ຂ້າພະເຈົ້າ ຂໍບອກວິທີ ທີ່ຂ້າພະເຈົ້າຮູ້ ຄືດັ່ງລຸ່ມນີ້ ໂດຍການເຂົ້າ ຫາໂປຣແກຣມ ຂອງລະບົບວິນໂດ ເອັກສະພີ ຄື ໂປຣແກຣມ ຈີພີອີດິ ດັອດ ເອັມ ເອັດສ ຊີ (gpedit.msc) ພິມລົງໃນຣັນ ຂອງວິນໂດຍດັ່ງຮູບ:

1.  ;   2.  

3.  ; ເມື່ອເຫັນໜ້າຕາແລ້ວກໍຄລິກໃສ່ Administrative Templates

4.    ຄລິກເລືອກ System

5.    ຢູ່ທາງດ້ານຂວາ ດັບເບິ້ນຄລິກໃສ່ Turn off Autoplay

6.  ;  ເລືອກ Enabled ແລ້ວ ກໍ ຄລິກ  Turn off Autoplay on: ເປັນ All drive, ແລ້ວຄລິກ ok

7.    ຕໍ່ມາ ຄລິກໃສ່ User Configuration ທີ່ຢູ່ຫ້ອງທາງຊາຍ ແລ້ວ ຄລິກ Administrative Templates

8.    ແລ້ວກໍເລືອກ System ຄືກັບ ຂັ້ນຕອນຂ້າງຕົ້ນ,

9.  ແລ້ວກໍເລືອກ Turn off Autoplay

10.  ເລືອກ Enabled ແລ້ວເລືອກ Turn off Autopay on: ເປັນ All drive. ກໍຖືວາຈົບ ແລ້ວກໍມອດ ໂປຣແກມ. ຫຼັງຈາກນັ້ນ ໂອໂຕຣັນກໍຈະບໍ່ຣັນຂຶ້ນເອງ, ແຕ່ອາດມີບາງກໍລະນີ ທີ່ອາດເກີດຄວາມຜິດພາດໄດ້ ເນື່ອງຈາກຫຼາຍສາເຫດ.

ຂອບໃຈ...

ການດັບເບິ້ນຄລິກ ທີ່ພົບສ່ວນໃຫຍ່ແມ່ນການເປີດ ໂປຣແກຣມ, ຟາຍຕ່າງໆ ຜ່ານ ຄອມພິວເຕີຂອງຂ້ອຍ ເປັນຕົ້ນແມ່ນການເປີດ ຢູເອັດສະບີ (USB), ເຊິ່ງການກະທຳຕ່າງໆ ເຫຼົ່ານີ້ ເປັນສາເຫດໜຶ່ງທີ່ເຮັດໃຫ້ ວິນໂດ (Window) ໂຕບັນຫາ ມັກພົບບັນຫາພະຍາດຮ້າຍ (virus), ເນື່ອງຈາກວ່າເວລາທີ່ເຮົາດັບເບິ້ນຄລິກຟາຍເຫຼົ່ານີ້ ມັນຈະເຮັດໃຫ້ຟາຍທຳການແຕກ ກະຈາຍຕົວເອງ ເພື່ອໃຫ້ສາມາດເຮັດວຽກ ເທິງລະບົບປະຕິບັດການໄດ້, ດັ່ງນັ້ນ ເມື່ອເຮົາ ດັບເບິ້ນຄລິກຟາຍ ຫຼື ໂຟນເດີ້ ທີ່ມີໄວຣັດ ໄວຣັດ ມັນກໍຈະກະຈາຍໂຕເອງເຂົ້າສຸ່ລະບົບປະຕິບັດການຂອງເຮົາ ເຮັດໃຫ້ເຄື່ອງຕິດພະຍາດໃນທີ່ສຸດ, ໂດຍສະເພາະ ແມ່ນ ຢູເອັດສະບີ ທີ່ເຮົາມັກໄປສຸບກັບຫຼາຍໆເຄື່ອງ ບາງເຄື່ອງກໍມີພະຍາດຢູ່ແລ້ວ ເນື່ອງຈາກການດາວໂລດ ຟາຍຕ່າງໆ ຜ່ານອິນເຕີເນັດ ແລະ ເຄືອຂ່າຍອື່ນໆ. ຫຼັງຈາກນັ້ນ, ກໍເຮັດໃຫ້ເຄື່ອງຄອມພິວເຕີ ຫຼາຍເຄື່ອງຕິພະຍາດໂດຍບໍ່ຮູ້ໂຕ ບໍ່ຮູ້ສາເຫດວ່າມາຈາກໃສ.... ວິທີໜຶ່ງທີ່ສາມາດລີກລ່ຽງເຫດການນີ້ໄດ້ກໍແມ່ນການເຂົ້າເຖິງຟາຍຕ່າງໆ ຜ່ານທາງ ເອັກສະໂປເລີ (Explore) ຫຼື ຖ້າເຂົ້າຄອມພິວເຕີຂອງເຮົາ ກໍອາດຈະເຫັນ ໄອຄອນ ໂຟນເດີ, ຄລິກໃສ່ມັນ ແລ້ວ ກໍເລືອກເຂົ້າຟາຍຜ່ານທາງທາສແພນດ້ານຂ້າງ (ສະເພາະໂຟນເດີ ຫຼື ຟາຍຊິບຕ່າງໆ) ແລະ ເພື່ອເຫັນຟາຍທີ່ບໍ່ແມ່ນຂໍ້ມູນເຮົາກໍໃຫ້ລຶບມັນຖິ້ມ ໂດຍບໍ່ໃຫ້ດັບເບິ້ນຄລິກມັນ ຫຼື ວ່າຖ້າບໍ່ແນ່ໃຈ ກໍເລືອກຄລິກສະເພາະ ຟາຍທີ່ເຮົາຈະໃຊ້ວຽກ ທີ່ເຮົາຮູ້ຈັກ.

