ການຮຽນຮູ້ທີ່ໄວທີ່ສຸດຄືການ ""ຖາມ""

ການຮຽນຮູ້ທີ່ງ່າຍທີ່ສຸດຄືການ ""ຮຽນຮູ້ຈາກປະສົບການຂອງຄົນອື່ນ""

ການຮຽນຮູ້ທີ່ເຂົ້າໃຈທີ່ສຸດຄືການ ""ຕ້ອງພົບກັບບັນຫາ ແລະ ແກ້ໄຂດ້ວຍຕົນເອງ""

ຈຸດສີ້ນສຸດຂອງການຮຽນຮູ້ມັນບໍ່ມີ ............ ເພາະຊີວິດຄືການຮຽນຮູ້ ................ ແລະຍອມຮັບມັນ !!

 ມາ​ຮູ້ຈັກ​ກັບ​ຄົນ​ຫມວດ​ເລືອດ O 

1. ຄວາມ​ຮັກ: ຮັກ​ໃຜ​ຮັກ​ຈິງ, ທຸ້ມ​ເທ​ເຕັມ​ຮ້ອຍ ​ແຕ່​ມັກ​ມີ​ຟອມ(ຄື​ຄົນ​ປຽບ​ໃຫຍ່)

- ຕອນ​ມີ​ຄວາມ​ຮັກ ກໍ່​ຈະ ຮ້ອນ​ແຮງ​ສຸດໆ ຈົນ​ລະ​ເບີດ​ໄດ້ 
- ຫາ​ກໄດ້​ຮັກ​ໃຜ​ແລ້ວ​ຈະ​ທຸ້ມ​ເທ​ໃຫ້​ຫມົດ​ທັ້ງຕົວ​ແລະ​ຫົວ​ໃຈ 
- ​ເວລາ​ຫລົງ​ຮັກ​ໃຜ​ຂ້າງ​ດຽວ ຈະ​ມັກ​ໄປ​ຢູ່​ບ່ອນທີ່​ຄິດ​ວ່າ​ຈະ​ພົບ​ເຂົາ​ແລ້ວ​ກໍ່​ເລິ່ມມອງ​ຫາ ມອງ ມອງ ມອງ​ຫາ​ເຂົາ​ແຕ່​ເຂົາ​ບໍ່​ມາ​ກະ​ຄອຍ​ເກີ້​ຢູ່​ຫັ້ນແຫລະ 
- ຫາກ​ກຳລັງ​ເບິ່ງໆ​ກັນ​ໄປ​ກັບ​ໃຜ​ຜູ້​ຫນຶ່ງ ​ເວລາ​ຍ່າງ​ສວານ​ທາງ​ກັນ ຄົນ​ຫມວດ​ເລືອກ O ຈະ​ທຳທ່າ​ເຮັດ​ຄື​ບໍ​ເຫັນ ​ເພື່ອ​ໃຫ້​ຝ່າຍ​ນັ້ນ​ທັກ​ທາຍ​ກ່ອນ( ​ແບບ​ວ່າ​ບໍ່​ຍອມ​ເສຍປຽບ) 
- ​ເວລາ​ພົບ​ຫນ້າ​ຄົນ​ທີ່​ໂຕ​ເອງ​ລັກ​ມັກ ຈະ​ທຳທ່າ​ເສີຍໆ​ຫລຽວ​ໄປ​ທາງ​ອື່ນ ທັ້ງໆ​ທີ່​ໃຈ​ລອຍ​ໄປ​ຢູ່​ກັບ​ເຂົາ​ຕັ້ງ​ແຕ່​ເຫັນ​ກັນ​ທຳ​ອິດ​ພຸ້ນ 
- ຈົດ​ຈຳ​ລາຍ​ລະອຽດຂອງ​ເຂົາ​ຄົນ​ນັນ​ໄດ້​ຢ່າງ​ຊັດ​ເຈນ​ວ່າ ​ເຫັນເຂົາຢູ່​ໃສ ຕອນ​ໃດ ຕອນ​ນີ້​ເຂົາ​ກຳລັງ​ເຮັດ​ຫຍັງ ຄົນ​ຫມວດ​ເລືອດ​ນີ້ ຈະ​ຈື່​ໄດ້​ຫມົດ 
- ເມື່ອ​ຕົກ​ຫລຸມ​ຮັກ​ໃຜ​ຜູ້​ຫນຶ່ງ ​ເພງ​ຫວານໆ ບໍ່​ວ່າ​ຈະ​ເກົ່າ​ຫລື​ໃຫມ່​ຈະ​ຖືກ​ຂັບ​ຮ້ອງ​ອອກ​ມາ​ຈາກ​ປາກ​ຂອງ​ຄົນໆ​ນີ້ ຕະຫລອດ​ເວລາ (​ແບບ​ວ່າ Inlove) 
- ແຕ່​ໃນ​ເວລາ​ດຽວ​ກັນ ຄົນ​ຫມວດ​ເລືອດ​ນີ້​ອາດ​ມັກ​ໄດ້​ຫລາຍໆ ​ແຕ່ ຮັກ​ຄົນ​ດຽວ 
- ເປັນ​ຄົນFriendly ​ແລະ ປະຕິ​ເສດ​ຄົນ​ບໍ່​ເປັນ ​ເຮັດ​ໃຫ້​ຄົນ​ທີ່​ມາ​ຈີບ ຄິດ​​ເຂົ້າ​ຂ້າງ​ໂຕ​ເອງ​ສະ​ເຫມີ 
- ການ​ໃຫ້​ຂອງ​ຂັວນກັບ​ໃຜ​ຜູ້​ຫນຶ່ງ ຫາກ​ມີ​ເວລາ​ພໍ​ເຂົາ​ຈະ​ເຮັດ​ດ້ວຍ​ມື​ເຂົາ​ເອງ​ເພາະ​ເຂົາ​ຄິດ​ວ່າ​ມັນ​ເປັນ​ຂອງ​ຂວັນ​ທີ່​ຈິງ​ໃຈ​ທີ່​ສຸດ 
