ເລື່ອງນີ້ມີອາຈານຫຼາຍທ່ານເຄີຍຍົກເປັນຕົວຢ່າງໃຫ້ນັກຮຽນທີ່ຮຽນການຕະຫຼາດ ພວກເພິ່ນບອກວ່ານີ້ແມ່ນນິທານ ການຕະຫຼາດ ວ່າຊັ້ນ ກະເລີຍເອົາມາລົງໃຫ້ໄດ້ອ່ານກັນທຸກຖ້ວນໜ້າ

ເບິ່ງໂລກໃນແງ່ຮ້າຍແລະເບິ່ງໂລກໃນແງ່ດີ

ມີໂຮງງານຜະລິດເກີບແຫ່ງໜຶ່ງຢູ່ປະເທດເມກາ.ເພື່ອແຜ່ຂະຫຍາຍຕະຫຼາດໃຫ້ໃຫຍ່ຂຶ້ນຕື່ມອີກ,

ເຈົ້າຂອງໂຮງງານໄດ້ຈັດໃຫ້ຜູ້ຈັດການຝ່າຍການຕະຫຼາດຄົນໜຶ່ງໄປສຳຫຼວດຕະຫຼາດຢູ່ເກາະດ່ຽວແຫ່ງໜື່ງໃນທະວີບອາຟຣິກາ.

ທັນທີທີ່ຜູ້ຈັດການຝ່າຍການຕະຫຼາດຄົນນັ້ນຮອດ,ລາວພົບວ່າ ຄົນຢູ່ທີ່ນັ້ນບໍ່ມີໃຜລຶ້ງໃສ່ເກີບ,ພໍຮອດໂຮງແຮມ

ລາວກໍ່ຮີບສົ່ງໂທລະເລກໄປບອກເຈົ້ານາຍວ່າ: "ຢູ່ນີ້ບໍ່ມີຕະຫຼາດ ,ປະຊາຊົນຢູ່ນີ້ບໍ່ມີໃຜໃສ່ເກີບ".

ຫຼັງຈາກທີ່ເຈົ້ານາຍໄດ້ຮັບໂທລະເລກແລ້ວ,ກໍ່ຄ່ຳຄິດພິຈາລະນາຕັ້ງດົນ

ແລ້ວຈິ່ງສັ່ງໃຫ້ຜູ້ຈັດການຝ່າຍການຕະຫຼາດອີກຄົນໜຶ່ງລົງໄປສຳຫຼວດທີ່ນັ້ນອີກຄັ້ງ,

ທັນໃດທີ່ລາວເຫັນປະຊາຊົນທ້ອງຖິ່ນນັ້ນຕີນເປົ່າບໍ່ໃສ່ເກີບ,ກໍ່ຕື່ນເຕັ້ນດີໃຈ, ພໍຮອດໂຮງແຮມ,

ກໍ່ຮີບໂທລະເລກບອກເຈົ້ານາຍ

"ຢູ່ເກາະແຫ່ງນີ້ປະຊາຊົນບໍ່ໃສ່ເກີບ,ມີກຳລັງຕະຫຼາດທີ່ແອບແຝງຢ່າງຫຼວງຫຼາຍ,ຮີບສົ່ງເກີບ1ລ້ານຄູ່ມາໄວໆ".

ເລື່ອງນີ້ສອນໃຫ້ຮູ້ວ່າ:ສະຖານະການຄືກັນ ແຕ່ທັດສະນະແນວຄິດແລະການສະຫຼຸບແມ່ນບໍ່ຄືກັນ.ຄວາມຈິງແລ້ວ,

ເວລາທີ່ພວກເຮົາຄິດໄປທາງທີ່ບໍ່ດີ ມັກຈະເຮັດໃຫ້ເຮົາພາດໂອກາດທີິ່ຈະປະສົບຜົນສຳເລັດດີໆໄປ. ໃນທາງກົງກັນຂ້າມ

ຖ້າພວກເຮົາຄິດໄປໃນດ້ານບວກ,ທາງທີ່ດີໆແລະກະຕືລືລົ້ນນັ້ນ

ພວກເຮົາກໍ່ຈະພົບວ່າມີຫຼາຍໂອກາດທີ່ເຮັດໃຫ້ເຮົາຄາດບໍ່ເຖິງ,

ເຖິງແມ້ນ ຈະແມ່ນ ວິກິດການບໍ່ດີແຕ່ໂອກາດດີໆມັນກໍ່ຕ້ອງແຝງມານຳ.

