ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໓

ດວງດາວສີຂາວທີ່ບໍ່ຮູ້ທີ່ມາ ໄດ້ໂຄຈອນເຂົ້າໃກ້ຊັ້ນບັນຍາກາດຂອງໂລກເຂົ້າເທື່ອລະໜ້ອຍ. ຍານຮິຣິວໄຄເຊິ່ງປະຈຳຢູ່ໃນອາວະກາດຈຶ່ງໄດ້ຮັບມອບໝາຍໜ້າທີ່ໃຫ້ເຮັດວຽກກວດສອບໂດຍດ່ວນ. ເຖິງແມ່ນວ່າໃນເວລານີ້ຈະມີສະມາຊິກເຫຼືອພຽງແຕ່ ກັບຕັນເລຟີນ່າ, ຮອງກັບຕັນຈອຫ໌ນ, ແຄທີນ່າ, ຣັຊເຊລ, ທາສຸຄຸ ແລະລາດາ ກັບກຳລັງຮົບເລັກນ້ອຍເທົ່ານັ້ນ.

ເມື່ອຍານຮິຣິວໄຄເຂົ້າໃກ້ດາວສີຂາວ ກໍ່ພົບກກັບກອງລາດຕະເວນຂອງແອໂຣເກເຕີຣ໌ເປັນຝູງ ແລະຍັງຈະເຜີ້ມຈຳນວນນຳມາເລື້ອຍໆ, ແຄທີນ່າກໍ່ຍັງລຸຍດ່ຽວໂດຍບໍ່ຟັງຄຳຫ້າມຂອງຄົນອື່ນເລີຍ (ແຖມຍັງສັ່ງໃຫ້ຄົນອື່ນຖ້າຄຸ້ມກັນຕົນເອງອີກຕ່າງຫາກ ເຮັດນຳເຈ໊ເລີຍ)

ຂະນະທີ່ແອໂຣເກເຕີຣ໌ມີກອງໜູນມາເຜີ້ມຂຶ້ນເລື້ອຍໆ ຈັກກົນສີຟ້າເຂັ້ມກໍ່ປະກົດຕົວຂຶ້ນ ແກຣນຊັນຂອງຊູວ໌ນັ້ນເອງ?!? ຊູວ໌ສະເໜີໂຕເຂົ້າຊ່ອຍເຫຼືອຍານຮິຣິວໄຄ ໃນສະຖານະການແບບນີ້ຮິຣິວໄຄບໍ່ອາດຈະປະຕິເສດຄວາມຊ່ອຍເຫຼືອໄດ້ ເຖິງແມ່ນວ່າຈະບໍ່ຄ່ອຍຈະໄວ້ໃຈຊູວ໌ທີ່ເຄີຍກໍ່ຄວາມພິນາດທີ່ຂົ້ວໂລກໃຕ້ກໍ່ຕາມ. ແລະຜູ້ທີ່ນຳມາພາຍຫຼັງກໍ່ແມ່ນໄຊບັສເຕີຣ໌ ມາຊາຄິນັ້ນເອງ. ມາຊາຄິຖຽງກັບຊູວ໌ອີກຄັ້ງ ແຕ່ຊູວ໌ບອກໃຫ້ມາຊາຄິໃຫ້ເບິ່ງສະຖານະການດີໆ ສິ່ງທີ່ຄວນເຮັດໃນເວລານີ້ກໍ່ແມ່ນຊ່ອຍກັນຈັດການແອໂຣເກເຕີຣ໌ຕ່າງຫາກ ມາຊາຄິຍັງມີໂມໂຫເລັກນ້ອຍ ແຕ່ກໍ່ເຂົ້າໃຈຄວາມຈຳເປັນຈຶ່ງຍອມຮ່ວມມືກັບແກຣນຊັນ ຊ່ອຍຈັດການກອງທັບແອໂຣເກເຕີຣ໌ຈົນໝົດ.

ເລຟີນ່າສັ່ງຖອນກຳລັງໂດຍເດັດຂາດຂະໜາດທີ່ແຄທີນ່າຍັງຕ້ອງຍອມຖອຍ. ຊູວ໌ບອກມາຊາຄິກ່ອນຈະແຍກກັນວ່າໃຫ້ຮ່ວມມືກັບຮິຣິວໄຄ ສ່ວນໂຕລາວຈະຂໍວາງມືບໍ່ຫຍຸ້ງກ່ຽວກັບເລື່ອງໃດໆທັງສິ້ນຈັກໄລຍະ໑.

ເລຟີນ່າຂໍແຮງໃຫ້ມາຊາຄິໃຫ້ຊ່ອຍຮ່ວມມືກັບຮິຣິວໄຄໃນລະຫວ່າງທີ່ຈະໄປສົມທົບກັບຮາງາເນະ. ມາຊາຄິຍິນດີຢ່າງຍິ່ງທີ່ຈະໄດ້ພົບກັບຮາງາເນະອີກຄັ້ງຫຼັງຈາກທີ່ຜ່ານມາເຄິ່ງປີ…

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໒

ມື້ນີ້ເປັນມື້ພັກ ລູກທີມຫຼາຍຄົນຖືໂອກາດໄປພັກຜ່ອນ ເຈຍຣ໌ດ້າກັບກາຣ໌ເນັຕໄປທ່ຽວໃນເມືອງ ເຊັ່ນດຽວກັບລາທູນີ່ທີ່ຕ້ອງເຝົ້າອາລັກຂາເຈົ້າຍິງ… ດ້ວຍຊຸດແບບຕຸກກະຕາອີກຄັ້ງ. ສ່ວນຣິວເຊຍ໌ຖາມອິນແກຣມເລື່ອງຂໍອະນຸຍາດໃຫ້ຄຸສຸຮະອອກຈາກຕຳແໜ່ງຫຼັງຈາກທີ່ຈົບສົງຄາມDCແລ້ວ ແຕ່ອິນແກຣມຍັງປະຕິເສດໂດຍບອກວ່າຣິວເຊຍ໌ບໍ່ຈຳເປັນຕ້ອງຮູ້ເຫດຜົນ, ຈົນຣິວເຊຍ໌ຖາມຄືນຄືກັນກັບທີ່ປິດບັງເລື່ອງລະບົບT-Linkທີ່ອິນແກຣມຄິດວ່າຣິວເຊຍ໌ບໍ່ຈຳເປັນຕ້ອງຮູ້ແມ່ນບໍ່? ຫຼັງຈາກທີ່ຣິວເຊຍ໌ກັບໄປແລ້ວ ອິນແກຣມຄິດໃນໃຈວ່າຣິວເຊຍ໌ເລີ່ມສົງໄສແລ້ວ, ກ່ອນທີ່ຈະໄປພົບຄຸສຸຮະທີ່ຖືກສັ່ງໃຫ້ລັກເຝິກເບີຣ໌ນນິ່ງPTແບບລັບໆ.

ຢູ່ທີ່ຄ້າຍທະຫານ ໂຈນາທານກັບຣ໊ອບກວດກາກຣຸນກັສຕ໌ນິຊິຄິ(Type-2)ແລະR-2ໃຫ້ພ້ອມນຳໃຊ້ໄດ້ແທ້. ສ່ວນອາຢະກັບໄປທີ່ຫ້ອງແລັບຂອງພໍ່ເພື່ອທົດສອບລະບົບT-LinkສຳຫຼັບR-3.

ຣິວເຊຍ໌ກັບໄຣໄດ້ຮັບຄຳສັ່ງໃຫ້ອອກຮົບພ້ອມກັບນິຊິຄິເຊິ່ງຣິວເຊຍ໌ຕົກໃຈຫຼາຍທີ່ພົບວ່າ ນັກບິນຂອງນິຊິຄິກໍ່ແມ່ນຄຸສຸຮະນັ້ນເອງ!

ຣິວເຊຍ໌ໂມໂຫຫຼາຍ ບອກໃຫ້ຄຸສຸຮະຢຸດສາ ບໍ່ສະນັ້ນຄຸສຸຮະຈະຕ້ອງອອກຮົບແລະອາດຈະຂ້າຄົນຕາຍໄດ້, ແຕ່ຄຸສຸຮະພັດຕອບວ່ານາງຕັດສິນໃຈດ້ວຍຕົນເອງ, ໃນເວລານັ້ນເອງເຄື່ອງຈັກສີແດງທີ່ບໍ່ມີໃຜຮູ້ຈັກກໍ່ປະກົດຕົວຂຶ້ນພ້ອມຈູ່ໂຈມR-1ແບບລອງເຊີງ. ລາວແນະນຳຕົນເອງແມ່ນ ຄຽວສຸເກະ ນັນບຸ ຈາກຍານຮົບຮິຣິວໄຄ ສ່ວນຫຸ່ນທີ່ຂັບແມ່ນເກສເພນສຕ໌  ມາຣ໌ຄ3”ອັລໄທເຊນ”.

ຕິດຕາມມາດ້ວຍເຄື່ອງຈັກສີຂາວທີ່ບິນຕາມມາຕິດໆນັ້ນແມ່ນເກສເພນສຕ໌ມາຣ໌ຄ2ຫຼຸ້ນດັດແປງ”ໄວສ໌ຣິຕເຕີຣ໌” ສ່ວນຄົນຂັບກໍ່ແມ່ນເອັກເຊລເລນ ບຣາວນິ່ງ ເຊິ່ງມີນິໄສມັກເວົ້າແກມຢອກຢູ່ເລື້ອຍໆ, ນາງຢອກໄຣວ່າມື້ນີ້ຄູ່ນັດພົບຂອງໄຣແມ່ນນາງເອງ ແລ້ວຈຶ່ງຈັບຄູ່ສູ້ກັບR-2.

ສຸດທ້າຍແມ່ນບຣູ໊ຄລິນ ແຣັຄຟິລດ໌ ຄົນມັກເອີ້ນບູລິທທ໌(Bullet=ລູກກະສຸນ)ຜູ້ຂັບຮິວເຄໄບນ໌ມາຣ໌ຄ2 ເຊິ່ງໄດ້ຮັບຄຳສັ່ງໃຫ້ສູ້ກັບນິຊິຄິ.

ຢ່າງໃດກໍ່ຕາມ ຄຸສຸຮະບໍ່ສາມາດຕອບໂຕ້ບູລິທທ໌ໄດ້ ເນື່ອງຈາກນາງບໍ່ຕ້ອງການທຳຮ້າຍຄົນທີ່ບໍ່ແມ່ນສັດຕູ. ອິນແກຣມບອກວ່າຖ້າບໍ່ເຮັດນາງຈະຖືກຂ້າເອງ ແລ້ວຈຶ່ງສັ່ງໃຫ້ບູລິທທ໌ໂຈມຕີຕໍ່ ເຖິງຈະເກີດອຸບັດເຫດລະຫວ່າງເຝິກຊ້ອມແດ່ກໍ່ບໍ່ເປັນຫຍັງ. ບູລິທທ໌ຢຸດເບິ່ງຄຸສຸຮະອີກຄັ້ງ໑ກ່ອນຈະມອດເຄື່ອງຂອງຮິວເຄໄບນ໌ໂດຍອ້າງວ່າມໍເຕີຣ໌ເພຕ້ອງຢຸດເຮັດວຽກ.

ສ່ວນມວຍອີກຄູ່໑ກໍ່ກຳລັງດຸເດືອດ ຫຼັງຈາກທີ່ແລກໝັດແລະກະສຸນກັນໄປຈົນບວມທັງ໒ຄົນ. ຣິວເຊຍ໌ນັບຖືໃນຄວາມທົນຂອງອັລໄທເຊນ ສ່ວນຄຽວສຸເກະກໍ່ຊື່ນຊົມຄວາມຄ່ອງໂຕທີ່ສູງຫຼາຍຂອງR-1. ທັງ໒ຕັດສິນໃຈຈົບການຕໍ່ສູ້ຄັ້ງນີ້ດ້ວຍໄມ້ຕາຍຂອງຕົນເອງ. T-L-nk KnuckleຂອງR-1ມຸ້ງເຂົ້າໃສ່ອັລໄທເຊນຢ່າງແຮງ ສ່ວນອັລໄທເຊນສວນກັບດ້ວຍຂະບວນທ່າ”ຄິຣິຟຸດະ”(ໄພ່ຕາຍ)ຈົນຟຸບທັງ໒ຄົນ, ການເຝິກຊ້ອມຈົບລົງແລ້ວ. ສະມາຊິກຂອງທັງ໒ທີມ SRXແລະATXແນະນຳໂຕຕໍ່ກັນ ຣິວເຊຍ໌ຄິດອອກແລ້ວວ່າຄຽວສຸເກະກໍ່ແມ່ນຄົນທີ່ເຮັດວິລດ໌ຣັບເຕີຣ໌ເພນັ້ນເອງ. ຫຼັງຈາກນັ້ນທັງ໒ທີມກໍ່ໄດ້ມອບໝາຍໜ້າທີ່ໃຫ້ຮ່ວມມືກັນຕໍ່ຕ້ານການຮຸກຮານຂອງແອໂຣເກເຕີຣ໌ທີ່ໃກ້ຈະມາຮອດ… ຫຼືອາດຈະມາຮອດແລ້ວກໍ່ໄດ້.

(*ເມື່ອເຈຍຣ໌ດ້າກັບກາຣ໌ເນັຕກັບມາ ຈະເລົ່າໃຫ້ຟັງວ່າໄດ້ພົບກັບໂຣອາແລະເອມີ່ ເຊິ່ງເຄີຍເປັນໂຕລະຄອນOriginalໃນເກມລວມຮີໂຣ່ເກມອື່ນໆຂອງBanpretoນຳ)

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໑

໑ເດືອນຜ່ານໄປພາຍຫຼັງຈາກການຕໍ່ສູ້ຕັດສິນກັບບິອັນ. ຮາງາເນະໄດ້ມອບໝາຍໜ້າທີ່ໃໝ່ໃນການຕິດຕາມກອງກຳລັງທີ່ແຕກທັບຂອງDCທີ່ຍັງຄົງກໍ່ຄວາມບໍ່ສະຫງົບຕາມສ່ວນຕ່າງໆຂອງໂລກ.

ລະຫວ່າງທີ່ຣຽວໂຕະກັບຣິວເຊຍ໌ຈັບຄູ່ລາດຕະເວນນຳກັນ ຣຽວໂຕະຖາມຣິວເຊຍ໌ເລື່ອງທີ່ຖືກເລືອກຍ້ອນໄດ້ຊະນະເລີດຂອງເກມເບີຣ໌ນນິ່ງPT ແລະສົງໄສວ່າເປັນຫຍັງລາວກັບເທນຊັນຈຶ່ງຖືກເລືອກໂດຍDCແທນທີ່ຈະເປັນສະຫະພັນແບບຣິວເຊຍ໌ເນາະ? ເປັນໄປໄດ້ບໍ່ວ່າຈະມີສາຍລັບໃນສະຫະພັນທີ່ລັກສົ່ງຂໍ້ມູນການທົດສອບໄປໃຫ້DCໄດ້. ເມື່ອກັບມາຮອດຮາງາເນະ ພວກລາວໄດ້ຮັບສັນຍານຂໍຄວາມຊ່ອຍເຫຼືອຈາກປະເທດນ້ອຍໆທີ່ຖືກDCຮຸກຮານ.

ໜ່ວຍຮຸກຮານນຳໂດຍເທມເປສຕ໌ ຕ້ອງການເຂົ້າຍຶດຄອງປະເທດແຫ່ງນີ້ເພື່ອໃຊ້ເປັນຖານກຳລັງໃນການຟື້ນຟູDCຂຶ້ນມາໃໝ່ ແລະໃຫ້ເຈົ້າຍິງໄຊນ໌, ລາຊະທາຍາດຂອງປະເທດນີ້ເປັນໂຕປະກັນ. ແຕ່ວ່າເຈົ້າຍິງໄຊນ໌ພັດບໍ່ຢ້ານກົວເທມເປສຕ໌ເລີຍແມ່ນແຕ່ນ້ອຍ ແລະຍັງຮູ້ດີວ່າເປົ້າໝາຍທີ່ແທ້ຈິງຂອງDCນັ້ນມີຫຼາຍກວ່ານັ້ນ…

ຮາງາເນະມາເຖິງແລະໃຫ້ລູກທີມອອກປະຕິບັດການປ້ອງກັນພະລາຊະວັງ. ເທນຊັນປະກົດຕົວອອກມາພ້ອມກັບບອກວ່າຈະຄອນທິນິວຕໍ່ຈາກເກມໂອເວີຣ໌ຕອນເທື່ອກ່ອນ. ສ່ວນເທມເປສຕ໌ຍັງປະກາດລ້າງແຄ້ນຄືເກົ່າ. (ພວກນີ້ບໍ່ຮູ້ຈັກເບື່ອແດ່ຫວະ?)

ທຸກຄົນເຂົ້າປ້ອງກັນພະລາຊະວັງຢ່າງສຸດກຳລັງ ແລະສາມາດຂັບໄລ່ກອງກຳລັງDCໄປສຳເລັດ. ຫຼັງການຕໍ່ສູ້ທຸກຄົນເຂົ້າພົບເຈົ້າຍິງໄຊນ໌ ແລະໄດ້ຮັບຮູ້ຄວາມຈິງວ່າເປົ້າໝາຍທີ່ແທ້ຈິງຂອງການຮຸກຮານກໍ່ຄືພະລັງພິເສດທາງຈິດຂອງເຈົ້າຍິງໄຊນ໌ຕ່າງຫາກ.

ສະຖາບັນວິໄຈ”Earth Cradle” ແອດເລີຫ໌ລົມນຳອິເກຣທເລື່ອງຂອງການຂໍຄວາມຮ່ວມມືໃນການຟື້ນຟູອຳນາດຂອງຕົນ ແຕ່ຖືກປະຕິເສດເນື່ອງຈາກເມກັສຊິສເຕັມແລະແມຊຊີນເຊລລ໌ທີ່ວິໄຈຢູ່ຍັງບໍ່ສົມບູນຕ້ອງໃຊ້ເວລາອີກ໑ປີ. ແອດເລີຫ໌ຈຶ່ງຫວັງວ່າຈະໄດ້ໂຕເຈົ້າຍິງໄຊນ໌ມາເພື່ອໃຫ້ລະບົບKeimຊິສເຕັມສົມບູນສາກ່ອນ.

ທາງດ້ານຮາງາເນະ ຕັດສິນໃຈພາໂຕເຈົ້າຍິງໄປທີ່ຖານທີ່ໝັ້ນຂອງສະຫະພັນເພື່ອຄວາມປອດໄພ. ຂະນະທີ່ເຈົ້າຍິງຍ່າງທ່ຽວຮອບໆຍານຮາງາເນະກໍ່ໄດ້ພົບກັບໄຣ, ໄຣກຳລັງຕຶກຕອງເລື່ອງທີ່ເກີດກັບພໍ່(ໃນສາຍຄຽວສຸເກະ ໄມເຢີຣ໌ເສຍຊີວິດລະຫວ່າງຕໍ່ສູ້ກັບATXທີມ ເຊັ່ນດຽວກັບບິອັນ) ເມື່ອໄຣເນະນຳຕົນເອງກັບເຈົ້າຍິງ, ນາງທ້ວງເລື່ອງນາມສະກຸນຂອງໄຣ ແຕ່ໄຣຕອບກັບວ່າໂຕຂ້ອຍກໍ່ແມ່ນໂຕຂ້ອຍ ບໍ່ກ່ຽວກັນ, ສ້າງຄວາມປະທັບໃຈໃຫ້ເຈົ້າຍິງຈົນຮຽກໄຣວ່າ ທ່ານໄຣດີ້ຕັ້ງແຕ່ນັ້ນເປັນຕົ້ນມາ.

ແລະຜູ້ທີ່ໄດ້ຮັບໜ້າທີ່ເປັນຜູ້ຄຸ້ມກັນກໍ່ແມ່ນລາທູນີ່ ໂດຍມີຂໍ້ແລກປ່ຽນວ່າລາທູນີ່ຕ້ອງບໍ່ໃສ່ແວ່ນຕາແລະນຸ່ງເຄື່ອງໃຫ້ເຂົ້າເໝາະສົມກັບນາງ. ແນ່ນອນວ່າເປັນຊຸດທີ່ກາຣ໌ເນັຕເລືອກອີກແລ້ວ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒໐

ໜ່ວຍຮາງາເນະຍັງຢູ່ເທິງເກາະຂອງDCຕໍ່ເພື່ອສ້ອມແປງຮາງາເນະ. ມາຊາຄິບອກລາທຸກຄົນເພື່ອນຳຫາຊູວ໌ທີ່ຫາຍໂຕໄປຫຼັງການຕາຍຂອງບິອັນ ລາວຈະໄລ່ນຳຊູວ໌ຈົນກວ່າຊູວ໌ຈະຊົດໃຊ້ໃນສິ່ງທີ່ເຮັດລົງໄປໄດ້. ເທັຕສຶຢະບອກວ່າ ພວກລາວຈະເກັບຂໍ້ມູນຂອງໄຊບັສເຕີຣ໌ໄວ້ ເພື່ອໃຫ້ເຣດາຣ໌ທຸກໂຕບົ່ງບອກວ່າມາຊາຄິເປັນພວກດຽວກັນ ເມື່ອໄດ້ພົບກັນໃໝ່ຈັກມື້໑.

ສ່ວນໄດເທັຕສຶເປີດສາເກບູຮານທີ່ລັກເກັບໄວ້ເພື່ອສະຫຼອງໄຊຊະນະ ແລະຊູຊີໃຫ້ເທັຕສຶຢະດື່ມນຳກັນ ເທັຕສຶຢະປະຕິເສດແຕ່ກໍ່ຕ້ອງຊີມໜ້ອຍ໑ຢ້ານເສຍສັດທາ.

ທາງນອກ ກາຣ໌ເນັຕກັບເຈຍຣ໌ດ້າອອກມາຊົມຈັນນຳກັນຢ່າງໂຣແມນຕິກ ທັງແນມໄປທາງເມເທໂອ໓ທີ່ຍັງກອງຢູ່ເທິງເກາະ. ແລະພົບກັບແອໂຣເກເຕີຣ໌ທີ່ບຸກມາກ່ອນຈະຮີບກັບໄປເຕືອນໄພທຸກຄົນທັນທີ.

ເອຍ໌ຕະຊອກຫາຜູ້ບັນຊາການທັງ໒ຂອງລາວຢ່າງຫວຸ້ນວາຍ ຈົນພົບກັບໄດເທັຕສຶແລະເທັຕສຶຢະທີ່ເມົາ… ໝົດສະພາບ. (ເມົາບໍ່ຂັບ ໃສວ່າສິຊີມໜ້ອຍດຽວ)

ເອຍ໌ຕະເລີຍຕ້ອງສັ່ງການແທນທ່າມກາງຄວາມສົງໄສຂອງທຸກຄົນວ່າເປັນຫຍັງຜູ້ບັນຊາການບໍ່ມາສັ່ງການເອງ. ເອຍ໌ຕະຕອບໄດ້ແຕ່ວ່າ ເລື່ອງມັນຍາວນ່ະ.

ລູກທີມທຸກຄົນເຂົ້າສູ້ກັບແອໂຣເກເຕີຣ໌ຈັນມີກຳລັງມາເສີມອີກກຸ່ມ໑ ທັນໃດນັ້ນ ໄຊບັສເຕີຣ໌ກໍ່ບິນກັບມາຈາກຂອບຟ້າທີ່ແສນໄກເພື່ອຊ່ອຍທຸກຄົນກ່ອນຈະຈາກໄປດັ່ງສາຍລົມ.

ທຸກຄົນລາສົ່ງມາຊາຄິດ້ວຍຄວາມຊື່ນຊົມກ່ອນຈະກັບໄປທີ່ຮາງາເນະທີ່ຕອນນີ້ພ້ອມຈະເດີນທາງໄປຈາກເກາະແຫ່ງນີ້ ຖິ້ມໄວ້ພຽງແຕ່ຄວາມຊົງຈຳຂອງການຕໍ່ສູ້ທີ່ທຸກຄົນບໍ່ມີວັນລືມ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໙

ບິອັນອອກຄຳສັ່ງໃຫ້ທຸກຄົນໃນໜ່ວຍລາສຕ໌ ແບຕເຕີຣ່ຽນສະລະຖານໃຫ້ໝົດ, ເພາະວາລຊິອອນກັບແກຣນຊັນຈະອອກປະຕິບັດການເອງ.

ເມື່ອປະເຊີນໜ້າກັນ ທຸກຄົນໃນທີມຮາງາເນະຕ່າງກໍ່ມີຄຳຖາມຕໍ່ບິອັນ, ເປັນຫຍັງຈຶ່ງບໍ່ຮ່ວມມືກັບພວກລາວຖ້າເປົ້າໝາຍຂອງບິອັນແມ່ນການປົກປ້ອງໂລກຈາກແອໂຣເກເຕີຣ໌? ສ່ວນມາຊາຄິຮ້ອງບອກຊູວ໌ວ່າຈະບໍ່ຍົກໂທດໃຫ້ກັບສິ່ງທີ່ເຮັດລົງໄປທີ່ຂົ້ວໂລກໃຕ້ໂດຍເດັດຂາດ, ແຕ່ຊູວ໌ພັດຕອບວ່າລາວ”ຊ່ອຍ”ປົກປ້ອງໂລກນີ້ໄວ້ຕ່າງຫາກ.

ບິອັນເປີດເຜີຍຄວາມຈິງຂອງການເຈລະຈາສັນຕິພາບໃນຄັ້ງນັ້ນວ່າ ເປົ້າໝາຍແທ້ໆຂອງການເຈລະຈາກໍ່ແມ່ນ ການຂໍຍອມແພ້ແລະຍົກໂລກໃຫ້ແອໂຣເກເຕີຣ໌ເຂົ້າຄອບຄອງ, ລາວຈຶ່ງຕ້ອງທຳລາຍທຸກຢ່າງເພື່ອປົກປ້ອງໂລກເອົາໄວ້. ບິອັນພະຍາຍາມມາຫຼາຍປີເພື່ອໃຫ້ສະຫະພັນວາງໂຄງການທີ່ຈະຕໍ່ຕ້ານແອໂຣເກເຕີຣ໌, ແຕ່ບໍ່ເປັນຜົນ, DCຈຶ່ງກຳເນີດຂື້ນເພື່ອສ້າງກອງກຳລັງທີ່ແຂງແກ່ນພໍທີ່ຈະພິຊິດແອໂຣເກເຕີຣ໌ໄດ້. ສາເຫດທີ່ແຮ່ໂທຣນ່ຽມຢູ່ໃນກຳມືຂອງສະຫະພັນນັ້ນກໍ່ເພາະບິອັນຖິ້ມໄວ້ໃຫ້ລະຫວ່າງທີ່ຄິດສ້າງອາວຸດຕໍ່ຕ້ານແອໂຣເກເຕີຣ໌ເຊັ່ນAMລະPT. ຢ່າງໃດກໍ່ຕາມສິ່ງທີ່ເຮັດລົງໄປທຸກຊີວິດຕ້ອງເສຍໄປກໍ່ບໍ່ອາດຈະຍົກໂທດໃຫ້ໄດ້ ທີມຮາງາເນະຈຶ່ງຕັດສິນໃຈຈັດການກັບບິອັນສາ. ບິອັນຊົມຣຽວໂຕະວ່າຕັດສິນໃຈເຮັດໃນສິ່ງທີ່ຖືກແລ້ວ ຣຽວໂຕະຮູ້ສຶກປະຫຼາດໃຈທີ່ບິອັນຈື່ລາວໄດ້ເຖິງວ່າຈະເປັນແຕ່ທະຫານຊັ້ນປາຍແຖວກໍ່ຕາມ. ສ່ວນມາຊາຄິກັບຣິວເຊຍ໌ຖືກຕຳໜິເລື່ອງທີ່ອ່ອນຕໍ່ໂລກຈົນບໍ່ອາດຈະເຂົ້າໃຈວັດຖຸປະສົງໃນການກໍ່ສົງຄາມໄດ້.

