ງສຸດທ້າຍ. ກາຣ໌ເນັຕຂໍຮ້ອງແກມບັງຄັບເຈຍຣ໌ດ້າບໍ່ໃຫ້ຕາຍແລະມີຊີວິດກັບມາໃຊ້ຊີວິດຢູ່ນຳກັນກັບລາທູນີ່ໃຫ້ໄດ້ ເຈຍຣ໌ດ້າໃຫ້ສັນຍາກ່ອນອອກເສິກຄັ້ງສຳຄັນນີ້.

ສ່ວນຣຽວໂຕະລວມຄວາມກ້າບອກຣິໂອະວ່າ ຫຼັງຈາກທີ່ສົງຄາມຄັ້ງນີ້ຈົບລົງແລ້ວພວກເຮົາໄປກິນເຂົ້າປ່າກຳກັນໄດ້ບໍ່? ຣິໂອະເຫັນດີວ່າໜ້າຈະໄປສະຫຼອງພ້ອມກັນກັບໝູ່ກໍ່ດີ ແຕ່ຣຽວໂຕະເວົ້າຄ່ອຍໆວ່າ “ມີແຕ່ເຮົາ໒ຄົນເທົ່ານັ້ນໄດ໋” ເຮັດໃຫ້ຣິໂອະທີ່ຫາກໍ່ເຂົ້າໃຈຄວາມໝາຍທີ່ຣຽວໂຕະຢາກບອກນັ້ນເຖິງກັບເວົ້າບໍ່ອອກເລີຍ.

ເທັຕສຶຢະເຂົ້າພົບໄດເທັຕສຶທີ່ເອົາເຫຼົ້າມາຊີມອີກແລ້ວ ເທັຕສຶຢະເຕືອນບໍ່ໃຫ້ດື່ມເຫຼົ້າກ່ອນອອກຮົບ ແຕ່ໄດເທັຕສຶຊວນໃຫ້ເທັຕສຶຢະລົມກັນເລັກນ້ອຍ ລາວເວົ້າອອກມາວ່າເທັຕສຶຢະນັ້ນຄືກັບລູກຊາຍຂອງຕົນເອລຫຼາຍ ບໍ່ມີພໍ່ຄົນໃດທີ່ຢາກເສຍລູກຂອງຕົນເອງໄປດອກ.

ເທັຕສຶຢະເລີ່ມເຂົ້າໃຈຄວາມຮູ້ສຶກຂອງໄດເທັຕສຶຈຶ່ງສັນຍາວ່າ ຈະມາດື່ມນຳແນ່ນອນ ແຕ່ຕ້ອງເປັນເຫຼົ້າສະຫຼອງໄຊຊະນະເທົ່ານັ້ນ ທັງ໒ຈຶ່ງຍ່າງອອກໄປເຮັດໜ້າທີ່ໆສຳຄັນທີ່ສຸດນຳກັນ.

ການຮົບເລີ່ມຂຶ້ນ ພວກຂອງຣິວເຊຍ໌ເຮັດການຂັບໄລ່ໜ່ວຍລາດຕະເວນດ້ວຍຄວາມໄວດ່ວນຫຼາຍ ຕິດຕາມດ້ວຍຂີປະນາວຸດນິວເຄຣຍເຂົ້າສູ່ຜິວນອກຂອງໄວທ໌ສຕາຣ໌ ແຕ່ຂີປະນາວຸດພັດຖືກສະໜາມພະລັງຂອງໄວທ໌ສຕາຣ໌ສະກັດໄດ້ກ່ອນເຂົ້າສູ່ໄລຍະທີ່ສ້າງຄວາມເສຍຫາຍໄດ້. ຊ້ຳບໍ່ໜຳຍັງຖືກຍິງຂີປະນາວຸດສວນກັບມາຈົນທຳລາຍເຮືອຮົບຂອງກອງກຳລັງໂລກໄປໄດ້ເຖິງ໒ລຳ ພ້ອມກັບສົ່ງກອບຍານຮົບຂອງແອໂຣເກເຕີຣ໌ເພີ່ມຂຶ້ນມາອີກ, ຈຶ່ງຕ້ອງໃຊ້ແຜນການຂັ້ນທີ່໓ ນັ້ນແມ່ນການໃຊ້ເຮືອຮົບທັງ໒ລຳເຂົ້າໃກ້ໄວທ໌ສຕາຣ໌ແລ້ວໃຊ້ອາວຸດຍິງໄລຍະເຜົາຂົນ. ເປົ້າໝາຍໃໝ່ອີກຄັ້ງນີ້ແມ່ນການປ້ອງກັນເຮືອຮົບທຸກລຳຢ່າງເຖິງທີ່ສຸດເພື່ອໃຫ້ຮອດເປົ້າໝາຍຢ່າງປອດໄພ. ຢ່າງໃດກໍ່ຕາມນໍຣ໌ແມນເສຍຊີວິດໃນການປະຕິບັດການຄັ້ງນີ້ເມື່ອເຂົ້າໃກ້ໄວທ໌ສຕາຣ໌ ແລະຖືກຂີປະນາວຸດທີ່ຍັງເຫຼືອຢູ່ໂຈມຕີ.

ທາງສ່ວນໃຈກາງຂອງໄວທ໌ສຕາຣ໌ເວລານັ້ນ ອາການຂອງອິນແກຣມໜັກຂຶ້ນເລື້ອຍໆ ເຣວີ່ຈຶ່ງສັ່ງໃຫ້ວິເລຕຕ້າອອກຮົບພ້ອມກັບເກຊ່າ ອັທທາໂດພົບໂອກາດຈຶ່ງວາງແຜນຫັກຫຼັງວິເລຕຕ້າ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໗

ການປະຊຸມສະຫຼຸບແລ້ວວ່າ ເປົ້າໝາຍທີ່ແທ້ຈິງຂອງແອໂຣເກເຕີຣ໌ແມ່ນ ການມອບເມເທໂອ໓ໃຫ້ກັບຊາວໂລກເພື່ອໃຫ້ຊາວໂລກໄດ້ໃຊ້ວິທະຍາການລ້ຳໜ້າຂອງEOTພັດທະນາຕົນເອງກ່ອນທີ່ແອໂຣເກເຕີຣ໌ຈະກັບມາເກັບກ່ຽວຄວາມກ້າວໜ້ານັ້ນກັບໄປໃນຖານະຂອງທະຫານຂອງຕົນເອງ ເຊັ່ນດຽວກັບທີ່ເກີດຂຶ້ນກັບກັລອິນແລະເກຊ່າ.

ແລະແລ້ວເວລາສຳຫຼັບປະຕິບັດການSRWກໍ່ມາຮອດ ຂັ້ນຕອນສຳຫຼັບປະຕິບັດການມີດັ່ງນີ້:

ຂັ້ນທີ່໑ ໃຊ້PTກັບAMເຂົ້າຈູ່ໂຈມໃນຂັ້ນຕົ້ນເພື່ອເປີດທາງໂດຍໃຊ້HOSແຈມເມີຣ໌ເພື່ອປິດບັງໂຕ.

ຂັ້ນທີ່໒ ໃຊ້ຍານຮົບກັບຂີປະນາວຸດMAPWຍິງໄປທີ່ດາວສີຂາວແລະໃຊ້ອາວຸດນິວເຄຣຍຍິງຊ້ຳ.

ຂັ້ນທີ່໓ ເມື່ອການປ້ອງກັນຂອງດາວສີຂາວຫຼຸດຕ່ຳລົງ ຈະໃຊ້ປືນໃຫຍ່ແຮງຖ່ວງດຶງແຮງສູງຂອງຮິຣິວໄຄກັບໂທຣນ່ຽມບັສເຕີຣ໌ແຄນນອນຂອງຮາງາເນະຍິງທຳລາຍເກາະປ້ອງກັນເພື່ອເປີດທາງເຂົ້າໄປທາງໃນ.

ຂັ້ນທີ່໔ ໃຊ້PTທີ່ປະກອບດ້ວຍໜ່ວຍຮົບທີ່ແຂງແກ່ນທີ່ສຸດຂອງບັນດາຜູ້ປົກປ້ອງໂລກນີ້ບຸກເຂົ້າສູ່ພື້ນຜິວຂອງດາວສີຂາວແລະທຳລາຍຈາກພາຍໃນ.

ທັງໝົດນີ້ກໍ່ແມ່ນແຜນການສະຫຼັບປະຕິບັດການSRW.

ຫຼັງຈາກປະຊຸມ ທຸກຄົນຈຸ້ມຫົວກັນເພື່ອຊອກຄຳຕອບວ່າ… ອັນSRWມັນຫຍໍ້ມາຈາກຫຍັງຫວະ? ເອັກເຊລເລນເດົາວ່າໜ້າຈະໝາຍເຖິງ Sexy Romance Weapon ແນ່ນອນ. ແຕ່ຣິວເຊຍ໌ຕອບວ່າ SRWມັນຕ້ອງຫຍໍ້ມາຈາກ Super Robot Wars ຕ່າງຫາກ! (ແມ໋ນແລ້ວ!)

ສ່ວນອິຣຸມໄດ້ລົມກັບພໍ່ຂອງຕົນເອງກ່ອນອອກຮົບ ທັງ໓ຍັງຢອກກັນແບບໜັກໆຕາມເຄີຍ. ໂຈນາທານບອກໃຫ້ອິຣຸມມີຊີວິດລອດກັບມາໃຫ້ໄດ້ ບໍ່ດັ່ງນັ້ນແລ້ວ… ພໍ່ຈະຂໍປຶ້ມປົກດຳທີ່ຈົດຊື່ທີ່ຢູ່ຂອງຜູ້ສາວທຸກຄົນທີ່ອິຣຸມເຄີຍມັກຖິ້ມໄວ້ໄປຮັບຊ່ວງຕໍ່ເອງກໍ່ແລ້ວກັນ.

ອາຢະພາຣິວເຊຍ໌ໄປພົບແມ່ທີ່ກຳລັງຮັບການຮັກສາຢູ່. ໒ແມ່ລູກໄດ້ລົມກັນກ່ອນທີ່ຣິວເຊຍ໌ຈະໄປເຮັດພາລະກິດທີ່ສຳຄັນທີ່ສຸດໃນຊີວິດຂອງລາວ ນັ້ນແມ່ນການໄດ້ຄຽງຂ້າງໝູ່ຄູ່ທີ່ໄວ້ວາງໃຈໄດ້ຕໍ່ສູ້ເພື່ອປົກປ້ອງໂລກນີ້. ຢູຄິໂກະຈຶ່ງບອກໃຫ້ຣິວເຊຍ໌ຈົ່ງໃຊ້ຊີວິດຂອງຕົນເອງຕາມທີ່ລາວຕ້ອງການເທາະ. ຣິວເຊຍ໌ສັນຍາວ່າຈະບໍ່ຕາຍແລະກັບມາຫາແມ່ໃຫ້ໄດ້.

ຮາງາເນະແລະຮິຣິວໄຄອອກເດີນທາງສູ່ອາວະກາດໂດຍຜ່ານເໝົາອິນດັສຕຣີ້ເທິງດວງຈັນ ແຕ່ທີ່ນັ້ນແອໂຣເກເຕີຣ໌ໄດ້ບຸກໄປຖ້າພວກລາວຢູ່ກ່ອນແລ້ວ ທັງ໒ລຳຈຶ່ງຕ້ອງປ່ຽນເສັ້ນທາງກະທັນຫັນເພື່ອຊ່ອຍເຫຼືອ.

ທີ່ດວງຈັນ ໂຮງງານອຸດສາຫະກຳຂອງເໝົາອິນດັສຕຣີ້ຖືກລ້ອມດ້ວຍຈັກກົນຂອງແອໂຣເກເຕີຣ໌. ຫຼິນຕັດສິນໃຈຈະອອກຮົບແຕ່ເນື່ອງຈາກເກສເພນສຕ໌ທີ່ມີຢູ່ຖ້າບໍ່ເພໄປຕອນຮົບກັບDCກໍ່ຖືກເກນໄປຮ່ວມປະຕິບັດການSRWໝົດແລ້ວ ຣິວເຄໄບນ໌ມາຣ໌ຄ2ທັງ໒ເຄື່ອງກໍ່ຍົກໃຫ້ຄົນອື່ນໄປແລ້ວ ສ່ວນມາຣ໌ຄ3ກໍ່ຍັງບໍ່ສົມບູນ. ຫຼິນຈຶ່ງຕັດສິນໃຈໃຊ້ຂອງທີ່ລະນຶກຂອງຕົນເອງອອກຮົບ.

(ຂອງຂ້ອຍໄດ້ກຣຸນກັສຕ໌ ແຕ່ຖ້າເຮັດຕາມເງື່ອນໄຂບາງຢ່າງຈະໄດ້ຮິວເຄໄບນ໌008Lມາແທນ)

ຫຼັງຈາກທີ່ຫຼິນຕໍ່ສູ້ໄດ້ຈັກໜ່ອຍຮາງາເນະກໍ່ປະກົດຕົວອອກມາຊ່ອຍ ອິຣຸມຖາມຫຼິນດ້ວຍຄວາມເປັນຫ່ວງແຕ່ຫຼິນພັດຕອບກັບໄປວ່າ ຈື່ບໍ່ໄດ້ວ່າເຄີຍຂໍໃຫ້ອິຣຸມມາຊ່ອຍຕອນໃດຫວາ. ເຮັດໃຫ້ອິຣຸມໜາວຍ້ອນຄິດວ່າຫຼິນຍັງຄຽດຢູ່. ແຕ່ຢ່າງໃດທັງ໓ກໍ່ຮ່ວມມືກັນຕໍ່ສູ້.

ສ່ວນຣິໂອະຖາມຫາພໍ່ທີ່ເຮັດວຽກຢູ່ບ່ອນນີ້ດ້ວຍຄວາມເປັນຫ່ວງ. ເມື່ອທັງ໒ພໍ່ລູກໄດ້ພົບກັນ ພໍ່ຂອງຣິໂອະຊື່ນຊົມຄວາມກ້າຫານຂອງຣິໂອະທີ່ບໍ່ຕ່າງຈາກແມ່ຂອງນາງເລີຍ.

ຈົນກັລອິນປະກົດຕົວອອກມາດ້ວຍເກສເພນສຕ໌Sທີ່ຫາຍໄປພ້ອມກັກບເກົ້າເຫວີ່ຍ ເຊິ່ງພາຍນອກແມ່ນວ່າຈະເປັນເກສເພນສຕ໌ ແຕ່ພາຍໃນນັ້ນຖືກດັດແປງໃໝ່ດ້ວຍວິທະຍາການຂອງແອໂຣເກເຕີຣ໌ໃຫ້ຮ້າຍແຮງຍິ່ງຂຶ້ນ. ເພື່ອປົດປ່ອຍອະດີດຜູ້ບັນຊາການ ກີລ່ຽມຈຶ່ງຕໍ່ສູ້ກັບກັລອິນຈົນວາລະສຸດທ້າຍ ກັລອິນໄດ້ຮັບຄວາມຊົງຈຳກັບຄືນມາແລະຂອບໃຈກີລ່ຽມທີ່ຊ່ອຍໃຫ້ລາວພົ້ນຈາກສະພາບນີ້ ຜູ້ບັນຊາການເກົ້າເຫວີ່ຍຈາກໄປຢ່າງສະຫງົບ ແຕ່ພັດຈູດໄຟຄຽດແຄ້ນໃຫ້ກີລ່ຽມຢ່າງມະຫາສານ.

ຫຼັງຈາກການຕໍ່ສູ້ ຮາງາເນະກັບເຂົ້າສູ່ເສັ້ນທາງເດີນໄປສູ່ແຜນການSRWຕໍ່ໄປ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໖

ສະມາຊິກໃນທີມວາງແຜນຈັດງານລ້ຽງນັບຖອຍຫຼັງກ່ອນການຕໍ່ສູ້ຄັ້ງສຸດທ້າຍ. ຣິໂອະຊວນເລໂອນ່າໃຫ້ໄປເຮັດອາຫານນຳຈະໄດ້ລວມມິດອາຫານນາໆຊາດ ແມ່ນວ່າເລໂອນ່າຈະບໍ່ຄ່ອຍໝັ້ນໃຈປານໃດແຕ່ເຫັນທ່າທີຫ້າວຂອງທາສຸຄຸກໍ່ເລີຍຂັດບໍ່ໄດ້.

ອີກດ້ານ໑ທີ່ຫ້ອງແລັບຂອງທີມSRX ໂຈນາທານກັບຣ໊ອບແລະເຄີຣ໌ຄ ຫາລືກັນເລື່ອງSRXຢູ່ ຈົນມີແຂກທີ່ຄາດບໍ່ເຖິງມາຢາມ ດຣ.ມາຣິອອນ ລາດອມ ນັກວິທະຍາສາດທີ່ດັດແປງອັລໄທເຊນແລະໄວສ໌ຣິຕເຕີຣ໌ນັ້ນເອງ. ເຄີຣ໌ຄທັກທາຍກັນພໍເປັນພິທີ ການສົນທະນາຂອງທັງ໒ເຮັດໃຫ້ຣ໊ອບຮູ້ໄດ້ເລີຍວ່າ໒ຄົນນີ້ບໍ່ຖືກກັນແນ່ນອນ. ມາຣິອອນບອກວຽກທີ່ອົດສາແວະມາຫາກໍ່ເພື່ອເອົາເຊີຣ໌ໂວມໍເຕີຣ໌ຫຼຸ້ນໃໝ່ມາສົ່ງໃຫ້ ອັນນີ້ຈະຊ່ອຍໃຫ້SRXສາມາດປະກອບຮ່າງໄດ້ອີກຄັ້ງ. ຣ໊ອບຂອບໃຈມາຣິອອນດ້ວຍຄວາມນັບຖື, ມາຣິອອນຍັງຈະລົມກັບເຄີຣ໌ຄແບບໄວ້ທ່າທີຈົນຣ໊ອບລັກຖາມໂຈນາທານ. ຕອນນັ້ນ໒ຄົນນີ້ເຄີຍເປັນຄູ່ແຂ່ງດ້ານການວິໄຈມາກ່ອນ ຂະໜາດກິນດອງກັນກະຍັງມີທ່າທາງເປັນຄູ່ແຂ່ງກັນນຳອີກ.

ອີກດ້ານ໑ ສະມາຊິກທີມATXກໍ່ໄດ້ຕ້ອນຮັບອາຈານຣິຊູວ໌ທີ່ເດີນທາງມາພ້ອມກັບມາຣິອອນ. ຄຽວສຸເກະກັບບູລິທທ໌ດີໃຈທີ່ໄດ້ພົບກັບອາຈານສອນວິຊາດາບຂອງພວກລາວອີກ. ຣິວເຊຍ໌ໄດ້ຮູ້ວ່າຣິຊູວ໌ເປັນຄູສອນວິຊາດາບແລະຍັງເປັນຄົນບັນທຶກຂໍ້ມູນການໃຊ້ດາບໃຫ້ກັບກຣຸນກັສຕ໌ ຈຶ່ງໄດ້ເຄົາລົບນຳ. ຣິຊູວ໌ຖາມວ່າດາບຂອງSRXມີຊື່ວ່າແນວໃດ? ຣິວເຊຍ໌ຕອບວ່າ “ເທັນໂຈເທັນເງະ ມຸເທຄິເຄັນ”(ກະບີ່ໄຮ້ຕ້ານທານເໜືອຟ້າໃຕ້ປະຕະພີ) ເຮັດໃຫ້ຣຽວໂຕະສະດຸ້ງຖາມວ່າມີອາວຸດຊື່ນີ້ແທ້ຫວາ? ຣິວເຊຍ໌ເລີຍບອກວ່າ ບໍ່ດອກ ຂ້ອຍຄິດເອງ ຊຸບເປີຣ໌ໂຣບອທມັນຕ້ອງມີທ່າໄມ້ຕາຍຄັກໆຕີ໋.

ຢູ່ງານລ້ຽງ ເຈຍຣ໌ດ້າຮ້ອງເພງທ່າມກາງຄຳຍ້ອງຍໍຂອງທຸກຄົນ ຕິດຕາມດ້ວຍກາຣ໌ເນັຕກັບເອັກເຊລເລນໃນຊຸດບັນນີ່ເກີຣ໌ລມາຢົ້ວໜຸ່ມໆໃນງານ. ບູລິທທ໌ເລືອດດັງຍ້ອຍຫຼຽວໄປຖາມຄຽວສຸເກະວ່າແບບນີ້ດີຢູ່ຫວາ? ຄຳຕອບກໍ່ແມ່ນຫ້າມໄປກໍ່ບໍ່ມີປະໂຫຍດ ປ່ອຍໃຫ້ເຈ໊ລາວເຮັດຕາມໃຈມັກເທ໊າະ. ລາຍການຕໍ່ມາແມ່ນອາຫານສີມືຂອງພວກຜູ້ຍິງໃນທີມ ເລີ່ມຈາກແກງເຜັດສູດອິນເດຍປະສົມເກົາຫຼີຂອງລາດາກັບຫຍຸນທີ່ເຮັດໃຫ້ໄຣເຖິງກັບຮ້ອງຂໍນ້ຳ, ຕິດຕາມມາດ້ວຍອາຫານເຢຍລະມັນຂອງເລໂອນ່າທີ່ທາສຸຄຸຕັ້ງອົກຕັ້ງໃຈລໍຄອຍ ໂດຍບໍ່ທັນສັງເກດທ່າທາງເຄັ່ງຄຽດຂອງເລໂອນ່າ ຜົນກໍ່ແມ່ນທາສຸຄຸຟຸບດ້ວຍລົດຊາດທັນທີ ເລໂອນ່າຂໍໂທດພ້ອມສາລະພາບວ່າ ຄວາມຈິງແລ້ວນາງເຮັດອາຫານບໍ່ເກ່ງແທ້ໆໄດ໋.

(*ໃນເນື້ອເລື່ອງຄຽວສຸເກະ ທາສຸຄຸຈະກິນອາຫານຂອງເລໂອນ່າແລ້ວຄາຄໍ ຮ້ອງຂໍນ້ຳ ຄຸສຸຮະຈຶ່ງສົ່ງ”ເຄື່ອງດື່ມປະສົມເພື່ອສຸຂະພາບສູດພິເສດ”ໃຫ້ທາສຸຄຸດື່ມນຳ… ຊວຍ໒ຕໍ່)

ສ່ວນໄດເທັຕສຶກັບຈອຫ໌ນໄປດື່ມເຫຼົ້າ໒ຄົນໃນຫ້ອງ ລົມກັນເລື່ອງທີ່ເຄີຍຊ່ອຍເຫຼືອກັນມາຫຼາຍເລື່ອງດ້ວຍຄວາມເຄົາລົບເຊິ່ງກັນແລະກັນ. ຈົນກາຣ໌ເນັຕກັບເອັກເຊລເລນແວະມາຫາພ້ອມກັບທວງສັນຍາເລື່ອງເຫຼົ້າບູຮານທີ່ເຄີຍວ່າໄວ້ ໄດເທັຕສຶສົ່ງໃຫ້ດ້ວຍຄວາມເສຍດາຍ ຄິດໃນໃຈວ່າ ບໍ່ເຫຼືອແທ້ໆ.

ສ່ວນເອຍ໌ຕະທີ່ຕ້ອງຍາມເມົາແຕ່ຖອນຫາຍໃຈຢາກໄປຮ່ວມງານລ້ຽງ ໄປກິນອາຫານສີມືຂອງຫຍຸນນຳເດ້. ເທັຕສຶຢະອະນຸຍາດໃຫ້ໄປໄດ້໒໐ນາທີ ສ່ວນລາວຈະຢູ່ເຝົ້າແທນໃຫ້. ຫຼັງຈາກທີ່ເອຍ໌ຕະໄປແລ້ວ ເທັຕສຶຢະໄດ້ຍິນສຽງຄົນມາຈາກທາງຫຼັງເລີຍບໍ່ທັນລະວັງວ່າເປັນກັບຕັນເລຟີນ່າ. ຜູ້ບັນຊາການທີ່ຍັງເປັນບ່າວ-ເປັນສາວທັງ໒ຄົນສົນທະນາກັນເລື່ອງທີ່ມາປະຈຳໜ້າທີ່ຂອງຕົນເອງໄດ້ແບບໃດ ໃນຂະນະທີ່ບັນຍາກາດຂອງທັງ໒ຄົນກຳລັງໄປໄດ້ດີ ສັດຕູກໍ່ບຸກມາ…

ແອໂຣເກເຕີຣ໌ນຳໂດຍເກຊ່າແລະກັລອິນບຸກມາ. ພວກຄຽວສຸເກະຕ້ອງອອກຮົບທັນທີ ເອັກເຊລເລນຖາມວ່າເປັນຫຍັງຄຽວສຸເກະທ່າທາງສະບາຍດີແທະ? ຄຽວສຸເກະບອກວ່າດື່ມແຕ່ຊາອູ່ຫຼົງ(ຊາທີ່ເຮັດດ້ວຍໃບຊາສົດບໍ່ບົ່ມ ບໍ່ຕາກແຫ້ງ) ສ່ວນອິຣຸມດື່ມແຕ່ຊາເຢັນ ເລີຍບໍ່ເມົາແມ່ນແຕ່ນ້ອຍ ສ່ວນເອັກເຊລເລນກັບກາຣ໌ເນັຕບໍ່ມີເວລາອາບນ້ຳເລີຍຕ້ອງໃສ່ຊຸດອອກຮົບເຕັງຊຸດກະຕ່າງອັບກິ່ນເຫຼົ້າ…

ລະຫວ່າງການຕໍ່ສູ້ ກີລ່ຽມກັບລາທູນີ່ຈື່ໄດ້ວ່າຮູບແບບການຈູ່ໂຈມຂອງກັລອິນເປັນແບບດຽວກັບເກົ້າເຫວີ່ຍ ຊ້ຳບໍ່ໜຳຍັງມີທ່າທາງຈື່ຫຍັງບາງຢ່າງເມື່ອໄດ້ເຫັນເກສເພນສຕ໌. ສ່ວນຄຳເວົ້າລະຫວ່າງການຕໍ່ສູ້ຂອງເກຊ່າທີ່ເຮັດຄືກຳລັງຫຼິ້ນເກມຢູ່ກໍ່ເຮັດໃຫ້ຣິວເຊຍ໌ຈື່ໄດ້ວ່າຄືກັບເທນຊັນຫຼາຍ ແຕ່ເທນຊັນຕາຍໄປແລ້ວ? ເອັກເຊລເລນສົງໄສວ່າໜ້າຈະເປັນຜີຫຼືບໍ່ກໍ່ຄູ່ແຝດທີ່ພາກຈາກກັນຕັ້ງແຕ່ຍາມນ້ອຍບໍ້. ມາຊາຄິສວນກັບວ່າ ແມ່ນໃຜຊິມີຄູ່ແຝດເປັນມະນຸດຕ່າງດາວເຮີ້. ແຕ່ແຜນການຮົບຕໍ່ມາຂອງເກຊ່າເຮັດໃຫ້ທຸກຄົນແນ່ໃຈຫຼາຍຂຶ້ນເມື່ອເກຊ່າສັ່ງໃຫ້ຂີປະນາວຸດMAPWບຸກເຂົ້າມາໂດຍບໍ່ສົນໃຈພັກພວກໃນບໍລິເວນໃກ້ຄຽງເລີຍ ເຮັດໃຫ້ທັງ໒ທີມຕ້ອງຮັບເສິກໜັກທັງ໒ດ້ານ.