ນີ້ແມ່ນຮູບປື້ມ:

ຂໍຂອບໃຈນຳປື້ມ 享用一生的智慧书：启迪人生的故事 （ ເພີດເພີນຕະຫຼອດຊີວິດກັບໜັງສືພູມປັນຍາ:ເລື່ອງຊີ້ຄວາມສະຫວ່າງທາງປັນຍາໃຫ້ແກ່ຊີວິດ）
 

.......................

ມີລູກສາວຄົນໜຶ່ງມາຈົ່ມເລື່ອງຊີວິດຕໍ່ພໍ່ຂອງນາງ,ຈົ່ມເລື່ອງໃດກໍ່ວ່າມີແຕ່ຄວາມຫຍຸ້ງຍາກລຳບາກ,

ນາງບໍ່ຮູ້ວ່າຈະຮັບມືກັບຊີວິດແນວໃດດີ ແລະເລີ່ມບໍ່ຢາກສະແຫວງຫາຄວາມກ້າວໜ້າ. ນາງເບື່ອໜ່າຍໃນການຕໍ່ສູ້ມຸມານະ,

ຄ້າຍກັບວ່າປັນຫານີ້ຫາກໍ່ແກ້ໄຂ ປັນຫາໃໝ່ກໍ່ເກີດຂຶ້ນ.

ພໍ່ຂອງລາວມີອາຊີບເປັນພໍ່ຄົວ. ໄດ້ພານາງເຂົ້າໄປໃນເຮືອນຄົວ,

ທຳອິດ ລາວເອົານ້ຳຖອກໃສ່ໝໍ້3ໜ່ວຍ ແລ່້ວໃຊ້ໄຟແຮງໆຕົ້ມ. ບໍ່ດົນນ້ຳໃນໝໍ້ກໍ່ຟົດ.

ໝໍ້ທີ່1 ລາວເອົາແຄຣັອດໃສ່ລົງໄປ, ໝໍ້ທີ່2 ເອົາໄຂ່ໄກ່ໃສ່ລົງໄປ, ໝໍ້ສຸດທ້າຍ ເອົາເມັດກາເຟທີ່ບົດເປັນຜົງ

ໃສ່ລົງໄປແລ້ວຕົ້ມ. ແມ່ນຫຍັງກໍ່ບໍ່ເວົ້າ ມິດຢູ່.

ລູກສາວນັ້ນກໍ່ກັດປາກຢູ່, ລໍຖ້າຢ່າງໃຈຮ້ອນ ສົງໄສວ່າພໍ່ກຳລັງເຮັດຫຍັງຢູ່. ຫຼັງຈາກນັ້ນ ປະມານ20 ນາທີ

ລາວກໍ່ມອດໄຟ, ແລ້ວຕັກເອົາ ແຄຣັອດໃສ່ຖ້ວຍໃບໜຶ່ງ,ຕັກເອົາໄຂ່ໄກ່ໃສ່ອີກຖ້ວຍໃບໜຶ່ງ,

ຈາກນັ້ນກໍ່ຕັກເອົາກາເຟໃສ່ຈອກໜ່ວຍໜຶ່ງ. ຫຼັງຈາກທີ່ເຮັດແລ້ວໆ,ລາວຈິ່ງຫັນຫຼັງກັບໄປຖາມລູກສາວວ່າ：

“ ລູກ,ເຫັນຫຍັງແດ່?” “ແຄຣັອດ,ໄຂ່ໄກ່,ກາເຟ”  ນາງຕອບ.

ລາວບອກໃຫ້ນາງຍ່າງເຂົ້າໄປໃກ້ໆແລ້ວແລ້ວໃຊ້ມືຈັບແຄຣັອດ,

ນາງຈັບຈັກບຶດແລ້ວຮູ້ສຶກວ່າພວກມັນອ່ອນແລ້ວ. ແລ້ວພໍ່ກໍ່ບອກໃຫ້ລູກສາວທັບໄຂ່ໄກ່ໜ່ວຍໜຶ່ງ,

ຫຼັງຈາກແກະເປືອກອອກແລ້ວ

ນາງເຫັນໄຂ່ໄກ່ທີ່ຕົ້ມສຸກ, ສຸດທ້າຍລາວບອກໃຫ້ລູກສາວຊິມກາເຟທີ່ເຂັ້ມຂຸ້ນ,ນາງຍິ້ມ ແລ້ວຖາມວ່າ：