(*ໃຊ້ເອນີຈີ່ເທຄເກີຣ໌ຍິງໃສ່ເພື່ອຕັດENກ່ອນ ບໍ່ໃຫ້ເປີດບາເຣຍໄດ້ ຈາກນັນຖະຫຼົ່ມຍິງຢ່າໃຫ້ຟື້ນພະລັງທັນ)

ດ້ວຍຄວາມຮ່ວມແຮງຮ່ວມໃຈຂອງທຸກຄົນ ວາລຊິອອນທີ່ແສນໂຫດຮ້າຍກໍ່ຖືກພິຊິດລົງໄດ້ ແລ້ວທຸກຄົນກໍ່ເຂົ້າໃຈສາເຫດທີ່ບິອັນບໍ່ທຳລາຍພວກລາວຖິ້ມ ກໍ່ເພື່ອເຝິກຝົນທຸກຄົນໃຫ້ເຕີບໃຫຍ່ກາຍເປັນໜ່ວຍຮົບທີ່ສາມາດຮັບມືກັບແອໂຣເກເຕີຣ໌ໄດ້ ນີ້ແມ່ນສິ່ງທີ່ບິອັນແລະໄມເຢີຣ໌(ພໍ່ຂອງໄຣ)ຫວັງມາຕະຫຼອດ. ສົງຄາມແມ່ນວ່າຈະນຳມາເຊິ່ງຄວາມສູນເສຍແຕ່ກໍ່ເຮັດໃຫ້ເກີດຄວາມແຂງແກ່ນແລະການພັດທະນາຂອງວັດທະນະທຳ.

ຄຳສັ່ງເສຍສຸດທ້າຍທີ່ບິອັນໃຫ້ໄວ້ກໍ່ແມ່ນ ຄຳຂໍໂທດຕໍ່ຣິວເນ່ ລູກສາວຂອງລາວທີ່ບໍ່ເຄີຍເຮັດໜ້າທີ່ຂອງພໍ່ທີ່ດີໃຫ້ໄດ້ເລີຍ. ມາຊາຄິຮັບຝາກຂໍ້ຄວາມນີ້ກ່ອນທີ່ວາລຊິອອນຈະລະເບີດໄປພ້ອມກັບຊີວິດທີ່ສິ້ນສຸດ ຂອງວິລະບຸລຸດຜູ້ຍອມເປັນສັດຕູກັບຄົນທັງໂລກເພື່ອປົກປ້ອງໂລກຜູ້ນີ້ເອງ…

ທາງດ້ານນອກສູນບັນຊາການ ແຮງລະເບີດທີ່ຮຸນແຮງແຈ້ງໃຫ້ທຸກຄົນໄດ້ຮູ້ເຖິງການຈາກໄປຂອງຜູ້ນຳDC. ແອດເລີຫ໌ຖືໂອກາດນີ້ຍົກຕົນເອງຂຶ້ນເປັນຜູ້ນຳສູງສຸດແທນ ແລະສັ່ງໃຫ້ກອງກຳລັງDCທີ່ເຫຼືອເຊື່ອຟັງຕົນເອງ. ແຕ່ເອລແຊມພັດອອກຄຳສັ່ງໃຫ້ສະມາຊິກທຸກຄົນໃນໜ່ວຍຖອນກຳລັງໄປສາ ທຸກສິ່ງທຸກຢ່າງມັນຈົບແລ້ວ…

ເມື່ອປາສະຈາກຖານທີ່ໝັ້ນຫຼັກແລະຜູ້ນຳທີ່ເຄົາລົບ DCທີ່ຢູ່ຕາມສ່ວນຕ່າງໆຂອງໂລກກໍ່ແຕກທັບກະແຈກກະຈາຍອອກໄປ. ກອງກຳລັງສັກສິດແຫ່ງເຫຼົ່າເທບກໍ່ເຖິງຄາວອາວະສານໄປດ້ວຍປະການນີ້ເອງ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໘

ໃນທີ່ສຸດຮາງາເນະກໍ່ມາຮອດເກາະDCຈົນໄດ້. ແຜນການຈູ່ໂຈມທີ່ວາງໄວ້ກໍ່ແມ່ນ ນຳເຮືອຮາງາເນະເຂົ້າໄປໃຫ້ໃກ້ເປົ້າໝາຍທີ່ສຸດແລ້ວໃຊ້ອາວຸດລັບທີ່ຮ້າຍແຮງທີ່ສຸດ ໂທຣນ່ຽມບັສເຕີຣ໌ແຄນນ່ອນ, ເຂົ້າທຳລາຍສູນບັນການDC ໂດຍຫວັງວ່າຈະສາມາດສັງຫານບິອັນໄດ້ກ່ອນຕັ້ງໂຕ.

ຣ໊ອບອະທິບາຍກ່ຽວກັບແຮ່ໂທຣນ່ຽມວ່າ ເປັນໂລຫະທີ່ສະກັດມາຈາກເມເທໂອ໓ເຊິ່ງມາຈາກນອກໂລກຕົກລົງມາທີ່ເກາະ ເຊິ່ງປະຈຸບັນນັ້ນກໍ່ແມ່ນເກາະDCນີ້ເອງ. ພ້ອມເຕືອນວ່າ ເຖິງແມ່ນວ່າແຮ່ໂທຣນ່ຽມຈະສ້າງພະລັງໄດ້ຢ່າງມະຫາສານ ແຕ່ມັນກໍ່ບໍ່ທຸ່ນທ່ຽງ ໃນກໍລະນີທີ່ຮ້າຍທີ່ສຸດ ມັນຈະທຳລາຍທຸກສິ່ງທຸກຢ່າງແມ່ນແຕ່ຮາງາເນະເອງ.

ຣິວເຊຍ໌ສົງໄສວ່າເປັນຫຍັງບິອັນຈຶ່ງບໍ່ຄອບຄອງໂທຣນ່ຽມທີ່ຊົງພະລັງງານຂະໜາດນັ້ນໄວ້ໃນມືຕົນເອງ? ຣ໊ອບອະທິບາຍເຜີ້ມເຕີມວ່າ ມີແຮ່ໂທຣນ່ຽມ໖ສ່ວນທີ່ສະກັດອອກມາໄດ້, ບິອັນເກັບໄວ້ແຕ່ສ່ວນດຽວ ແລະເຫຼືອ໕ສ່ວນຖືກສົ່ງມາໃຫ້ສະຫະພັນ. ຣ໊ອບເອງກໍ່ສົງໄສຄືກັນວ່າເປັນຫຍັງບິອັນທີ່ຄິດຈະເຮັດສົງຄາມກັບສະຫະພັນຈຶ່ງບໍ່ເກັບໄວ້ເອງທັງໝົດ?

ເມື່ອທັງໝົດເຂົ້າສູ່ບໍລິເວນເກາະDCແລ້ວ ກໍ່ເຮັດຕາມແຜນການທີ່ວາງໄວ້, ແອດເລີຫ໌ກຽມກຳລັງຮົບເຕັມທີ່ພ້ອມອາວຸດລັບ. ເທນຊັນເບິ່ງຄືຕື່ນເຕັ້ນຫຼາຍກັບສາກສຸດທ້າຍໃສເກມຂອງລາວ(ແຕ່ບໍ່ແມ່ນສາກສຸດທ້າຍຂອງຜູ້ຫຼິ້ນເກມນີ້ດອກ). ໂທມັສສົງໄສວ່າເປັນຫຍັງແກຣນຊັນກັບວາລຊິອອນຈຶ່ງບໍ່ອອກມາຮົບນຳ. ແລະເອລແຊມກໍ່ເຮັດໃຫ້ທຸກຄົນຕົກຕະລຶງດ້ວຍເຮືອຮົບຊັ້ນດຽວກັບຮາງາເນະ, ຊື່ຂອງມັນແມ່ນຄຸໂຣງາເນະ.

ທຸກຄົນພະຍາຍາມຕ້ານທານກຳລັງຂ້າເສິກເພື່ອປ້ອງກັນເຮືອຮົບຂອງພວກລາວເຕັມທີ່ ຈົນຮາງາເນະເຂົ້າເຖິງພິກັດທີ່ຕັ້ງໄວ້ກໍ່ລອຍໂຕຂຶ້ນຈາກນ້ຳເພື່ອທຳການຍິງປືນໃຫຍ່ໂທຣນ່ຽມທັນທີ. ແຕ່ຖືກຂັດຂວາງໂດຍເອລແຊມທີ່ສ່ຽງຕາຍຂັບຄຸໂຣງາເນະເຂົ້າປະທະກັບທາງໜ້າຂອງຮາງາເນະຈົນເສຍຫາຍໜັກ, ແຜນການໃຊ້ປືນໃຫຍ່ໂທຣນ່ຽມຖືກທຳລາຍ ໜຳຊ້ຳຄວາມເສຍຫາຍຈາກການປະທະຍັງເຮັດໃຫ້ຮາງາເນະບໍ່ສາມາດລອຍໂຕຂຶ້ນໄດ້ ໄດເທັຕສຶຈຶ່ງສັ່ງໃຫ້PTທຸກໂຕບຸກເຂົ້າໄປໃນສູນບັນຊາການຂອງDCແລ້ວທຸ້ມເທທຸກສິ່ງທຸກຢ່າງທີ່ມີຢູ່ຈັດການກັບບິອັນໃຫ້ໄດ້ໃນລະຫວ່າງທີ່ພວກລາວພະຍາຍາມຖ່ວງກຳລັງໄດ້ຢູ່ບ່ອນນີ້.

(*ແນ່ນອນວ່າສາມາດເກັບກວາດພວກສັດຕູທຸກໂຕໃຫ້ໝົດສາກກ່ອນກກໍ່ໄດ້ເດີ້)

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໗

(*ກ່ອນຈະເຂົ້າສາກນີ້ໃຫ້ຍ້າຍວິລດ໌ຣັບເຕີຣ໌ໃຫ້ຄົນອື່ນທີ່ບໍ່ແມ່ນຣິວເຊຍ໌ຂັບກ່ອນ)

ຜົນການວິໄຈວິທະຍາການຂອງDCກໍ່ເປັນໄປໄດ້ດີ ຣ໊ອບສາມາດປະດິດເທສລ່າໄດຣຟ໌ທີ່ເຮັດໃຫ້PTສາມາດບິນໄດ້ຄືກັບAMຂອງDCໄດ້ສຳເລັດ.

ຣິວເຊຍ໌ຂໍຮ້ອງຣ໊ອບເລື່ອງR-1 ເນື່ອງຈາກການຮົບທີ່ຜ່ານມາເຫັນໄດ້ແຈ້ງວ່າພວກລາວຕ້ອງການກຳລັງຮົບເຜີ້ມ, ແຕ່ຣ໊ອບປະຕິເສດໄປພ້ອມເຕືອນວ່າ ຖ້າຣິວເຊຍ໌ໃຊ້ລະບົບT-Linkໃນສະພາບນີ້ແລ້ວ ຣິວເຊຍ໌ຈະຕາຍເອງ. ອິນແກຣມພິຈາລະນາແລ້ວອະນຸຍາດໃຫ້ຣິວເຊຍ໌ທົດລອງເຮັດຕາມໃຈມັກ ເພື່ອທີ່ຈະກະຕຸ້ນໃຫ້ຣິວເຊຍ໌ເຜີ້ມຄວາມສາມາດຂອງຕົນເອງ.

ສັດຕູທີ່ຖ້າພວກລາວຢູ່ທາງໜ້າກໍ່ແມ່ນກອງກຳລັງພິເສດ ລາສຕ໌ ແບຕເຕີຣ່ຽນຂອງເອລແຊມນັ້ນເອງ. ໄດເທັຕສຶສັ່ງໃຫ້ເດີນທັບມຸ້ງໜ້າຝ່າວົງລ້ອມໄປໃຫ້ໄວທີ່ສຸດ.

ລະຫວ່າງການຕໍ່ສູ້ໄຣໄດ້ປະເຊີນໜ້າກັບອ້າຍຂອງຕົນເອງອີກຄັ້ງ ແລະສາເຫດແຫ່ງຄວາມຂັດແຍ່ງກໍ່ໄດ້ເຜີຍອອກມາ. ຫຼາຍປີກ່ອນໃນຕອນທີ່ຜູ້ກໍ່ການຮ້າຍບຸກເຂົ້າມາໃນໂຄໂລນີ່ນັ້ນ ເອລແຊມມີເຫດຈຳເປັນຕ້ອງຂ້າພັນລະຍາຕົນເອງເພື່ອປ້ອງກັນຄວາມເສຍຫາຍທີ່ຈະເກີດຕໍ່ໂຄໂລນີ່, ໄຣບໍ່ສາມາດທຳໃຈຍອມຮັບຄວາມເລືອດເຢັນທີ່ຂ້າໄດ້ແມ່ນແຕ່ຄົນທີ່ຕົນເອງຮັກ ຈຶ່ງຖອນໂຕອອກມາ. ເອລແຊມໂມໂຫຈົນເສຍຄວາມເຍືອກເຢັນໄປເລັກນ້ອຍເມື່ອຖືກຈິບ່ອນແຜເກົ່າ.

ເມື່ອຮາງາເນະເຂົ້າໃກ້ເສັ້ນເຂດແດນທີ່ເປັນເປົ້າໝາຍໂດຍມີໜ່ວຍຮົບຂອງຕົນເອງຖ້າສະກັດ ລາສຕ໌ ແບຕເຕີຣ່ຽນນັ້ນ. ເທມເປສຕ໌ທີ່ດັກຖ້າຢູ່ກໍ່ປະກົດຕົວພ້ອມກັບສະແດງຄວາມຕັ້ງໃຈທີ່ຈະແກ້ແຄ້ນໃຫ້ກັບພັນລະຍາແລະລູກເຊິ່ງເສຍຊີວິດໄປເພາະການຮົບກັບຜູ້ກໍ່ການຮ້າຍ ສະຫະພັນຕ້ອງຮັບຜິດຊອບ, ພ້ອມກັບໂຈມຕີໃສ່ຮາງາເນະຈົນເສຍຫາຍໜັກ.

ໃນຊ່ວງເວລາທີ່ຄັບຂັນນັ້ນເອງ ຣິວເຊຍ໌ກໍ່ສາມາດເດີນເຄື່ອງR-1ໄດ້ສຳເລັດ ພ້ອມກັບອອກມາຂັດຂວາງການໂຈມຕີຂອງເທມເປສຕ໌ ພ້ອມຕອບໂຕ້ກັບດ້ວຍຄວາມຮູ້ສຶກທີ່ຕ້ອງຕໍ່ສູ້ເພື່ອປົກປ້ອງ ບໍ່ແມ່ນເພື່ອຄວາມແຄ້ນຈົນຮາງາເນະສາມາດຂ້າມເສັ້ນເຂດແດນໄດ້ສຳເລັດ. ເອລແຊມຖອນໂຕໄປພ້ອມກັບບອກວ່າພົບກັນໃໝ່ທີ່ເກາະDC ທີ່ເຊິ່ງການຕໍ່ສູ້ຄັ້ງສຸດທ້າຍຈະເກີດຂຶ້ນ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໖

ຣຽວໂຕະຖືກສືບສວນຂໍ້ມູນຂອງDCແຕ່ບໍ່ຄືບໜ້າປານໃດ ເພາະຣຽວໂຕະເປັນພຽງແຕ່ປະຊາຊົນທີ່ຖືກDCເກນມາເທົ່ານັ້ນ. ພໍດີກັບຣ໊ອບພົບລະເບີດທີ່ຖືກເຊື່ອງໄວ້ໃນຫຸ່ນຂອງຣຽວໂຕະແລະເກືອບເອົາຊີວິດບໍ່ລອດ. ເມື່ອຣຽວໂຕະຮູ້ຄວາມຈິງວ່າຕົນເອງຖືກສັ່ງໃຫ້ຮົບພຽງແຕ່ເພື່ອໃຫ້ເປັນລະເບີດພີຊີບເທົ່ານັ້ນກໍ່ສັບສົນຈົນຕັດສິນໃຈບໍ່ຖືກ. ເທັຕສຶຢະຖາມວ່າຍັງຄິດຈະກັບໄປDCອີກຫຼືບໍ່ ທັງໃຫ້ເວລາກັບຣຽວໂຕະ. ສ່ວນຣິໂອະໄດ້ຕຳແໜ່ງໃໝ່ເປັນນັກບິນໂດຍຖາວອນ ຈົນເອຍ໌ຕະຈົ່ມວ່າ ວຽກໜັກຂຶ້ນແບບນີ້ຕ້ອງຂໍຂຶ້ນເງິນເດືອນແລ້ວບໍ້.

ຮາງາເນະຖືກໂຈມຕີຈາກໄລຍະໄກດ້ວຍສີມືຂອງໂທມັສແລະເທນຊັນ ເຊິ່ງເທື່ອນີ້ນຳລົດຖັງຂະໜາດຍັກ”ໄຣໂນເຊຣັສ”ທີ່ຫາກໍ່ປະດິດແລ້ວເປັນຄັ້ງທຳອິດມາເສີມກຳລັງຮົບອີກດ້ວຍ. ແຮງລະເບີດເຮັດໃຫ້ປະຕູຫ້ອງທີ່ຂັງຣຽວໂຕະນັ້ນເປີດອອກ, ຣຽວໂຕະໄດ້ໂອກາດໜີໄປ ແຕ່ລາວຈະໜີໄປໃສໄດ້???

ຣຽວໂຕະຂັບລິອອນFເຄື່ອງເກົ່າອອກມານອກຮາງາເນະ. ໂທມັສອອກຄຳສັ່ງໃຫ້ຣຽວໂຕະກັບຫາແຕ່ໂດຍດີ. ຣຽວໂຕະຕອບຫຍັງບໍ່ທັນໄດ້ ຈົນຣິໂອະຕ້ອງຮ້ອງໃສ່ໃຫ້ເວົ້າສິ່ງທີ່ຕົນເອງຕ້ອງການອອກໄປດັງໆເລີຍ! ຣຽວໂຕະຈຶ່ງຕັດສິນໃຈລວມຄວາມກ້າຂອງຕົນເອງຕອບກັບໄປວ່າ ລາວຈະບໍ່ກັບໄປທີ່DCແລະຈະຕໍ່ສູ້ຮ່ວມກັບພວກຣິໂອະ!

ໂທມັສຫົວຂວັນຣຽວໂຕະວ່າກ້າຂະໜາດສຳຫຼັບພວກຂີ້ຢ້ານ ເຖິງວ່າຣຽວໂຕະຈະກັບໄປDCກໍ່ຍັງຖືກລົງໂທດຢູ່ຫັ້ນແຫຼະ. ຣຽວໂຕະໂມໂຫແລະລຸກຂຶ້ນສູ້ກັບໂທມັສ ເຊັ່ນດຽວກກັບຣິໂອະແລະຣິວເຊຍ໌ທີ່ຮັບບໍ່ໄດ້ກັບພວກນິໄສບໍ່ດີຄືໂທມັສແລະເທນຊັນ. ທຸກຄົນຮ່ວມມືກັນຊ່ອຍຣຽວໂຕະຕໍ່ສູ້ຈົນເຮັດໃຫ້ເທນຊັນກັບໂທມັສຖອຍກັບໄປໄດ້ສຳເລັດ.

ແຕ່ສິ່ງທີ່ທຸກຄົນບໍ່ຄາດຄິດກໍ່ເກີດຂຶ້ນ ເມື່ອແກຣນຊັນ, ຊູວ໌ ຊິຣາຄາວ່າ ປະກົດຕົວຂຶ້ນ. ລາວບອກວ່າ ຕອນນີ້ຂ້ອຍສົນໃຈຮາງາເນະກໍ່ເລີຍແວະມາຢາມກ່ອນທີ່ຈະທຳລາຍໃຫ້ສິ້ນຊາກ. ແນ່ນອນວ່າມາຊາຄິເລັ່ງເຂົ້າມາຫາຊູວ໌ດ້ວຍຄວາມແຄ້ນໃນອະດີດເຊັ່ນເຄີຍ. ຢ່າງໃດກໍ່ຕາມ ໄດເທັຕສຶສັ່ງໃຫ້ຖອນກຳລັງສ້າງຄວາມສົງໄສໃຫ້ເທັຕສຶຢະທີ່ຄິດວ່າໄດເທັຕສຶໜ້າຈະຢາກລ້າງແຄ້ນໃຫ້ເຮືອຊິໂຣງາເນະທີ່ຖືກແກຣນຊັນທຳລາຍໄປທີ່ຂົ້ວໂລກໃຕ້. ໄດເທັຕສຶຕອບວ່າ ໜ້າທີ່ຫຼັກຂອງເຮົາໃນເວລານີ້ກໍ່ແມ່ນໄປທີ່DCເພື່ອປາບບິອັນ ໂຊລດາຣ໌ຄ, ຖ້າຫາກແກຣນຊັນຄິດຈະທຳລາຍຮາງາເນະແທ້ໆ ຄືສິບໍ່ມີແຕ່ເວົ້າໃຫ້ເສຍເວລາແບບບີ້ ແຕ່ຄືສິຍິງຖະຫຼົ່ມແບບຊິໂຣງາເນະໄປດົນແລ້ວ.

ໃນກາຮົບຄັ້ງນີ້ ຣິວເຊຍ໌ບອກວ່າເທື່ອນີ້ລາວບໍ່ຢ້ານແກຣນຊັນອີກແລ້ວ. ສ່ວນຊູວ໌ກໍ່ຍັງຢອກມາຊາຄິຕາມເຄີຍ ກ່ອນຈະຖາມອິນແກຣມວ່າເບິ່ງທີ່ທາງອິນແກຣມຈະຮູ້ເລື່ອງຂອງວິທະຍາການEOTດີເຫຼືອເກີນ ຮູ້ຫຼາຍກວ່າບິອັນຫຼືແມ່ນແຕ່ໂຕຊູວ໌ເອງສາອີກ ແຕ່ອິນແກຣມບໍ່ຕອບຫຍັງ.

(*ເຖິງວ່າຕ້ອງໜີຕາມເນື້ອເລື່ອງ ແຕ່ເຮົາສາມາດຈັດການແກຣນຊັນກໍ່ໄດ້)

ຫຼັງຈາກນັ້ນ ໄດເທັຕສຶສັ່ງເລັ່ງເຄື່ອງເຕັມທີ່ ເພື່ອໄປທີ່ເປົ້າໝາຍໃຫ້ໄວທີ່ສຸດ. ສ່ວນຣຽວໂຕະຕັດສິນໃຈວ່າຈະບໍ່ກັບໄປDCແລະພ້ອມຈະສູ້ຮ່ວມກັບໝູ່ທຸກໆຄົນ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໖

ແອດເລີຫ໌ໂມໂຫ(ອີກແລ້ວ)ເລື່ອງທີ່ຮາງາເນະເຂົ້າໃກ້ເກາະທີ່ໝັ້ນຂອງDCເລື້ອຍໆ ແຖມບິອັນຍັງເຮັດເປັນບໍ່ຮ້ອນເນື້ອຮ້ອນຕົວຢູ່ອີກ ຈຶ່ງຕັດສິນໃຈເພິ່ງ”ໝໍນັ້ນ”.

ໃນເວລານັ້ນ ອາຢະເຂົ້າທົດລອງລະບົບT-Linkກັບຣ໊ອບແຕ່ເກີດຜິດພາດຈົນໝົດສະຕິໄປ, ພໍດີກັບສັດຕູບຸກມາ ນຳໂດຍໂທມັສ ຕິດຕາມດ້ວຍໜ່ວຍຮົບຍ່ອຍທີ່ມີຣຽວໂຕະຢູ່ນຳ. ຣຽວໂຕະຖາມດ້ວຍຄວາມບໍ່ໝັ້ນໃຈວ່າ ພວກເຮົາມີແຕ່ທໍ່ນີ້ຈະສູ້ກັບຮາງາເນະໄຫວຢູ່ຫວາ? ແຕ່ຖືກໂທມັສດ່າກັບວ່າຢ່າຂີ້ຢ້ານແລ້ວໄປຈັດການກັບຮາງາເນະໄວໆ ສ່ວນຂ້ອຍສິຖ້າເບິ່ງຜົນງານຢູ່ບ່ອນນີ້ແຫຼະ. ຣຽວໂຕະລັກຈົ່ມວ່າເຖົ້ານີ້ປ່ອຍເຮົາໄປຕາຍແທ້ໆ ແຕ່ກໍ່ບໍ່ສາມາດຂັດຄຳສັ່ງໄດ້.

ຣິໂອະຕັດສິນໃຈເກສເພນສຕ໌ຂອງອາຢະແທນໃນລະຫວ່າງທີ່ອາຢະຍັງບໍ່ໄດ້ສະຕິ. ເຮັດໃຫ້ເອຍ໌ຕະ ໂອເປີເຣເຕີຣ໌ອີກຄົນ໑ວິນຫົວເພາະບໍ່ເຄີຍຮັບໜ້າທີ່ດ່ຽວໆມາກ່ອນ.

ສ່ວນຣຽວໂຕະຍັງຄົງຢ້ານຢູ່ ໂທມັສຈຶ່ງສັ່ງໃຫ້ຣຽວໂຕະໄປຈັດການກັບລູກທີມຂອງຮາງາເນະໃຫ້ໄດ້ຈັກຄົນ ກ່ອນຈະຍຸໃຫ້ເຂົ້າໄປສູ້ກັບຣິໂອະ ຖ້າເຮັດໄດ້ຈະໃຫ້ຢຸດພັກ. ຣຽວໂຕະຈຶ່ງເນັ້ນການຈູ່ໂຈມແຕ່ຣິໂອະພຽງເປົ້າໝາຍດຽວ.

ການຮົບດຳເນີນໄປຈົນໂທມັສຖອນໂຕກັບ ແຕ່ເຄື່ອງຍົນຂອງຣຽວໂຕະພັດຢຸດເຮັດວຽກກະທັນຫັນ ເຮັດໃຫ້ຣຽວໂຕະຈົມລົງທະເລ. ອິນແກຣມຂໍໃຫ້ເກັບຫຸ່ນAMໂຕນັ້ນມາເພື່ອສຶກສາຂໍ້ມູນ ຣຽວໂຕະຈຶ່ງໄດ້ຮັບການຊ່ອຍເຫຼືອແລະກາຍເປັນສະເລີຍເສິກຂອງຮາງາເນະ.

ໂດຍບໍ່ມີໃຜຄິດເລີຍວ່າມັນແມ່ນກັບດັກ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໔

ເທນຊັນບໍ່ພໍໃຈເລື່ອງທີ່ບິອັນບໍ່ຈັດການຮາງາເນະເມື່ອມີໂອກາດແລະອິດສາທີ່ມີຫຸ່ນສຸດຍອດຄືວາລຊິອອນ. ແອດເລີຫ໌ຈຶ່ງມອບຫຸ່ນຫຼຸ້ນໃໝ່ທີ່ມີປະສິດທິພາບດ້ານການຍິງສູງໃຫ້ເທນຊັນໄປຈັດການກັບຮາງາເນະດ້ວຍຕົນເອງ.

ຫຼັງຈາກນັ້ນແອດເລີຫ໌ໄດ້ພົບກັບDr.ອີເກຣທ ທັງ໒ລົມກັນ, ແອດເລີຫ໌ບອກວ່າໃນເວລາແບບນີ້ຕ້ອງເຮັດທຸກຢ່າງທີ່ຈຳເປັນເພື່ອຄວາມປອດໄພ ບາງເທື່ອອາດຈະໄດ້ເປີດ”ສຄູລ”ແຫ່ງທີ່໒ກໍ່ໄດ້.

ໃນເຮືອຮາງາເນະ ຣິວເຊຍ໌ຮູ້ສຶກວ່າຍັງຄວບຄຸມການບິນຂອງວິລດ໌ຣັບເຕີຣ໌ຍັງບໍ່ຄ່ອງເລີຍ ຈຶ່ງໄປຂໍໃຫ້ລາທູນີ່ຊ່ອຍຖ່າຍໂປຣແກຣມສະໜັບສະໜູນການບິນໃຫ້ແດ່ ແຕ່ລາທູນີ່ພັດຍ່າງໜີໄປເສີຍເລີຍ, ຣິວເຊຍ໌ຜິດຫວັງແລະສົງໄສວ່າເປັນຫຍັງລາທູນີ່ບໍ່ຄ່ອຍລົມນຳໃຜເລີຍນໍ້.

ເວລາຕໍ່ມາ ໜ່ວຍຂອງເທນຊັນໄດ້ມາຮອດພ້ອມກັບAMຫຼຸ້ນໃໝ່”ບາເຣລິອອນ” ເຊິ່ງມີທັງຄວາມສາມາດໃນການບິນແລະຍິງທີ່ສູງຫຼາຍ. ຕ່າງກັບທາງຮາງາເນະທີ່ກຳລັງຮົບສ່ວນໃຫຍ່ຕ້ອງດຳນ້ຳເຂົ້າມາ, ຣິວເຊຍ໌ພະຍາຍາມເຂົ້າຕໍ່ສູ້ດ້ວຍວິລດ໌ຣັບເຕີຣ໌ເທົ່າທີ່ຈະເຮັດໄດ້ ແຕ່ກໍ່ຍັງເສຍປຽບເທນຊັນຢູ່. ລາທູນີ່ຕັດສິນໃຈໂລດຂໍ້ມູນການບິນໃຫ້ຣິວເຊຍ໌ ເຮັດໃຫ້ລະບົບການບິນຂອງວິລດ໌ຣັບເຕີຣ໌ດີຂຶ້ນຢ່າງເຫັນໄດ້ແຈ້ງ.