ຫຼັງຈາກການຮົບຈົບລົງ ເກຊ່າແລະກັລອິນຖອນໂຕໄປຖິ້ມໄວ້ແຕ່ຄວາມຄ້າງຄາຂອງຫຼາຍຄົນ. ກີລ່ຽມນັ້ນໝັ້ນໃຈກ່ຽວກັບຄວາມລັບຂອງແອໂຣເກເຕີຣ໌ຫຼາຍຂຶ້ນຈາກຫຼັກຖານຫຼາຍຢ່າງຢັ້ງຢືນວ່າກັລອິນແມ່ນຜູ້ບັນຊາການເກົ້າເຫວີ່ຍແທ້ໆ. ໄດເທັຕສຶສັ່ງໃຫ້ທຸກຄົນກຽມຕົວນັບຖອຍຫຼັງສູ່ປະຕິບັດການSRW.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໕

ຄຸສຸຮະຟື້ນຂຶ້ນມາແລະພະຍາຍາມນຶກເຖິງເລື່ອງທີ່ເກີດຂຶ້ນຕອນທີ່ຖືກພາໂຕໄປ. ບູລິທທ໌ພະຍາຍາມປິດບັງ ແຕ່ຄຸສຸຮະພັດນຶກອອກແລ້ວວ່າເຄີຍເກືອບທຳຮ້າຍໝູ່ທຸກຄົນໄປສາແລ້ວ ແຕ່ກໍ່ຂອບໃຈບູລິທທ໌ທີ່ອົດສາສ່ຽງຊີວິດໄປຊ່ອຍນາງກັບມາ ນາງຈື່ໄດ້ວ່າສຽງທີ່ຮ້ອງຫານາງໃຫ້ກັບມານັ້ນເປັນສຽງຂອງບູລິທທ໌ນັ້ນເອງ.

ສ່ວນຮາງາເນະກໍ່ກຳນົດເປົ້າໝາຍຕໍ່ໄປທີ່ຖານໂຄທສ໌ແລນດ໌ ບ່ອນທີ່ເຄີຍໃຊ້ເພື່ອເຈລະຈາສັນຕິ ບໍ່ແມ່ນແລ້ວ ເຄີຍໃຊ້ເພື່ອຂໍຍອມແພ້ແລະຍົກໂລກໃຫ້ແກ່ແອໂຣເກເຕີຣ໌ຕ່າງຫາກ. ເນື່ອງຈາກຜູ້ມີອຳນາດທາງການເມືອງຄິດຈະໃຊ້ບ່ອນນັ້ນດຳເນີນແຜນການລັບພ້ອມກັບເຮືອຊິໂຣງາເນະທີ່ແປງຂຶ້ນໃໝ່.

ທີ່ນັ້ນ ເອລແຊມປະກົດຕົວພ້ອມເຮືອຄຸໂຣງາເນະແລະຖາມເຖິງຈຸດປະສົງທີ່ແທ້ຈິງ ເມື່ອໄດ້ຄຳຕອບວ່າພວກລາວຄິດຈະໜີແອໂຣເກເຕີຣ໌ໄປຕັ້ງຮາກຖານທີ່ດາວອື່ນແທນ ເຮັດໃຫ້ເອລແຊມບໍ່ພໍໃຈຢ່າງຫຼາຍ ໃນເວລານັ້ນເອງ ພວກແອໂຣເກເຕີຣ໌ກໍ່ບຸກມາ. ເຖິງວ່າເອລແຊມຈະບໍ່ເຫັນພ້ອມກັບກັບຊິໂຣງາເນະ ແຕ່ຕັດສິນໃຈສູ້ກັບແອໂຣເກເຕີຣ໌, ລາວອອກປະຕິບັດການພ້ອມກັບ ຮິວເຄໄບນ໌”ທຣອມເບ”(ມ້າມັງກອນ)ຄູ່ໃຈຂອງຕົນເອງເຂົ້າຕໍ່ຕ້ານແອໂຣເກເຕີຣ໌. ແຕ່ຈຳນວນຕ່າງກັນເກີນໄປ ຂະນະທີ່ເອລແຊມຖືກລ້ອມນັ້ນເອງ ເຊນກາຣ໌ກໍ່ມາຊ່ອຍພ້ອມກັບເຣຍ໌ຊິຄິໄດ້ທັນເວລາພໍດີ. ເມື່ອສາມາດຖ່ວງເວລາຈົນຮາງາເນະມາເຖິງແລ້ວ ທັງ໒ບອກໃຫ້ໄປພົບກັນໃໝ່ທີ່ດາວສີຂາວ ເນບິອິມ ຂອງແອໂຣເກເຕີຣ໌ເດີ້.

ເມື່ອພວກຮາງາເນະຈັດການກັບຍານແມ່ຂອງແອໂຣເກເຕີຣ໌ໄດ້ແລ້ວ ວິເລຕຕ້າກໍ່ປະກົດຕົວອອກມາແລະຈັດການກັບຫ້ອງບັງຄັບການເຮືອຊິໂຣງາເນະ ກ່ອນຈະຫຼົບໜີໄປທ່າມກາງຄວາມຕົກຕະລຶງຂອງທຸກຄົນ. ພາຍຫຼັງຈາກທີ່ກວດສອບຄວາມເສຍຫາຍແລ້ວພົບວ່າເຮືອຊິໂຣງາເນະເສຍຫາຍພຽງແຕ່ເລັກນ້ອຍ ບໍລິເວນຫ້ອງບັງຄັບການເທົ່ານັ້ນ ສ່ວນຜູ້ໂດຍສານບໍ່ລອດ. ຢ່າງໃດກໍ່ຕາມເຮືອຊິໂຣງາເນະສາມາດສ້ອມແປງໃຫ້ກັບຄືນສູ່ສະພາບການຮົບໄດ້ຢ່າງງ່າຍດາຍ ແລະພ້ອມໃຊ້ປະຕິບັດການSRWຕໍ່ໄປ.

ສ່ວນວິເລຕຕ້າກັບໄປທີ່ເນບິອິມ ເພື່ອລາຍງານຜົນໃຫ້ກັບເຣວີ່ແລະອິນແກຣມ ແຕ່ພົບວ່າເຣວີ່ມີອາການຜິດປົກກະຕິໄປ ເນື່ອງຈາກຜົນການຟີດແບັຄຂອງຈູເດັຄກ້າ. ອິນແກຣມບອກກັບວິເລຕຕ້າວ່າ ໄທມ໌ລິມິຕຂອງພວກເຮົາກຳລັງຈະເຖິງທີ່ສຸດແລ້ວ ພ້ອມບອກຄຳສັ່ງໃຫ້ວິເລຕຕ້າເຮັດໜ້າທີ່ບາງຢ່າງ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໔

ທາງດ້ານຮາງາເນະກັບຮິຣິວໄຄ ຣຽວໂຕະປະຊຸມແຜນການຊ່ອຍເຫຼືອຄຸສຸຮະໃຫ້ກັບໝູ່ເພື່ອນ, ໃຈຄວາມສຳຄັນກໍ່ແມ່ນການຄວບຄຸມຈາກລະບົບT-Linkທີ່ຄວບຄຸມຄຸສຸຮະໄວ້ ຖ້າສາມາດສ້າງແຮງສະເທືອນຢ່າງຮ້າຍແຮງກັບສ່ວນຫ້ອງສັ່ງການໄດ້ ອາດຈະມີທາງຊ່ອຍຄຸສຸຮະໄດ້ ແຕ່ບັນຫາຢູ່ບ່ອນເກາະທີ່ໜາຂອງກຣຸນກັສຕ໌ນິຊິຄິຄົງບໍ່ສາມາດເຮັດໄດ້ງ່າຍປານໃດ. ທາສຸຄຸຈຶ່ງສະເໜີແຜນອີກແຜນ໑ນັ້ນແມ່ນການຢຸດການເຄື່ອນໄຫວຂອງນິຊິຄິສາກ່ອນ ແລ້ວຄ່ອຍທຳລາຍໂຕຮັບສັນຍານຄວບຄຸມເພື່ອຕັດການຄວບຄຸມ ຄືກັບຂອງຫຼິ້ນບັງຄັບ. ເຮັດໃຫ້ບູລິທທ໌ຮ້ອນໃຈຢາກຈະໄປຊ່ອຍຄຸສຸຮະໃຫ້ໄດ້ ຈົນທາສຸຄຸຕ້ອງບອກໃຫ້ໃຈເຢັນໆໄວ້ ຄົນທີ່ຢາກຈະຊ່ອຍຄຸສຸຮະກັບມາບໍ່ໄດ້ມີແຕ່ບູລິທທ໌ຄົນດຽວ ໝູ່ທຸກຄົນກໍ່ຈະຊ່ອຍນຳກັນຫັ້ນແຫຼະ ເຮັດໃຫ້ບູລິທທ໌ຮູ້ສຶກຊຶ້ງໃຈໃນໝູ່ເພື່ອນທຸກຄົນ.

(ພວກໝູ່ທີ່ປະຊຸມກັນນ່ະ ໝູ່ຈາກAlphaທັງນັ້ນ)

ແລະແລ້ວພວກສັດຕູກໍ່ບຸກມາ ລວມເຖິງອິນແກຣມກັບຄຸສຸຮະນຳ. ອິນແກຣມທັກທາຍທຸກຄົນພ້ອມກັບR-Gunໂຕໃໝ່ແລະເຜີຍຄວາມຈິງເລື່ອງທີ່ໃຊ້ອາຢະນຳ ເຮັດໃຫ້ຣິວເຊຍ໌ແລະຄົນອື່ນໆໂມໂຫຫຼາຍ. ສ່ວນຄຸສຸຮະພັດຖາມເຖິງບູລິທທ໌ກັບຣິວເຊຍ໌ວ່າຈະມາຊ່ອຍກັບໄປຫວາ? ບໍ່ຈຳເປັນດອກ ຍ້ອນນາງເຕັມໃຈນຳອິນແກຣມມາເອງຕ່າງຫາກ ແມ່ນແລ້ວ ຖ້າຫາກບູລິທທ໌ເອົາຊະນະໄດ້ ນາງຈະຍອມເປັນຂອງບູລິທທ໌ກໍ່ໄດ້ເດີ້. ຣິວເຊຍ໌ກັບບູລິທທ໌ໄດ້ຍິນແລ້ວກໍ່ເຂົ້າໃຈໄດ້ທັນທີວ່າ ຄຸສຸຮະຖືກອິນແກຣມຄວບຄຸມຢູ່ແທ້ໆ ແຕ່ຄຳເວົ້າຂອງຄຸສຸຮະກໍ່ເຮັດໃຫ້ບູລິທທ໌ຄຽດໄປຄືກັນ. ຣິວເຊຍ໌ບອກກັບບູລິທທ໌ວ່າ ລາວຈະຈັດການອິນແກຣມເອງ ແລ້ວຝາກຝັງໃຫ້ບູລິທທ໌ໄປຊ່ອຍຄຸສຸຮະສາ ຍ້ອນວ່າຕົນເອງບໍ່ສາມາດເຮັດໃຫ້ຄຸສຸຮະມີຄວາມສຸກໄດ້ ແຕ່ບູລິທທ໌ນ່ະ ເຮັດໄດ້!

ດ້ວຍຄຳເວົ້ານີ້ເອງ ເຮັດໃຫ້ບູລິທທ໌ບໍ່ເສຍສະມາທິກັບຄຳເວົ້າຂອງຄຸສຸຮະອີກຕໍ່ໄປ. ບູລິທທ໌ນຶກເຖິງຄຳສອນຂອງອາຈານທັງ໒ກ່ອນຈະເຂົ້າປະຈັນບານຂັ້ນສຸດທ້າຍ.

“ລາກ່ອນເດີ້… ບູລິທທ໌ຄຸງ” ຄຸສຸຮະໃຊ້ເພງດາບໄມ້ຕາຍໃສ່ບູລິທທ໌ ລາວຮັບການໂຈມຕີດ້ວຍຄວາມອົດທົນ ກ່ອນຈະຍິງປືນກົນສວນກັບໄປທີ່ສ່ວນຄວບຄຸມຂອງນິຊິຄິທີ່ຈຸດດຽວ ເກີດການລະເບີດຢ່າງແຮງທີ່ຫຸ່ນທັງ໒. ເມື່ອຄວັນຈາງຫາຍໄປ ສິ່ງທີ່ປະກົດອອກມາກໍ່ແມ່ນ ຮ່າງຂອງຮິວເຄໄບນ໌ຂອງບູລິທທ໌ທີ່ຍັງຢືນຢູ່ຂ້າງນິຊິຄິເຊິ່ງຢຸດການເຮັດວຽກ ໂດຍທີ່ຄົນຂັບທັງ໒ບໍ່ເປັນຫຍັງ. ເມື່ອໄດ້ເຫັນວ່າສາມາດປົດປ່ອຍຄຸສຸຮະຈາກການຄວບຄຸມໄດ້ສຳເລັດ ຣິວເຊຍ໌ບອກວ່າບູລິທທ໌ເຮັດໜ້າທີ່ຂອງຕົນເອງໄດ້ສຳເລັດແລ້ວ ຕໍ່ໄປກໍ່ແມ່ນຂອງລາວແລ້ວແຫຼະ.

ໃນລະຫວ່າງການຕໍ່ສູ້ນັ້ນ ກີລ່ຽມກັບອິນແກຣມໄດ້ປະເຊີນໜ້າກັນເປັນຄັ້ງທຳອິດ. ອິນແກຣມຕົກໃຈຫຼາຍເມື່ອໄດ້ພົບວ່າທັງ໒ໜ້າຕາຄືກັນປານແຍງແວ່ນ ແລະຖາມວ່າກີລ່ຽມແມ່ນໃຜແທ້? ກີລ່ຽມຕອບວ່າ ເຮົາ໒ຄົນແມ່ນຜູ້ທີ່ແບກຮັບຊະຕາກຳດຽວກັນ ຊະຕາກຳທີ່ຕ້ອງເດີນທາງໄປທີ່ໂລກຄູ່ຂະໜານຕ່າງ ແຕ່ເບິ່ງຄືວ່າເສັ້ນທາງເດີນຂອງເຮົາຈະສວນທາງກັນສາແລ້ວ. ອິນແກຣມຖາມເຖິງເປົ້າໝາຍຂອງກີລ່ຽມ ລາວຕອບວ່າເພື່ອຕິດຕາມແລະສັງເກດຄົນມາກມາຍ ແຕ່ຕອນນີ້ຂ້ອຍມີເປົ້າໝາຍທີ່ຕ້ອງເຮັດໃຫ້ລຸລ່ວງສາກ່ອນ ນັ້ນແມ່ນປາບອິນແກຣມແລະແອໂຣເກຕີຣ໌ສາ. ນັ້ນເຮັດໃຫ້ອິນແກຣມເຖິງກັບກ່າວວ່າ ມີແຂກບໍ່ໄດ້ຮັບເຊີນເຂົ້າມາສາແລ້ວ.

ຫຼັງຈາກທີ່ພວກຣິວເຊຍ໌ສາມາດຈັດການກັບR-Gunໄດ້ ແຕ່ມັນພັດຟື້ນສະພາບກັບມາໃນຮ່າງໃໝ່ ນັ້ນແມ່ນR-Gun ຣິວາເລ່.

ຄວາມຮ້າຍກາດຂອງຣິວາເລ່ນັ້ນດັ່ງອະສູນຮ້າຍ ຣິວເຊຍ໌ຖືກໂຈມຕີຈົນເສຍທ່າ ແຕ່ດ້ວຍຄວາມມຸ້ງໝັ້ນທີ່ບໍ່ຍອມແພ້ຂອງຣິວເຊຍ໌ນັ້ນເອງ ພັດເຮັດໃຫ້ລະບົບລັບຂອງR-1ເຮັດວຽກ, ຢູເຣນັສຊິສເຕັມ ເລີ່ມລົມກັບຣິວເຊຍ໌ຜ່ານR-1. ໄຣຮູ້ສຶກໄດ້ວ່າ ນີ້ແມ່ນໂອກາດແລະຂໍອະນຸມັດການປະກອບຮ່າງພ້ອມໃຫ້ສັນຍານກັບຣິວເຊຍ໌ແລະອາຢະກຽມຕົວ. ດ້ວຍລະບົບນຳທາງຂອງR-1, ເຄື່ອງຍົນໂທຣນ່ຽມຂອງR-2 ແລະT-LinkຂອງR-3 ຕອນນີ້ທຸກຢ່າງພ້ອມແລ້ວ…

“ເອົາເລີຍ, ໄຣ, ອາຢະ! ແວຣິເອເບິລ ຟໍຣ໌ເມຊັ່ນ!!”

Rທັງ໓ເຂົ້າປະສານຮ່າງກັນ ກາຍເປັນຫຸ່ນຍັກ SRX(Super Robot typeX). ຮ່າງທີ່ແທ້ຈິງຂອງRນັ້ນເອງ.

“ຊຸປເປີຣ໌ໂຣບອທໄຮ້ຕ້ານທານແຫ່ງໃຕ້ປະຕະພີ ກຳເນີດແລ້ວ ຢູ່ທີ່ນີ້!!” ຣິວເຊຍ໌ຮ້ອງດັງກ້ອງຈາກຫ້ອງບັງຄັບຂອງSRX.

SRXສະແດງພະລັງທີ່ຮ້າຍແຮງກັບກອງກຳລັງແອໂຣເກເຕີຣ໌ແລະອິນແກຣມ ຢ່າງໃດກໍ່ຕາມSRXກໍ່ສາມາດເຮັດວຽກໄດ້ແຕ່໓ນາທີເທົ່ານັ້ນ ອິນແກຣມໜີໄປໄດ້ຫຼັງຈາກເກັບຂໍ້ມູນການຕໍ່ສູ້ຂອງຣິວເຊຍ໌ໄປຮຽບ໑໐໐ແລ້ວ.

ຫຼັງການຕໍ່ສູ້ ບູລິທທ໌ຮີບໄປທີ່ຫ້ອງພະຍາບານເພື່ອເບິ່ງອາການຂອງຄຸສຸຮະ ແຕ່ພົບກັບຣິວເຊຍ໌ທີ່ຖ້າຢູ່ແລ້ວ, ຣິວເຊຍ໌ປະຕິເສດວ່າມາເຝົ້າອາການຂອງອາຢະຕ່າງຫາກ. ໜ້າຍິນດີທີ່ອາການຂອງຄຸສຸຮະບໍ່ເປັນຫຍັງຫຼາຍນອກຈາກຄວາມຈຳເສື່ອມໄປໃນຊ່ວງທີ່ຖືກອິນແກຣມພາໂຕໄປເທົ່ານັ້ນເອງ. ຣິວເຊຍ໌ຝາກໃຫ້ບູລິທທ໌ເບິ່ງແຍງຄຸສຸຮະແດ່ກ່ອນຍ່າງຈາກມາ.

ເຈຍ໌ດ້າກັບກາຣ໌ເນັຕດັກຖ້າຣິວເຊຍ໌ແລະເຕືອນບໍ່ໃຫ້ວູ່ວາມ ທັງ໒ສັງເກດການຕໍ່ສູ້ຂອງຣິວເຊຍ໌ກັບອິນແກຣມແລ້ວຮູ້ສຶກໄດ້ວ່າ ຣິວເຊຍ໌ຄິດຈະສູ້ໂດຍຖິ້ມຊີວິດຂອງຕົນເອງໂດຍບໍ່ຄິດເຖິງຄົນທີ່ຮັກ… ບໍ່ແມ່ນຕິ ຖ້າຢູ່ທາງຫຼັງເລີຍ ພ້ອມກັບບອກຣິວເຊຍ໌ວ່າບໍ່ໃຫ້ສູ້ຢູ່ແຕ່ຄົນດຽວແຕ່ຍັງມີຄົນທີ່ພ້ອມຈະຢູ່ຄຽງຂ້າງຣິວເຊຍ໌ນຳ ຢ່າລືມເລື່ອງນີ້ເດີ້.

ໄຣກັບຣຽວໂຕະນຳຂໍ້ມູນການປະກອບຮ່າງມາປຶກສາກັບຣິວເນ່ ເນື່ອງຈາກບັນຫາເລື່ອງເຄື່ອງຍົນຯລຯ ທີ່ວິທະຍາການຂອງມະນຸດຍັງຄົ້ນຄວ້າບໍ່ເຖິງ ບາງທີອາດຈະບໍ່ສາມາດປະກອບຮ່າງSRXໄດ້ອີກແລ້ວ. ແຕ່ຣິວເຊຍ໌ພັດບໍ່ຕົກໃຈຫຍັງ ຍ້ອນຕອນນີ້ລາວຮູ້ແລ້ວວ່າຍັງມີໝູ່ເພື່ອນທີ່ພ້ອມຈະສູ້ໄປນຳກັນເຊັ່ນຄຽວສຸເກະຫຼືມາຊາຄິແລ້ວ ຖ້າຕ້ອງໃຊ້ໄພ້ຕາຍໃບນີ້ຕ້ອງເປັນເສິກຕັດສິນຄັ້ງສຸດທ້າຍເທົ່ານັ້ນ. ຣິວເຊຍ໌ຂໍໂຕໄປພັກຜ່ອນໂດຍຝາກໃຫ້ໄຣຊ່ອຍດູແລອາຢະ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໓

ລາດາກັບກີລ່ຽມກວດສອບແຟ້ມຂໍ້ມູນຂອງອິນແກຣມທີ່ຍັງເຫຼືອຢູ່ເພື່ອຊອກຫາເບາະແສ ແຕ່ສິ່ງທີ່ພົບກໍ່ແມ່ນຂໍ້ມູນບາງສ່ວນທີ່ບັນທຶກບຸນຄົນສາບສູນ ເປັນຂໍ້ມູນຂອງເຈນນິເຟີຣ໌ ຟອນດ້າ ກັບ ໄມ ໂຄບາຢາຊິ ເອື້ອຍຂອງອາຢະທີ່ຄິດວ່າຕາຍໄປແລ້ວ ແຕ່ຈາກບັນທຶກນີ້ພັດບົ່ງບອກວ່າ ໄມມີອາຍຸນ້ອຍກວ່າອາຢະ ປິດສະໜາຕ່າງໆເລີ່ມສັບສົນ ຈົນກີລ່ຽມເຕືອນລາດາຢ່າໃຈຮ້ອນ.

ອີກດ້ານ໑ ມາຊາຄິສະເໜີແຜນນົກຕໍ່ໂດຍໃຊ້ໄຊບັສເຕີຣ໌ເປັນເຫຍື່ອລໍ້ພ້ອມກັບວາລຊິໂອເນ່. ເມື່ອເອັກເຊລເລນລໍ້ຫຼິ້ນໆວ່າໄດ້ໂອກາດເລີຟເລີຟແລ້ວ ມາຊາຄິບອກວ່າ ເຈ໊ກະຕ້ອງໄປນຳແຫຼະ. ເອັກເຊລເລນກໍ່ເລີຍຢາກຈະຊວນຄຽວສຸເກະໄປນຳຊິໄດ້ເປັນດັບເບິລເດທສາເລີຍ ແຕ່ຄາບ່ອນວ່າອັລໄທເຊັນບິນບໍ່ໄດ້ກະເລີຍອົດ. ໄຣເຕືອນທັງ໓ຄົນໃຫ້ລະວັງໂຕແດ່.

ລາທູນີ່ປຶກສາກັບເຈຍຣ໌ດ້າແລະກາຣ໌ເນັຕ ຊອກຫາທາງຊ່ອຍຣິວເຊຍ໌ທີ່ກຳລັງຊຶມເສົ້າໃຫ້ກັບມາເຂັ້ມແຂງຄືເກົ່າ. ຣິວເຊຍ໌ນເວລານັ້ນກຳລັງຄິດເຖິງເລື່ອງຕ່າງໆທີ່ຜ່ານມາ ແລະຄິດວ່າທຸກຢ່າງທີ່ລາວເຮັດລົງໄປນັ້ນ ເປັນແຕ່ການເດີນໄປຕາມເກມໃນມືຂອງອິນແກຣມເທົ່ານັ້ນເອງ ໂດຍທີ່ລາວເຄີຍເຊື່ອໃນໂຕຂອງອິນແກຣມແທ້ໆ. ລາທູນີ່ເຂົ້າມາທັກທາຍຣິວເຊຍ໌ແຕ່ຣິວເຊຍ໌ກໍ່ຍັງໂທດຕົນເອງເຖິງເລື່ອງທີ່ເຮັດໃຫ້ອາຢະກັບຄຸສຸຮະຕ້ອງຮັບເຄ່ະຍ້ອນຕົນເອງ. ລາທູນີ່ເຂົ້າໃຈເຖິງຄວາມຮູ້ສຶກເສຍໃຈຂອງຣິວເຊຍ໌ແລະໃຫ້ກຳລັງໃຈຣິວເຊຍ໌ອີກຄັ້ງ.

(*ຣິວເຊຍ໌ ເຈົ້າໜໍເຈົ້າ ຄຸສຸຮະຄົນດຽວຍັງບໍ່ພໍ ລາທູນີ່ອີກນຳຫວະ)

ແຕ່ເມື່ອພວກມາຊາຄິດຳເນີນຕາມແຜນນົກຕໍ່ ກໍ່ຕ້ອງຕົກໃຈເມື່ອພົບກັບຊູວ໌ແລະບິອັນທີ່ໜ້າຈະຕາຍໄປແລ້ວຖ້າຢູ່. ມາຊາຄິຖາມເລື່ອງສັນຍາທີ່ເຄີຍໃຫ້ໄວ້ ແຕ່ຊູວ໌ພັດບອກວ່າມາຊາຄິຈ້າເອງທີ່ຫຼົງເຊື່ອຄຳເວົ້າຂອງລາວ. ສ່ວນບິອັນຊວນລູກສາວຂອງຕົນເອງໃຫ້ມາຮ່ວມມືກັນຍຶດຄອງໂລກສາ ເພື່ອຕໍ່ສູ້ກັບພວກມະນຸດຕ່າງດາວ, ແຕ່ຣິວເນ່ພັດບອກວ່າ ນັ້ນບໍ່ແມ່ນຈຸດປະສົງທີ່ແທ້ຈິງທີ່ພໍ່ເຄີຍບອກໄວ້ເລີຍ.

ເອັກເຊລເລນເຫັນທ່າທາງປະຫຼາດຈຶ່ງລອງກວດສອບອ້ອມໆຈົນພົບກັບອັທທາໂດທີ່ລີ້ຢູ່ຈົນໄດ້. ອັທທາໂດຮູ້ສຶກປະຫຼາດໃຈທີ່ທຣາວມ່າຊາໂດວ໌ເຊິ່ງສ້າງພາບລວງຕານັ້ນບໍ່ມີຜົນກັບເອັກເຊລເລນເລີຍ. ເອັກເຊລເລນຈູ່ໂຈມໃສ່ອັທທາໂດແລະເຮັດໃຫ້ພາບລວງຕາຂອງຊູວ໌ກັບບິອັນຫາຍໄປ. ອັທທາໂດເຫັນທ່າບໍ່ຄ່ອຍດີຈຶ່ງເອີ້ນກຳລັງເສີມອອກມາ ເຊິ່ງເຂົ້າແຜນທີ່ວາງໄວ້ພໍດີ, ກຳລັງເສີມທີ່ລີ້ຢູ່ອອກປະຕິບັດການແລະຖະຫຼົ່ມໜ່ວຍຂອງອັທທາໂດຈົນບໍ່ເຫຼືອ.