“ ພໍ່!ນີ້ໝາຍຄວາມວ່າຈັ່ງໃດ? ”

ລາວອະທິບາຍວ່າ：3ຢ່າງນີ້ປະເຊີນໜ້າກັບສະຖານະການເຮວຮ້າຍຄືກັນ,ເອົາລົງຕົ້ມໃນນ້ຳທີ່ຟົດເດືອດຄືກັນ

ແຕ່ປະຕິກິລິຍາກັບບໍ່ຄືກັນ. ແຄຣັອດກ່ອນຈະເອົາລົງໝໍ້ແຂ່ງແກ່ງແໜ້ນໜາ,ເມື່ອເອົາລົງໝໍ້ແລ້ວກັບອ່ອນ. ໄຂ່ໄກ່ແຕກງ່າຍ,

ເປືອກບາງໆຫຸ້ມຫໍ່ໄຂ່ຂາວແລະໄຂ່ແດງທີ່ເປັນຂອງເຫຼວ,ແຕ່ຜ່ານການຕົ້ມແລ້ວທາງໃນກັບແຂງຂຶ້ນມາ.

ແຕ່ກາເຟນັ້ນພິເສດກ່ອນໝູ່,ຫຼັງຈາກທີ່ເອົາລົງໝໍ້ແລ້ວກັບປ່ຽນນ້ຳໃນໝໍ້. “ ລູກແມ່ນອັນໃດ?” ລາວຖາມລູກສາວ.

“ຕອນທີ່ລູກເຈີສະຖານະການເຮວຮ້າຍແລະຄວາມເຈັບປວດ ລູກຈະມີປະຕິກິລິຍາແນວໃດ? ລູກແມ່ນແຄຣັອດ,ໄຂ່ໄກ່ຫຼືກາເຟ?”

ເລື່ອງນີ້ບອກໃຫ້ຮູ້ວ່າ  ເຈົ້າແມ່ນແຄຣັອດທີ່ອ່ອນແອ ບໍ່ມີກຳລັງ,ແມ່ນໄຂ່ໄກ່ທີ່ພາຍໃນໃຈສ້າງຄວາມແຂງແກ່ງໄດ້ ຫຼື ແມ່ນກາເຟທີ່ປ່ຽນນ້ຳໄດ້?

ຖ້າເຈົ້າເໝືອນກາເຟ, ບໍ່ວ່າຢູ່ໃນເຫດການທີ່ຕົກຕ່ຳທີ່ສຸດ

ເຈົ້າກໍ່ສາມາດປ່ຽນເປັນຈຸດເດັ່ນໄດ້ແລະເຮັດສິ່ງຕ່າງໆທີ່ຢູ່ອ້ອມຂ້າງປ່ຽນຈາກຮ້າຍກາຍເປັນດີ,

ຖາມຕົວເຈົ້າເອງວ່າເຈົ້າຮັບມືກັບສະຖານະການເຮວຮ້າຍນັ້ນໄດ້ແນວໃດ?

