_ ສາລິກາກູ່ຮ້ອງ ສຽງສົ່ງ ເຕືອນໄກ

ກ່ອນພາກຄູ່ມັນໄປ ຍັງສົ່ງສຽງດັງກ້ອງ

ບາດວ່ານ້ອງພາກອ້າຍ ຄໍາດຽວບໍ່ເອີ້ນສັ່ງ

ປ່ອຍໃຫ້ອ້າຍຜິດຫັວງ ນັ່ງໂສກາໂສກເສົ້າ ເພາະຕົວເຈົ້າ ບໍ່ສັ່ງລາ...ນີ້ແລ້ວ

   _ ມືນຕາຫາຍໄປຈ້ອຍ ມິດຊ່ອຍມ່ອຍ ບໍ່ເຫັນກັບ

      ໄປແລ້ວເລີຍລາລັບ ບໍ່ຫວນກັບປານນີ້

     ດວງຣືດີໝອງເສົ້າ ຍ້ອນເຈົ້າໄປໄກຫ່າງ

     ເຫຼືອພຽງພາບຖ່າຍນາງ ແນບຄຽງຂ້າງທຸກມື້ ແທນໜ້າກ່ອນເຂົ້ານອນ...ນີ້ແລ້ວ

_ ຫຼືໄປມີໃໝ່ຊ້ອນ ຖືກເຂົາຫຼອກ ຫຼອນຕົວະ

ຫຼົງຄາຣົມ ຊາຍຍົວະ ມົ່ວເມົາເປັນບ້າ

ອ້າຍນີ້ຍັງຄອຍຖ້າ ຂັວນຊີວາ ນ້ອງກັບຕ່າວ

ຄືນມາຫາຮັກເຮົາ ເໝືອນດັ່ງຄາວກ່ອນນັ້ນ ຢ່າຫັນໜ້າ ຍ່າງໜີ...ນ້ອງເອີຍ

_ອ້າຍນີ້ ຍັງຮັກໝັ້ນ ບໍ່ຜັນປ່ຽນແປງໄປ

ຍັງເປັນຫ່ວງຂັວນໃຈ ເສົ້າຣືໄທນໍານ້ອງ

ຫົວໃຈທັງສີ່ຫ້ອງ ຍັງຄອງຄອຍນ້ອງຢູ່

ໂປຣດກັບຄືນມາສູ່ ເຮືອນຮັກເຮົາກ່ອນກີ້ ຢ່າໜີໜ້າ ໃຫ້ຮັກໝອງ...ນ້ອງເອີຍ