ຈາກການຮົບຄັ້ງນີ້ເຮັດໃຫ້ໄດເທັຕສຶແນ່ໃຈແລ້ວວ່າ ພວກຂອງຕົນເອງເປັນເປົ້າໝາຍສຳຄັນຂອງແອໂຣເກເຕີຣ໌ທີ່ຕ້ອງການຕົວຢ່າງທົດລອງ ຈຶ່ງຕັ້ງໃຈຈະໃຫ້ເປັນເຫຍື່ອລໍ້ເພື່ອດຶງຄວາມສົນໃຈຂອງກຳລັງຮົບຝ່າຍກົງກັນຂ້າມມາທີ່ຕົນເອງ. ສ່ວນເອັກເຊລເລນເມື່ອກັບມາກໍ່ຂໍລາງວັນຈາກໄດເທັຕສຶເປັນເຫຼົ້າໃນຂອງສະສົມສຸດຫວງແຫນຂອງໄດເທັຕສຶ ຈາກນັ້ນທັງເອັກເຊລເລນ ໄດເທັຕສຶ ແລະຈອຫ໌ນ ກໍ່ຝອຍເລື່ອງເຫຼົ້າແຕ່ລະປະເພດຢ່າງມ່ວນຊື່ນ…

(ລືມເລື່ອງ”ເມົາບໍ່ຂັບ”ໃນຕອນນັ້ນແລ້ວບໍເຮຍ ບໍ່ຫຼາບແມ່ນບໍ້)

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໒

ຢູ່ທີ່ເນບິອິມ”ໄວທ໌ສຕາຣ໌” ອິນແກຣມເຮັດການສະກົດຈິດຂອງຄຸສຸຮະ.

ເມື່ອຖາມຄຸສຸຮະວ່າຕົນເອງແມ່ນຫຍັງ ນາງຕອບວ່າເປັນອາວຸດຂອງຈັກກະພັດທີ່ມີອຳນາດ.

ເມື່ອຖາມວ່າໃຜແມ່ນສັດຕູ ນາງຕອບວ່າຜູ້ຕໍ່ຕ້ານຈັກກະພັດແມ່ນສັດຕູ ຮາງາເນະແລະຮິຣິວໄຄແມ່ນສັດຕູ.

ແຕ່ເມື່ອຖາມວ່າຣິວເຊຍ໌ແລະບຣູ໊ຄລິນແມ່ນຫຍັງ ຄຸສຸຮະມິດໄປຈັກໜ່ອຍກ່ອນຈະຕອບວ່າເປັນສັດຕູຄືກັນ.

ອິນແກຣມຕັດສິນໃຈສົ່ງຄຸສຸຮະອອກປະຕິບັດການຄັ້ງຕໍ່ໄປ ເຖິງແມ່ນວ່າຈະຖືກອັທທາໂດຂັດຄ້ານກໍ່ຕາມ.

ເທິງໂລກເວລານັ້ນ ພວກຣິວເຊຍ໌ກຳລັງພົບບັນຫາໃຫຍ່ເມື່ອທາງຂັ້ນເທິງມີຄຳສັ່ງໃຫ້ສືບສວນຜູ້ທີ່ກ່ຽວຂ້ອງກັບອິນແກຣມທຸກຄົນພ້ອມກັບແຍກສ່ວນRທຸກໂຕເພື່ອກວດສອບຄວາມປອດໄພ.

ວິສະວະກອນເຊັ່ນຣ໊ອບກັບເຄີຣ໌ຄຕ້ອງປະກອບສ່ວນRທຸກໂຕຢ່າງຫວຸ້ນວາຍ, ຮ໊ອບກັງວົນກ່ຽວກັບການຕໍ່ສູ້ຄັ້ງຕໍ່ໄປ ຍ້ອນອິນແກຣມຮູ້ໄສ້ຮູ້ພຸງຂອງກອງກຳລັງທັງໝົດແລ້ວ. ພໍດີກັບເກຊ່າບຸກເຂົ້າມາທີ່ຖານໃນເວລາກາງຄືນ ບູລິທທ໌ຄິດຈະຊອກເບາະແສຂອງຄຸສຸຮະຈາກແອໂຣເກເຕີຣ໌ຜູ້ນີ້ ແຕ່ນິໄສທີ່ມັກເວົ້າຄືກຳລັງຫຼິ້ນເກມຢູ່ນັ້ນເຮັດໃຫ້ຫຼາຍຄົນຮູ້ສຶກຄຸ້ນໆຢູ່ນຳ.

ຄຸສຸຮະກັບມາພ້ອມກັບນິຊິຄິແຕ່ທ່າທາງຂອງນາງປ່ຽນໄປຈົນເປັນຕາຢ້ານ. ນາງເລີ່ມໂຈມຕີຖານແລະພວກຂອງບູລິທທ໌, ຄຽວສຸເກະສັ່ງໃຫ້ຊອກຫາທາງຢຸດການເຄື່ອນໄຫວຂອງນິຊິຄິແລ້ວຊ່ອຍຄຸສຸຮະອອກມາໃຫ້ໄດ້.

ໃນຂະນະທີ່ບູລິທທ໌ກຳລັງຈະຊ່ອຍຄຸສຸຮະອອກມາຈາກນິຊິຄິທີ່ເສຍຫາຍນັ້ນເອງ ຄຸສຸຮະຮ້ອງຊ່ອຍແດ່ອອກມາຄ່ອຍໆດ້ວຍຈິດໃຕ້ສຳນຶກ ນາງເອີ້ນຫາຣິວເຊຍ໌ໃຫ້ຊ່ອຍແດ່. ເມື່ອບູລິທທ໌ໄດ້ຍິນດັ່ງນັ້ນກໍ່ເຈັບປວດຫົວໃຈຈົນປ່ອຍຄຸສຸຮະໜີໄປຈົນໄດ້.

ຫຼັງຈາກທີ່ຖານປອດໄພແລ້ວ ບູລິທທ໌ຈົມຢູ່ກັບຄວາມເສຍໃຈທີ່ພາດໂອກາດຈະຊ່ອຍຄຸສຸຮະກັບມາ ແລະໄດ້ຮູ້ວ່າໃນໃຈຂອງຄຸສຸຮະຄິດຮອດແຕ່ຣິວເຊຍ໌ເທົ່ານັ້ນ.

ສ່ວນຣິວເຊຍ໌ໃນເວລານັ້ນ ຍັງຖືກສືບສວນຢູ່ຄົນດຽວ. ຣິວເຊຍ໌ປະຫຼາດໃຈເມື່ອໄດ້ຮູ້ຄວາມຈິງຈາກຜູ້ສືບສວນກ່ຽວກັບຄວາມສຳພັນຂອງແມ່ນຕົນເອງກັບການທົດລອງທີ່ຫ້ອງວິໄຈຂອງພໍ່ອາຢະ ເຊິ່ງອິນແກຣມເຂົ້າໄປມີສ່ວນຮ່ວມນຳ. ແມ່ຣິວເຊຍ໌ເຄີຍເປັນອາສາສະໝັກທົດລອງລະບົບT-Linkກ່ອນຣິວເຊຍ໌ ແລະອິນແກຣມເລືອກລາວມາກໍ່ບໍ່ແມ່ນເລື່ອງບັງເອີນເຊັ່ນກັນ.

ລາດາກັບກີລ່ຽມສາມາດຖອດແຟ້ມຂໍ້ມູນຂອງອິນແກຣມໄດ້ສຳເລັດ ກີລ່ຽມພົບວ່າເປັນແຕ່ຂໍ້ມູນບຸກຄົນສູນຫາຍທຳມະດາ ແຕ່ເມື່ອລາດາລອງພິຈາລະນາເບິ່ງກໍ່ຕ້ອງຕົກໃຈເມື່ອພົບຂໍ້ມູນບາງຢ່າງທີ່ບິດເບືອນໄປຈາກສິ່ງທີ່ນາງເຄີຍຮູ້ມາຕະຫຼອດ…

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໑

ອາຢະໄດ້ສະຕິໃນຫ້ອງພະຍາບານໂດຍມີລາດາແລະຣິວເນ່ຢູ່ເປັນໝູ່. ອາຢະພະຍາຍາມຕົວະຕົນເອງວ່າເລື່ອງທັງໝົດເປັນຄວາມຝັນເທົ່ານັ້ນ.

ເອັກເຊລເລນເຂົ້າມາຕາມຫຼັງເມື່ອໄດ້ເຫັນອາການຂອງອາຢະຈຶ່ງເຕືອນສະຕິວ່າ ເລື່ອງທັງໝົດເປັນເລື່ອງຈິງ ເຊົາຕົວະຕົນເອງແລ້ວປະເຊີນໜ້າກັບຄວາມຈິງສາ.

ອາຢະຂອບໃຈທຸກຄົນທີ່ໃຫ້ກຳລັງໃຈເພື່ອໃຫ້ນາງລຸກຂຶ້ນແລະພະຍາຍາມຄົ້ນຫາຄວາມຈິງດ້ວຍຕົນເອງ ເມື່ອໄດ້ພົບກັບອິນແກຣມອີກຄັ້ງ໑, ຕອນນີ້ງນາງຮູ້ສຶກດີຂຶ້ນແລ້ວ. ລາດາຈຶ່ງຖືໂອກາດນີ້ຊວນທຸກຄົນມາຫຼິ້ນໂຢຄະເພື່ອຜ່ອນຄາຍຈິດໃຈ. ເອັກເຊລເລນຄິດໃນໃຈວ່າ ວ່າແລ້ວ~ ງວດນີ້ກະດູກຂ້ອຍຫັກບໍ່ເຫຼືອແທ້ໆ.

ອີກດ້ານ໑ ຄຽວສຸເກະໄດ້ຮັບການເລື່ອນຊັ້ນ(ຖ້າແປບໍ່ຜິດແມ່ນຍົດພັນເອກ ບໍ່ຄ່ອຍແນ່ໃຈໄດ໋) ແລະມອບໝາຍໜ້າທີ່ໃຫ້ເປັນຜູ້ບັນຊາການແທນອິນແກຣມທີ່ເຄີຍເຮັດໜ້າທີ່ນີ້.

ຄຽວສຸເກະປະຕິເສດວ່າອາຢະຫຼືອິຣຸມເໝາະກັບໜ້າທີ່ນີ້ຫຼາຍກວ່າ. ແຕ່ຍ້ອນອາຢະນັ້ນມີຄວາມຮູ້ສຶກຕໍ່ອິນແກຣມຫຼາຍໄປ ສ່ວນອິຣຸມກໍ່ຊີ້ນິ້ວສັ່ງຄົນອື່ນບໍ່ເປັນ(ເວົ້າໃສ່ຫວະ). ແຄທີນ່າຖາມວ່າຖ້າຄຽວສຸເກະບໍ່ຮັບ ຈະຮັບໜ້າທີ່ນີ້ໄວ້ແທນເດີ້ ເຮັດໃຫ້ຄຽວສຸເກະຍອມຮັບຕຳແໜ່ງນີ້ໄປຕາມເວນຕາມກຳ. (ກະແມ່ນຫັ້ນແຫຼະ ຖ້າແຄທີນ່າຮັບໜ້າທີ່ນີ້ມີຫວັງເລະໝົດກອງທັບແທ້ໆ)

ທີ່ເນບິອິມ ອັທທາໂດຕັ້ງຊື່ໃຫ້ຂຸນພົນຄົນໃໝ່ວ່າ”ເກຊ່າ”ແລະມອບໜ້າທີ່ໃຫ້ບຸກໂລກ. ແຕ່ອິນແກຣມສະເໜີໃຫ້ສົ່ງຂຸນພົນໜ້າກາກເຫຼັກລົງໄປທົດສອບກ່ອນດີກວ່າ.

ຄຽວສຸເກະໄດ້ທົດລອງວຽກໃນຕຳແໜ່ງໃໝ່ໄວກວ່າທີ່ຄິດ, ລາວແນະນຳຕົນເອງແບບຂັດໆເຂີນເລັກນ້ອຍຍ້ອນວ່າຍັງວາງໂຕບໍ່ຖືກ ຈົນສະມາຊິກຄົນອື່ນໃນທີມລໍ້ ແຕ່ກໍ່ພ້ອມຮັບຄຳສັ່ງຂອງຄຽວສຸເກະ. ເອັກເຊລເລນບອກວ່າ ຄຽວສຸເກະກໍ່ເປັນຄົນດີ ເປັນວຽກເປັນການດີນຳ ຂາດຢ່າງດຽວແມ່ນຍັງບໍ່ມີແຟນທໍ່ນັ້ນເອງ.

ໃນລະຫວ່າງການຮົບ ຝ່າຍສັດຕູເກ່ງຫຼາຍຄືກັບຈະຄາດເດົາຮູບແບບການຕໍ່ສູ້ຂອງທຸກຄົນໃນທີມໄດ້ໝົດ ຄຽວສຸເກະຮູ້ວ່າອິນແກຣມຕ້ອງລັກບັນທຶກຂໍ້ມູນການຮົບທີ່ຜ່ານມາຂອງພວກລາວຕິດໄປນຳແທ້ໆ, ແຕ່ສະມາຊິກໃໝ່ທີ່ອິນແກຣມບໍ່ເຄີຍມີຂໍ້ມູນກໍ່ປະກົດຕົວອອກມາຊ່ອຍເຫຼືອພວກລາວ, ລາວແມ່ນ ກີລ່ຽມ ອິເອກ່າ ຈາກໜ່ວຍຂ່າວພິເສດທີ່ເຄີຍຊ່ອຍພວກຄຽວສຸເກະຕອນສົງຄາມDCນັ້ນເອງ.

ມາຊາຄິຈຶ້ງເບິ່ງກີລ່ຽມບຶດ໑ກ່ອນຖາມວ່າ ເຮົາ໒ຄົນເຄີຍພົບກັນມາກ່ອນບໍ່? ກີລ່ຽມຄິດໃນໃຈຈັກໜ່ອຍແລ້ວຕອບວ່າບໍ່ຕີ໋ ຢ່າງໜ້ອຍກະບໍ່ແມ່ນບ່ອນນີ້.

(*ທັງ໒ຄົນນີ້ເຄີຍພົບກັນແລ້ວໃນເກມລວມຮີໂຣ່ໃນເຄື່ອງSNES(Super Nintendo Entertainment System) ຖ້າຈື່ບໍ່ຜິດເກມນັ້ນຊື່ “ຮີໂຣ່ເຊນຄິ ໂປຣເຈັຄທ໌ ໂອລິມປັສ” ກີລ່ຽມເປັນພະເອກເກມນັ້ນເດີ້)

ກີລ່ຽມອອກຮົບດ້ວຍເກສເພນສຕ໌ມາຣ໌ຄ2R ເຂົ້າສູ້ກັບແອໂຣເກເຕີຣ໌ອີກແຮງ໑ ແຕ່ເມື່ອລາວປະເຊີນໜ້າບຸລຸດລຶກລັບຜູ້ໃສ່ໜ້າກາກເຫຼັກພັດມີຄວາມຮູ້ສຶກຄຸ້ນເຄີຍ ກັບເຕັກນິກການຂັບເຄື່ອນຂອງໜ້າກາກເຫຼັກຢ່າງບອກບໍ່ຖືກ.

ຫຼັງຈາກທີ່ແອໂຣເກເຕີຣ໌ຖອຍກັບໄປ ກີລ່ຽມລາຍງານໂຕກັບເລຟີນ່າ, ຕອນນີ້ກີລ່ຽມໄດ້ຮັບມອບໝາຍຈາກໜ່ວຍຂ່າວໃຫ້ເກັບຂໍ້ມູນຂອງແອໂຣເກເຕີຣ໌ ຈຶ່ງໄດ້ມາປະຈຳຕຳແໜ່ງກັບຮິຣິວໄຄແລະຮາງາເນະ.

ກີລ່ຽມກັບລາທູນີ່ອະທິບາຍກ່ຽວກັບຮູບແບບການຂັບເຄື່ອນໄຫວແລະເຕັກນິກການຮົບຂອງໜ້າກາກເຫຼັກທີ່ຫາກໍ່ສູ້ໄປນັ້ນ ເປັນຮູບແບບດຽວກັບຜູ້ບັນຊາການ ເກົ້າເຫວີ່ຍ ເຫຼົາ, ຜູ້ບັນຊາການຂອງໜ່ວຍຮົບພິເສດທີ່ເຄີຍປະກອບດ້ວຍກີລ່ຽມ, ໄຄ, ເທມເປສຕ໌, ເຊນກາຣ໌ ແລະເອລແຊມ. ຜູ້ບັນຊາການເກົ້າເຫວີ່ຍຫາຍສາບສູນໄປພ້ອມກັບເກສເພນສຕ໌S ຈາກນັນໜ່ວຍພິເສດກໍ່ຖືກຍຸບ ສະມາຊິກແຕ່ລະຄົນກະແຈກກະຈາຍໄປຕາມທາງຂອງແຕ່ລະຄົນ.

ຢ່າງໃດກໍ່ຕາມ ຍັງສະຫຼຸບບໍ່ໄດ້ວ່າໜ້າກາກເຫຼັກນັ້ນເປັນຜູ້ບັນຊາການເກົ້າເຫວີ່ຍເດັດຂາດ ຍ້ອນອິນແກຣມອາຈະຮຽນແບບຂໍ້ມູນຂອງຜູ້ບັນຊາການຕິດໄປພ້ອມກັບຂໍ້ມູນການຮົບຂອງທຸກຄົນກໍ່ໄດ້ ດັ່ງນັ້ນເລື່ອງທີ່ກີລ່ຽມລົມກັບກັບຕັນໃນມື້ນີ້ຕ້ອງເກັບເປັນຄວາມລັບໂດຍເດັດຂາດ.

ໃນເວລາຕໍ່ມາ ກີລ່ຽມພົບກັບລາດາອີກຄັ້ງ ເລີຍລໍ້ວ່າຕອນນີ້ຍັງບໍ່ຢາກຫັກກະດູກຕົນເອງຫຼິ້ນເທື່ອດອກ, ລາດາງອນເລັກນ້ອຍທີ່ແມ່ນແຕ່ກີລ່ຽມຍັງເຫັນວ່ານາງບ້າຫຼິ້ນໂຢຄະ. ລາດາຂໍໃຫ້ກີລ່ຽມຊ່ອຍຖອດລັອກແຟ້ມຂໍ້ມູນທີ່ອິນແກຣມຍັງເຫຼືອໄວ້ເພື່ອຊອກຫາເບາະແສກ່ຽວກັບຈຸດປະສົງຂອງອິນແກຣມ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓໐

ສ່ວນເສີມຂອງR-2ກັບR-3ສົມບູນແລ້ວ, ອິນແກຣມຈຶ່ງສັ່ງໃຫ້ອາຢະກຽມພ້ອມສຳຫຼັບການທົດສອບການລວມຮ່າງຂອງSRX. ເມື່ອເຫັນອາຢະຮູ້ສຶກກົດດັນຫຼາຍກັບຫຼາຍເລື່ອງທີ່ຜ່ານມາ ອິນແກຣມຈຶ່ງໃຫ້ກຳລັງໃຈອາຢະພ້ອມກັບບອກວ່າລາວຈະຢູ່ຄຽງຂ້າງອາຢະສະເໝີ. ອາຢະເລີ່ມໝັ້ນໃຈຫຼາຍຂຶ້ນແລະຕັ້ງໃຈຈະບໍ່ໃຫ້ອິນແກຣມຕ້ອງຜິດຫວັງ. ລັບຫຼັງອາຢະ ອິນແກຣມຍິ້ມເຢາະເຢີ້ຍກັບຕົນເອງວ່າມະນຸດນີ້ຖືກຕົວະໄດ້ງ່າຍແທ້ໆ.

ອີກດ້ານ໑ພວກອິຣຸມກໍ່ລັກເບິ່ງຄວາມຫວານຊື່ນຂອງບູລິທທ໌ກັບຄຸສຸຮະ. ຄຸສຸຮະຊ່ອຍພະຍາບານບູລິທທ໌ທີ່ຟົກຊ້ຳຈາກການເຝິກໜັກ ບັນຍາກາດຂອງ໒ຄົນເປັນໄປຢ່າງດີ. ທຸກຄົນເບິ່ງກໍ່ຮູ້ວ່າບູລິທທ໌ນັ້ນຫຼົງຮັກຄຸສຸຮະແນ່ນອນ ແຕ່ເມົາແຕ່ອຶ້ງຢູ່ຫັ້ນແຫຼະ. ໃນທີ່ສຸດບູລິທທ໌ກໍ່ຕົກເປັນເຫຍື່ອລາຍຫຼ້າສຸດຂອງ”ເຄື່ອງດື່ມຊີວະຈິດເພື່ອສຸຂະພາບປຸງພິເສດສູດໃໝ່”ຂອງຄຸສຸຮະ ໂດຍບໍ່ຮູ້ມາກ່ອນວ່າຄົນທີ່ດື່ມກ່ອນໜ້ານີ້ຕ່າງກໍ່ມີອັນເປັນໄປເກືອບທຸກຄົນ…

ໃນຫ້ອງປະຊຸມ ຣິວເຊຍ໌ໄດ້ຮູ້ຄວາມຈິງວ່າRທັງ໓ເຄື່ອງນັ້ນມີກົນໄກພິເສດສຳຫຼັບລວມຮ່າງກັນເປັນຊຸປເປີຣ໌ໂຣບອທໄດ້ ເຮັດໃຫ້ຣິວເຊຍ໌ຕື່ນເຕັ້ນຫຼາຍພ້ອມກັບຕັ້ງລະຫັດການລວມຮ່າງເອງເລີຍວ່າ”Variable Formation”.

ໄຣບໍ່ຄ່ອຍເຂົ້າໃຈ ເອັກເຊລເລນເລີຍອະທິບາຍແທນວ່າມັນເປັນບົດເວົ້າໃນເລື່ອງໂທລະທັດເກົ່າໆ ຄືໆກັບPileແມ່ນຫຍັງຈັກຢ່າງOn ຫຼືບໍ່ກໍ່Let’s Combແມ່ນຫຍັງປະມານນີ້ແຫຼະ.

(ເປັນມຸກລໍ້ມາຊິນກ້າZ ກັບຄອມແບຕຕຣ້າVນ່ະ)

ໄຣມິດໄປກ່ອນຕອບສັ້ນໆວ່າ”Nonsense”ເຮັໃຫ້ຣິວເຊຍ໌ຄຽດ. ແຕ່ກ່ອນທີ່ຈະມີມວຍຄູ່ພິເສດອາຢະເຂົ້າມາຫ້າມທັງ໒ຄົນໄວ້ດ້ວຍອາລົມດີສຸດໆ ຈົນທຸກຄົນສົງໄສວ່າອາຢະໄປພົບເລື່ອງຫຍັງດີໆມາເບາະຄືວ່າມ່ວນປິດປົກກະຕິແບບນີ້?

ເມື່ອແອໂຣເກເຕີຣ໌ບຸກ ອິນແກຣມຂໍເລື່ອນການອອກປະຕິບັດການຂອງທີມSRXແລະກຣຸນກັສຕ໌ນິຊິຄິຂອງຄຸສຸຮະເພື່ອກຽມລະບົບໃຫ້ພ້ອມ.

ຫຼັງຈາກພວກຄຽວສຸເກະແລະບູລິທທ໌ຈັດການກັບກອງກຳລັງຂອງແອໂຣເກເຕີຣ໌ໄດ້ຈຳນວນ໑ ຍານຮົບຟູ-ເຣຂອງແອໂຣເກເຕີຣ໌ປະກົດຕົວຂຶ້ນພ້ອມກັບຫຸ່ນຮົບຫຼຸ້ນໃໝ່, ພໍດີກັບອິນແກຣມພາທີມSRXທີ່ຕິດຕັ້ງອຸປະກອນເສີມແລ້ວຮຽບ໑໐໐ມາຮ່ວມຮົບໄດ້ທັນເວລາ.

ກາຕໍ່ສູ້ເປັນໄປຢ່າງລຳບາກຍ້ອນຈຳນວນທີ່ຕ່າງກກັນແລະຍານຮົບຂອງຂ້າເສິກທີ່ແຂງແກ່ນ. ອິນແກຣມສັ່ງໃຫ້ລູກທີມຂອງລາວເຮັດການລວມຮ່າງSRXໂດຍທີ່ຍັງບໍ່ເຄີຍໄດ້ເຝິກມາກ່ອນ ອິນແກຣມໃຫ້ພວກຣິວເຊຍ໌ຕັ້ງສະຕິໃຫ້ດີເພາະນີ້ແມ່ນເວລາທີ່ພວກລາວຈະນຳສິ່ງທີ່ເຝິກຝົນມາຕະຫຼອດ ມາໃຊ້ແລ້ວ.

ອາຢະທີ່ເຊື່ອໝັ້ນໃນໂຕຂອງອິແກຣມມາຕະຫຼອດຈຶ່ງເຮັດການແວຣິເອເບີ້ລ ຟໍຣ໌ເມຊັ່ນທັນທີ… ແຕ່ຜິດພາດ ພວກຂອງຣິວເຊຍ໌ສະເດັນໄປຄົນລະທິດລະທາງ ສ່ວນອາຢະໄດ້ຮັບບາດເຈັບເກືອບໝົດສະຕິ. ອິນແກຣມທີ່ເຝົ້າເບິ່ງທຸກຢ່າງມາແຕ່ຕົ້ນຫົວຂວັນອອກມາ ແລະບອກອາຢະວ່າ ຍາມໃດເຮັດບໍ່ສຳເລັດ ນາງກໍ່ຈະໝົດປະໂຫຍດແລ້ວ, R-GunທຳລາຍR-3ຈົນພິນາດ, ສ້າງຄວາມຕົກຕະລຶງກັບທຸກຄົນໃນທີ່ນັ້ນ ຊ້ຳບໍ່ໜຳ ອິນແກຣມຍັງເອີ້ນກອງທະຫານຂອງແອໂຣເກເຕີຣ໌ອອກມານຳອີກ. ຣິວເຊຍ໌ຖາມວ່າຂ້າອາຢະເຮັດຫຍັງ? ອິນແກຣມຕອບແບບເລືອດເຢັນວ່າອາຢະເປັນຕົວຢ່າງທົດລອງທີ່ຜິດພາດ ບໍ່ສົມຄວນເກັບໄວ້ອີກ.

ຄວາມຈິງປະກົດແລ້ວ ແທ້ແລ້ວອິນແກຣມກໍ່ແມ່ນສາຍລັບຂອງຊາວແອໂຣເກເຕີຣ໌ທີ່ຖືກສົ່ງມາເພື່ອເກັບຕົວຢ່າງການທົດລອງຂອງມະນຸດໂລກ ແມ່ນແຕ່ຣິວເຊຍ໌ເອງກໍ່ເປັນຕົວຢ່າງທົດລອງໝາຍເລກ໕໕ຂອງລາວເຊັ່ນກັນ.

ສ່ວນໄຣ, ອິນແກຣມບອກວ່າSRXຕ້ອງການຄົນທີ່ສາມາດໃຊ້ພະລັງຈິດໄດ້ທັງ໓ຄົນ ດັ່ງນັ້ນ ໄຣຈຶ່ງບໍ່ມີຄວາມຈຳເປັນຫຍັງກັບSRXເລີຍ. ໄຣຕອບກັບວ່າຍາມໃດທີ່ອິນແກຣມຍັງບໍ່ຖືກກຳຈັດ ລາວຈະບໍ່ເຊົາຂັບR-2ໂດຍເດັດຂາດ.

ຣິວເຊຍ໌ລະເບີດຄວາມແຄ້ນອອກມາເຕັມທີ່ ທັງທີ່ອາຢະແລະໄວ້ໃຈອິນແກຣມມາຕະຫຼອດແທ້ໆ ແຕ່ອິນແກຣມພັດຢຽບຍ່ຳອາຢະດັ່ງຂອງທີ່ບໍ່ຕ້ອງການ.

ອິນແກຣມ ພຣິສເກ້ນ!! ກູຈະບໍ່ໃຫ້ອະໄພມຶງຢ່າງເດັດຂາດ” ຣິວເຊຍ໌ໂດດເຂົ້າຫາອິນແກຣມຢ່າງບໍ່ລັງເລ ພ້ອມກັບອາວຸດໃໝ່”ກະບີ່T-Link”ເຂົ້າຕໍ່ສູ້ກັບR-Gunຂອງອິນແກຣມ.