   ທີ່ສຳຄັນ ແມ່ນໃຫ້ປິດ ການເປີດອັດຕະໂນມັດ ເມື່ອມີການສຸບ ຢູເອັດສະບີ ຫຼື ໃສ່ ຊີດີ ກໍຈະສາມາດຊ່ວຍປ້ອງກັນພະຍາດຈຳພວກທີ່ຈະເປີດຕົວເອງ ແລະ ກະຈາຍໂຕເອງ ອັດຕະໂນມັດ ເມື່ອຖືກ ວິນໂດ ແລ່ນ ໂຕເປີດອັດຕະໂນມັດ......

ວິທີ ປິດ ຈະມາບອກໃໝ່... ແຕ່ສຳລັບຜູ້ຮູ້ແລ້ວຊ່ວຍກັນບອກຕໍ່ໆ ກໍຈະເປັນການດີ ....ຂອບໃຈ.

ທາງໜຶ່ງທີ່ດີ ກໍຄືປ່ຽນມາຮຽນໃຊ້ ລະບົບປະຕິບັດການທີ່ບໍ່ຄ່ອຍມີບັນຫາເລື່ອງພະຍາດຮ້າຍຫຼາຍປານໃດ ຫຼື ເວົ້າໄດ້ວ່າບໍ່ມີເລີຍ ເປັນຕົ້ນ ແມ່ນ ລີນຸກ, ລະບົບປະຕິບັດການແມັກ... ແລະ ມັນຍັງບໍ່ມັກມີ ເອີເຫຼີ ຫຼາຍຄື ວິນໂດນຳອີກ, ເມື່ອບໍ່ລຶ້ງອາດຈະໃຊ້ຍາກແດ່ ແຕ່ຖ້າຮຽນຮູ້ກໍຈະໃຊ້ໄດ້ເອງ

ແລ້ວພົບກັນໃໝ່....ດຣາໂກ້

ສະບາຍດີໝູ່ເພື່ອນ......^_^

ກັບມາກວນອີກແລ້ວເດີ... ຈາກສະບັບກ່ອນຍັງບໍ່ຈົບ ເລີຍຕ້ອງຕໍ່ພາກ 2:

ອັນການສຶກສາຫັ້ນແລະ, ຕົວຜູ້ຂຽນຄິດວ່າມັນເປັນເມັດພັນ ເປັນຮາກຖານ ຂອງທຸກສິ່ງ ທຸກຢ່າງ ໃນໂລກໜ່ວຍນີ້ ທີ່ບໍ່ມີສິິິ່ງໃດປາສະ

ຈາກໄດ້, ເປັນຫຍັງຄືວ່າຊັ້ນ ກໍເພາະວ່າເຖິງຈະເປັນການສຶກສາໃນຮູບແບບ ໃດກໍຕາມ ມັນກໍເປັນການສຶກສາ; ຈາກພາກເລີ່ມ ຈະເຫັນວ່າ

ເຮົາເວົ້າກັນໃນເລື່ອງຂອງຮູບແບບການສຶກສາ ຮ່ຳຮຽນບາງຮູບແບບ ເຊິ່ງເກີດຂຶ້ນໃນສະຖານບັນການສຶກສາ ແລະ ໂຮງຮຽນຕ່າງໆ ຈົນ