- ​ເວລາ​ອົກຫັກຈະ​ມັກ​ໄປ​ນັ່ງ​ມອງ​ຂອງ​ເກົ່າໆ ສະຖານ​ທີ່​ເກົ່າໆ ຄິດ​ເຖິງ​ເຫດການ​ເກົ່າໆ ​ແລ້ວ​ກໍ່​ມາ​ນັ່ງ​ເສົ້າ​ຢູ່​ງຽບໆ ຄົນ​ດຽວ ​ແຕ່​ເວລາ​ທີ່​ເຂົາ​ອອກ​ໄປ​ສັງ​ສັນ​ກັບ​ຫມູ່ ​ເຂົາ​ຈະ​ລືມ​ຄວາມ​ເຈັບ​ປວດ​ຈົນ​ສະຫນິດ ​ແຕ່​ພໍ​ກັບ​ມາ​ຢູ່ ຄົນ​ດຽວ ຄວາມ​ເຫງົາ​ມັນ​ກໍ່​ກັບ​ມາ​ເປັນ​ເພື່ອນ​ເຂົາ​ອີກ​ເຊັ່ນ​ເຄີຍ 
- ​ຄົນ​ຫມວດ​ເລືອດ o ​ເປັນ​ທີ່​ປຶກສາ​ໄດ້​ດີ​ທີ່​ສຸດ ດັ່ງ​ນັ້ນ,ຍ້ອນ​ເຫດຜົນ​ນີ້​ຈຶ່ງ​ເຮັດ​ໃຫ້​ຄົນ​ຫມວດ​ເລືອດ​ນີ້​ເປັນ​ຄົນ​ທີ່ “ຢູ່​ນຳ​ຫລື ​ໃກ້​ສິດ​ແລ້​ວສະບາຍ​ໃຈ” ດ້ວຍ​ເຫດ​ນີ້ ​ເມື່ອ​ມີ​ໂອກາດ ​ໃກ້​ສິດ​ກັບ​ຄົນ​ແບບ​ນີ້​ເຂົາ​ຈຶ່ງ​ຖືກ​ວາງ​ຕຳ​ແຫນ່​ງ​ໃຫ້​ເປັນ​ພຽງ “ທີ່​ປຶກສາ” 
- ທັ້ງຫມົດ​ຂອງ​ເວລາ​ແຫ່ງ​ຄວາມ​ຮັກ​ຂອງ​ເຂົາ ການ​ໄດ້ “ລັກ​ມັກ” ນັ້ນ​ແຫລະ ​ເປັນ​ຊ່ວງ​ທີ່​ສະຫນຸກ ​ແລະ ທ້າ​ທາຍ​ທີ່​ສຸດ ສຳ​ຫລັບ​ຄົນ​ຫມວດ​ເລືອດ​ນີ້ 
- ​ເວລາ​ບໍ່​ສະບາຍ ຫາກ​ແຟນບອກ​ວ່າ “ກິນ​ຢາ​ແດ່​ເດີ້” ຄົນ​ເລືອດ O ຈະ​ທຳທ່າ​ຫົວ​ດື້​ບໍ່​ຍອມ​ກິນ​ຢາ ​ແຕ່​ທີ່​ຈິງ​ເຂົາ​ທຳທ່າ​​ເຮັດ​ໃຫ້​ແຟນ​ເປັນ​ຫ່ວງ​ຊື່ໆ 
- ຫາກ​ເຈິະຄົນ​ທີ່​ລົມ​ກັນ​ຖືກ​ຄໍ ຈະ​ເດິກ​ປານ​ໃດ​ກໍ່ຕາມ ຫາ​ຄູ່​ຂາ​ບໍ່​ຍອມ​ໄປ​ນອນ ຢ່າ​ຫວັງ​ວ່າ​ຄົນ​ເລືອດ O ຈະ​ຍອມ​ໄປ​ນອນ​ກ່ອນ 
- ​ແຕ່​ຄົນ​ແບບ​ນີ້ຂີ້​ຫວງ​ບໍ່​ທຳ​ມະ​ດາ​ເດີ ພຽງ​ແຕ່​ວ່າ​ເຂົາ​ບໍ່​ຄ່ອຍ​ສະ​ແດງ​ອາການ “ຫວງ”ອອກ​ມາ​ຊື່ໆ 
- ມັກ​ໃຫ້​ຄົນ​ອື່ນ​ມາ​ຫຶງ​ມາ​ຫວງ​ໂຕ​ເອງ ​ເພາະ​ນັ້ນ​ນສະ​ແດງ​ໃຫ້​ເຫັນ​ວ່າ ​ເຂົາ​ມີຄ່າ​ສຳ​ຫລັບ​ໃຜ​ຜູ້​ຫນຶ່ງ ​ແຕ່​ຖ້າ​ຫວງ​ຫລາຍ​ເກີນ​ໄປ ​ເຂົາ​ຈະລຳ​ຄານ 
- ຄົນ​ທີ່​ສາມາດ​ລັກ​ຫົວ​ໃຈ​ຂອງ​ຄົນ​ເລືອດO ​ໄດ້​ຢ່າງ​ງ່າຍດາຍ​ທີ່​ສຸດ​ຄື​ຄົນ​ຫມວດ​​ເລືອດ B 
- ເປັນ​ຄົນ​ປາກ​ແຂງ ​ແຕ່​ຫົວ​ໃຈ​ບໍ່​ແຂງ​ຄື​ປາກ……​ເປັນ​ຄົນ​ໃຈ​ບໍ່​ກ້າ​ພໍ 
- ຊັງ​ຄົນ​ນອກ​ໃຈ ​ແຕ່​ບາງທີ ​ໂຕ​ເຂົາ​ເອງ​ຊ້ຳພັດ​ດມັກ​ເຊື່ອງ​ໃຜ​ຜູ້​ຫນຶ່ງ​ໄວ້້​ໃນ​ໃຈ 
- ຖ້າ​ເລີ່​ມສົນ​ໃຈ​ໃຜ​ຜູ້​ຫນຶ່ງ ​ເຂົາ​ຄົນ​ນັ້ນ​ຈະ​ເລີ່​ມ​ເຂົ້າ​ມາ​ຢູ່​ໃນ​ຄວາມ​ຄິດ​ຂອງ​ຄົນ​ຫມວດ​ເລືອກ O ​ແລະ​ຄວາມ​ຖີ່​ໃນ​ການ​ຄິດ​ເຖິງ​ຈະ​ເພິ່ມຂຶ້ນ​ເລື້ອຍໆ​ຕາມ​ລະຍະ​ເວລາ 

