ສຽງຖຽງກັນໃນໂຕະກາເຟ

- ກ.  ກູຮັກຊາດເວີ້ຍ!

- ຂ.  ຄັນມຶງຮັກຊາດມຶງຄືບໍ່ເຮັດຫັຍງເພື່ອຊາດແນ່?

- ຄ.  ຊິໃຫ້ກູເຮັດຫັຍງ? ທຸກຢ່າງເພິ່ນບອກໄວ້ວ່າ ຕ້ອງພາຍໃຕ້ການນຳພາ! ແລ້ວບໍ່ເຫັນໃຜມານຳພາກູເຮັດ?

- ງ.  ມຶງເວົ້າຜິດການເມືອງແລ້ວໃດຫັ້ນ!

- ຈ.  ເອີ້ຜິດກະຢ່າມັນຢູ່ນີ້ບໍ່ມີໃຜເປັນຕຳຫຼວດຕິເບາະ!

- ສ.  ກູເປັນຕຳຫຼວດແຕ່ຫາກບໍ່ມີຄຳສັ່ງກູກະເຮັດຫັຍງບໍ່ໄດ້ຄືກັນ.

- ຊ.  ເຊົາໆ ຢ່າເວົ້າເລື່ອງການເມືອງ ກິນເຂົ້າບໍ່ແຊບ. ມີຜູ້ຄິດພໍແຮງແລ້ວ ສູຖຽງກັນໄປໄດ້ຫັຍງ? ເຈົ້ານາຍເພິ່ນບໍ່ໄດ້ຍິນນຳດອກ.

- ຍ.  ໄດ້ຍິນເພິ່ນກະບໍ່ເຮັດຕາມສູດອກ. ເຫັນບໍດຽວນີ້ເພິ່ນໄປຕີແຕ່ກອັຟ, ເພິ່ນຟັງຄວາມພວກນາຍທຶນພຸ້ນ, ພວກນາຍທຶນຢາກໄດ້ດິນບ່ອນໃດມັນກໍ່ຊີ້ເອົາໂລດ.

- ດ.   ມຶງເວົ້າຫັ້ນໝິ່ນປະມາດເພິ່ນໃດ, ຕ້ອງມີຫຼັກຖານອ້າງອີງແດ່ແມ໋!

- ຕ.  ກູວ່າບັກ ຍ ເວົ້າຖືກເວີ້ຍ. ຂະໜາດຫໍພິພິຕພັນແຫ່ງຊາດ ຂອງເກົ່າແກ່ເພິ່ນຍັງຍົກໃຫ້ນາຍທຶນໄປແລ້ວ, ນີ້ເດໜັງສືພິມລົງມື້ນີ້ເດ!

- ຖ.  ແນວນີ້ຈັກໜ່ອຍເພິ່ນຊິບໍ່ເອົາທາດຫຼວງໃຫ້ນາຍທຶນອີກບໍ? ຖ້ານາຍທຶນໃຫ້ຄົນລາວຜູ້ລະ ລ້ານໂດລາ,  ແລ້ວກໍ່ຍ້າຍໄປຕັ້ງທາດຫຼວງແປະກັບອານຸສາວະລີຫຼັກ 27 ພຸ້ນ!

- ທ.  ບັກ ຖ ມຶງຢາກຍ່າງກ່ອນເຊືອກລະໃດຫັ້ນ! ກູວ່າມຶງງຽບໄວ້ໂລດ ເພິ່ນຢາກເຮັດຫັຍງກະຕາມໃຈເພິ່ນລະແມ໋ ກະແນວເພິ່ນມີອຳນາດ.

- ນ.  ສູຊິມິດບໍຫຼືບໍ່ມິດເລື່ອງນີ້ກູກິນກາເຟບໍ່ແຊບໂວ້ຍ.

- ບ.  ເວົ້າເລື່ອງໃໝ່ເຖາະໂວ້ຍ! ເລື່ອງຜູ້ສາວບໍ່, ເລື່ອງໄປກິນເບຍບໍ່, ເລື່ອງສນຸກສນານເຮຮາ ເລື່ອງການເມືອງນີ້ມັນໄຮ້ສາຣະ ໂວ້ຍ.