ກາຍເປັນ ສິ່ງທຳມະດາ ແລະ ເປັນປົກກະຕິໄປແລ້ວ ໂດຍສະເພາະໃນສັງຄົມປະຈຸບັນທີ່ສ່ວນຫຼາຍເປັນສັງຄົມທີ່ຂາດສິນທຳ ຂາດຄວາມ

ເປັນທຳ ຂາດຄວາມຈິງໃຈ ຂາດຄວາມຈິງໃຈ ຢູ່ຮ່ວມກັນໂດຍຜົນປະໂຫຍດ ອາດເວົ້າໄດ້ວ່າເປັນມາຕັ້ງແຕ່ເລີ່ມມີໂລກນີ້ ລວມທັງສິ່ງທີ່ມີຊີ

ວິດ ດັ່ງນັ້ນ ກໍຈະເຫັນວ່າ ການສຶກສາມາເລື້ອຍໆຂອງສິ່ງທີ່ມີຊີວິດ ກໍຍັງບໍ່ທັນສາມາດເຮັດໃຫ້ສິ່ງທີ່ມີຊີວິດພົບກັບຄວາມສຸກທີ່ແທ້ຈິງໄດ້;

ເຊິ່ງບາງເທື່ອເຮົາແນມເບິ່ງສັດຈຳພວກໜຶ່ງກໍຄືວ່າມີຄວາມເປັນທຳຫຼາຍ ກວ່າອີກຈຳພວກໜຶ່ງ (ອາດແມ່ນ ຄົນ ຫຼື ມະນຸດ)... ເວົ້າໄປເວົ້າ

ມາຈັກເປັນຫຍັງ ປະຫວັດສາດ ຫຼື ແມ່ນຫຍັງຫວ໊າ! ແຮ22...ເຂົ້າເລື່ອງການສຶກສາເທາະ: ເຖິງວ່າລະບົບຕ່າງໆຈະເປັນໄປແລ້ວແກ້ໄຂ

ຍາກ, ໃນຖານະພວກເຮົາຄົນຮຸ່ນຫຼັງ ຮຸ່ນໃໝ່ ຈະມີວິທີໃດບໍ່ເພື່ອປັບປຸງໃຫ້ມັນດີຂຶ້ນກວ່າເກົ່າ ຫຼື ບໍ່ໃຫ້ມັນເປັນແບບເກົ່າອີກ, ບາງເທື່ອ

ອາດຈະເວົ້າວ່າ ຢ່າໄປຄິດເທາະວ່າ ເພິ່ນເຮັດແລ້ວ ເຮົາຊິໄປເຮັດຕື່ມ ອີ່ຫຍັງ, ນາຍົກເພິ່ນກໍມີ ແລ້ວ ຜູ້ຈະເປັນເຮົາຊິພະຍາຍາມໄປເຮັດຫຍັງ

ເສຍເວລາ, ແຕ່ວ່າ ເຮັດອາດຄິດວ່າ ເບິ່ງເພິ່ນເຮັດແລ້ວຍັງມີຊ່ອງຫວ່າງຫຼາຍ ຫຼື ຍັງມີຊ່ອງວ່າງຢູ່ບໍ່ ເອີ! ເຫັນແລ້ວ ເຮົາຈະຊ່ວຍເພິ່ນອັດ

ຊ່ອງຫວ່າງນັ້ນແນວໃດ ໂດຍບົວບໍ່ໃຫ້ຊ້ຳ ນ້ຳບໍ່ໃຫ້ຂຸ່ນ ແລ້ວຕົວເອງກໍບໍ່ຕາຍລ້າອີກ 555, ຫຼື ວ່າ ທຸກຄົນເປັນທາດຂອງອຳນາກ ເງິນຄຳ

ໂດຍບໍ່ສາມາດຖອນຕົວໄດ້. ກະແມ່ນໃດເນາະ ເບິ່ງແນ່ແມ່ນຫຍັງກໍຂຶ້ນກັບສະຖານະການຂອງປະເທດນັ້ນ ປະເທດນີ້ໝົດ ຫຼາຍໆປະເທດ

ໃນໂລກກໍຕ້ອງແລ່ນຕາມກະແສໂລກ ທີ່ບັນດາປະເທດມະຫາອຳນາດສ້າງ ແມ່ນແຕ່ການສຶກສາທີ່ໜ້າຈະພັດທະນາໃຫ້ບຸກຄະລາກອນ