2. ເພື່ອນ: Friendly ສຸດໆ ​ແຕ່​ຂີ້​ເຫງົາ, ຈິງ​ໃຈ ​ເຖິງ​ໃສ​ເຖິງກັນ 
- ສິ່ງ​ທີ່​ສຳຄັນ​ທີ່​ສຸດ​ຂອງ​ເຂົາ​ຄື​ຫມູ່​ເພື່ອນ ອັນ​ດັບ​ຮອງ​ລົງ​ມາ​ແມ່ນ​ຄວາມ​ຮັກ (​ເອົາ​ເພື່ອນ​ເປັນ​ໃຫຍ່) 
- ມັກ​ເຂົ້າ​ສັງຄົມ ​ເຮັດ​ໃຫ້​ລາວ​ມີ​ເພື່ອນ​ຫລາຍໆ ມີ​ຄວາມສຸກ​ກັບ​ການ​ພົບ​ປະ​ກັບ​ຜູ້​ຄົນ​ຫນ້າ​ໃຫມ່ໆ ​ແລະ ຄົນ​ຫມວດ​ເລືອດ​ນີ້​ເປັນ​ຄົນ​ທີ່ ກັນ​ເອງ​ສຸດໆ 
- ນິ​ໃສ​ບໍ່​ດີ ຂອງ​ຄົນ ປະ​ເພດ​ນີ້​ຄື​ເປັນ​ຄົນ​ຫົວ​ດື້ ​ແລະ​ມັກ​ປົກ​ປ້ອງ​ເອົາ​ພັກ​ພວກ​ຂອງ​ຕົນ 
- ມັກ​ລັກ​ນ້ອຍ​ໃຈ​ຕໍ່​ຫມູ່​ຢູ່​ເລິກໆ ຈົນ​ດົນໆໆ ຈຶ່ງ​ມາ​ເວົ້າ​ໃຫ້​ຫມູ່​ຟັງ 
-ເວລາ​ຢູ່​ກັບ​ຫມູ່​ຈະ​ເປັນ​ຄົນ​ຂີ້ຝອຍ ​ແຕ່​ທັງ​ຫມົດ​ທີ່​ເວົ້າ​ມານັ້ນ​ເນື້ອຫາ​ສາລະ​ເກືອບ​ບໍ່​ມີ ຮາຮາຮາຮາ
-ເຖິງ​ເຂົາ​ຈະ​ເປັນ​ຄົນ​ສະບາຍ​ ໆ ​ກັບ​ຊີວິດ ​ແຕ່​ເລິກໆ ​ເຂົາ​ລັກ​ສັງ​ເກດ​ແລະ ​ເກັບ​ລາຍ​ລະອຽດ​ຂອງ​ຄົນ​ຮອບ​ຂ້າງ​ໄວ້​ສະ​ເຫມີ 
-ຊັງ​ການ​ທີ່​ຄົນ​ອື່ນ​ເອີ່ຍ​ເຖິງ​ປົມ​ດ້ອຍ​ຂອງ​ຕົວ​ເອງ ​ເຖິງ​ຈະ​ເປັນ​ການ​ເວົ້າ​ຢອກ​ແຕ່​ເຂົາ​ກະ​ຄຽດ​ອີ່ຫລີ 
-ບໍ່​ມັກ​ໃຫ້​ໃຜ​ມາ​ຂັດ​ແຍ້​ງຄວາມ​ຄິດຂອງ​ຕົນ ແຕ່​ເຂົາ​ກໍ່ເປັນ​ຜູ້ຟັງ​ທີ່​ດີ​ເພື່ອ​ຮັບ​ຟັງ​ຄວາມ​ຄິດ​ເຫັນ​ຂອງ​ຄົນ​ອື່ນ 
-ບໍ່ມັກ​ຄົນ​ມາ​ເອາະ​ເຊາະ ອໍ້​ແອ້ ​ແຕ່​ເວລາ​ເຂົ້າຜັບ ​​ເຂົາ​ພັດ​ໄປ​ນົວ​ເນຍ​ບໍ່​ນ້ອຍ​ຫນ້າ​ໃຜ ​ຮາ​ຮາ​ຮາ 
-ເວລາ​ຄຽດ​ຫລື​ງອນ​ໃຫ້​ຄົນ​ອື່ນ ​ແລ້ວ​ເຂົາ​ບໍ່​ມາ​ງໍ້ ​ໂຕ​ເອງ​ກໍ່​ຄ່ອຍໆ​ເຊົາ​ໄປ​ເອງ​ແບ​ງຽບໆ 
- ການ​ເຂົ້າ​ຫາ​ຄົນ​ຫມວດ​ເລືອດ O ບໍ່​ແມ່ນ​ເລື່ອງ​ຍາກ ​ແຕ່​ການ​ເຮັດ​ໃຫ້​ເຂົາ​ສະຫນິດ​​ແລະ​ເຊື່ອ​ໃຈ​ນັ້ນ​ແຫລະ​ຄື​ສິ່ງ​ທີ່​ຍາກ​ທີ່​ສຸດ 
- ບໍ່​ຄ່ອຍ​ມອງ​ໃຜ​ໃນ​ແງ່​ຮ້າຍ ​ແຕ່​ຖ້າ​ໄດ້​ອະຄະຕິ​ກັບ​ໃຜ​ແລ້ວ​ຍາກ​ທີ່​ຈະ​ເຊົາ 
- ບາງທີ ຄົນ​ເລືອດ o ກໍ່​ບໍ່​ຮູ້​ຈະ​ສັນ​ຫາ​ຄຳ​ເວົ້າ​ແບບ​ໃດ​ມາ​ປອບ​ໃຈ​ຫມູ່ ​ເຂົາ​ພຽງ​ແຕ່​ນັ່ງ​ຢູ່​ຂ້າງໆ​ເປັນ​ຜູ້​ຟັງ​ທີ່​ດີ ​ແລະ ພາວະນາ​ໃຫ້​ຫມູ່ຫາຍເສົ້າ​ໄວໆ 
- ບໍ່​ຄ່ອຍ​ໃສ່​ໃຈ​ກັບ​ສັນຍາ​ທີ່​ໃຫ້​ໄວ້​ກັບ​ຄົນ​ອື່ນ ​ຍົກ​ເວັ້ນ​ແຕ່​ວ່າ ຄົນໆ​ນັ້ນ​ຈະ​ເປັນ​ຄົນ​ສຳຄັນ​ທີ່​ສຸດ​ສຳ​ຫລັບ​ເຂົາ ( ຄ້າຍຄືຄົນບໍ່ຈິງໃຈ ເນາະ) 
- ຫາກ​ຄົນ​ເລືອດO ຜິດ​ຖຽງ​ກັນ​ເອງ ​ແປັບ​ດຽວ​ກະ​ເຊົາ 
- ມີ​ຄວາມສຸກ​ກັບ​ການ​ທີ່​ໄດ້​ເຮັດ​ໃຫ້​ຄົນ​ຮອບ​ຂ້າງ​ຍິ້ມ​ແລະ​ຫົວ​ໄດ້ 
-ຫາກ​ບໍ​ໄດ້​ຢູ່​ກັບ​ຫມູ່​ເພື່ອນ ຈະ​ຖືກ​ຄວາມ​ງຽບ​ເຫງົາ​ເຂົາ​ມາ​ຄອບ​ງວຳ​ທັນທີ 
-​ເຖິງ​ວ່າ​ຈະ​ລົມ​ກັບ​ໃຜ​ຜູ້​ຫນຶ່ງ​ຈົນ​ຫມັ້ນ​ໃຈ​ວ່າ​ຄົນໆ​ນັ້ນ​ກໍ່​ຄິດ​ຄື​ກັນ​ກັບ​ເຂົາ ​ແຕ່​ກໍ່​ຍັງ​ບໍ່​ກ້າ​ທີ່​ຈະ​ບອກ​ຄວາມ​ຮູ້ສຶກ​ທີ່​ແທ້​ຈິງ​ຂອງ​ຕົນ​ເອງ (ບອກ​ຮັກ​ຍາກ​ກກກ) 
-ມັກ​ຕັດສິນ​ໃຈ​ ຄົນ​ອື່ນ​ຈາກຕວາ​ມປະ​ທັບ​ໃຈ​ແລກ​ພົບ First Impression 
- ມັກ​ມອງ​ຄົນ​ທີ່​ຫນ້າ​ຕາ​ແລະ ບຸກຄະ​ລິກພາຍ​ນອກ 
- ​ໃສ່​ໃຈຄວາມ​ຮູ້​ສື​ກຂອງ​ເພື່ອນ​ສະ​ເຫມີ 
3. ນິ​ໃສ, ທັດສະນະ​ຄະຕິ : ອາລົມ​ດີ ລ່າ​ເລິງ ​ແຈ່ມ​ໃສ ​ແຕ່​ມີ​ໂລກ​ສ່ວນ​ຕົວ​ສູງ 
- ມັກ​ເວົ້າ​ຫລາຍ….​ເວົ້າ​ຫລາຍ​ຈົນ​ກາຍ​ເປັນ​ຝອຍ ​ແລະ​ມັກ ​ເປີດ​ປະ​ເດັນ​ການ​ນິນທາ ອີກ​ດ້ວຍ 
- ອາ​ທະຍາ​ໃສ​ດີ ສະຫນຸກ​ສະຫນາ​ນ ຫນ້າ​ຮັກ ​ແລະ​ເປັນ​ຄົນ ມີສະ​ເຫ​ນ່ 
- ເປັນ​ຄົນ​ເບື່ອ​ງ່າຍ ​ແລະ ຄວາມ​ອົດທົນ ບໍ່​ສູງ ​ແຕ່​ມີ​ຄວາມ​ສາມາດ​ໃນ​ການສະ​ແດງ​ອອກ 
- ເປັນ​ບ້າ​ມັກ​ຍ້ອງ ມັກ​ໃຫ້​ຄົນ​ອື່ນ​ຍ້ອງ​ໂຕ​ເອງ ຮາ​ຮາ​ຮາ​ຮາ 