ເທນຊັນຈຶ່ງທັກວ່າ ລາທູນີ່ຄືສິແມ່ນເດັກນ້ອຍທີ່ຈົບມາຈາກ”ສະຄູລ”ແມ່ນບໍ່. ເຮັດໃຫ້ເຈຍຣ໌ດ້າແລະກາຣ໌ເນັຕໂມໂຫຫຼາຍທີ່ເທນຊັນຮື້ຟື້ນເລື່ອງອະດີດທີ່ແສນເຈັບປວດຂອງລາທູນີ່. ຣິວເຊຍ໌ຈຶ່ງສັ່ງສອນເທນຊັນດ້ວຍການບິນແບບໃໝ່ຂອງວິລດ໌ຣັບເຕີຣ໌ທີ່ໄດ້ມາຈົນເທນຊັນຕ້ອງພ່າຍແພ້ກັບໄປ.

ຫຼັງຈາກນັ້ນຣິວເຊຍ໌ຈຶ່ງໄດ້ຮູ້ຄວາມຈິງຈາກກາຣ໌ເນັຕແລະເຈຍຣ໌ດ້າວ່າ “ສຄູລ”ກໍ່ແມ່ນໂຮງຮຽນສອນການເປັນນັກບິນທີ່ເຝິກຝົນເດັກນ້ອຍໃຫ້ຮັບຟັງຄຳສັ່ງໂດຍຫ້າມຂັດຂືນແລະບໍ່ໃຫ້ຄວາມສຳຄັນກັບນັກຮຽນໃນຖານະມະນຸດເລີຍ. ລາທູນີ່ຈົບຈາກໂຮງຮຽນນັ້ນແຕ່ຊັງຊ່ວງເວລາທີ່ຕ້ອງທົນຢູ່ບ່ອນຫັ້ນຫຼາຍຈົນກາຍເປັນຄົນທີ່ເກັບໂຕຄືທີ່ເປັນຢູ່ຕອນນີ້, ແຕ່ວ່າຫຼັງຈາກທີ່ໄດ້ພົບກັບຣິວເຊຍ໌ແລ້ວຮູ້ສຶກວ່າລາທູນີ່ຈະຂ້ອນຂ້າງເປີດໃຈຫຼາຍຂຶ້ນເລື້ອຍໆແລ້ວແຫຼະ, ຈັກມື້ລາທູນີ່ຈະຕ້ອງກັບມາເປັນເດັກນ້ອຍທີ່ສົດໃສສົມໄວໄດ້ແນ່ນອນ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໓

ແອດເລີຫ໌, ຮອງຜູ້ບັນຊາການຂອງDC, ກັງວົນເລື່ອງຮາງາເນະທີ່ໃກ້ເກາະDCເຂົ້າມາເລື້ອຍໆ ຈຶ່ງຮີບຮ້ອນໃຫ້ບິອັນຮິບຈັດການໂດຍໄວ ເມື່ອຫຼີກບໍ່ໄດ້ ບິອັນຈຶ່ງຕັດສິນໃຈເຂົ້າສູ້ກັບຮາງາເນະດ້ວຍຕົນເອງເລີຍ(ເຮັດໃສ່).

ໃນເວລານັ້ນເອງໃນເຮືອຮາງາເນະກໍ່ກຳລັງເກີດເລື່ອງຫວຸ້ນວາຍທີ່ບໍ່ມີໃຜຄາດຄິດຂຶ້ນ… ເລີ່ມຈາກຄຸສຸຮະທີ່ຂໍໂຕໄປອາບນ້ຳແຕ່ພັດຫາຍໄປຮອດ໓ຊົ່ວໂມງ, ເມື່ອຣິໂອະມາຊອກທີ່ຫ້ອງກໍ່ຕ້ອງຕົກໃຈເມື່ອພົບກັບເຄື່ອງທີ່ຄຸສຸຮະຊື້ມາຜ່ານທາງລາຍການໂທລະທັດທີ່ກອງຈົນຖ້ວມຫົວ ໜຳຊ້ຳສາເຫດທີ່ຄຸສຸຮະຫາຍໂຕໄປກໍ່ແມ່ນ ເມົາແຕ່ອາບນ້ຳຕັ້ງແຕ່໓ຊົ່ວໂມງແລ້ວ, ພ້ອມກັບແນະນຳໃຫ້ຣິໂອະລອງເອົາເຄື່ອງອອກກຳລັງກາຍນັກບິນອາວະກາດທີ່ຊື້ມາໄປລອງໃສ່ເບິ່ງນຳ.

ຫຼັງຈາກນັ້ນຄຸສຸຮະກໍ່ປຸງ”ເຄື່ອງດື່ມປະສົມເພື່ອສຸຂະພາບສູດພິເສດ”ໃຫ້ມາຊາຄິລອງຊີມເບິ່ງ. ພຽງແຕ່ຈິບດຽວເທົ່ານັ້ນ ມາຊາຄິກໍ່…

ໃນເວລານັ້ນເອງສັດຕູບຸກຈູ່ໂຈມ ທຸກຄົນອອກປະຕິບັດການໝົດ ຍົກເວັ້ນມາຊາຄິຄົນດຽວທີ່ເປັນໄຂ້ກະທັນຫັນ.

ໃນໜ່ວຍຈູ່ໂຈມທີ່ບຸກເຂົ້າມານັ້ນ ນຳໂດຍເລໂອນ່າ ກັຊໄທນ໌, ລູກອ້າຍລູກນ້ອງຍາດຫ່າງໆຂອງໄຣ. ນາງໂຈມຕີໄຣແລະບອກວ່າ ຖ້າໄຣເລືອກທີ່ຈະຕໍ່ສູ້ກັບພໍ່ແລະອ້າຍແລ້ວກໍ່ ນາງຈະຕໍ່ສູ້ເພື່ອປົກປ້ອງພວກເຂົາເຈົ້າເອງ. ແຕ່ໄຣກໍ່ເຕືອນເລໂອນ່າໃຫ້ອອກຈາກກອງທັບສາ ຖ້າຄິດຈະເອົາຊະນະລາວແລ້ວກໍ່ຄືກັບຂ້າໂຕຕາຍລ້າໆ ແລະປາບໜ່ວຍຮົບທັງໝົດລົງໄດ້.

ແຕ່ສິ່ງທີ່ນຳມາພາຍຫຼັງກໍ່ແມ່ນ ຈັກກົນສີແດງກໍ່ທີ່ໜ້າຢຳເກງດ້ວຍຄວາມຊົ່ວຮ້າຍກໍ່ປະກົດຂຶ້ນ, ນາມຂອງມັນແມ່ນ ວາລຊິອອນ ເຊິ່ງຂັບມາໂດຍຜູ້ນຳສູງສຸດແຫ່ງDC, ບິອັນ ໂຊລດາຣ໌ຄນັ້ນເອງ! ບິອັນມອບຂໍ້ສະເໜີແກ່ຮາງາເນະວ່າຈະຖອຍຫຼືຈະຕາຍ.

ໄດເທັຕສຶສັ່ງລຸຍເຕັມກຳລັງ ໂອກາດມາເຖິງແລ້ວ ຖ້າສາມາດຈັດການກັບບິອັນໄດ້ສາບ່ອນນີ້ ສົງຄາມກໍ່ຈະຈົບລົງ. ອິນແກຣມສັງເກດວ່າບິອັນບໍ່ໄດ້ຕັ້ງໃຈສູ້ເຕັມທີ່ປານໃດ ຄືກັບວ່າຈະລອງເຊີງກັນຫຼາຍກວ່າ. ສ່ວນຣິວເຊຍ໌ໂມໂຫຫຼາຍທີ່ບິອັນກໍ່ສົງຄາມທີ່ເຮັດໃຫ້ຄົນມາກມາຍຕ້ອງຕາຍໄປ ບິອັນຕອບວ່າຣິວເຊຍ໌ຍັງນ້ອຍເກີນກວ່າທີ່ຈະເຂົ້າໃຈເປົ້າໝາຍຂອງສົງຄາມຄັ້ງນີ້.

ການຕໍ່ສູ້ດຳເນີນໄປຢ່າງຍາກລຳບາກ ວາລຊິອອນແຂງແກ່ນເກີນໄປ. ໄດເທັຕສຶຕັດສິນໃຈໃຊ້ໄຮເປີຣ໌ໂທຣນ່ຽມແຄນນ່ອນ ເຊິ່ງເປັນອາວຸດລັບສຸດທ້າຍຂອງຮາງາເນະ. ແຕ່ການຈະໃຊ້ຕ້ອງມີເວລາກຽມພ້ອມ ໃນຕອນນີ້ເອງ ມາຊາຄິກໍ່ປະກົດກາຍອອກມາພ້ອມກັບໄຊບັສເຕີຣ໌ ແລະບອກກັບຄຸສຸຮະວ່າ ເຖິງວ່າອັນນ້ຳຊີວະຈິດຂອງຄຸສຸຮະຈະລົດຊາດສະຫຍອງໄປໜ້ອຍ໑ ແຕ່ຢ່າງໜ້ອຍມັນກໍ່ໄດ້ຜົນຄືກັນເນາະ. ແຕ່ບິອັນພັດບອກວ່າ ມື້ນີ້ພໍເທົ່ານີ້ດີກວ່າ ກຳລັງຮົບຂອງຮາງາເນະໃນເວລານີ້ ບໍ່ຄູ່ຄວນຈະຕໍ່ກອນກັບວາລຊິອອນດອກ ແລະເຮັດຄືຈະຖອນໂຕກັບ. ເຮັດໃຫ້ມາຊາຄິຖາມວ່າ ນີ້ຂ້ອຍອົດສາອອກມານຳຫຼັງເພື່ອຫຍັງຫວາ ລາວຄວນຈະໄດ້ສູ້ກັບບິອັນເພື່ອຖ່ວງເວລາໃຫ້ຮາງາເນະກຽມພ້ອມແລ້ວຍິງອາວຸດລັບໃສ່ບິອັນຕ່າງຫາກ ແລ້ວເປັນຫຍັງຈຶ່ງໜີໄປຊື່ໆຫວະ? (ຄຳຕອບງ່າຍໆກໍ່ຄື: ໂຕເອງປ່າວປະກາດຂະໜາດນັ້ນ ໃຜມັນຊິຢູ່ໃຫ້ຖືກຍິງເນາະ)

ໜ່ວຍຮົບຂອງເອລແຊມປະກົດຂຶ້ນແລະຮັບບິອັນກັບໄປ.

ຫຼັງຈາການຕໍ່ສູ້ ທຸກຄົນໃນໜ່ວຍເຕັມໄປດ້ວຍຄວາມສົງໄສວ່າ ບິອັນມາເພື່ອຫຍັງແທ້? ເພື່ອປະກາດສັກດາຄວາມຍິ່ງໃຫຍ່ຂອງDC? ເພື່ອຂົ່ມຂວັນຜູ້ທີ່ຈະຕໍ່ຕ້ານ? ຫຼືຢາກຈະມາອວດແທ້ນໍ້?

ສ່ວນມາຊາຄິກັບຣິວເຊຍ໌ລົມກັນເລື່ອງ”ເຄື່ອງດື່ມເພື່ອສຸຂະພາບປະສົມພິເສດ”ຂອງຄຸສຸຮະ, ຣິວເຊຍ໌ບອກວ່າມາຊາຄີບໍ່ສະຫຼາດຫຼາຍທີ່ດື່ມນ້ຳນັ້ນລົງໄປ ເຖິງແມ່ນວ່າມັນຈະດີຕໍ່ສຸຂະພາບຮ່າງກາຍແຕ່ລົດຊາດຂອງມັນທຳລາຍສຸຂະພາບຈິດຂອງຜູ້ດື່ມທີ່ສຸດໃນຈັກກະວານເລີຍໄດ໋ ສ່ວນປະສົມຂອງມັນເກືອບບໍ່ຕ່າງຫຍັງກັບຢາໝໍ້ຂອງແມ່ມົດໃນນິທານເລີຍ.

ພໍດີທີ່ຄຸສຸຮະຍ່າງມາພ້ອມກັບນ້ຳໝາກກ້ຽງເພື່ອສຸຂະພາບຈອກໃໝ່ທີ່ເຮັດມາເພື່ອແກ້ໂຕກັບມາຊາຄິໂດຍສະເພາະ.

“ເອີ໊ ຈັກໜ່ອຍຂ້ອຍຕ້ອງໄປກວດສະພາບຂອງໄຊບັສເຕີຣ໌ກ່ອນເດີ້”ມາຊາຄິເປີດໄປກ່ອນ

“ແມ່ນແລ້ວ ຂ້ອຍກໍ່ຕ້ອງໄປກວດວິລດ໌ຣັບເຕີຣ໌ຄືກັນ”ຕິດຕາມມາດ້ວຍຣິວເຊຍ໌

“ອ໊າວ ກຣຸນກັສຕ໌ບໍ່ໄດ້ມອດເຄື່ອງ”ອິຣຸມພວາດໄປອີກທາງ໑

“ຂ້ອຍຕ້ອງໄປເຮັດບົດສົ່ງໃຫ້ອິນແກຣມກ່ອນແລ້ວເດີ້”ອາຢະບອກກ່ອນແລ່ນໄປ

“ອ່າ ໄດ້ເວລາເຝິກຂອງມື້ນີ້ແລ້ວ ຂໍໂຕກ່ອນເດີ້”ເຈຍຣ໌ດ້າແລະກາຣ໌ເນັຕຫຼີກໄປທັງ໒ຄົນ

ສຸດທ້າຍເຫຼືອແຕ່ຄຸສຸຮະຄົນດຽວ ລາວຫຼຽວໄປເຫັນອິນແກຣມທີ່ກຳລັງກວດສອບສະພາບຂອງPTຢູ່ພໍດີ ຈຶ່ງໃຫ້ອິນແກຣມລອງດື່ມນ້ຳໝາກກ້ຽງທີ່ເຮັດມາໃຫ້, ອິນແກຣມບໍ່ຮູ້ຫຍັງເລີຍດື່ມລົງໄປ

“ອຸ໊ ໃຊ້… ໃຊ້ໄດ້ເນາະ”

ຄຳຕອບຂອງອິນແກຣມເຮັດໃຫ້ຄຸສຸຮະມີກຳລັງໃຈຂຶ້ນມາ, ແຕ່ວ່າ ຫຼັງຈາກທີ່ຄຸສຸຮະປິ່ນຫຼັງກັບໄປ ລາວບໍ່ໄດ້ເຫັນເລີຍວ່າອິນແກຣມອາບຟາບລົງພື້ນດ້ວຍຄວາມທໍລະມານຂະໜາດໃດ.

�

�

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໒

ຣິວເຊຍ໌ຕື່ນເຕັ້ນຫຼາຍກັບໄຊບັສເຕີຣ໌ ແລະບັນລະຍາຍເຖິງຄວາມຄັກຂອງຫຸ່ນຍົນແບບສຸປເປີຣ໌ໂຣບອທ ຈົນອາຢະລໍ້ວ່າ ມີຫຸ່ນແບບໃດແດ່ທີ່ຣິວເຊຍ໌ບໍ່ຄິດວ່າຄັກນໍ້? ຣິວເຊຍ໌ຢາກໃຫ້ມີຊຸປເປີຣ໌ໂຮບທມາເສີມກຳລັງອີກເດ້ ພວກPTທີ່ຂັບໆກັນຢູ່ນີ້ມັນເປັນຣຽວໂຣບອທບໍ່ແມ່ນຊຸປເປີຣ໌ໂຣບອທຫັ້ນຕີ໊. ຣ໊ອບອະທິບາຍເຖິງຫຸ່ນທີ່ມີລັກສະນະແບບຊຸປເປີຣ໌ໂຣບອທກໍ່ຕ້ອງເປັນກຣຸນກັສຕ໌, ເຊິ່ງໃນຕອນນີ້ມີທັງໝົດ໓ເຄື່ອງ ເຄື່ອງໝາຍເລກ໒ກຳລັງຮັບການປັບປຸງຢູ່, ເຄື່ອງໝາຍເລກ໓ຖືກນຳໄປທີ່ດວງຈັນເມື່ອເຈົ້າຂອງເກົ່າ ຫຼິງ ເໝົາ ໄປເປັນຜູ້ບໍລິຫານຂອງກຸ່ມອຸດສາຫະກຳເໝົາທີ່ດວງຈັນ. ເຫຼືອພຽງແຕ່ເຄື່ອງໝາຍເລກ໑ທີ່ຢຸດການໃຊ້ງານແລະຖືກເກັບໄວ້ທີ່ອາເມຣິກາເໜືອ ພ້ອມກັບຫຼຸ້ນຕົ້ນແບບ ກຣຸນກັສຕ໌ ເຣຍ໌ຊິຄິ(Type-0).

ຮາງາເນະໄດ້ຮັບສັນຍານSOSຈາກຍານລຳລຽງທີ່ຫຼົບໜີມາຈາກຖານທັບATXທີ່ອາເມຣິກາເໜືອ, ສັນຍານນັ້ນບົ່ງບອກຊື່ຂອງອິຣຸມ ຄາຊາຮາຣ່າມານຳ. ເມື່ອອິຣຸມໄດ້ຮັບສັນຍານແລ້ວກໍ່ຮູ້ທັນທີວ່າໃຜເປັນຄົນສົ່ງມາ, ລາວຂໍຢືມເຄື່ອງບິນຮົບຫຼຸ້ນFX28ຂອງເຈຍດ້າແລະມຸ້ງໜ້າໄປທີ່ຈຸດນັດພົບທັນທີ. ຕິດຕາມມາດ້ວຍມາຊາຄິທີ່ໃຊ້ໄຊບັສເຕີຣ໌ເລັ່ງຄວາມໄວບິນນຳມາຄຸ້ມກັນລະຫວ່າງທີ່ຮາງາເນະຍັງໄປບໍ່ຮອດທີ່ໝາຍ.

ເມື່ອມາຊາຄິແລະອິຣຸມໄປຮອດຍານລຳລຽງ, ເຊິ່ງກຳລັງຖືກເອລແຊມໂຈມຕີຢູ່. ມາຊາຄິເຂົ້າຕໍ່ສູ້ກັບເອລແຊມເປີດໂອກາດໃຫ້ອິຣຸມນຳເຄື່ອງບິນໄປທຽບຈອດກັບຍານລຳລຽງໃຫ້ໄດ້. ລະຫວ່າງການຕໍ່ສູ້ຂອງມາຊາຄິກັບເອລແຊມ, ເອລແຊມທັກທາຍມາຊາຄິແລະບອກວ່າໄດ້ຍິນເລື່ອງຂອງມາຊາຄິນຳຊູວ໌ ເຮັດໃຫ້ມາຊາຄິເສຍສະມາທິແລະຖາມເລື່ອງບ່ອນຢູ່ຂອງຊູວ໌ຄືນ. ສ່ວນອິຣຸມເມື່ອໄປຝ່າດົງກະສຸນໄປເຖິງຍານລຳລຽງກໍ່ທັກທາຍກັບໂຈນາທານ, ພໍ່ຂອງອິຣຸມນັ້ນເອງ. ພ້ອມກັນນັ້ນກໍ່ຈົ່ມເລື່ອງທີ່ບອກໃຫ້ຮີບໆມາ ຂອງຂວັນນ່ະ ມັນແມ່ນຫຍັງ? ແລະເລື່ອງທີ່ຂອງຂວັນທີ່ຜ່ານມາຂອງປະປ໋ານັ້ນມີແຕ່ຂອງໂຫຼເຫຼ ຕາຍໆ ບາງເທື່ອລໍ້ຈົນເກືອບຕາຍເລີຍ, ແລະຂອງຂວັນງວດນີ້ກໍ່ແມ່ນກຣຸນກັສຕ໌ຈາກຖານທັບອາເມຣິການເໜືອ ທີ່ຕອນນີ້ສ້ອມແປງແລ້ວໆ ອິຣຸມຂຶ້ນຂັບກຣຸນກັສຕ໌ແລະກັບໄປຊ່ອຍມາຊາຄິທັນທີ. ເອລແຊມເຖິງກັບຊົມວ່າ ໄດ້ພົບກັບຄູ່ມືທີ່ສົມນ້ຳສົມເນື້ອແດ່ບາດນີ້. ຫຼັງຈາກທີ່ເອລແຊມຖອນໂຕໄປແລ້ວ ໄຣສົງໄສວ່າເປັນຫຍັງອ້າຍຂອງລາວຈຶ່ງບໍ່ຍິງຍານລຳລຽງກ່ອນທີ່ໄຊບັສເຕີຣ໌ຈະມາຮອດ ທັງທີ່ຖ້າເຮັດແທ້ກໍ່ເຮັດໄດ້ຢູ່ແລ້ວ ໜຳຊ້ຳຍັງບໍ່ຂັດຂວາງຮາງາເນະທີ່ເປັນສັດຕູສຳຄັນຂອງDCອີກນຳ?

ຣ໊ອບຕ້ອນຮັບໂຈນາທານທີ່ຮາງາເນະ ແລະສອບຖາມເລື່ອງການໜີຈາກອາເມຣິກາເໜືອ, ໂຈນາທານຕອບວ່າດ້ວຍການຊ່ອຍເຫຼືອຂອງພວກATXທີມທີ່ຫຼົບໜີມາຄືກັນນັ້ນເອງ ແຕ່ສາເຫດທີ່ແທ້ຈິງທີ່ເຮັດໃຫ້ຖານທັບອາເມຣິກາເໜືອຕ້ອງພ່າຍແພ້ກໍ່ແມ່ນ ການທີ່ຫົວໜ້າໜ່ວຍATX, ເຊນກາຣ໌ ໂຊນໂບລຕ໌, ແປພັກໄປຢູ່ຝ່າຍDCແລ້ວ, ນັ້ນເທົ່າກັບວ່າຕອນນີ້ນອກຈາກ ໄຄ ຄິຕະມູຣະ ທີ່ເຝົ້າຖານຢູ່ແລ້ວ ທຸກຄົນໃນໜ່ວຍຮົບພິເສດຫຼຸ້ນເກົ່າເຂົ້າຮ່ວມກັບDCກັນໝົດແລ້ວ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໑໑

ເທນຊັນໄດ້ເປັນຝ່າຍວາງແຜນຮົບທີ່ເກາະປ້ອມຍາມຂອງDC ເຊິ່ງຮາງາເນະກຳລັງຈະຜ່ານມາ. ລາວຍິ້ມແຍ້ມເມື່ອກຽມຕົວຫຼິ້ນແລະອາວຸດລັບສຳຫຼັບ”ເກມ”ກັບຮາງາເນະໃນເທື່ອນີ້. ສ່ວນຮາງາເນະຕັດສິນໃຈດຳລົງນ້ຳເພື່ອຫຼີກການຖືກໂຈມຕີຈາກປ້ອມປືນຈຳນວນມາກມາຍ ພໍທີ່ຈະຖະຫຼົ່ມຮາງາເນະໃຫ້ເລະຄາທີ່ໄດ້ຢ່າງງ່າຍດາຍ. ຕິດຕາມດ້ວຍການປ່ອຍໜ່ວຍຮົບອອກທຳລາຍປ້ອມປືນເພື່ອຫຼຸດຜ່ອນກຳລັງຮົບຂອງຝ່າຍກົງກັນຂ້າມ. ແຕ່ເທນຊັນພັດຂ້ອນແຜນໂດຍອາໄສຊ່ວງທີ່ໜ່ວຍຮົບຂອງຮາງາເນະອອກຫ່າງຈາກເຮືອ ຍິງຂີປະນາວຸດໃສ່ທັນທີ. ເຖິງແມ່ນວ່າທີມSRXຈະຖອນກຳລັງກັບມາປ້ອງກັນຂີປະນາວຸດໄດ້ທັນເວລາ ແຕ່ປ້ອມປືນກໍ່ຍັງຄົງມີມາກມາຍມະຫາສານຢູ່. ໃນຊ່ວງເວລານັ້ນເອງ ມີວັດຖຸບິນໄດ້ທີ່ບໍ່ອາດຈະບົ່ງບອກທີ່ມາ ປະກົດໃນຈໍເຣດ່າຣ໌ແລະເຂົ້າມາຢ່າງໄວ. ສິ່ງນັ້ນພັດບໍ່ແມ່ນຂີປະນາວຸດ ແຕ່ເປັນຫຸ່ນຮົບສີຂາວທີ່ເຄີຍມາຊ່ອຍພວກຣິວເຊຍ໌ທີ່ຂົ້ວໂລກໃຕ້ນັ້ນເອງ! ເມື່ອຣິວເຊຍ໌ໄດ້ພົບກັບຫຸ່ນຍົນສີຂາວນັ້ນແລ້ວເຖິງກັບອຸທານວ່າ “ຄັກຂະໜາດ ຫຸ່ນແບບຊຸປເປີຣ໌ໂຣບອທນີ້.

ຮອງກັບຕັນເທັຕສຶຢະຖາມນັກບິນຂອງຫຸ່ນຍົນທີ່ມາໃໝ່ນັ້ນແທນຄຳຕອບ ມາຊາຄິໃຊ້ໄຊແຟລຊຖະຫຼົ່ມຖານທັບຂອງDCແລ້ວບິນເຂົ້າໄປເພື່ອເປົ້າໝາຍເດີມຂອງຕົນເອງ. ສິ່ງນັ້ນໄດ້ເປີດໂອກາດໃຫ້ໜ່ວຍSRXຈັດການກັບໜ່ວຍDCທີ່ເຫຼືອຢ່າງງ່າຍດາຍ. ເທນຊັນເຫັນທີ່ບໍ່ດີຈຶ່ງຮີບໜີໄປໂດຍບໍ່ວາຍຍັງຈົ່ມວ່າ ເກມນີ້ມີຢູນິດລັບທີ່ຢູ່ນອກແຜນນຳຫວະ. ອິນແກຣມສອບຖາມນັກບິນຂອງຫຸ່ນຍົນສີຂາວ ທາງຝ່າຍນັ້ນຈຶ່ງແນະນຳຕົນເອງວ່າ ຊື່ ມາຊາຄິ ອັນໂດ ແລະຫຸ່ນທີ່ຕົນເອງຂັບຢູ່ນັ້ນແມ່ນ ໄຊບັສເຕີຣ໌(Cybaster) ແຕ່ເບິ່ງທ່າທາງຈະໃຊ້ພະລັງພລານ່າຫຼາຍເກີນໄປເລີຍສະຫຼົບໄປ, ທຸກຄົນເລີຍພາມາຊາຄິແລະໄຊບັສເຕີຣ໌ໄປນຳ.

ເມື່ອຣ໊ອບເຮັດວຽກກວດສອບໄຊບັສເຕີຣ໌ກໍ່ຕ້ອງປະຫຼາດໃຈເມື່ອພົບວ່າ ຫຸ່ນໂຕນີ້ຖືກສ້າງມາໂດຍບໍ່ໃຊ້ວິທະຍາການຂອງPT ຫຼື AM(ອາເມີຣ໌ໂມດູລ ຫຸ່ນຮົບຂອງDC)ແມ່ນແຕ່ໜ້ອຍດຽວ ບາງທີອາດຈະບໍ່ແມ່ນຜົນງານທີ່ມະນຸດສ້າງຂຶ້ນມາຊ້ຳ, ແຕ່ຜົນການກວດຮ່າງກາຍຂອງມາຊາຄິກໍ່ບົ່ງບອກວ່າເປັນມະນຸດໂລກແທ້ໆ, ແລະທຸກຄົນຍິ່ງງົງໜັກກວ່າເກົ່າເມື່ອພົບກັບແມວສີດຳ+ສີຂາວທີ່ເວົ້າພາສາຄົນໄດ້???

