ຄຳວ່າ “ລາວ“ ບໍ່ໄດ້ໝາຍວ່າ ຮາວ ທີ່ເຂົາໃຊ້ຕາກຜ້າ ຄຳວ່າລາວ ແມ່ນໃຜເປັນຜູ້ຕັ້ງນາມ

ຂ້ອຍ ກໍ່ບໍ່ເຄີຍຮູ້ ຕັ້ງແຕ່ເກີດມາ ພໍ່ແມ່ກໍ່ສອນພາສາປາກເວົ້າທີ່ເອີ້ນວ່າ ພາສາລາວ

ແລະ ບອກໃຫ້ຂ້ອຍຮູ້ວ່າ ຂ້ອຍເປັນຄົນລາວ ຂ້ອຍບໍ່ເຄີຍຄິດເສຍໃຈ ທີ່ເກີດຢູ່ແຜ່ນດິນ

ທີ່ເຂົາເອີ້ນວ່າປະເທດດ້ອຍພັດທະນາ ແຕ່ຂ້ອຍກັບຄິດວ່າ ເປັນແຜ່ນດິນອັນສະຫງົບສຸກ

ເປັນບ່ອນເພິ່ງພາອາໄສທີ່ດີ ສຳລັບຂ້ອຍ. ກ່າວມາຕັ້ງຍາວ ບາດນີ້ຈະຂໍເຂົ້າເລື່ອງຈຸດປະສົງ

ຢາກລະບາຍ ກໍ່ຂໍໂທດຫຼາຍໆ ຕໍ່ກັບຜູ້ອ່ານ ຂ້ອຍເອງບໍ່ໄດ້ມີເຈດຕະນາ ຈະປຸກລະດົມ

ສ້າງຄວາມປັ່ນປ່ວນແຕ່ຢ່າງໃດ ທ່ານໃດທີ່ອ່ານຂໍໃຫ້ໃຊວິຈາຣະນະຍານ ຢ່າງຖີ່ຖ້ວນ

ຈະຂໍກ່າວຄວາມເປັນລາວໃນປັດຈຸບັນ ແມ່ນລາວແນວໃດ ໂດຍອີງຕາມປະຫວັດສາດຜ່ານມາ

ຄົນລາວບໍ່ຄວນຈະລືມກໍ່ຄື:

1. ຄົນລາວແຕ່ສະໄໝອານາຈັກລາວລ້ານຊ້າງ ເຄີຍເປັນເມືອງຂຶ້ນ ເມືອງຣາດ ເມືອງທາດຂອງໄທ.

2. ຄົນລາວເຄີຍເປັນເມືອງຂຶ້ນ ເຄີຍເປັນທາດ ຂອງຝຼັ່ງ ຫຼື ເຊື້ອຊາດຢິວ.

3. ຄົນລາວເຄີຍຖືກອະເມຣິກາ ໃຊ້ລະເບີດຖິ້ມໃສ່ຫົວ.

ສາມຂໍນີ້ຄືເຫດການທີ່ໃຫຍ່ ເຊິ່ງລາຍລະອຽດຍ່ອຍຍັງມີຫຼາຍ ຖ້າແມ່ນຄົນລາວທີ່ມີຈິດໃຈຮັກຊາດ

ຈົ່ງໄດ້ຈື່ຈຳເອົາໄວ້ ແລະ ເລົ່າຕໍ່ໆເສັ້ນລູກເສັ້ນຫຼານຂອງຄົນລາວ ທີ່ຍົກຂຶ້ນມານີ້ ບໍ່ໄດ້ມີຈຸດປະສົງ

ໃຫ້ຄົນລາວມີອັກຄະຕິຕໍ່ບັນດາປະເທດທີ່ກ່າວມາແຕ່ປະການໃດ ຈ່ົງໃຫ້ມັນເປັນພຽງຄວາມຊົງຈຳ

ແລະ ເປັນບົດຮຽນອັນລ້ຳຄ່າຂອງຄົນລາວ ຢ່າໃຫ້ຄົນລາວຕ້ອງຂ້າກັນເອງ.

ປະຫວັດສາດຂອງລາວ ໃຫ້ຟ້າດິນເປັນສັກຂີພິຍານ ພະແກ້ວມໍລະກົດແຕ່ເດີມແມ່ນຢູ່ລາວແທ້

ໃນຕຳລາສອນປະຫວັດສາດຂອງໄທ ເວົ້າວ່າ ກຸ່ມກະບົດ ອະນຸວົງ ໃນຕຳລາຂອງລາວເວົ້າວ່າ

ເຈົ້າອານຸວົງ  ທີ່ຄົນໄທສ້າງຮູບປັ້ນປະດິດສະຖານ “ຍ່າໂມ“ ຄືຜູ້ຍິງຄົນໜຶ່ງໃນອະດີດ ທີ່ເຮັດໃຫ້

ການຕໍ່ສູ້ຂອງເຈົ້າອານຸວົງປະລາໄຊ ຄົນລາວບາງຄົນໄປໄທ ຍັງໄດ້ເອົາດອກໄມ້ທູບທຽນ

ໄປກາບໄຫວ້ບູຊາຍ່າໂມ ຄົນໄທມັນເຫັນມັນຄົງຈະຫົວຢູ່ກົກແຂ້ວ ຈັ່ງແມ່ນສົມເປັນຄົນລາວ

ຂໍເວົ້າສ່ຳນັ້ນສາ ເລື່ອງໃນອາດີດ ແຕ່ໃຜທີ່ອ່ານແລ້ວ ກໍ່ຢ່າໄດ້ຄິດມີອັກຄະຕິ ຕໍ່ເພື່ອນບ້ານ

ເພາະຄົນໄທກໍ່ມີຄົນດີ ມີຄົນຊ່ົວ.

ຫຼັງຈາກ ເປັນທາດຂອງໄທໄດ້ຫຼາຍເສັ້ນຄົນ ອານາຈັກສະຫຍາມ ຄົງຈະເບື່ອໜ້າຂີ້ຂ້າລາວໆ

ກະເລີຍຂາຍຂີ້ຂ້າ ຂອງຕົນໃຫ້ແກ່ຝຼັ່ງ ຫຼື ຄົນຢິວ ທີ່ມາພ້ອມກັບພຣະຜູ້ເປັນເຈົ້າ ມາແຜ່ອຳນາດຢູ່ດິນລາວ

ໃນປີ ຄ.ສ 1893 ເວົ້າແລ້ວມັນກໍ່ໜ້າຄຶດ ພະເຈົ້າຊ່ອຍປົດປ່ອຍຢິວ ອອກຈາກຄວາມເປັນທາດຂອງເອຢິບ

ບູຮານ ກັບມາຂະເມືອບລາວໃຫ້ເປັນຂີ້ຂ້າຂອງຝຼັ່ງ. 21 ມີນາ ຄົງຈຳໄດ້ດີ ເຫດການນອງເລືອດທີ່ເມືອງທ່າແຂກ

ແຂວງສະຫວັນນະເຂດ ຜູ້ຍິງ ແລະ ເດັກນ້ອຍ ຖືກຂ້າຕາຍຢ່າງອານໜາດ ຍ້ອນຄົນລາວ ຢາກຫຼຸດພົ້ນອອກ

ຈາກຄວາມເປັນຂ້າທາດຂອງຢິວ ຄົນລາວ 95% ບໍ່ຮູ້ໜັງສືລາວ 5% ແມ່ນຢູ່ນຳພະສົງຜູ້ມີເມດຕາຮັກສາໄວ້ໃຫ້

ຄົນລາວຕອນເປັນທາດຂອງຝຼັ່ງແມ່ນໄດ້ໃຊ້ພາສາຝຼັ່ງເປັນພາສາທາງການ. ເມື່ອຄົນລາວມີການຕໍ່ຕ້ານ ແບ່ງແຍກ

ເປັນຫຼາຍຝ່າຍ ອະເມຣິກາໜ້າມືດ ບ້າສົງຄາມ ບ້າອຳນາດ ບໍ່ຮູ້ວ່າທາງໃດເປັນທາງໃດ ມັນແນປາຍປືນມາໃສ່

ກອມມູນິດຢ່າງດຽວ ເອົາລະເບີດມາຖິ້ມໃສ່ຄົນລາວທີ່ຢູ່ໃນເຂດຕໍ່ຕ້ານ ສ່ວນນະຄອນຫຼວງວຽງຈັນນັ້ນ

ຄືບໍ່ເຫັນປະຫວັດວ່າມີລະເບີດຕົກໃສ່ ບໍ່ດັ່ງນັ້ນກໍ່ອາດຈະເຫັນປະຕູໄຊ ມຸ່ນທະລາຍຍ້ອນລະເບີດ

ທາດຫຼວງກໍ່ຄົງຈະມຸ່ນຄືກັນ. ສະນັ້ນຄົນທີ່ຢູ່ໃນປະເທດລາວປະຈຸບັນນີ້ ຈຳນວນໜຶ່ງແມ່ນບໍ່ຍອມຮັບ