- ​ເປັນ​ຄົນ​ໃຈດີ ​ແຕ່​ເວລາ​ໄດ້​​ເຢັນ​ຊາ​ກໍ່​ເຢືອກ​ເຢັນ​ຈົນ​ເປັນຕາ​ຢ້ານ 
- ​ເຫັນ​ວ່າ​ເປັນ​ຄົນ​ໃຈດີ ​ແຕ່​ມີ​ໂລກສ່ວນ​ຕົວ​ສູງ​ເດີ ​ແຖມ​ຍັງ​ເປັນ​ຄົນ ຢາກ​ຮູ້ຢາກ​ເຫັນ​ຫລາຍ​ອັນ 
- ​ເວລາ​ສົນ​ໃຈ​ສິ່ງ​ໃດ​ກໍ່​ຈະ​ບ້າ​ ​ແລະ ຈົດ​ຈໍ່​ຢູ່​ກັບສິ່ງ​ນັ້ນທີ່​ສຸດ 
- ​ເປັນ​ຄົນ​ຫົວ​ດື້ ຖ້າ​ບໍ່​ໄດ້​ກໍ່​ຈະ​ເອົາ​ໃຫ້​ໄດ້ ນິ​ໃສ​ປານ​ເດັກນ້ອຍ​ເອົາ​ແຕ່​ໃຈຕົນ​ເອງ 
- ບໍ່​ມັກ​ການ​ທີ່​ຖືກ​ຄັດຄ້ານ ຫາກ​ເຂົາ​ຄິດ​ວ່າ​ສິ່ງ​ທີ່​ເຂົາ​ຄິດ​ເປັນ​ການ​ຖືກຕ້ອງ​ແລ້ວ 
- ​ເປັນ​ພວກ​ດື້​ງຽບໆ …​ແບບ ບໍ່​ຖຽງ​ແຕ່​ກະ​ບໍ່​ເຮັດ​ຕາມ 
- ​ເວລາ​ໃຈ​ຮ້າຍ ​ໃຫ້​ອະທິບາຍ​ດ້ວຍ​ເຫດຜົນ ​ເວລາ​ຮ້າຍ​ເປັນຕາ​ຢ້ານ ​ແຕ່​ຖ້າ​ຮູ້​ເຫດຜົນ​ແລ້ວ​ກໍ່​ຈະ​​ເຊົາ 
- ມັກ​ເກັບ​ຄວາມ​ຮູ້​ສື​ກ​ເວລາ​ໃຈ​ຮ້າຍ ​ແຕ່​ກະ​ບໍ່​ຄ່ອຍ​ປົກ​ປິດ​ໄດ້ 
- ​ເວລາ​ໃຈ​ຮ້າຍ ມັກ​ທຳລາຍ​ເຄື່ອງ​ຂອງ​ແບບ​ພັງ​ຈົນ​ບໍ່​ເຫລືອ​ຊາກ 
- ບໍ່​ມັກ​ຈະ​​ໃຫ້​ໃຜ​ເຫັນ​ນ້ຳຕາາ​ເວັ້ນ​ນແຕ່​ວ່າຄົນ​ນນັ້ນ​ນຄືຄົນ​ນທີ່​ເຂົາ​ວາງ​ໃຈ 
- ຖ້າ​ມື້​ໃດ​ມີ​ເລື່ອງ​ສັບສົນ​ຫລາຍ ​ໃນ​ຄືນ​ນັ້ນ​ນເຂົາ​ຈະ​ນອນ​ຄິດ​ໄປ​ໂລໆ​ເລໆ ຈົນ​ລືມ​ເລື່ອງ​ບໍ່​ດີ​ຕ່າງໆ​ນາໆ ກ່ອນຈະ​ຫລັບ​ໄປ​ຢ່າງ​ມີ​ຄວາມສຸກ 
- ​ເວລາ​ເສັຍ​ໃຈ​ຈະ​ພະຍາຍາມ​ຄວບ​ຄຸມ​ອາລົມ ​ແລະ​ຢູ່​ກັບ​ຕົວ​ເອງ​ແບບ​ງຽບໆ ​ເພື່ອ​ເປີດ​ໂອກາດ​ໃຫ້​ຕົວ​ເອງ​ຈັດການ​ກັບ​ຄວາມ​ຄິດ​ຂອງ​ຕົວ​ເອງ 
- ມັກ​ຫົວ…..ຫົວຈົນ​ຄ້າງ…ຫົວ​ຈົນ​​ໃສ້​ຂົດ​ໃສ້​ໂຂ 
- ​ເວລາ​ພະຍາຍາມ​ທຳ​ຕົວ​ໃຫ້​ດູ​ດີ​ມີ​ສະ​ເຫ​ນ່ ຄົນ​ທີ່​ເຫັນ​ກັບ​ຮູ້​ສື​ກທຳ​ມະ​ດາ ​ແຕ່​ເວລາ​ທີ່​ເຂົາ​ຢູ່​ຊື່ໆ ບໍ່​ວ່າ​ຈະ​ໃນ​ອາ​ລິ​ຍະ​ບົດ​ໃດ​ກໍ່ຕາມ ຜູ້​ພົບ​ເຫັນ​ກັບ​ມອງ​ວ່າ​ເຂົາ​ມີ​ສະ​ເຫ​ນ່ສຸດໆ 
- ​ເປັນ​ຄົນ​ລະອຽດ​ທີ່​ສຸດ​ດດ ​ສົມມຸດ​ວ່າ​ໃຫ້​ຂຽນ​ບົດ​ເລື່ອງ​ຈັກ 1 ຫນ້າ ​ເຂົາ​ຕ້ອງ​ແທກ​ລະຍະ​ຫາງ​ຂອງ​ຫນ້າ​ເຈ້ຍ​ໃຫ້​ເທົ່າ​ກັນ​ທັງ 4 ດ້ານ ກ່ອນ​ລົງມື​ຂຽນ 
- ​ໃນ 4 ຫມວດ​ເລືອດ ຄົນ​ຫວມດ​ເລືອດ O ມັກ​ຄິດ​ເຂົ້າ​ຂ້າງ​ຕົວ​ເອງ​ທີ່​ສຸດ 
- ມັກ​ນ້ອຍ​ໃຈ ​ແຕ່​ບໍ່​ຄ່ອຍ​ສະ​ແດງ​ອອກ 
- ຫາກ​ຈະ​ຮ້ອງ​ໄຫ້ ມັກ​ຮ້ອງ​​ໄຫ້​ເວລາ​ຢູ່​ຄົນ​ດຽວ ​ແຕ່​ເວລາ​ຢູ່​ກັບ​ຄົນ​ອື່ນ ຈະ​ທຳ​ທ່າ​ເປັນ​ຄົນເຂັ້ມ​ແຂງ 
- ​ເປັນ​ຄົນ​ຮັກ ​ແລະ​ສົງສານ​ສັດ ຈະ​ຫນາດ​ມົດ​ໂຕ​ຫນຶ່ງ​ຊິ​ຈົມ​ນ້ຳ​ຕາຍ​ກະ​ຍັງ​ໄປ​ຊ່ວຍ​ມັນ​ຂຶ້ນ​ມາ 
- ​ເວລາ​ເສົ້າ​ພຍງ​ເຂົາ​ໄດ້​ລະບາຍ​ຄວາມ​ຮູ້​ສື​ກ ​ໃຫ້​ໃຜ​ຜູ້​ຫນຶ່ງ​ຟັງ​ກໍ່​ຄ່ອຍໆຮູ້​ສື​ກດີ​ຂື້ນ​ລະ 
- ບໍ່​ມີ​ທາງ​ທີ່​ຄົນ​ຫມວດ​ເລືອດ​ນີ້ຈະ​ຍອມຮັບຫລື​ທຳ​ຕົວ​ສຳນຶກ​ຜິດ​ໃຫ້​ກັບ​ຄວາມ​ຜິດ​ທີ່​ຕົວ​ເອງ​ບໍ​ໄດ້​ກໍ່​ເດັດຂາດ 
- ​ເປັນ​ພວກ ສະຫມອງ​ດີ ​ແຕ່​ຂີ້ຄ້ານ ​ເວລາ​ພັກ​ຮຽນ​ອາຈານ​ບອກ​ໃຫ້​ອ່ານຫນັງສື​ກະ​ບໍ່​ອ່ານ ​ແຕ່​ຈະ​ມາ​ອ່ານ​ແບບ​ເອົາ​ເປັນ​ເອົາ​ຕາຍ ຕອນ​ໂຄ້ງ​ສຸດ​ທ້າຍ​ກ່ອນ​ເສັງ 
- ​ເວລາ​ບໍ່​ສະບາຍ ​ຄົນ​ເລືອດ O ຈະ​ບໍ່​ຄ່ອຍ​ໃສ່​ໃຈ​ຕົວ​ເອງ 
- ​ເປັນ​ຄົນ​ບໍ່​ມັກ​ຄິດ​ກ່ອນ​ທຳ ​ແຕ່​ພໍ​ຄິດ​ໄດ້​ມັກ​ຈະ​ມາ​ນັ່ງ​ເສຍ​ໃຈ​ພາຍຫລັງ​ເປັນ​ປະຈຳ 
- ມີ​ຄວາມ​ຄິດ​ທີ່​ຈະ​ເຮັດສິ່ງ​ໃຫມ່ໆ ຢູ່​ໃນ​ຫົວ​ເຕັມ​ໄປ​ຫມົດ ​ແຕ່​ພໍ​ເລິ່ມລົງມື​ເຮັດ​ໄປ​ໄດ້​ຫນ້ອຍ​ຫນຶ່ງ​ກໍ່​ຈະ​ເບື່ອ ​ແລະ ລົ້ມ​ເລີກ​ໃນ​ທັນທີ( ຫົວຊ້າງຫາງ​ຫນູ) 
- ມັກ​ຫວ​ງ​ເຄື່ອງຂອງ​ໂຕ​ເອງ ບໍ່​ມັກ​ໃຫ້​ໃຜ​ມາ​ຫຍຸ້ງ​ກັບ​ເຄື່ອງ​ສ່ວນ​ຕົວ 

