--- ຮູ້ກັນມາແຕ່ນ້ອຍ ບ້ານຢູ່ຕິດກັນ

ສັມພັນແບບເພື່ອນມິດ ໃກ້ຊິດແລງເຊົ້າ

ແຕ່ສະໄໝເຮົາເຂົ້າ ຮຽນປະຖົມປໍນຶ່ງ

ຍັງບໍ່ທັນເລິກຊຶ້ງ ເຖິງຂັ້ນພາວະຄົນ

---   ວັນເດືອນປີຜ່ານພົ້ນ ນ້ອງເຕີບໃຫ່ຍເປັນສາວ

     ອ້າຍກໍເປັນບ່າວຕາມ ຊໍ່າກັນໃນບ້ານ

     ຄວາມສັມພັນຍິ່ງໝັ້ນ ຕິດແທດກັນ ສະເໝີເພື່ອນ

     ເຮືອນສອງເຮົາຢູ່ໃກ້ ຕິດຂ້າງຕໍ່ຊານ

--- ເພື່ອນຮັກເລີ້ມໜຽວໝັ້ນ ຫຼາຍກ່ວາທຳມະດາ

ສັນຍາຮ່ວມຮັກກັນ ມອບທັງກາຍ ແລະໃຈໃຫ້

ຮັກສອງເຮົາຈຶ່ງໄດ້ ໃຫ້ແກ່ກັນ ໂດຍບໍ່ຄິດ

ເປັນຮັກຄັ້ງທຳອິດ ທີ່ມອບຈິດຝາກໄວ້ ອຸທິດໃຫ້ ແກ່ກັນ

---   ບໍ່ເຖິງເດືອນຮັກນັ້ນ ເລີ້ມແຕກຕ່າງ ເປັນໄປ

     ເພື່ອນທີ່ເຄີຍເອົາໃຈ ກໍກັບກາຍເຄືອງແຄ້ນ

     ເປັນແຟນນີ້ແສນຍາກ ລຳບາກຫຼາຍ ກວ່າເປັນເພື່ອນ

     ຮັກກັນບໍ່ເຖິງເດືອນ ເສຍເພື່ອນ ຍັງບໍ່ແລ້ວ ເສຍແຟນອີກຕຶ່ມກັນ.