(*ພະຍາຍາມລ້ອມR-Gunໄວ້ຢ່າໃຫ້ໜີໄປຮອດຍານແມ່ຝ່າຍສັດຕູ ແລ້ວທຳລາຍໃຫ້ໄດ້ກໍ່ຈະໄດ້R-Gunກັບມາໃຊ້ຕອນຈົບສາກ)

ແຕ່ອິນແກຣມກໍ່ໜີໄປໄດ້ດ້ວຍຄວາມຊ່ອຍເຫຼືອຂອງວິເລຕຕ້າ. ຊ້ຳຍັງພາຄຸສຸຮະແລະນິຊິຄິໄປເປັນຂອງຝາກອີກນຳ.

ທັງຣິວເຊຍ໌ແລະບູລິທທ໌ແຜດຮ້ອງດ້ວຍຄວາມເຈັບໃຈ ຈົນເກືອບຈະມີເລື່ອງກັນ. ຣິວເຊຍ໌ໂທດທີ່ບູລິທທ໌ວ່າຄວນຈະເຝົ້າດູແລຄຸສຸຮະແທ້ໆ, ແຕ່ບູລິທທ໌ສວນກັບວ່າຣິວເຊຍ໌ຕ່າງຫາກທີ່ຄຸສຸຮະຕ້ອງການມາຕະຫຼອດ ແລ້ວຣິວເຊຍ໌ເດ ເຄີຍຄິດວ່າຕົນເອງມີຄວາມໝາຍແນວໃດຕໍ່ຄຸສຸຮະແດ່ຫຼືບໍ່ ເປັນຫຍັງບໍ່ບອກໄປເລີຍວ່າຄິດແນວໃດກັບຄຸສຸຮະແດ່?

ເຈຍຣ໌ດ້າເຂົ້າມາຫ້າມທັງ໒ຄົນໄວ້ພ້ອມກັບເຕືອນໃຫ້ເກັບແຮງໄວ້ຊ່ອຍຄຸສຸຮະກັບມາດີກວ່າ.

ອີກດ້ານ໑ ໄດເທັຕສຶໄດ້ຮັບລາຍງານວ່າທັງR-GunແລະR-3ນັ້ນຖືກເກັບກູ້ຄືນມາໄດ້ດ້ວຍດີ, ສ່ວນອາຢະນັ້ນໄດ້ຮັບບາດເຈັບໜ້ອຍດຽວແຕ່ຄວາມກະທົບກະເທືອນທາງຈິດນັ້ນຮຸນແຮງຫຼາຍ.

ທາງດ້ານດວງດາວສີຂາວ ເນບິອິມ ເຊິ່ງເປັນຖານຂອງແອໂຣເກເຕີຣ໌. ອິນແກຣມໄດ້ຮັບຄຳຊົມຈາກເຣວີ່ເຖິງຜົນງານທີ່ເຮັດລົງໄປພ້ອມກັບນຳຕົວຢ່າງກັບມານຳອີກ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໙

ເຈົ້າຍິງໄຊນ໌ໄດ້ຮັບການຊ່ອຍເຫຼືອຈົນດີຂຶ້ນ ນາງເລົ່າວ່າຄວາມຮູ້ສຶກຄືກັບຫຼັບແລະຝັນວ່າຖືກຈັບໂຕໄປ ແລ້ວທ່ານໄຣດີ້ກໍ່ເປັນເຈົ້າຊາຍຂີ່ມ້າຂາວມາຊ່ອຍນາງໄວ້.

(*ຖ້າໃນສາກ໒໘ສາມາດເຮັດໃຫ້HPຂອງວາລຊິອອນທີ່ໄຊນ໌ຂັບຕ່ຳກວ່າ໑໐%ໄດ້ທັນພາຍໃນ໕ເທີຣ໌ນ ກໍ່ຈະໄດ້ວາລຊິອອນມາໃຊ້ນຳ)

ໄຣເອງກໍ່ຍິນດີທີ່ເຈົ້າຍິງໄຊນ໌ດີແລ້ວ ແຕ່ເມື່ອເຈົ້າຍິງໄຊນ໌ຈະຂໍໄປນຳ ໄຣພັດຫ້າມນາງໄວ້ກ່ອນຈະປອບໃຈວ່າເຈົ້າຍິງໄຊນ໌ໜ້າທີ່ໆສຳຄັນຂອງຕົນເອງຖ້າຢູ່ທີ່ປະເທດຂອງນາງ ສ່ວນພວກລາວກໍ່ມີໜ້າທີ່ປົກປ້ອງໂລກຖ້າຢູ່ທາງໜ້າ. ເຈົ້າຍິງໄຊນ໌ຈຶ່ງຂໍສັນຍາກັບໄຣວ່າເມື່ອໂລກສະຫງົບແລ້ວ ຕ້ອງແວ່ມາຫາທີ່ປະເທດຂອງນາງນຳເດີ້.

ອງແວ່ມາຫາທີ່ປະເທດຂອງນາງນຳເດີ້.

ທາງດ້ານEarth Cradleເອງກໍ່ຂໍສະຫງົບເສິກກັບທາງສະຫະພັນເນື່ອງຈາກໃນເວລານີ້ເປັນອິສະລະຈາກກອງທະຫານDCທີ່ຄວບຄຸມແລ້ວ. ໄດເທັຕສຶກັບເທັຕສຶຢະຍອມຮັບຂໍ້ສະເໜີເພາະເຫັນວ່າເວລານີ້Earth Cradleບໍ່ມີຫຍັງຕ້ອງເປັນຫ່ວງອີກຕໍ່ໄປ. (ແຕ່ໃນມື້ໜ້ານີ້ຕີ໋ ຄິດອອກບໍ່ວ່າເກີດຫຍັງຂຶ້ນໃນພາກAlpha Gaiden)

ແຕ່ທຸກຄົນກໍ່ດີໃຈໄດ້ບໍ່ດົນ ເມື່ອຈັກກົນຂອງແອໂຣເກເຕີຣ໌ບຸກມາທີ່ເມືອງຫຼວງ. ເຄື່ອງຈັກໃນຮ່າງມະນຸດປະກົດຕົວຂຶ້ນເປັນຄັ້ງທຳອິດຫຼັງຈາກທີ່ຜ່ານມາມີແຕ່ຮູບແບບຂອງສັດ.

ເມື່ອອິນແກຣມໄດ້ເຫັນເຄື່ອງຈັກກົນນັ້ນກໍ່ຮູ້ໂຕວ່າເວລາທີ່ຖ້າມາຮອດແລ້ວ. ລາວເຕືອນທຸກຄົນໃຫ້ກຽມຊອກບ່ອນລີ້ເພາະຝ່າຍກົງກັນຂ້າມຈະຍິງຂີປະນາວຸດMAPW. ໄດເທັຕສຶປະຫຼາດໃຈທີ່ອິນແກຣມສາມາດຄາດເດົາເຫດການໄດ້ຢ່າງຖືກຕ້ອງ ລູກທີມທຸກຄົນສາມາດໜີລອດມາໄດ້ຢ່າງປອດໄພກ່ອນMAPWຈະຖະຫຼົ່ມເມືອງຫຼວງຈົນພິນາດ.

ອີກດ້ານ໑ ເຣວີ່ຊື່ນຊົມໃນຄວາມສຳເລັດຂອງສາຍລັບທີ່ຖືກສົ່ງໄປທີ່ໂລກ… ວິເລຕຕ້ານັ້ນເອງ. ວິເລຕຕ້າເວົ້າຕໍ່ເຖິງສາຍລັບອີກຄົນ໑”ລາວ”ກຳລັງຈະກັບມາໃນອີກບໍ່ດົນນີ້.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໘

ດຣ.ໂຊເຟຍແຫ່ງEarth Cradleກັງວົນກ່ຽວກັບການຮົບຂັ້ນແຕກຫັກຂອງDCກັບສະຫະພັນ. ເປັນຫຍັງມະນຸດຕ້ອງສູ້ກັນເອງໃນເວລາທີ່ມະນຸດຕ່າງດາວກຳລັງຮຸກຮານມະນຸດແທ້ໆ ແມ່ນແຕ່ຢູ່ສະຖາບັນແຫ່ງນີ້ກໍ່ອາດຈະກາຍເປັນສະໜາມຮົບໄປນຳກໍ່ໄດ້. ເຊນກາຣ໌ປອບໃຈໂຊເຟຍແລະຮັບປະກັນວ່າEarth Cradleຈະຕ້ອງປອດໄພແນ່ນອນ.

ສ່ວນເທນຊັນກໍ່ໄດ້ນັກບິນຂອງ”ໂຕລະຄອນລັບທີ່ໃຊ້ສູດຮຽກມາ”(ວາລຊິອອນໄຄນັ້ນແຫຼະ)ທີ່ໜ້າຈະໃຫ້ມາຕັ້ງດົນແລ້ວ. ສ່ວນແອດເລີຫ໌ນຳວາລຊິອອນໄຄເຄື່ອງສຸດທ້າຍໄປພ້ອມກັບເຈົ້າຍິງໄຊນ໌ ແລະບອກກັບອິເກຣທວ່າຈະກັບມາໃນຖານະຜູ້ຄອງໂລກໜ່ວຍນີ້. ລັບຫຼັງ ອິເກຣທກໍ່ວາງແຜນການໄວ້ແລ້ວຮຽບ໑໐໐.

ທາງດ້ານຮາງາເນະກັບຮິຣິວໄຄກໍ່ຮີບມຸ້ງໜ້າມາທີ່ເມືອງຫຼວງຢ່າງໄວທີ່ສຸດ. ບູລິທທ໌ຢ້ານທີ່ຈະຕໍ່ສູ້ກັບເຊນກາຣ໌ໃນຖານະສັດຕູທັງທີ່ຄວນຈະໄດ້ຮ່ວມມືກັນແທ້ໆ ຄຸສຸຮະຈຶ່ງປອບໃຈບູລິທທ໌ວ່າເມື່ອລາວເຊື່ອໝັ້ນໃນໃຜຄົນ໑ ກໍ່ຄວນຈະເຊື່ອໃຈຄົນໆນັ້ນຈົນເຖິງວິນາທີສຸດທ້າຍ. (ຄຸສຸຮະ-ຈັງ ຄິດຜິດຄິດໃໝ່ໄດ້ເດີ້ ໂດຍສະເພາະກັບອິນແກຣມ)

ແຕ່ພວກລາວກໍ່ມາຊ້າແລ້ວ ເທນຊັນໃຊ້ວາລຊິອອນໄຄສັງຫານບັນດາຜູ້ມີອຳນາດທາງການເມືອງໄປຮຽບ໑໐໐ແລ້ວດ້ວຍການຍິງພຽງແຕ່ນັດດຽວເທົ່ານັ້ນ.

ຣິວເຊຍ໌ບອກໃຫ້ເທນຊັນຮີບລົງມາຈາກວາລຊິອອນໄຄສາ ແຕ່ເທນຊັນພັດຫົວຂັວນຢ່າງປ່ວງບ້າ ແລະປະກາດຈະຂ້າທຸກຄົນໃຫ້ເປັນເທສະການຫຼິ້ນເລືອດໃຫ້ໝົດ Keimຊິສເຕັມອອກລິດແລ້ວ. ຣິວເຊຍ໌ຂໍເປັນຜູ້ຢຸດຄວາມປ່ວງບ້າຂອງເທນຊັນເອງ.

ແອດເລີຫ໌ນຳມາຕາມຫຼັງແລະປ່ອຍຂອງເດັດນັ້ນແມ່ນ ວາລຊິອອນໄຄທີ່ໃຊ້ເຈົ້າຍິງໄຊນ໌ກັບລະບົບKeimຊິສເຕັມເຮັດໃຫ້ໄຣໂມໂຫຫຼາຍ. ອີນແກຣມວິເຄາະແລ້ວບອກໃຫ້ທຸກຄົນທຳລາຍລະບົບKeimຊິສເຕັມໃຫ້ທັນເວລາເພື່ອຊ່ອຍຊີວິດເຈົ້າຍິງໄຊນ໌. ໄຣແລະລາທູນີ່ຮ່ວມມືກັບທຸກຄົນເຂົ້າຊ່ອຍເຫຼືອເຈົ້າຍິງໄຊນ໌ຢ່າງລຳບາກ ເພາະການໂຈມຕີທີ່ຮ້າຍແຮງຂອງວາລຊິອອນໄຄເກືອບຈະບໍ່ເຄີຍພາດເລີຍ. ແຕ່ໄຣກໍ່ສາມາດຊ່ອຍເຫຼືອເຈົ້າຍິງໄຊນ໌ໄດ້ສຳເລັດ.

ຫຼັງຈາກນັ້ນລິລີ່ຜູ້ພັກດີຕໍ່ໄມເຢີຣ໌ສະເໝີມາກໍ່ຕັດສິນໃຈຍິງແອດເລີຫ໌ ເນື່ອງຈາກDCໃນເວລານີ້ບໍ່ແມ່ນDCທີ່ໄມເຢີຣ໌ແລະບິອັນຕັ້ງໃຈໃຫ້ເປັນອີກຕໍ່ໄປແລ້ວ, ແຕ່ນ້ຳນ້ອຍຍ່ອມບໍ່ແພ້ໄຟ ລິລີ່ເສຍຊີວິດເມື່ອຖືກໂຈມຕີກັບ ກ່ອນຕາຍນາງຫົວຂັວນດ້ວຍຄວາມຍິນດີທີ່ຈະໄດ້ພົບກັບໄມເຢີຣ໌ອີກຄັ້ງ ສ່ວນຍັງເຫຼືອເຊນກາຣ໌ຈະສືບທອດຕໍ່ເອງ…

ເຊນກາຣ໌ປະກົດຕົວພ້ອມກັບເຣຍ໌ຊິຄິແລະປະກາດວ່າໄມເຢີຣ໌ຝາກຝັງໃຫ້ລາວສະສາງຈຸດອ່ອນຂອງDCທີ່ຂັດຕໍ່ອຸດົມການຂອງຕົນແລະໃຊ້ອຳນາດຂອງDCເພື່ອຄວາມທະເຍີທະຍານສ່ວນຕົນ.

“ນາມຂອງຂ້າ ເຊນກາຣ໌ ໂຊນໂບລຕ໌, ຈອມກະບີ່ຜູ້ພິຊິດອະທຳ!!!!!!!!”

ສຽງຮ້ອງຂອງເຊນກາຣ໌ດັງໄປທົ່ວສະໝໍລະພູມ ສ້າງຄວາມຍິນດີໃຫ້ກັບບູລິທທ໌ທີ່ຍັງເຊື່ອໝັ້ນໃນຕົວເຊນກາຣ໌ຕະຫຼອດເວລາ.

ດ້ວຍຄວາມຊ່ອຍເຫຼືອຂອງເຊນກາຣ໌ ພວກລາວສາມາດຈັດການກັບວາລຊິອອນໄຄຂອງເທນຊັນໄດ້ສຳເລັດ ເທນຊັນຫົວແລະບອກວ່າເຖິງຈະຈົບເກມນີ້ກໍ່ບໍ່ເປັນຫຍັງ ເພາະວ່າຍັງຄອນທິນິວໄດ້ອີກເລື້ອຍໆ ກ່ອນຈະຕາຍ. ຣິວເຊຍ໌ເສຍໃຈທີ່ຊ່ອຍເທນຊັນໄວ້ບໍ່ໄດ້ ຄັ້ງ໑ລາວກໍ່ເຄີຍເປັນແບບເທນຊັນແທ້ໆ ແລະອາດຈະພົບຈຸດຈົບແບບເທນຊັນຖ້າຫາກວ່າບໍ່ໄດ້ພົບກັບພວກໄຣແລະອາຢະແລ້ວກໍ່…

ກົງກັນຂ້າມແອດເລີຫ໌ຖືກຖິ້ມໃຫ້ຕາຍຢ່າງດຽວດາຍເມື່ອທຸກຄົນສະລະຍານໜີໄປ ໄຮ້ທະຫານທີ່ຈົງຮັກພັກດີຕໍ່ຕົນເອງແມ່ນແຕ່ຄົນດຽວ ຕ່າງກັບໄມເຢີຣ໌ແລະບິອັນຜູ້ຈາກໄປໂດຍຖິ້ມຄວາມນັບຖືໃຫ້ກັບຜູ້ຈົງຮັກພັກດີທຸກຄົນ.

ເຊນກາຣ໌ເມື່ອເຫັນວ່າເຖິງເວລາລົ້ມສະຫຼາຍຂອງDCຢ່າງແທ້ຈິງແລ້ວ ຈຶ່ງຈາກໄປຢ່າງທໍລະນົງໂດຍໃຫ້ສັນຍາວ່າເມື່ອໃດກໍ່ຕາມທີ່ແອໂຣເກເຕີຣ໌ບຸກ ລາວຈະກັບມາຮ່ວມຮົບຄຽງບ່າຄຽງໄຫຼ່ທຸກຄົນອີກ.

ພາຍຫຼັງການສູນເສຍປະທານາທິບໍດີ, ຄຳສັ່ງຫ້າມໂຈມຕີແອໂຣເກເຕີຣ໌ກໍ່ໝົດໄປ. ຜູ້ບັນຊາການນໍຣ໌ແມນແລະເຣເຄີຣ໌ຈຶ່ງວາງແຜນໂຈມຕີເນບິອິມຫຼືດາວສີຂາວ ຊື່ຂອງແຜນການນີ້ໄດ້ແກ່…

“ໂອເປີເຣຊັ່ນ SRW”`

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໗

ແອດເລີຫ໌ສ້າງອາວຸດໃໝ່ທີ່ຮ້າຍແຮງໄດ້ສຳເລັດແລະສັ່ງໃຫ້ເທມເປສຕ໌ນຳອອກໄປໃຊ້ວຽກເພື່ອທົດສອບ ພ້ອມກັນນັ້ນກໍ່ໄດ້ສັ່ງໃຫ້ຮັນສ໌ໄປທຳລາຍເຮືອຮົບຮາງາເນະແລະຮິຣິວໄຄເພື່ອພິສູດຕົນເອງ.

ທາງດ້ານຮາງາເນະແລະຮິຣິວໄຄ ເມື່ອໄດ້ຮູ້ເຖິງແຜນການຂອງDCທີ່ເຊນກາຣ໌ຫຼູດປາກມາແລ້ວ, ພວກລາວກໍ່ຮີບມຸ້ງໜ້າໄປທີ່ເມືອງຫຼວງທັນທີ. ແນ່ນອນວ່າDCໄດ້ຖິ້ມກຳລັງດັກຖ້າໄວ້ກ່ອນແລ້ວ.

ທຸກຄົນຕົກຕະລຶງເມື່ອໄດ້ເຫັນວາລຊິອອນ ທີ່ເຄີຍເປັນຂອງບິອັນອີກຄັ້ງ ແຕ່ຄັ້ງນີ້ມັນເປັນສີຟ້າຂັບໂດຍເທມເປສຕ໌ທີ່ຍັງຈະປະກາດລ້າງແຄ້ນອີກຕາມເຄີຍ. ຣິວເນ່ໂມໂຫຫຼາຍທີ່ຜົນງານສຸດຮັກຂອງພໍ່ຖືກຮຽນແບບແລະອອກມາສູ່ສະໜາມຮົບພ້ອມກັບມາຊາຄີທັນທີ. ເທມເປສຈື່ຈິກັນສຄູໂດຂອງທາສຸຄຸໄດ້ ລາວບອກວ່າຈິກັນສຄູໂດນີ້ແຫຼະແມ່ນສາເຫດແຫ່ງການສູນເສຍເມື່ອ໑໖ປີກ່ອນ. ທາສຸຄຸຄິດອອກວ່າເຄີຍໄດ້ຍິນຄົນອື່ນເວົ້າເຖິງອະດີດທີ່ເສົ້າຂອງຈິກັນສຄູໂດ ແຕ່ລາວຈະຂໍໃຊ້ຈິກັນສຄູໂດນີ້ຕໍ່ໄປເພື່ອຊົດໃຊ້ອະດີດຂອງມັນກໍ່ແລ້ວກັນ.

ເມື່ອເທມເປສຕ໌ໄດ້ຮັບຄວາມເສຍຫາຍໄດ້ລະດັບ໑ ເທມເປສຕ໌ກໍ່ປ່ວງບ້າແລະຄິດແຕ່ເລື່ອງລ້າງແຄ້ນພຽງແຕ່ເລື່ອງດຽວ. ລາທູນີ່ຄິດອອກວ່ານາງເຄີຍຮູ້ຈັກລະບົບນີ້ ມັນແມ່ນKeimຊິສເຕັມ ລະບົບທີ່ເຮັດວຽກແບບMan-Machine Interface, ເຊິ່ງໃຊ້ເຊື່ອມຕໍ່ສະໝອງຂອງມະນຸດໃຫ້ຮັບການປະມວນຜົນຈາກຄອມພິວເຕີຣ໌ໂດຍກົງ ແຕ່ມັນກໍ່ສົງຜົນໃຫ້ຜູ້ໃຊ້ບໍ່ສາມາດຄວບຄຸມສະຕິຂອງຕົນເອງໄດ້ ແລະຄິດແຕ່ເລື່ອງທີ່ຕັ້ງໃຈໄວ້ໃນເວລານັ້ນແຕ່ພຽງຢ່າງດຽວ ສຳຫຼັບເທມເປສຕ໌ນັ້ນແມ່ນການລ້າງແຄ້ນ.

ຮັນສ໌ໄດ້ໂອກາດປະໂລອອກມາຈາກບ່ອນລີ້ພ້ອມກັບກອງທະຫານຂອງDCທີ່ດັກຖ້າຢູ່ກ່ອນແລ້ວ, ໄດເທັຕສຶຖາມເຫດຜົນຂອງຮັນສ໌ ຄຳຕອບກໍ່ແມ່ນສະຫະພັນໂລກນັ້ນອ່ອນແອເກີນກວ່າຈະຕໍ່ຕ້ານແອໂຣເກເຕີຣ໌ໄດ້ ຕ້ອງDCຕ່າງຫາກ ນັບຕັ້ງແຕ່ບິອັນຈາກໄປແລະDCເສື່ອມອຳນາດລົງ ກໍ່ໄດ້Earth Ceadleຄ້ຳຊູກຳລັງທີ່ຍັງເຫຼືອຢູ່ ໂດຍມີເປົ້າໝາຍໃນການຄັດເລືອກມະນຸດທີ່ມີຄ່າພຽງພໍໃຫ້ແຊ່ແຂງເກັບໄດ້ເພື່ອລໍຖ້າວັນທີ່ມະນຸດຕ່າງດາວຈະຖິ້ມໂລກນີ້ໄປ. ຮັນສ໌ເອງກໍ່ຕ້ອງການເປັນຜູ້ຖືກເລືອກນຳເຊັ່ນກັນ.

ຄຽວສຸເກະໃຊ້ໂອກາດນີ້ຊຳລະເລື່ອງທີ່ຄ້າງຄາລະຫວ່າງລາວກັບຮັນສ໌ດ້ວຍຄວາມຄຽດແຄ້ນທີ່ເກັບໄວ້ມາດົນນານ ອະສູນບ້າRampage Ghostແຜງລິດແລ້ວ. ຮັນສ໌ບໍ່ຢາກຈະເຊື່ອວ່າຈະຕ້ອງຕາຍແບບນີ້ ຈຶ່ງໄດ້ແຕ່ຫົວຂັວນຢ່າງປ່ວງບ້າກ່ອນເຮືອດຳນ້ຳຈະລະເບີດໄປ.

ສ່ວນເທມເປສຕ໌ນັ້ນແມ່ນວ່າວາລະສຸດທ້າຍກໍ່ຍັງຮ້ອງລ້າງແຄ້ນບໍ່ເລີກບໍ່ແລ້ວ. ລາທູນີ່ໄຫວ້ອາໄລໃຫ້ກັບພວກເຂົາກ່ອນຕາຍວ່າສົງຄາມຂອງເຈົ້າມັນຈົບລົງຕັ້ງແຕ່໑໖ປິກ່ອນແລ້ວ. ໃນທີ່ສຸດເທມເປສຕ໌ກໍ່ໄດ້ໄປພົບພັນລະຍາແລະລູກ.

ຫຼາຍຄົນກັງວົນກ່ຽວກັບວາລຊິອອນໄຄ ຍ້ອນເປັນໄປໄດ້ວ່າຍັງມີເຄື່ອງອື່ນໆເຫຼືອຢູ່ອີກ ແລະເຈົ້າຍິງໄຊນ໌ກໍ່ອາດຈະຖືກໃຊ້ເພື່ອໃຫ້ລະບົບKeimສົມບູນກໍ່ໄດ້.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໖

ອາຢະກັບຈາກຫ້ອງວິໄຈຂອງພໍ່ພ້ອມກັບR-3ແລະທ່າທາງກັງວົນໃຈຢ່າງຊັດເຈນ, ເພາະວ່າກ່ອນທີ່ຈະກັບມາ ອາຢະພົບວ່າຜູ້ທີ່ທົດລອງລະບົບT-Linkຄົນກ່ອນໆນັ້ນມີ ຢູຄິໂກະ ດາເຕະ ແມ່ຂອງຣິວເຊຍ໌ຢູ່ນຳ ແລະບາງທີອາການເຈັບຂອງຢູຄິໂກະອາດຈະມີສາເຫດຈາການທົດລອງກໍ່ໄດ້. ອາຢະພະຍາຍາມຍິ້ມເມື່ອຢູ່ຕໍ່ໜ້າຣິວເຊຍ໌ແລະໄຣເຖິງຈະບິດເບືອນຄວາມຈິງກໍ່ຕາມ.

ແຄທີນ່າຂໍອະນຸຍາດປົດລັອຄຂອງຮິເຄໄບນ໌008Lມາເຮັດວຽກ ແຕ່ຖືກປະຕິເສດ, ແຄທີນ່າຄຽດເພາະຄິດວ່າຕົນເອງດີພໍທີ່ຈະເປັນນັກບິນທົດສອບສຳຫຼັບເຄື່ອງຫຼຸ້ນຕົ້ນແບບແທ້ໆ, ເລີຍຝ່າຝືນຄຳສັ່ງໜີອອກໄປເພື່ອນຳພວກມາຊາຄິກັບຣິວເນ່ທີ່ອອກລາດຕະເວນກ່ອນໜ້ານີ້.

(*ເນື້ອເລື່ອງຂອງຄຽວສຸເກະ ແຄທີນ່າຈະເປັນຄູ່ກັດກັບຄຽວສຸເກະຕະຫຼອດ ຍ້ອນອິດສາຄຽວສຸເກະທີ່ໄດ້ຂັບພວກຫຼຸ້ນທົດລອງ ຫຼືບໍ່ກໍ່ແມ່ນຫຼຸ້ນທີ່ມີໂຕດຽວໃນໂລກສະເໝີ, ກໍ່ເລີຍເອົາເກສເພນສຕ໌ທີ່ຮັບຕໍ່ມື໒ຂອງຄຽວສຸເກະມາທາສີແດງເພື່ອໃຫ້ເປັນເຄື່ອງດຽວໃນໂລກສາເລີຍ)

ທາງດ້ານຣິວເນ່ກັບມາຊາຄິ ໄດ້ພົບກັບຊີເບລລະຫວ່າງລາດຕະເວນ. ຊີເບລເກັບຄວາມເຈັບໃຈທີ່ຖືກຢອກຫຼິ້ນເທື່ອກ່ອນຈຶ່ງເນັ້ນການໂຈມຕີໃສ່ຣິວເນ່. ແຄທີນ່າປະໂລມາຊ່ອຍຣິວເນ່ໄດ້ພໍດີໂດຍມີຣັຊເຊລນຳມາເພື່ອຄຸ້ມກັນຕາມເຄີຍ.

ທັງ໔ພະຍາຍາມເອົາໂຕລອດແບບຫອບຫືດກວ່າຍານບັນຊາການຈະມາຊ່ອຍພ້ອມກຳລັງເສີມ. ເລໂອນ່າຮ້ອງໃສ່ຊີເບລວ່າ DCທີ່ປາສະຈາກໄມເຢີຣ໌ແລະບິອັນ ກໍ່ບໍ່ຕ່າງຫຍັງກັບອົງການຊົ່ວຮ້າຍທີ່ຕ້ອງກຳຈັດອອກໄປ.

