ສະໄໝກ່ອນໃນປີໜຶ່ງໆມີ ໓໕໕ ວັນ ແລະມີພຽງແຕ່ ໑໐ ເດືອນເທົ່ານັ້ນ.

*March ຫຼືເດືອນມີນາ*
ເປັນເດືອນທຳອິດຂອງປີ ແລະກໍ່ເປັນຊ່ວງລະດູໃບໄມ້ປົ່ງ
ຄຳວ່າ March ນັ້ນມີທີ່ມາຈາກຊື່ຂອງເທບພະເຈົ້າແຫ່ງສົງຄາມທີ່ຊື່ວ່າ"Mars"
ເນື່ອງຈາກວ່າຊາວໂຣມັນນັ້ນເຮັດສົງຄາມເລື້ອຍໆນັ້ນເອງ.

*April ຫຼືເດືອນເມສາ*
ມາຈາກພາສາລາຕິນທີ່ມີຄວາມໝາຍວ່າ"ເປີດຮັບ"
ເນື່ອງຈາກຜົນຜະລິດທີ່ຫວ່ານໄປໃນຊ່ວງເດືອນມີນາຈະມາໄດ້ຮັບຜົນໃນເດືອນນີ້.

*May ຫຼືເດືອນພຶດສະພາ*
ມາຈາກຊື່ຂອງເທບພະເຈົ້າແຫ່ງການຈະເລີນເຕີບໃຫຍ່ ທີ່ມີຊື່ວ່າ"Mia"
ເພາະຊາວໂຣມັນເຊື່ອວ່າ Mia ຈະຊ່ວຍຄຸ້ມຄອງພືດພັນໃຫ້ເຕີບໃຫຍ່ອຸດົມສົມບູນດີ.

*June ຫຼືເດືອນມິຖຸນາ*
ເປັນຊື່ທີ່ຕັ້ງເປັນກຽດແກ່ເທບພະເຈົ້າ Juno ຣາຊີນີແຫ່ງສວງສະຫວັນແລະການແຕ່ງງານ
ອາດຈະເປັນເພາະວ່າຊາວໂຣມັນແຕ່ງງານກັນຫຼາຍໃນເດືອນນີ້ ຍ້ອນເປັນຊ່ວງທີ່ອຸດົມສົມບູນ.

*July ຫຼືເດືອນກໍລະກົດ*
ບໍ່ໄດ້ຕັ້ງຊື່ຕາມເທບພະເຈົ້າຫຼືລະດູການ ແຕ່ມາຈາກຊື່ຂອງຈັກກະພັດຜູ້ຍິ່ງໃຫຍ່ "Julius Caesar".

*August ຫຼືເດືອນສິງຫາ*
ກໍ່ຕັ້ງຊື່ຕາມຫຼານຊາຍຂອງ Julius ທີ່ຊື່ວ່າ "Augustus Caesar"
ເພາະວ່າລາວຢາກມີຊື່ສຽງຄື Julius ລາວຈຶ່ງໄດ້ຕັ້ງຊື່ເດືອນນີ້ ໂດຍໃຊ້ຊື່ຂອງລາວ.
ແຕ່ກ່ອນເດືອນສິງຫາມີແຕ່ ໓໐ ວັນ ເຊິ່ງໜ້ອຍກວ່າເດືອນຂອງ Julius
ແຕ່ Augustus ເຜີ້ມວັນໃຫ້ເດືອນຂອງຕົນ ໂດຍເອົາວັນຈາກເດືອນກຸມພາມາ ໑ ວັນ ເພື່ອໃຫ້ຕົນເທົ່າທຽມກັບ Julius.

*September ຫຼືເດືອນກັນຍາ*
ມາຈາກຄຳພາສາລາຕິນວ່າ Septem ເຊິ່ງແປວ່າ "໗" ແລະເດືອນນີ້ກໍ່ເປັນເດືອນທີ່ ໗.

*October ຫຼືເດືອນຕຸລາ*
ກໍ່ມາຈາກຄຳພາສາລາຕິນທີ່ແປວ່າ "໘" ເຊິ່ງແມ່ນຄຳວ່າ Octo.

*November ຫຼືເດືອນພະຈິກ*
ກໍ່ມາຈາກຄຳທີ່ແປວ່າ "໙" ແມ່ນຄຳວ່າ Novem ນັ້ນເອງ.

*December ຫຼືເດືອນທັນວາ*
ກໍ່ແນ່ນອນມາຈາກຄຳວ່າ Decem ທີ່ແປວ່າ "໑໐" ຫັ້ນແລ້ວ.

*January ຫຼືເດືອນມັງກອນ*
ຖືກເຜີ້ມມາພາຍຫຼັງພ້ອມກັບເດືອນກຸມພາ.
ຄຳວ່າ January ມາຈາຊື່ຂອງເທບພະເຈົ້າ "Janus" ເຊິ່ງເປັນເທບ 2 ໜ້າ
ໜ້າ ໑ ເບິ່ງໄປໃນອະດີດ, ອີກໜ້າ ໑ ເບິ່ງໄປສູ່ອະນາຄົດ
ເຊິ່ງເປັນຊ່ວງທີ່ຄົນເຮົາຕ້ອງເບິ່ງຢ້ອນສິ່ງທີ່ຕົນກະທຳ ແລະເບິ່ງໄປທາງໜ້າຄອງຄອຍຖ້າປີໃໝ່.

*February ຫຼືເດືອນກຸມພາ*
ມາຈາກຄຳພາສາລາຕິນທີ່ແປວ່າ "ລ້າງສວ່າຍ"
ເຊິ່ງເປັນເດືອນທີ່ຄົນເຮົາຕ້ອງລ້າງສວ່າຍຕົນເອງໃຫ້ສະອາດເພື່ອລໍຖ້າຮັບປີໃໝ່ ນັ້ນແລ...