ລັດຖະບານປະຕິວັດຊຸດນີ້ ແຕ່ດ້ວຍບໍ່ຮູ້ແນວຈະເຮັດ ເຂົາມີແຕ່ມິດ ແລະ ລໍຖ້າໂອກາດ ເພື່ອສ້າງຄວາມວຸ້ນວາຍ

ໃຫ້ປະເທດລາວ. ບຸກຄົນໃດມີຈິດໃຈຮັກຊາດ ຈົ່ງຈື່ຈຳ ແລະ ສືບທອດຄວາມຊົງຈຳ ໃຫ້ລູກໃຫ້ຫຼານ ເພື່ອບໍ່

ໃຫ້ລູກຫຼານລາວ ຕົກເປັນທາດ ຫຼື ຂີ້ຂ້າ ຂອງຕ່າງຊາດອີກ ແຕ່ຂໍໃຫ້ເປັນ ບົດຮຽນ ແລະ ຄວາມມີສະຕິ

ຂອງຄົນລາວ ຢ່າໄດ້ຫຼົງເລ່ກົນ ຂອງຜູ້ຫວັງທຳລາຍງ່າຍໆ ແລະ ຈົ່ງປະຕິບັດຄວາມມີນ້ຳໃຈເອື້ອເຟື້ອເພື່ອແຜ່ຂອງ

ຄົນລາວ ຕ້ອນຮັບແຂກຄົນ ຢ່າງມີມາລະຍາດ ບໍ່ມີອັກຄະຕິ ແຕ່ ໃຫ້ລະວັງຕົວ.

ເອົາໂປຼແກມອັນລັອກແອກາດ ໄປໃຊ້ລອງແມ
ແອກາດຂອງ UNITEl, ETL ໃຊ້ຊີມໃດກະໄດ້
ແອກາດຂອງຢູນິເທວ ໃຊ້ຊີມ ອີທີເເອວໄດ້ ຂໍບອກ
ຂອງອີທີແອວໃຊ້ຊີມ ຢູນິກໍ່ໄດ້ ຂໍບອກ222
ບໍ່ຕ້ອງໄປຊື້ຫຼາຍອັນເດີ

http://www.mediafire.com/?a5a2ycvj6xhtcae
http://www.mediafire.com/?a5a2ycvj6xhtcae
ເຂົ້າໄປທີ່ຢູ່ນີ້ ແລ້ວດາວໂຫຼດເອົາໂປແກມມາ
ເປີດໂປແກມຂຶ້ນ ເອົາຊີມທີ່ຕ້ອງການໃສ່
ຕົວຢ່າງ ແອກາດ ZTE ຂອງອີທີແອວບໍ່ສາມາດໃຊ້ຊີມຢູນິເທວ
ເວລາເອົາຊີມຢູນິໃສ່ໃນແອກາດ ແລ້ວສຽບໃສ່ຄັອມ
ຈະເຫັນສະແດງຂໍ້ຄວາມ U ຊິມໃຊ້ບໍ່ໄດ້
ໃຫ້ປິດໂປແກມຂອງ ແອກາດລົງ (1). ແລ້ວຢູ່ບ່ອນ select manufacturer
 ຂອງໂປຼແກມ DC-unlocker ເລືອກ ZTE datacards(2) ແລ້ວກົດປຸ່ມສະແກນ(4)
ກໍ່ສາມາດໃຊ້ແອກາດແບບອິດສະຫຼະບໍ່ຈຳກັດເຄືອຂ່າຍ
ອິອິ

ຂໍອະໄພຜູ້ອ່ານທັງຫຼາຍ ຂ້າພະເຈົ້າຈະຂໍກ່າວເລື່ອງຄວາມຮັກຕາມຄວາມຮູ້ສຶກ

ຊົ່ວຊີວິດຂອງຄົນໆໜຶ່ງ ຈະມີຄວາມຊາບຊຶ້ງ ແລະ ເຂົ້າໃຈຄຳວ່າຮັກໄດ້ຫຼາຍປານໃດ

ຕ່າງຄົນກໍ່ຕ່າງເຂົ້າໃຈໃນຄວາມຮູ້ສຶກຂອງໃຜມັນ ເພາະຄວາມຮັກຂອງຄົນເຮົາກໍ່ໜ້ອຍ

ຫຼາຍຕ່າງກັນ ຄູ່ຮັກທັງຫຼາຍທີ່ມີໃຈຮັກເຊິ່ງກັນ ແລະ ກັນ ຕ່າງກໍ່ສະແດງຄວາມຮັກທີ່

ຕົນມີໃຫ້ຄົນທີ່ຕົນຮັກ ດ້ວຍຫຼາຍຮູບຫຼາຍແບບ ສຸດທ້າຍແລ້ວ ຄວາມຮັກ ບໍ່ມີຂອບເຂດ

ບໍ່ມີກົດຫ້າມ ບາງຄົນເຖິງຂັ້ນຂ້າຕົວຕາຍເມື່ອຕ້ອງພັດພາກຈາກຄົນຮັກ ຫຼື ບໍ່ຂ້າຕົວຕາຍ

ແຕ່ຍ້ອນຄວາມຫ່ວງຫາອາໄລເຖິງຄົນທີ່ຮັກ ຈົນໂສກເສົ້າ ບໍ່ມີຈິດໃຈຈະເຮັດຫຍັງ ແລະ ສຸດທ້າຍ

ກໍ່ເຈັບປ່ວຍຕາຍຕາມໄປ. ທີ່ເປັນດັ່ງນີ້ບໍ່ເປັນສະເພາະຄວາມຮັກຂອງບ່າວສາວ ຫຼື ຄູ່ຊີວິດທັງຫຼາຍ

ເທົ່ານັ້ນ ຄົນທີ່ຮັກສັດລ້ຽງ, ຄົນທີ່ຮັກລູກ, ຮັກພໍ່ຮັກແມ່, ຮັກປະເທດຊາດບ້ານເມືອງ ແລະ ອື່ນໆ

ຜູ້ທີ່ມີຄວາມຮັກຫຼາຍເທົ່າໄດ ກໍ່ມີຄວາມຫວງຫຼາຍເທົ່ານັ້ນ ຄືຢາກປົກປ້ອງ ແລະ ມອບແຕ່ຄວາມດີ

ຕໍ່ສິ່ງທີ່ຕົນຮັກ ເຊິ່ງມັນກົງກັນຂ້າມກັບການທຳລາຍ ນັ້ນກໍ່ໝາຍຄວາມວ່າຄົນທີ່ມີຄວາມຮັກ ແມ່ນ

ຄົນທີ່ອຸທິດຕົນເພ່ືອສິ່ງທີ່ຕົນຮັກ ອາດເວົ້າໄດ້ວ່າຄວາມຮັກທີ່ມອບໃຫ້ນັ້ນອາດມີຄ່າສູງກວ່າຊີວິດ

ເຊິ່ງຄົນອື່ນນັ້ນຈະເຂົ້າໃຈແບບໃດ ກໍສຸດແລ້ວ ແຕ່ໄດອາຣີ່ບົດນີ້ ຂ້າພະເຈົ້າຢາກບັນລະຍາຍ ຄຳວ່າ

ຮັກ ໃນຄວາມຮູ້ສຶກຂອງຂ້າພະເຈົ້າ ແລ້ວໃຫ້ພິຈາລະນາດ້ວຍເຫດ ແລະ ຜົນ ເຊິ່ງອາດມີບາງຄຳເວົ້າ

ທີ່ກະທົບຕໍ່ຈິດໃຈຜູ້ອ່ານໃນດ້ານລົບ ແລະ ດ້ານບວກ.