ແຕ່ທາງຊີເບລກໍ່ມີກຳລັງເສີມເຊັ່ນກັນ ກອງຍານຂອງລິລີ່ມາສົມທົບພ້ອມກັບບຸກຄົນທີ່ພວກຄຽວສຸເກະລຳບາກໃຈທີ່ຈະຮັບມືທີ່ສຸດ, ເຊນກາຣ໌ ໂຊນໂບລຕ໌ ອະດີດຜູ້ບັນຊາການຂອງພວກລາວ ພ້ອມກັບກຣຸນກັສຕ໌ເຣຍ໌ຊິຄິ(Type-0).

ບູລິທທ໌ຖາມເຊນກາຣ໌ວ່າຖ້າເປົ້າໝາຍຂອງເຊນກາຣ໌ແມ່ນການຕໍ່ສູ້ກັບແອໂຣເກເຕີຣ໌ ແລ້ວເປັນຫຍັງບໍ່ຮ່ວມມືກັນ? ເຊນກາຣ໌ປະຕິເສດແລ້ວຕັ້ງທີ່ຕໍ່ສູ້, ບູລິທທ໌ຈຶງຕອບໂຕ້ດ້ວຍຄວາມຄຽດວ່າຖ້າຫາກເຊນກາຣ໌ເລືອກເສັ້ນທາງນີ້ ລາວກໍ່ຈະຕໍ່ສູ້ກັບເຊນກາຣ໌ເອງ!

ຄຽວສຸເກະແລະບູລິທທ໌ຊ່ອຍກັນຈົນເຮັດໃຫ້ເຣຍ໌ຊິຄິເສຍຫາຍໜັກ ເຊນກາຣ໌ຖອນໂຕໄປໂດຍຖິ້ມທ້າຍວ່າ ລາວຈະຖ້າຢູ່ທີ່ເມືອງຫຼວງ(ຄືສິບໍ່ແມ່ນຫຼວງພະບາງເນາະ ^_^”) ເຊິ່ງກອງກຳລັງຂອງDCຈະໄປຮວມພົນບ່ອນນັ້ນເພື່ອສັງຫານຜູ້ນຳຂອງສະຫະພັນສາ. ສ່ວນຊີເບລຕາຍໃນການຮົບຄັ້ງນີ້ເອງ.

ຫຼັງຈາກທີ່ທຸກຄົນກັບຂຶ້ນຍານແລ້ວ, ຣັຊເຊລຕົບໜ້າແຄທີນ່າທ່າມກາງຄວາມຕົກໃຈຂອງແຄທີນ່າ(ແລະບັນດາຄົນທີ່ລັກເບິ່ງ) ທີ່ຢູ່ຊື່ໆຜູ້ມີຍົດຄວາມຢ້ານບໍ່ນ້ອຍໜ້າຣຽວໂຕະຈະກ້າເຮັດເຖິງຂະໜາດນີ້. ຣັຊເຊລບອກວ່າລາວນັ້ນພ້ອມຈະຢູ່ຄຽງຂ້າງເພື່ອປ້ອງກັນແຄທີນ່າສະເໝີ ຖ້າຫາກວ່າແຄທີນ່າບໍ່ຝ່າຝືນຄຳສັ່ງແລະອອກຮົບກັບຄົນອື່ນຢ່າງພ້ອມພຽງ ຍາມໃດທີ່ແຄທີນ່າເຮັດແບບນີ້ອີກ ລາວກໍ່ຈະເຕືອນສະຕິແຄທີນ່າອີກ. ແຄທີນ່າມິດໄປບຶດ໑ກ່ອນຈະຂໍໂທດສຳຫຼັບຄວາມໃຈຮ້ອນຂອງນາງ.

ສ່ວນບູລິທທ໌ຍັງຄົງເສຍຄວາມຮູ້ສຶກເມື່ອຄິດວ່າເຊນກາຣ໌ເລືອກເປັນສັດຕູກັບພວກລາວອີກ ແຕ່ເອັກເຊລເລນພັດຄິດວ່າ ຄົນຄຶເຊນກາຣ໌ມີບໍທີ່ຈະຫຼູດປາກບອກແຜນການຈູ່ໂຈມຄັ້ງຕໍ່ໄປຂອງຕົນເອງອອກມາໃຫ້ຂ້າເສິກຮູ້.

ອີກດ້ານ໑ ທີ່Earth Cradle ວິສະວະກອນເຊິ່ງເຮັດວຽກສ້ອມແປງເຣຍ໌ຊິຄິຖາມເຊນກາຣ໌ວ່າໃຜນໍ້ທີ່ເຮັດໃຫ້ເຣຍ໌ຊິຄິເສຍຫາຍໜັກໄດ້ຂະໜາດນີ້, ເຊນກາຣ໌ຕອບດ້ວຍຄວາມພູມໃຈວ່າ ອະດີດລູກທີມຂອງລາວເອງ ແລະນຶກໃນໃຈວ່າທຸກຄົນເຂັ້ມແຂງຂຶ້ນຫຼາຍແລ້ວ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໕

ເຣວີ່ ໂທເລີຣ໌ ຜູ້ນຳແຫ່ງແອໂຣເກເຕີຣ໌ ອອກອາກາດໄປທົ່ວໂລກ ພ້ອມກັບແຈ້ງຄວາມປະສົງທີ່ຈະຍຶດຄອງໂລກ ໂດຍໃຫ້ເວລາຊາວໂລກ໓໐ມື້ສຳຫຼັບຖ້າຄຳຕອບ. ສ້າງຄວາມຕຶງຄຽດກັບບັນດາຜູ້ມີອຳນາດທາງການເມືອງທົ່ວໂລກ ຈົນຕ້ອງຈັດກອງປະຊຸມໃຫຍ່ເພື່ອຕັດສິນໃຈແຜນການຮັບວິກິດລະດັບໂລກ ບໍ່ ມັນແມ່ນລະດັບຈັກກະວານຄັ້ງນີ້.

ຢ່າງໃດກໍ່ຕາມ ປະທານາທິບໍດີຂອງໂລກອອກຄຳສັ່ງໃຫ້ກອງກຳລັງທະຫານຫຼີກເວັ້ນການປະທະກັບແອໂຣເກເຕີຣ໌ຢ່າງເຖິງທີ່ສຸດ. ຈຶ່ງມີຄຳສັ່ງໃຫ້ຮາງາເນະແລະຮິຣິວໄຄຫ້າມຕໍ່ສູ້ກັບແອໂຣເກເຕີຣ໌ໂດຍເດັດຂາດ ບໍ່ສະນັ້ນຈະຕ້ອງຂຶ້ນສານທະຫານໃນຂໍ້ຫາຂັດຄຳສັ່ງ. ທັງຮາງາເນະແລະຮິຣິວໄຄຈະຕ້ອງກັບມາທີ່ເມືອງຫຼວງເພື່ອເຮັດການປ້ອງກັນຕະຫຼອດ໓໐ມື້ອັນຕະລາຍນີ້.

ໃນລະຫວ່າງທີ່ກຽມພ້ອມ ແຄທີນ່າຂໍເຂົ້າພົບອິນແກຣມເພື່ອຂໍອະນຸຍາດເປັນນັກບິນປະຈຳຂອງR-Gun ອິນແກຣມຕອບພຽງແຕ່ວ່າຈະຮັບໄວ້ພິຈາລະນາ. ເວລາຕໍ່ມາອິນແກຣມຈຶ່ງລົມກັບລາດາກ່ຽວກັບR-Gunວ່າ ເຖິງຈະເປັນຂອງທີ່ລາວສ້າງກໍ່ບໍ່ຈຳເປັນຕ້ອງເປັນລາວຄົນດຽວ.

ລາດາຈຶ່ງຊວນອິນແກຣມຫຼິ້ນໂຢຄະເພື່ອຜ່ອນຄາຍຄວາມຄຽດ ແຕ່ອິນແກຣມປະຕິເສດໄປຍ້ອນເຄີຍໄດ້ຍິນຄຳເລົ່າລືຈາກທຸກຄົນເທິງຮິຣິວໄຄກ່ຽວກັບທ່າຕ່າງໆທີ່ລາດາເຄີຍເຮັດມາແລ້ວ. ລາດາລົມວ່າແມ່ນແຕ່ວິເລຕຕ້າກໍ່ຍັງເຄີຍເຮັດເລີຍ ອິນແກຣມຈຶ່ງບອກວ່າແມ່ນຫຍັງທີ່ວິເລຕຕ້າເຮັດໄດ້ ລາວກໍ່ເຮັດໄດ້ດີກວ່າ. ຜົນກໍ່ແມ່ນ ອິນແກຣມເຈັບໜັກຍ້ອນດັດຕົນຜິດທີ່(ເວນ ເສຍມາດອີກແລ້ວ)

ແລ້ວຖານທັບໂລກກໍ່ຖືກຈູ່ໂຈມຈາກກອງກຳລັງDC ໂດຍທີ່ບໍ່ມີສັນຍານເຕືອນໄພເລີຍ. ຄວາມຈິງປະກົດເມື່ອ ຮັນສ໌(ອະດີດຜູ້ບັງຄັບບັນຊາຂອງຄຽວສຸເກະ)ລັກພາໂຕເຈົ້າຍິງໄຊນ໌ໜີອອກໄປ, ທີ່ແທ້ໄສ້ເສິກຂອງDCກໍ່ແມ່ນລາວນີ້ເອງ. ຮັນສ໌ບອກລາເຫຼົ່າຄົນຈ້າທີ່ຖືກຫຼອກລວງທຸກຄົນ ແລະດ້ວຍຂອງຂວັນອັນດີເລີດເຊັ່ນເຈົ້າຍິງໄຊນ໌ຈະເຮັດໃຫ້ລາວໄດ້ຮັບລາງວັນຢ່າງດີຈາກແອດເລີຫ໌ແນ່ນອນ. ໄຣໂມໂຫຫຼາຍຈົນເກືອບຈະໄລ່ນຳຮັນສ໌ໄປ ຮິວເຊຍ໌ເຖິງກັບເຕືອນວ່າບໍ່ຄືໄຣທີ່ໃຈເຢັນຄົນເກົ່າເລີຍ ເຮັດໃຫ້ໄຣສະຫງົບລົງໄປໜ້ອຍ໑.

ສ່ວນຄຽວສຸເກະອອກຄຳສັ່ງໃຫ້ທຸກຄົນປ້ອງກັນຖານແລະຂັບໄລ່ຂ້າເສິກໄປສາກ່ອນ ບັນຊາການຢ່າງເຍືອກເຢັນແບບບໍ່ໜ້າເຊື່ອ ມີແຕ່ເອັກເຊລເລນຄົນດຽວທີ່ຮູ້ວ່າ ຄຽວສຸເກາະນັ້ນໂມໂຫຈົນຢາກຂ້າຮັນສ໌ດ້ວຍມືຕົນເອງທີ່ສຸດໃນເວລານັ້ນຕ່າງຫາກ.

ຫຼັງຈາກຄວາມຫວຸ້ນວາຍສະຫງົບລົງ ອິຣຸມຮູ້ເປົ້າໝາຍຂອງຮັນສ໌ໃນການຂັດຂວາງແຜນພັດທະນາວິລດ໌ຣັບເຕີຣ໌ແລ້ວ, ຍ້ອນຖ້າຫາກວິລດ໌ຣັບເຕີຣ໌ປະສົບຄວາມສຳເລັດແລະໄດ້ຮັບອະນຸມັດການຜະລິດແລ້ວ ຄວາມໄດ້ປຽບຂອງAMທີ່DCມີຢູ່ຈະໝົດໄປ ເພາະAMທຸກຫຼຸ້ນຈະມີທັກສະຍະພາບໃນການບິນສູງກວ່າPT, ແຕ່ຍ້ອນການແຊກແຊງຂອງຮັນສ໌ ການທົດສອບລົ້ມເຫຼວ ຄວາມຮັບຜິດຊອບຕົກທີ່ຄຽວສຸເກະພຽງຜູ້ດຽວ ເຮັດໃຫ້ທາງສະຫະພັນລົ້ມໂຄງການວິລດ໌ຣັບເຕີຣ໌ ແລະຕ້ອງໃຊ້ກຳລັງຫຼັກເປັນເກສເພນສຕ໌ທີ່ຮົບໄດ້ສະເພາະເທິງພື້ນດິນແທນ.

ໃນຂະນະດຽວກັນ ຣຽວໂຕະກັບຣ໊ອບພະຍາຍາມຄົ້ນຂໍ້ມູນໃນຄອມພິວເຕີຣ໌ຂອງວາລຊິໂອເນ່ເພື່ອຫາເບາະແສຂອງຖານທີ່ໝັ້ນທີ່ຮັນສ໌ແລະDCໜ້າຈະໄປລີ້ເຊື່ອງໂຕໄດ້. ດ້ວຍຄວາມຊ່ອຍເຫຼືອຂອງຣິວເນ່ຈຶ່ງສາມາດປົດລະຫັດໄດ້ຈາກໜັ່ງສືທີ່ພໍ່ແລະນາງເຄີຍມັກອ່ານນຳກັນ.

ຂໍ້ມູນທີ່ຖືກປິດໄວ້ເປັນຈົດໝາຍທີ່ຖິ້ມໄວ້ໃຫ້ຣິວເນ່ ລາວຂໍໂທດທີ່ບໍ່ເຄີຍເປັນພໍ່ທີ່ດີຂອງຣິວເນ່ ແຕ່ຢ່າງນ້ອຍຂໍ້ມູນນີ້ໜ້າຈະຊ່ອຍເຫຼືອຣິວເນ່ໄດ້ໃນເວລາລຳບາກ. ຂໍ້ມູນນັ້ນບົ່ງບອກເຖິງສະຖານທີ່ຕ່າງໆທີ່ບິອັນເຄີຍຕິດຕໍ່ລະຫວ່າງທີ່ລວມກອງກຳລັງDC ມີສະຖານທີ່໑ເຊິ່ງຖືກຮຽກວ່າEarth Cradle ເຊິ່ງຖືກສ້າງຕັ້ງໂດຍອິເກຣທ ເຊິ່ງບ່ອນນີ້ມີຄວາມເປັນໄປໄດ້ສູງສຸດວ່າDCຕ້ອງໃຊ້ບ່ອນນັ້ນເປັນຖານທີ່ໝັ້ນແນ່ນອນ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໔

ທີ່ຈຸດນັດພົບຂອງຮາງາເນະແລະຮິຣິວໄຄ. ທຸກຄົນປະຫຼາດໃຈທີ່ພົບມາຊາຄິຖ້າຢູ່ພ້ອມກັບຮິຣິວໄຄ. ຫຼັງການທັກທາຍບໍ່ດົນ ກໍ່ກວດພົບສັນຍານເຄື່ອງຈັກຂອງDCເຂົ້າໃກ້ດ້ວຍຄວາມໄວສູງ ເມື່ອເຂົ້າສູ່ໄລຍະທີ່ສາມາດເບິ່ງເຫັນໄດ້ ທຸກຄົນກໍ່ຕ້ອງຕົກໃຈເມື່ອພົບກັນຫຸ່ນຍົນທີ່ເບິ່ງຄືໂຕກາຣ໌ຕູນຜູ້ຍິງແທ້ໆ ຜູ້ທີ່ຂັບມາແນະນຳຕົນເອງວ່ານີ້ແມ່ນ ວາລຊິໂອເນ່ ສ່ວນນາງແມ່ນ ຣິວເນ່ ໂຊລດາຣ໌ຄ ລູກສາວຂອງບິອັນ ໂຊລດາຣ໌ຄຜູ້ສ້າງຕັ້ງDCນັ້ນເອງ??? ເຖິງແມ່ນວ່າພໍ່ຂອງນາງບໍ່ຄ່ອຍຈະເປັນພໍ່ທີ່ດີປານໃດ ແຕ່ຣິວເນ່ກໍ່ຕ້ອງການຈະລ້າງແຄ້ນໃຫ້ໄດ້.

ມາຊາຄິຖາມວ່າຣິວເນ່ເປັນພວກຂອງDCຫຼືບໍ່? ຣິວເນ່ປະຕິເສດໄປຍ້ອນDCໃນເວລານີ້ບໍ່ແມ່ນDCທີ່ພໍ່ຂອງນາງຕັ້ງໃຈສ້າງຂຶ້ນມາ, ມາຊາຄິຊີ້ໄປທາງຫຼັງຣິວເນ່ພ້ອມກັບຖາມວ່າຊັ້ນພວກທີ່ນຳນາງມາມັນແມ່ນໃຜ?

ກອງກຳລັງໂຄໂລນີ່ທີ່ເຄີຍຮ່ວມກັບDC(ໂດຍຄວາມຕັ້ງໃຈຂອງໄມເຢີຣ໌ ພໍ່ຂອງໄຣ)ປະກົດຕົວຂຶ້ນ, ໂດຍມີຊີເບລເປັນຜູ້ນຳກອງຍານຮົບ ແລະມີເລໂອນ່າຢູ່ກອງຮົບນີ້ນຳ. ຣິວເນ່ດ່າກັບໄປວ່າDCໃນຕອນນີ້ມັນຊາດຊົ່ວທີ່ສຸດ DCທີ່ພໍ່ສ້າງຂຶ້ນມາຈະບໍ່ມີມື້ໃຊ້ວິທີທີ່ສົກກະປົກໂດຍການໃຊ້ແກ໊ສພິດສັງຫານຄົນໃນໂຄໂລນີ່ໂດຍເດັດຂາດ ນາງຈະຈັດການກກັບDCທີ່ເປິເປື້ອນນີ້ເອງ.

ເມື່ອເລໂອນ່າໄດ້ຟັງຄຳຂອງຣິວເນ່ກໍ່ຮູ້ສຶກເຈັບໃຈ ເພາະນາງເອງກໍ່ຍອມຮັບສິ່ງທີ່ກຳລັງເຮັດຢູ່ບໍ່ໄດ້ເຊັ່ນກັນ, ເລໂອນ່າບຸກດ່ຽວເຂົ້າມາພ້ອມຮ້ອງວ່ານີ້ຈະເປັນການຕໍ່ສູ້ຄັ້ງສຸດທ້າຍແລ້ວ!

ທາສຸຄຸຮູ້ສຶກໄດ້ວ່າເລໂອນ່າຄິດຈະຂ້າໂຕຕາຍໃນສະໜາມຮົບ ຈຶ່ງຄິດທີ່ຈະຊ່ອຍເຫຼືອເພາະຮູ້ວ່າເລໂອນ່າເອງກໍ່ບໍ່ຕ້ອງການຈະສູ້ເພື່ອDCໃນຕອນນີ້ເຊັ່ນກັນ.

(*ຖ້າໃຫ້ໄຣຫຼຶທາສຸຄຸເປັນຄົນທຳລາຍກາລິອອນຂອງເລໂອນ່າ ຈະໄດ້ກາລິອອນມາໃຊ້ເມື່ອຈົບສາກ)

ແລະທັງ໒ທີມກໍ່ໄດ້ຮ່ວມມືກັນຮົບເປັນຄັ້ງທຳອິດ ຜົນກໍ່ແມ່ນປະສົບຄວາມສຳເລັດຢ່າງງົດງາມ ຊີເບລຕ້ອງຖອຍໜີໄປຢ່າງຮາບຄາບ.

ເມື່ອບໍ່ມີຄົນມາຂວາງແລ້ວ ຣິວເນ່ກໍ່ກັບມາທ້າສູ້ກັບພວກມາຊາຄິຕໍ່, ມາຊາຄິບອກຣິວເນ່ວ່າ ບິອັນຍອມອຸທິດຊີວິດຂອງຕົນເອງ ເພື່ອເຝິກຝົນພວກລາວໃຫ້ເປັນກອງກຳລັງພິທັກໂລກນີ້ ແລະພິຊິດຣິວເນ່ລົງໄດ້ຢ່າງງ່າຍດາຍ. ຣິວເນ່ສາລະພາບຄວາມຈິງວ່າ ນາງບໍ່ຄິດວ່າເອົາຊະນະໜ່ວຍຮົບທີ່ສາມາດປາບພໍ່ໄດ້ຢູ່ແລ້ວ ແຕ່ຢາກຈະທົດສອບສີມືເລັກນ້ອຍເທົ່ານັ້ນແຫຼະວ່ານາງຄວນຈະຂໍຄວາມຮ່ວມມືນຳເພື່ອພິທັກໂລກນີ້ອີກແຮງ໑ຫຼືບໍ່.

ພາຍຫຼັງການຕໍ່ສູ້ ຄຽວສຸເກະຂໍເບິ່ງວິລດ໌ຣັບເຕີຣ໌ອີກເທື່ອ໑ ເຖິງແມ່ນວ່າອິຣຸມຈະເວົ້າປອບໃຈວ່າບໍ່ແມ່ນຄວາມຜິດຂອງຄຽວສຸເກະເລີຍກໍ່ຕາມ, ແຕ່ຄຽວສຸເກະກໍ່ຍັງຮູ້ສຶກຜິດຢູ່.

ສ່ວນເລໂອນ່າເມື່ອໄດ້ສະຕິແລ້ວກໍ່ຖາມທາສຸຄຸວ່າເປັນຫຍັງຈຶ່ງບໍ່ຂ້າລາວສາ. ທາສຸຄຸຕອບວ່າລາວພຽງແຕ່ທຳລາຍຫຸ່ນລ້າໆ ເລໂອນ່າລອດມາໄດ້ກໍ່ຍ້ອນດວງແຂງຕ່າງຫາກ ດັ່ງນັ້ນເລໂອນ່າບໍ່ຄວນຖິ້ມຊີວິດຂອງຕົນເອງທີ່ອົດສາລອດມາໄດ້ອີກເດີ້. ເລຟີນ່າຖືໂອກາດນີ້ຊວນເລໂອນ່າເຂົ້າຮ່ວມກອງກຳລັງເຊິ່ງໄມເຢີຣ໌ແລະບິອັນຝາກຝັງຄວາມຫວັງເອົາໄວ້ ເລໂອນ່າຈຶ່ງໃຊ້ໂອກາດທີ່໒ຂອງຊີວິດເລືອກທີ່ຈະຕໍ່ສູ້ຄຽງຂ້າງທຸກຄົນ ເທິງເສັນທາງທີ່ບິອັນແລະໄມເຢີຣ໌ຕ້ອງການ.

ຈາກນັ້ນໄຣໄດ້ລົມກັບເລໂອນ່າອີກຄັ້ງຫຼັງຈາກທີ່ຫ່າງເຫີນກັນໄປດົນ ໄຣຍັງບໍ່ຍົກໂທດໃຫ້ກັບເລື່ອງທີ່ເອລແຊມເຮັດລົງໄປ ແຕ່ເລໂອນ່າຖາມໄຣວ່າເຄີຍເຂົ້າໃຈຄວາມຮູ້ສຶກຂອງເອລແຊມແດ່ບໍ່? ຄວາມຈຳເປັນທີ່ຕ້ອງເສຍສະລະຄົນທີ່ຕົນຮັກທີ່ສຸດເພື່ອປົກປ້ອງຊີວິດຂອງຄົນອື່ນອີກນັບບໍ່ຖ້ວນ…

…ໃນຕອນນັ້ນ ມີຜູ້ກໍ່ການຮ້າຍບຸກເຂົ້າຍຶດທ່າເຮືອໃນໂຄໂລນີ່ເພື່ອຮຽກຮ້ອງໃນສິ່ງທີ່ຕ້ອງການ ພັນລະຍາຂອງເອລແຊມຖືກຈັບໄປເປັນໂຕປະກັນ ໃນເວລານັ້ນເອລແຊມຕັດສິນໃຈທຳລາຍທ່າເຮືອໄປພ້ອມກັນເພື່ອບໍ່ໃຫ້ຄວາມເສຍຫາຍແຜ່ກວ້າງອອກໄປ…

…ເຖິງແມ່ນວ່າເອລແຊມຈະບໍ່ສະແດງອອກ ແຕ່ເລໂອນ່າຮູ້ດີວ່າເອລແຊມນັ້ນເກັບຄວາມໂສກເສົ້າເປັນບາດແຜເລິກໄວ້ໃນໃຈຕະຫຼອດມາ. ນາງຈະບໍ່ໃຫ້ອະໄພໄຣທີ່ບໍ່ເຄີຍຮັບຮູ້ຄວາມເຈັບປວດຂອງອ້າຍແລະບໍ່ຍອມໃຫ້ອະໄພດ້ວຍຄວາມຄຽດເລີຍ.

ໄຣຈຶ່ງໄດ້ຄິດ ໃນຊ່ວງເວລາຂອງສົງຄາມDCໄຣຄິດຈະຢູ່ເໜືອພໍ່ແລະອ້າຍໃຫ້ໄດ້ ແຕ່ຫຼັງຈາກໄດ້ຮູ້ຄວາມຈິງກ່ຽວກັບເປົ້າໝາຍຂອງພໍ່ແລະບິອັນໃນການກໍ່ຕັ້ງDCແລ້ວ ລາວຈຶ່ງຮູ້ວ່າເຂົ້າໃຈຄວາມມຸ້ງໝັ້ນຂອງພໍ່ກັບອ້າຍຜິດໄປ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໓

ດວງດາວສີຂາວທີ່ບໍ່ຮູ້ທີ່ມາ ໄດ້ໂຄຈອນເຂົ້າໃກ້ຊັ້ນບັນຍາກາດຂອງໂລກເຂົ້າເທື່ອລະໜ້ອຍ. ຍານຮິຣິວໄຄເຊິ່ງປະຈຳຢູ່ໃນອາວະກາດຈຶ່ງໄດ້ຮັບມອບໝາຍໜ້າທີ່ໃຫ້ເຮັດວຽກກວດສອບໂດຍດ່ວນ. ເຖິງແມ່ນວ່າໃນເວລານີ້ຈະມີສະມາຊິກເຫຼືອພຽງແຕ່ ກັບຕັນເລຟີນ່າ, ຮອງກັບຕັນຈອຫ໌ນ, ແຄທີນ່າ, ຣັຊເຊລ, ທາສຸຄຸ ແລະລາດາ ກັບກຳລັງຮົບເລັກນ້ອຍເທົ່ານັ້ນ.

ເມື່ອຍານຮິຣິວໄຄເຂົ້າໃກ້ດາວສີຂາວ ກໍ່ພົບກກັບກອງລາດຕະເວນຂອງແອໂຣເກເຕີຣ໌ເປັນຝູງ ແລະຍັງຈະເຜີ້ມຈຳນວນນຳມາເລື້ອຍໆ, ແຄທີນ່າກໍ່ຍັງລຸຍດ່ຽວໂດຍບໍ່ຟັງຄຳຫ້າມຂອງຄົນອື່ນເລີຍ (ແຖມຍັງສັ່ງໃຫ້ຄົນອື່ນຖ້າຄຸ້ມກັນຕົນເອງອີກຕ່າງຫາກ ເຮັດນຳເຈ໊ເລີຍ)

ຂະນະທີ່ແອໂຣເກເຕີຣ໌ມີກອງໜູນມາເຜີ້ມຂຶ້ນເລື້ອຍໆ ຈັກກົນສີຟ້າເຂັ້ມກໍ່ປະກົດຕົວຂຶ້ນ ແກຣນຊັນຂອງຊູວ໌ນັ້ນເອງ?!? ຊູວ໌ສະເໜີໂຕເຂົ້າຊ່ອຍເຫຼືອຍານຮິຣິວໄຄ ໃນສະຖານະການແບບນີ້ຮິຣິວໄຄບໍ່ອາດຈະປະຕິເສດຄວາມຊ່ອຍເຫຼືອໄດ້ ເຖິງແມ່ນວ່າຈະບໍ່ຄ່ອຍຈະໄວ້ໃຈຊູວ໌ທີ່ເຄີຍກໍ່ຄວາມພິນາດທີ່ຂົ້ວໂລກໃຕ້ກໍ່ຕາມ. ແລະຜູ້ທີ່ນຳມາພາຍຫຼັງກໍ່ແມ່ນໄຊບັສເຕີຣ໌ ມາຊາຄິນັ້ນເອງ. ມາຊາຄິຖຽງກັບຊູວ໌ອີກຄັ້ງ ແຕ່ຊູວ໌ບອກໃຫ້ມາຊາຄິໃຫ້ເບິ່ງສະຖານະການດີໆ ສິ່ງທີ່ຄວນເຮັດໃນເວລານີ້ກໍ່ແມ່ນຊ່ອຍກັນຈັດການແອໂຣເກເຕີຣ໌ຕ່າງຫາກ ມາຊາຄິຍັງມີໂມໂຫເລັກນ້ອຍ ແຕ່ກໍ່ເຂົ້າໃຈຄວາມຈຳເປັນຈຶ່ງຍອມຮ່ວມມືກັບແກຣນຊັນ ຊ່ອຍຈັດການກອງທັບແອໂຣເກເຕີຣ໌ຈົນໝົດ.