ເມື່ອມາຊາຄິຕື່ນແລ້ວ ເຂົາຟ້າວໄປໃນຫ້ອງກັບຕັນແລະຖາມຫາຊູວ໌ທັນທີ. ອິນແກຣມເຈລະຈາກັບມາຊາຄິໂດຍບອກວ່າ ເວລານີ້ຊູວ໌ ຊິຣາຄາວ່າຢູ່ນຳDC ແລະພວກລາວກຳລັງເດີນທາງໄປຫາທີ່ຕັ້ງຂອງDCພໍດີ, ຖ້າມາຊາຄິຊ່ອຍຕໍ່ສູ້ກັບDC ກໍ່ຕ້ອງໄດ້ພົບກັບຊູວ໌ທີ່ກຳລັງຊອກຫາຢູ່ແທ້ໆ. ມາຊາຄິຈຶ່ງຕອບຕົກລົງແລະເດີນທາງໄປພ້ອມກັບຮາງາເນະ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກ໑໐

ເຫດຍ້ອນຣິວເຊຍ໌ມົວແຕ່ເຢັນຊາແລະໃຈຮ້າຍກັບຄຸສຸຮະ ເພາະບໍ່ພໍໃຈທີ່ຄຸສຸຮະມາເປັນລູກເຮືອຂອງຮາງາເນະ, ກາຣ໌ເນັຕກໍ່ເລີຍຈັດການຈັບລາທູນີ່ມາແຕ່ງເປັນຜູ້ຍິງເພື່ອໃຫ້ຣິວເຊຍ໌ໄດ້ເຫັນຄວາມໜ້າຮັກຂອງຜູ້ຍິງແດ່ ບໍ່ແມ່ນມົວແຕ່ບ້າຫຸ່ນຫຼືຄິດແຕ່ເລື່ອງຕໍ່ສູ້ຢ່າງດຽວ(ແຕ່ຂ້ອຍວ່າເຈ໊ກາຣ໌ເນັຕຢາກຫຼິ້ນແຕ່ງໂຕຕຸກກະຕາໃຫ້ລາທູນີ່ຫຼາຍກວ່າເບາະ) ແລະຜົນທີ່ອອກມາກໍ່ຄື…

ອີກດ້ານ໑ ຣິວເຊຍ໌ໄດ້ພົບກັບຮິວເຄໄບນ໌ 009(Huckebein 009)ທີ່ບັນທຸກມາໃນເຮືອຮາງາເນະນຳ ໂດຍອິຮຸມຈະເປັນຄົນຂັບເອງ ແລ້ວມອບເກສເພນສຕ໌ໂຕເກົ່າໃຫ້ລາທູນີ່ຂັບແທນ. ຣິວເຊຍ໌ໄດ້ຮັບຮູ້ເຖິງຄວາມລັບໃນອະດີດຂອງຮິວເຄໄບນ໌ວ່າ: ຮິວເຄໄບນ໌ນັ້ນເຄີຍມີຢູ່ນຳກັນ໓ເຄື່ອງ ໄດ້ແກ່ 008L, 008R ແລະ 009 ໂດຍມີການຕິດຕັ້ງBlack Hole Engine ໄວ້ໃນ008ທັງ໒ເຄື່ອງ, ນັບເປັນຄັ້ງທຳອິດທີ່ມີການເລີ່ມລວມວິທະຍາການEOT(Extra Over Technology) ເຊິ່ງມະນຸດໄດ້ວິໄຈມາຈາກເມເທໂອ໓ເຂົ້າກັບວິທະຍາການຂອງຊາວໂລກ. ແຕ່ໃນລະຫວ່າງການທົດສອບຫຼຸ້ນ008Rນັ້ນ ໄດ້ເກີດອຸບັດເຫດຂຶ້ນຈາການເຮັດວຽກຂອງເຄື່ອງຈັກຂັດຂ້ອງ ເຮັດໃຫ້ທຸກຄົນໃນທີ່ນັ້ນເສີຍຊີວິດ ເຫຼືອລອດມາແຕ່໓ຄົນ ໄດ້ແກ່: ຣ໊ອບ, ອິຣຸມ ແລະ ໄຣ. ເຊິ່ງເປັນຜູ້ຂັບ008Rນັ້ນເອງ. ຜົນຈາກເຫດການຄັ້ງນັ້ນ ເຮັດໃຫ້ຮິວເຄໄບນ໌ໄດ້ຊື່ວ່າ “Vanishing Trooper ຫຼື ພົນທະຫານແຫ່ງການສາບສູນ” ເຄື່ອງ008Lຖືກປິດຜະນຶກໄວ້. ສ່ວນໄຣເສຍມືເບື້ອງຊ້າຍໃນອຸບັດເຫດແລະຕ້ອງໃສ່ມືທຽບແທນ.

ຣິວເຊຍ໌ທີ່ຫາກໍ່ຮູ້ຄວາມຈິງເລື່ອງນີ້ປະຫຼາດໃຈຫຼາຍທີ່ໄຣບໍ່ເຄີຍບອກຫຍັງກ່ຽວກັບມືຊ້າຍຂອງຕົນເອງເລີຍ. ຫຼັງຈາກນັ້ນບໍ່ດົນ ຣິວເຊຍ໌ຖືກຣິໂອະຮ້າຍໃສ່ ເລື່ອງກ່ຽວກັບຄຸສຸຮະ ແຕ່ພັດມີຜູ້ຍິງຜົມສີມ່ວງແຕ່ງໂຕແບບຕຸກກະຕາແລ່ນຜ່ານໄປເຮັດໃຫ້ທຸກຄົນຫຼຽວໄປເບິ່ງເປັນຕາດຽວ ຣິວເຊຍ໌ຖາມຣິໂອະກໍ່ບໍ່ຮູ້ຈັກ ສົງໄສວ່າເປັນໝູ່ຂອງຣ໊ອບຫັ້ນເບາະ? ແລ້ວຣິໂອະກໍ່ກັບມາຮ້າຍຣິວເຊຍ໌ຕໍ່.

ເຮືອຮາງາເນະລົງຈອດເທິງເກາະຮ້າງແຫ່ງ໑ເພື່ອທົດສອບເຄື່ອງຈັກຂອງ009ແລະວິລດ໌ຣັບເຕີຣ໌, ແຕ່ຖືກໂຈມຕີຈາກໜ່ວຍລາດຕະເວນຂອງDCທີ່ນຳໂດຍເທມເປສຕ໌ ຮອວ໌ຄເຄີຣ໌, ເຊິ່ງມີຄວາມແຄ້ນຝັງເລິກກັບຝ່າຍສະຫະພັນມາກວ່າ໑໖ປີ ເຊິ່ງລາວໄດ້ສູນເສຍພັນລະຍາແລະລູກສາວໄປໃນເຫດການທີ່ຝ່າຍສະຫະພັນຕ້ອງຮັບຜິດຊອບ.

ຣິວເຊຍ໌ແລະອິຣຸມ ກຽມພ້ອມສຳຫຼັບການຮົບ ແຕ່ກໍ່ແປກໃຈກັບຄົນທີ່ຂັບເກສເພນສຕ໌ທີ່ທັງ໒ບໍ່ເຄີຍເຫັນໜ້າມາກ່ອນ. ແລະທຸກຄົນກໍ່ຕ້ອງປະຫຼາດໃຈໂດຍທົ່ວໜ້າເມື່ອຮູ້ວ່ານາງກໍ່ແມ່ນ… ລາທູນີ່ນັ້ນເອງ?!?

ໜຸ່ມໆຫຼາຍຄົນຕົກຕະລຶງກັນທົ່ວໜ້າ ໂດຍສະເພາະອິຣຸມທີ່ຈົ່ມວ່າ ຮູ້ແບບນີ້ໜ້າຈະຈົດລາທູນີ່ໄວ້ໃນ”ສະມຸດປົກດຳ”ຂອງລາວໄວ້ສາຕັ້ງດົນແລ້ວ. ຣິໂອະເຖິງກັບທົນບໍ່ໄຫວ ຮ້ອງດ່າຈາກວິທະຍຸສື່ສານໃສ່ພວກບ້າສາວທັງຫຼາຍຈົນຫູອຶ້ງໄປນຳກັນ.

ເທມເປສຕ໌ເອງກໍ່ຕ້ອງປະຫຼາດໃຈເມື່ອພົບວ່າມີທະຫານຂອງສະຫະພັນທີ່ຍັງເປັນເດັກນ້ອຍຢູ່ນຳ ເຮັດໃຫ້ເທມເປສຕ໌ລັງເລທີ່ຈະຕ້ອງຕໍ່ສູ້ກັບລາທູນີ່ພັກ໑ ກ່ອນທີ່ຈະຕັດສິນໃຈວ່າທະຫານຂອງສະຫະພັນທຸກຄົນເປັນສັດຕູທັງໝົດ ແມ່ນວ່າຈະເປັນເດັກນ້ອຍກໍ່ບໍ່ເວັ້ນ, ແລະເຂົ້າຕໍ່ສູ້ກັບລາທູນີ່. ລູກທີມທຸກຄົນເຂົ້າຊ່ອຍເຫຼືອແລະຂັບໄລ່DCກັບໄປໄດ້.

ຫຼັງຈາກການຮົບຈົບລົງ ລາທູນີ່ກັບໄປໃສ່ຊຸດເຮັດວຽກແລະໃສ່ແວ່ນຕາຄືເກົ່າແລະບໍ່ຂໍໃສ່ຊຸດແບບນັ້ນອີກເດັດຂາດ ທ່າມກາງຄວາມເສຍດາຍຂອງຫຼາຍຄົນ(ລວມທັງຄົນຫຼິ້ນນຳ). ສ່ວນຣິວເຊຍ໌ກໍ່ເລີ່ມໃຈເຢັນລົງ ແລະຂໍໂທດຄຸສຸຮະທີ່ລາວມີແຕ່ໂມໂຫໃສ່ຕະຫຼອດເວລາທີ່ຜ່ານມາ ແລະສັນຍາວ່າເມື່ອສົງຄາມຄັ້ງນີ້ຈົບລົງ ຄຸສຸຮະຕ້ອງໄດ້ອອກຈາກຮາງາເນະກັບໄປໃຊ້ຊີວິດແບບປົກກະຕິຄືເກົ່າໄດ້ແທ້ໆ, ໂດຍບໍ່ຮູ້ເລີຍວ່າ ສາເຫດທີ່ເຮັດໃຫ້ຄຸສຸຮະນຳມານ່ະ ກໍ່ເພາະຣິວເຊຍ໌ນັ້ນແຫຼະ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໙

ຫຼັງຈາກນັ້ນ R-1ກໍ່ບໍ່ຍອມເດີນເຄື່ອງອີກເລີຍ ຣ໊ອບຕ້ອງປັບປຸງລະບົບT-Linkໃໝ່ ຮິວເຊຍ໌ຈຶ່ງໄດ້ຮັບວິລດ໌ ຣັບເຕີຣ໌ມາໃຊ້ວຽກແທນ. ສ່ວນຮາງາເນະກໍ່ໄດ້ເລີ່ມອອກເດີນທາງໄປທີ່ເກາະຖານທັບຂອງDC ໂດຍດຳລົງພື້ນນ້ຳເພື່ອບໍ່ໃຫ້ຝ່າຍຂ້າເສິກຈັບໄດ້. ແຕ່ລະຫວ່າງທາງ ພັດພົບເຮືອດຳນ້ຳຂອງDCດັກຖ້າຢູ່ກ່ອນແລ້ວ ຊ້ຳຮ້າຍPTທຸກໂຕຍັງບໍ່ສາມາດອອກປະຕິບັດການໄດ້ເນື່ອງຈາກລະດັບຄວາມເລິກ ກັບຕັນໄດເທັຕສຶຈຶ່ງສັ່ງເດີນເຄື່ອງເຕັມທີ່ເພື່ອໄປໃຫ້ພົ້ນຈາກວົງລ້ອມຂອງກອງເຮືອດຳນ້ຳຝ່າຍກົງກັນຂ້າມ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໘

ນາຍພົນນໍຣ໌ແມນ ປະກາດແຜນການຮົບກັບDC ໂດຍການມອບໝາຍໜ້າທີ່ບຸກຖານບັນຊາການຂອງDC ໃຫ້ເຮືອຮົບຮາງາເນະ, ເຊິ່ງປະກອບດ້ວຍອະດີດກັບຕັນຂອງເຮືອຊິໂຣງາເນະ ໄດເທັຕສຶ ແລະຮອງ ເທັຕສຶຢະ ຕໍ່ມາເປັນສະມາຊິກຂອງທີມSRXທຸກຄົນ.

ຣິວເຊຍ໌ໄດ້ພົບກັບໂຣເບີຣ໌ທ ຫຼື ຣ໊ອບ, ຜູ້ສ້າງເກມເບີຣ໌ນນິ່ງPT ແລະຫຸ່ນຍົນສາຍRຊີຣີ່ຍ໌. ຣິວເຊຍ໌ລົມຖືກປາກຖືກຄໍກັບຣ໊ອບຫຼາຍ(ພວກບ້າຫຸ່ນທັງ໒).

ຣ໊ອບໃຫ້ຣິວເຊຍ໌ເບິ່ງR-1ທີ່ຍັງຢູ່ໃນລະຫວ່າງປັບປຸງຢູ່ ຣິວເຊຍ໌ເມື່ອເຫັນR-1ແລ້ວກໍ່ບອກວ່າ ນີ້ແມ່ນຣຽວໂຣບອທໄດ໋ ກະຍັງບໍ່ແມ່ນຊຸປເປີຣ໌ໂຣບອທຢູ່ຫັ້ນແຫຼະ ເສຍດາຍແທ້ໆ. ຣ໊ອບບອກວ່າ ໃນຕອນນີ້ລະບົບT-Linkຍັງບໍ່ພ້ອມ ກໍ່ເລີຍຍັງບໍ່ສາມາດຂັບເຄື່ອນR-1ໄດ້ ແຕ່ຣິວເຊຍ໌ພັດບໍ່ຮູ້ຈັກລະບົບT-Linkເລີຍ ອິນແກຣມບໍ່ເຄີຍສອນກ່ຽວກັບເລື່ອງນີ້ຈັກໜ້ອຍ.

ໃນເວລາຕໍ່ມາ ລູກເຮືອທີ່ຈະໂດຍສານໄປນຳເຮືອຮາງາເນະກໍ່ມາລວມໂຕກັນເທື່ອລະຄົນ ລວມທັງ ຣິໂອະ ເໝີຍຫຼົງ ແລະ ຄຸສຸຮະ ທີ່ມາເປັນເຈົ້າໜ້າທີ່ໂອເປີເຣເຕີຣ໌ນຳ. ຣິວເຊຍ໌ຄຽດໃຫ້ຄຸສຸຮະຫຼາຍແລະພະຍາຍາມໄລ່ຄຸສຸຮະກັບ ເພາະໜ້າທີ່ນີ້ມັນອັນຕະລາຍເກີນໄປ ຣິວໂອະຕ້ອງຮີບເຂົ້າມາຫ້າມຣິວເຊຍ໌ໄວ້ກ່ອນທີ່ຄຸສຸຮະຈະເສຍໃຈຫຼາຍກວ່ານີ້ ສັນຍານເຕືອນໄພໄດ້ດັງຂຶ້ນກ່ອນ.

ພວກDCຍົກທັບມາເພື່ອໂຈມຕີເຮືອຮົບຮາງາເນະທີ່ຍັງບໍ່ອອກຈາກທີ່ ຖານທັບໂດຍຮອບຖືກຖະຫຼົ່ມເສຍຫາຍໜັກ. ອິນແກຣມຂັບວິລດ໌ສໄວນ໌(Wild Schwein)ອອກນຳພາລູກທີມທຸກຄົນເຂົ້າຕ້ານໄວ້. ແຕ່ຣິວເຊຍ໌ບໍ່ສາມາດອອກຮົບໄດ້ຍ້ອນR-1ຍັງບໍ່ສົມບູນ ແຖມເກສເພນສຕ໌ທີ່ເຄີຍໃຊ້ກໍ່ເປ່ເພຕອນທີ່ຖືກໂຈມຕີຮອບທຳອິດແລ້ວ.

ທຸກຄົນພະຍາຍາມປ້ອງກັນທ່າທີ່ຮາງາເນະຈອດເພື່ອລໍຖ້າໃຫ້ຮາງາເນະເຄື່ອນໂຕອອກຈາກທ່າເຮືອ ແຕ່ເອລແຊມກໍ່ປະກົດໂຕອອກມາແລະທັກທາຍໄຣໜ້ອຍ໑ ຣິວເຊຍ໌ປະຫຼາດໃຈຫຼາຍເມື່ອພົບວ່າໄຣເປັນຄົນຂອງຕະກຸນບຣານຊໄທນ໌ ເຊິ່ງເປັນຕະກຸນທີ່ດຳລົງອຳນາດສູງສຸດໃນກຸ່ມໂຄໂລນີ່ທັງໝົດ. ແຕ່ໄຣພັດບອກວ່າ ຕອນນີ້ລາວໄດ້ຕັດຂາດກັບທາງເຮືອນແລ້ວ ແລະຈະຕ້ອງເໜືອກວ່າພໍ່ແລະອ້າຍດ້ວຍຕົນເອງໃຫ້ໄດ້. ເອລແຊມຕົບມືໃຫ້ໄຣດ້ວຍຄວາມຊື່ນຊົມ ກ່ອນຈະກັບໄປຮົບຕໍ່ ພ້ອມກັບເຕືອນວ່າ ຂີປະນາວຸດMAPWກຳລັງຈະມາຮອດ ເຊິ່ງເປົ້າໝາຍຂອງມັນແມ່ນຮາງາເນະໃນຕອນນີ້ຍັງບໍ່ສາມາດເຄື່ອນໂຕອອກຈາກທ່າເຮືອໄດ້ເລີຍ.

ອິນແກຣມບອກຣ໊ອບວ່າ ຕ້ອງໃຊ້ບູສເຕັຕ ໄຣເຟິລຂອງR-1ຍິງຂີປະນາວຸດກ່ອນທີ່ຈະມາຮອດ, ແຕ່ຣ໊ອບບອກວ່າ ວິລດ໌ຊໄວນ໌ຕອນນີ້ຕິດຕັ້ງບູສເຕັຕ ໄຣເຟິລບໍ່ທັນແລ້ວ ຣິວເຊຍ໌ຈຶ່ງບອກໃຫ້ໃຊ້R-1ເຮັດໜ້າທີ່ຍິງເອງ. ອິນແກຣມເຕືອນວ່າມີໂອກາດພຽງແຕ່ນັດດຽວທີ່ຈະຍິງກະສຸນເພື່ອຊ່ວຍຊີວິດຂອງທຸກຄົນເອົາໄວ້. ແຕ່ໃນຂະນະທີ່ຂີປະນາວຸດໃກ້ເຂົ້າມາເລື້ອຍໆນັ້ນເອງ R-1ກໍ່ເຄື່ອງຈັກມອດໄປເສີຍໆ ຣິວເຊຍ໌ຮ້ອງບອກທີ່ຫ້ອງຄົນຂັບວ່າ:

“ຂ້ອຍນ່ະ ຢາກຈະປົກປ້ອງຄຸສຸຮະແລະໝູ່ເພື່ອນ ພວກຂອງເຂົາທຸກຄົນໃນຮາງາເນະ. R-1 ເຈົ້າຖືກສ້າງມາເພື່ອປົກປ້ອງທຸກຄົນບໍ່ແມ່ນຫວາ ຖ້າເຈົ້າບໍ່ສາມາດຊ່ອຍທຸກຄົນໄດ້ແລ້ວ ເຈົ້າຈະຖືກສ້າງມາເພື່ອເຮັດຫຍັງຫວະ!

ທັນໃດນັ້ນR-1ກໍ່ຕອບສະໜອງຕໍ່ຄວາມຮູ້ສຶກຂອງຣິວເຊຍ໌ ແລະເດີນເຄື່ອງອີກຄັ້ງ ຣິວເຊຍ໌ອາໄສໂອກາດນັ້ນໃຊ້ບູສເຕັຕ ໄຣເຟິລຍິງໃສ່ຂີປະນາວຸດໄດ້ທັນເວລາພໍດີ.

ຫຼັງຈາກການຕໍ່ສູ້ຈົບລົງ ຣິວເຊຍ໌ຂໍໃຫ້ອິນແກຣມຊ່ອຍປົດຄຸສຸຮະອອກຈາກເຮືອຮົບຮາງາເນະ ແຕ່ບໍ່ສຳເລັດ. ຈາກນັ້ນເມື່ອພົບກັບໄຣ ທັງ໒ຈຶ່ງລົມກັນເລື່ອງທີ່ມາຂອງໄຣ ໄຣຖາມຣິວເຊຍ໌ວ່າບາດນີ້ຄົງຈະເຫັນຂ້ອຍເປັນສັດຕູໄປເລີຍເນາະ ແຕ່ຣິວເຊຍ໌ຕອບວ່າ ບໍ່ ພຽງແຕ່ແປກໃຈໜ້ອຍ໑ທີ່ໄຣເລືອດເຢັນພໍທີ່ຈະສູ້ກັບສາຍເລືອດດຽວກັນນັ້ນແຫຼະ.

ແລະແລ້ວ ໃນທີ່ສຸດຣິວເຊຍ໌ໄດ້ພົບເຫດຜົນໃນການຕໍ່ສູ້ຂອງຕົນເອງ ເພື່ອປົກປ້ອງຄົນທີ່ລາວຮັກທຸກຄົນນັ້ນເອງ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໗

ມີການກວດພົບການເຄື່ອນໄຫວຂອງຝ່າຍສັດຕູທີ່ແມ່ນ້ຳ ເມື່ອທີມເຂົ້າກວດສອບກໍ່ພົບກັບເຮືອດຳນ້ຳພະລັງງານນິວເຄຼຍຍ໌”ຄິລເລີຣ໌ເວລ(Killer Whale ປາວານເພັດສະຄາດ)” ໒ລຳຈອດຢູ່.

(ແມ່ນ້ຳຫຍັງ ກວ້າງຂະໜາດເຮືອດຳນ້ຳ໒ລຳຈອດໄດ້ວະ)

ພວກຣິວເຊຍ໌ຕ້ອງຢຸດການເຮັດວຽກຂອງເຮືອດຳນ້ຳ໒ລຳນັ້ນ ໂດຍລະວັງຢ່າໃຫ້ເຕົາປະຕິກອນນິວເຄຼຍຍ໌ລະເບີດ ໂດຍໄດ້ຮັບຄວາມຮ່ວມມືຂອງອິຣຸມນຳ.

ໃນການຕໍ່ສູ້ຄັ້ງນີ້ ຣິວເຊຍ໌ໄດ້ປະເຊີນໜ້າກັບເທນຊັນອີກຄັ້ງ ແລະນຶກອອກວ່າ ເທນຊັນກໍ່ແມ່ນນັກຫຼິ້ນເກມເບີຣ໌ນນິ່ງPTທີ່ເປັນໂຕເກງໃນການແຂ່ງຂັນນັ້ນເອງ ເທນຊັນຄືສິມັກສົງຄາມຄັ້ງນີ້ຫຼາຍ ເພາະມັນເຮັດໃຫ້ລາວໄດ້ໃຊ້ຄວາມສາມາດໃນການຫຼິ້ນເກມກັບຊີວິດແທ້ໆ ໂດຍບໍ່ຄຳນຶງເຖິງຄົນທີ່ຕ້ອງສູ້ນຳເລີຍ ພ້ອມບອກວ່າຣິວເຊຍ໌ກໍ່ຄືລາວ ທີ່ໄດ້ພົບກັບໂອກາດທີ່ຈະໄດ້ຂັບຫຸ່ນຍົນທີ່ເຄຍມັກແທ້ໆ.

ແຕ່ຣິວເຊຍ໌ປະຕິເສດ ແມ່ນຢູ່ທີ່ເປົ້າໝາຍໃນຕອນທຳອິດຂອງຣິວເຊຍ໌ກັບເທນຊັນຈະຄືກັນ ແຕ່ຣິວເຊຍ໌ໃນເວລານີ້ ໄດ້ຮຽນຮູ້ຄວາມໜ້າຢ້ານ ຄວາມຄຽດແຄ້ນ ແລະຄວາມເຈັບປວດຂອງສົງຄາມແທ້ໆທີ່ບໍ່ແມ່ນເກມ ເພາະສະນັ້ນເຫດຜົນໃນການຕໍ່ສູ້ຂອງຂ້ອຍ ບໍ່ຄືຂອງເຈົ້າ.

ຫຼັງຈາກກອງກຳລັງຝ່າຍສັດຕູຖອນໂຕໄປແລ້ວ ພວກກາຣ໌ເນັຕລົມກັບຣິວເຊຍ໌ ເລື່ອງທີ່ເອົາເຕັກນິກການຫຼິ້ນເກມມາໃຊ້ຄວບຄຸມຫຸ່ນ ແລະຂໍໃຫ້ໄປຊ່ອຍສອນໃຫ້ແດ່ ນັ້ນເຮັດໃຫ້ຣິວເຊຍ໌ບໍ່ພໍໃຈເລັກນ້ອຍ ກ່ອນຈະຄຶດສົງໄສຂຶ້ນມາວ່າ ຖ້າເກມເບີຣ໌ນນິ່ງPTເປັນເຄື່ອງມືທີ່ທາງສະຫະພັນໃຊ້ເພື່ອຊອກຫາຄົນທີ່ມີຄວາມສາມາດເຂົ້າມາຮ່ວມແລ້ວກໍ່… ເປັນຫຍັງເທນຊັນຈຶ່ງໄປເຂົ້າຮ່ວມກັບDCໄດ້???

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໖

ແລະສິ່ງທີ່ຮ້າຍທີ່ສຸດກໍ່ນຳມາ ເມື່ອ ສຈ.ບິອັນ ໂຊລດາລ໌ຄ ແຫ່ງEOTI ໄດ້ປະກາດກໍ່ຕັ້ງ Divine Crusader(ກອງທັບສັກສິດແຫ່ງເຫຼົ່າເທບ) ພ້ອມປະກາດສົງຄາມກັບສະຫະພັນໂລກທີ່ໄຮ້ປະສິດທິພາບ.

DCໃຊ້ຂີປະນາວຸດ MAPW ຖະຫຼົ່ມຖານທີ່ໝັ້ນຕາມບ່ອນຕ່າງໆຂອງໂລກ ບໍ່ເວັ້ນຖານທັບທີ່ອາເມຣິກາ ເຊິ່ງທີມATX(ທີມຂອງຄຽວສຸເກະ)ປະຈຳການຢູ່ຈົນຮາບຄາບ.

ທີ່ກອງບັນຊາການທະຫານຂອງຍີ່ປຸ່ນ ໄຄແລະພວກຂອງກາຣ໌ເນັຕເຊິ່ງເປັນລູກທີມ ພະຍາຍາມປ້ອງກັນຖານດ້ວຍກຳລັງທີ່ເຫຼືອຢູ່ຢ່າງສຸດຄວາມສາມາດ ເຖິງແມ່ນວ່າຝ່າຍກົງກັນຂ້າມຈະເຕັມໄປດ້ວຍກອງທັບອາກາດກໍ່ຕາມ ດ້ວຍຄວາມຊ່ອຍເຫຼືອຈາກທີມSRXທີ່ນຳມາສົມທົບ ເຮັດໃຫ້ສາມາດຂັບໄລ່ໜ່ວຍຮົບຂອງDCກັບໄປໄດ້ ແຕ່ວ່າ…

ຂີປະນາວຸດMAPW ຖືກຕັ້ງເປົ້າໝາຍໃຫ້ມາທີ່ຖານທັບແຫ່ງນີ້ ອິນແກຣມສັ່ງໃຫ້ທຸກຄົນຖອນທັບກັບໂດຍດ່ວນ ແຕ່ຣິວເຊຍ໌ຖາມວ່າ ມີທາງທຳລາຍກາງອາກາດກ່ອນທີ່ມັນຈະມາເຖິງເປົ້າໝາຍໄດ້ບໍ່? ໄຣເຕືອນຣິວເຊຍ໌ວ່າ ເຈົ້າຍັງບໍ່ມີຄວາມສາມາດພໍທີ່ຈະເຮັດແນວນັ້ນໄດ້ ຣິວເຊຍ໌ຈຶ່ງບອກໃຫ້ໄຣເຮັດແທນ ຖ້າໄຣຄິດວ່າໂຕເອງເກ່ງພໍ ແຕ່ໄຣຍັງຄົງປະຕິເສດວ່າເຄື່ອງຈັກທີ່ພວກເຮົາມີຢູ່ທັງໝົດບໍ່ສາມາດເຮັດຫຍັງມັນໄດ້ດອກ ຮີບເຮັດຕາມຄຳສັ່ງ ໜີໄປສາ. ຣິວເຊຍ໌ໄດ້ແຕ່ຮ້ອງດ້ວຍຄວາມເຈັບໃຈກ່ອນຈະໜີໄປ ຣິວເຊຍ໌ຖຽງກັບໄຣອີກຄັ້ງ ອາຢະພະຍາຍາມສະຫງົບສະຕິອາລົມຂອງຣິວເຊຍ໌ຈົນເກືອບບອກເລື່ອງມືເບື້ອງຊ້າຍຂອງໄຣອອກໄປ ຣິວເຊຍ໌ບອກວ່າໄຣເປັນຄົນທີ່ເລືອດເຢັນທີ່ສຸດ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໕

ມີແຜນການຈັດງານເຈລະຈາຄັ້ງທຳອິດ ລະຫວ່າງມະນຸດ ກັບ ແອໂຣເກເຕີຣ໌. ທີມSRXຂອງຣິວເຊຍ໌ ໄດ້ຮັບເລືອກໃຫ້ເຂົ້າຮ່ວມໃນຖານະຕົວແທນສະຫະພັນພ້ອມກັບໄດເທັດສຶ ກັບຕັນເຮືອຊິໂຣງາເນະ ແລະຕົວແທນຈາກຄະນະວິໄຈEOTI, ສາສະດາຈານ ຊູວ໌ ຊິຣາຄາວ່າ, ເຊິ່ງຈະນຳແກຣນຊັນ ຫຸ່ນຮົບຫຸ້ມເກາະທີ່ກຳລັງຢູ່ໃນຂັ້ນທົດລອງມາເຂົ້າຮ່ວມງານນຳ.

