ໃນປະເທດອັງກິດ ໄດ້ຮືຮາລົດມິນິອີກຮອບໜຶ່ງ, ຖືໄດ້ວ່າເປັນລົຖທີ່ຕຼົກທີ່ສຸດໃນໂລກ. ລົຖດັ່ງກ່າວເຄີຽຜຼິດມາແລ້ວໃນຊຸມປີ 60. ໄດ້ກັບມາຜຼິດໃໝ່ໃນຊື່ PEEL, ແຕ່ດຽວນີ້ຈະຜຼິດບໍ່ແມ່ນຢູ່ອັງກິດແຕ່ຫາກຜຼິດທີ່ ເກາະ ແມນ ແລະຈະຜຼິດ 2 ແບບ ໃຫ້ເລືອກໃນການຜຼິດໃໝ່ P50  ມີຄວາມຍາວ 1041ມມ ແລະກວ້າງ 1370ມມ.ມີມວນສານທັງໝົດ 59 ກກ. ໃນຄຸນລັກສະນະແບບນີ້ ລົຖດັ່ງກ່າວເວລາໃຊ້ແລ້ວສາມາດຫິ້ວຂືຶ້ນໄວ້ເທິງເຮືອນໄດ້. ແຕ່ລົຖທີ່ມີສອງບ່ອນນັ່ງກໍ່ມີນ້ຳໜັກພຽງ 99ກກ.

ລົຖນີ້ແລ່ນດ້ວຽຄວາມໄວສູງສຸດ 80ກມ/ຊມ. ແຕ່ເຫດຜົລຂອງຄວາມປອດພັຍໃນທ້ອງຖນົນທາງໂຮງງານຈະຜຼິດອອກມາໃນຄວາມໄວສູງສຸດພຽງ 45ກມ/ຊມ. ລົຖຊະນິດນີ້ ຜຼິດອອກມາແບບໃຊ້ນ້ຳມັນແອັດຊັງແລະໝໍ້ໄຟ.

ແບບນ້ຳມັນແອັດຊັງຈະມີຄວາມແຮງ ທີ່ 3,3ແຮງມ້າ. ສ່ວນທີ່ໃຊ້ໝໍ້ໄຟຈະມີຄວາມແຮງທີ່ 4,5ແຮງມ້າ. ສ່ວນລາຄາຢູ່ທີ່ປະມານ 10800 ໂດລາສະຫະຣັຖ.