ໄຂ້ຫວັດໝູ ຄົນທີສາມ ຢູ່ລາວ

ຈາກກໍຣະນີ ເດັກນ້ອຍຜູ້ຊາຍ ຄົນອະເມຣີກັນ ຕີດເຊື້ອໂຣຄ ດັ່ງກ່າວເປັນຄົນ ທີສອງ ໃນວັນທີ21 ມິຖຸນາ.

ທີ່ຜ່ານມາຫນ່ວຍງານ ຣະບາດວິທຍາ ກໍ່ມີການເຝົ້າ ຣະວັງແມ່ຂອງ ເດັກຄົນນັ້ນມາຕລອດ ຊື່ງໃນເວລານີ້ ກໍ່ພົບວ່າແມ່ ຂອງເດັກຄົນນັ້ນ ຕິດເຊື້ອໂຮຄດັ່ງ ກ່າວ ເປັນຄົນທີສາມ ທີ່ພົບເຫັນ ໃນລາວດັ່ງ ດຮ ບຸນຫລາຍ ພົມມະສັກ ຫົວຫນ້າຫ້ອງການ ຣະບາດວິທຍາ ໃຫ້ການວ່າ:

“ຕິດມາຕອນໃດ ບໍ່ຮູ້ແຕ່ວ່າ ໃນລະຍະທີ່ ຮູ້ວ່າບໍ່ສະບາຍ ແລ້ວກໍ່ບໍ່ເປັນ ຫຍັງ ເພາະລາວເບີ່ງແຍງ ລູກລາວຢ່າງໃກ້ຊິດ ພໍພົບແລ້ວເຮົາ ກໍ່ປະກາດເພື່ອ ຮັບຮູ້ ແລະກໍ່ແຈ້ງໃຫ້ ພາກສ່ວນຕ່າງໆ ໃຫ້ຮູ້ນຳກັນ ວ່າມັນມີ ກໍຣະນີທີ3 ແລ້ວ.”

ໃນກໍຣະນີ ອື່ນໆດ່ັງຊາວ ອອສເຕຣເລັຽ ທີ່ຕີດເຊື້ອ ເປັນກໍຣະນີ ທຳອີດທີ່ເດີນ ທາງຜ່ານ ປະເທດໄທນັ້ນ ອາການຂອງເຂົາ ກໍດີຂື້ນຫລາຍ ແລ້ວຊື່ງໃນປັດຈຸບັນ ກໍ່ພັກຟື້ນ ທີ່ບ້ານຂອງທ່ານ ໃນນະຄອນ ຫລວງວຽງຈັນ.

ສ່ວນອີກສອງຄົນ ທີ່ເຈົ້າຫນ້າທີ່ ອານາມັຍ ກຳລັງຕິດຕາມ ຢູ່ກໍ່ແມ່ນຜູ້ ໂດຍ ສານສອງຄົນ ທີ່ເດີນທາງມານຳ ເຄື່ອງບີນລຳດຽວ ກັນກັບຄົນ ອະເມຣິກັນ ທີ່ຕິດເຊື້ອນັ້ນ ທີ່ເດີນທາງຕໍ່ ໄປແຂວງ ສວັນນະເຂດ ໃນປັດຈຸບັນ ຫນ່ວຍງານຣັຖບານ ກໍ່ປະສານງານ ໄປຍັງແຂວງ ດັ່ງກ່າວ ເພື່ອຕິດຕາມ ສະພາບການຂອງບຸກຄົນ ທັງສອງຢູ່. ສປປລາວ ວາງມາຕການ ຢ່າງເຂັ້ມງວດ ໃນການ ສະກັດກັ້ນ ໂຣຄນີ້.