ຫຼາຍໆຄົນ ອາດຈະເຄີຍເຫັນ ບົດສະແດງລະຄອນສົມມຸດ ໄທທານິດ TITANIC ຕອນຈົບຄືພະເອກ

ແລະ ນາງເອກບໍ່ໄດ້ສົມຫວັງນຳກັນ ແຕ່ຄວາມຮັກຂອງໂຣສດໍເຊິນ(ຕົວລະຄອນນາງເອກໃນເລື່ອງ)

ແລະ ແຈັກດໍເຊິນ(ຕົວລະຄອນພະເອກໃນເລື່ອງ) ເປັນຄວາມຮັກທີ່ໂຣສດໍເຊິນ ບໍ່ມີວັນລືມຈົນເຖິງວັນ

ສິ້ນລົມຫາຍໃຈ ທຸກຄັ້ງທີ່ໂຣສດໍເຊິນ ຄິດເຖິງແຈັກ ເຮົາບໍ່ອາດຮູ້ໄດ້ຄວາມທຸກອັ່ງຄ່ັງແຄ້ນ ໃນໃຈຂອງໂຣສ

ມີຫຼາຍປານໃດ ໃນບົດເພງ My Hesrt will go on  ກໍ່ຍັງມີຄວາມໝາຍທີ່ສະແດງເຖິງ ຄວາມຄິດຮອດ

ຄວາມຊົງຈຳທີ່ບໍ່ມີວັນລືມ ທຸກໆຄັ້ງທີ່ໂຣສຫຼັບຕາ ໃນຄວາມຝັນຂອງໂຣສ ຍັງຮູ້ສຶກເໝືອນວ່າແຈັກ

ຍັງມີຊີວິດຢູ່ ເຮືອໄທທານິດ ທີ່ຍິ່ງໃຫຍ່ ມີຜູ້ຄົນນັບພັນ ເມື່ອຈະເຖິງຄາວອັບປາງ ຜູ້ຄົນທັງຫຼາຍ

ໄດ້ແຕ່ສວດມົນພະວັນນາອ້ອນວອນເຖິງພຣະຜູ້ເປັນເຈົ້າ ສຸດທ້າຍຜູ້ທີ່ລອດເຫຼືອພຽງ ສອງສາມຮ້ອຍ

ຄົນ ໂຣສເປັນຜູ້ສຸດທ້າຍທີ່ລອດ ເພາະແຈັກໄດ້ແກະເສື້ອຊູຊີບໃຫ້ໂຣສໃສ່ ແລ້ວກໍ່ຍູ້ໂຣສຂຶ້ນຢູ່ເທິງ

ເສດໄມ້ທີ່ແຕກຫັກຈາກລຳເຮືອ ແລ້ວແຈັກຕ້ອງຂາດໃຈຕາຍຍ້ອນທົນຕໍ່ຄວາມໜາວເຢັນບໍ່ໄດ້

ຂ້າພະເຈົ້າກໍ່ຮອດຂັ້ນນ້ຳຕາຊຶມໄປນຳບົດລະຄອນ ໃນຕອນທີ່ຕົວລະຄອນໂຣສຕອນແກ່ ປີນຂຶ້ນ

ຮາວກັ້ນລະບຽງເຮືອ ນ້ຳຕາໄຫຼອອກມາ ພ້ອມກັບຖິ້ມສ້ອຍເພັດລົງມະຫາສຸດໝຸດ

ເລື່ອງນີ້ກໍ່ເປັນຮູບແບບໜຶ່ງຂອງຄວາມຮັກ ພຽງຊ່ວງເວລາ ອັນແສນສັ້ນ ທີ່ໂຣສ ແລະ ແຈັກໄດ້ພົບ

ກັນໃນເຮືອໄທທານິກ ແລ້ວກໍ່ຈາກກັນໃນເຮືອໄທທານິກ ແຕ່ເປັນຄວາມຊົງຈຳທີ່ໂຣສບໍ່ອາດລືມ

ແລະ ກໍ່ເປັນຄວາມທຸກທີ່ໂຣສຕ້ອງຮັບໄວ້ໄປຕະຫຼອດຊີວິດ

ບາດນີ້ຄົງຈະເຂົ້າໃຈເປົ້າໝາຍທີ່ຢາກອະທິບາຍ ນັ້ນກໍ່ຄື ຄວາມຮັກ ເຮັດໃຫ້ມີຄວາມສຸກ ເຮັດໃຫ້ຄົນ

ຫຼົງໄຫຼ ແລະ ຄວາມຮັກກໍ່ມີຄວາມທຸກປະປົນໄປນຳ ຜູ້ທີ່ຫວັງຈະບັນລຸປະຣິນິພານດັ່ງພຣະພຸດທະເຈົ້າ

ຈຶ່ງຕ້ອງຕັດຈາກຄວາມຮັກ, ຄວາມຫຶງຫວງ, ຄວາມໂລບ, ຄວາມໃຈຮ້າຍ, ຄວາມຫຼົງໄຫຼ

ໂດຍເຫັນຈະແຈ້ງ ພຣະສົງທັງຫຼາຍມີຂໍ້ຫ້າມຢ່າງແນ່ນອນ ຄື ບໍ່ໃຫ້ເອົາເມຍ, ບໍ່ໃຫ້ເສບກາມາຄຸນ

ເຊິ່ງຄົນສ່ວນໃຫຍ່ຕັດໃຈບໍ່ໄດ້

ສຸດທ້າຍບໍ່ມີຫຍັງ ມີແຕ່ໃຜຢາກຟັງເພງ My Hesrt will go on

ກໍ່ຂໍເຊີນຮັບຟັງຈາກທີ່ຢູ່ນີ້ http://www.youtube.com/watch?v=saalGKY7ifU

ຫາກຜູ້ໃດມີຂໍ້ຕຳນິວິຈານຂໍເຊີນປະກອບຄຳເຫັນໄດ້

ອັນນີ້ກໍ່ມາຈາກ http://www.watavignon.org/home/php/110427142853.php ຄືກັນ ເພາະຂ້າພະເຈົ້າເຫັນວ່າ

ມີຄວາມໝາຍເລິກເຊິ່ງ ແລະ ສາມາດໃຫ້ປະໂຫຍດໄດ້ບໍ່ຫຼາຍກໍ່ໜ້ອຍ ເລີຍຢາກໃຫ້ເພື່ອນໆພັນລາວໄດ້ອ່ານ ໃນຫົວຂໍ້ທີ່ວ່າ:

ບົດນີ້ ຂ້າພະເຈົ້າໄດ້ໄປກັອບມາໃຫ້ຜູ້ທີ່ສົນໃຈພຣະທັມຄຳສອນຂອງອົງພຣະສີຣັຕຕະນະໄຕຣ ( ພຣະພຸທເຈົ້າ ) ທີ່ຖືກແປ ແລະ ອະທິບາຍ ຢູ່ທີ່

http://www.watavignon.org/home/php/100818020145.php

ເຄີຍຍິນວ່າພະພຸດທະເຈົ້າຕັ້ງສັງກາດໄວ້ 5000 ປີ ແຕ່ຍັງບໍ່ຮູ້ແນ່ວ່າຕັ້ງໄວ້ເຮັດຫຍັງ

ຕາມທີ່ເຂົ້າໃຈເພາະເຄີຍຍິນການເລົ່າຕາມຄຳສອນ ພະພຸດທະເຈົ້າໄດ້ຕັດໄວ້ວ່າ

ດິນແດນແຫ່ງຄວາມສີວິໄລ ທີ່ທຸກສິ່ງທຸກຢ່າງລ້ວນສະຫງົບສຸກ ຄົນ, ສັດ ແລະ

ສິ່ງມີຊີວິດອື່ນໆລ້ວນເປັນເພື່ອນມິດກັນ ບໍ່ລົບລາຂ້າຟັນກັນ ຄົນຮູ້ພາສາສັດ

ສັດຮູ້ພາສາຄົນ ...