ເຮົາສາມາດເຮັດອີຫຍັງ ຕໍ່ ອີ່ຫຍັງໄດ້ຄື ແລະ ກ້າວໜ້າໄປພ້ອມໆກັບທົ່ວໂລກໄດ້. ມີສະໝອງ ສອງມື ຄືກັນໝົດ ແຕ່ຖ້າໃຫ້ແຕ່ສັງຄົມໃຫ້

ໂອກາດ ພັດບໍ່ໃຫ້ໂອກາດຕົວເອງ (ຄົນທີ່ໃຫ້ໂອກາດຕົວເອງກໍມີຢູ່ໃດເນາະ ແລະ ປະສົບຜົນສຳເລັດກໍມີຫຼາຍ ຢູ່ ແຕ່ກະຍັງໜ່ອຍຖ້າທຽບ

ໝົດໂລກ ພ້ອມທັງປະສົບຜົນສຳເລັດສະເພາະຕົວຫຼາຍກວ່າເພື່ອແຜ່)....ສະນັ້ນ, ເຮັດແນວໃດ ຈິ່ງຈະເຮັດໃຫ້ການສຶກສາເປັນຕົວເຮັດໃຫ້

ຄົນເຮົາສາມາດເຮັດຫຍັງໄດ້ໂດຍປາສະຈາກຄຳວ່າບໍ່ຮູ້ ບໍ່ຢາກເຮັດ ຂີ້ຄ້ານ ມັກງ່າຍ ຕາຍໄວ........ຊ່ວຍໆກັນເດີໝູ່ເພື່ອນ.....

ຈົບແບບນີ້ແຫຼະ.....55555....ອ່ານເອງກະຍັງງົງ......ໃຜບໍ່ງົງບອກເຮົາແດ່ເດີ.........ຂອບໃຈຫຼາຍໆ...............

ການສຶກສາຂອງຍຸກນີ້ເປັນແນວໃດ ນໍ....

ຮຽນໃນໂຮງຮຽນ ຫຼື ສຶກສາໃນສະຖາບັນ ແລ້ວຍັງຕ້ອງໄດ້ຈ້າງຮຽນເພີ່ມອີກ ເພາະໃນສະຖານທີ່ນັ້ນໆ ຍັງບໍ່ພຽງພໍສຳລັບທີ່ຈະເສັງເອົາໃບປະກາດຂອງ ສະຖາບັນນັ້ນໆ. ຫຶ! ເປັນຫຍັງຄືວ່າຈັ່ງຊັ້ນ? ອ້າວກະຊິໃຫ້ວ່າຈັ່ງໃດ ແນວມັນເປັນສິ່ງທີ່ຂ້ອຍພົບເຂົ້າກັບຕົວເອງ ໂດຍສະເພາະໃນຕອນຮຽນຢູ່ມັດທະຍົມປາຍນີ້ແຫ່ງຄັກ ຄັນບໍ່ໄປຮຽນເພີ່ມນຳເພິ່ນຄະແນນແຕ່ລະເດື່ອນ ເຖິງຊິຕັ້ງໃຈຮຽນໃນຫ້ອງດີປານໃດ ກະຢ່າຫວັງວ່າຈະໄດ້ຄະແນນດີ ຢ່າງດີ ກະພໍແຕ່ຜ່ານ ເຜີໆ ຕົກຕະລອດ ຈັກເປັນຫຍັງ ເວລາເສັງອອກແຕ່ໂຕທີ່ເຮົາຄົ້ນຄວ້າບໍ່ເຖິງ (ຄືວ່າບໍ່ມີໃນຕົວທີ່ເພິ່ນແນະນຳໃນຫ້ອງ ເຜີໆ ບໍ່ມີໃນຕຳລາ ຕາມຫຼັກສູດ) ຄິວ່າຕົນເອງ ຄົ້ນຄວ້າເອງກ່ອນລ່ວງໜ້າແລ້ວໃດຫັ້ນຍັງບໍ່ທັນພວກຮຽນເພີ່ມອີກ, ເຮີຍ!........ ເກີດເປັນຄົນທຸກຈົນ ຈັ່ງແມ່ນແຫ່ງທຸກ ກໍທຸກຊ້ຳ ບໍ່ມີໂອກາດຈະໄດ້ມືນຕາ ອາປາກ ນຳເຂົາເລີຍ ບໍ໋.......5555 ມັນຕະຫຼັກດີເນາະ......ຄືເພິ່ນວ່າແລະ “ເຖິງຈະເຮັດວິທີໃດກໍຕາມ ຄົນທີ່ມີແລ້ວ ແຫ່ງຈະມີອີກ, ຖ້າຫຼັກເກັ່ງ ກໍຢູ່ໄດ້ ແລະ ລ້ຳລວຍ”.....ແລ້ວຈະມາຂຽນຕື່ມເດີ ເອົາເທົ່ານີ້ກ່ອນ ໝົດເວລາແລ້ວ......^_^