ເລຟີນ່າສັ່ງຖອນກຳລັງໂດຍເດັດຂາດຂະໜາດທີ່ແຄທີນ່າຍັງຕ້ອງຍອມຖອຍ. ຊູວ໌ບອກມາຊາຄິກ່ອນຈະແຍກກັນວ່າໃຫ້ຮ່ວມມືກັບຮິຣິວໄຄ ສ່ວນໂຕລາວຈະຂໍວາງມືບໍ່ຫຍຸ້ງກ່ຽວກັບເລື່ອງໃດໆທັງສິ້ນຈັກໄລຍະ໑.

ເລຟີນ່າຂໍແຮງໃຫ້ມາຊາຄິໃຫ້ຊ່ອຍຮ່ວມມືກັບຮິຣິວໄຄໃນລະຫວ່າງທີ່ຈະໄປສົມທົບກັບຮາງາເນະ. ມາຊາຄິຍິນດີຢ່າງຍິ່ງທີ່ຈະໄດ້ພົບກັບຮາງາເນະອີກຄັ້ງຫຼັງຈາກທີ່ຜ່ານມາເຄິ່ງປີ…

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໒

ມື້ນີ້ເປັນມື້ພັກ ລູກທີມຫຼາຍຄົນຖືໂອກາດໄປພັກຜ່ອນ ເຈຍຣ໌ດ້າກັບກາຣ໌ເນັຕໄປທ່ຽວໃນເມືອງ ເຊັ່ນດຽວກັບລາທູນີ່ທີ່ຕ້ອງເຝົ້າອາລັກຂາເຈົ້າຍິງ… ດ້ວຍຊຸດແບບຕຸກກະຕາອີກຄັ້ງ. ສ່ວນຣິວເຊຍ໌ຖາມອິນແກຣມເລື່ອງຂໍອະນຸຍາດໃຫ້ຄຸສຸຮະອອກຈາກຕຳແໜ່ງຫຼັງຈາກທີ່ຈົບສົງຄາມDCແລ້ວ ແຕ່ອິນແກຣມຍັງປະຕິເສດໂດຍບອກວ່າຣິວເຊຍ໌ບໍ່ຈຳເປັນຕ້ອງຮູ້ເຫດຜົນ, ຈົນຣິວເຊຍ໌ຖາມຄືນຄືກັນກັບທີ່ປິດບັງເລື່ອງລະບົບT-Linkທີ່ອິນແກຣມຄິດວ່າຣິວເຊຍ໌ບໍ່ຈຳເປັນຕ້ອງຮູ້ແມ່ນບໍ່? ຫຼັງຈາກທີ່ຣິວເຊຍ໌ກັບໄປແລ້ວ ອິນແກຣມຄິດໃນໃຈວ່າຣິວເຊຍ໌ເລີ່ມສົງໄສແລ້ວ, ກ່ອນທີ່ຈະໄປພົບຄຸສຸຮະທີ່ຖືກສັ່ງໃຫ້ລັກເຝິກເບີຣ໌ນນິ່ງPTແບບລັບໆ.

ຢູ່ທີ່ຄ້າຍທະຫານ ໂຈນາທານກັບຣ໊ອບກວດກາກຣຸນກັສຕ໌ນິຊິຄິ(Type-2)ແລະR-2ໃຫ້ພ້ອມນຳໃຊ້ໄດ້ແທ້. ສ່ວນອາຢະກັບໄປທີ່ຫ້ອງແລັບຂອງພໍ່ເພື່ອທົດສອບລະບົບT-LinkສຳຫຼັບR-3.

ຣິວເຊຍ໌ກັບໄຣໄດ້ຮັບຄຳສັ່ງໃຫ້ອອກຮົບພ້ອມກັບນິຊິຄິເຊິ່ງຣິວເຊຍ໌ຕົກໃຈຫຼາຍທີ່ພົບວ່າ ນັກບິນຂອງນິຊິຄິກໍ່ແມ່ນຄຸສຸຮະນັ້ນເອງ!

ຣິວເຊຍ໌ໂມໂຫຫຼາຍ ບອກໃຫ້ຄຸສຸຮະຢຸດສາ ບໍ່ສະນັ້ນຄຸສຸຮະຈະຕ້ອງອອກຮົບແລະອາດຈະຂ້າຄົນຕາຍໄດ້, ແຕ່ຄຸສຸຮະພັດຕອບວ່ານາງຕັດສິນໃຈດ້ວຍຕົນເອງ, ໃນເວລານັ້ນເອງເຄື່ອງຈັກສີແດງທີ່ບໍ່ມີໃຜຮູ້ຈັກກໍ່ປະກົດຕົວຂຶ້ນພ້ອມຈູ່ໂຈມR-1ແບບລອງເຊີງ. ລາວແນະນຳຕົນເອງແມ່ນ ຄຽວສຸເກະ ນັນບຸ ຈາກຍານຮົບຮິຣິວໄຄ ສ່ວນຫຸ່ນທີ່ຂັບແມ່ນເກສເພນສຕ໌  ມາຣ໌ຄ3”ອັລໄທເຊນ”.

ຕິດຕາມມາດ້ວຍເຄື່ອງຈັກສີຂາວທີ່ບິນຕາມມາຕິດໆນັ້ນແມ່ນເກສເພນສຕ໌ມາຣ໌ຄ2ຫຼຸ້ນດັດແປງ”ໄວສ໌ຣິຕເຕີຣ໌” ສ່ວນຄົນຂັບກໍ່ແມ່ນເອັກເຊລເລນ ບຣາວນິ່ງ ເຊິ່ງມີນິໄສມັກເວົ້າແກມຢອກຢູ່ເລື້ອຍໆ, ນາງຢອກໄຣວ່າມື້ນີ້ຄູ່ນັດພົບຂອງໄຣແມ່ນນາງເອງ ແລ້ວຈຶ່ງຈັບຄູ່ສູ້ກັບR-2.

ສຸດທ້າຍແມ່ນບຣູ໊ຄລິນ ແຣັຄຟິລດ໌ ຄົນມັກເອີ້ນບູລິທທ໌(Bullet=ລູກກະສຸນ)ຜູ້ຂັບຮິວເຄໄບນ໌ມາຣ໌ຄ2 ເຊິ່ງໄດ້ຮັບຄຳສັ່ງໃຫ້ສູ້ກັບນິຊິຄິ.

ຢ່າງໃດກໍ່ຕາມ ຄຸສຸຮະບໍ່ສາມາດຕອບໂຕ້ບູລິທທ໌ໄດ້ ເນື່ອງຈາກນາງບໍ່ຕ້ອງການທຳຮ້າຍຄົນທີ່ບໍ່ແມ່ນສັດຕູ. ອິນແກຣມບອກວ່າຖ້າບໍ່ເຮັດນາງຈະຖືກຂ້າເອງ ແລ້ວຈຶ່ງສັ່ງໃຫ້ບູລິທທ໌ໂຈມຕີຕໍ່ ເຖິງຈະເກີດອຸບັດເຫດລະຫວ່າງເຝິກຊ້ອມແດ່ກໍ່ບໍ່ເປັນຫຍັງ. ບູລິທທ໌ຢຸດເບິ່ງຄຸສຸຮະອີກຄັ້ງ໑ກ່ອນຈະມອດເຄື່ອງຂອງຮິວເຄໄບນ໌ໂດຍອ້າງວ່າມໍເຕີຣ໌ເພຕ້ອງຢຸດເຮັດວຽກ.

ສ່ວນມວຍອີກຄູ່໑ກໍ່ກຳລັງດຸເດືອດ ຫຼັງຈາກທີ່ແລກໝັດແລະກະສຸນກັນໄປຈົນບວມທັງ໒ຄົນ. ຣິວເຊຍ໌ນັບຖືໃນຄວາມທົນຂອງອັລໄທເຊນ ສ່ວນຄຽວສຸເກະກໍ່ຊື່ນຊົມຄວາມຄ່ອງໂຕທີ່ສູງຫຼາຍຂອງR-1. ທັງ໒ຕັດສິນໃຈຈົບການຕໍ່ສູ້ຄັ້ງນີ້ດ້ວຍໄມ້ຕາຍຂອງຕົນເອງ. T-L-nk KnuckleຂອງR-1ມຸ້ງເຂົ້າໃສ່ອັລໄທເຊນຢ່າງແຮງ ສ່ວນອັລໄທເຊນສວນກັບດ້ວຍຂະບວນທ່າ”ຄິຣິຟຸດະ”(ໄພ່ຕາຍ)ຈົນຟຸບທັງ໒ຄົນ, ການເຝິກຊ້ອມຈົບລົງແລ້ວ. ສະມາຊິກຂອງທັງ໒ທີມ SRXແລະATXແນະນຳໂຕຕໍ່ກັນ ຣິວເຊຍ໌ຄິດອອກແລ້ວວ່າຄຽວສຸເກະກໍ່ແມ່ນຄົນທີ່ເຮັດວິລດ໌ຣັບເຕີຣ໌ເພນັ້ນເອງ. ຫຼັງຈາກນັ້ນທັງ໒ທີມກໍ່ໄດ້ມອບໝາຍໜ້າທີ່ໃຫ້ຮ່ວມມືກັນຕໍ່ຕ້ານການຮຸກຮານຂອງແອໂຣເກເຕີຣ໌ທີ່ໃກ້ຈະມາຮອດ… ຫຼືອາດຈະມາຮອດແລ້ວກໍ່ໄດ້.

(*ເມື່ອເຈຍຣ໌ດ້າກັບກາຣ໌ເນັຕກັບມາ ຈະເລົ່າໃຫ້ຟັງວ່າໄດ້ພົບກັບໂຣອາແລະເອມີ່ ເຊິ່ງເຄີຍເປັນໂຕລະຄອນOriginalໃນເກມລວມຮີໂຣ່ເກມອື່ນໆຂອງBanpretoນຳ)

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໑

໑ເດືອນຜ່ານໄປພາຍຫຼັງຈາກການຕໍ່ສູ້ຕັດສິນກັບບິອັນ. ຮາງາເນະໄດ້ມອບໝາຍໜ້າທີ່ໃໝ່ໃນການຕິດຕາມກອງກຳລັງທີ່ແຕກທັບຂອງDCທີ່ຍັງຄົງກໍ່ຄວາມບໍ່ສະຫງົບຕາມສ່ວນຕ່າງໆຂອງໂລກ.

ລະຫວ່າງທີ່ຣຽວໂຕະກັບຣິວເຊຍ໌ຈັບຄູ່ລາດຕະເວນນຳກັນ ຣຽວໂຕະຖາມຣິວເຊຍ໌ເລື່ອງທີ່ຖືກເລືອກຍ້ອນໄດ້ຊະນະເລີດຂອງເກມເບີຣ໌ນນິ່ງPT ແລະສົງໄສວ່າເປັນຫຍັງລາວກັບເທນຊັນຈຶ່ງຖືກເລືອກໂດຍDCແທນທີ່ຈະເປັນສະຫະພັນແບບຣິວເຊຍ໌ເນາະ? ເປັນໄປໄດ້ບໍ່ວ່າຈະມີສາຍລັບໃນສະຫະພັນທີ່ລັກສົ່ງຂໍ້ມູນການທົດສອບໄປໃຫ້DCໄດ້. ເມື່ອກັບມາຮອດຮາງາເນະ ພວກລາວໄດ້ຮັບສັນຍານຂໍຄວາມຊ່ອຍເຫຼືອຈາກປະເທດນ້ອຍໆທີ່ຖືກDCຮຸກຮານ.

ໜ່ວຍຮຸກຮານນຳໂດຍເທມເປສຕ໌ ຕ້ອງການເຂົ້າຍຶດຄອງປະເທດແຫ່ງນີ້ເພື່ອໃຊ້ເປັນຖານກຳລັງໃນການຟື້ນຟູDCຂຶ້ນມາໃໝ່ ແລະໃຫ້ເຈົ້າຍິງໄຊນ໌, ລາຊະທາຍາດຂອງປະເທດນີ້ເປັນໂຕປະກັນ. ແຕ່ວ່າເຈົ້າຍິງໄຊນ໌ພັດບໍ່ຢ້ານກົວເທມເປສຕ໌ເລີຍແມ່ນແຕ່ນ້ອຍ ແລະຍັງຮູ້ດີວ່າເປົ້າໝາຍທີ່ແທ້ຈິງຂອງDCນັ້ນມີຫຼາຍກວ່ານັ້ນ…

ຮາງາເນະມາເຖິງແລະໃຫ້ລູກທີມອອກປະຕິບັດການປ້ອງກັນພະລາຊະວັງ. ເທນຊັນປະກົດຕົວອອກມາພ້ອມກັບບອກວ່າຈະຄອນທິນິວຕໍ່ຈາກເກມໂອເວີຣ໌ຕອນເທື່ອກ່ອນ. ສ່ວນເທມເປສຕ໌ຍັງປະກາດລ້າງແຄ້ນຄືເກົ່າ. (ພວກນີ້ບໍ່ຮູ້ຈັກເບື່ອແດ່ຫວະ?)

ທຸກຄົນເຂົ້າປ້ອງກັນພະລາຊະວັງຢ່າງສຸດກຳລັງ ແລະສາມາດຂັບໄລ່ກອງກຳລັງDCໄປສຳເລັດ. ຫຼັງການຕໍ່ສູ້ທຸກຄົນເຂົ້າພົບເຈົ້າຍິງໄຊນ໌ ແລະໄດ້ຮັບຮູ້ຄວາມຈິງວ່າເປົ້າໝາຍທີ່ແທ້ຈິງຂອງການຮຸກຮານກໍ່ຄືພະລັງພິເສດທາງຈິດຂອງເຈົ້າຍິງໄຊນ໌ຕ່າງຫາກ.

ສະຖາບັນວິໄຈ”Earth Cradle” ແອດເລີຫ໌ລົມນຳອິເກຣທເລື່ອງຂອງການຂໍຄວາມຮ່ວມມືໃນການຟື້ນຟູອຳນາດຂອງຕົນ ແຕ່ຖືກປະຕິເສດເນື່ອງຈາກເມກັສຊິສເຕັມແລະແມຊຊີນເຊລລ໌ທີ່ວິໄຈຢູ່ຍັງບໍ່ສົມບູນຕ້ອງໃຊ້ເວລາອີກ໑ປີ. ແອດເລີຫ໌ຈຶ່ງຫວັງວ່າຈະໄດ້ໂຕເຈົ້າຍິງໄຊນ໌ມາເພື່ອໃຫ້ລະບົບKeimຊິສເຕັມສົມບູນສາກ່ອນ.

ທາງດ້ານຮາງາເນະ ຕັດສິນໃຈພາໂຕເຈົ້າຍິງໄປທີ່ຖານທີ່ໝັ້ນຂອງສະຫະພັນເພື່ອຄວາມປອດໄພ. ຂະນະທີ່ເຈົ້າຍິງຍ່າງທ່ຽວຮອບໆຍານຮາງາເນະກໍ່ໄດ້ພົບກັບໄຣ, ໄຣກຳລັງຕຶກຕອງເລື່ອງທີ່ເກີດກັບພໍ່(ໃນສາຍຄຽວສຸເກະ ໄມເຢີຣ໌ເສຍຊີວິດລະຫວ່າງຕໍ່ສູ້ກັບATXທີມ ເຊັ່ນດຽວກັບບິອັນ) ເມື່ອໄຣເນະນຳຕົນເອງກັບເຈົ້າຍິງ, ນາງທ້ວງເລື່ອງນາມສະກຸນຂອງໄຣ ແຕ່ໄຣຕອບກັບວ່າໂຕຂ້ອຍກໍ່ແມ່ນໂຕຂ້ອຍ ບໍ່ກ່ຽວກັນ, ສ້າງຄວາມປະທັບໃຈໃຫ້ເຈົ້າຍິງຈົນຮຽກໄຣວ່າ ທ່ານໄຣດີ້ຕັ້ງແຕ່ນັ້ນເປັນຕົ້ນມາ.

ແລະຜູ້ທີ່ໄດ້ຮັບໜ້າທີ່ເປັນຜູ້ຄຸ້ມກັນກໍ່ແມ່ນລາທູນີ່ ໂດຍມີຂໍ້ແລກປ່ຽນວ່າລາທູນີ່ຕ້ອງບໍ່ໃສ່ແວ່ນຕາແລະນຸ່ງເຄື່ອງໃຫ້ເຂົ້າເໝາະສົມກັບນາງ. ແນ່ນອນວ່າເປັນຊຸດທີ່ກາຣ໌ເນັຕເລືອກອີກແລ້ວ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໐

ໜ່ວຍຮາງາເນະຍັງຢູ່ເທິງເກາະຂອງDCຕໍ່ເພື່ອສ້ອມແປງຮາງາເນະ. ມາຊາຄິບອກລາທຸກຄົນເພື່ອນຳຫາຊູວ໌ທີ່ຫາຍໂຕໄປຫຼັງການຕາຍຂອງບິອັນ ລາວຈະໄລ່ນຳຊູວ໌ຈົນກວ່າຊູວ໌ຈະຊົດໃຊ້ໃນສິ່ງທີ່ເຮັດລົງໄປໄດ້. ເທັຕສຶຢະບອກວ່າ ພວກລາວຈະເກັບຂໍ້ມູນຂອງໄຊບັສເຕີຣ໌ໄວ້ ເພື່ອໃຫ້ເຣດາຣ໌ທຸກໂຕບົ່ງບອກວ່າມາຊາຄິເປັນພວກດຽວກັນ ເມື່ອໄດ້ພົບກັນໃໝ່ຈັກມື້໑.

ສ່ວນໄດເທັຕສຶເປີດສາເກບູຮານທີ່ລັກເກັບໄວ້ເພື່ອສະຫຼອງໄຊຊະນະ ແລະຊູຊີໃຫ້ເທັຕສຶຢະດື່ມນຳກັນ ເທັຕສຶຢະປະຕິເສດແຕ່ກໍ່ຕ້ອງຊີມໜ້ອຍ໑ຢ້ານເສຍສັດທາ.

ທາງນອກ ກາຣ໌ເນັຕກັບເຈຍຣ໌ດ້າອອກມາຊົມຈັນນຳກັນຢ່າງໂຣແມນຕິກ ທັງແນມໄປທາງເມເທໂອ໓ທີ່ຍັງກອງຢູ່ເທິງເກາະ. ແລະພົບກັບແອໂຣເກເຕີຣ໌ທີ່ບຸກມາກ່ອນຈະຮີບກັບໄປເຕືອນໄພທຸກຄົນທັນທີ.

ເອຍ໌ຕະຊອກຫາຜູ້ບັນຊາການທັງ໒ຂອງລາວຢ່າງຫວຸ້ນວາຍ ຈົນພົບກັບໄດເທັຕສຶແລະເທັຕສຶຢະທີ່ເມົາ… ໝົດສະພາບ. (ເມົາບໍ່ຂັບ ໃສວ່າສິຊີມໜ້ອຍດຽວ)

ເອຍ໌ຕະເລີຍຕ້ອງສັ່ງການແທນທ່າມກາງຄວາມສົງໄສຂອງທຸກຄົນວ່າເປັນຫຍັງຜູ້ບັນຊາການບໍ່ມາສັ່ງການເອງ. ເອຍ໌ຕະຕອບໄດ້ແຕ່ວ່າ ເລື່ອງມັນຍາວນ່ະ.

ລູກທີມທຸກຄົນເຂົ້າສູ້ກັບແອໂຣເກເຕີຣ໌ຈັນມີກຳລັງມາເສີມອີກກຸ່ມ໑ ທັນໃດນັ້ນ ໄຊບັສເຕີຣ໌ກໍ່ບິນກັບມາຈາກຂອບຟ້າທີ່ແສນໄກເພື່ອຊ່ອຍທຸກຄົນກ່ອນຈະຈາກໄປດັ່ງສາຍລົມ.

ທຸກຄົນລາສົ່ງມາຊາຄິດ້ວຍຄວາມຊື່ນຊົມກ່ອນຈະກັບໄປທີ່ຮາງາເນະທີ່ຕອນນີ້ພ້ອມຈະເດີນທາງໄປຈາກເກາະແຫ່ງນີ້ ຖິ້ມໄວ້ພຽງແຕ່ຄວາມຊົງຈຳຂອງການຕໍ່ສູ້ທີ່ທຸກຄົນບໍ່ມີວັນລືມ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໙

ບິອັນອອກຄຳສັ່ງໃຫ້ທຸກຄົນໃນໜ່ວຍລາສຕ໌ ແບຕເຕີຣ່ຽນສະລະຖານໃຫ້ໝົດ, ເພາະວາລຊິອອນກັບແກຣນຊັນຈະອອກປະຕິບັດການເອງ.

ເມື່ອປະເຊີນໜ້າກັນ ທຸກຄົນໃນທີມຮາງາເນະຕ່າງກໍ່ມີຄຳຖາມຕໍ່ບິອັນ, ເປັນຫຍັງຈຶ່ງບໍ່ຮ່ວມມືກັບພວກລາວຖ້າເປົ້າໝາຍຂອງບິອັນແມ່ນການປົກປ້ອງໂລກຈາກແອໂຣເກເຕີຣ໌? ສ່ວນມາຊາຄິຮ້ອງບອກຊູວ໌ວ່າຈະບໍ່ຍົກໂທດໃຫ້ກັບສິ່ງທີ່ເຮັດລົງໄປທີ່ຂົ້ວໂລກໃຕ້ໂດຍເດັດຂາດ, ແຕ່ຊູວ໌ພັດຕອບວ່າລາວ”ຊ່ອຍ”ປົກປ້ອງໂລກນີ້ໄວ້ຕ່າງຫາກ.

ບິອັນເປີດເຜີຍຄວາມຈິງຂອງການເຈລະຈາສັນຕິພາບໃນຄັ້ງນັ້ນວ່າ ເປົ້າໝາຍແທ້ໆຂອງການເຈລະຈາກໍ່ແມ່ນ ການຂໍຍອມແພ້ແລະຍົກໂລກໃຫ້ແອໂຣເກເຕີຣ໌ເຂົ້າຄອບຄອງ, ລາວຈຶ່ງຕ້ອງທຳລາຍທຸກຢ່າງເພື່ອປົກປ້ອງໂລກເອົາໄວ້. ບິອັນພະຍາຍາມມາຫຼາຍປີເພື່ອໃຫ້ສະຫະພັນວາງໂຄງການທີ່ຈະຕໍ່ຕ້ານແອໂຣເກເຕີຣ໌, ແຕ່ບໍ່ເປັນຜົນ, DCຈຶ່ງກຳເນີດຂື້ນເພື່ອສ້າງກອງກຳລັງທີ່ແຂງແກ່ນພໍທີ່ຈະພິຊິດແອໂຣເກເຕີຣ໌ໄດ້. ສາເຫດທີ່ແຮ່ໂທຣນ່ຽມຢູ່ໃນກຳມືຂອງສະຫະພັນນັ້ນກໍ່ເພາະບິອັນຖິ້ມໄວ້ໃຫ້ລະຫວ່າງທີ່ຄິດສ້າງອາວຸດຕໍ່ຕ້ານແອໂຣເກເຕີຣ໌ເຊັ່ນAMລະPT. ຢ່າງໃດກໍ່ຕາມສິ່ງທີ່ເຮັດລົງໄປທຸກຊີວິດຕ້ອງເສຍໄປກໍ່ບໍ່ອາດຈະຍົກໂທດໃຫ້ໄດ້ ທີມຮາງາເນະຈຶ່ງຕັດສິນໃຈຈັດການກັບບິອັນສາ. ບິອັນຊົມຣຽວໂຕະວ່າຕັດສິນໃຈເຮັດໃນສິ່ງທີ່ຖືກແລ້ວ ຣຽວໂຕະຮູ້ສຶກປະຫຼາດໃຈທີ່ບິອັນຈື່ລາວໄດ້ເຖິງວ່າຈະເປັນແຕ່ທະຫານຊັ້ນປາຍແຖວກໍ່ຕາມ. ສ່ວນມາຊາຄິກັບຣິວເຊຍ໌ຖືກຕຳໜິເລື່ອງທີ່ອ່ອນຕໍ່ໂລກຈົນບໍ່ອາດຈະເຂົ້າໃຈວັດຖຸປະສົງໃນການກໍ່ສົງຄາມໄດ້.

(*ໃຊ້ເອນີຈີ່ເທຄເກີຣ໌ຍິງໃສ່ເພື່ອຕັດENກ່ອນ ບໍ່ໃຫ້ເປີດບາເຣຍໄດ້ ຈາກນັນຖະຫຼົ່ມຍິງຢ່າໃຫ້ຟື້ນພະລັງທັນ)

ດ້ວຍຄວາມຮ່ວມແຮງຮ່ວມໃຈຂອງທຸກຄົນ ວາລຊິອອນທີ່ແສນໂຫດຮ້າຍກໍ່ຖືກພິຊິດລົງໄດ້ ແລ້ວທຸກຄົນກໍ່ເຂົ້າໃຈສາເຫດທີ່ບິອັນບໍ່ທຳລາຍພວກລາວຖິ້ມ ກໍ່ເພື່ອເຝິກຝົນທຸກຄົນໃຫ້ເຕີບໃຫຍ່ກາຍເປັນໜ່ວຍຮົບທີ່ສາມາດຮັບມືກັບແອໂຣເກເຕີຣ໌ໄດ້ ນີ້ແມ່ນສິ່ງທີ່ບິອັນແລະໄມເຢີຣ໌(ພໍ່ຂອງໄຣ)ຫວັງມາຕະຫຼອດ. ສົງຄາມແມ່ນວ່າຈະນຳມາເຊິ່ງຄວາມສູນເສຍແຕ່ກໍ່ເຮັດໃຫ້ເກີດຄວາມແຂງແກ່ນແລະການພັດທະນາຂອງວັດທະນະທຳ.