ນັບແຕ່ມື້ພຣະພຸດທະເຈົ້າ(ສິທທັທະ)ເກີດ ( ມື້ເພັງ 15 ຄ່ຳ ) ຈົນອາຍຸ 19 ປີ

ໄດ້ປະລູກເມຍ ແລະ ຊັບສົມບັດ  ອອກບວດ 6 ປີ ຕັດສະຣູ້ ເປັນພຣະພຸດທະ

ເຈົ້າ ຄົບ 84 ພັນສາເຖິງຂັ້ນດັບຂັນ( ຕາຍ ) ເຂົ້າສູ່ປາຣິນິພານ ໃນຊ່ວງເວລາທີ່ພຣະ

ພຸດທະເຈົ້າມີຊີວິດຢູ່ນັ້ນໄດ້ ຕັ້ງຈຸດປະສົງສືບທອດທັມມະໃຫ້ບັນດາສິດຂອງ

ພຣະພຸດທະເຈົ້າ ( ພຣະສົງ ) ເພື່ອຊ່ວຍໃຫ້ຜູ້ຄົນທັງຫຼາຍພົ້ນຈາກຄວາມທຸກ

ພຣະສົງເຫຼົ່ານັ້ນກໍ່ໄດ້ປະຕິບັດຕາມຄຳສັ່ງສອນຂອງພຣະພຸດທະເຈົ້າ ໂດຍການ

ເຜີຍແຜ່ທັມມະແບບເປັນໜັງສື ແລະ ແບບເລື່ອງເລົ່າ ເພ່ືອໃຫ້ຜູ້ຄົນເຂົ້າໃຈເລິກ

ເຖິງທັມມະ ມາເຖິງປັດຈຸບັນນີ້ 2554 ປີແລ້ວ ທັມມະແຫ່ງພຸດທະສາສະໜາຍັງ

ກະຈາຍບໍ່ ກວມເຄິ່ງຂອງໂລກ ( ສັງຄົມມະນຸດ ) ແຖມຍັງມີລັກສະນະຜິດພ້ຽນ

ຫຼາຍອັນ ເຊັ່ນວ່າ: ແຕ່ເດີມ ພຣະພຸດທະເຈົ້າ ປະລູກເມຍ ແລະ ຊັບສົມບັດ

ເພື່ອຢາກຊ່ວຍມະນຸດທັງໂລກໃຫ້ພົ້ນທຸກ ແຕ່ປັດຈຸບັນ ພຣະສົງຈຳນວນໜຶ່ງ

ລະສິນ ລະທັມມະ ບວດແລ້ວຍັງຫຼິ້ນແສ້ຫຼິ້ນສາວ, ບວດເພື່ອຢາກໄດ້ເງິນ

ຜູ້ໄດ້ໜ້ອຍຜູ້ໄດ້ຫຼາຍ ກໍ່ຍາດແຍ່ງຊິງດີ ...   ແລ້ວເມື່ອເຖິງປີ ພ.ສ 5000

ຈະສຳເລັດຕາມຈຸດປະສົງຂອງພຣະພຸດທະເຈົ້າຫຼືບໍ່ຂ້າພະເຈົ້າຄິດວ່າອາດ

ຈະເຖິງວາລະຫາຍສາບສູນຂອງສາສະໜາພຸດ ຫຼາຍກວ່າ

ຕາມທີ່ເຂົ້າໃຈ ພຣະພຸດທະເຈົ້າອາດຈະບອກວ່າ 5000 ປີ ໂລກນີ້ໃຫ້ກາຍ

ເປັນໂລກແຫ່ງສີວິໄລ ແລະ ຕາມທິດສະດີ ມາກ-ເລນິນ ກໍ່ເວົ້າວ່າຂະບວນ

ວິວັດຂອງສັງຄົມມະນຸດ ຈະມີ 5 ຂັ້ນຄື:

1. ສະຫະຊີບປະຖົມບູຮານ.

2. ລະບອບຄ່າທາດ.

3. ລະບອບ...

4. ລະບອບທຶນນິຍົມ ( ນາຍທຶນ ).

5. ລະບອບສັງຄົນນິຍົມ.

ຄົນສ່ວນໜຶ່ງເວົ້າວ່າ ລະບອບສັງຄົມນິຍົມເປັນລະບອບລະເມີເພີ້ຝັນ

ບໍ່ອາດເປັນຈິງໄດ້.

ຍິນຜູ້ເຖົ້າຜູ້ແກ່ເວົ້າແບບວ່າເລື່ອງເລົ່າແຕ່ກີ້ ຕອນນີ້ກັບກາຍເປັນຈິງ

ມີແທ້ ເຊັ່ນວ່າ: ຫູທິບ ຕາສ່ອງ ... ເຂົາເຈົ້າເຫັນໂທລະສັບນະ ກໍ່ເລີຍເວົ້າວ່າ

ຫູທິບແມ່ນອັນນີ້ແຫຼະ ຮະຮະ

ເມື່ອສັງຄົມຈະເລີນໄປເຖິງຂັ້ນສຸດຍອດກໍ່ອາດເປັນໂລກສີວິໄລ ແຕ່ອາດ

ຈະບໍ່ແມ່ນ ພ.ສ 5000.

# ຂໍອະໄພນຳທີ່ໃຊ້ຄຳເວົ້າບໍ່ຖືກຕ້ອງເຮັດໃຫ້ຜູ້ອ່ານເຂົ້າໃຈຜິດ ໃນບົດ

ຄວາມນີ້ຂ້າພະເຈົ້າໄດ້ດັດແປງບາງປະໂຫຍກເຊັ່ນ: ຄົບ 84 ພັນສາເຖິງ

ຂັ້ນດັບຂັນ ປາຣິນິພານ( ຕາຍ ) ປ່ຽນເປັນ ຄົບ 84 ພັນສາເຖິງຂັ້ນດັບຂັນ( ຕາຍ )

ເຂົ້າສູ່ປາຣິນິພານ.

ສ່ວນອາຍຸຕ່າງໆນັ້ນ ບໍ່ແນ່ໃຈຄືກັນເພາະຕຳລາຫຼາຍເຫຼັ້ມໄດ້ຂຽນຕ່າງກັນ

# ຕາມຕຳລາຂຽນວ່າຄົນເຮົາປະກອບດ້ວຍຂັນ 5.

ຄຳວ່າ “ຄູ” ທີ່ຂ້າພະເຈົ້າຮັບຮູ້ ບໍ່ແມ່ນບຸກຄົນທີ່ຈັບປຶ້ມຕຳລາແລ້ວອ່ານໃຫ້ນັກຮຽນຈົດພຽງຢ່າງດຽວ

ຈິດຂອງຄວາມເປັນຄູຄືຜູ້ຊອກຮູ້ຫາຮຽນ ແລະ ສອນຄົນອື່ນດ້ວຍຄວາມຮູ້ທີ່ຖືກຕ້ອງ ບໍ່ແມ່ນງົມງາຍ

ຄູບໍ່ແມ່ນສະເພາະທີ່ເຫັນເປັນຮ່າງມະນຸດ ຄູມີຢູ່ທຸກທີ່ ບາງຄັ້ງຄູກໍ່ສອນດີຕໍ່ເຮົາ ບາງທີຄູກໍ່ສອນແບບເຈັບໆແກ່ເຮົາ

ຄູຈະສອນເຮົາໄປຕະຫຼອດຈົນເຖິງວັນສຸດທ້າຍທີ່ເຮົາຍັງຫາຍໃຈຢູ່

ດັ່ງຄຳເວົ້າທີ່ວ່າ:

“ ຮຽນແລ້ວຮຽນອີກ ແລະ ຮຽນເລື້ອຍໆໄປ ”.

ຂ້າພະເຈົ້າເຄີຍຍິນການປຽບທຽບລະຫວ່າງ ດາວ ກັບ ດິນ ທີ່ວ່າດາວຢູ່ສູງ ແລະ ດິນຢູ່ຕ່ຳນັ້ນ

ຖ້າເບິ່ງຕາມການສັງເກດເວລາເຮົາຢືນຢູ່ບ່ອນໂລ່ງແຈ້ງ ເຫັນດາວຢູ່ເທິງຟ້າ ເກີນກວ່າຈະເອື້ອມເຖິງນັ້ນ

ກໍ່ຮູ້ສຶກໄດ້ວ່າ ຂ້າພະເຈົ້າບໍ່ມີປັນຍາ ແລະ ຄວາມສາມາດພໍ ທີ່ຈະດຶງເອົາດາວທີ່ສ່ອງແສງປະກາຍສວຍງາມ ໃຫ້ມາຢູ່ໃນກຳມືໄດ້

ດາວຢູ່ສູງອີ່ຫຼີ.

ແຕ່ຖ້າເບິ່ງໃນແງ່ໜຶ່ງ ທີ່ເຮົາເອີ້ນວ່າ “ໂລກ” ກັບເປັນພຽງບໍລິວານຂອງດວງອາທິດ ຄືກັບດາວເຄາະທີ່ເອີ້ນຊື່ຕ່າງກັນເຊັ່ນ:

ດາວພຸດ, ດາວພະຫັດ, ດາວສຸກ, ດາວເສົາ...

Earth ( ໜ່ວຍໂລກ) ກໍ່ເປັນດາວດວງໜຶ່ງຄືກັນ ແລ້ວຖ້າຈະເວັ້າວ່າ ຄົນເຮົາຢືນຢູ່ເທິງໜ່ວຍໂລກ ຫຼື ຄົນເຮົາຢືນຢູ່ເທິງດາວໂລກ

ກໍ່ເວົ້າໄດ້ ອິອິ

* ທ່ານຄິດວ່າ ມີຄ່າຕ້ອຍຕ່ຳພຽງດິນ ແລ້ວດິນມີຄ່າສ່ຳໃດ ທ່ານເຄີຍຄິດບໍ່. ມີຈັກຄົນທີ່ຕັ້ງເຮືອນຢູ່ເທິງເມກເຝື້ອ, ມີຈັກຄົນທີ່ໃຊ້ຊີວິດຢູ່ໃນນ້ຳ(ບໍ່ແມ່ນເທິງໜ້ານ້ຳ) ແລ້ວພື້ນນ້ຳແມ່ນດິນຫຼືບໍ່.

ຂ້າພະເຈົ້າເຂົ້າໃຈດີ ຄຳເວົ້າທີ່ວ່າ ດາວຢູ່ສູງກວ່າດິນ ເປັນພຽງການປຽບທຽບຊົນຊົັ້ນໃນສັງຄົມມະນຸດ ສ່ວນສັງຄົມສັດຊະນິດອື່ນບໍ່ໄດ້ມີການປຽບທຽບ.

