ພຽງໄດ້ພົບ ສົບສາຍຕາ ພາໃຈຝັນ

ຢາກຜູກພັນ ຝັ້ນໄມຕຣີ ທີ່ດີໄວ້

ຂໍຝາກຮັກ ກັບແອວກົມ ອຸດົມໄຊ

ນ້ອງຍິ້ມໃຫ້ ຊ່າງຈັບໃຈ ຫວານໃນຕາ

     ໂອ...ກຸຫຼາບ ອຸດົມໄຊ ພາໃຈຝັນ

     ເໝືອນສະຫັວນ ປັ້ນແຕ່ງໄວ້ ໃຫ້ພົບພາ

     ເໝືອນພະອີນ ເນຣະມິດ ຈາກຟາກຟ້າ

     ງາມບາດຕາ ທັງບາດໃຈ ຫຼົງໄຫຼປອງ

 ເຫັນພຽງຄັ້ງ ຍັງພໍ່າເພີ້ ລະເມີຫາ

ຢາກຈະມາ ເປັນຄູ່ຄຽງ ຮຽງຂ້າງນ້ອງ

ໂປຣດຟ້າດິນ ຈົ່ງປະທານ ໃຫ້ເຮົາສອງ

ໄດ້ປະຄອງ ຫ້ອງໃຈຮັກ ປັກດັ່ງຝັນ

     ງາມຈັບໃຈ ໂອດອກໄມ້ ຖິ່ນເມືອງເໜືອ

     ງາມລົ້ນເຫຼືອ ເໝືອນທິດາ ເລີດລາວັນ

     ງາມກຸຫຼາບ ອຸດົມໄຊ ແດນສະຫັວນ

     ງາມຕຣະການ ບໍ່ຮູ້ເບື່ອ ເມື່ອພົບພານ