ທຸກໆຄົນຄົງຈະເຄີຍໄປທ່ຽວປະເທດໄທໂດຍຜ່ານດ່ານຂົວມິດຕະພາບ ທີ່ຢູ່ທ່ານາແລ້ງມາແລ້ວເນາະ

ຂ້າພະເຈົ້າກໍເຄີຍໄດ້ຍິນເລື່ອງແນວນີ້ມາຫລາຍເທື່ອແລ້ວຈາກຫມູ່ເພື່ອນແລະຍາດພີ່ນ້ອງ

ແຕ່ກໍບໍເຄີຍຄິດວ່າຈະຖືກກັບໂຕເອງ ເພາະຄິດວ່າ ເຮົາເອງກະຄົນ1 ທີ່ລະວັງໂຕພໍສົມຄວນ ແຕ່ກໍເກີດຂຶ້ນກັບຂ້າພະເຈົ້າຈົນໄດ້

ເລື່ອງມີຢູ່ວ່າ ເຊົ້າມື້1 ທີ່ຂ້າພະເຈົ້າມີຄວາມຈຳເປັນຕ້ອງໄດ້ໄປຫນອງຄາຍ ແລະກໍເອົາປຶ້ມຜ່ານແດນໄປຍື່ນໃຫ້ເຈົ້າຫນ້າທີ່ ເປັນປົກກະຕິ ຄືທຸກເທື່ອ ເພື່ອປະທັບກາແລະເຊັນ ຕອນຂາອອກຈາກລາວ

ຂ້າພະເຈົ້າກໍສັງເກດດີແລ້ວວ່າເຈົ້າຫນ້າທີ່ຜູ້ນັ້ນຈ້ຳກາແລະລົງລາຍເຊັນໃຫ້ຮຽບຮ້ອຍ  ໂດຍສັງເກດຈາກມືຂອງເຈົ້າໜ້າທີ່ຜູ້ນັ້ນ ມືເພິ່ນຂຽນໄປຕາມກາຈ້ຳ ແຕ່ກໍບໍເຫັນລາຍເຊັນຊັດເຈນປານໃດ ເພາະມືລາວບັງ ແຕ່ກໍຄິດວ່າເພິ່ນເຊັນໃຫ້ເຮົາແລ້ວ ເພາະເຫັນເພິ່ນເຊັນຢູ່

ຈົນກວ່າຕອນແລງມື້ນັ້ນເອງ ຕອນຂາກັບມາແຕ່ຫນອງຄາຍກັບມີບັນຫາ ເມື່ອເຈົ້າຫນ້າທີ່ຜູ້1ທີ່ມີຫນ້າທີ່ກວດປຶ້ມ ກ່ອນເຮົາຈະອອກຈາກຂົວ ເພື່ອກັບບ້ານ  ເຫັນແຕ່ກາຈ້ຳ ແຕ່ບໍມີລາຍເຊັນ ກໍຕໍວ່າຂ້າພະເຈົ້າຢ່າງແຮງວ່າເຮົາບໍເຮັດຕາມຂັ້ນຕອນແລະລະບຽບ ທັ້ງທີ່ຂ້າພະເຈົ້າເຫັນກັບຕາວ່າເຈົ້າຫນ້າທີ່ ທີ່ຈ້ຳກາໃຫ້ມື້ເຊົ້ານີ້ເຊັນໃຫ້ແລ້ວ ທຳອິດກໍຂໍໃຫ້ເພິ່ນນະໂຍບາຍໃຫ້ ແຕ່ກໍບໍໄດ້ ຢາກປັບໄຫມຂ້າພະເຈົ້າລູກດຽວ (ຄ່າປັບໄຫມທຳອິດແມ່ນ100,000ກີບ) ແລ້ວຂ້າພະເຈົ້າກໍກັບມາຄິດຄືນເລື່ອງມື້ເຊົ້ານີ້ ເຈົ້າຫນ້າທີ່ຄົງຈະບໍໄດ້ເຊັນໃຫ້ເຮົາແທ້ ແຕ່ຕົວະເຮົາວ່າເຊັນແລ້ວໂດຍໃຊ້ທ່າທາງການຂຽນຄືເຊັນ