ຄຳສັ່ງເສຍສຸດທ້າຍທີ່ບິອັນໃຫ້ໄວ້ກໍ່ແມ່ນ ຄຳຂໍໂທດຕໍ່ຣິວເນ່ ລູກສາວຂອງລາວທີ່ບໍ່ເຄີຍເຮັດໜ້າທີ່ຂອງພໍ່ທີ່ດີໃຫ້ໄດ້ເລີຍ. ມາຊາຄິຮັບຝາກຂໍ້ຄວາມນີ້ກ່ອນທີ່ວາລຊິອອນຈະລະເບີດໄປພ້ອມກັບຊີວິດທີ່ສິ້ນສຸດ ຂອງວິລະບຸລຸດຜູ້ຍອມເປັນສັດຕູກັບຄົນທັງໂລກເພື່ອປົກປ້ອງໂລກຜູ້ນີ້ເອງ…

ທາງດ້ານນອກສູນບັນຊາການ ແຮງລະເບີດທີ່ຮຸນແຮງແຈ້ງໃຫ້ທຸກຄົນໄດ້ຮູ້ເຖິງການຈາກໄປຂອງຜູ້ນຳDC. ແອດເລີຫ໌ຖືໂອກາດນີ້ຍົກຕົນເອງຂຶ້ນເປັນຜູ້ນຳສູງສຸດແທນ ແລະສັ່ງໃຫ້ກອງກຳລັງDCທີ່ເຫຼືອເຊື່ອຟັງຕົນເອງ. ແຕ່ເອລແຊມພັດອອກຄຳສັ່ງໃຫ້ສະມາຊິກທຸກຄົນໃນໜ່ວຍຖອນກຳລັງໄປສາ ທຸກສິ່ງທຸກຢ່າງມັນຈົບແລ້ວ…

ເມື່ອປາສະຈາກຖານທີ່ໝັ້ນຫຼັກແລະຜູ້ນຳທີ່ເຄົາລົບ DCທີ່ຢູ່ຕາມສ່ວນຕ່າງໆຂອງໂລກກໍ່ແຕກທັບກະແຈກກະຈາຍອອກໄປ. ກອງກຳລັງສັກສິດແຫ່ງເຫຼົ່າເທບກໍ່ເຖິງຄາວອາວະສານໄປດ້ວຍປະການນີ້ເອງ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໘

ໃນທີ່ສຸດຮາງາເນະກໍ່ມາຮອດເກາະDCຈົນໄດ້. ແຜນການຈູ່ໂຈມທີ່ວາງໄວ້ກໍ່ແມ່ນ ນຳເຮືອຮາງາເນະເຂົ້າໄປໃຫ້ໃກ້ເປົ້າໝາຍທີ່ສຸດແລ້ວໃຊ້ອາວຸດລັບທີ່ຮ້າຍແຮງທີ່ສຸດ ໂທຣນ່ຽມບັສເຕີຣ໌ແຄນນ່ອນ, ເຂົ້າທຳລາຍສູນບັນການDC ໂດຍຫວັງວ່າຈະສາມາດສັງຫານບິອັນໄດ້ກ່ອນຕັ້ງໂຕ.

ຣ໊ອບອະທິບາຍກ່ຽວກັບແຮ່ໂທຣນ່ຽມວ່າ ເປັນໂລຫະທີ່ສະກັດມາຈາກເມເທໂອ໓ເຊິ່ງມາຈາກນອກໂລກຕົກລົງມາທີ່ເກາະ ເຊິ່ງປະຈຸບັນນັ້ນກໍ່ແມ່ນເກາະDCນີ້ເອງ. ພ້ອມເຕືອນວ່າ ເຖິງແມ່ນວ່າແຮ່ໂທຣນ່ຽມຈະສ້າງພະລັງໄດ້ຢ່າງມະຫາສານ ແຕ່ມັນກໍ່ບໍ່ທຸ່ນທ່ຽງ ໃນກໍລະນີທີ່ຮ້າຍທີ່ສຸດ ມັນຈະທຳລາຍທຸກສິ່ງທຸກຢ່າງແມ່ນແຕ່ຮາງາເນະເອງ.

ຣິວເຊຍ໌ສົງໄສວ່າເປັນຫຍັງບິອັນຈຶ່ງບໍ່ຄອບຄອງໂທຣນ່ຽມທີ່ຊົງພະລັງງານຂະໜາດນັ້ນໄວ້ໃນມືຕົນເອງ? ຣ໊ອບອະທິບາຍເຜີ້ມເຕີມວ່າ ມີແຮ່ໂທຣນ່ຽມ໖ສ່ວນທີ່ສະກັດອອກມາໄດ້, ບິອັນເກັບໄວ້ແຕ່ສ່ວນດຽວ ແລະເຫຼືອ໕ສ່ວນຖືກສົ່ງມາໃຫ້ສະຫະພັນ. ຣ໊ອບເອງກໍ່ສົງໄສຄືກັນວ່າເປັນຫຍັງບິອັນທີ່ຄິດຈະເຮັດສົງຄາມກັບສະຫະພັນຈຶ່ງບໍ່ເກັບໄວ້ເອງທັງໝົດ?

ເມື່ອທັງໝົດເຂົ້າສູ່ບໍລິເວນເກາະDCແລ້ວ ກໍ່ເຮັດຕາມແຜນການທີ່ວາງໄວ້, ແອດເລີຫ໌ກຽມກຳລັງຮົບເຕັມທີ່ພ້ອມອາວຸດລັບ. ເທນຊັນເບິ່ງຄືຕື່ນເຕັ້ນຫຼາຍກັບສາກສຸດທ້າຍໃສເກມຂອງລາວ(ແຕ່ບໍ່ແມ່ນສາກສຸດທ້າຍຂອງຜູ້ຫຼິ້ນເກມນີ້ດອກ). ໂທມັສສົງໄສວ່າເປັນຫຍັງແກຣນຊັນກັບວາລຊິອອນຈຶ່ງບໍ່ອອກມາຮົບນຳ. ແລະເອລແຊມກໍ່ເຮັດໃຫ້ທຸກຄົນຕົກຕະລຶງດ້ວຍເຮືອຮົບຊັ້ນດຽວກັບຮາງາເນະ, ຊື່ຂອງມັນແມ່ນຄຸໂຣງາເນະ.

ທຸກຄົນພະຍາຍາມຕ້ານທານກຳລັງຂ້າເສິກເພື່ອປ້ອງກັນເຮືອຮົບຂອງພວກລາວເຕັມທີ່ ຈົນຮາງາເນະເຂົ້າເຖິງພິກັດທີ່ຕັ້ງໄວ້ກໍ່ລອຍໂຕຂຶ້ນຈາກນ້ຳເພື່ອທຳການຍິງປືນໃຫຍ່ໂທຣນ່ຽມທັນທີ. ແຕ່ຖືກຂັດຂວາງໂດຍເອລແຊມທີ່ສ່ຽງຕາຍຂັບຄຸໂຣງາເນະເຂົ້າປະທະກັບທາງໜ້າຂອງຮາງາເນະຈົນເສຍຫາຍໜັກ, ແຜນການໃຊ້ປືນໃຫຍ່ໂທຣນ່ຽມຖືກທຳລາຍ ໜຳຊ້ຳຄວາມເສຍຫາຍຈາກການປະທະຍັງເຮັດໃຫ້ຮາງາເນະບໍ່ສາມາດລອຍໂຕຂຶ້ນໄດ້ ໄດເທັຕສຶຈຶ່ງສັ່ງໃຫ້PTທຸກໂຕບຸກເຂົ້າໄປໃນສູນບັນຊາການຂອງDCແລ້ວທຸ້ມເທທຸກສິ່ງທຸກຢ່າງທີ່ມີຢູ່ຈັດການກັບບິອັນໃຫ້ໄດ້ໃນລະຫວ່າງທີ່ພວກລາວພະຍາຍາມຖ່ວງກຳລັງໄດ້ຢູ່ບ່ອນນີ້.

(*ແນ່ນອນວ່າສາມາດເກັບກວາດພວກສັດຕູທຸກໂຕໃຫ້ໝົດສາກກ່ອນກກໍ່ໄດ້ເດີ້)

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໗

(*ກ່ອນຈະເຂົ້າສາກນີ້ໃຫ້ຍ້າຍວິລດ໌ຣັບເຕີຣ໌ໃຫ້ຄົນອື່ນທີ່ບໍ່ແມ່ນຣິວເຊຍ໌ຂັບກ່ອນ)

ຜົນການວິໄຈວິທະຍາການຂອງDCກໍ່ເປັນໄປໄດ້ດີ ຣ໊ອບສາມາດປະດິດເທສລ່າໄດຣຟ໌ທີ່ເຮັດໃຫ້PTສາມາດບິນໄດ້ຄືກັບAMຂອງDCໄດ້ສຳເລັດ.

ຣິວເຊຍ໌ຂໍຮ້ອງຣ໊ອບເລື່ອງR-1 ເນື່ອງຈາກການຮົບທີ່ຜ່ານມາເຫັນໄດ້ແຈ້ງວ່າພວກລາວຕ້ອງການກຳລັງຮົບເຜີ້ມ, ແຕ່ຣ໊ອບປະຕິເສດໄປພ້ອມເຕືອນວ່າ ຖ້າຣິວເຊຍ໌ໃຊ້ລະບົບT-Linkໃນສະພາບນີ້ແລ້ວ ຣິວເຊຍ໌ຈະຕາຍເອງ. ອິນແກຣມພິຈາລະນາແລ້ວອະນຸຍາດໃຫ້ຣິວເຊຍ໌ທົດລອງເຮັດຕາມໃຈມັກ ເພື່ອທີ່ຈະກະຕຸ້ນໃຫ້ຣິວເຊຍ໌ເຜີ້ມຄວາມສາມາດຂອງຕົນເອງ.

ສັດຕູທີ່ຖ້າພວກລາວຢູ່ທາງໜ້າກໍ່ແມ່ນກອງກຳລັງພິເສດ ລາສຕ໌ ແບຕເຕີຣ່ຽນຂອງເອລແຊມນັ້ນເອງ. ໄດເທັຕສຶສັ່ງໃຫ້ເດີນທັບມຸ້ງໜ້າຝ່າວົງລ້ອມໄປໃຫ້ໄວທີ່ສຸດ.

ລະຫວ່າງການຕໍ່ສູ້ໄຣໄດ້ປະເຊີນໜ້າກັບອ້າຍຂອງຕົນເອງອີກຄັ້ງ ແລະສາເຫດແຫ່ງຄວາມຂັດແຍ່ງກໍ່ໄດ້ເຜີຍອອກມາ. ຫຼາຍປີກ່ອນໃນຕອນທີ່ຜູ້ກໍ່ການຮ້າຍບຸກເຂົ້າມາໃນໂຄໂລນີ່ນັ້ນ ເອລແຊມມີເຫດຈຳເປັນຕ້ອງຂ້າພັນລະຍາຕົນເອງເພື່ອປ້ອງກັນຄວາມເສຍຫາຍທີ່ຈະເກີດຕໍ່ໂຄໂລນີ່, ໄຣບໍ່ສາມາດທຳໃຈຍອມຮັບຄວາມເລືອດເຢັນທີ່ຂ້າໄດ້ແມ່ນແຕ່ຄົນທີ່ຕົນເອງຮັກ ຈຶ່ງຖອນໂຕອອກມາ. ເອລແຊມໂມໂຫຈົນເສຍຄວາມເຍືອກເຢັນໄປເລັກນ້ອຍເມື່ອຖືກຈິບ່ອນແຜເກົ່າ.

ເມື່ອຮາງາເນະເຂົ້າໃກ້ເສັ້ນເຂດແດນທີ່ເປັນເປົ້າໝາຍໂດຍມີໜ່ວຍຮົບຂອງຕົນເອງຖ້າສະກັດ ລາສຕ໌ ແບຕເຕີຣ່ຽນນັ້ນ. ເທມເປສຕ໌ທີ່ດັກຖ້າຢູ່ກໍ່ປະກົດຕົວພ້ອມກັບສະແດງຄວາມຕັ້ງໃຈທີ່ຈະແກ້ແຄ້ນໃຫ້ກັບພັນລະຍາແລະລູກເຊິ່ງເສຍຊີວິດໄປເພາະການຮົບກັບຜູ້ກໍ່ການຮ້າຍ ສະຫະພັນຕ້ອງຮັບຜິດຊອບ, ພ້ອມກັບໂຈມຕີໃສ່ຮາງາເນະຈົນເສຍຫາຍໜັກ.

ໃນຊ່ວງເວລາທີ່ຄັບຂັນນັ້ນເອງ ຣິວເຊຍ໌ກໍ່ສາມາດເດີນເຄື່ອງR-1ໄດ້ສຳເລັດ ພ້ອມກັບອອກມາຂັດຂວາງການໂຈມຕີຂອງເທມເປສຕ໌ ພ້ອມຕອບໂຕ້ກັບດ້ວຍຄວາມຮູ້ສຶກທີ່ຕ້ອງຕໍ່ສູ້ເພື່ອປົກປ້ອງ ບໍ່ແມ່ນເພື່ອຄວາມແຄ້ນຈົນຮາງາເນະສາມາດຂ້າມເສັ້ນເຂດແດນໄດ້ສຳເລັດ. ເອລແຊມຖອນໂຕໄປພ້ອມກັບບອກວ່າພົບກັນໃໝ່ທີ່ເກາະDC ທີ່ເຊິ່ງການຕໍ່ສູ້ຄັ້ງສຸດທ້າຍຈະເກີດຂຶ້ນ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໖

ຣຽວໂຕະຖືກສືບສວນຂໍ້ມູນຂອງDCແຕ່ບໍ່ຄືບໜ້າປານໃດ ເພາະຣຽວໂຕະເປັນພຽງແຕ່ປະຊາຊົນທີ່ຖືກDCເກນມາເທົ່ານັ້ນ. ພໍດີກັບຣ໊ອບພົບລະເບີດທີ່ຖືກເຊື່ອງໄວ້ໃນຫຸ່ນຂອງຣຽວໂຕະແລະເກືອບເອົາຊີວິດບໍ່ລອດ. ເມື່ອຣຽວໂຕະຮູ້ຄວາມຈິງວ່າຕົນເອງຖືກສັ່ງໃຫ້ຮົບພຽງແຕ່ເພື່ອໃຫ້ເປັນລະເບີດພີຊີບເທົ່ານັ້ນກໍ່ສັບສົນຈົນຕັດສິນໃຈບໍ່ຖືກ. ເທັຕສຶຢະຖາມວ່າຍັງຄິດຈະກັບໄປDCອີກຫຼືບໍ່ ທັງໃຫ້ເວລາກັບຣຽວໂຕະ. ສ່ວນຣິໂອະໄດ້ຕຳແໜ່ງໃໝ່ເປັນນັກບິນໂດຍຖາວອນ ຈົນເອຍ໌ຕະຈົ່ມວ່າ ວຽກໜັກຂຶ້ນແບບນີ້ຕ້ອງຂໍຂຶ້ນເງິນເດືອນແລ້ວບໍ້.

ຮາງາເນະຖືກໂຈມຕີຈາກໄລຍະໄກດ້ວຍສີມືຂອງໂທມັສແລະເທນຊັນ ເຊິ່ງເທື່ອນີ້ນຳລົດຖັງຂະໜາດຍັກ”ໄຣໂນເຊຣັສ”ທີ່ຫາກໍ່ປະດິດແລ້ວເປັນຄັ້ງທຳອິດມາເສີມກຳລັງຮົບອີກດ້ວຍ. ແຮງລະເບີດເຮັດໃຫ້ປະຕູຫ້ອງທີ່ຂັງຣຽວໂຕະນັ້ນເປີດອອກ, ຣຽວໂຕະໄດ້ໂອກາດໜີໄປ ແຕ່ລາວຈະໜີໄປໃສໄດ້???

ຣຽວໂຕະຂັບລິອອນFເຄື່ອງເກົ່າອອກມານອກຮາງາເນະ. ໂທມັສອອກຄຳສັ່ງໃຫ້ຣຽວໂຕະກັບຫາແຕ່ໂດຍດີ. ຣຽວໂຕະຕອບຫຍັງບໍ່ທັນໄດ້ ຈົນຣິໂອະຕ້ອງຮ້ອງໃສ່ໃຫ້ເວົ້າສິ່ງທີ່ຕົນເອງຕ້ອງການອອກໄປດັງໆເລີຍ! ຣຽວໂຕະຈຶ່ງຕັດສິນໃຈລວມຄວາມກ້າຂອງຕົນເອງຕອບກັບໄປວ່າ ລາວຈະບໍ່ກັບໄປທີ່DCແລະຈະຕໍ່ສູ້ຮ່ວມກັບພວກຣິໂອະ!

ໂທມັສຫົວຂວັນຣຽວໂຕະວ່າກ້າຂະໜາດສຳຫຼັບພວກຂີ້ຢ້ານ ເຖິງວ່າຣຽວໂຕະຈະກັບໄປDCກໍ່ຍັງຖືກລົງໂທດຢູ່ຫັ້ນແຫຼະ. ຣຽວໂຕະໂມໂຫແລະລຸກຂຶ້ນສູ້ກັບໂທມັສ ເຊັ່ນດຽວກກັບຣິໂອະແລະຣິວເຊຍ໌ທີ່ຮັບບໍ່ໄດ້ກັບພວກນິໄສບໍ່ດີຄືໂທມັສແລະເທນຊັນ. ທຸກຄົນຮ່ວມມືກັນຊ່ອຍຣຽວໂຕະຕໍ່ສູ້ຈົນເຮັດໃຫ້ເທນຊັນກັບໂທມັສຖອຍກັບໄປໄດ້ສຳເລັດ.

ແຕ່ສິ່ງທີ່ທຸກຄົນບໍ່ຄາດຄິດກໍ່ເກີດຂຶ້ນ ເມື່ອແກຣນຊັນ, ຊູວ໌ ຊິຣາຄາວ່າ ປະກົດຕົວຂຶ້ນ. ລາວບອກວ່າ ຕອນນີ້ຂ້ອຍສົນໃຈຮາງາເນະກໍ່ເລີຍແວະມາຢາມກ່ອນທີ່ຈະທຳລາຍໃຫ້ສິ້ນຊາກ. ແນ່ນອນວ່າມາຊາຄິເລັ່ງເຂົ້າມາຫາຊູວ໌ດ້ວຍຄວາມແຄ້ນໃນອະດີດເຊັ່ນເຄີຍ. ຢ່າງໃດກໍ່ຕາມ ໄດເທັຕສຶສັ່ງໃຫ້ຖອນກຳລັງສ້າງຄວາມສົງໄສໃຫ້ເທັຕສຶຢະທີ່ຄິດວ່າໄດເທັຕສຶໜ້າຈະຢາກລ້າງແຄ້ນໃຫ້ເຮືອຊິໂຣງາເນະທີ່ຖືກແກຣນຊັນທຳລາຍໄປທີ່ຂົ້ວໂລກໃຕ້. ໄດເທັຕສຶຕອບວ່າ ໜ້າທີ່ຫຼັກຂອງເຮົາໃນເວລານີ້ກໍ່ແມ່ນໄປທີ່DCເພື່ອປາບບິອັນ ໂຊລດາຣ໌ຄ, ຖ້າຫາກແກຣນຊັນຄິດຈະທຳລາຍຮາງາເນະແທ້ໆ ຄືສິບໍ່ມີແຕ່ເວົ້າໃຫ້ເສຍເວລາແບບບີ້ ແຕ່ຄືສິຍິງຖະຫຼົ່ມແບບຊິໂຣງາເນະໄປດົນແລ້ວ.

ໃນກາຮົບຄັ້ງນີ້ ຣິວເຊຍ໌ບອກວ່າເທື່ອນີ້ລາວບໍ່ຢ້ານແກຣນຊັນອີກແລ້ວ. ສ່ວນຊູວ໌ກໍ່ຍັງຢອກມາຊາຄິຕາມເຄີຍ ກ່ອນຈະຖາມອິນແກຣມວ່າເບິ່ງທີ່ທາງອິນແກຣມຈະຮູ້ເລື່ອງຂອງວິທະຍາການEOTດີເຫຼືອເກີນ ຮູ້ຫຼາຍກວ່າບິອັນຫຼືແມ່ນແຕ່ໂຕຊູວ໌ເອງສາອີກ ແຕ່ອິນແກຣມບໍ່ຕອບຫຍັງ.

(*ເຖິງວ່າຕ້ອງໜີຕາມເນື້ອເລື່ອງ ແຕ່ເຮົາສາມາດຈັດການແກຣນຊັນກໍ່ໄດ້)

ຫຼັງຈາກນັ້ນ ໄດເທັຕສຶສັ່ງເລັ່ງເຄື່ອງເຕັມທີ່ ເພື່ອໄປທີ່ເປົ້າໝາຍໃຫ້ໄວທີ່ສຸດ. ສ່ວນຣຽວໂຕະຕັດສິນໃຈວ່າຈະບໍ່ກັບໄປDCແລະພ້ອມຈະສູ້ຮ່ວມກັບໝູ່ທຸກໆຄົນ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໖

ແອດເລີຫ໌ໂມໂຫ(ອີກແລ້ວ)ເລື່ອງທີ່ຮາງາເນະເຂົ້າໃກ້ເກາະທີ່ໝັ້ນຂອງDCເລື້ອຍໆ ແຖມບິອັນຍັງເຮັດເປັນບໍ່ຮ້ອນເນື້ອຮ້ອນຕົວຢູ່ອີກ ຈຶ່ງຕັດສິນໃຈເພິ່ງ”ໝໍນັ້ນ”.

ໃນເວລານັ້ນ ອາຢະເຂົ້າທົດລອງລະບົບT-Linkກັບຣ໊ອບແຕ່ເກີດຜິດພາດຈົນໝົດສະຕິໄປ, ພໍດີກັບສັດຕູບຸກມາ ນຳໂດຍໂທມັສ ຕິດຕາມດ້ວຍໜ່ວຍຮົບຍ່ອຍທີ່ມີຣຽວໂຕະຢູ່ນຳ. ຣຽວໂຕະຖາມດ້ວຍຄວາມບໍ່ໝັ້ນໃຈວ່າ ພວກເຮົາມີແຕ່ທໍ່ນີ້ຈະສູ້ກັບຮາງາເນະໄຫວຢູ່ຫວາ? ແຕ່ຖືກໂທມັສດ່າກັບວ່າຢ່າຂີ້ຢ້ານແລ້ວໄປຈັດການກັບຮາງາເນະໄວໆ ສ່ວນຂ້ອຍສິຖ້າເບິ່ງຜົນງານຢູ່ບ່ອນນີ້ແຫຼະ. ຣຽວໂຕະລັກຈົ່ມວ່າເຖົ້ານີ້ປ່ອຍເຮົາໄປຕາຍແທ້ໆ ແຕ່ກໍ່ບໍ່ສາມາດຂັດຄຳສັ່ງໄດ້.

ຣິໂອະຕັດສິນໃຈເກສເພນສຕ໌ຂອງອາຢະແທນໃນລະຫວ່າງທີ່ອາຢະຍັງບໍ່ໄດ້ສະຕິ. ເຮັດໃຫ້ເອຍ໌ຕະ ໂອເປີເຣເຕີຣ໌ອີກຄົນ໑ວິນຫົວເພາະບໍ່ເຄີຍຮັບໜ້າທີ່ດ່ຽວໆມາກ່ອນ.

ສ່ວນຣຽວໂຕະຍັງຄົງຢ້ານຢູ່ ໂທມັສຈຶ່ງສັ່ງໃຫ້ຣຽວໂຕະໄປຈັດການກັບລູກທີມຂອງຮາງາເນະໃຫ້ໄດ້ຈັກຄົນ ກ່ອນຈະຍຸໃຫ້ເຂົ້າໄປສູ້ກັບຣິໂອະ ຖ້າເຮັດໄດ້ຈະໃຫ້ຢຸດພັກ. ຣຽວໂຕະຈຶ່ງເນັ້ນການຈູ່ໂຈມແຕ່ຣິໂອະພຽງເປົ້າໝາຍດຽວ.

ການຮົບດຳເນີນໄປຈົນໂທມັສຖອນໂຕກັບ ແຕ່ເຄື່ອງຍົນຂອງຣຽວໂຕະພັດຢຸດເຮັດວຽກກະທັນຫັນ ເຮັດໃຫ້ຣຽວໂຕະຈົມລົງທະເລ. ອິນແກຣມຂໍໃຫ້ເກັບຫຸ່ນAMໂຕນັ້ນມາເພື່ອສຶກສາຂໍ້ມູນ ຣຽວໂຕະຈຶ່ງໄດ້ຮັບການຊ່ອຍເຫຼືອແລະກາຍເປັນສະເລີຍເສິກຂອງຮາງາເນະ.

ໂດຍບໍ່ມີໃຜຄິດເລີຍວ່າມັນແມ່ນກັບດັກ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໔

ເທນຊັນບໍ່ພໍໃຈເລື່ອງທີ່ບິອັນບໍ່ຈັດການຮາງາເນະເມື່ອມີໂອກາດແລະອິດສາທີ່ມີຫຸ່ນສຸດຍອດຄືວາລຊິອອນ. ແອດເລີຫ໌ຈຶ່ງມອບຫຸ່ນຫຼຸ້ນໃໝ່ທີ່ມີປະສິດທິພາບດ້ານການຍິງສູງໃຫ້ເທນຊັນໄປຈັດການກັບຮາງາເນະດ້ວຍຕົນເອງ.

ຫຼັງຈາກນັ້ນແອດເລີຫ໌ໄດ້ພົບກັບDr.ອີເກຣທ ທັງ໒ລົມກັນ, ແອດເລີຫ໌ບອກວ່າໃນເວລາແບບນີ້ຕ້ອງເຮັດທຸກຢ່າງທີ່ຈຳເປັນເພື່ອຄວາມປອດໄພ ບາງເທື່ອອາດຈະໄດ້ເປີດ”ສຄູລ”ແຫ່ງທີ່໒ກໍ່ໄດ້.

ໃນເຮືອຮາງາເນະ ຣິວເຊຍ໌ຮູ້ສຶກວ່າຍັງຄວບຄຸມການບິນຂອງວິລດ໌ຣັບເຕີຣ໌ຍັງບໍ່ຄ່ອງເລີຍ ຈຶ່ງໄປຂໍໃຫ້ລາທູນີ່ຊ່ອຍຖ່າຍໂປຣແກຣມສະໜັບສະໜູນການບິນໃຫ້ແດ່ ແຕ່ລາທູນີ່ພັດຍ່າງໜີໄປເສີຍເລີຍ, ຣິວເຊຍ໌ຜິດຫວັງແລະສົງໄສວ່າເປັນຫຍັງລາທູນີ່ບໍ່ຄ່ອຍລົມນຳໃຜເລີຍນໍ້.

ເວລາຕໍ່ມາ ໜ່ວຍຂອງເທນຊັນໄດ້ມາຮອດພ້ອມກັບAMຫຼຸ້ນໃໝ່”ບາເຣລິອອນ” ເຊິ່ງມີທັງຄວາມສາມາດໃນການບິນແລະຍິງທີ່ສູງຫຼາຍ. ຕ່າງກັບທາງຮາງາເນະທີ່ກຳລັງຮົບສ່ວນໃຫຍ່ຕ້ອງດຳນ້ຳເຂົ້າມາ, ຣິວເຊຍ໌ພະຍາຍາມເຂົ້າຕໍ່ສູ້ດ້ວຍວິລດ໌ຣັບເຕີຣ໌ເທົ່າທີ່ຈະເຮັດໄດ້ ແຕ່ກໍ່ຍັງເສຍປຽບເທນຊັນຢູ່. ລາທູນີ່ຕັດສິນໃຈໂລດຂໍ້ມູນການບິນໃຫ້ຣິວເຊຍ໌ ເຮັດໃຫ້ລະບົບການບິນຂອງວິລດ໌ຣັບເຕີຣ໌ດີຂຶ້ນຢ່າງເຫັນໄດ້ແຈ້ງ.

ເທນຊັນຈຶ່ງທັກວ່າ ລາທູນີ່ຄືສິແມ່ນເດັກນ້ອຍທີ່ຈົບມາຈາກ”ສະຄູລ”ແມ່ນບໍ່. ເຮັດໃຫ້ເຈຍຣ໌ດ້າແລະກາຣ໌ເນັຕໂມໂຫຫຼາຍທີ່ເທນຊັນຮື້ຟື້ນເລື່ອງອະດີດທີ່ແສນເຈັບປວດຂອງລາທູນີ່. ຣິວເຊຍ໌ຈຶ່ງສັ່ງສອນເທນຊັນດ້ວຍການບິນແບບໃໝ່ຂອງວິລດ໌ຣັບເຕີຣ໌ທີ່ໄດ້ມາຈົນເທນຊັນຕ້ອງພ່າຍແພ້ກັບໄປ.

