ມື້ນີ້ອາກາດດີ ບ່າວຢອດ ແລະ ບ່າວອື່ງ ໃສ່ຊຸດອາບນໍ້າຮັດຮູບ ພາກັນມຸ່ງໜ້າໄປຍ່າງເລາະຊົມຊາຍຫາດ ທີ່ເດັຍລະດາດໄປດ້ວຍຍິງສາວເຕັ່ງຕຶງນອນອາບແດດໂຊວຫຸ່ນ ຍ່າງກາຍໄປ ກາຍມາ ເລືອກເບິ່ງອາຫານຕາ ອາຫານໃຈ. ບ່າວອື່ງສັງເກດເຫັນດ້ວຍຄວາມແປກໃຈວ່າເປັນຫຍັງພວກຜູ້ສາວຄືມາສົ່ງສາຍຕາໃຫ້ ແຕ່ບ່າວຢອດແທ້ ສ່ວນໂຕເອງຫັ້ນເຂົາຮອດບໍ່ແລ.
ອື່ງ : ດຽວໆ...ຢ່າຟ້າວໄປ...ເຮົາຖາມແດ່. ໂຕກັບເຮົາກະເຈົ້າຊູ້ທໍ່ກັນ. ຜິວທອງແດງຄືກັນ,
ຊົງຜົມຍາວເປັນຄື້ນຄືກັນ. ເປັນຫຍັງຜູ້ສາວຄືບໍ່ແນມມາທາງເຮົາຈັກເທື່ອວະ?
ຢອດ: (ຫົວຍຸ້ມເປີ້ຍ) ເອົາແນວນີ້ສ່ຽວ ເຮົາຊິບອກຄວາມລັບໃຫ້. ຮ້ານຂາຍຜັກຟາກທາງທີ່ເຮົາກາຍມາ
ວ່າງກີ້ຫັ້ນ ເຮົາຊື້ໝາກສາລີໃຫຍ່ມານນຶ່ງ ແລ້ວເອົາຍັດໃສ່ໃນສົ້ງ...ອີ່ຫລີໄດ໋...
ພວກຜູ້ສາວເຂົາແນມອັນນີ້ພີ້ດອກ!
ອື່ງ: ອ້າວ...ຄັນຊັ້ນ...ຖ້າບຶດນຶ່ງເດີ້!
ບ່າວອື່ງເວົ້າແລ້ວກໍແລ່ນກັບໄປຮ້ານຂາຍຜັກ ປະຕິບັດຕາມຄຳແນະນຳບ່າວຢອດ. ຂາກັບມາ ພໍຍ່າງກາຍ ພວກຜູ້ສາວ ເຂົາພາກັນເບືອນໜ້າໜີແລ້ວຍິກໄຫລ່ເຮັດມືແປ່ງແຊ່ງ. ພໍຍ່າງມາຮອດບ່າວຢອດ.
ອື່ງ: ແບບໂຕວ່າຫັ້ນ ໃຊ້ບໍ່ໄດ້ຜົນນະ.
ຢອດ: ເບິ່ງດຸ (ໝຸນໂຕເພື່ອນ)...ເອົາມາໃສ່ທາງໜ້າພີ້ ! 
ຈົບ.