ແລ້ວຂ້າພະເຈົ້າກໍໄປຂໍໃຫ້ເພິ່ນນະໂຍບາຍອີກແຕ່ກໍບໍໄດ້ອີກ ແລະຕໍວ່າເປັນຄວາມຜິດຂອງເຮົາ ກຽມແຕ່ຈະປັບໄຫມ ຂ້າພະເຈົ້າທົນບໍໄດ້ຈິ່ງຕໍວ່າຄືນວ່າສິ່ງນີ້ມັນບໍແມ່ນຄວາມຜິດຂອງຂ້ອຍ ນີ້ແມ່ນຫໜ້າທີ່ຂອງເຈົ້າຫນ້າທີ່ຜູ້ນັ້ນເຮັດວຽກບໍຫລ້ອນຫນ້າທີ່, ລະຫລວມ ຫລື ຈົງໃຈເຮັດ ເຮົາກໍບໍຮູ້ . ແຕ່ຖ້າມັນບໍຖືກລະບຽບຫລືຂັ້ນຕອນແທ້ເປັນຫຍັງຂ້ອຍຈິ່ງໄປຮອດຫນອງຄາຍໄດ້.

ພໍແຕ່ເວົ້າຈົບເຈົ້າຫນ້າທີ່ຜູ້ນັ້ນກໍໂວຍວາຍ ວ່າເຮົາຖຽງເຈົ້າໜ້າທີ່ (ປະຊາຊົນຄົງຈະບໍມີສິດອະທິບາຍເລີຍຕີ້) ແລະຂຶ້ນຄ່າປັບໄຫມເປັນ300,000ກີບ  ຂ້າພະເຈົ້າຄິດວ່າທັ້ງທີ່ເຮົາກໍລະວັງປານນີ້ແລ້ວກໍຍັງເກີດຂຶ້ນ(ທັ້ງທີ່ເຄີຍໄດ້ຍິນເລື່ອງແນວນີ້ເກີດຂຶ້ນມາຫລາຍເທື່ອແລ້ວ) ເຮົາຄົງຈະເສຍທ່າຄືຄົນອື່ນແລະຈ່າຍຄ່າໂງ່3ແສນກີບ 

ແຕ່ຍັງມີໂຊກເຂົ້າຂ້າງຂ້າພະເຈົ້າຢູ່ເມື່ອໄດ້ພົບໝູ່ຂອງອ້າຍໂດຍບັງເອີນ(ບັງເອີນທີ່ລາວເຮັດວຽກຢູ່ຫົັ້ນ ແລະ ບັງເອີນວ່າລາວເປັນຫົວຫນ້າຢູ່ຫັ້ນ) ຂ້າພະເຈົ້າຈິ່ງອະທິບາຍໃຫ້ລາວຟັງ ລາວກໍນະໂຍບາຍໃຫ້ແລະບໍໄດ້ເສຍຄ່າປັບໄຫມໃດໆ

ຫລັງຈາກເລື່ອງຂອງຂ້າພະເຈົ້າແລ້ວໆຜູ້ທີ່ຖັດຂ້າພະເຈົ້າມາ ທີ່ມານຳກັນ3ຄົນ ກໍມີຄົນ1ທີ່ເປັນຄືກໍລະນີຂ້າພະເຈົ້າຄືກັນ ແລະກໍຈ່າຍຄ່າປັບໄຫມໄປ100,000ກີບ

ຂ້າພະເຈົ້າກໍບໍຊ່າງຊິວ່າ ຖ້າບໍຖືກກັບໂຕເອງກໍຄົງຈະບໍເຂົ້າໃຈວ່າສະໄຫມນີ້ມີວິທີຫາເງິນແບບແປກໆນຳ

ດັ່ງນັ້ນ, ຂ້າພະເຈົ້າຈິ່ງຢາກບອກຕໍໃຫ້ໝູ່ເພື່ອນລະວັງໂຕແລະຮູ້ທັນເກມໂກງຂອງຄົນຈຳນວນ1ທີ່ສວຍໂອກາດຕອນທີ່ເຮົາບໍທັນລະວັງໂຕ

ແຕ່ຂ້າພະເຈົ້າກໍບໍໄດ້ວ່າໃຫ້ເຈົ້າໜ້າທີ່ທັງໝົດດອກ ເພາະຕາມທີ່ຂ້າພະເຈົ້າເຄີຍເຫັນເຈົ້າໜ້າທີ່ສ່ວນໃຫຍ່ກໍເປັນຄົນດີແລະເປັນທີ່ເພິ່ງຂອງປະຊາຊົນໄດ້