ຫຼັງຈາກນັ້ນຣິວເຊຍ໌ຈຶ່ງໄດ້ຮູ້ຄວາມຈິງຈາກກາຣ໌ເນັຕແລະເຈຍຣ໌ດ້າວ່າ “ສຄູລ”ກໍ່ແມ່ນໂຮງຮຽນສອນການເປັນນັກບິນທີ່ເຝິກຝົນເດັກນ້ອຍໃຫ້ຮັບຟັງຄຳສັ່ງໂດຍຫ້າມຂັດຂືນແລະບໍ່ໃຫ້ຄວາມສຳຄັນກັບນັກຮຽນໃນຖານະມະນຸດເລີຍ. ລາທູນີ່ຈົບຈາກໂຮງຮຽນນັ້ນແຕ່ຊັງຊ່ວງເວລາທີ່ຕ້ອງທົນຢູ່ບ່ອນຫັ້ນຫຼາຍຈົນກາຍເປັນຄົນທີ່ເກັບໂຕຄືທີ່ເປັນຢູ່ຕອນນີ້, ແຕ່ວ່າຫຼັງຈາກທີ່ໄດ້ພົບກັບຣິວເຊຍ໌ແລ້ວຮູ້ສຶກວ່າລາທູນີ່ຈະຂ້ອນຂ້າງເປີດໃຈຫຼາຍຂຶ້ນເລື້ອຍໆແລ້ວແຫຼະ, ຈັກມື້ລາທູນີ່ຈະຕ້ອງກັບມາເປັນເດັກນ້ອຍທີ່ສົດໃສສົມໄວໄດ້ແນ່ນອນ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໓

ແອດເລີຫ໌, ຮອງຜູ້ບັນຊາການຂອງDC, ກັງວົນເລື່ອງຮາງາເນະທີ່ໃກ້ເກາະDCເຂົ້າມາເລື້ອຍໆ ຈຶ່ງຮີບຮ້ອນໃຫ້ບິອັນຮິບຈັດການໂດຍໄວ ເມື່ອຫຼີກບໍ່ໄດ້ ບິອັນຈຶ່ງຕັດສິນໃຈເຂົ້າສູ້ກັບຮາງາເນະດ້ວຍຕົນເອງເລີຍ(ເຮັດໃສ່).

ໃນເວລານັ້ນເອງໃນເຮືອຮາງາເນະກໍ່ກຳລັງເກີດເລື່ອງຫວຸ້ນວາຍທີ່ບໍ່ມີໃຜຄາດຄິດຂຶ້ນ… ເລີ່ມຈາກຄຸສຸຮະທີ່ຂໍໂຕໄປອາບນ້ຳແຕ່ພັດຫາຍໄປຮອດ໓ຊົ່ວໂມງ, ເມື່ອຣິໂອະມາຊອກທີ່ຫ້ອງກໍ່ຕ້ອງຕົກໃຈເມື່ອພົບກັບເຄື່ອງທີ່ຄຸສຸຮະຊື້ມາຜ່ານທາງລາຍການໂທລະທັດທີ່ກອງຈົນຖ້ວມຫົວ ໜຳຊ້ຳສາເຫດທີ່ຄຸສຸຮະຫາຍໂຕໄປກໍ່ແມ່ນ ເມົາແຕ່ອາບນ້ຳຕັ້ງແຕ່໓ຊົ່ວໂມງແລ້ວ, ພ້ອມກັບແນະນຳໃຫ້ຣິໂອະລອງເອົາເຄື່ອງອອກກຳລັງກາຍນັກບິນອາວະກາດທີ່ຊື້ມາໄປລອງໃສ່ເບິ່ງນຳ.

ຫຼັງຈາກນັ້ນຄຸສຸຮະກໍ່ປຸງ”ເຄື່ອງດື່ມປະສົມເພື່ອສຸຂະພາບສູດພິເສດ”ໃຫ້ມາຊາຄິລອງຊີມເບິ່ງ. ພຽງແຕ່ຈິບດຽວເທົ່ານັ້ນ ມາຊາຄິກໍ່…

ໃນເວລານັ້ນເອງສັດຕູບຸກຈູ່ໂຈມ ທຸກຄົນອອກປະຕິບັດການໝົດ ຍົກເວັ້ນມາຊາຄິຄົນດຽວທີ່ເປັນໄຂ້ກະທັນຫັນ.

ໃນໜ່ວຍຈູ່ໂຈມທີ່ບຸກເຂົ້າມານັ້ນ ນຳໂດຍເລໂອນ່າ ກັຊໄທນ໌, ລູກອ້າຍລູກນ້ອງຍາດຫ່າງໆຂອງໄຣ. ນາງໂຈມຕີໄຣແລະບອກວ່າ ຖ້າໄຣເລືອກທີ່ຈະຕໍ່ສູ້ກັບພໍ່ແລະອ້າຍແລ້ວກໍ່ ນາງຈະຕໍ່ສູ້ເພື່ອປົກປ້ອງພວກເຂົາເຈົ້າເອງ. ແຕ່ໄຣກໍ່ເຕືອນເລໂອນ່າໃຫ້ອອກຈາກກອງທັບສາ ຖ້າຄິດຈະເອົາຊະນະລາວແລ້ວກໍ່ຄືກັບຂ້າໂຕຕາຍລ້າໆ ແລະປາບໜ່ວຍຮົບທັງໝົດລົງໄດ້.

ແຕ່ສິ່ງທີ່ນຳມາພາຍຫຼັງກໍ່ແມ່ນ ຈັກກົນສີແດງກໍ່ທີ່ໜ້າຢຳເກງດ້ວຍຄວາມຊົ່ວຮ້າຍກໍ່ປະກົດຂຶ້ນ, ນາມຂອງມັນແມ່ນ ວາລຊິອອນ ເຊິ່ງຂັບມາໂດຍຜູ້ນຳສູງສຸດແຫ່ງDC, ບິອັນ ໂຊລດາຣ໌ຄນັ້ນເອງ! ບິອັນມອບຂໍ້ສະເໜີແກ່ຮາງາເນະວ່າຈະຖອຍຫຼືຈະຕາຍ.

ໄດເທັຕສຶສັ່ງລຸຍເຕັມກຳລັງ ໂອກາດມາເຖິງແລ້ວ ຖ້າສາມາດຈັດການກັບບິອັນໄດ້ສາບ່ອນນີ້ ສົງຄາມກໍ່ຈະຈົບລົງ. ອິນແກຣມສັງເກດວ່າບິອັນບໍ່ໄດ້ຕັ້ງໃຈສູ້ເຕັມທີ່ປານໃດ ຄືກັບວ່າຈະລອງເຊີງກັນຫຼາຍກວ່າ. ສ່ວນຣິວເຊຍ໌ໂມໂຫຫຼາຍທີ່ບິອັນກໍ່ສົງຄາມທີ່ເຮັດໃຫ້ຄົນມາກມາຍຕ້ອງຕາຍໄປ ບິອັນຕອບວ່າຣິວເຊຍ໌ຍັງນ້ອຍເກີນກວ່າທີ່ຈະເຂົ້າໃຈເປົ້າໝາຍຂອງສົງຄາມຄັ້ງນີ້.

ການຕໍ່ສູ້ດຳເນີນໄປຢ່າງຍາກລຳບາກ ວາລຊິອອນແຂງແກ່ນເກີນໄປ. ໄດເທັຕສຶຕັດສິນໃຈໃຊ້ໄຮເປີຣ໌ໂທຣນ່ຽມແຄນນ່ອນ ເຊິ່ງເປັນອາວຸດລັບສຸດທ້າຍຂອງຮາງາເນະ. ແຕ່ການຈະໃຊ້ຕ້ອງມີເວລາກຽມພ້ອມ ໃນຕອນນີ້ເອງ ມາຊາຄິກໍ່ປະກົດກາຍອອກມາພ້ອມກັບໄຊບັສເຕີຣ໌ ແລະບອກກັບຄຸສຸຮະວ່າ ເຖິງວ່າອັນນ້ຳຊີວະຈິດຂອງຄຸສຸຮະຈະລົດຊາດສະຫຍອງໄປໜ້ອຍ໑ ແຕ່ຢ່າງໜ້ອຍມັນກໍ່ໄດ້ຜົນຄືກັນເນາະ. ແຕ່ບິອັນພັດບອກວ່າ ມື້ນີ້ພໍເທົ່ານີ້ດີກວ່າ ກຳລັງຮົບຂອງຮາງາເນະໃນເວລານີ້ ບໍ່ຄູ່ຄວນຈະຕໍ່ກອນກັບວາລຊິອອນດອກ ແລະເຮັດຄືຈະຖອນໂຕກັບ. ເຮັດໃຫ້ມາຊາຄິຖາມວ່າ ນີ້ຂ້ອຍອົດສາອອກມານຳຫຼັງເພື່ອຫຍັງຫວາ ລາວຄວນຈະໄດ້ສູ້ກັບບິອັນເພື່ອຖ່ວງເວລາໃຫ້ຮາງາເນະກຽມພ້ອມແລ້ວຍິງອາວຸດລັບໃສ່ບິອັນຕ່າງຫາກ ແລ້ວເປັນຫຍັງຈຶ່ງໜີໄປຊື່ໆຫວະ? (ຄຳຕອບງ່າຍໆກໍ່ຄື: ໂຕເອງປ່າວປະກາດຂະໜາດນັ້ນ ໃຜມັນຊິຢູ່ໃຫ້ຖືກຍິງເນາະ)

ໜ່ວຍຮົບຂອງເອລແຊມປະກົດຂຶ້ນແລະຮັບບິອັນກັບໄປ.

ຫຼັງຈາການຕໍ່ສູ້ ທຸກຄົນໃນໜ່ວຍເຕັມໄປດ້ວຍຄວາມສົງໄສວ່າ ບິອັນມາເພື່ອຫຍັງແທ້? ເພື່ອປະກາດສັກດາຄວາມຍິ່ງໃຫຍ່ຂອງDC? ເພື່ອຂົ່ມຂວັນຜູ້ທີ່ຈະຕໍ່ຕ້ານ? ຫຼືຢາກຈະມາອວດແທ້ນໍ້?

ສ່ວນມາຊາຄິກັບຣິວເຊຍ໌ລົມກັນເລື່ອງ”ເຄື່ອງດື່ມເພື່ອສຸຂະພາບປະສົມພິເສດ”ຂອງຄຸສຸຮະ, ຣິວເຊຍ໌ບອກວ່າມາຊາຄີບໍ່ສະຫຼາດຫຼາຍທີ່ດື່ມນ້ຳນັ້ນລົງໄປ ເຖິງແມ່ນວ່າມັນຈະດີຕໍ່ສຸຂະພາບຮ່າງກາຍແຕ່ລົດຊາດຂອງມັນທຳລາຍສຸຂະພາບຈິດຂອງຜູ້ດື່ມທີ່ສຸດໃນຈັກກະວານເລີຍໄດ໋ ສ່ວນປະສົມຂອງມັນເກືອບບໍ່ຕ່າງຫຍັງກັບຢາໝໍ້ຂອງແມ່ມົດໃນນິທານເລີຍ.

ພໍດີທີ່ຄຸສຸຮະຍ່າງມາພ້ອມກັບນ້ຳໝາກກ້ຽງເພື່ອສຸຂະພາບຈອກໃໝ່ທີ່ເຮັດມາເພື່ອແກ້ໂຕກັບມາຊາຄິໂດຍສະເພາະ.

“ເອີ໊ ຈັກໜ່ອຍຂ້ອຍຕ້ອງໄປກວດສະພາບຂອງໄຊບັສເຕີຣ໌ກ່ອນເດີ້”ມາຊາຄິເປີດໄປກ່ອນ

“ແມ່ນແລ້ວ ຂ້ອຍກໍ່ຕ້ອງໄປກວດວິລດ໌ຣັບເຕີຣ໌ຄືກັນ”ຕິດຕາມມາດ້ວຍຣິວເຊຍ໌

“ອ໊າວ ກຣຸນກັສຕ໌ບໍ່ໄດ້ມອດເຄື່ອງ”ອິຣຸມພວາດໄປອີກທາງ໑

“ຂ້ອຍຕ້ອງໄປເຮັດບົດສົ່ງໃຫ້ອິນແກຣມກ່ອນແລ້ວເດີ້”ອາຢະບອກກ່ອນແລ່ນໄປ

“ອ່າ ໄດ້ເວລາເຝິກຂອງມື້ນີ້ແລ້ວ ຂໍໂຕກ່ອນເດີ້”ເຈຍຣ໌ດ້າແລະກາຣ໌ເນັຕຫຼີກໄປທັງ໒ຄົນ

ສຸດທ້າຍເຫຼືອແຕ່ຄຸສຸຮະຄົນດຽວ ລາວຫຼຽວໄປເຫັນອິນແກຣມທີ່ກຳລັງກວດສອບສະພາບຂອງPTຢູ່ພໍດີ ຈຶ່ງໃຫ້ອິນແກຣມລອງດື່ມນ້ຳໝາກກ້ຽງທີ່ເຮັດມາໃຫ້, ອິນແກຣມບໍ່ຮູ້ຫຍັງເລີຍດື່ມລົງໄປ

“ອຸ໊ ໃຊ້… ໃຊ້ໄດ້ເນາະ”

ຄຳຕອບຂອງອິນແກຣມເຮັດໃຫ້ຄຸສຸຮະມີກຳລັງໃຈຂຶ້ນມາ, ແຕ່ວ່າ ຫຼັງຈາກທີ່ຄຸສຸຮະປິ່ນຫຼັງກັບໄປ ລາວບໍ່ໄດ້ເຫັນເລີຍວ່າອິນແກຣມອາບຟາບລົງພື້ນດ້ວຍຄວາມທໍລະມານຂະໜາດໃດ.

�

�

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໒

ຣິວເຊຍ໌ຕື່ນເຕັ້ນຫຼາຍກັບໄຊບັສເຕີຣ໌ ແລະບັນລະຍາຍເຖິງຄວາມຄັກຂອງຫຸ່ນຍົນແບບສຸປເປີຣ໌ໂຣບອທ ຈົນອາຢະລໍ້ວ່າ ມີຫຸ່ນແບບໃດແດ່ທີ່ຣິວເຊຍ໌ບໍ່ຄິດວ່າຄັກນໍ້? ຣິວເຊຍ໌ຢາກໃຫ້ມີຊຸປເປີຣ໌ໂຮບທມາເສີມກຳລັງອີກເດ້ ພວກPTທີ່ຂັບໆກັນຢູ່ນີ້ມັນເປັນຣຽວໂຣບອທບໍ່ແມ່ນຊຸປເປີຣ໌ໂຣບອທຫັ້ນຕີ໊. ຣ໊ອບອະທິບາຍເຖິງຫຸ່ນທີ່ມີລັກສະນະແບບຊຸປເປີຣ໌ໂຣບອທກໍ່ຕ້ອງເປັນກຣຸນກັສຕ໌, ເຊິ່ງໃນຕອນນີ້ມີທັງໝົດ໓ເຄື່ອງ ເຄື່ອງໝາຍເລກ໒ກຳລັງຮັບການປັບປຸງຢູ່, ເຄື່ອງໝາຍເລກ໓ຖືກນຳໄປທີ່ດວງຈັນເມື່ອເຈົ້າຂອງເກົ່າ ຫຼິງ ເໝົາ ໄປເປັນຜູ້ບໍລິຫານຂອງກຸ່ມອຸດສາຫະກຳເໝົາທີ່ດວງຈັນ. ເຫຼືອພຽງແຕ່ເຄື່ອງໝາຍເລກ໑ທີ່ຢຸດການໃຊ້ງານແລະຖືກເກັບໄວ້ທີ່ອາເມຣິກາເໜືອ ພ້ອມກັບຫຼຸ້ນຕົ້ນແບບ ກຣຸນກັສຕ໌ ເຣຍ໌ຊິຄິ(Type-0).

ຮາງາເນະໄດ້ຮັບສັນຍານSOSຈາກຍານລຳລຽງທີ່ຫຼົບໜີມາຈາກຖານທັບATXທີ່ອາເມຣິກາເໜືອ, ສັນຍານນັ້ນບົ່ງບອກຊື່ຂອງອິຣຸມ ຄາຊາຮາຣ່າມານຳ. ເມື່ອອິຣຸມໄດ້ຮັບສັນຍານແລ້ວກໍ່ຮູ້ທັນທີວ່າໃຜເປັນຄົນສົ່ງມາ, ລາວຂໍຢືມເຄື່ອງບິນຮົບຫຼຸ້ນFX28ຂອງເຈຍດ້າແລະມຸ້ງໜ້າໄປທີ່ຈຸດນັດພົບທັນທີ. ຕິດຕາມມາດ້ວຍມາຊາຄິທີ່ໃຊ້ໄຊບັສເຕີຣ໌ເລັ່ງຄວາມໄວບິນນຳມາຄຸ້ມກັນລະຫວ່າງທີ່ຮາງາເນະຍັງໄປບໍ່ຮອດທີ່ໝາຍ.

ເມື່ອມາຊາຄິແລະອິຣຸມໄປຮອດຍານລຳລຽງ, ເຊິ່ງກຳລັງຖືກເອລແຊມໂຈມຕີຢູ່. ມາຊາຄິເຂົ້າຕໍ່ສູ້ກັບເອລແຊມເປີດໂອກາດໃຫ້ອິຣຸມນຳເຄື່ອງບິນໄປທຽບຈອດກັບຍານລຳລຽງໃຫ້ໄດ້. ລະຫວ່າງການຕໍ່ສູ້ຂອງມາຊາຄິກັບເອລແຊມ, ເອລແຊມທັກທາຍມາຊາຄິແລະບອກວ່າໄດ້ຍິນເລື່ອງຂອງມາຊາຄິນຳຊູວ໌ ເຮັດໃຫ້ມາຊາຄິເສຍສະມາທິແລະຖາມເລື່ອງບ່ອນຢູ່ຂອງຊູວ໌ຄືນ. ສ່ວນອິຣຸມເມື່ອໄປຝ່າດົງກະສຸນໄປເຖິງຍານລຳລຽງກໍ່ທັກທາຍກັບໂຈນາທານ, ພໍ່ຂອງອິຣຸມນັ້ນເອງ. ພ້ອມກັນນັ້ນກໍ່ຈົ່ມເລື່ອງທີ່ບອກໃຫ້ຮີບໆມາ ຂອງຂວັນນ່ະ ມັນແມ່ນຫຍັງ? ແລະເລື່ອງທີ່ຂອງຂວັນທີ່ຜ່ານມາຂອງປະປ໋ານັ້ນມີແຕ່ຂອງໂຫຼເຫຼ ຕາຍໆ ບາງເທື່ອລໍ້ຈົນເກືອບຕາຍເລີຍ, ແລະຂອງຂວັນງວດນີ້ກໍ່ແມ່ນກຣຸນກັສຕ໌ຈາກຖານທັບອາເມຣິການເໜືອ ທີ່ຕອນນີ້ສ້ອມແປງແລ້ວໆ ອິຣຸມຂຶ້ນຂັບກຣຸນກັສຕ໌ແລະກັບໄປຊ່ອຍມາຊາຄິທັນທີ. ເອລແຊມເຖິງກັບຊົມວ່າ ໄດ້ພົບກັບຄູ່ມືທີ່ສົມນ້ຳສົມເນື້ອແດ່ບາດນີ້. ຫຼັງຈາກທີ່ເອລແຊມຖອນໂຕໄປແລ້ວ ໄຣສົງໄສວ່າເປັນຫຍັງອ້າຍຂອງລາວຈຶ່ງບໍ່ຍິງຍານລຳລຽງກ່ອນທີ່ໄຊບັສເຕີຣ໌ຈະມາຮອດ ທັງທີ່ຖ້າເຮັດແທ້ກໍ່ເຮັດໄດ້ຢູ່ແລ້ວ ໜຳຊ້ຳຍັງບໍ່ຂັດຂວາງຮາງາເນະທີ່ເປັນສັດຕູສຳຄັນຂອງDCອີກນຳ?

ຣ໊ອບຕ້ອນຮັບໂຈນາທານທີ່ຮາງາເນະ ແລະສອບຖາມເລື່ອງການໜີຈາກອາເມຣິກາເໜືອ, ໂຈນາທານຕອບວ່າດ້ວຍການຊ່ອຍເຫຼືອຂອງພວກATXທີມທີ່ຫຼົບໜີມາຄືກັນນັ້ນເອງ ແຕ່ສາເຫດທີ່ແທ້ຈິງທີ່ເຮັດໃຫ້ຖານທັບອາເມຣິກາເໜືອຕ້ອງພ່າຍແພ້ກໍ່ແມ່ນ ການທີ່ຫົວໜ້າໜ່ວຍATX, ເຊນກາຣ໌ ໂຊນໂບລຕ໌, ແປພັກໄປຢູ່ຝ່າຍDCແລ້ວ, ນັ້ນເທົ່າກັບວ່າຕອນນີ້ນອກຈາກ ໄຄ ຄິຕະມູຣະ ທີ່ເຝົ້າຖານຢູ່ແລ້ວ ທຸກຄົນໃນໜ່ວຍຮົບພິເສດຫຼຸ້ນເກົ່າເຂົ້າຮ່ວມກັບDCກັນໝົດແລ້ວ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໑

ເທນຊັນໄດ້ເປັນຝ່າຍວາງແຜນຮົບທີ່ເກາະປ້ອມຍາມຂອງDC ເຊິ່ງຮາງາເນະກຳລັງຈະຜ່ານມາ. ລາວຍິ້ມແຍ້ມເມື່ອກຽມຕົວຫຼິ້ນແລະອາວຸດລັບສຳຫຼັບ”ເກມ”ກັບຮາງາເນະໃນເທື່ອນີ້. ສ່ວນຮາງາເນະຕັດສິນໃຈດຳລົງນ້ຳເພື່ອຫຼີກການຖືກໂຈມຕີຈາກປ້ອມປືນຈຳນວນມາກມາຍ ພໍທີ່ຈະຖະຫຼົ່ມຮາງາເນະໃຫ້ເລະຄາທີ່ໄດ້ຢ່າງງ່າຍດາຍ. ຕິດຕາມດ້ວຍການປ່ອຍໜ່ວຍຮົບອອກທຳລາຍປ້ອມປືນເພື່ອຫຼຸດຜ່ອນກຳລັງຮົບຂອງຝ່າຍກົງກັນຂ້າມ. ແຕ່ເທນຊັນພັດຂ້ອນແຜນໂດຍອາໄສຊ່ວງທີ່ໜ່ວຍຮົບຂອງຮາງາເນະອອກຫ່າງຈາກເຮືອ ຍິງຂີປະນາວຸດໃສ່ທັນທີ. ເຖິງແມ່ນວ່າທີມSRXຈະຖອນກຳລັງກັບມາປ້ອງກັນຂີປະນາວຸດໄດ້ທັນເວລາ ແຕ່ປ້ອມປືນກໍ່ຍັງຄົງມີມາກມາຍມະຫາສານຢູ່. ໃນຊ່ວງເວລານັ້ນເອງ ມີວັດຖຸບິນໄດ້ທີ່ບໍ່ອາດຈະບົ່ງບອກທີ່ມາ ປະກົດໃນຈໍເຣດ່າຣ໌ແລະເຂົ້າມາຢ່າງໄວ. ສິ່ງນັ້ນພັດບໍ່ແມ່ນຂີປະນາວຸດ ແຕ່ເປັນຫຸ່ນຮົບສີຂາວທີ່ເຄີຍມາຊ່ອຍພວກຣິວເຊຍ໌ທີ່ຂົ້ວໂລກໃຕ້ນັ້ນເອງ! ເມື່ອຣິວເຊຍ໌ໄດ້ພົບກັບຫຸ່ນຍົນສີຂາວນັ້ນແລ້ວເຖິງກັບອຸທານວ່າ “ຄັກຂະໜາດ ຫຸ່ນແບບຊຸປເປີຣ໌ໂຣບອທນີ້.

ຮອງກັບຕັນເທັຕສຶຢະຖາມນັກບິນຂອງຫຸ່ນຍົນທີ່ມາໃໝ່ນັ້ນແທນຄຳຕອບ ມາຊາຄິໃຊ້ໄຊແຟລຊຖະຫຼົ່ມຖານທັບຂອງDCແລ້ວບິນເຂົ້າໄປເພື່ອເປົ້າໝາຍເດີມຂອງຕົນເອງ. ສິ່ງນັ້ນໄດ້ເປີດໂອກາດໃຫ້ໜ່ວຍSRXຈັດການກັບໜ່ວຍDCທີ່ເຫຼືອຢ່າງງ່າຍດາຍ. ເທນຊັນເຫັນທີ່ບໍ່ດີຈຶ່ງຮີບໜີໄປໂດຍບໍ່ວາຍຍັງຈົ່ມວ່າ ເກມນີ້ມີຢູນິດລັບທີ່ຢູ່ນອກແຜນນຳຫວະ. ອິນແກຣມສອບຖາມນັກບິນຂອງຫຸ່ນຍົນສີຂາວ ທາງຝ່າຍນັ້ນຈຶ່ງແນະນຳຕົນເອງວ່າ ຊື່ ມາຊາຄິ ອັນໂດ ແລະຫຸ່ນທີ່ຕົນເອງຂັບຢູ່ນັ້ນແມ່ນ ໄຊບັສເຕີຣ໌(Cybaster) ແຕ່ເບິ່ງທ່າທາງຈະໃຊ້ພະລັງພລານ່າຫຼາຍເກີນໄປເລີຍສະຫຼົບໄປ, ທຸກຄົນເລີຍພາມາຊາຄິແລະໄຊບັສເຕີຣ໌ໄປນຳ.

ເມື່ອຣ໊ອບເຮັດວຽກກວດສອບໄຊບັສເຕີຣ໌ກໍ່ຕ້ອງປະຫຼາດໃຈເມື່ອພົບວ່າ ຫຸ່ນໂຕນີ້ຖືກສ້າງມາໂດຍບໍ່ໃຊ້ວິທະຍາການຂອງPT ຫຼື AM(ອາເມີຣ໌ໂມດູລ ຫຸ່ນຮົບຂອງDC)ແມ່ນແຕ່ໜ້ອຍດຽວ ບາງທີອາດຈະບໍ່ແມ່ນຜົນງານທີ່ມະນຸດສ້າງຂຶ້ນມາຊ້ຳ, ແຕ່ຜົນການກວດຮ່າງກາຍຂອງມາຊາຄິກໍ່ບົ່ງບອກວ່າເປັນມະນຸດໂລກແທ້ໆ, ແລະທຸກຄົນຍິ່ງງົງໜັກກວ່າເກົ່າເມື່ອພົບກັບແມວສີດຳ+ສີຂາວທີ່ເວົ້າພາສາຄົນໄດ້???

ເມື່ອມາຊາຄິຕື່ນແລ້ວ ເຂົາຟ້າວໄປໃນຫ້ອງກັບຕັນແລະຖາມຫາຊູວ໌ທັນທີ. ອິນແກຣມເຈລະຈາກັບມາຊາຄິໂດຍບອກວ່າ ເວລານີ້ຊູວ໌ ຊິຣາຄາວ່າຢູ່ນຳDC ແລະພວກລາວກຳລັງເດີນທາງໄປຫາທີ່ຕັ້ງຂອງDCພໍດີ, ຖ້າມາຊາຄິຊ່ອຍຕໍ່ສູ້ກັບDC ກໍ່ຕ້ອງໄດ້ພົບກັບຊູວ໌ທີ່ກຳລັງຊອກຫາຢູ່ແທ້ໆ. ມາຊາຄິຈຶ່ງຕອບຕົກລົງແລະເດີນທາງໄປພ້ອມກັບຮາງາເນະ.