ເຫັນຢູ່ໃນເວັບ kapook ວ່າ ກຣຸບເລືອດສາມາດບອກນິໃສໄດ້ ກະເລີຍເອົາມາໃຫ້ອ່ານ
ອ່ານແລ້ວພິຈາລະນາໄປພ້ອມວ່າ ຖືກກັບຕົວທ່ານຫລືບໍ່

ທີ່ມາ: http://www.bailane.com/

ລູກສອນ 3 ດອກ ສູ່ຄວາມສຳເລັດ

ສັດທາ ດຸໝັ່ນ ຢືດຢຸ່ນ ສາມຄໍານີ້ ແມ່ນລູກສອນ ຍິງສູ່ເປົ້າໝາຍຄວາມສໍາເລັດ (self esteem, diligent and flexible arearrows to success in life) 

ສັດທາ - ຄົນເຮົາຖ້າມີຄວາມຕັ້ງໃຈ ມຸ້ງໝັ້ນໃນເປົ້າໝາຍ ເປັນອັນດັບທໍາອິດເຮັດໃຫ້ເຮົາມີໄຊໄປເຄິ່ງໜຶ່ງ ເຖິງວ່າບາງຄົນຈະເວົ້າວ່າເຮົາເປັນຄົນບ້າ ແລະ ເຮັດໃນສິ່ງທີ່ເປັນໄປບໍ່ໄດ້ແລ້ວ 

ດຸໝັ່ນ: ຄົນເຮົາຈະມີຄວາມຝັນ ຄວາມຫວັງ ແລະ ຄວາມສັດທາຕໍ່ຕົນເອງ ຕໍ່ສິ່ງທີ່ເຮັດແຮງປານໃດກໍຕາມ ຖ້າບໍ່ລົງມືເຮັດ ແລະ ຖ້າບໍ່ພັດທະນາປັບປຸງໄປເລື້ອຍໆ ເປົ້າໝາຍທີ່ວາງໄວ້ກໍຍາກທີ່ຈະໄປເຖິງ. 

ຢືດຢຸ່ນ: ຄົນເຮົາເຖິງຈະມີຄວາມສັດທາ, ມີຄວາມດຸໝັ່ນ ແຕ່ຖ້າມື້ໃດລົ້ມລົງ ບໍ່ຈັກຈະລຸກຂຶ້ນ ບໍ່ຮູ້ຈັກຈະປັບໂຕແລ້ວ ຈະເປັນຄົນພ່າຍແພ້ໄປຕະຫຼອດການ 

ພະຍາຍາມໂປຣແກມ 3 ຄໍານີ້ ເຂົ້າໄປຍັງ ຈິດໃຕ້ສໍານຶກ ໃນທຸກໆມື້ ເພື່ອໃຫ້ມັນເຂົ້າໄປໃນສາຍເລືອດກາຍເປັນ 'ສິ່ງລໍ່ລ້ຽງຈິດວິນຍານ' 

 ຄຳສັ່ງຂອງຄົນຕາຍ

ຄາດອັດຕາເງິນເຟີ້ຂອງລາວ ອາດເພີ່ມຂຶ້ນ

ຂ່າວນີ້ອັບເດັດ ເດືອນຕຸລາ 2011

ເມື່ອ​ບໍ່​ດົນ​ມາ​ນີ້​ໄດ້​ມີ​ ການຄາດ​ຄະ­ເນ​ເຖິງ​ອັດ­ຕາ​ເງິນ​ເຟີ້ ຂອງ​ລາວ​ປີ​ນີ້​ອາດ​ແລ່ນ​ຂຶ້ນ​ຕາມ​ຕົວ​ເລກ​ຂະ­ຫຍາຍ­ຕົວ​ຂອງ​ເສດ­ຖະ­ກິດ ແລະ ຄວາມ​ຕ້ອງ­ການພາຍ​ໃນ​ເພີ່ມ​ຂຶ້ນ.

   ເຖິງ​ແມ່ນ​ວ່າ​ປະ­ຈຸ​ບັນ​ອັດ­ຕາເງິນ​ເຟີ້​ຂອງ​ລາວ​ໄດ້​ມີ​ຕົວ​ເລກຖອຍ​ລົງ​ ແລ້ວ​ກໍ່​ຕາມ ແຕ່​ກໍ່​ມີ​ການຄາດ​ຄະ­ເນ​ອອກ​ມາ​ວ່າ​ອາດ​ຍັງມີ​ຄວາມ​ສ່ຽງ​ຕໍ່​ການ​ເພີ່ມ​ ຂຶ້ນ​ອີກຂອງ​ອັດ­ຕາ​ເງິນ​ເຟີ້​ປະ­ຈຳ​ປີ​ນີ້​ມາຢູ່​ທີ່​ລະ­ດັບ 8,3% ຈາກ​ຕົວ​ເລກຄາດ​ການ​ໄວ້​ກ່ອນ​ຫນ້າ​ນັ້ນ 6,5%.

   ການ​ຄາດ​ຄະ­ເນ​ດັ່ງ­ກ່າວ​ທະນາ​ຄານ​ພັດ­ທະ­ນາ​ອາ­ຊີ ຫລື ເອດີ​ບີ ລະ­ບຸ​ວ່າ: ເກີດ​ຈາກ​ອັດ­ຕາ​ການ​ຂະ­ຫຍາຍ­ຕົວ​ຂອງ​ເສດ­ຖະ­ກິດ ໂດຍເອ​ດີ​ບີໄດ້​ປັບ​ເພີ່ມ​ການຂະ­ຫຍາຍ­ຕົວ​ຂອງ​ເສດ­ ຖະ­ກິດລາວ​ໃນ​ປີ​ນີ້​ເປັນ 8,1% ເພີ່ມ​ຂຶ້ນ 0,4% ຈາກ​ອັດ­ຕາ​ທີ່​ຄາດ​ຄະເນ​ໄວ້​ໃນ​ເດືອນ​ເມ­ສາ​ຜ່ານ​ມາ ໂດຍ​ໄດ້​ແຮງ​ຍູ້​ຈາກ​ມູນ​ຄ່າ​ການຂາຍ​ກະ­ແສ​ໄຟ­ຟ້າ ແລະ ແຮ່​ທາດທີ່​ເພີ່ມ​ຂຶ້ນ ເນື່ອງ​ຈາກ​ລາ­ຄາ​ແຮ່ທາດ​ໃນ​ຕະ­ຫລາດ​ໂລກ​ປັບ​ຂຶ້ນຢ່າງ​ຕໍ່​ເນື່ອງ.

