ວັນສັດຕີສາກົນ ໜຸ່ມໜ້ອຍ ຫຳຄຳ ອາຍຸ ໗໕ ຂວບ ໄປຍ່າງຫ້າງສັບພະສິນຄ້າຕລາດເຊົ້າ ຕັ້ງໃຈຊິໄປຫາຊື້ຂອງຂວັນໃຫ້ພັນລະຍາ ຍ່າງຜ່ານຮ້ານຂາຍຊຸດນອນຍິງຊັ້ນໃນ Lingerie ມາຄິດວ່າພັນລະຍາບໍ່ເຄີຍຊື້ຂອງແນວນີ້ໃຊ້ເລີຍ “ເອົາອັນນີ້ແຫລະ” ບ່າວຫຳຄິດ ຕົກລົງໃຈຊິຊື້ເປັນຂອງຂວັນໃຫ້ເມັຍເພື່ອໃຫ້ນາງຮູ້ສຶກເຊັກຊີ ມ່ວນໃຈ.
ຍ່າງເຂົ້າໄປໃນຮ້ານ ບອກໃຫ້ພະນັກງານຂາຍຫໍ່ເອົາຊຸດນອນຊັ້ນໃນທີ່ລາຄາແພງທີ່ສຸດ ບາງທີ່ສຸດ ໄດ້ແລ້ວກໍ ຟ້າວເມືອເຮືອນ ເຫັນເມັຍຢູ່ໃນເຮືອນຄົວ ຍື່ນຫໍ່ຂອງຂວັນໃຫ້ພ້ອມກັບບອກໃຫ້ໄປລອງຊຸດໃໝ່ໃນຫ້ອງນອນ.
ຜູ້ເປັນເມັຍຮັບເອົາໄປເປີດຂອງຂວັນອອກ ລາວຮູ້ທັນທີວ່ານີ້ເປັນຂອງທີ່ບໍ່ເຄີຍມີຈັກເທື່ອ ມັນບາງຫລາຍຈົນ ບ່ອນໃດໆກໍ ເຫັນໝົດເລີຍ ບໍ່ມີບ່ອນເຫລືອໄວ້ສຳລັບຈິນຕະນາການຈັກໜ່ອຍ ຄິດຢູ່ບຶດນຶ່ງ…ຕົກລົງໃຈ ຊິເຮັດໃຫ້ສາມີຕື່ນໃຈເບິ່ງຈັກບາດ ຄິດແລ້ວກໍແກ້ເສື້ອຜ້າອອກໝົດບໍ່ເຫລືອຈັກໂຕ ຍ່າງລົງມາຈາກຫ້ອງນອນ ເປືອຍລ້ອນຈ້ອນ ຮ້ອງບອກສາມີ “ທີ່ຮັກ!...ອອກມາເບີ່ງແມ້”. ບ່າວຫຳຍ່າງອອກມາຕີນຄັນໃດ ຫລຽວຂຶ້ນໄປເຫັນແລ້ວອຸທານອອກມາ, ”ໂທ້!...ລາຄາແພງປານນີ້ ກະຍັງບໍ່ລີດໃຫ້ຫວະ !! ”
ຈົບ.