ຣິວເຊຍ໌ຕົກໃຈຫຼາຍ ເມື່ອໄດ້ຮູ້ຄວາມຈິງວ່າ ມະນຸດຕ່າງດາວມີແທ້ ແລະພວກບັຄສ໌ທີ່ຣິວເຊຍ໌ຕໍ່ສູ້ໄປນຳນັ້ນ ກໍ່ເປັນກອງກຳລັງຂອງມະນຸດຕ່າງດາວນຳເຊັ່ນກັນ ແບບນີ້ກໍ່ຄືກັບເລື່ອງຫຸ່ນຍົນໃນໂທລະພາບທີ່ຣິວເຊຍ໌ມັກເລີຍແຫຼະ.

ທີ່ບ່ອນປະຊຸມແຖບຂົ້ວໂລກໃຕ້ ຍານຊິໂຣງາເນະໄດ້ເຂົ້າທຽບທ່າ ພ້ອມກັບ ເຮືອຂອງແອໂຣເກເຕີຣ໌ ຟູ-ເຣ.

ປະທານ ໄດ້ຊີ້ແຈງວ່າມະນຸດຕ່າງດາວແອໂຣເກເຕີຣ໌ທີ່ມາໃນມື້ນີ້ແມ່ນ ພວກເກສຕ໌ ຫຼື ແຂກຜູ້ມາຢາມ ເພາະບໍ່ໄດ້ມາເພື່ອຮຸກຮານໂລກນີ້ ແຕ່ພັດຮູ້ສຶກບໍ່ວາງໃຈປານໃດ.

ລາງສັງຫອນເປັນຄວາມຈິງ ເມື່ອແກຣນຊັນເປີດສາກໂຈມຕີ ເຮືອຟູ-ເຣ ຮີບປ່ອຍໜ່ວຍຮົບເພື່ອປ້ອງກັນຕົນເອງທັນທີ ການເຈລະຈາລົ້ມເຫຼວ ແລະສົງຄາມກໍ່ໄດ້ເປີດສາກຂຶ້ນ.

ຫຼັງຈາກເຮືອຂອງແອໂຣເກເຕີຣ໌ຖອນກຳລັງໄປແລ້ວ ແກຣນຊັນກໍ່ຫັນມາຈັດການຝ່າຍສະຫະພັນນຳ ກອງກຳລັງທັງໝົດຖືກກວາດຖິ້ມຢ່າງງ່າຍດາຍ ແມ່ນແຕ່ເຮືອຮົບຊິໂຣງາເນະກໍ່ຍັງບໍ່ສາມາດຕໍ່ຕ້ານໄຫວ ເຫຼືອແຕ່ພຽງທີມSRXທີ່ເຫຼືອມາໄດ້ຢ່າງປາຕິຫານ.

(ສົງໄສຂະໜາດ ທ່າກວາດMapຂອງແກຣນຊັນແນວນັ້ນ ຫຼີກໄດ້ແນວໃດ?)

ຣິວເຊຍ໌ຕົກໃຈຢ່າງແຮງຈົນຄຸມສະຕິຕົນເອງບໍ່ໄດ້ ໄຣກັບອາຢະຕ້ອງເຝົ້າຄຸ້ມກັນຣິວເຊຍ໌ແທນ ກ່ອນທີ່ພວກລາວຈະຖືກຈັດການນັ້ນເອງ ຫຸ່ນຮົບສີຂາວທີ່ບໍ່ມີໃຜຮູ້ຈັກກໍ່ໄດ້ບິນອອກມາ ຊູວ໌ຈຶ່ງໜີໄປ ກ່ອນທີ່ຈະຖິ້ມໄວ້ພຽງແຕ່ຄວາມພິນາດຂອງຖານທັບ ແລະຄວາມຫວັງທີ່ຈະເຈລະຈາສັນຕິພາບເຊິ່ງຖືກທຳລາຍລົງຢ່າງສິ້ນເຊີງ…

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໔

ໄຣກັບຣິວເຊຍ໌ຖຽງກັນ ເນື່ອງຈາກໄຣວິຈານກ່ຽວກັບຜົນການເຝິກຂອງຣິວເຊຍ໌ໝົດອາທິດທີ່ຜ່ານມາ ຈົນອາຢະຕ້ອງມາຫ້າມໄວ້.

ການເຝິກມື້ນີ້ເປັນການເຝິກແທ້ທີ່ເກາະແຫ່ງ໑ ແຕ່ພັດມີສັນຍາຂໍຄວາມຊ່ອຍເຫຼືອສຸກເສີນຈາກຍານຂົນສົ່ງທີ່ຖືກໂຈມຕີ ຜູ້ທີ່ໂດຍສານມາທັກທາຍອິນແກຣມກັບໄຣ ລາວແມ່ນ ອິຣຸມ (Irum) ຄາຊາຮາຣ່າ ນັ້ນເອງ.

ອິນແກຣມອະນຸຍາດໃຫ້ຣິວເຊຍ໌ໄດ້ປະຕິບັດການແທ້ ຖ້າຣິວເຊຍ໌ບໍ່ເຮັດນອກເໜືອຄຳສັ່ງ ພ້ອມບອກໃຫ້ລະວັງເລື່ອງການຮົບໃນນ້ຳໃຫ້ດີໆ ໃນລະຫວ່າງການຮົບ ຣິວເຊຍ໌ໄດ້ຮູ້ຈັກກັບນັກບິນຂອງຝ່າຍກົງກັນຂ້າມ ນັ້ນແມ່ນເທນຊັນ ນາກາຈິມ່າ ນັກບິນທີ່ຄິດວ່າການຮົບກໍ່ເປັນດັ່ງເກມໆ໑ເທົ່ານັ້ນ ຜິດກັບຣິວເຊຍ໌ທີ່ຫາກໍ່ໄດ້ຮຽນຮູ້ເຖິງຄວາມໜ້າຢ້ານຂອງສົງຄາມເປັນຄັ້ງທຳອິດ ເມື່ອສັງເກດການເຄື່ອນໄຫວຂອງຣິວເຊຍ໌ແລ້ວ ເທນຊັນຄິດວ່າ ຄູ່ຕໍ່ສູ້ຄົນນີ້ຕ້ອງເຄີຍຫຼິ້ນເກມເບີຣ໌ນນິ່ງPTມາກ່ອນຄືກັນແນ່ນອນ.

ຫຼັງຈາກຍານຂົນສົ່ງໄດ້ຮັບການຊ່ອຍເຫຼືອແລ້ວ ອິຣຸມຈຶ່ງບອກເຖິງວຽກຂອງຕົນເອງວ່າ ມາບ່ອນນີ້ເພື່ອນຳເອົາ ວິລດ໌ ຣັບເຕີຣ໌(Wild Raubtier) ມາສ້ອມແຊມ.

(ຖ້າຫຼິ້ນສາຍຄຽວສຸເກະ ວິລດ໌ ຣັບເຕີຣ໌ລຳນີ້ແມ່ນລຳທີ່ຄຽວສຸເກະເຮັດເພໃນສາກທີ່໑ນັ້ນເອງ)

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໓

ຣິວເຊຍ໌ໄດ້ຮ່ວມທີມກັບໄຣແລະອາຢະ ຣິວເຊຍ໌ຮູ້ສຶກບໍ່ຄ່ອຍຖືກຊະຕາກັບໄຣທີ່ມັກເຮັດຄືວ່າຣິວເຊຍ໌ເປັນເດັກນ້ອຍ ການເຝິກໃນມື້ນີ້ຂອງຣິວເຊຍ໌ເປັນການຊ້ອມໃນເຄື່ອງຈຳລອງສະຖານະການ ເຊິ່ງຣິວເຊຍ໌ຮູ້ສຶກວ່າບໍ່ຕ່າງກັບເກມ ຈຶ່ງຄິດສາຍດ່ຽວໂດຍບໍ່ສົນເລື່ອງຄົນຮ່ວມທີມເລີຍ ຫຼັງຈາກການເຝິກຣິວເຊຍ໌ຖືກໂທດໃຫ້ຊ້ອມລຶ້ມຄືນເນື່ອງຈາກຫົວຂໍ້ໃນການເຝິກມື້ນີ້ແມ່ນ ຄວາມສຳຄັນຂອງທີມເວີຣ໌ຄ ໃນເວລາຕໍ່ມາຣິວເຊຍ໌ໄດ້ພົບກັບສະມາຊິກຄົນອື່ນທີ່ຈະໃຊ້ເຄື່ອງຊ້ອມນຳ ໄດ້ແກ່ ກາຣ໌ເນັຕ, ເຈຍດາ (Giada) ແລະລາທູນີ່ ເຊິ່ງກາຣ໌ເນັຕຂ້ອນຂ້າງກະຕືລືລົ້ນຄືມ່ວນກັບເກມ ສ່ວນລາທູນີ່ກໍ່ມິດແລະບໍ່ຄ່ອຍເວົ້າຫຍັງເລີຍ.

ບົດແປເນື້ອເລື່ອງ SRW OG ສາຍຣິວເຊຍ໌

ສາກທີ່໒

ຣິວເຊຍ໌ ດາເຕະ ກັບ ຄຸສຸຮະ ມິສຸຮະ ກ່ອນທີ່ຈະໄປງານແຂ່ງຂັນເກມ ເບີຣ໌ນນິ່ງPT ພວກລາວຈະໄປຢາມແມ່ຂອງຣິວເຊຍ໌ທີ່ໂຮງໝໍ ລະຫວ່າງທາງຣິວເຊຍ໌ມົວແຕ່ເບິ່ງຂອງຫຼິ້ນທີ່ເປັນຫຸ່ນຍົນຈົນຖືກຄຸສຸຮະລໍ້.

ເມື່ອໄດ້ຢາມແມ່ ຢູຄິໂກະ ດາເຕະ ແລ້ວ ຣິວເຊຍ໌ໄດ້ບອກວ່າລາວຈະບໍ່ຮຽນຕໍ່ ແຕ່ຈະຊອກວຽກເຮັດເພື່ອນຳເງິນມາຮັກສາແມ່, ແຕ່ແມ່ບອກຣິວເຊຍ໌ບໍ່ໃຫ້ໃຊ້ຊີວິດແບບເສຍຖິ້ມລ້າໆ ຈົ່ງຊອກຫາສິ່ງທີ່ມີແຕ່ຣິວເຊຍ໌ເທົ່ານັ້ນທີ່ເຮັດໄດ້…

ຈາກນັ້ນ ຣິວເຊຍ໌ ແລະ ຄຸສຸຮະ ຈຶ່ງໄດ້ໄປຕໍ່ທີ່ງານແຂ່ງຂັນເກມ ຣິວເຊຍ໌ອະທິບາຍກ່ຽວກັບເກມ ເບີຣ໌ນນິ່ງPT ວ່າ ເປັນເກມທີ່ເຮັດໃຫ້ຄືກັບໄດ້ຂຶ້ນຂັບຫຸ່ນຍົນແທ້ໆ ແລະລາວຍັງຝັນວ່າຈັກມື້ຈະໄດ້ຂັບສຸເປີຣ໌ໂຣບອທແທ້ໆ. ຄຸສຸຮະ ຄິດໃນໃຈວ່າ ເວລາທີ່ຣິວເຊຍ໌ເວົ້າເຖິງຫຸ່ນຍົນ ລາວຈະເບິ່ງດີທີ່ສຸດ ແຕ່ຄືສິດີກວ່ານີ້ ຖ້າຣິວເຊຍ໌ຈະສົນໃຈນາງແບບດຽວກັນນຳແດ່.

ໃນງານແຂ່ງຂັນ ຣິວເຊຍ໌ໄດ້ລາງວັນຊະນະເລີດ ເພາະວ່າຄູ່ແຂ່ງສະລະສິດ ແຕ່ຣິວເຊຍ໌ບໍ່ເຄີຍຮູ້ເລີຍວ່າ ການແຂ່ງຂັນຄັ້ງນີ້ເປັນເຄື່ອງມືຂອງທາງກອງທັບທີ່ໃຊ້ເພື່ອຊອກຄົນທີ່ມີຄວາມສາມາດໄປເຂົ້າຮ່ວມໃນໜ່ວຍຮົບພິເສດ. ທີ່ບໍລິເວນນອກສະໜາມເວລານັ້ນ ອິນແກຣມ ພຣິສເກນ ກັບ ອາຢະ ໂຄບາຢາຊິ ກຳລັງເກັບກຳຂໍ້ມູນຂອງ ຕົວຢ່າງທົດລອງໝາຍເລກ55… ຣິວເຊຍ໌ນັ້ນເອງ.

ໂດຍບໍ່ມີໃຜຄາດຄິດ ກຸ່ມບັຄສ໌ກໍ່ອອກມາໂຈມຕີບໍລິເວນສະໜາມນັ້ນ ອິນແກຣມ ອອກຄຳສັ່ງໃຫ້ເຄື່ອງບິນຮົບຖອນກຳລັງ ແລ້ວໃຫ້ຖອນເຄື່ອງເກສເພນຕສ໌ ມາຣ໌ຄ2 ຫຼຸ້ນTT (ຫຼຸ້ນທົດສອບT-Link) ລົງຈາກລົດແທນ. ຣິວເຊຍ໌ບອກໃຫ້ຄຸສຸຮະຟ້າວໜີໄປ ສ່ວນໂຕລາວຈະຂັບຫຸ່ນທີ່ຈອດຢູ່ນອກສະໜາມນີ້ເພື່ອເຮັດສິ່ງທີ່ພໍຈະເຮັດໄດ້ເອງ. ແຕ່ລາວຕ້ອງປະຫຼາດໃຈເມື່ອພົບວ່າ ເຄື່ອງຄວບຄຸມຂອງຫຸ່ນຍົນໂຕນີ້ ຄືກັບໃນເກມບໍ່ມີຜິດ!?!? ແຕ່ຂອງແທ້ຍ່ອມບໍ່ຄືກັບເກມ ຣິວເຊຍ໌ຍັງຮົບໄດ້ບໍ່ຄ່ອຍຄ່ອງປານໃດຈົນອາຢະຮ້າຍຜ່ານວິທະຍຸ ແຕ່ຣິວເຊຍ໌ຕອບກັບໄປວ່າ ຖ້າອາຢະເປັນຄົນຂອງກອງທັບທີ່ຜ່ານການເຝິກແອບມາດີ ແຖມຍັງມີເວລາມາວາກໃສ່ລາວແລ້ວກໍ່ ເອົາເວລາໄປອົບພະຍົບຄົນອອກຈາກເຂດສູ້ຮົບແລ້ວຄ່ອຍມາຊ່ອຍລາວຕາມຫຼັງບໍ່ດີກວ່າເບ໊າະ!

ຫຼັງຈາກການຮົບຈົບລົງແລ້ວ ຣິວເຊຍ໌ຊອກຫາຄຸສຸຮະ ອິນແກຣມບອກວ່າບໍ່ຕ້ອງຫ່ວງ ນາງປອດໄພຢູ່ທີ່ໂຮງໝໍແລ້ວ ຢາກຈະຂໍລົມວຽກກັບຣິວເຊຍ໌ຈັກໜ້ອຍ… ອິນແກຣມຍື່ນຂໍ້ສະເໜີໃຫ້ຣິວເຊຍ໌ເຂົ້າຮ່ວມໜ່ວຍພິເສດເພື່ອແລກກັບການຮັກສາແມ່ຂອງຣິວເຊຍ໌ຢ່າງດີພາຍໃຕ້ການດູແລຂອງກອງທັບ ໂດຍທີ່ລາວຈະເປັນຜູ້ໃຕ້ບັງຄັບບັນຊາຂອງອິນແກຣມເຊັ່ນດຽວກກັບຄົນອື່ນທີ່ກຳລັງຖືກເອີ້ນມາລວມກຸ່ມກັນໄວໆນີ້.

ໃນເວລາຕໍ່ມາ ຣິວເຊຍ໌ພັດລືມບັດປະຈຳຕົວຈົນເຂົ້າໄປໃນຖານບໍ່ໄດ້ແຖມທ່າທາງຂອງຣິວເຊຍ໌ກໍ່ເບິ່ງເປັນເດັກນ້ອຍເກີນກວ່າຍາມຈະເຊື່ອວ່າເປັນສະມາຊິກໜ່ວຍພິເສດ ຊາຍໜຸ່ມຝຣັ່ງຄົນ໑ສະແດງບັດກ່ອນເຂົ້າໄປໃນຖານຖິ້ມໃຫ້ຣິວເຊຍ໌ຢືນຖ້າຢູ່ຄົນດຽວ ຈົນອາຢະຕ້ອງມາຊອກເຂົ້າໄປ. ອາຢະແນະນຳໂຕເອງແລ້ວຂໍໂທດຣິວເຊຍ໌ເລື່ອງທີ່ຮ້ອງໃສ່ຣິວເຊຍ໌ຕອນນັ້ນ.

ສ່ວນເດັກໜຸ່ມຜົມຝຣັ່ງທີ່ເຂົ້າໄປກ່ອນຣິວເຊຍ໌ນັ້ນຊື່ວ່າ ໄຣ ເອັຟ ບຣານຊໄທນ໌ (Rai F Branstein) ອິນແກຣມເອີ້ນລາວໄປສຳພາດແລະທົບທວນວ່າໄຣເປັນທາຍາດຂອງຕະກຸນ ບຣານຊໄທນ໌ ແຕ່ ໄຣ ປະຕິເສດວ່າ ລາວໄດ້ຕັດຂາດກັບທາງເຮືອນແລ້ວ ໂຕລາວເອງ ພ້ອມຖາມເຫດຜົນທີ່ອິນແກຣມເອີ້ນລາວມາ ທັງທີ່ເກີດອຸບັດຕິເຫດກັບແຂນຂອງລາວ ແຕ່ອິນແກຣມປະຕິເສດວ່າ ຍັງບໍ່ຈຳເປັນຕ້ອງຮູ້ໃນຕອນນີ້ ຫຼັງຈາກທີ່ໄຣກັບໄປແລ້ວ ອິນແກຣມບອກໂຕເອງວ່າ ໃນທີ່ສຸດສ່ວນປະກອບແລະຜູ້ຫຼິ້ນກໍ່ມາກັນຄົບແລ້ວ.

ບົດແປເນື້ອເລື່ອງ SRW OG ສາຍຣິວເຊຍ໌

ບົດນຳເລື່ອງ

ໃນປີ AD 197

ໃນອາວະກາດທີ່ຫ່າງໄກອອກໄປນັ້ນ ເຮືອອາວະກາດຮິຣິວໄຄ (Hiryu-Kwai)ຂອງກັບຕັນໄດເທັຕສຶກັບຈອຫ໌ນ ຖືກໂຈມຕີຈາກກອງກຳລັງລຶກລັບທີ່ມີຮູບຮ່າງຄືແມງໄມ້ ກິກັນສຄູໂດ (Giganscudo) ກຳລັງຮົບທີ່ສຳຄັນກໍ່ເສຍຫາຍຈົນເຄື່ອນໄຫວບໍ່ໄດ້ ໄດເທັຕສຶຈຶ່ງຖອນໂຕກັບມາ.

ສາກທີ່໑

ເອລແຊມ ວີ ບຣານຊໄທນ໌ (Elzam V Branstein) ກຳລັງເຮັດການທົດສອບເຄື່ອງຂອງ ເກສເພນສຕ໌ ມາຣ໌ຄ2 R (Gespenst-Mk2 R) ແລະໄດ້ພົບກັບສິ່ງມີຊີວິດລຶກລັບ ລາວໄດ້ຕັ້ງຊື່ໃຫ້ມັນວ່າ ບັຄສ໌ (Bugs) ແລະເຂົ້າຕໍ່ສູ້ໂດຍທີ່ບໍ່ໄດ້ຕິດອາວຸດ.

ເມື່ອທຳລາຍໄປໄດ້໔ໂຕ ເອລແຊມກໍ່ຈັດການຈັບກຸມໂຕທີ່໕ ເພື່ອນຳໄປໃຫ້ສາສະດາຈານ ບິອັນ ໂຊລດາລ໌ຄ (Bian Zoldark) ເຮັດການວິໄຈຕໍ່ໄປ.

ໃນປີ AD 197 ຫຼັງຈາກທີ່ມະນຸດຊາດໄດ້ກ້າວເຂົ້າສູ່ຍຸກທັນສະໄໝ ມີແລ້ວ໒ສະຕະວັດ ໄດ້ມີອຸກາບາດຕົກລົງມາສູ່ໂລກ ສິ່ງນັ້ນຖືກຮຽກວ່າ ເມເທໂອ3 ເຊິ່ງໄດ້ນຳສິ່ງທີ່ເກີນກວ່າວິທະຍາການຂອງມະນຸດມານຳ ນັ້ນແມ່ນ EOT (Extra Over Technology) ເຊິ່ງຜູ້ຮັບຜິດຊອບໃນໂຄງການວິໄຈນີ້ກໍ່ແມ່ນ ສາສະດາຈານ ບິອັນ ໂຊລດາລ໌ຄ ແລະແລ້ວອາວຸດທີ່ມີຮູບຮ່າງແບບມະນຸດທີ່ຖືກຮຽກວ່າ Personal Trooper ກໍ່ໄດ້ກຳເນີດຂຶ້ນ…

Super Robot Wars

ຕອນ Party of Dreams

ໝາຍເຫດ: ນີ້ແມ່ນຄວາມມັກ+ຮັກ+ບ້າ ໂດຍສ່ວນຕົວ.

ຄວນເບິ່ງ+ອ່ານຈາກຂວາຫາຊ້າຍ (ຕາມຕົ້ນສະບັບຍີ່ປຸ່ນ) ຈຶ່ງຈະດີ.

ເມນູພາສາລາວ ສຳຫຼັບ Nokia S60 ພ້ອມວິທີແກ້ໄຂ

-ເມນູພາສາລາວ ສຳຫຼັບ Nokia S60-

ທົດສອບແລ້ວໄດ້ຜົນ: N-G QD, 6680, 6681, N-70.

ເລີ່ມຕົ້ນເລີຍ!

ໄປດາວນ໌ໂລດເມນູລາວມາຈາກ:

http://urlder.com/31kg



ນຳເອົາໄປໄວ້ໃນເມໂມຣີ່ກາຣ໌ດ(ທັບໂຟລເດີຣ໌Systemໄປເລີຍ)ຕາມຮູບທີ່໑ (ໃຊ້Compສະດວກ+ໄວກວ່າ).
ເອົາໄປຍັດເຂົ້າໂທລະສັບ, ເປີດເຄື່ອງ (ບາງຫຼຸ້ນບໍ່ຕ້ອງມອດເຄື່ອງກໍ່ໄດ້) ມາຊອກຫາ ETL ຄືຮູບທີ່໒.
ຈັດການເປີດມັນທັງ໒ແຖວ ແລ້ວເຊຟ. ໂທລະສັບຈະມອດແລ້ວເປີດຂຶ້ນມາໃໝ່ດັ່ງຮູບທີ່໓.
(ຂັ້ນຕອນນີ້ແມ່ນຕ້ອງຖ້າຈັກບຶດເພື່ອໃຫ້ໂທລະສັບມອດ. ຖ້າມັນບໍ່ມອດສະແດງວ່າມັນຄ້າງ. ໃຫ້ຈັດການຖອດແບັຕອອກແລ້ວໃສ່ໃໝ່)
ພໍເປີດຂຶ້ນມາກໍ່ຈະພົບກັບຄວາມພູມໃຈທີ່ໄດ້ມີເມນູພາສາລາວ.
 

-------------------------------------------------------------------------------------------

-ວິທີແກ້ໄຂ (ຈາກພາສາຕ່າງປະເທດ ມາເປັນພາສາບ້ານເຮົາ)-

ທົດສອບແລ້ວໄດ້ຜົນ: Windows XP.

ບໍ່ລົມຍາວ... ເຮັດໂລດ!

ໄປດາວນ໌ໂລດ RESEdit ມາຈາກ:

http://urlder.com/s466LhKV


ເປີດມັນຂຶ້ນມາ ແລ້ວຊອກໄຟລ໌ .rsc ທີ່ຕ້ອງການມາແກ້ໄຂຕາມໃຈໂລດ.

ໝາຍເຫດ: ປົກກະຕິ ເມນູຂອງໂທລະສັບ ຈະຢູ່ທີ່ Z:SystemApps ຖ້າຢາກແກ້ໂຕໃດກໍ່ຊອກໂປຼແກຼມໄປກ໊ອປເອົາມາໄວ້ (ຕ້ອງຮັກສາຊື່ໂຟລເດີຣ໌ຕາມເກົ່າ).

ສ່ວນນີ້ແມ່ນໂຕຫຼັກຂອງ 6600:
About
Appmngr
Browser
BtUi
Calcsoft
Calender
Camera
ClockApp
Converter
CSHELP
FaxModemUI
GS
IrApp
Logs
Mce
MediaGallerry
MediaPlayer
Menu
MMCAPP
Notepad
Phone
Phonebook
Pinboard
ProfileApp
Speeddial
ToDo
VideoRecorder
VM

ສ່ວນລຸ່ມນີ້ແມ່ນສ່ວນທີ່ເຜີ້ມມາຂອງບາງຫຼຸ້ນທີ່ອອກມານຳຫຼັງ:
Chat
ConnectionMobitorUi
Filemanager
FMRadio
location
NSmlDMSynce
NSmlDSSynce
PoC
PRESENCE
PSLN
Satui
Sdn
Ussd
VCommand
vpnui

ມີຮູບປະກອບເດີ້ພີ່ນ້ອງ!

(ຄລິກເພື່ອເບິ່ງຮູບໃຫຍ່)

ໝາຍເຫດ: ການເຊຟຕ້ອງຮັກສາຊື່ໄຟລ໌ໄວ້ເດີ້. (ເກັບຂໍ້ມູນເກົ່າໄວ້ກ່ອນກະດີ ເພື່ອປ້ອງກັນການຜິດພາດຂຶ້ນມາ)

ນີ້ແມ່ນໂຕທີ່ລອງແກ້ໄຂແລ້ວໄດ້ຜົນ:



ຈົບແລ້ວ! ມີຫຍັງຂ້ອງໃຈກະຖາມໄດ້ເດີ້, ບໍ່ແນ່ໃຈວ່າສິຕອບໄດ້ຫຼືບໍ່. (^_^")

...ປະກອບສ່ວນຊ່ອຍກັນແດ່ກະດີ.

...ເຮັດ Link ບໍ່ເປັນ.

"Squall" - ຄວາມຊົງຈຳດັ່ງພາຍຸປັ່ນປ່ວນ

ຕັ້ງແຕ່ເກີດ ສຄອລລ໌ ເລອອນຮາຣ໌ທ ກໍ່ເປັນດັ່ງເດັກນ້ອຍອີກມາກມາຍໃນຊ່ວງເວລາດຽວກັນ ເຊິ່ງບໍ່ມີໂອກາດໄດ້ສຳຜັດຄວາມອົບອຸ່ນຈາກຜູ້ໃຫ້ກຳເນີດ... ເພາະວ່າ ຂະນະນັ້ນ ເປັນຍຸກທີ່ການປົກຄອງແບບຜະເດັດການ ໄດ້ແຜ່ຂະຫຍາຍສ້າງຄວາມເດືອດຮ້ອນໄປທົ່ວ ໂດຍຜູ້ນຳສູງສຸດ ແມ່ນຍິງສາວຜູ້ໂຫດຫ້ຽມ ແລະຊົງພະລັງປານວ່າອອກມາຈາກໂລກແຫ່ງຈິນຕະນາການ ທີ່ໄດ້ຮັບການຂະໜານນາມວ່າ ແມ່ມົດອາເດລ.