   ນອກ­ຈາກ​ນັ້ນ ຄວາມ​ຕ້ອງການ​ສິນ­ຄ້າ​ອຸ­ປະ­ໂພກ ແລະ ບໍ­ລິ­ໂພກ​ຢູ່​ພາຍ​ໃນ​ຂອງ​ປະ­ຊາ­ຊົນ​ທີ່​ນັບ​ມື້​ເພີ່ມ​ຂຶ້ນ​ກໍ່​ເປັນ​ສ່ວນ​ ໃຫຍ່ຫນຶ່ງ​ທີ່​ສຳ­ຄັນ​ໃນ​ການ​ນຳ​ເອົາອັດ­ຕາ​ເງິນ​ເຟີ້​ຈາກ​ຕ່າງ­ປະ­ເທດ ນຳ​ເຂົ້າໆ​ສູ່​ລາວ ເນື່ອງ​ຈາກ ສປປ ລາວ​ເປັນ​ປະ­ເທດ​ທີ່​ນຳ​ເຂົ້າຫລາຍ.

   ສຳ­ລັບ​ອັດ­ຕາ​ເງິນ​ເຟີ້​ໃນ​ລາວ ປີ​ນີ້​ເລີ່ມ​ແຕ່​ຕົ້ນ​ເດືອນ​ມັງ­ກອນໄດ້​ກະ­ໂດດ​ຂຶ້ນ​ຢ່າງ​ຕໍ່​ເນື່ອງ​ ເຖິງລະ­ດັບ 9,24% ໃນ​ເດືອນ​ເມ­ສາ​ເຮັດ​ໃຫ້​ອັດ­ຕາ​ເງິນ​ຟີ້​ສະ­ເລ່ຍ​ໃນ 6 ເດືອນ​ຕົ້ນ​ປີ​ຢູ່​ທີ່ 6,80% ແຕ່​ຫລັງ​ຈາກ​ນັ້ນ​ລັດ­ຖະ­ບານ​ກໍ່​ໄດ້​ອອກ​ມາດ​ຕະ­ການ​ໂດຍ​ສັ່ງ​ໃຫ້​ ພາກ­ສ່ວນ​ທີ່​ກ່ຽວ­ຂ້ອງ​ຂອງ​ບັນ­ດາ​ກະ­ຊວງ, ອົງ­ການລວມ​ທັງ ປະ­ຊາ­ຊົນ​ໃນ​ການ​ແກ້​ໄຂ​ໂດຍຮຽກ­ຮ້ອງ​ໃຫ້​ປະ­ຊາ­ ຊົນ​ປະ­ຢັດມັດ­ທະ­ຍັດ​ໃນ​ການ​ໃຊ້​ຈັບ​ຈ່າຍ ຊື້Œຂາຍ​ສິນ­ຄ້າ​ໃນ​ແຕ່​ລະ​ວັນ​ເປັນຜົນ​ໃຫ້​ອັດ­ຕາ​ເງິນ​ເຟີ້​ໃນ​ ເດືອນກໍ­ລະ­ກົດ​ລົງ​ມາ​ຢູ່​ທີ່ 7,13%.

   ແນວ­ໃດ​ກໍ່​ດີ ທ່ານ ບາ​ເຣນ ຟຣິ​ລິງຄ໌ ຮອງ​ຜູ້­ຕາງ­ຫນ້າ ເອ​ດີ​ບີ ປະ­ຈຳ​ລາວ​ກ່າວ​ວ່າ: ລັດ­ຖະ­ບານລາວ​ຕ້ອງ​ມີ​ການ​ວາງ​ນະ​ໂຍບາຍ​ກະ­ກຽມ​ຕໍ່​ການ​ຜັນ​ແປ​ທີ່ຂ້ອນ​ ຂ້າງ​ໄວ­ວາ ໂດຍ​ຕ້ອງ​ມີ​ນະໂຍ​ບາຍ​ທີ່​ດີ ເພື່ອ​ປັບ­ປຸງ​ກ່ຽວ​ກັບ ການ​ຄຸ້ມ​ຄອງ​ສະ​ຖາ​ບັນ​ການເງິນ​ລວມ​ທັງ​ລະ­ບຽບ​ການຕ່າງໆ.

   ລັດ­ຖະ­ບານ​ລາວ​ຜູ້​ອອກ​ນະໂຍ​ບາຍ​ຕ້ອງ​ໄດ້​ມີ​ການ​ປັບ­ປຸງໂຄງ​ສ້າງ​ທາງ​ດ້ານ ​ເສດ­ຖະ­ກິດໃຫ້​ມີ​ຄວາມ​ສົມ​ດຸນ​ກັນ​ບໍ່​ພຽງ ແຕ່​ອາ­ໄສ​ແຕ່​ພາກ​ສົ່ງ​ອອກ​ແຕ່ ເຮັດ​ໃຫ້​ທຸກ​ຂະ­ແຫນງ​ມີ​ສ່ວນ​ປະ ກອບ​ໃນ​ການ​ຂະ­ຫຍາຍ­ຕົວ​ຂອງເສດ­ຖະ­ກິດ. ປະ­ຈຸ​ບັນ​ ບັນ­ດາ​ປະເທດ​ອຸດ​ສະ­ຫະ​ກຳ ຫລື ບັນ­ດາປະ­ເທດ​ເສດ­ຖະ­ກິດ​ຕົ້ນ­ຕໍ​ການຂະ­ຫຍາຍ­ຕົວ​ທາງ​ດ້ານ​ເສດ​ຖະກິດ​ອາດ​ຈະ ​ຕ່ຳ​ເຖິງ​ວ່າ­ຄວາມ ຕ້ອງ­ການ​ພາຍ​ໃນ​ປະ­ເທດ​ອາ­ຊີຈະ​ເພີ່ມ​ຂຶ້ນ ແຕ່​ສິນ­ຄ້າ​ສົ່ງ​ອອກໄປ​ເອີ​ຣົບ ແລະ ອາເມ​ລິ​ກາ​ເລີ່ມຫລຸດ​ລົງ.

   ຢ່າງ­ໃດ​ກໍ່​ຕາມ ເຖິງ​ແມ່ນ​ວ່າ ເອ​ດີ​ບີ ຈະ​ມີ​ການ​ຄາດ​ການ​ວ່າ ເສດ­ຖະ­ກິດ​ຂອງ​ລາວ​ຈະ​ເພີ່ມ​ຂຶ້ນ ແຕ່​ໃນ​ທາງ​ກົງ­ກັນ­ຂ້າມ​ພັດ​ເຫັນ ວ່າ​ເສດ­ຖະ­ກິດ​ອາ­ຊີ​ປີ​ນີ້​ຈະ​ຂະຫຍາຍ​ຕົວ​ຫລຸດ​ລົງ​ຈາກ​ທີ່​ໄດ້ຄາດ​ຄະ­ເນ​ ໄວ້​ໃນ​ເດືອນ​ເມ­ສາ ເຖິງ 0,3% ແລະ ປີ 2012 ກໍ່ເຊັ່ນ​ກັນ​ຫລຸດ​ລົງ 0,2% ຂອງການ​ຄາດ​ຄະ­ເນ​ກ່ອນ​ຫນ້າ​ນັ້ນ.