ຮາຮາຮາ ເວົ້າໄປເວົ້າມາ ໂຕເອງຍັງງົງຊ້ຳບັດນີ

ຄວາມແຄ້ນທີ່ຝັງເລິກໃນໃຈ ຄືແປວໄຟທີ່ເຜົາໄດ້ທຸກຢ່າງ

ເສັ້ນທາງທີ່ຂັດສົນ ພາໃຫ້ໃຈຄົນອິດເມື່ອຍ ແລະ ທໍ້ຖອຍ

ຄົນສ່ວນໜຶ່ງກໍ່ມີນິໄສບໍ່ດີມາຕັ້ງແຕ່ຕອນຍັງນ້ອຍ

ຄົນສ່ວນໜຶ່ງຕອນຍັງນ້ອຍເປັນຄົນດີ(ບອກຟັງ)

ຄົນສ່ວນໜຶ່ງກະປ່ຽນໄປປ່ຽນມາບໍ່ແນ່ນອນ

ຄົນສ່ວນໜຶ່ງພັດຕັ້ງໝັ້ນໃນຄວາມດີຕັ້ງແຕ່ນ້ອຍຈົນຮອດມື້ຕາຍ

ຜ່ານມາເຄີຍພົບເຫັນບາງຄົນ ເອົາໃຈໃສ່ຮຽນເອົາແທ້ເອົາວ່າ ຈົນຈົບ ປຕີ ປໂທ ແຕ່ແລ້ວບໍ່ມີວຽກເຮັດ

ບາງຄົນກະຕັ້ງໃຈຮຽນຢ່າງດຽວ ເລື່ອງຊູ້ເລື່ອງແຟນບໍ່ກ່ຽວ ຮຽນຈົບແລ້ວ ໄດ້ແຟນອະເລເຄນັງ

ຄົນທີ່ເຮັດວຽກດີ ແຕ່ເຮັດສິບປີຊາວປີກະຢູ່ສ່ຳເກົ່າ ຍ້ອນບໍ່ມີເສັ້ນສາຍ ບໍ່ມີຜູ້ຊຸບຍູ້ສົ່ງເສີມ

ຜູ້ຍິງບາງຄົນກະຕັ້ງວ່າມັກຫຼິ້ນມັກມ່ວນ ອີຫຼີ ແຕ່ຍາມເອົາຜົວພັດໄດ້ຄົນດີໆ

ຜູ້ຊາຍໜ້າຕາຂີ້ຮ້າຍ ພັດໄດ້ເມຍງາມໆ ( ເຂົາວ່າ ເຄືອຕົດໝາກ້ຽວດອກກູຫຼາບ ) ອິອິ

ສຸດທ້າຍໄດ້ແຕ່ພາວັນນາ “ທຳດີໄດ້ດີ ທຳຊົ່ວໄດ້ຊົ່ວ” ພໍມີກຳລັງໃຈ.

ຮືຮືຮື

ຄູບາອາຈານທັງຫຼາຍ ແລະ ພໍ່ແມ່ຜູ້ປົກຄອງ ໃຜກໍ່ເຄີຍສັ່ງສອນໃຫ້ລູກຫຼານຕົນເອງເປັນຄົນຮູ້ຈັກຄິດ, ຮູ້ຈັກບຸນຄຸນຂອງພໍ່ແມ່

ເຮົາທຸກຄົນເກີດມາໄດ້ກໍ່ຍ້ອນມີພໍ່, ແມ່. ບໍ່ແມ່ນເທວະດາ ພະອິນພະພົມເສກສັນປັ້ນແຕ່ງຄົນທີ່ເກີດຂຶ້ມມາກໍ່ມີທັງຄົນດີ ແລະ ຄົນຊົ່ວ.

ໃຜໆກໍ່ຢາກໃຫ້ລູກເກີດມາເປັນຄົນດີ, ແຂງແຮງ, ສະຫຼາດ ສາມາດເປັນທີ່ເພິ່ງຂອງພໍ່ແມ່ໄດ້. ແຕ່ມັນກໍ່ເປັນພຽງຄວາມໄຝ່ຝັນ

ເມື່ອໜຶ່ງຊີວິດເກີດຂຶ້ນມາ ສັນຊາດຕະຍານ ກໍ່ເປັນພຽງສັດຕົວໜຶ່ງ ແຕ່ຄົນເຮົາໄດ້ອົບຮົມບົ່ມສອນດ້ວຍຄວາມດີ ລ້ຽງດ້ວຍຄວາມຮັກ

ຄວາມແຕກຕ່າງຂອງບ່ອນທີ່ເກີດ ຖານະທີ່ເປັນ ສະພາບແວດລ້ອມສັງຄົມ ຍ່ອມຈະມີຜົນກະທົບຕໍ່ຄວາມຮັບຮູ້ ສ້າງຄວາມຄິດ

ໃຫ້ຊີວິດຕ້ອງເລືອກເດີນຕາມເສັ້ນທາງຂອງມັນເອງ ພໍ່ແມ່ເປັນແບບໜຶ່ງ ລູກເກີດມາກໍ່ເປັນອີກແບບໜຶ່ງ

ຂ້ອຍຮູ້ສຶກວ່າ ເມື່ອຂ້ອຍເກີດມາ ຂ້ອຍຄືຜົນຂອງກຳທີ່ພໍ່ແມ່ກໍ່ຂຶ້ນ ຂ້ອຍເປັນຄົນດີ ກໍ່ໝາຍຄວາມວ່າພໍ່ແມ່ກໍ່ໄດ້ສ້າງກຳດີ

ຖ້າຂ້ອຍເປັນຄົນຊົ່ວກໍ່ເໝືອນພໍ່ແມ່ຂ້ອຍໄດ້ສ້າງກຳບໍ່ດີ ຄວນຄິດພິຈາລະນາເບິ່ງວ່າ ຈະສ້າງຫຍັງ ຈະເຮັດຫຍັງເພື່ອພໍ່ ແລະ ແມ່

ຄວາມຮັກຂອງພໍ່ແມ່ທີ່ມີຕໍ່ລູກທຸກຄົນ ບໍ່ເທົ້າກັນແນ່ນອນ ນັ້ນກໍ່ຍ້ອນລູກທຸກຄົນເກີດມາບໍ່ຄືກັນ ທັງໃນດ້ານຮູບຮ່າງໜ້າຕາ

ຈິດໃຈ ແມ່ນແຕກຕ່າງ ຂ້ອຍຄິດໃນໃຈວ່າ ຂ້ອຍຢູ່ເພື່ອໃຜ ຂ້ອຍກໍ່ພົບຄຳຕອບວ່າ ຢູ່ເພື່ອຕົນເອງ

ການທີ່ພໍ່ແມ່ຂອງເຮົາຈະມີຖານະຍາກຈົນ ຫຼື ຮັ່ງມີ ຂ້ອຍຄິດວ່າບໍ່ໄດ້ເສຍໃຈ ບໍ່ໄດ້ພາກພູມໃຈ

ເພາະຄົນເຮົາເລືອກເກີດບໍ່ໄດ້. ບາງຄົນຄິດແນ່ນອນ ຄວາມຮູ້ສຶກທີ່ບໍ່ເພິງພໍໃຈ ທີ່ຕົນເອງເກີດມາໃນຄອບຄົວ

ທີ່ມີຖານະຍາກຈົນ ສ່ວນຄົນທີ່ເກີດໃນຖານະຮັ່ງມີກໍ່ມັກຈະອວດອົ່ງທະນົງຕົວສະເໝີ

ແຕ່ບາງຄົນກໍ່ຄິດວ່າ ບໍ່ຢາກຈະໄດ້ຊັບສົມບັດຈາພໍ່ແມ່ແຕ່ໜ້ອຍດຽວ ເພາະເຂົາຢາກຈະສ້າງດ້ວຍຄວາມສາມາດຂອງຕົນເອງ

ທຸກຄົນເກີດມາລ້ວນມີອຸປະສັກຂອງຕົນເອງ ບໍ່ວ່າຈະເກີດໃນຖານະໃດກໍ່ຕາມ ແຕ່ບໍ່ຄວນຖິ້ມຄວາມຜິດໄປທີ່ພໍ່ແມ່

ບໍ່ມີໃຜຢາກໃຫ້ລູກຕົນເອງເກີດມາທຸກ ພໍ່ແມ່ເປັນຜູ້ປະເສີດກໍ່ວ່າໄດ້ ຫຼື ຈະເວົ້າວ່າ ພໍ່ແມ່ເປັນຜູ້ສ້າງບາບເວນໃຫ້ເຮົາກໍ່ວ່າໄດ້

ເພາະເຂົາຄືຜູ້ສ້າງເຮົາມາ ທຸກສິ່ງທີ່ເປັນເລືອດເນື້ອຂອງເຮົາ ໄດ້ມາຈາກພໍ່ແມ່ ມີແຕ່ຈິດ ຫຼື ອັນທີ່ເປັນຄວາມຄິດຂອງເຮົາທີ່ເປັນ

ໂຕເຮົາແທ້ໆ ຂ້ອບໍ່ຈັຍກສິວ່າກະເລີຍວ່າໂຕເຮົາ ຄວາມຈິງແລ້ວ ຈິດບໍ່ມີຕົວຕົນ ມັນໄດ້ສິງຢູ່ໃນຮ່າງຄີງຂອງເຮົາເທົ່ານັ້ນ