ຂໍຂອບໃຈນຳປື້ມ 享用一生的智慧书：启迪人生的故事

ເບິ່ງຊ່ວຍແດ່ເດີ ຂຽນຜິດຂຽນຖືກກະຊ່ວຍແນະນຳແດ່

ພໍດີໄປເຫັນບົດຄວາມດີໆກໍ່ເລີຍເອົາມາຝາກ

1. ຮູ້ຮອບຕົວຫຼາຍແຕ່ບໍ່ຮູ້ດີຮູ້ຊົ່ວ ກໍ່ເສື່ອມ

2. ຮູ້ເວັ້ນງູ ເວັ້ນເສືອ ເວັ້ນມີດປືນ ແຕ່ບໍ່ຮູ້ເວັ້ນອະບາຍຍະມຸກ ກໍ່ເສື່ອມ

3. ຮູ້ພາສາຕ່າງປະເທດ ແຕ່ບໍ່ຮູ້ຄຸນຄ່າພາສາລາວ ກໍ່ເສື່ອມ

4. ຮູ້ຕອບຄຳຖາມ ແຕ່ບໍ່ຮູ້ຕອບບຸນແທນຄຸນແຜ່ນດິນ ກໍ່ເສື່ອມ

5. ຮູ້ທີ່ກິນທີ່ທ່ຽວ ແຕ່ບໍ່ຮູ້ທີ່ຕ່ຳທີ່ສູງ ກໍ່ເສື່ອມ

6. ຮູ້ວັນເດືອນປີເກີດ ແຕ່ບໍ່ຮູ້ຈັກກາລະເທສະ ກໍ່ເສື່ອມ

7. ຮູ້ພະຍາກອນອາກາດ ແຕ່ບໍ່ຮູ້ວ່າຊີວິດມີຂຶ້ນມີລົງ ກໍ່ເສື່ອມ

8. ຮູ້ຈັກກະວານຍານອາກາດ ແຕ່ບໍ່ຮູ້ຈັກຟ້າສູງແຜ່ນດິນຕ່ຳ ກໍ່ເສື່ອມ

9. ຮູ້ຈັກຄົນຫຼາຍ ແຕ່ບໍ່ຮູ້ຈັກຕົນເອງ ກໍ່ເສື່ອມ

10.ຮູ້ຈັກວິທີຫາເງິນ ແຕ່ບໍ່ຮູ້ຈັກວິທີບໍລິຫານເງິນ ກໍ່ເສື່ອມ

11.ຮູ້ຈັກວິທີສ້າງຕຶກສູງຮ້ອຍຊັ້ນ ແຕ່ບໍ່ຮູ້ຝຶກໃຈໃຫ້ສູງ ກໍ່ເສື່ອມ

12.ຮູ້ຄຸນຂອງເງິນທອງ ແຕ່ບໍ່ຮູ້ຄຸນຂອງພໍ່ແມ່ ກໍ່ເສື່ອມ

13.ຮູ້ຈັກຄຽດ ແຕ່ບໍ່ຮູ້ຈັກໃຫ້ອະໄພ ກໍ່ເສື່ອມ

14.ຮູ້ກົດຕິກາມາລະຍາດ ແຕ່ບໍ່ຮູ້ກົດແຫ່ງກຳ ກໍ່ເສື່ອມ

15.ຮູ້ຈັກໃສ່ໂມງແພງໆ ແຕ່ບໍ່ຮູ້ຈັກຄຸນຄ່າຂອງເວລາ ກໍ່ເສື່ອມ

16.ຮູ້ຈັກເຂົ້າສັງຄົມ ແຕ່ບໍ່ຮູ້ຈັກເຂົ້າວັດ ກໍ່ເສື່ອມ

17.ຮູ້ຮຽນເອົາປະລິນຍາສູງໆ ແຕ່ບໍ່ຮູ້ຈັກເຮັດພຶດຕິກຳໃຫ້ສູງ ກໍ່ເສື່ອມ

18.ຮູ້ທີ່ຈະມີລູກ ແຕ່ບໍ່ຮູ້ລ້ຽງລູກ ກໍ່ເສື່ອມ

19.ຮູ້ຈັກທີ່ຈະຮັກ ແຕ່ບໍ່ຮູ້ຈັກທີ່ຈະຮັບຜິດຊອບ ກໍ່ເສື່ອມ

20.ຮູ້ທີ່ຈະເບິ່ງ ແຕ່ບໍ່ຮູ້ຈັກເຫັນ ກໍ່ເສື່ອມ

21.ຮູ້ທີ່ຈະນັບຖື ແຕ່ບໍ່ຮູ້ຈັກຈະນັບຖືແບບໃດ ກໍ່ເສື່ອມ

22.ຮູ້ທີ່ຈະເວົ້າ ແຕ່ບໍ່ຮູ້ຈັກສິນລະປະການເວົ້າ ກໍ່ເສື່ອມ

23.ຮູ້ຈັກທີ່ຈະໃສ່ໜ້າກາກ ແຕ່ບໍ່ຮູ້ທີ່ຈະປົດ ກໍ່ເສື່ອມ

24.ຮູ້ວ່າມີມື້ໜຶ່ງຈະຕ້ອງຕາຍ ແຕ່ບໍ່ຮູ້ວິທີຕຽມຕົວຕາຍ ກໍ່ເສື່ອມ

ມື້ນີ້ຈະມາເລົ່າເລື່ອງສຸພາສິດຂອງຈີນສູ່ກັນຟັງ ອ່ານເລີຍເນາະ

ແຕ້ມງູຕື່ມຕີນ

ສະໄໝລາຊວົງສູ່ ຜູ້ມີຕະກູນສູງສັກຄົນໜຶ່ງ ຫຼັງຈາກເສັ້ນໄຫວ້ບັນພະບຸລຸດແລ້ວ

ກໍ່ເອົາເຫຼົ້າແກ້ວໜຶ່ງມອບໃຫ້ແກ່ປັນຍາຊົນໃຕ້ອານັດເພື່ອຂອບໃຈທີ່ໄປຊ່ວຍເຮັດວຽກ.