   ສະ­ເພາະ​ອາ­ຊີ​ຕາ­ເວັນ​ອອກ­ສຽງ​ໃຕ້​ເສດ­ຖະ­ກິດ​ກໍ່​ອາດ​ຫລຸດ​ລົງ ຫລື ຂະ­ຫຍາຍ​ໄດ້​ພຽງ 5,4% ຈາກ​ທີ່​ໄດ້​ຄາດ​ການ​ໄວ້​ໃນ​ປີ 2010 ທີ່ 7,9%.

ລະຄອນຮັກອະມະຕະ
“ຂຸນລູ ນາງອົ້ວ”

ສາກທີ 1
(ຍິງສາວສອງຄົນທີ່ເປັນເພື່ອນກັນອາບນໍ້າຢູ່ແຄມທ່າ)

ຜູ້ເລົ່າເລື່ອງ: ແຕ່ກີ້ແຕ່ກ່ອນຍັງມີແມ່ຍິງສອງຄົນທີ່ເປັນສ່ຽວຮັກເພື່ອນແພງກັນ ໄດ້ພາກັນໄປອາບນໍ້າຢູ່ແຄມທ່າ.

ດວງຈັນ: ມື້ນີ້ ນໍ້າເຢັນແທ້ໆນໍ!

ຈໍາປີ: ແມ່ນແລ້ວ. ໂອ້! ໝາກສ້ານໄຫຼນໍ້າມາ.
(ຈຳປີຈັບໝາກໄມ້ແລ້ວຍົກໃຫ້ດວງຈັນເບິ່ງ)

ດວງຈັນ: ເປັນຕາກິນນໍ້, ຊິມີໂຊກຫຍັງເດ?

ຈໍາປີ: ເອົາ! ແບ່ງກັນກິນຄົນລະເຄິ່ງ.

ດວງຈັນ: ອື! ແຊບແທ້ໆນໍ!

ສາກທີ 2
(ຂຸນລູແລະນາງອົ້ວຕອນຍັງນ້ອຍຫຼິ້ນນຳກັນຢູ່ກ້ອງຕົ້ນງິ້ວ)

ຜູ້ເລົ່າເລື່ອງ: ເວລາຜ່ານໄປ 6 ປີ, ຢູ່ເມືອງກາຍ ມີເດັກນ້ອຍສອງຄົນຫຼິ້ນນຳກັນດ້ວຍຄວາມຮັກແພງເກືອບຕະຫຼອດເວລາ. ຜູ້ຊາຍຊື່ “ຂຸນລູ” ແລະ ແມ່ຍິງຊື່ “ນາງອົ້ວ”. ຂຸນລູເປັນລູກຂອງດວງຈັນ ແລະນາງອົ້ວເປັນລູກຂອງຈຳປີ. ຂຸນລູມີນ້ອງຊາຍຊື່ “ຂຸນຄວນ” ແລະນາງອົ້ວມີເອື້ອຍຊື່ “ເອິກແພນ”.

ຂຸນລູ: ອົ້ວ, ມາເກັບດອກງິ້ວກັບຂ້ອຍແມະ!

ນາງອົ້ວ: ໂອ້! ມີແຕ່ດອກງາມໆນໍ!

ຂຸນລູ: ແມ່ນແລ້ວ. ເອົ໊າ! ດອກນີ້ສຳລັບເຈົ້າ.

ນາງອົ້ວ: ຂອບໃຈເດີ.

ສາກທີ 3
(ຂຸນລູແລະນາງອົ້ວຕອນໃຫຍ່ແລ້ວໄປເກັບເຫັດຢູ່ປ່າ)

ຜູ້ເລົ່າເລື່ອງ: ຂຸນລູກັບນາງອົ້ວຫຼິ້ນນຳກັນຕະຫຼອດມາ, ເມື່ອເຫັນຂຸນລູຢູ່ບ່ອນໃດ ກໍເຫັນນາງອົ້ວຢູ່ບ່ອນນັ້ນ. ວັນເວລາຜ່ານໄປເຫິງນານ ລະດູຝົນກໍຜ່ານໄປຫຼາຍຮອບ… ຈົນທັງສອງໃຫຍ່ເປັນໜຸ່ມເປັນສາວ…

ຂຸນລູ: ຢູ່ແຖວນີ້ ມີແຕ່ເຫັດດອກໃຫຍ່ໆ.

ນາງອົ້ວ: ຂ້ຽວເກັບໄວໆ ຝົນຊິຕົກແລ້ວ! (ນາງອົ້ວທັງເກັບທັງຫຼຽວເບິ່ງຟ້າ)

ຂຸນລູ: ໄວໆ! ຝົນຕົກແລ້ວ! (ຂຸນລູເອົາໃບຕອງກ້ວຍກ້ານໜຶ່ງມາປົກຫົວ). ເມືອກັນເທາະ!

ນາງອົ້ວ: ໃຫ້ຂ້ອຍປົກນໍາແດ່!

ຜູ້ເລົ່າເລື່ອງ: ແລ້ວທັງສອງກໍຍ່າງຮຽງກັນເມືອ.

ສາກທີ 4
(ຈຳປີ ແມ່ຂອງນາງອົ້ວເຫັນຂຸນລູແລະນາງອົ້ວເອົາໃບຕອງກ້ານດຽວກັນປົກຫົວ)

ຜູ້ເລົ່າເລື່ອງ: ເມື່ອຂຸນລູແລະນາງອົ້ວຍ່າງມາຮອດເຮືອນ ກໍພໍດີແມ່ຂອງນາງອົ້ວຢືນຢູ່ຕໍ່ໜ້າປະຕູເຮືອນ.

ແມ່ຈໍາປີ: ເປັນຫຍັງບໍ່ເອົາໃບຕອງຄົນລະກ້ານລະລູກ?

ນາງອົ້ວ: ລູກບໍ່ມີມືຈັບເດ ເພາະຕ້ອງຫິ້ວກະຕ່າ.

ຂຸນລູ: ລູກເປັນຜູ້ຈັບໃບຕອງກັ້ງໃຫ້ອົ້ວ.

ແມ່ຈໍາປີ: ເບິ່ງຜູ້ໃດກໍໃຫຍ່ສູງແລ້ວເດີ ເຮັດຄືເປັນເດັກນ້ອຍແບບເກົ່າບໍ່ໄດ້ໄດ໋!

ຜູ້ເລົ່າເລື່ອງ: ຂຸນລູແນມເບິ່ງໜ້ານາງອົ້ວ, ຕາຕໍ່ຕາເຈິກັນ. ຈາກຄຳເຕືອນຂອງແມ່ ເຮັດໃຫ້ຫົວໃຈຂອງຄົນທັງສອງຮູ້ສຶກເຕັ້ນແຮງຜິດປົກກະຕິ ແລະແສງຕາທີ່ເຈິກັນເທື່ອນີ້ ມີຄວາມໝາຍພິເສດ ຕ່າງກັບເທື່ອທີ່ຜ່ານໆມາ.

ສາກທີ 5
(ຂຸນເທືອງ ພະຍາເມືອງຊຽງຂອນ ມີຄວາມປະສົງຢາກໄດ້ນາງອົ້ວເປັນມະເຫສີ)

ຜູ້ເລົ່າເລື່ອງ: ເມື່ອອາຍຸຍ່າງເຂົ້າສິບສີ່ ນາງອົ້ວເປັນສາວນ້ອຍທີ່ງາມຢາດຍ້ອຍ ບໍ່ມີໃຜທຽບໄດ້, ຄວາມງາມຂອງນາງຊ່າລືໄປຮອດເມືອງຊຽງຂອນ ອັນມີຂຸນເທືອງປົກຄອງຢູ່.