ອາໄສຮ່າງກາຍເປັນພາຫະນະ ຂ້ອຍບໍ່ຮູ້ວ່າ ເມື່ອຮ່າງກາຍຂອງເຮົາຕາຍ ຈິດຂອງເຮົາຈະຍັງຄົງຢູ່ໄດ້ຫຼືບໍ່ ເພາະຂ້ອຍກໍ່ບໍ່ເຄີຍຕາຍ

ຂ້ອຍຄິດວ່າມັນຈະຕ້ອງດັບໄປພ້ອມຮ່າງຄີງເຮົານັ້ນລະ ສ່ວນທີ່ເຂົາວ່າ ເມື່ອຄົນເຮົາຕາຍໄປແລ້ວ ວິນຍານຈະຖືກຍົມມະບານ

ມານຳເອົາໄປຕັດສິນບາບບຸນຄຸນໂທດທີ່ເຮົາເຄີຍກໍ່ຍາມເປັນຄົນນັ້ນ ຂ້ອຍຄິດວ່າເປັນພຽງວິທີການສັ່ງສອນຈິດໃຈຄົນໃຫ້ມີຄວາມ

ຢ້ານກົວທີ່ຈະກະທຳຄວາມຊົ່ວ ແຕ່ເວນ, ບາບ, ບຸນ, ຄຸນ, ໂທດ ແມ່ນມີຈິງໃນໂລກມະນຸດເຮົານີ້ລະ ຈຸດຈົບສຸດທ້າຍຄືຄວາມຕາຍ

ແຕ່ຜົນກຳທີ່ເຮົາກໍ່ບໍ່ໄດ້ຕາຍໄປນຳ ຄືດັ່ງທີ່ພໍ່ແມ່ສ້າງເຮົາມາ ເມື່ອພໍ່ແມ່ຕາຍຈາກໄປ ເຮົາກໍ່ຍັງຄົງຢູ່ໄດ້. ການກະທຳຂອງເຮົາ

ຄວນຄິດຕຶກຕອງໃຫ້ດີ ເຮົາເຮັດຫຍັງລົງໄປ ຈະມີຜົນດີ ຜົນຮ້າຍຕໍ່ໃຜແດ່ ແລະ ມັນຈະຄົງຢູ່ດົນປານໃດ ບາງຄົນຄິດວ່າ

ເຂົາຕາຍກະຢ່າ ແຕ່ຕ້ອງເຮັດໃຫ້ຜູ້ອື່ນເດືອດຮ້ອນນຳ ເພາະເຂົາມີຄວາມຄຽດແຄ້ນ ມີວຄາມອິດສາ ມີຄູ່ອາຄາດບາດໝາງ

ຄືດັ່ງທີ່ມີການວາງລະເບີດສະຫຼະຊີບ ຜູ້ເຄາຮ້າຍນຳເຫດການ ມີທັງຄົນບໍລິສຸດທີ່ບໍ່ກ່ຽວຂ້ອງກໍ່ມີ ຖືວ່າເປັນຜູ້ທີ່ໄດ້ຮັບຜົນກຳ

ທີ່ຕົນເອງບໍ່ໄດ້ກໍ່ ຄົນທີ່ຕາຍບໍ່ມີຫຍັງແລ້ວ ແຕ່ຄົນທີ່ບາດເຈັບ ຄົນພິການ ກາຍເປັນຜູ້ທີ່ໄດ້ຮັບຄວາມທຸກທໍລະມານ ຫຼື ໄດ້ຮັບເວນ

ເຖິງຈະຮູ້ພຽງໃດກໍ່ຕາມ ບາງຄົນກໍ່ຕັ້ງພາໂລເຮັດ ກໍ່ບາບກໍ່ເວນ ຫຼື ກະທຳຄວາມຊົ່ວຕໍ່ຄົນອື່ນບໍ່ເລີກບໍ່ແລ້ວ ແລະ ມັນກະຍັງລອຍນວນ

ຜູ້ໄດ້ຮັບຜົນສະທ້ອນກໍ່ຄິດຢາກໃຫ້ມັນຖືກໂທດ ແຕ່ມັນກໍ່ບໍ່ຖືກ, ຄິດຢາກໃຫ້ມັນຕາຍ ແຕ່ມັນກໍ່ບໍ່ຕາຍ ຕາບໃດທີ່ຄົນເຮົາຍັງຫວັງໄດ້

ຫວັງດີແກ່ຕົນເອງ ຄົນຊົ່ວກໍ່ຍັງຄົງມີຢູ່ ຄືດັ່ງທີ່ເຂົາເຄີຍວ່າ ຈົນຕໍ່ຈົນ ບໍ່ມີທາງອອກ ຍ່ອມເຮັດໄດ້ທຸກຢ່າງ ອັນນີ້ມີແທ້

“ທີ່ຂຽນມາລ້ວນມາຈາກຄວາມຄິດຂອງຂ້ອຍ ຖ້າຫາກມັນຜິດ ຫຼື ແຕະຕ້ອງເຖິງຈິດໃຈ ກໍ່ຂໍອະໄພດ້ວຍ”

ຢູ່ກາງນີ້ລະດີ

ຜ່ານການດຳລົງຊີວິດອັນເປັນເວລານານພໍສົມຄວນ ທ່ານຮູ້ສຶກແນວໃດ

ແມ່ນຫຍັງຄືໂຊກດີຂອງທ່ານ ແມ່ນຫັຍງຄືໂຊກຮ້າຍຂອງທ່ານ

ທ່ານເພິງພໍໃຈກັບຄວາມໂຊກດີ ແລະ ບໍ່ມັກຄວາມໂຊກຮ້າຍ

ທຸກສິ່ງຢ່າງເກີດໄດ້ດັບໄດ້ ເປັນທຳມະຊາດ

ໃນວັນໜຶ່ງທີ່ທ່ານເຕີມນ້ຳມັນໃສ່ລົດ ໃນມື້ນັ້ນນ້ຳມັນລົດຂອງທ່ານຄ່ອຍໆເຫີຍໄປ

ເງິນທີ່ທ່ານຫາມາໄດ້ໃນໜຶ່ງວັນ ທ່ານກໍ່ມີເງິນທີ່ຕ້ອງຈ່າຍອອກໄປໃນວັນຄືກັນ

ຂະໜາດວ່າທ່ານຫາຍໃຈເຂົ້າຍັງຕ້ອງຫາຍໃຈອອກ

ໜຶ່ງວັນມີຫຼາຍຊີວິດ ແລະ ຫຼາຍສິ່ງຫຼາຍຢ່າງເກີດມາ ແລະ ໜຶ່ງວັນກໍ່ມີຫຼາຍຊີວິດ ແລະ ຫຼາຍສິ່ງຫຼາຍຢ່າງຖືກດັບມອດຫຼືຖືກທຳລາຍ

ວິທະຍາສາດທີ່ກ້າວໜ້າ ສາມາດສ້າງສິ່ງທີ່ແຂງແກ່ນທົນທານ ແຕ່ຫຼັງຈາກມື້ສ້າງມັນກໍ່ເລີ່ມເກົ່າແກ່ ແລະ ພຸພັງລົງເລື້ອຍໆ

ພັງລັງແຮງອັນມະຫາສານຂອງນ້ຳ ທີ່ໄຫຼກັດເຊາະ ດິນ, ຫີນຢູ່ບ່ອນສູງ ລົງສູ່ຫ້ວຍນ້ຳ ພັດພາໃຫ້ເກີດມີເກາະດອນຕ່າງໆຕາມແມ່ນ້ຳ ແລະ ແຄມທະເລ