ພໍ່ຂອງເດັນນ້ອຍ ໄດ້ຈາກບ້ານໄປຕັ້ງແຕ່ກ່ອນທີ່ໂຕລາວຈະທັນມືນຕາມາເບິ່ງໂລກ ດ້ວຍພາລະກິດໄລ່ນຳຫາເດັກສາວອີກຄົນ໑ ທີ່ລາວຮັກດັ່ງລູກແທ້ໆເຊັ່ນກັນ... ເດັກສາວຄົນນັ້ນ ຖືກຍາດຊິງໄປໂດຍກອງກຳລັງແມ່ມົດ ເພື່ອທົດລອງເຖິງພະລັງເໜືອທຳມະຊາດບາງຢ່າງ... ເປັນພະລັງທີ່ພ້ອມຈະປ່ຽນແປງ ຍຸກສະໄໝ ແລະມີບົດບາດຢ່າງຫຼວງຫຼາຍ ຕໍ່ຊ່ວງຊີວິດຂອງໂຕເດັກໜຸ່ມເອງໃນພາຍຫຼັງ...

ການເດີນທາງອັນຍາວນານເພື່ອຍາດຊິງເດັກສາວນັ້ນ ແມ່ນວ່າຈະບໍ່ງ່າຍດາຍ ແຕ່ກໍ່ສາມາດຈົບລົງດ້ວຍດີ... ສາວນ້ອຍ "ເອລໂອເນ່" ໄດ້ກັບມາທີ່ບ້ານເກີດໃນທີ່ສຸດ... ແຕ່ວ່າ ຊາຍໜຸ່ມຜູ້ປຽບດັ່ງພໍ່ລ້ຽງທີ່ແສນໃຈດີ ພັດມີພັນທະສຳຄັນອີກມາກມາຍ ໃນການເປັນຜູ້ນຳກອງກຳລັງປົດແອກຈາກແມ່ມົດ ເຮັດໃຫ້ບໍ່ສາມາດເດີນທາງກັບບ້ານພ້ອມກັບລູກສາວຜູ້ໜ້າຮັກ... ໂຕລາວພາດໂອກາດ ສຳຄັນຍິ່ງ ທີ່ຈະໄດ້ເຫັນໜ້າລູກຊາຍຄົນສຳຄັນເມື່ອເກີດ... ແລະທີ່ຮ້າຍກວ່ານັ້ນ ໂຕລາວບໍ່ໄດ້ຢູ່ເບິ່ງໃຈ ເມື່ອຄາວທີ່ພັນລະຍາສຸດທີ່ຮັກຂອງລາວ ເສຍຊີວິດລົງ... ບໍ່ດົນຫຼັງຈາກທີ່ເກີດລູກຊາຍອອກມາ.

...ເດັກຊາຍຜູ້ທີ່ພວກລາວຄາດຫວັງຈະໃຫ້ມີຫົວໃຈທີ່ແຂງແກ່ນກວ່າໃຜ ອ່ອນໂຍນຍິ່ງກວ່າຄົນອື່ນ ແລະເປັນທີ່ເພິ່ງຂອງຄົນອ້ອມຂ້າງໄດ້ຫຼາຍກວ່າຄົນອື່ນໆ... ສຄອລລ໌ ເລອອນຮາຣ໌ທ.

ເມື່ອມານດາຈົບຊີວິດລົງຕັ້ງແຕ່ຍັງຈື່ຄວາມບໍ່ໄດ້ ສຄອລລ໌ຈຶ່ງຖືກພາໂຕໄປທີ່ສະຖານທີ່ລ້ຽງເດັກກຳພ້າ ພ້ອມກັບເອລໂອເນ່ຜູ້ເປັນເອື້ອຍ ເຊິ່ງເປັນດັ່ງສາຍສຳພັນສຸດທ້າຍທີ່ລາວເຫຼືອຢູ່.

ບ່ອນລ້ຽງເດັກກຳພ້າແຫ່ງນີ້ ດຳເນີນການໂດຍຍິງກາງຄົນຜູ້ອ່ອນໂຍນ ນາມວ່າ "ອີເດຍ" ແລະສາມີຂອງນາງ... ແມ່ນວ່າໂຕນາງຈະສືບທອດພະລັງເໜືອທຳມະຊາດຈາກແມ່ມົດມາຕັ້ງແຕ່ຍັງນ້ອຍ ແຕ່ກໍ່ຍັງສາມາດຄວບຄຸມພະລັງນັ້ນໄວ້ ແລະຕ້ອງການຈະຖ່າຍທອດຄວາມຮັກ ແລະຕອບແທນຄວາມຮູ້ສຶກຜິດຂອງນາງ ໃຫ້ກັບເຫຼົ່າເດັກນ້ອຍທີ່ສູນເສຍພໍ່ແມ່ໄປກັບສົງຄາມທີ່ໄຮ້ຄວາມໝາຍໃນຍຸກປະຈຸບັນ.

ແມ່ນວ່າຈະຖືກລ້ຽງໂດຍຄູ່ຜົວເມຍທີ່ໜ້າຮັກພຽງໃດ ຖືກຫຸ້ມລ້ອມດ້ວຍໝູ່ເພື່ອນໄວໃກ້ຄຽງຈຳນວນມາກມາຍເທົ່າໃດ... ໂຕເດັກນ້ອຍ ສຄອລລ໌ເອງ ພັດບໍ່ຮູ້ສຶກວ່າ ຕົນຈະສາມາດຫາຄວາມອົບອຸ່ນອື່ນໃດໄດ້ນອກຈາກການຢູ່ໃກ້ຊິດກັບເອລໂອເນ່... "ເອື້ອຍ" ພຽງຄົນດຽວຂອງຕົນ.

ສັນຊາຕະຍານທຳອິດຂອງສິ່ງທີ່ມີຊີວິດ ຕ່າງກໍ່ຕ້ອງການສະແຫວງຫາຄວາມຮູ້ສຶກ "ອົບອຸ່ນ" ແລະ "ປອດໄພ" ເຊິ່ງເປັນພື້ນຖານສຳຄັນ ໃຫ້ພັດທະນາມາເປັນການປັບຕົວດີ້ນຮົນ ຕໍ່ສູ້ເພື່ອທີ່ຈະມີຊີວິດຢູ່ຕໍ່ ກ່ອນທີ່ຈະເຕີບໃຫຍ່ ເຂົ້າສັງຄົມ ແລະສືບທອດຜ່ານເຜົ່າພັນຕໍ່ໄປ...

ໜ້າເສຍດາຍ ທີ່ສຄອລລ໌ບໍ່ໄດ້ຮັບສິ່ງເຫຼົ່ານີ້ໃນລຳດັບຂັ້ນທີ່ເໝາະສົມ... ໂຕລາວເລິ່ມຕົ້ນຊີວິດແຕ່໐ ໂດຍທີ່ບໍ່ໄດ້ຮັບຮູ້ຄວາມຮັກຈາກຜູ້ໃຫ້ກຳເນີດ.

"ຄວາມຊົງຈຳ" ອັນດັບທຳອິດຂອງລາວ ຈຶ່ງບໍ່ແມ່ນສຳຜັດທີ່ອົບອຸ່ນຈາກພໍ່ແລະແມ່ ອັນເປັນສິ່ງເລີ່ມຕົ້ນທີ່ສຳຄັນທີ່ສຸດທີ່ຄົນເຮົາຈະຕ້ອງຄອບຄອງ ກ່ອນຈະຖ່າຍທອດຄວາມອົບອຸ່ນນັ້ນໃຫ້ຄົນອ້ອມຂ້າງ.

...ເມື່ອບໍ່ໄດ້ເລີ່ມຕົ້ນກ້າວທຳອິດຈາກການໄດ້ຮັບຄວາມຮັກ ຈຶ່ງຍາກຫຼາຍທີ່ຈະສົ່ງຄວາມຮັກໃຫ້ຄົນອື່ນ... ສຄອລລ໌ພັດທະນາຄວາມຮູ້ສຶກທີ່ຈະຖ່າຍທອດ "ຄວາມຮັກ" ແລະ "ຄວາມຫ່ວງໃຍ" ຕໍ່ຄົນອ້ອມຂ້າງ ບໍ່ເຊັນເຈນເທົ່າທີ່ຄວນຈະເປັນ...

ກ່ອນທີ່ຕົວເຮົາຈະຮັກ ໄວ້ວາງໃຈ ແລະມີປະຕິສຳພັນກັບຜູ້ອື່ນນັ້ນ ຕົວເຮົາເອງ ຕ້ອງເລີ່ມຈາກໄດ້ຮັບສິ່ງເຫຼົ່ານັ້ນມາເປັນພື້ນຖານກ່ອນ... ຄ່ອຍໆສຶກສາ ແລະຮັບຮູ້ແບບຂອງສາຍສຳພັນທີ່ຫຼວງຫຼາຍ ເຊິ່ງຜ່ານເຂົ້າມາໃນໂຕ... ເຂົ້າໃຈໄດ້ເອງວ່າ ຄວາມຮູ້ສຶກໃດສ້າງປະໂຫຍດ ຄວາມຮູ້ສຶກໃດກໍ່ໂທດ... ສິ່ງໃດເຮັດໃຫ້ອົບອຸ່ນ ສິ່ງໃດເຮັດໃຫ້ອ້າງວ້າງ...

ແຕ່ວ່າ ສຄອລລ໌ເຊິ່ງມີ "ຄວາມຊົງຈຳ" ອັນດັບທຳອິດ ເປັນຄວາມໂດດດ່ຽວບໍ່ມີໃຜ ຈຶ່ງເຮັດໃຫ້ລາວຢ້າຍກົວທີ່ຈະຮັບຮູ້ ສຶກສາ ແລະຖ່າຍທອດອາລົມຄວາມຮູ້ສຶກຕ່າງໆຂອງຕົນເອງ ໃຫ້ກັບຄົນອ້ອມຂ້າງ.

ໂຕລາວເລີ່ມຕົ້ນຈາການຢູ່ພຽງຄົນດຽວ ແລະປະເຊີນໜ້າກັບຫຼາຍຄວາມຮູ້ສຶກທີ່ຖ່າຍທອດເຂົ້າມາຈາກຄົນອ້ອມຂ້າງ... ຄວາມເຫັນອົກ ເຫັນໃຈ ຄວາມສົງສານ ຄວາມກ້າ ຄວາມອ່ອນແອ ຄວາມສົມເວທະນາ ຄວາມຢ້ານກົວ ຯລຯ ບໍ່ວ່າມັນຈະເປັນຄວາມຮູ້ສຶກດ້ານບວກຫຼືດ້ານລົບກໍ່ຕາມ ສຳຫຼັບເດັກນ້ອຍຜູ້ໂດດດ່ຽວແລ້ວ ສິ່ງເຫຼົ່ານັ້ນກໍ່ໃຫ້ຜົນທີ່ບໍ່ຕ່າງກັນ... ມັນເຮັດໃຫ້ໂຕລາວຢ້ານກົວ ແລະຮູ້ສຶກບໍ່ໝັ້ນຄົງ.

"ຄວາມອົບອຸ່ນ" ແລະ "ຄວາມປອດໄພ" ສຳຫຼັບເດັກກຳພ້າເຊັ່ນໂຕລາວ ເຊິ່ງຖືກໂຍນເຂົ້າມາໃນກຸ່ມຄົນຢ່າງມາກມາຍທັນທີທັນໃດນັ້ນ... ຈະມີ ກໍ່ພຽງແຕ່ຈາກ"ເອື້ອຍ"ຄົນສຳຄັນ... ຄົນໆດຽວທີ່ຢູ່ໃນຄວາມຊົງຈຳຂອງໂຕລາວ ຕັ້ງແຕ່ຄັ້ງເຍົາໄວ.

...ເອລໂອເນ່ ເປັນ"ສາຍສຳພັນ"ແຕ່ພຽງ໑ດຽວ ທີ່ສຄອລລ໌ຍຶດໄວ້ສຸດແຮງ.

ເອລໂອເນ່ເປັນເດັກຍິງທີ່ມີອາຍຸຫຼາຍກວ່າຄົນສ່ວນໃຫຍ່ໃນສະຖານທີ່ລ້ຽງເດັກກຳພ້າແຫ່ງນີ້... ຄົນເກືອບທັງໝົດ ຈຶ່ງຮັກ ແລະນັບຖືນາງຄືກັບເປັນເອື້ອຍກົກຂອງທຸກໆຄົນ ແຕ່ມີສຄອລລ໌ເທົ່ານັ້ນ ທີ່ຍຶດໝັ້ນ ແລະຕິດພັນເອລໂອເນ່ຫຼາຍກວ່າຄົນອື່ນໆ... "ນ້ຳໜັກ"ຂອງຄວາມຮູ້ສຶກທີ່ມີໃຫ້ໜຽວແໜ້ນກວ່າທີ່ຄົນອື່ນໆຈະຢັ່ງເຖິງ...

ແຕ່ແລ້ວ ເໝືອນດັ່ງໂຊກຊະຕາແກ້ງ... ການນຳລ່າເດັກສາວ ເພື່ອນຳໄປທົດລອງເລື່ອງ "ພະລັງເໜືອທຳມະຊາດ"ຂອງນາງ ຍັງຄົງດຳເນີນຕໍ່ໄປ... ອີເດຍແລະສາມີ ສົ່ງໂຕເອລໂອເນ່ໃຫ້ເດີນທາງໜີໄປນຳເຮືອຂະໜາດຍັກ ທີ່ເປັນດັ່ງສະຖານທີ່ລ້ຽງເດັກກຳພ້າກາງທະເລ... ແລະປ່ອຍໃຫ້ເດັກສາວເຕີບໃຫຍ່ ຢູ່ທີ່ນັ້ນເປັນເວລາອີກກວ່າ໑໐ປີ...

"ເອື້ອຍ" ແລະ "ສາຍສຳພັນ" ອັນເປັນດັ່ງຫຼັກຖານພຽງ໑ດຽວ ທີ່ຢັ້ງຢືນກັບຕົວສຄອລລ໌ວ່າ ລາວຍັງມີຄົນທີ່ຮັກ ຍັງມີຄົນທີ່ປົກປ້ອງ ແລະຍັງມີຄົນໃຫ້ຍຶດເກາະໄວ້... ພັດຫາຍສາບສູນໄປຕໍ່ໜ້າຕໍ່ຕາ... ດັ່ງຟ້າຖະຫຼົ່ມ ແຜ່ນດິນທະລາຍ ເດັກນ້ອຍທີ່ຄວ້າຄວາມຮັກມາຈາກຈຸດເລີ່ມຕົ້ນທີ່ບໍ່ມີໃຜຄຽງຂ້າງ... ພັດຖືກຖິ້ມໃຫ້ຢູ່ພຽງລຳພັງອີກຄັ້ງ...

ສຄອລລ໌ເສົ້າເສຍໃຈ ແລະຍຶດຕິດຢູ່ກັບຄວາມຜິດຫວັງທີ່ເກີດຂຶ້ນຢ່າງປະຈຸບັນທັນດ່ວນ... ໄດ້ແຕ່ຮຽກຫາເອື້ອຍຄົນສຳຄັນຂອງລາວຊ້ຳແລ້ວຊ້ຳອີກ ພ້ອມກັບຍອມເຮັດທຸກຢ່າງ ເພື່ອໃຫ້ໄດ້ໂຕເອລໂອເນ່ກັບຄືນມາ... ລາວຈະບໍ່ຮ້ອງໄຫ້ ລາວຈະເຂັ້ມແຂງ ແລະຕໍ່ສູ້ໃຫ້ໄດ້ຫຼາຍກວ່າທີ່ເຄີຍ...

ບໍ່ມີສຽງຕອບຮັບ ເອລໂອເນ່ບໍ່ໄດ້ກັບມາພົບກັບນ້ອງຊາຍຄົນນີ້ອີກເລີຍ.

ຈາກພຶດຕິກຳການຮຽນຮູ້ ບົ່ງບອກວ່າ ສິ່ງມີຊີວິດທີ່ພັດທະນາມາຈົນມີສະຕິປັນຍາຄວບຄູ່ກັບສັນຊາຕະຍານ ຈະຮຽນຮູ້ແລະເຕີບໃຫຍ່ຈາກຄວາມຜິດພາດທີ່ເຄີຍພົບ ແລະເມື່ອພົບກັບບັນຫາເກົ່າອີກຄັ້ງ ກໍ່ພ້ອມທີ່ຈະມີການຕອບສະໜອງທີ່ປ່ຽນແປງໄປ... ບໍ່ວ່າຈະດີຂຶ້ນຫຼືຮ້າຍລົງກໍ່ຕາມແຕ່.

ດ້ວຍເຫດນີ້ ສຳຫຼັບສຄອລລ໌ແລ້ວ... "ການແຍກຈາກ" ຈຶ່ງເປັນສັນຍາລັກແຫ່ງຄວາມອັນຕະລາຍ ຄວາມບໍ່ໝັ້ນຄົງ ແລະຄວາມຮູ້ສຶກທີ່ແຕກສະຫຼາຍ... ຫົນທາງດຽວທີ່ຈະປ້ອງກັນການສູນເສຍ "ສາຍສຳພັນ" ໄປໄດ້ ໃນສາຍຕາຂອງເດັກນ້ອຍຜູ້ໂດດດ່ຽວແລ້ວ... ກໍ່ມີພຽງແຕ່ການ"ບໍ່ສ້າງ"ມັນຂຶ້ນມາເລີຍຕັ້ງແຕ່ຕົ້ນເທົ່ານັ້ນ...

ສຄອລລ໌ເຕີບໃຫຍ່ມາ ດ້ວຍການສ້າງຂອບປ້ອງກັນຢ່າງທີ່ລາວຕ້ອງການ ລາວການເປັນຄົນງຽບຂຶມ ບໍ່ສົນໃຈໃຜ ແລະພະຍາຍາມມີຊີວິດຢູ່ຜູ້ດຽວ ບໍ່ມີປະຕິສຳພັນກັບຄົນອື່ນ.

...ລາວເຮັດຕາມສິ່ງທີ່ລາວເຊື່ອໄດ້ຢ່າງດີ ແລະເຕີບໃຫຍ່ມາເປັນທະຫານຮັບຈ້າງທີ່ມີສີມືສູງສົ່ງ... ແຕ່ຊາຍໜຸ່ມພະຍາຍາມເຮັດເປັນຄົນໂດດດ່ຽວຫຼາຍເທົ່າໃດ ມັນກໍ່ຍິ່ງດຶງດູດຄວາມສົນໃຈຂອງຄົນອ້ອມຂ້າງ ແລະກາຍເປັນສະເໜ່ອັນໜ້າອັດສະຈັນ ທີ່ເຮັດໃຫ້ຜູ້ອື່ນຢາກເຂົ້າຫາຫຼາຍຍິ່ງຂຶ້ນ... ຍັງບໍ່ຕ້ອງເວົ້າເຖິງ"ສີມື"ແທ້ໆ ທີ່ໄດ້ຮັບການຜັດສີ ຈົນໂດດເດັ່ນກວ່າໝູ່ຮ່ວມຫຼຸ້ນທຸກໆຄົນ.

ແຕ່ແລ້ວມື້໑ ເປືອກໜາໆ ທີ່ຊາຍໜຸ່ມສ້າງຂຶ້ນມາຢ່າງເລັ່ງຮ້ອນ ກໍ່ຖືກເຮັດໃຫ້ສັ່ນໄກວ... ເມື່ອຍິງສາວນາມ "ຣີນໍຣ໌ ຮາຣ໌ທທິລລີ່" ໄດ້ປະກົດຕົວຂຶ້ນ.

...ສາວນ້ອຍຜົມດຳຍາວ ຄົນທີ່ເຮັດໃຫ້ລາວເກີດຄວາມຮູ້ສຶກທຳອິດວ່າ... ນາງໜ້າອ່ອນຕໍ່ໂລກແທ້ໆ... ທັງບໍ່ຍອມຮັບດ້ານທີ່ໂຫດຮ້າຍຂອງສັງຄົມ ແລະພະຍາຍາມຢ່າງເອົາເປັນເອົາຕາຍ ທີ່ຈະຕໍ່ສູ້ເພື່ອສິ່ງທີ່ນາງຄິດວ່າບໍ່ຖືກຕ້ອງ.

...ຍິງສາວເວົ້າຈົ່ມແຕ່ເລື່ອງໃນອຸດົມຄະຕິ ເຊັ່ນການພະຍາຍາມປົດປ່ອຍຄົນທີ່ທຸກທໍລະມານ ການຕໍ່ສູ້ໂດຍທີ່ມີຄົນສູນເສຍໜ້ອຍທີ່ສຸດ ຫຼືຈົນເຖິງການປະຕິບັດພາລະກິດທີ່ເຕັມໄປດ້ວຍອຸດົມການກ້າແກ່ນ... ແຕ່ພັດເຕັມໄປດ້ວຍແຜນການທີ່ບໍ່ຮອບຄອບແລ້ວບໍ່ເຂົ້າທ່າ.

ແລະຍິ່ງກວ່ານັ້ນ... ບໍ່ວ່າຈະດີຫຼືຮ້າຍກໍ່ຕາມ... ນາງເລີ່ມທີ່ຈະສົນໃຈໂຕຊາຍໜຸ່ມ ແລະຕ້ອງການທີ່ຈະຮູ້ຈັກໂຕລາວໃຫ້ຫຼາຍຍິ່ງຂຶ້ນ...

ສຳຫຼັບໂຕສຄອລລ໌ທີ່ປິດກັ້ນຕົນເອງຈາກຄົນອື່ນໃນສັງຄົມແລ້ວ ສິ່ງທີ່ລາວຈະຍອມຮັບບໍ່ໄດ້ທີ່ສຸດ ກໍ່ແມ່ນການປ່ອຍໃຫ້ໃຜບາງຄົນ "ເຂົ້າມາ" ໃນຊີວິດ ແລະຫວຸ້ນວາຍກັບສິ່ງທີ່ລາວຈະຄິດ ສິ່ງທີ່ລາວຈະກະທຳ ແລະສິ່ງທີ່ລາວຈະຮູ້ສຶກ.

"ກ່ອນທີ່ຕົວເຮົາຈະຮູ້ຮັກ ໄວ້ວາງໃຈ ແລະມີປະຕິສຳພັນກັບຜູ້ອື່ນນັ້ນ ຕົວເຮົາເອງ ຕ້ອງເລີ່ມຈາກໄດ້ຮັບສິ່ງເຫຼົ່ານັ້ນມາເປັນພື້ນຖານເສຍກ່ອນ"... ຄວາມຊົງຈຳທີ່ລົບເລືອນ ແລະຄວາມຢ້ານກົວຕໍ່ຄວາມບໍ່ໝັ້ນຄົງ ໄດ້ບົດບັງສາຍຕາຂອງຊາຍໜຸ່ມມາດົນນານ...

ໜຳຊ້ຳ ຜົນຂ້າງຄຽງຈາກການເຝິກຝົນເພື່ອເປັນທະຫານຮັບຈ້າງຂອງລາວ ຍິ່ງກັດກິນຄວາມຊົງຈຳຕັ້ງແຕ່ຄັ້ງເຍົາໄວໄປເທື່ອລະໜ້ອຍ... ເຫຼືອພຽງແຕ່ຄວາມຮູ້ສຶກທີ່ຈາງໆ ແລະຢ້ານກົວທີ່ຈະສ້າງຄວາມສຳພັນກັບຄົນໃດໆ...

ຣີນໍຣ໌ເປັນຍິງທີ່ກົງກັນຂ້າມຢ່າງສິ້ນເຊີງ... ນາງບໍ່ເຫັນວ່າ ການພະຍາຍາມປິດກັ້ນຄວາມຮູ້ສຶກຂອງຕົນເອງ ແລະບົດບັງຕົວຕົນຈາກສັງຄົມພາຍນອກ ມັນຈະມີປະໂຫຍດບ່ອນໃດ... ນາງພະຍາຍາມຢ່າງສຸດຄວາມສາມາດ ທີ່ຈະເຂົ້າມາເປັນສ່ວນ໑ໃນ "ໂລກ" ຂອງຊາຍໜຸ່ມ.

ສຸດທ້າຍ ທ້າຍສຸດ... ອາດຈະກ່າວໄດ້ວ່າ ນາງເຮັດສຳເລັດ... ຫຼືຢ່າງໜ້ອຍ ຣີນໍຣ໌ກໍ່ກ້າວຜ່ານເກາະກຳບັງ ແລະເຂົ້າເຖິງຕົວຕົນຂອງ ສຄອລລ໌ ເລອອນຮາຣ໌ທ ໄດ້ຫຼາຍກວ່າຄົນອື່ນໆ ຈະເຄີຍເຮັດໄດ້ສຳເລັດ...

ສຳຜັດທີ່ຫ່າງຫາຍໄປດົນນານ ທັງຄວາມຮັກ ຄວາມຫ່ວງໃຍ ຄວາມອົບອຸ່ນ ແລະຄວາມຮູ້ສຶກປອດໄພ... ໄດ້ກັບຄືນມາທີ່ໂຕຂອງຊາຍໜຸ່ມເທື່ອລະໜ້ອຍ... ເຊິ່ງ ຫາກຈະວ່າກັນແທ້ໆແລ້ວ ມັນກໍ່ເປັນສິ່ງທີ່ຄົນທົ່ວໄປ ເພິ່ງຈະພັດທະນາໃຫ້ມີຂຶ້ນ ຕັ້ງແຕ່ກ່ອນທີ່ຈະກ້າວພົ້ນໄວເດັກ...

...ແມ່ນວ່າຈະຊ້າໄປນັບສິບໆປີ... ແຕ່ທີ່ສຸດແລ້ວ ມັນກໍ່ໄດ້ເລີ່ມຕົ້ນຂຶ້ນໃນຫົວໃຈຂອງລາວ... "ສາຍສຳພັນ" ທີ່ລາວລຶບເລືອນໄປແສນດົນ.

ຕະຫຼອດເວລາທີ່ຜ່ານມາ ສຄອລລ໌ໃຊ້ຊີວິດໂດຍການ "ເບິ່ງເຂົ້າມາ" ພາຍໃນຈິດໃຈຂອງຕົນເອງເປັນຫຼັກໃຫຍ່... ແລະພະຍາຍາມຢ່າງຍອດຍິ່ງ ທີ່ຈະປົກປິດບໍ່ໃຫ້ໃຜເຂົ້າມາກ້າວກ່າຍອານາເຂດພາຍໃນຫົວໃຈຂອງລາວ.

...ແຕ່ເມື່ອປົມແຫ່ງຄວາມສູນເສຍທີ່ຊຸກເຊື່ອງຢູ່ນັ້ນ ໄດ້ຄາຍອອດມາຢ່າງຊ້າໆ... ແລະພາບທີ່ຈາງໆໃນຄວາມຊົງຈຳ ເລີ່ມກະຈ່າງແຈ້ງ... ຊາຍໜຸ່ມກໍ່ເລີ່ມທີ່ຈະເລີກຢ້ານກົວ ແລະກ້າທີ່ຈະ "ເບິ່ງອອກໄປ" ທີ່ຜູ້ຄົນ ແລະຄວາມເປັນຈິງທີ່ຢູ່ພາຍນອກ.

"ຄວາມຊົງຈຳ" ທີ່ຫວຸ້ນວາຍສັບສົນ ດັງພາຍຸທີ່ພັດປັ່ນປ່ວນ... ເລີ່ມທີ່ຈະສະຫງົບລົງຢ່າງຊ້າໆ... ຄວາມຮູ້ສຶກຜິດ ຄວາມຮູ້ສຶກອ່ອນແອ ແລະຄວາມຄຽດຊັງ ທີ່ຖືກສ້າງຂຶ້ນຈາກຈິດໃຈເມື່ອຄັ້ງຍັງເປັນ "ເດັກນ້ອຍສຄອລລ໌" ຜູ້ໄຮ້ພະລັງແລະຂາດຄວາມຮັກ ໄດ້ເຜີຍຂຶ້ນມາອີກຄັ້ງ ຕໍ່ໜ້າ "ສຄອລລ໌" ທີ່ເຕີບໃຫຍ່ ເຂັ້ມແຂງ ແລະພ້ອມທີ່ຈະເຂົ້າຕຳກັບພາບອະດີດ.