ຫຼັງຈາກນັ້ນພວກເຂົາໄດ້ຕົກລົງກັນວ່າ  “ເຫຼົ້າແກ້ວນີ້ບໍ່ພໍໃຫ້ທຸກຄົນດື່ມ

ແຕ່ພໍສຳລັບຄົນດຽວ ໃຫ້ມາແຂ່ງກັນແຕ້ມງູເທິງພື້ນດິນ

ໃຜແຕ້ມແລ້ວກ່ອນຄົນນັ້ນຈະໄດ້ດື່ມເຫຼົ້າແກ້ວນີ້”.

ມີຄົນໜຶ່ງແຕ້ມງູແລ້ວຮຽບຮ້ອຍກ່ອນເພິ່ນ

ລາວໃຊ້ມືຊ້າຍຍົກແກ້ວເຫຼົ້າຂຶ້ນມາຢ່າງພາກພູມໃຈ

ໃນຂະນະດຽວກັນກໍ່ໃຊ້ມືຂວາແຕ້ມຮູບຕໍ່ໄປ ແລະເວົ້າວ່າ “ພວກເຈົ້າເບິ່ງແມະ

ຂ້ອຍຍັງມີເວລາທີ່ຈະແຕ້ມຕີນງູຕື່ມອີກຊ້ຳ”.  ແຕ່ແຕ້ມຍັງບໍ່ທັນແລ້ວ

ອີກຄົນໜຶ່ງກໍ່ແຕ້ມຮູບງູແລ້ວຄືກັນ

ຊາຍຄົນຫຼັງໄດ້ຍາດເອົາແກ້ວເຫຼົ້າຈາກມືຂອງລາວ

ແລະເວົ້າວ່າ“ ງູເປັນສັດບໍ່ມີຕີນ ເຈົ້າຈະຕື່ມຕີນງູໄດ້ຈັ່ງໃດ ”

ເວົ້າຈົບລາວກໍ່ດື່ມເຫຼົ້າໃນແກ້ວຈົນໝົດ,

ຄົນທີ່ຕື່ມຕີນງູກໍ່ເລີຍໝົດໂອກາດດື່ມເຫຼົ້າແກ້ວນັ້ນຢ່າງໜ້າເສຍດາຍ

ສຸພາສິດເລື່ອງນີ້ສອນໃຫ້ຮູ້ວ່າ

ຈະເຮັດວຽກການງານເລື່ອງໃດກໍ່ຢ່າ

ຕ້ອງມີຂໍ້ກຳນົດລາຍລະອຽດແລະເປົ້າໝາຍທີ່ຊັດເຈນ

ຕ້ອງມີສະຕິແລະຈິດໃຈແນ່ວແນ່ ມຸ່ງໜ້າເຕັມທີ່ແລະເຮັດໃຫ້ສຳເລັດ

ຢ່າລືມຕົວເມື່ອໄດ້ຮັບໄຊຊະນະ

ເພາະຈະກັບນຳຄວາມລົ້ມເຫຼວມາໃຫ້ໃນພາຍຫຼັງ

                    "ແອນ້ອຍ2ໜ້າ"

    ຢູ່ທາງພາກເໜືອຂອງປະເທດອິນເດຍ ຜົວເມຍຄູ່ໜຶ່ງໄດ້ເກີດລູກອອກມາບໍ່ຄືຄົນທຳມະດາທົ່ວໄປ

ແອນ້ອຍຄົນນີ້ແປກຫຼາຍເພາະເຖິງແມ້ນວ່າມີ1ລຳຄີງແຕ່ກັບມີ2ໃບໜ້າ,ມີ2ປາກ,2ດັງແລະ4ຕາ!ເວລານອນຕາ4ດວງຈະຫຼັບພ້ອມກັນ.ບໍ່ຮູ້ຈະເວົ້າແນວໃດ ເບິ່ງເອົາໃນຮູບກະແລ້ວກັນ