- ປ.  ເອີ! ກູມີດິນຊິຂາຍສອງໄລ່, ສູໄດ້ຍິນໃຜຢາກໄດ້ບໍ? ຕິດຕໍ່ໃຫ້ແດ່ເດີ ຊິໃຫ້ກິນ້ຳກິນໃນດອກ!

- ຜ. ເອີກູໄດ້ຍິນຈີນຂ້າງເຮືອນຫັ້ນຊອກຫາຢູ່ໃດ! ແລ້ວກູຊິຖາມໃຫ້ເດີ. ກູໄດ້ສ່ວນແບ່ງທໍ່ໃດ?

- ຝ.  ຄັນມຶງຢາກໄດ້ເງິນຟຣີມຶງກະຊອກພີ່ນ້ອງມຶງໄປແຕ່ງງານກັບມັນ ແລ້ວດິນຫັ້ນກະເປັນຂອງພີ່ນ້ອງຄືເກົ່າ.

- ພ  ເວົ້າປານມັນຊິເອົາງ່າຍໆ,

- ຟ.  ມັນເອົາແນ່ນອນ, ຂ້າງເຮືອນກູຫັ້ນມັນມີເມຍລາວຮອດ 10ຄົນລະເດ! ແລະດຽວນີ້ມັນກຳລັງສ້າງລູກມັນເພື່ອມາສືບທອດມູນມໍຣະດົກ!

- ມ.  ໂອ້ມາເອົາຫຼາຍແທ້.

- ຢ.  ອ້າວມັນກະເອົາແບບບໍ່ໄດ້ແຕ່ງ ແຕ່ນອນນຳໂລດ, ດິນທີ່ມັນຊຶື້ມັນກະໃສ່ຊື່ໃຫ້ແລະຊື້ຣົຖໃຫ້ພ້ອມແຕ່ ຕ້ອງມີລູກໃຫ້ມັນ.;

- ຣ. ຜູ້ຍິງລາວກະເປັນປານນັ້ນພຸ້ນບໍ?

- ລ.  ບໍ່ເປັນແນວໃດ! ກູເຫັນຢູ່ໂຮງແຮມແຖວແຄມຂອງບ່ອນດຽວຫັ້ນເກືອບເປັນ1000 ຄົນພຸ້ນແຕ່ລະຄືນມາຂາຍບໍຣິການທາງເພດ.

- ວ.  ມຶງກະຊ່າງເວົ້າເນາະ! ກູຫາກະໄດ້ຍິນນີ້ລະ.

- ຫ. ມຶງນີ້ຄືຊິບໍ່ໄດ້ໄປທາງໃດເນາະ! ເຂົາຂາຍກັນນັບແຕ່ 1000ບາດຂຶ້ນໄປ, ຄ່າຫ້ອງນອນອີກ 40 ໂດລາ. ສຳເລັຖແລ້ວມຶງກະປັດກົ້ນໜີໂລດ

- ອ.  ເວົ້າເລື່ອງນີ້ມາມັນກະກ້ຽວໄປຮອດການເມືອງ-ການປົກຄອງຢູ່ຄືເກົ່າຫັ້ນລະ! ຈັກໜ່ອຍມັນກໍ່ກ້າວໄປຮອດຂອດນັ້ນຂອກນີ້ອີກແລ້ວທັງໝົດນີ້ໃຜຊິເປັນຄົນແກ້? ຍັງພວກບໍ່ມີວຽກເຮັດງານທຳອີກ, ພວກຮ່ຳຮຽນ ກໍ່ພາກັນໄປ ຮຽນຮ່ຳ. ເລື່ອງຢາເສພຕິດອີກ, ເລື່ອງ......................

- ຮ.  ມື້ນີ້ເລີກລາກັນໄປເຮັດວຽກງານໄດ້ແລ້ວ! ຝອຍກັນຍາວຈັກໜ່ອຍໄດ້ຕີກັນ ໄປໆໆໆໆ ຢ່າໄປສົນໃຈມັນ, ຮາໆໆໆໆໆໆໆໆໆໆໆໆໆໆໆໆໆໆໆໆໆໆໆໆໆ