ຂ້ອຍໄປທ່ຽວຈຳປາສັກ ໃນເດືອນ 10 ປີ2012ນີ້ລະ

ແລ່ນຂ້າມຂົວນ້ຳຂອງໄປ ແລະແລ່ນຕາມເສັ້ນທາງ 14A ຄິດຊິໄປຢາມພີ່ນ້ອງແຖວນັ້ນລະ. ໄປຮອດ ເຂດຫ້ວຍເພັກ ເມືອງ ໂພນທອງ. ມີດ່ານເກັບເງິນຄ່າທາງ.

ຂ້ອຍກະເລີຍຖາມວ່າ: ກະດຽວວ່າເພິ່ນຍົກເລີກການເກັບຄ່າຂົວທາງແລ້ວ.

ເຈົ້າໜ້າທີ່ເກັບເງິນ:   ດ່ານນີ້ເພິ່ນບໍ່ໄດ້ຍົກເລີກ, ເປັນທາງເອກຊົນ.

ຂ້ອຍ:                          ທາງເອກະຊົນກະມີບໍດຽວນີ້?

ເຈົ້າໜ້າທີ່ເກັບເງິນ:   ເຮົາກະບໍ່ຮູ້ຄືກັນ, ເຮົາມີໜ້າທີ່ເກັບເງິນທໍ່ນັ້ນ!

ຂ້ອຍ:                          ຍື່ນເງິນໃຫ້ 5 000 ກີບ

ເຈົ້າໜ້າທີ່ເກັບເງິນ:   ບໍ່ໄດ້ໃດ! ຢູ່ນີ້ເພິ່ນໃຫ້ເກັບ 15 000 ກີບ, ເຈົ້າຊິໄປ 100 ແມັດກໍ່ຕາມ ແມ່ນເກັບຕາມປີ້ເລີຍ.

ຂ້ອຍ:                         ໂອ! ມາແພງແທ້ເນາະ. ຕັ້ງ15000 ກີບພຸ້ນນາ. ມື້ໜຶ່ງເກັບໄດ້ຫຼາຍບໍລຸງ?

ເຈົ້າໜ້າທີ່ເກັບເງິນ:   ໄດ້ປະມານມື້ລະ 50 ລ້ານ ຫາ 60 ລ້ານ ກີບພຸ້ນລະ!

ຂ້ອຍ:                         ໂອ້! ໄດ້ຫຼາຍເນາະ! ໄປກ່ອນເດີ ຂາກັບບໍ່ເກັບຕິ໋ລຸງ?

ເຈົ້າໜ້າທີ່ເກັບເງິນ:   ຖ້າເຈົ້າໄປຈົນກາຍດ່ານເບື້ອງໜ້ານັ້ນ ຂາກັບຕ້ອງໄດ້ຈ່າຍຢູ່ດ່ານເບື້ອງນັ້ນອີກ! ສ່ວນຂາອອກບໍ່ເສັຍ.

ຂ້ອຍ:                         ສະແດງວ່າຂ້ອຍຕ້ອງເສັຍ 30 ພັນກີບແມ່ນບໍ?

ເຈົ້າໜ້າທີ່ເກັບເງິນ:   ແມ່ນແລ້ວ! ໄປໄດ້.