"ແອນ້ອຍ2ໜ້າ"  ນີ້ໄດ້ກາຍເປັນຈຸດສົນໃຈຢູ່ທ້ອງຖິ່ນນັ້ນ,ຊາວບ້ານພວກທີ່ເຊື່ອເລື່ອງງົມງາຍເຂົ້າໃຈວ່າເເອນ້ອຍນັ້ນແມ່ນເທບພະເຈົ້າອິນເດຍກັບມາເກີດ,ແລ້ວກໍ່ໄດ້ພາກັນຫຼັ່ງໄຫຼເຂົ້າໄປເຄົາລົບບູຊາໃຫ້ພອນ ແລະກໍ່ພາກັນເຕັ້ນຮ້ອງເພງຟ້ອນລຳຢູ່ໜ້າປະຕູເຮືອນຂອງແອນ້ອຍນັ້ນ.

ຊາວບ້ານລູບຄຳ "ແອນ້ອຍ2ໜ້າ"

ຄົນທ້ອງຖິ່ນນັ້ນມອບເງິນແລະຂອງຂວັນໃຫ້ແກ່ "ແອນ້ອຍ2ໜ້າ"

ມື້ນີ້ຂ້ອຍໄດ້ເຂົ້າເວັບໄຊຈີນເວັບໜຶ່ງແລ້ວໄດ້ອ່ານເລື່ອງແປກໆ ກະເລີຍຢາກເອົາຮູບມາລົງໃຫ້ໝູ່ເພື່ອນພັນລາວທັງຫຼາຍໄດ້ເບິ່ງກັນ ຊັ້ນກໍ່ເຂົ້າເລື່ອງກັນເລີຍເນາະ

 ເມື່ອວັນທີ່19 ເດືອນ7 ນີ້ໃນໝູ່ບ້ານແຫ່ງໜຶ່ງໄປທາງທິດຕາເວັນອອກປະມານ85ຫຼັກຂອງເມືອງSiliguriຢູ່ປະເທດອີນເດຍ.ປະຊາຊົນພາຍໃນໝູ່ບ້ານດັ່ງກ່າວໄດ້ຈັດພິທີການແຕ່ງດອງໃຫ້ແກ່ກົບ2ໂຕ.ພິທີດັ່ງກ່າວແມ່ນງານປະເພນີທີ່່ບ້ານນັ້ນສືບທອດກັນມາແຕ່ດົນນານແລ້ວ,ເພື່ອຂໍໃຫ້ຝົນຕົກຖືກຕ້ອງຕາມລະດູການ,ຜົນເກັບກ່ຽວອຸດົມສົມບູນ.

1.  ຮັກໃຜຄົນໜຶ່ງ ຕ້ອງທຸ້ມທັ້ງໃຈ

2.  ເປັນຕົວຂອງຕົວເອງ ໂດຍສະເພາະຕອນມີຄວາມຮັກ

3.  ມີແຜນການອອກຫ່າງຈາກໂລກທີ່ປອດໄພ ທີ່ເຈົ້າລື້ງເຄີຍຢູ່

4.  ຕ້ອງກ້າທີ່ຈະລອງໃນສິ່ງທີ່ສົນໃຈ,

     ໂດຍບໍ່ຕ້ອງສົນວ່າສິ່ງທີ່ເຈົ້າສົນໃຈນັ້ນ

     ໃນສາຍຕາຂອງຄົນອື່ນເບິ່ງແລ້ວຈະແປກປະຫຼາດສໍ່າໃດ

5.  ກ້າທີ່ຈະຖາມໂຕເອງວ່າ  ຂ້ອຍຢູ່ນີ້ເພື່ອຫຍັງ?

     ບາງທີເຈົ້າອາດຈະຊອກຄຳຕອບບໍ່ໄດ້

     ແຕ່ໃນເວລາທີ່ເຈົ້າຄົ້ນຫາຄຳຕອບນັ້ນ

     ເຈົ້າສາມາດຮຽນຮູ້ໄດ້ເຖິງຫຼາຍສິ່ງຫຼາຍຢ່າງ

    ຄົນທີ່ສາມາດສະຫງົບຈິດໃຈ

ແລ້ວປະເຊີນໜ້າຕໍ່ຄວາມອັບອາຍຂອງຕົນເອງໄດ້ ,

ຍັງມີຫຍັງອີກທີ່ຈະສາມາດເອົາຊະນະບໍ່ໄດ້ ?