ສາຍລົມແລະຄວາມແຫ້ງແລ້ງທີ່ເຮັດຜາຫີນແກ່ນຜຸພັງ ຍັງກໍ່ໃຫ້ເກີດມີທະເລຊາຍອັນກວ້າງໃຫຍ່

ໂລກມີແຮງເຂົ້າສູນ ແລະ ກໍ່ມີແຮງໜີສູນ

ແລະ ຫຼາຍໆສິ່ງຫຼາຍໆຢ່າງທີ່ພັນລະນາບໍ່ຖ້ວນ

ເວົ້າລວມແລ້ວມີແຮງທີ່ກໍ່ໃຫ້ເກີດເປັນ ແລະ ມີແຮງທີ່ເຮັດໃຫ້ຫາຍໄປ

ສອງດ້ານນີ້ເປັນຂະບວນການປ່ຽນແປງຂອງທຳມະຊາດ

ບໍ່ມີອຳນາດໃດເໜືອກວ່າ

ຖ້າຄົນເຮົາມີແຕ່ເກີດ ບໍ່ມີຕາຍ ໂລກນີ້ຈະກາຍເປັນມະນຸດໄປໝົດ

ຂະບວນການປ່ຽນແປງທາດປະກອບຂອງໂລກໄດ້ເຮັດໃຫ້ເກີດມີສິ່ງທີ່ມີີວິດ ແລະ ບໍ່ມີຊີວິດ

ແຕ່ໂດຍລວມແລ້ວມັນກໍ່ເປັນອັນດຽວກັນ ພຽງແຕ່ມັນປ່ຽນໄປເປັນຮູບອື່ນຊື່ໆ

ທີ່ເດີມ

ເຂັມໂມງມັນປິ່ນໄປຮອບໆ ເບິ່ງແລ້ວມັນກໍ່ເປັນຮອບບ່ອນເກົ່າ

ຕາເວັນທີ່ສ່ອງແສງປະກາຍເທິງຟ້າ ເຖິງຈະມີບາງມື້ຖືກບົດບັງດ້ວຍເມກ ແລະ ຝົນ

ແຕ່ດວງຕາເວັນ ກໍ່ຍັງມີໃຫ້ເຮົາເຫັນຂຶ້ນທາງທິດຕາເວັນອອກ ແລະ ຕົກທາງທິດຕາເວັນຕົກທຸກມື້

ທຸກມື້ເຮົາບຸກບືນ ອອກແຮງ ທຳມະຫາກິນ ຫາເງິນຫາຄຳ ທຸກມື້ເຮົາຕ່ອນຕອນເຊົ້າ ແລະ ກັບມານອນຍາມຄ່ຳ

ບາງມື້ກໍ່ເມື່ອຍ ບາງມື້ກໍ່ຫາຍອິດຫາຍເມື່ອຍຍ້ອນຜົນສຳເລັດ ແລະ ຄວາມໂຊກດີ

ໃຜໆກໍ່ເດີນຕາມຊີວິດຕົນເອງ

ກ້າວໜຶ່ງທີ່ທ່ານອອກຈາກບ້ານ ເມື່ອທ່ານກັບມາກໍ່ມາພ້ອມການປ່ຽນແປງໃໝ່

ໄລຍະຫ່າງຈາກເຮືອນຫາບ່ອນເຮັດວຽກ ກັບໄລຍະທາງທີ່ທ່ານເດີນທາງທຸກມື້ຕ່າງກັນ

ຕໍ່ໃຫ້ທ່ານນັ່ງຢູ່ບ່ອນເກົ່າ ແຕ່ທ່ານກໍ່ໄດ້ເຄື່ອນທີ່ຮອບໂລກພາຍ 24 ຊົ່ວໂມງ.

ຢູ່ທີ່ເກົ່າ ແຕ່ບໍ່ຄືເກົ່າ

ຊີວິດຄົນແສນສັ້ນ ຢ່າຊັກຊ້າ

ຢາກເຮັດຫຍັງຮີບເຮັດ

ຢາກໄດ້ຫຍັງຮີບຫາ

ມື້ໜ້າມາເລົ່າຕໍ່

ໄປວຽກກ່ອນ

ການຈະບອກວ່າຮັກໃຜຄົນໜຶ່ງ ຖ້າເວົ້າໄປແລ້ວເຂົາຕອບວ່າບໍ່
ຫຼື ເຮົາເປັນເພື່ອນກັນດີກວ່າ ຫຼື ຂ້ອຍມີແຟນແລ້ວ ຫຼື ຂ້ອຍຍັງທຳໃຈບໍ່ໄດ້ ແລະ ອື່ນໆ,,,
ກໍ່ຍາກທີ່ເຮົາຈະຮັບໄດ້.
ເມື່ອເຂົາຍອມຮັບເຮົາໃນຖານະທີ່ເຂົາສົນໃຈບໍ່ເຖິງຂັ້ນລຶກຊຶ້ງກໍ່ຕາມ
ແຕ່ມັນເປັນຈິດໃຈຂອງເຮົາທີ່ສະແດງວ່າເຮົາຮັກເຂົາ ຖ້າຮູ້ວ່າເຂົາມີຄົນອື່ນທີ່ອາດ
ຈະມີຄວາມສຳຄັນຫຼາຍກວ່າເຮົາ ກໍ່ຮູ້ສຶກນ້ອຍໃຈ.
ເມື່ອເຮົາໄດ້ເຂົາໃນຖານະທີ່ເປັນຄົນທີ່ສາມາດຈະຢູ່ນຳເຂົາໄດ້
ແຕ່ເຮົາເກີດປ່ຽນໃຈຢາກຄົບຄົນໃໝ່
ຈະບອກກັບເຂົາຈັ່ງໃດດີ
ຂໍໂທດເດີ ຂ້ອຍບໍ່ໄດ້ບອກເຈົ້າ ຄົນນັ້ນຂ້ອຍເຄີຍຮັກເຂົາກ່ອນທີ່ຈະມາພົບເຈົ້າ,
ຂ້ອຍບໍ່ເຊື່ອເຈົ້າແລ້ວ ເຫັນເຈົ້າມີຫຼາຍຄົນໂພດ, ຂ້ອຍຮັກເຈົ້າສຸດຫົວໃຈ ແຕ່ສອງເຮົາໄປກັນບໍ່ໄດ້, ຂ້ອຍຮັກເຈົ້າທີ່ສຸດ ແຕ່ຂ້ອຍບໍ່ສົມກັບເຈົ້າ ແລະ ຄຳບອກເລີກອື່ນໆ ເຊິ່ງເວົ້າມາໂດຍຫຍໍ້
ຄິດຈະເວົ້າອອກມາງ່າຍໆເປັນໄປບໍ່ໄດ້  ເມື່ອນ້ຳຕາຂອງອີກຝ່າຍໄຫຼອອກມາສະແດງຄວາມເສຍໃຈ
ເຮົາຜູ້ເວົ້າຄຳທີ່ມີຄວາມໝາຍດັ່ງກ່າວມານັ້ນ ຄົງຈະຍາກທີ່ຈະຕັດຂາດກັບເຂົາໄດ້ທັນທີ
ການບອກເລີກ ບາງຄົນໃຊ້ແຟນຄົນທີ່ຕົນຢາກຄົບຕໍ່ ໂທຫາຄົນທີ່ຢາກເລີກກໍ່ມີ
ແລະ ຄຳເວົ້າຈະມີຢູ່ວ່າ: ເຈົ້າບໍ່ຕ້ອງໂທມາຫາລາວອີກເດີ ລາວເປັນແຟນຂ້ອຍ ພວກຂ້ອຍຮັກກັນມາດົນແລ້ວ.
ຄົນທີ່ໄດ້ຍິນເສຍໃຈ ແລະ ແຄ້ນທີ່ສຸດ.
ຖ້າຈະຕ້ອງຈາກໃຜຈັກຄົນ ຈະດ້ວຍເຫດໃດກໍ່ຕາມ ຄວາມຊົງຈຳທີ່ດີຂໍໃຫ້ຍັງມີຢູ່
ແລ້ວເຮັດຈັ່ງໃດ ໃນເມື່ອທີ່ເຮົາຈະຕ້ອງຈາກເຂົາ ແຕ່ບໍ່ໃຫ້ຝ່າຍໃດຕ້ອງເຈັບປວດ
ບໍ່ຕ້ອງເສຍໃຈ, ບໍ່ຕ້ອງດ່າຕ້ອງວ່າເຮົາວ່າບໍ່ດີ ຂີ້ຕົວະ.
ເຊິ່ງໂຕເຮົາເອງມີຄວາມຈຳເປັນຕ້ອງໄປຈາກເຂົາ ທັ້ງທີ່ເຮົາກໍ່ຍັງຮັກຍັງສົງສານ ຍັງຮູ້ສຶກວ່າເຂົາກໍ່ມີຄ່າສຳລັບເຮົາ.