...ຜ່ານມາດົນນານ... ຊາຍໜຸ່ມໄດ້ປະເຊີນກັບພາບແຫ່ງບັນຫາທີ່ແທ້ຈິງເປັນຄັ້ງທຳອິດ... ຄວາມຮູ້ສຶກໂດດດ່ຽວ ແລະຢ້ານກົວການສູນເສຍ ທີ່ໂຕລາວຫຼີກໜີມັນມາຕັ້ງແຕ່ໄວເດັກ... ໄດ້ປະກົດຂຶ້ນທາງໜ້າອີກຄັ້ງ... ແຕ່ເທື່ອນີ້ "ຫຍັງ"... ທີ່ປ່ຽນໄປ?

ຊາຍໜຸ່ມກ້າວເຂົ້າປະເຊີນກັບພາບແຫ່ງຄວາມຊົງຈຳອັນຂົມຂື່ນນັ້ນ ດ້ວຍຫົວໃຈທີ່ເຕີບໃຫຍ່ ແລະດ້ວຍຄວາມມຸ້ງໝັ້ນທີ່ກ້າແຂງ ດັ່ງຫົວໃຈຂອງສິງ.

...ອາດຈະບໍ່ມີໃຜມາມາດບອກໄດ້ເຖິງບົດສະຫຼຸບທີ່ແທ້ຈິງ ຂອງເລື່ອງລາວການປະເຊີນໜ້າຄັ້ງນັ້ນ...

ແຕ່ວ່າ ທ້າຍທີ່ສຸດແລ້ວ... "ຮອຍຍິ້ມ" ທີ່ປະກົດເປັນຄັ້ງທຳອິດ ເທິງໜ້າຂອງຊາຍໜຸ່ມ... ອາດຈະເປັນ"ຄຳຕອບ"ທີ່ຊັດເຈນທີ່ສຸດ ທີ່ລາວຈະສົ່ງມອບໃຫ້ກັບຜູ້ຄົນອ້ອມຂ້າງ... ຄົນທີ່ລາວຮັກ... ແລະຄົນທີ່ແຜ່ປະກາຍຢູ່ໃນຄວາມຊົງຈຳ...

ຫຼັງຈາກຜ່ານເລື່ອງລາວທີ່ບໍ່ໜ້າຈົດຈຳມາກມາຍ... "ຄລາວດ໌ ສໄຕຣຟ໌" ເດີນທາງມາຮອດເມືອງ"ມິດກາຣ໌" ຕາມຄວາມຕັ້ງໃຈເທື່ອລຸນ... ບ່ອນນີ້ ລາວໄດ້ພົບທີຟາ ໝູ່ສະໄໝຍາມນ້ອຍອີກເທື່ອ໑ ແລະໄດ້ຖືກຊວນໃຫ້ມາເຮັດວຽກຮ່ວມກັບກຸ່ມ"ອະວາລັນຊ໌" ກອງກຳລັງຕໍ່ຕ້ານບໍລິສັດຊິນຣະ ທີ່ກຳລັງຍາດຊິງພະລັງງານຊີວິດຂອງໂລກໄປຢ່າງຊ້າໆ...

ຫຼັງຈາກທີ່ໄດ້ສະແດງສີມືໃນພາລະກິດຕ່າງໆ... ຊີວິດຂອງລາວພັດຕ້ອງມີຈຸດສະດຸດອີກຄັ້ງ... ເມື່ອອະດີດທີ່ຕົນເອງເຄີຍປິ່ນໜ້າໜີ ໄດ້ໄລ່ນຳມາເຖິງຕົນ...

"Cloud" - ຊ່ວງຊີວິດດັ່ງເມກໝົ່ນ (ພາກປາຍ)

ເຊຟິຣອທ ເຊິ່ງຄລາວດ໌ເຂົ້າໃຈວ່າ ຫາຍສາບສູນໄປແລ້ວຈາກເຫດການເມື່ອຄັ້ງອະດີດ ພັດປະກົດຕົວຂຶ້ນອີກຄັ້ງ ແລະເຮັດໃຫ້ຄວາມຕັ້ງໃຈທີ່ຈະ"ປົກປ້ອງຊີວິດຂອງດວງດາວ" ທີ່ກຸ່ມອະວາລັນຊ໌ຍຶດຖືຢູ່ ຕ້ອງປ່ຽນເປົ້າໝາຍໄປ... ພວກລາວ ຕິດຕາມໄລ່ລ່າອະດີດທະຫານຊັ້ນເອກທີ່ເກ່ງກ້າທີ່ສຸດຜູ້ນີ້ ຢ່າງເຕັມຄວາມສາມາດ... ແຕ່ການເດີນທາງ ພັດບໍ່ງ່າຍດັ່ງດີ່ຫວັງ...

"ເຊລລ໌ເຈໂນວ່າ" ທີ່ຄລາວດ໌ຖືກປູກລ້ຽງໄວ້ໃນຮ່າງກາຍນັ້ນ ມີຄວາມສາມາດທີ່ຈະປ່ຽນແປງຮູບລັກສະນະ ແລະຈັດຮຽງຄວາມຊົງຈຳຂອງຜູ້ຄົນໄດ້ດັ່ງຕ້ອງການ.

...ຮູບຮ່າງທີ່ເບິ່ງເຫັນອາດຈະເປັນສິ່ງຈອມປອມ... ຄວາມຊົງຈຳທີ່ໄດ້ຮັບຮູ້ ອາດຈະເປັນພຽງແຕ່ພາບລວງຕາ...

"ຮ່າງຈຳລອງ"ຂອງເຊຟິຣອທ ຈຳນວນຫຼາຍທີ່ໄດ້ພົບຕາມທາງ ຕ່າງກໍ່ຢ້ຳເຕືອນເຖິງເບື້ອງຫຼັງທີ່ແສນຊ້ຳຊາກປະໂຫຍກນີ້... ເມື່ອດົນເຂົ້າ ຈິດໃຈທີ່ແສນເບາະບາງຂອງຄລາວດ໌ກໍ່ຄ່ອຍໆສັ່ນໄຫວຢ່າງຊ້າໆ... ແລະມິດງຽບ.

ສຳຫຼັບຕົວຄລາວດ໌ ທີ່ເຄີຍພ່າຍແພ້ໃຈຕົນເອງ ແລະໃຊ້ກົນໄກປ້ອງກັນ ສ້າງອີກ໑ບຸກຄົນທີ່ຊື່ວ່າແຊັຄ ມາປິດບັງຄວາມອ່ອນແອ ແລະຄວາມຮູ້ສຶກຜິດຂອງຕົນເອງໃນເມື່ອກ່ອນນັ້ນ... ສິ່ງທີ່ຈະເຮັດໃຫ້ຕົນເອງຫວັ່ນໄຫວຫຼາຍທີ່ສຸດກໍ່ຄົງຈະບໍ່ແມ່ນສິ່ງອື່ນໃດ ນອກຈາກ"ຄວາມຈິງ"ທີ່ຕົນເອງປະຕິເສດທີ່ຈະເຫັນມັນເຕັມຕາມາຕະຫຼອດ.

ຖ້າປຽບທຽບວ່າມັນເປັນກັບແຫ່ງຄວາມຊົງຈຳອັນ໑ ທີ່ຖືຢູ່ໃນມື... ເດັກນ້ອຍຢ້ານກົວວ່າ ສິ່ງທີ່ຢູ່ທາງໃນນັ້ນ ຈະເປັນຄວາມຈິງແທ້ອັນແສນວິເສດ ຫຼືຈະເປັນພຽງແຕ່ຄວາມເຈັບປວດທີ່ຊຸກເຊື່ອງໄວ້ຈົນສຸດມືຄວ້າ... ຕະຫຼອດເວລາທີ່ຜ່ານມາ ຄລາວດ໌ໄດ້ແຕ່ປະຄອງ"ຄວາມຊົງຈຳ"ນັ້ນໄວ້ດ້ວຍມືທີ່ສັ່ນເຊັນ ດ້ວຍສາຍຕາທີ່ບິດເບືອນ ແລະດ້ວຍໃຈຢ້ານກົວ.

...ອີກຄັ້ງ໑ ຊາຍໜຸ່ມຕັດສິນໃຈແລ່ນໜີ ກ່ອນທີ່ບັນຫາຈະເຂົ້າມາເຖິງຕົວ... ຄລາວດ໌ຍອມແພ້ໃຫ້ກັບຄວາມຢ້ານກົວຂອງຕົນເອງ ແລ່ນເຂົ້າສູ່ຂໍ້ສະຫຼຸບໃກ້ຕົວວ່າ ຕົນເອງເປັນພຽງແຕ່ຮ່າງທົດລອງຮ່າງ໑ ເປັນຜົນຜະລິດທີ່ຮັບສືບທອດເຊລລ໌ຂອງເຈໂນວ່າ ເປັນພຽງແຕ່ຫຸ່ນກະບອກທີ່ໄຮ້ວິນຍານຂອງເຊຟິຣອທ... ຮ່າງເນື້ອທີ່ເຫັນຢູ່ນີ້ ຄວາມຊົງຈຳທີ່ຮັບຮູ້ຢູ່ນີ້ ລ້ວນແຕ່ເປັນສິ່ງທີ່ຖືກປຸງແຕ່ງຂຶ້ນມາຈາກຄວາມສາມາດຂອງເຊລລ໌ເຈໂນວ່າ ໂດຍທີ່ບໍ່ແມ່ນຄວາມຈິງ.

ແມ່ນວ່າເປືອກນອກຈະເບິ່ງຄືແຂງແກ່ນພຽງໃດ ແຕ່ຫາກແກ່ນໃນເປັນຮູແລ້ວ ພຽງແຕ່ອອກແຮງເຄາະເລັກນ້ອຍ ມັນກໍ່ຍ່ອມແຕກອອກໂດຍງ່າຍ... ເປັນຕາແປກ ທີ່ ຜູ້ມີບັນຫາທາງຈິດສ່ວນຫຼາຍ ພັດເປັນຊາຍໜຸ່ມທີ່ເບິ່ງພາຍນອກແສນເຂັ້ມແຂງ... ທີ່ແທ້ແລ້ວ ພາບທີ່ເຫັນ ອາດຈະເປັນພຽງແຕ່ລັກສະນະໃນອຸດົມຄະຕິ ທີ່ຖືກສ້າງຂຶ້ນມາປິດບັງຕົວຕົນທີ່ແສນອ່ອນແອພາຍໃນ...

ຄລາວດ໌ຍອມຖິ້ມຄວາມຈິງທີ່ແສນເຈັບປວດ ແລະເລືອກທີ່ຈະຍອມຮັບຂໍ້ສະຫຼຸບງ່າຍໆວ່າ... ທີ່ອ່ອນແອນີ້ ຍ້ອນ"ລາວ" ທີ່ຢູ່ບ່ອນນີ້ ບໍ່ແມ່ນ"ຕົວລາວ"ຢ່າງທີ່ຄວນເປັນ... "ຄວາມອ່ອນແອ"ທີ່ເຫັນນີ້ ບໍ່ແມ່ນເປັນຂອງ"ຄລາວດ໌" ແຕ່ເປັນຂອງ"ຄົນອື່ນ" ທີ່ບໍ່ໄດ້ກ່ຽວຂ້ອງກັນໂດຍສິ້ນເຊີງ... ຄລາວດ໌ຖິ້ມເປືອກທີ່ຮຽກວ່າແຊັຄອອກ ໂດຍບໍ່ຮູ້ໂຕ ແລະຫັນມາສ້າງເປືອກອັນໃໝ່ ທີ່ຮຽກວ່າຮ່າງທົດລອງທີ່ແສນອ່ອນແອ ແລະຄູ່ຄວນກັບການກະທຳອັນໜ້າອັບອາຍນີ້!!

ກົນໄກປ້ອງກັນຕົນເອງ ຊະນິດກ່າວໂທດຜູ້ອື່ນ (Projection) ຖືກນຳມາໃຊ້ໂດຍບໍ່ຍາກ ໂດຍຄັ້ງນີ້ ມັນຕ້ອງແລກດ້ວຍສິ່ງສູງຄ່າຍິ່ງ... ຄລາວດ໌ມອບອາວຸດອັນສຸດທ້າຍທີ່ຈະທຳລາຍດວງດາວໃຫ້ກັບເຊຟິຣອທ ແລະ... ອີກຄັ້ງ໑... ຄົນສຳຄັນຂອງຄລາວດ໌... ຕ້ອງຈົບຊີວິດລົງ... ໂດຍມີລາວເປັນຕົ້ນເຫດ.

ເມື່ອປອກນອກຄ່ອຍແຕກອອກເທື່ອລະຊັ້ນ ເຜີຍໃຫ້ເຫັນເນື້ອໃນທີ່ອ່ອນຍວບຍາບ ຄລາວດ໌ສູນເສຍຄວາມເປັນຕົນເອງຢ່າງສິ້ນເຊີງ ວົນວຽນຢູ່ໃນຄຳຖາມທີ່ຍົກຂຶ້ນມາຄັ້ງແລ້ວຄັ້ງເລົ່າວ່າ ຕົນເປັນໃຜ ເປັນຫຍັງຕ້ອງອ່ອແອ ເປັນຫຍັງຕ້ອງສູນເສຍ... ແມ່ນວ່າຄົນທົ່ວໄປ ກໍ່ເດົາອອກໂດຍງ່າຍວ່າ ຖ້າປ່ອຍໄວ້ບໍ່ດົນ ຄລາວດ໌ຈະເຂົ້າສູ່ໄລຍະສຸດທ້າຍຂອງອາການສູນເສຍຕົນເອງ... ກາຍເປັນທ່ອນໄມ້ທີ່ບໍ່ສາມາດກັບມາມີສະຕິໄດ້ອີກຕໍ່ໄປ.

ແຕ່ວ່າ... ຕັ້ງແຕ່ທຳອິດທີ່ໄດ້ພົບກັນອີກ... ທີຟາ ໝູ່ສະນິດຕັ້ງແຕ່ນ້ອຍ ເລີ່ມຄິດໃນເລື່ອງເລົ່າ ປາກຄຳແລະຄວາມຊົງຈຳຂອງຄລາວດ໌ ທີ່ທະຍອຍຖ່າຍທອດອອກມາ... ນາງເປັນຄົນທຳອິດ ທີ່ສັງເກດເຫັນຄວາມຜິດປົກກະຕິໃນສະພາບຈິດໃຈຂອງເດັກໜຸ່ມ... ພາບຄວາມເປັນຈິງທີ່ນາງ ຈົດຈຳຝັງໃຈ ກັບພາບຈິນຕະນາການທີ່ຖືກຮ້ອຍຮຽງອອກມາຢ່າງງຽບເສີຍຂອງຄລາວດ໌ນັ້ນ... ມັນແຕກຕ່າງກັນຢ່າງສິ້ນເຊີງ!! ແລະກວ່າທີ່ນາງຈະຕັ້ງຫຼັກ ຮູ້ສຶກເຖິງສາເຫດທີ່ແທ້ຈິງ... ເລື່ອງລາວທັງໝົດ ກໍ່ກ້າວໄປໄກຈົນເກືອບຈະເກີນແກ້ໄຂແລ້ວ...

ວິທີການຮັກສາທີ່ຈຳເພາະ ແລະກົງຈຸດທີ່ສຸດ ສຳຫຼັບຜູ້ເຈັບທີ່ຫຼີກເວັ້ນທາງຈິດໃຈ ກໍ່ແມ່ນການເຮັດ"ຈິດບຳບັດ" ໂອ້ລົມ ສະກົດ ຖອຍຈິດ ຫຼືຊັກຊວນ ຢ່າງໃດກໍ່ແລ້ວແຕ່ ເພື່ອໃຫ້ຄົນໆນັ້ນ ກ້າທີ່ຈະກັບໄປເບິ່ງບັນຫາຂອງຕົນ ໃຫ້ເຕັມ໒ຕາ.

...ຄົນສ່ວນຫຼາຍ ຈະບໍ່ກ້າປະເຊີນໜ້າກັບຄວາມຢ້ານຕໍ່ໜ້າ ເຮັດໃຫ້ພາບບັນຫາທີ່ແສນຂຸ່ນມົວນັ້ນ ພັດຂະຫຍາຍໃຫຍ່ໂຕຂຶ້ນກວ່າທີ່ມັນຄວນຈະເປັນ ຢູ່ເບື້ອງຫຼັງເປືອກຕາຂອງເຮົາ... ແລະນັ້ນ ຈະຍິ່ງເຮັດໃຫ້ສະຖານະການຍິ່ງຊ້ຳຮ້າຍເຂົ້າໄປອີກ.

ໂດຍຈະຕັ້ງໃຈຫຼືບໍ່ຕັ້ງໃຈກໍ່ແລ້ວແຕ່ ທີຟາໄດ້ເຮັດສິ່ງທີ່ເໝາະສົມທີ່ສຸດສຳຫຼັບຄລາວດ໌ ນັ້ນແມ່ນການພາຄລາວດ໌ຢ້ອນລະນຶກກັບ ໄປທີ່ເຫດການຕ່າງໆ ຕັ້ງແຕ່ກ່ອນ... ໃຫ້ຄລາວດ໌ໄດ້ເບິ່ງເຫັນການກະທຳ ໄດ້ຂຸດຄວາມຮູ້ສຶກແລະໄດ້ຫວນກັບໄປຕຶກຕອງຄວາມຄິດຂອງຕົນເອງໃນຫຼາຍຊ່ວງເວລາ... ຕ່າງກຳຕ່າງວາລະ.

ຜ່ານມາແຮມປີ ຄລາວດ໌ ສໄຕຣຟ໌ ຫາກໍ່ໄດ້ເບິ່ງເຂົ້າໄປເຖິງເບື້ອງເລິກຂອງຄວາມຊົງຈຳຂອງຕົນເອງເປັນຄັ້ງທຳອິດ... ທັງຄວາມຮູ້ສຶກ ແລະສຳນຶກຊົ່ວດີທັງຫຼາຍ ຄ່ອຍໆປ່ອຍອອກມາສູ່ຄວາມເປັນຈິງຢ່າງຊ້າໆ... ແລະແລ້ວ ແມ່ນວ່າຈະກິນເວລາໄປດົນຈັກໜ່ອຍ ແຕ່ໃນທີ່ສຸດ"ເອກະລັກ"ທີ່ສົມຄວນຈະຖືກຮຽກວ່າ"ຄລາວດ໌"ຢ່າງເຕັມພາກພູມ ກໍ່ຖືກຳເນີດຂຶ້ນມາໃນທີ່ສຸດ.

ເມື່ອຄົນເກີດຄວາມເຂົ້າໃຈ ແລະຮູ້ຈັກຕົວຕົນຂອງຕົນເອງຢ່າງຊັດເຈນແລ້ວ ສິ່ງທີ່ນຳມາ ແມ່ນຄວາມສຳນຶກຮູ້ ທີ່ຈະນຳທາງໃຫ້ຄົນໆນັ້ນຍຶດຖືບົດບາດ ແລະປະຕິບັດຕາມໜ້າທີ່ຂອງຕົນເອງໄດ້ຢ່າງເໝາະສົມ... ເຊິ່ງປົກກະຕິແລ້ວ ມັນເປັນສິ່ງທີ່ຈະຄ່ອຍໆພັດທະນາຂຶ້ນມາ ພ້ອມກັບໄວທີ່ເພີ່ມຂຶ້ນ ແລະຜູ້ໃຫຍ່ທົ່ວໄປໃນສັງຄົມ ຈະຕ້ອງມີ.

ເມື່ອໝົດຄວາມກັງວົນທີ່ເບິ່ງບໍ່ເຫັນ ເມື່ອເຊົາໜີບັນຫາພາຍໃຕ້ໜ້າກາກຂອງຄົນອື່ນ... ເມື່ອນັ້ນ ຄລາວດ໌ ສໄຕຣຟ໌ ກໍ່ສະແດງຄວາມສາມາດທີ່ແທ້ຈິງຂອງຕົນອອກມາໃຫ້ເປັນທີ່ຮັບຮູ້ອີກຄັ້ງ... ດາບທີ່ໄຮ້ຄວາມລັງເລ ແລະເຕັມໄປດ້ວຍສຳນຶກໃນໜ້າທີ່ຂອງຕົນ ຍ່ອມມີນ້ຳໜັກຫຼາຍກວ່າສິ່ງຈອມປອມທັງປວງ... ເຊຟິຣອທຖືກກຳຈັດລົງໄດ້ອີກຄັ້ງ ແລະດວງດາວກໍ່ລອດພົ້ນຈາກການຖືກທຳລາຍໃນທີ່ສຸດ.

...ການເດີນທາງເພື່ອປົກປ້ອງດວງດາວຈົບລົງ ແຕ່ການເດີນທາງຂອງຄລາວດ໌ຍັງບໍ່ສິ້ນສຸດ...

ເມື່ອຄລາວດ໌ຖິ້ມເປືອກອັນແສນອົບອຸ່ນທີ່ປົກປ້ອງຮ່າງກາຍແລະຈິດໃຈຂອງລາວອອກໄປ ແລະກັບມາເປັນໂຕຂອງໂຕເອງອີກຄັ້ງ... ນັ້ນກໍ່ໝາຍຄວາມວ່າ ເດັກໜຸ່ມຕ້ອງກັບມາປະເຊີນໜ້າກັບຄວາມຈິງອີກຄັ້ງ... "ການເຂົ້າໃຈ" ຫຼື"ບໍ່ເຂົ້າໃຈ" ຕົນເອງ ບໍ່ສາມາດບົດບັງຄວາມຈິງທີ່ວ່າ ຕົວລາວ ເຮັດໃຫ້ຄົນອ້ອມຂ້າງຕ້ອງເສຍສະລະໄປມາກມາຍເທົ່າໃດ... ສິ່ງນີ້ເທົ່ານັ້ນ ເປັນຄວາມຈິງທີ່ບໍ່ວ່າຈະເປັນຄລາວດ໌ໃດໆ ກໍ່ບໍ່ສາມາດຫຼີກໜີ.

ແມ່ນວ່າຈະຈັດການແກ້ແຄ້ນໃຫ້ຄົນສຳຄັນຂອງຕົນໄດ້ແລ້ວ ຄລາວດ໌ກໍ່ຍັງຖືກຈູ່ໂຈມດ້ວຍຄວາມຮູ້ສຶກຜິດທີ່ບໍ່ໄດ້ຈາງຫາຍໄປ ລາວເຝົ້າໝົກໝຸ້ນຢູ່ກັບອະດີດທີ່ແທ້ຈິງຂອງຕົນເອງ ແລະຝັງໃຈຕະຫຼອດມາວ່າ ຕົນເອງສົມຄວນທີ່ຈະຖືກກ່າວໂທດ ແລະບໍ່ສົມຄວນຈະມີຄວາມສຸກຢູ່ກັບຄົນອື່ນເລີຍ... ການໄດ້ຮູ້ຈັກຕົນເອງຊ້າເກີນໄປ ພັດເຮັດໃຫ້ຄລາວດ໌ຮ້ອນຮົນທີ່ຈະເບິ່ງພາບຊີວິດຂອງຕົນເອງຢ່າງບໍ່ຮອບຄອບຫຼາຍຍິ່ງຂຶ້ນ... ໄວຫຼຸ້ນຫຼາຍຄົນກໍ່ອາດຈະຕ້ອງຜ່ານເສັ້ນທາງລັກສະນະດຽວກັນ.

ຕັ້ງແຕ່ຍາມນ້ອຍ ເມື່ອຕົວຕົນ (Autonomy) ບໍ່ໄດ້ຖືກສ້າງຂຶ້ນມາຢ່າງຕໍ່ເນື່ອງເໝາະສົມ ເຮັດໃຫ້ເມື່ອເຕີບໃຫຍ່ຂຶ້ນ ເອກະລັກຂອງຄລາວດ໌ ຈຶ່ງສະທ້ອນຄວາມບໍ່ໝັ້ນຄົງອອກມາຢ່າງຮຸນແຮງ... ລາວຫຼົບໜີໝູ່ຄູ່ ແຍກຕົວອອກຈາກສັງຄົມ ຫຼີກໜີຄວາມຢ້ານທີ່ວ່າ ຕົນເອງອາດຈະຕ້ອງສູນເສຍຄົນສຳຄັນໄປອີກ...

ໂດຍຈະໂຊກດີຫຼືຮ້າຍກໍ່ແລ້ວແຕ່ ຫາຍະນະຈາກຟາກຟ້າ ຍັງບໍ່ໝົດສິ້ນໄປ... ເສດຊາກຂອງວິນຍານເຊຟິຣອທໄດ້ກັບມາມີຮູບລັກ ແລະພ້ອມທີ່ຈະສ້າງຄວາມເສຍຫາຍໃຫ້ກັບດວງດາວອີກຄັ້ງ໑ ຄລາວດ໌ຖືກບີບບັງຄັບໃຫ້ຕ້ອງຕໍ່ສູ້ອີກ ແຕ່ເທື່ອນີ້ ສັດຕູທີ່ຍິ່ງໃຫຍ່ທີ່ສຸດ ກໍ່ແມ່ນຕົວລາວເອງ.

ສິ່ງສຳຄັນຂໍ້໑ ທີ່ຈະດືງຄົນທີ່ສັບສົນ ໃຫ້ກັບມາຢືນໃຫ້ຖືກທາງໄດ້ ກໍ່ແມ່ນ"ຄົນອ້ອມຂ້າງ"ທີ່ ພ້ອມຈະສະໜັບສະໜູນ ແລະໃຫ້ກຳລັງໃຈຢ່າງບໍ່ຂາດ... ຄລາວດ໌ໄດ້ຮັບປັດໄຈຂໍ້ນີ້ມາຢ່າງເຕັມປ່ຽມ... ຈາກການປະເຊີນໜ້າກັບຄວາມອ່ອນແອຂອງຕົນເອງຫຼາຍຄັ້ງ ເຮັດໃຫ້ລາວເຂົ້າໃຈແລ້ວວ່າ ບໍ່ມີໃຜສາມາດຍົດໂທດໃຫ້ໃຜໄດ້ ຖ້າຄົນຜູ້ນັ້ນບໍ່ຍອມໃຫ້ອະໄພຕົນເອງກ່ອນ...

ຄລາວດ໌ໄດ້ແຕ່ຂໍໃຫ້ຜູ້ທີ່ຕາຍຈາກໄປ ຍົກໂທດໃຫ້ກັບຄວາມຂີ້ຢ້ານຂອງລາວ ແຕ່ພັດບໍ່ຍອມຕອບຄຳຖາມທີ່ງ່າຍສຸດວ່າ ໂຕລາວເອງນັ້ນ ໄດ້ປ່ອຍວາງຄວາມຜິດຂອງຕົນເອງໄປແລ້ວບໍ່?

ເວລາຜ່ານໄປດົນນານ ແມ່ນວ່າຄວາມຜິດຈະບໍ່ຖືກລົບລ້າງ ແຕ່ກໍ່ສາມາດຊົດໄຊ້ໄດ້ດ້ວຍການຕອບແທນດ້ວຍສິ່ງທີ່ເທົ່າທຽມ... ຄລາວດ໌ໄດ້ຊ່ອຍເຫຼືອ ແລະປົດປ່ອຍຄວາມທຸກຂອງຜູ້ຄົນມາກມາຍ ແຕ່ຕົນເອງພັດຕິດຢູ່ໃນບ້ວງຂອງຄວາມຜິດພາດແຕ່ຄັ້ງອະດີດ ບໍ່ເຄີຍຄິດທີ່ຈະກ້າວອອກມາ.

ໃນຄັ້ງນີ້ ທຸກໆຄົນໄດ້ຊີ້ໃຫ້ຕົວລາວເຂົ້າໃຈໃນທີ່ສຸດວ່າ ຄລາວດ໌ ສໄຕຣຟ໌ ບໍ່ໄດ້ຢູ່ພຽງຄົນດຽວ ຄວາມຮູ້ສຶກຕ່າງໆ ທັງສຸກ ແລະທຸກ ຍ່ອມມີຄົນທີ່ຈະຮ່ວມຮັບຮູ້ ຮ່ວມແບ່ງເບົາ... ແລະທ້າຍທີ່ສຸດແລ້ວ ຄລາວດ໌ກໍ່ເລີ້ມຈະເຂົ້າໃຈຈຸດທີ່ສຳຄັນນີ້ ແລະຫັນມາປະເຊີນໜ້າກັບສັດຕູໂຕຫຼັກຂອງລາວ ດ້ວຍຈິດໃຈທີ່ບໍ່ເໝືອນເດີມ.

...ຄລາວດ໌ຕໍ່ສູ້ເພື່ອ"ປົກປ້ອງ" ບໍ່ແມ່ນ"ຊົດໄຊ້"...

ທຸກຄົນບໍ່ໄດ້ເກີດມາ ພ້ອມກັບສະຕິທີ່ຈະແກ້ບັນຫາ ເມື່ອເຖິງວາລະທີ່ຕົກຕ່ຳທີ່ສຸດ.