ມີບາງຄົນ

ໃນຍາມທີ່ກຳລັງປະສົບກັບຄວາມອັບປະຍົດອົດສູງຢູ່ນັ້ນ ,

ມັກຈະບໍ່ສາມາດປະເຊີນໜ້າຕໍ່ສິ່ງທີ່ຕົນເອງກຳລັງປະເຊີນຢູ່ .

   ຄວາມຈິງແລ້ວ ຖາມຕົນເອງໃຫ້ຫຼາຍຂຶ້ນ ແມ່ນມີຜົນດີ,

ແຮງຄິດທົບທວນຕົນເອງຄືນຫຼາຍຊ່ຳໃດ ,

ຊີວິດກໍ່ຈະກ້າວໜ້າໄວຂຶ້ນຊ່ຳນັ້ນ .

    ໃນຊີວິດຂອງຄົນເຮົາ,     ພວກເຮົາຈຳເປັນຕ້ອງ ຮັກ ແລະ

ເຊື່ອໝັ້ນໃນຕົວເອງຫຼາຍກວ່າຄົນອື່ນ. 

ແບບນີ້ ,ຈິ່ງຈະສາມາດສະແດງພະລະກຳລັງທີ່ຍິ່ງໃຫຍ່

ຂອງພວກເຮົາອອກມາໄດ້,ຮຽນຮູ້ສິ່ງອ້ອມຂ້າງໃຫ້ຫຼາຍໆ

ສ້າງວຽກງານກິດຈະການ ໃຫ້ປະສົບຜົນສຳເລັດ,

ໂດຍສະເພາະແມ່ນ ເວລາທີ່ພວກເຮົາຖືກເມີນເສີຍ

ບໍ່ໜຳຊ້ຳຖືກດູຖູກຢຽດຢາມ...ຍິ່ງຄວນທີ່ຈະສຸຂຸມເຍືອກເຢັນ,

ບໍ່ຕ້ອງທໍ້ແທ້ ,ບໍ່ຕ້ອງຄຽດແຄ້ນເເລະ ແກ້ເເຄ້ນຄືນໂດຍໃຊ້

ວິທີເປິເປື້ອນຕ້ອຍຕ່ຳ...ແຕ່ຄວນຈະຮັກ ເເລະນັບຖືຕົນເອງ.

ເອົາຄຳດູຖູກຂອງຄົນອື່ນມາເປັນເເຮງບັນດານໃຈ

ໃຫ້ມຸມານະບາກບັ່ນ,

ໃຫ້ກຳລັງໃຈຕົນເອງເອົາຊະນະອຸປະສັກຕ່າງໆ,

ເພື່ອໃຫ້ໄດ້ມາເຊິ່ງຄວາມສຳເລັດ....

ຂໍຂອບໃຈນຳປື້ມ生气还不如争气

ອາທີດໜ້າ ວັນຈັນທີ່22 ກໍ່ຈະເລີ່ມເສັງແລ້ວ ຄິດລະກໍ່ດີໃຈທີ່ຈະໄດ້ພັກແລ້ງຊະທີ

ແຕ່ມີເລື່ອງໜຶ່ງ ເຮັດໃຫ້ໜັກສະໝອງຫຼາຍໆ            

ຈະເປັນເລື່ອງອື່ນໄປບໍ່ໄດ້ນອກຈາກ ການເລົ່າເເລະທົບທວນບົດຮຽນຄືນ....ນີ້ແລະ ຊີວິດນັກຮຽນ       

ທັງໝົດເສັງ3ມື້6ວິຊາ  ເບິ່ງ   ໂດຍຜິວເຜີນລະຄືວ່າໜ້ອຍແຕ່ມື້ວັນຈັນນີ້ຕິ ຈະເສັງຕັ້ງ3ວິຊາພ້ອມກັນ ແລະ ອີກຢ່າງແຕ່ລະວິຊາ ທັ້ງ ປາລະໄນ ແລະ ອັດຕະໄນ

ໜ້ອຍໄດ້ໃຈຂະໜາດ  ກອງຈົນຈະຖ້ວມຫົວຢູ່ເເລ້ວ  

ເປັນຕາອີດູຕົນບໍ່   ຖ້າພໍ່ແມ່ພີ່ນ້ອງໝູ່ເພື່ອນອາວອາຜູ້ໃດໄດ້ອ່ານ    ລະກະຢ່າລືມສົ່ງກຳລັງໃຈມາໃຫ້ແດ່ເດີ່