ວັນທີ 17 ມັງກອນ 2011, ຂ້າພະເຈົ້າໄດ້ໄປຕໍ່ອາຍຸບັດປະຈຳຕົວ ກ່ອນຈະເຂົ້າເຖິງຫ້ອງການ ປກສ ຜ່ານດ່ານ ພະນັກງານ ປະຈຳບ່ອນຝາກລົດ ຖາມວ່າ ”ມາເຮັດບັດຫວາ“, ຂ້ອຍຕອບວ່າ “ໂດຍ” ລາວໄດ້ເວົ້າຕໍ່ວ່າ ”ເອົາດ່ວນບໍ່ ຫຼື ຈະເອົາຈັກມື້, ໃຫ້ຂ້ອຍເຮັດໃຫ້ບໍ່“, ແລ້ວຂ້ອຍກໍຈ່າຍເງິນຄ່າຝາກລົດ ແລ້ວຍ່າງຕໍ່ໄປຈະເຂົ້າໄປໃນຫ້ອງການ ມີພະນັກງານໃນຊຸດເຄື່ອງແບບ ປກສ ຍ່າງກາຍມາ ແລ້ວຖາມວ່າ ”ມາເຮັດບັດຫວາ, ໃຫ້ອ້າຍເຮັດໃຫ້ບໍ່“, ຂ້ອຍບໍ່ໄດ້ຕອບຫຍັງ ແລ້ວຍ່າງຕໍ່ໄປ ທັນໃດນັ້ນ ກໍມີພະນັກງານອີກຜູ້ໜຶ່ງໃນເຄື່ອງແບບ ປກສ ເຂົ້າມາຫາຂ້ອຍແລ້ວຖາມວ່າ “ມາເຮັດບັດຫວາ” ຂອ້ຍຕອບວ່າ ”ມາຕໍ່ບັດ“, ແລ້ວລາວກໍຖາມເອົາບັດທີ່ໃກ້ໝົດອາຍຸນຳຂ້ອຍ ພ້ອມກັບຮູບ ຕິດບັດໜຶ່ງໃບ ແລ້ວກໍຍ່າງໄປນັ່ງທີ່ໂຕະເຮັດວຽກຂອງລາວ ຂ້ອຍກໍນຳໄປ ຫຼັງຈາກນັ້ນ ລາວກໍບອກວ່າ “ມື້ແລງກະມາເອົາໄດ້” ແລ້ວຂ້ອຍຖາມວ່າບໍ່ໄດ້ເສຍເງິນຫວາ ລາວຕອບວ່າ “ເສຍ ແສນປາຍກີບ, ອ້າຍຈະເຮັດໃຫ້ມື້ແລງກະໄດ້ແລ້ວ, ຖ້າຂຽນຟອມນະ 2 ອາທິິິດ ໃດຈັ່ງຊິໄດ້” ຂ້ອຍໄດ້ຍິນແນວນັ້ນ ຂ້ອຍກໍເລີຍຕອບໄປວ່າ ”ບໍ່ເປັນຫຍັງ ນ້ອງຂຽນຟອມເອົາກະໄດ້ ບໍ່ຟ້າວດອກ“, ແລ້ວລາວກໍລຸກຍ່າງໜີຈາກຂ້ອຍໄປ ຂ້ອຍຈະຖາມເລື່ອງການຊື້ຟອມ ລາວກໍບໍ່ຟັງ ແລະ ຍ່າງໄປຢືນຢູ່ບ່ອນເກົ່າ ທັນໃດນັ້ນລາວກໍເຫັນປະຊາຊົນຄົນໜຶ່ງຍ່າງຖືເອກະສານມາ ລາວກໍຍ່າງເຂົ້າໄປຫາແບບດຽວກັບທີ່ເຂົ້າມາຫາຂ້ອຍ. ທ່ານຄິດວ່າ ການທີ່ເຮັດແບບນັ້ນເປັນຕາມຫຼັກການ ຫຼື ຄວາມຕ້ອງການຂອງບຸກຄົນ. ນີ້ແມ່ນເລື່ອງທີ່ເກີດຂຶ້ນຈິງທີ່ສຳນັກງານໃໝ່ຂອງ ປກສ