ມີຄວາມຮັກໃນໄວຮຽນ ເປັນເໝືອນຄວາມຝັນ ທີ່ບໍ່ຮູ້ອະນາຄົດອັນແນ່ນອນ

ຄວາມຮັກຄວາມເອົາໃຈໃສ່ ເບິ່ງແຍງກັນແລະກັນ

ເຮັດໃຫ້ໜຸ່ມສາວຮູ້ສຶກວ່າແມ່ນແຕ່ພໍ່ແມ່ທີ່ສົ່ງຮ່ຳສົ່ງຮຽນ ຍັງບໍ່ອາດທົດແທນບາງສິ່ງບາງຢ່າງທີ່ເຂົາຂາດຫາຍ

ໄວຣຸ່ນ ສ່ວນໃຫຍ່ກໍ່ພາກັນມີຊູ້ມີແຟນກັນໝົດ ໃຜບໍ່ມີນຳເຂົາກະຖືວ່າ ເຊີຍໆ ແຕ່ວ່າທີ່ຜ່ານມານັ້ນຕາມທີ່ເຄີຍເຫັນ

ກໍ່ຫາກມີຜູ້ທີ່ສົມຫວັງ ໄດ້ຢູ່ນຳກັນ ກໍລະນີນັ້ນຍ້ອນໜຸ່ມສາວເຂົ້າກັນໄດ້ ເປັນຮັກທີ່ແທ້ຈິງ ບໍ່ແມ່ນມາຍາ

ແຕ່ບໍ່ຄ່ອຍຈະມີໃຫ້ເຫັນແລ້ວ ສ່ວນຫຼາຍຄົນສະໄໝນີ້ຄົບກັນເພື່ອຄວາມມ່ວນຊື່ນ ເພື່ອບໍ່ໃຫ້ຕົນເອງຕ້ອງທົນເຫງົາ

ທັ້ງທີ່ຄົນອື່ນເຂົາມີຄູ່ ຄິດແລ້ວກໍ່ໜ້າສົງສານ ຊອກຫາທາງຫຼີກລ່ຽງບັນຫານີ້ຍາກທີ່ສຸດ

ຄວາມຮັກຂອງໜຸ່ມສາວເກີດຂຶ້ນຕັ້ງແຕ່ຢູ່ມັດທະຍົມ ຕັ້ງແຕ່ມໍຕົ້ນກະຍັງມີ ຜູ້ຍິງບາງຄົນບໍ່ຈົບມໍ3 ກໍ່ຕ້ອງອອກເອົາຜົວ

ອັນນັ້ນກໍ່ຍ້ອນຄວາມງາມ ແລະ ນິໄສສະເພາະຕົວຂອງບຸກຄົນ

ແຕ່ສ່ວນຫຼາຍຜູ້ຍິງໜ້າຕາດີໆ ຈະມີແຟນໄວກວ່າໝູ່ ເພາະວ່າມີຄົນສົນໃຈຫຼາຍ

ແລະ ທີ່ເຫັນຈະເປັນໝູ່ຣຸ້ນດຽວກັນ ຫຼື ເປັນຣຸ້ນຜູ້ເຖົ້າທີ່ມີເງິນຫຼາຍ ຈ່ອງດຶງເອົາສາວຂຶ້ນໃໝ່ຕ້ອງເສຍຄວາມບໍລິສຸດ

ຜູ້ທີ່ເຄີຍຜ່ານແລ້ວຈະຖືເປັນເລື່ອງທຳມະດາ ຈຶ່ງລະເລີຍຮີດຄອງປະເພນີອັນດີງາມ ທີ່ປູ່ຍ່າຕາຍາຍເຄີຍສັ່ງສອນມາ

ມັກຮັກກັນກໍ່ຢູ່ນຳກັນເລີຍ ໂດຍທີ່ບໍ່ແມ່ທັງສອງຝ່າຍກໍ່ບໍ່ໄດ້ເຫັນດີເຫັນພ້ອມປານໃດ

ພໍ່ແມ່ບາງຄົນກໍ່ຫ້າມເດັດຫ້າມຂາດ ແຕ່ບາງຄົນກໍ່ໄດ້ແຕ່ທຳໃຈ ແລະ ເຕືອນລູກຕົນເອງ ຢ່າເຮັດໃຫ້ມີບັນຫາພາຍຫຼັງ

ພໍ່ແມ່ເຝົ້າເບິ່ງດ້ວຍໃຈທີ່ເປັນຫ່ວງ ຄວາມຮັກຂອງໜຸ່ມສາວບໍ່ມີໃຜຫ້າມໄດ້

ເພາະວ່າມັນເປັນກົດເກນຂອງທຳມະຊາດ ເມື່ອເຖິງເວລາອັນຄວນ

ໜຸ່ມສາວຈະເລີ່ມມີຄວາມສົນໃຈເຊິ່ງກັນ ແລະ ກັນ. ມັກຮັກກັນໃນທີ່ສຸດ

ຜູ້ໃດໜ້າຕາບໍ່ຄ່ອຍດີ ກໍ່ບໍ່ຢາກໝັ້ນໃຈໃນໂຕເອງປານໃດ ຈຸດເລີ່ມຕົ້ນຄວາມສົນໃຈ ຂອງຜູ້ທີ່ບໍ່ເຄີຍມີຄວາມຮັກ

ໜ້າຕາຕ້ອງມາກ່ອນສະເໝີ ຜູ້ທີ່ເຄີຍເຈັບຈາກຄວາມຮັກມາແລ້ວຈະເບິ່ງຄວາມດີຂອງຄົນຮັກຫຼາຍກວ່າ

ຍ້ອນຖານະຄອບຄົວເອື້ອອຳນວຍໃຫ້ລູກມີເວລາຫຼິ້ນ ກິນຕາມໃຈ ແທນທີ່ຈະເປັນການຮຽນ 

ແຕ່ບາງສ່ວນຄອບຄົວທຸກຍາກ ສະນັ້ນ, ບາງຄົນບໍ່ມີຄວາມຮັກໃນໄວຮຽນ ຫຼື ຈະມີກໍ່ເປັນຮັກຂ້າງດຽວ

ຮັກຂ້າງດຽວ ຫຼື ຂາດຄວາມຮັກ ມັນທໍລະມານສ່ຳໃດ ຜູ້ທີ່ເຄີຍປະສົບພົບພໍ້ຄົງຈະຮູ້ດີ

ເຄີຍຖາມນັກຮຽນຊາຍຜູ້ໜຶ່ງທີ່ອອກໂຮງຮຽນຍ້ອນຄວາມທຸກຍາກ, ເວລາກິນເຫຼົ້ານຳກັນ ເຂົາເລົ່າວ່າ ສາວໆສະໄໝນີ້

ເຂົາບໍ່ສົນໃຈປະຊາຊົນ ເຂົາສົນໃຈແຕ່ຜູ້ມີວຽກເຮັດງານທຳ

"ຂ້ອຍຈຶ່ງເວົ້າວ່າ ຄວາມຮັກຂອງພໍ່ແມ່ບໍ່ອາດແທນໄດ້"

ໝູ່ພາກັນມີແຟນໝົດ ຕົນເອງບໍ່ມີເປັນແນວໃດ ເລື່ອງນີ້ກໍ່ມີຜົນຕໍ່ດ້ານຄວາມຄິດ

ເຮັດໃຫ້ຄົນເກີດໂລກຊຶມເສົ້າ ກໍ່ເຮັດໃຫ້ການຮຽນບໍ່ໄດ້ຮັບຜົນດີ

ສ່ວນຜູ້ທີ່ມີຄວາມຮັກກໍ່ຕ້ອງຄອຍເອົາອົກເອົາໃຈແຕ່ຄົນຮັກ ພາກັນໄປຫຼິ້ນໄປທ່ຽວຈົນບໍ່ສົນຮອດຮ່ຳຮອດຮຽນກໍ່ມີ

ບາງຄົນກໍ່ມີລູກຂຶ້ນມາ ບໍ່ກ້າຮອດບອກພໍ່ບອກແມ່ ຕັດສິນໃຈດ້ວຍຕົນເອງ

ໄປຫາຄລີນິກເຖື່ອນແກ້ໄຂບັນຫາໃຫ້

ຄິດໄປແລ້ວກໍ່ຈັກແນວໃດ ສະໄໝນີ້ວິທະຍາສາດກ້າວໜ້າ ຄົນເຮົາລະເກືອບບໍ່ຢ້ານຫຍັງເລີຍ

"ຕາມຄວາມຄິດຂອງຂ້ອຍແລ້ວ ການທີ່ຈະມີຄວາມຮັກໃນໄວຮຽນນັ້ນກໍ່ເປັນເລື່ອງທີ່ດີ ແຕ່ຕ້ອງປະຕິບັດໃຫ້ຖືກ

ບໍ່ສ້າງປັນຫາ ບໍ່ໃຫ້ສັງຄົມປະນາມ ບໍ່ໃຫ້ມີຜົນກະທົບຕໍ່ການຮຽນ ເຊິ່ງການຮຽນນັ້ນຄວນເອົາໃຈໃສ່ເປັນຕົ້ນຕໍ

ເພາະເປັນຄວາມຫວັງຂອງພໍ່ແມ່ ແລະ ອະນາຄົດຂອງຕົນເອງ. ຄວາມຮັກຊ່ວຍໃຫ້ກຳລັງໃຈເໝືອນກັບວ່າ

ໃຫ້ເຮົາມີຄວາມຫວັງເພີ່ມຂຶ້ນ, ການວາງແຜນໃນອະນາຄົດ ເປັນເຫດໃຫ້ເຮົາຕ້ອງສູ້ເພື່ອໄປເຖິງຈຸດໝາຍປາຍທາງ"

"ເວລາຜ່ານໄປບໍ່ອາດຫວນກັບຄືນ ການກະທຳຂອງເຮົາບໍ່ອາດແກ້ຄືນໄດ້

ຄິດໃຫ້ດີກ່ອນຕັດສິນໃຈ ຄວບຄຸມອາຣົມດ້ວຍປັນຍາ"