ທຸກຄົນບໍ່ໄດ້ເກີດມາ ພ້ອມກັບຄົນຮັກອ້ອມຮອບ ເຊິ່ງດຶງໃຫ້ຕົວເຮົາກັບມາເບິ່ງບັນຫາໃນມູມທີ່ຖືກທີ່ຄວນ

ຄລາວດ໌ ສໄຕຣຟ໌ ເປັນຕົວຢ່າງທີ່ຊັດເຈນ ທີ່ແມ່ນວ່າຈະຫຼົງທາງໄປຫຼາຍຄັ້ງ ແຕ່ໃນທີ່ສຸດແລ້ວ ກໍ່ສາມາດກ້າວພົ້ນຄວາມອ່ອນແອຂອງຕົນເອງ ປະເຊີນໜ້າກັບອະດີດ ແລະດຶງດູດໃຫ້ຄົນເຂົ້າມາຮ່ວມຕໍ່ສູ້ກັບຄວາມເປັນຈິງ.

...ຜົນລັບໃນຊ່ວງສຸດທ້າຍ ຍ່ອມເກີດຈາກຄວາມຕັ້ງໃຈໝັ້ນ ທີ່ຈະຫຼຸດພົ້ນອອກຈາກຄວາມທຸກ ແລະດີ້ນຮົນ ເພື່ອຄວ້າເອົາອະນາຄົດທີ່ມີຄວາມສຸກມາໄວ້ໃນມືນັ້ນເອງ...

...ແລະແລ້ວ... ຫຼັງຈາກທີ່ເມກໝອກຖືກພັດໄປ ທ້ອງຟ້າທີ່ແຈ່ມໃສກໍ່ຈະນຳມາໃນທີ່ສຸດ...

ກວ່າ ໒໐ ປີທີ່ຜ່ານມາ ໄຟນັລ ແຟນຕາຊີ ຫຼາຍຕໍ່ຫຼາຍພາກນັ້ນ ມີຕົວລະຄອນຕ່າງໆ ປະກົດອອກມາສະແດງບົດບາດມາກມາຍນັບບໍ່ຖ້ວນ ຕ່າງເພດ ຕ່າງໄວ ຕ່າງອາຊີບ ຕ່າງສາຍພັນ... ແລະແຕ່ລະຄົນ ກໍ່ລ້ວນມີ "ເຫດຜົນ" ມີ "ເລື່ອງລາວ" ທີ່ຈະເຮັດໃຫ້ຕ້ອງຈັບອາວຸດ ເຮັດໃຫ້ຕ້ອງຕໍ່ສູ້ ແລະເຮັດໃຫ້ຕ້ອງຫຼັ່ງເລືອດນຳກັນທັງສິ້ນ... ອາດຈະເພື່ອແກ້ແຄ້ນໃຫ້ຄົນສຳຄັນທີ່ ເສຍຊີວິດໄປ ເພື່ອປົກປ້ອງໂລກ ຫຼືຄົນຮັກ ເພື່ອປິດສາກການກະທຳແຕ່ຄັ້ງການກ່ອນຂອງຕົນເອງ... ແລະອີກສາລະພັດຈະຍົກມາກ່າວອ້າງ ເຊິ່ງລ້ວນແຕ່ຊຸກດັນໃຫ້ເຫຼົ່າຜູ້ຄົນຕ້ອງດີ້ນຮົນໄປຈົນກວ່າຈະສິ້ນສຸດການເດີນທາງ.

ແຕ່ຫາກຈະເບິ່ງໃຫ້ເລິກໆແລ້ວ ກວ່າທີ່ໄຟນັລ ແຟນຕາຊີ ຈະໄດ້ສ້າງສັນຕົວລະຄອນທີ່ມີ "ເລື່ອງລາວ" ທີ່ລຶກຊຶ້ງ ລະອຽດອ່ອນ ຊັດເຈນ ແລະທີ່ມາທີ່ໄປຢ່າງແທ້ຈິງນັ້ນ... ກໍ່ຜ່ານມາດົນນານມາເຖິງໄຕຣພາກທີ່ ໓ ນຳກັນ.

...ມາເຖິງພາກທີ່ເປີດໂຕ ໑ໃນຕົວລະຄອນທີ່ມືດມົນໄດ້ສົມຈິງຫຼາຍທີ່ສຸດຕົວ໑ໃນເກມ... ມະຫານ ຊັ້ນ໑ ຜູ້ກວາດແກວ່ງດາບຍັກໃຫຍ່... ນາມວ່າ "ຄລາວດ໌ ສໄຕຣຟ໌".


"Cloud" - ຊ່ວງຊີວິດດັ່ງເມກໝົ່ນ (ພາກຕົ້ນ)
 

ຄລາວດ໌ ສໄຕຣຟ໌ ເກີດທີ່"ນີເບລໄຮມ໌" ໝູ່ບ້ານນ້ອຍໆກາງພູເຂົາ ເຊິ່ງຕະຫຼອດຊິວິດໄວເຍົາຂອງລາວ ຕ້ອງຢູ່ຢ່າງໂດດດ່ຽວສະເໝີມາ ເນື່ອງຈາກອຸປະນິໄສສ່ວນຕົວ ທີ່ເປັນຄົນງຽບຂຶມ ເກັບຕົວ ແລະມັກແຍກຕົນຈາກຜູ້ອື່ນ ເຮັດໃຫ້ເດັກນ້ອຍຄົນອື່ນ ແລະຄົນໃນໝູ່ບ້ານ ຮູ້ສຶກວ່າ ເດັກນ້ອຍມິດໆຄົນນີ້ "ແປກປະຫຼາດ" ແລະ "ບໍ່ໜ້າຄົບ" ເລີຍ.

ເຫດຜົນສ່ວນຕົວ ໃນມູມມອງຂອງເດັກໜຸ່ມຜູ້ໂດດດ່ຽວຄົນນີ້ກໍ່ຄືວ່າ ຄົນອຶ່ນໆນອກຈາກຕົວເອງນັ້ນ ເບິ່ງຄືເດັກນ້ອຍ ໄຮ້ແກ່ນສານ ແລະບໍ່ຄູ່ຄວນຈະມາຂ້ອງກ່ຽວກັບ"ທີຟາ" ສາວນ້ອຍໜ້າຮັກໜ້າຊັງທີ່ລາວຢາກຮູ້ຈັກເລີຍ.

ເຫດຜົນທີ່ກ່າວອ້າງນັ້ນ ຈະມາຈາກຄວາມເປັນຜູ້ໃຫຍ່ທີ່ເກີນຕົວ ຫຼືມາຈາກຄວາມປະໝ່າໃນໄວເຍົາກໍ່ແລ້ວແຕ່... ກວ່າທີ່ຄຳຕອບຂອງມັນຈະປະກົດ ຊັດເຈນ ກໍ່ມາຮອດວັນທີ່ ຊີວິດຂອງຄລາວດ໌ ສໄຕຣຟ໌ ຕ້ອງປ່ຽນແປງໄປບໍ່ຫວນຄືນ...

ທີຟາປະສົບອຸບັດຕິເຫດຕົກຈາກພູ ເຊິ່ງລາວເປັນຄົນໆດຽວທີ່ລັກຕິດຕາມໄປ ບໍ່ສາມາດຊ່ອຍເຫຼືອຫຍັງໄດ້ແມ່ນແຕ່ນ້ອຍ!!

ເມື່ອ ຮູ້ເຖິງຄວາມອ່ອນແອຂອງຕົນເອງເປັນຄັ້ງທຳອິດ ແລະເຂົ້າໃຈວ່າ ເຫດຜົນຕ່າງໆທີ່ເຄີຍຍົກມາກ່າວອ້າງ ບໍ່ໄດ້ບົດບັງຄວາມເປັນຈິງທີ່ວ່າ ຕົນເປັນຄົນໄຮ້ພະລັງ ແລະໂດດດ່ຽວຫຼາຍພຽງໃດ... ເດັກນ້ອຍຈຶ່ງມຸ້ງເຂົ້າຫາຂໍ້ສະຫຼຸບທີ່ວ່າ ຕົນເອງຕ້ອງການ"ພະລັງ" ທີ່ຍິ່ງໃຫຍ່ ຕົນເອງຢາກໄດ້"ຄວາມແຂງແກ່ນ" ທີ່ໃຊ້ປົກປ້ອງຄົນສຳຄັນຂອງຕົນໄດ້ຢ່າງແທ້ຈິງ ແລະເມື່ອຮອດເວລານັ້ນ ພາບຂອງຕົນເອງທີ່ຍົກໄວ້ສູງ ແລະພາບຂອງຄົນອື່ນທີ່ຢູ່ຕ່ຳກວ່າ ກໍ່ຈະຊັດເຈນຈັບຕ້ອງໄດ້ໃນທີ່ສຸດ.

ການສະແຫວງຫາ"Model" ຫຼື ກໍ່ຄືບຸກຄົນທີ່ເປັນແຮງບັນດານໃຈຂອງຕົນເອງນັ້ນ ບໍ່ແມ່ນເລື່ອງແປກ... ໃນຊ່ວງຊີວິດຂອງຄົນເຮົາ ຕັ້ງແຕ່ເກີດຈົນຕາຍ ຕ່າງກໍ່ຕ້ອງພົບບຸກຄົນທີ່ຈະເປັນແບບຢ່າງໃຫ້ເຮົາຍຶດຖືປະຕິບັດຕາມ ບໍ່ຫຼາຍກໍ່ໜ້ອຍ ທັງແນວຄວາມຄິດ ອາຊີບ ຫຼືຈົນຮອດແບບແຜນການດຳເນີນຊີວິດ... ໂດຍສະເພາະສຳຫຼັບຊ່ວງໄວເຍົາປະມານ ໑໐ ປີນັ້ນ ເປັນຊ່ວງເວລາສຳຄັນ ທີ່ຈະເລີ່ມຕົ້ນຄົ້ນຫາຜູ້ເປັນ Ideal ໃຫ້ກັບຕົນເອງ... ພໍ່ ອາຈານ ນັກສະແດງ ນັກວິທະຍາສາດ ຫຼືຫຍັງກໍ່ສຸດແລ້ວແຕ່...

ສຳຫຼັບຄລາວດ໌ແລ້ວ ຜູ້ທີ່ເປັນຕົ້ນແບບຂອງ"ຄວາມແຂງແກ່ນ"... ຜູ້ທີ່ເປັນສັນຍາລັກຂອງ"ພະລັງ" ທີ່ລາວຈະໃຊ້ປົກປ້ອງຄົນສຳຄັນໄດ້ນັ້ນ ມີພຽງຄົນດຽວ... "ເຊຟິຣອທ"... ທະຫານຊັ້ນ໑... ຕຳນານທີ່ຍັງມີຊີວິດ.

"ໂຊລເຢີຣ໌" ເປັນກອງກຳລັງພິເສດ ຂຶ້ນກົງຕໍ່ບໍລິສັດຍັກໃຫຍ່ "ຊິນຣະ"... ເຊິ່ງເຮັດໜ້າທີ່ປະຕິບັດພາລະກິດສ່ຽງອັນຕະລາຍຕ່າງໆ ໂດຍຈຸດສູງສຸດຂອງຍອດຄົນເຫຼົ່ານັ້ນ ກໍ່ແມ່ນຊາຍໜຸ່ມຜົມສີນ້ຳເງິນຍາວ ກັບສີມືດາບໄຮ້ຫຼັກ ນາມວ່າເຊຟິຣອທນັ້ນເອງ...

ອາດຈະກ່າວໄດ້ວ່າ ເຊຟິຣອທ ເປັນເຖິງ Symbol of Absolute Power ສຳຫຼັບຄົນທົ່ວໄປ... ໂດຍສະເພາະກັບເດັນນ້ອຍທີ່ໄຂວ່ຄວ້າຫາພະລັງແລ້ວ... ລາວ ເປັນທັງພະເອກ ເປັນທັງແຮງບັນດານໃຈ ແລະເປັນທັງເປົ້າໝາຍທີ່ຈະຕ້ອງໄປໃຫ້ເຖິງ.

ເດັກນ້ອຍຈາກບ້ານມາດ້ວຍຄວາມມຸ້ງໝັ້ນ ພ້ອມຄຳສັນຍາວ່າ ຈະກັບໄປປົກປ້ອງທີຟາ ເມື່ອເຖິງເວລາທີ່ນາງປະສົບອັນຕະລາຍ... ຄລາວດ໌ກະຕືລືລົ້ນໄລ່ຕາມພາບອັນຍິ່ງໃຫຍ່ ຂອງຕົນເອງໃນອະນາຄົດ ຄືກັບຫຼາຍໆຄົນເຄີຍເຮັດແລະໜ້າເສຍດາຍ ທີ່ລາວຕ້ອງປະສົບກັບບັນຫາຄືທີ່ຫຼາຍໆຄົນເຄີຍພົບພານ... ຜ່ານມາຫຼາຍຕໍ່ຫຼາຍປີ ຄລາວດ໌ກໍ່ຍັງບໍ່ສາມາດກ້າວຂ້າມກຳແພງສູງໃຫຍ່ ເຂົ້າມາເປັນທະຫານຊັ້ນ໑ໄດ້ດັ່ງທີ່ຕັ້ງໃຈໄວ້.

ຄົນຫຼາຍຄົນ ແລ່ນໜີອອກຈາກບ້ານມາດ້ວຍຄວາມຄິດຍິ່ງໃຫຍ່ ແລະຈົບລົງດ້ວຍການຜິດຫວັງກັບບ້ານໄປຕາຍຮັງດ້ວຍຄວາມເຈັບໃຈ... ຄລາວດ໌ບໍ່ຢາກເປັນເຊັ່ນນັ້ນ ເພາະວ່າ ດ້ວຍໜ້າທີ່ ເຂົາຕ້ອງກັບໄປສຳຫຼວດເຕົາປະຕິກອນທີ່ບ້ານເກີດຂອງຕົນເອງໃນທີ່ສຸດ ກັບໄປດ້ວຍສະພາບທີ່ເປັນພຽງແຕ່ພົນທະຫານທຳມະດາ... ກັບໄປພ້ອມກັບທະຫານຊັ້ນເອກທັງ໒ຄົນ ເຊຟິຣອທ-ເປົ້າໝາຍທີ່ຍັງບໍ່ທັນສາມາດເຂົ້າໃກ້ ແລະແຊັຄ-ໝູ່ສະນິດຜູ້ເປັນກຳລັງໃຈຕະຫຼອດມາ.

ທີ່ ນີເບລໄຮມ໌ ຄລາວດ໌ລັກຊ້ອນຕົວຕົນພາຍໃຕ້ໝວກແລະເຄື່ອງແບບຂອງຊິນຣະ ແລະພະຍາຍາມຫຼີກໜີບໍ່ພົບໜ້າທີຟາ... ແຕ່ລາວບໍ່ໄດ້ຄິດຈັກໜ້ອຍວ່າ ການກັບມາຄັ້ງນີ້ ຈະເຮັດໃຫ້ລາວ ສູນເສຍທຸກສິ່ງທຸກຢ່າງ... ແມ່ນແຕ່ຕົວຕົນຂອງລາວເອງ.

ບ່ອນນີ້ ເຊຟິຣອທໄດ້ຄົ້ນພົບຄວາມຈິງເບື້ອງຫຼັງຊາດກຳເນີດຂອງຕົນເອງ ແລະເຮັດໃຫ້ລາວເສຍສະຕິໄປຢ່າງສິ້ນເຊີງ... ຍອດນັກຮົບກວາດແກວ່ງດາບຟັນຂ້າຜູ້ຄົນ ແລະເຜົາທຳລາຍໝູ່ບ້ານຈົນພິນາດສິ້ນ ກ່ອນທີ່ຈະມຸ້ງໜ້າໄປທີ່ເຕົາປະຕິກອນ ເພື່ອຄົ້ນຫາເສດຊາກທີ່ເຫຼືອຂອງ"ເຈໂນວ່າ" ສິ່ງມີຊີວິດຕົ້ນແບບ ທີ່ເຮັດໃຫ້ເກີດຕົວລາວຂຶ້ນມາ.

ຈາກທິດສະດີຈິດຕະສາດເດັກນ້ອຍແລະໄວຫຼຸ້ນ... ຊ່ວງໄວຮອຍຕໍ່ລະຫວ່າງ"ໄວເດັກນ້ອຍ" ກັບ"ໄວຜູ້ໃຫຍ່" ນັ້ນ ຖືເປັນຊ່ວງຫົວລ້ຽວຫົວຕໍ່ທີ່ສຳຄັນ... ເປັນໄວແຫ່ງການ"ຄົ້ນຫາຕົນເອງ" ເພື່ອທີ່ເດັກນ້ອຍໃນຊ່ວງໄວ ໑໖-໒໐ປີ ຈະຕ້ອງສະແຫວງຫາ ພາຍໃນເວລາທີ່ຈຳກັດນັ້ນ.

ໂດຍປົກກະຕິແລ້ວ ຖ້າເດັກນ້ອຍເຕີບໃຫຍ່ໄປຕາມລຳດັບຂັ້ນຢ່າງຖືກຕ້ອງ ເມື່ອຮອດຊ່ວງໄວຫຼຸ້ນ ຈະເລີ່ມເບິ່ງເຫັນເຖິງຄວາມຄ້າຍຄືແລະຄວາມແຕກຕ່າງຂອງຕົນເອງກັບຄົນອ້ອມຂ້າງ... ພວກເຂົາ ໃຫ້ຕົນເອງເປັນຈຸດເດັ່ນ ໃຫ້ຕົນເອງບໍ່ຄືໃຜ... ຄົນທີ່ໂຊກດີຊອກໄດ້ພົບ ອາດຈະພັດທະນາສິ່ງນັ້ນໃຫ້ດີຍິ່ງໆຂຶ້ນໄປ ແຕ່ຫຼາຍຄົນກໍ່ໂຊກຮ້າຍ ວົນວຽນຢູ່ກັບການຊອກຫາຄວາມໝາຍໃນການມີຢູ່ຂອງຕົນເອງ ແລະອາດຈະເຖິງຂັ້ນເສຍຜູ້ເສຍຄົນໄປເລີຍ.

ສຳຫຼັບຄລາວດ໌ຜູ້ໂດດດ່ຽວແລະອ່ອນແອແລ້ວ ແມ່ນການເປັນຜູ້ທີ່ເຂັ້ມແຂງເທົ່າທຽມກັບພະເອກໃນດວງໃຈ... ຕະຫຼອດເວລາຫຼາຍປີທີ່ຜ່ານມາ ລາວເຄີຍເຂົ້າໃຈວ່າ ຕົນເອງເຂົ້າໃກ້"ຄລາວດ໌"ໃນອຸດົມຄະຕິຫຼາຍຂຶ້ນເທື່ອລະຂັ້ນແລ້ວ.

ແຕ່ທັນໃດ ເປົ້າໝາຍນັ້ນກໍ່ຫາຍໄປ... ຕົວຕົນຂອງລາວ ລອຍລ່ອງຢູ່ກາງເສັ້ນທາງຊີວິດ... ໂດຍບໍ່ມີແມ່ນແຕ່ຄຳເຕືອນ ບໍ່ມີແມ່ນແຕ່ທາງຫຼີກໜີ!!

...ກ່ອນທີ່ຈະໄດ້ທັນຕັ້ງຫຼັກ ຄິດເຖິງການຄົ້ນຫາເສັ້ນທາງຊີວິດເສັ້ນໃໝ່... ຄລາວດ໌ເອງໄດ້ໃຊ້ແຮງຢ່າງປ່ວງບ້າກຳຈັດເຊຟິຣອທໃຫ້ຕົກລົງໄປໃນເຕົາປະຕິກອນໄດ້ສຳເລັດ... ແຕ່ທັງລາວແລະແຊັຄ ກໍ່ຖືກບໍລິສັດຊິນຣະຈັບໄປທົດລອງ ແລະຊີດເຊລລ໌ຂອງເຈໂນວ່າເຂົ້າຮ່າງກາຍ...

ເວລາຜ່ານມາເຖິງ ໔ ປີ... ແຊັຄພາຄລາວດ໌ທີ່ເລີ່ມຖືກປະຕິກິລິຍາຈາກເຊລລ໌ເຈໂນວ່າອອກລິດ ໜີອອກໄປເພື່ອຊອກຫາອິດສະລະພາບ... ທັງ໒ຫຼົບໜີໄປໄດ້ກາງທາງ... ແຕ່ວ່າ ແຊັຄພັດຖືກທະຫານຂອງຊິນຣະທີ່ຕິດຕາມມາ ສັງຫານຖິ້ມ ແລະປ່ອຍໃຫ້ຕາຍລົງຊ້າໆ ທາງຂ້າງຮ່າງຂອງຄລາວດ໌ໝູ່ຮັກ ທີ່ເກືອບຈະໝົດສະພາບໄປນຳກັນ...

ແຊັຄສົ່ງມອບດາບ"ບັສເຕີຣ໌ຊອຣ໌"ເຫຼັ້ມໃຫຍ່ ເຊິ່ງລາວເອງໄດ້ຮັບມາຈາກຄົນສຳຄັນ ໃຫ້ແກ່ຄລາວດ໌ ແລະຝາກຝັງໃຫ້ສຶບທອດຊີວິດ ເຈຕະນາ ແລະຄວາມພາກພູມໃຈໃຫ້ສືບຕໍ່ໄປ... ກ່ອນທີ່ຈະຈາກໄປຢ່າງສະຫງົບ...

...ເລື່ອງລາວຂອງແຊັຄຈົບລົງ ແຕ່ຂອງຄລາວດ໌ຫາກໍ່ເລີ່ມຕົ້ນ...

ການໄລ່ນຳຄວາມຝັນທີ່ບໍ່ສຳເລັດ ການປົກປ້ອງຄົນສຳຄັນບໍ່ໄດ້ເປັນຄັ້ງທີ່໒ ການສູນເສຍຄົນອັນເປັນທີ່ຮັກໄປເພາະຄວາມອ່ອນແອຂອງຕົນເອງ ການປ່ຽນແປງໄປຂອງບຸກຄົນທີ່ເປັນແບບຢ່າງໃນອຸດົມຄະຕິ ແລະການສົ່ງມອບຄວາມນຶກຄິດອັນໃຫຍ່ຫຼວງ ໃຫ້ກັບຕົວລາວພຽງຜູ້ດຽວ... ທັງຫຼາຍທັງປວງເຫຼົ່ານີ້ ໜັກໜາ ແລະຍິ່ງໃຫຍ່ເກີນກວ່າທີ່ຊາຍໄວ ໒໐ກວ່າປີ ຫາກໍ່ຮັບໄດ້... ໂດຍສະເພາະຢ່າງຍິ່ງ ເມື່ອຄວາມຊົງຈຳສຸດທ້າຍຂອງລາວ ແມ່ນການສູນເສຍເປົ້າໝາຍ "ປາຍທາງ" ຂອງຊີວິດໄປ ຢ່າງຜິດຄວາມຄາດໝາຍຢ່າງສິ້ນເຊີງ.

ຄົນເຮົາທຸກຄົນ ຈະມີສິ່ງທີ່ຮຽກວ່າ "ກົນໄກປ້ອງກັນຕົນເອງ (Defence Mechanism)"ຢູ່ ບໍ່ຮູບແບບໃດກໍ່ຮູບແບບ໑... ໜ້າທີ່ຂອງມັນ ແມ່ນເຮັດການປ້ອງກັນ "ຈິດໃຈ" ອັນແສນອ່ອນແອຂອງເຈົ້າຂອງ ບໍ່ໃຫ້ເສຍຫາຍໄປກັບປັດໄຈພາຍນອກ... ເຊິ່ງການສະແດງອອກຂອງມັນ ກໍ່ຕ່າງກັນອອກໄປ ແລ້ວແຕ່ພື້ນຖານ ແລ້ວແຕ່ຕົວເຮົາ ແລ້ວແຕ່ສະຖານະການ ເຊັ່ນ:

Denial – ການປະຕິເສດ ບໍ່ຍອມຮັບຄວາມຈິງ ເຊັ່ນຜູ້ທີ່ຫາກໍ່ໄດ້ຮັບແຈ້ງວ່າ ຕົນເປັນພະຍາດຮ້າຍ.
Rationalization – ການຫາເຫດຜົນ ເພື່ອຮອງຮັບຄວາມຜິດພາດຂອງຕົນເອງ ເຊັ່ນໝາກມ່ວງສົ້ມ/ຄລາວດ໌ຍາມນ້ອຍ
Projection – ການກ່າວໂທດ ຊອກເປົ້າໝາຍອື່ນມາຮັບຜິດແທນ ເຊັ່ນຫົວບໍ່ດີຕິໝວກ.
Suppression – ການລະງັບ ພະຍາຍາມເກັບກົດການຮັບຮູ້ຄວາມເປັນຈິງ ເຊັ່ນບໍ່ຄິດຮອດການເສັງ
ຯລຯ

ໃນກໍລະນີຂອງຄລາວດ໌ ແມ່ນວ່າເຊລລ໌ຂອງເຈໂນວ່າ ຈະມີສ່ວນນການປັບປຸງຮູບແບບຄວາມຊົງຈຳໃຫ້ຕ່າງອອກໄປ ແຕ່ອີກສິ່ງ໑ທີ່ລືມບໍ່ໄດ້ກໍ່ແມ່ນ ຕົວລາວເອງ ເຊິ່ງຫາກໍ່ປະເຊີນກັບສະພາບບີບຄັ້ນທີ່ສຸດ ທັງຮ່າງກາຍແລະຈິດໃຈ... "ກົນໄກປ້ອງກັນຕົນເອງ" ຈຶ່ງເຮັດວຽກຮຸນແຮງເປັນພິເສດ ເປັນຊະນິດທີ່ຮຽກວ່າ Dissociation - ການແຍກຕົວອອກ ເປັນການປ່ຽນແປງບຸກຄະລິກ ຄວາມຊົງຈຳ ແລະຮູບແບບອາລົມຂອງຄົນໆ໑ (ເຊິ່ງມັກອ່ອນແອ ໄຮ້ພະລັງ) ໄປເປັນອີກບຸກຄະລິກ໑ (ເຊິ່ງມັກເຂັ້ມແຂງ ແລະເພິ່ງພາໄດ້)... ແລະເມື່ອມັນພັດທະນາໄປຫຼາຍຂຶ້ນ ອາດຈະເກີດເປັນພະຍາດທາງຈິດທີ່ຮຽກວ່າ Multiple Personality Disorder... ທີ່ຮຽກກັນວ່າ "ບຸກຄະລິກະພາບຊ້ອນ" ນັ້ນເອງ.

ເປຶອກທີ່ຊື່ວ່າ"ຄລາວດ໌" ໂດດດ່ຽວ ແລະອ່ອນແອເກີນກວ່າທີ່ຈະປ້ອງກັນ "ແກ່ນ" ທີ່ເບາະບາງທາງໃນຕົວໄດ້.

...ແຕ່ຖ້າຫາກວ່າເປັນເປືອກທີ່ຊື່ວ່າ "ແຊັຄ" ເຊິ່ງເຂັ້ມແຂງ ອ່ອນໂຍນ ແລະມຸ້ງໝັ້ນແລ້ວ... ມັນກໍ່ເປັນອີກເລື່ອງ໑.

ຄລາວດ໌ ປະຕິເສດທີ່ຈະຮັບຮູ້ເລື່ອງລາວ ແລະບໍ່ຍອມເບິ່ງໄປທີ່ບັນຫາແລະໜ້າທີ່ຈາກອະດີດ... ລາວເລືອກທີ່ຈະໜີໄປຮັບຄວາມຊົງຈຳຂອງໝູ່ຮັກ ທີ່ຜູກພັນແລະເຊື່ອໃຈກັນມາດົນນານ ປະສົມປະສານເຂົ້າກັບຄວາມຊົງຈຳຂອງຕົນເອງ ທີ່ຖືກສ້າງໂດຍເຊລລ໌ເຈໂນວ່າ...

...ແລະແລ້ວ...

"ຄລາວດ໌" ທະຫານຊັ້ນເອກ ຜູ້ເຂັ້ມແຂງ ເກ່ງກ້າ ແລະເປັນນັກຮົບຮັບຈ້າງທີ່ບໍ່ຮັບຮູ້ສັງຄົມ ກໍ່ໄດ້ຢິບດາບເຫຼັ້ມໃຫຍ່ ສະພາຍບ່າ... ແລະຍ່າງຈາກໄປ.

...ຖິ້ມໄວ້ພຽງອະດີດທີ່ແສນຫ່າງໄກ ແລະຄຳສັນຍາຢູ່ໃນຫຼືບຂອງຄວາມຊົງຈຳ...