ຂຸນເທືອງ: ໄດ້ຍິນວ່າ ນາງອົ້ວແຫ່ງເມືອງກາຍເປັນຍິງສາວທີ່ງາມທີ່ສຸດ, ງາມກວ່າແມ່ຍິງທຸກຄົນຢູ່ໃນເມືອງຂອງເຮົາ. ດັ່ງນັ້ນ ຂ້ອຍຈຶ່ງຢາກໄດ້ນາງອົ້ວມາເປັນມະເຫສີ. ເຈົ້າຄິດແນວໃດ, ຂຸນຊື່ນ?

ຂຸນຊື່ນ: ແລ້ວແຕ່ພະຍາ.

ຂຸນເທືອງ: ຄັນຊັ້ນ, ໃຫ້ເຈົ້າໄປສູ່ຂໍນາງອົ້ວໃຫ້ຂ້ອຍມື້ອື່ນນີ້ເລີຍ!

ຂຸນຊື່ນ: ໂດຍຂ້ານ້ອຍ.

ສາກທີ 6
(ຂຸນຊື່ນໄປສູ່ຂໍນາງອົ້ວໃຫ້ພະຍາຂຸນເທືອງ)

ຜູ້ເລົ່າເລື່ອງ: ຂຸນຊື່ນໄດ້ເປັນຕົວແທນຂຸນເທືອງມາສູ່ຂໍນາງອົ້ວນໍາແມ່ຂອງນາງ ໂດຍຖືກຕ້ອງຕາມປະເພນີ.

ຂຸນຊື່ນ: ນີ້ແມ່ນເຄື່ອງໝັ້ນໝາຍທີ່ຂຸນເທືອງຝາກມາໃຫ້.

ແມ່ຈໍາປີ: ຂອບໃຈ. ແຕ່ການແຕ່ງດອງຕ້ອງເລື່ອນໄປປີໜ້າ ເພາະດຽວນີ້ນາງອົ້ວຍັງນ້ອຍຢູ່.

ຂຸນຊື່ນ: ບໍ່ເປັນຫຍັງດອກ, ຍາແມ່.

ແມ່ຈໍາປີ: ອີກຢ່າງໜຶ່ງ ນາງອົ້ວກໍບໍ່ທັນມີຄວາມຮູ້ເລື່ອງຮີດຄອງປະເພນີຢ່າງພຽງພໍເທື່ອ.

ຂຸນຊື່ນ: ຖ້າຮອດປີໜ້າຂຸນເທືອງກໍຄົງບໍ່ມີບັນຫາຫຍັງດອກ. ຄັນຊັ້ນ ຂ້ານ້ອຍຂໍລາເມືອກ່ອນເດີ.

ແມ່ຈໍາປີ: ເຈົ້າ. ໂຊກດີເດີ.

ສາກທີ 7
(ນາງອົ້ວຍັງເປັນໝູ່ຮັກທີ່ສະໜິດແໜ້ນກັບຂຸນລູ)

ຜູ້ເລົ່າເລື່ອງ: ເຖິງແມ່ນຂຸນເທືອງສົ່ງຂອງຂວັນມາໃຫ້ນາງອົ້ວ ເພື່ອສະແດງຄວາມຮັກອັນຈິງໃຈ ແຕ່ນາງອົ້ວກໍບໍ່ສົນໃຈນຳເຄື່ອງຂອງດັ່ງກ່າວ. ນາງຍັງເປັນໝູ່ຮັກທີ່ສະໜິດແໜ້ນກັບຂຸນລູຄືເກົ່າ ຈິດໃຈຂອງຄົນທັງສອງຜູກພັນບໍ່ມີຫຍັງປ່ຽນແປງ.

ຂຸນລູ: ອ້າຍເວົ້າຫຍັງເກືອບບໍ່ອອກ ທີ່ນ້ອງຈະໄປເປັນຂອງຜູ້ອື່ນ ຍ້ອນເປັນຄວາມປະສົງຂອງແມ່.

ນາງອົ້ວ: ນ້ອງຈະຮັກອ້າຍແຕ່ຜູ້ດຽວ. ຄັນໃຫ້ນາງໄກຈາກອ້າຍ ນ້ອງຂໍຕາຍເສຍດີກວ່າ.

ຂຸນລູ: ອ້າຍກໍເຊັ່ນດຽວກັນ.

ນາງອົ້ວ: ນ້ອງຂໍມອບຜ້າສະໄບຜືນນີ້ໃຫ້ອ້າຍ.

ຂຸນລູ: ຂອບໃຈ. (ຮັບເອົາມາລອງບ່ຽງບ່າ)

ຜູ້້ເລົ່າເລື່ອງ: ການພົບກັນຂອງທັງສອງ ບໍ່ຫວິດສາຍຕາຂອງນາງເອິກແພນ ຜູ້ເປັນເອື້ອຍຂອງນາງອົ້ວ.

ສາກທີ 8
(ແມ່ເອີ້ນນາງອົ້ວມາດ່າ)

ເອິກແພນ: ແມ່, ລູກເຫັນອີ່ອົ້ວໄປຫຼິ້ນກັບຂຸນລູຢູ່ໃນປ່າ.

ແມ່ຈໍາປີ: ແມ່ນຫວາ? ມັນຄືມາຊົ່ວແທ້! ເອີ້ນມັນມາຫາແມ່ດຽວນີ້.

ເອິກແພນ: ໂດຍ, ລູກຊິໄປເອີ້ນດຽວນີ້ແຫຼະ!
(ເອິກແພນເຂົ້າໄປໃນສາກ ແລະອອກມາພ້ອມກັບນາງອົ້ວ)

ແມ່ຈໍາປີ: ຄົນບໍ່ດີ ຮູ້ຢູ່ວ່າເປັນຄູ່ໝັ້ນກັບຂຸນເທືອງຢູ່ ເປັນຫຍັງຈຶ່ງເຮັດແນວບໍ່ດີຈັ່ງຊີ້, ລູກຊົ່ວ!

ນາງອົ້ວ: ລູກບໍ່ໄດ້ເຮັດໂລເລດອກແມ່. ລູກກັບຂຸນລູເປັນສ່ຽວກັນມາແຕ່ນ້ອຍ, ຮັກແພງກັນ
ແບບໝູ່ເພື່ອນ. ລູກເວົ້າອີ່ຫຼີ, ແມ່ນໃຜມາຫາຄວາມໃສ່ລູກ?

ແມ່ຈໍາປີ: ແມ່ເຫັນກັບຕາຂອງແມ່ເອງ. ພວກສູໄປຫຼິ້ນຢູ່ປ່ານໍາກັນ. ເຫຼືອໃຈເດ! ລ້ຽງມາ
ໃຫຍ່ແລ້ວ ຊໍ້າມາທໍາລາຍຄວາມຫວັງຂອງແມ່.

ນາງອົ້ວ: ພວກລູກໄປທ່ຽວຫຼິ້ນທໍາມະດາ ບໍ່ໄດ້ເຮັດແນວບໍ່ດີເລີຍ.

ແມ່ຈໍາປີ: ບໍ່ຕ້ອງມາເວົ້າ ອົມພະມາເວົ້າກໍບໍ່ເຊື່ອດອກ. ຖ້າຂຸນລູມັກແທ້ ເປັນຫຍັງບໍ່ມາເວົ້າ
ກັບແມ່.

(ຂະນະທີ່ແມ່ຈຳປີດ່ານາງອົ້ວຢູ່ນັ້ນ, ດວງຈັນແມ່ຂອງຂຸນລູກໍໄດ້ຍ່າງເຂົ້າມາ)

ແມ່ດວງຈັນ: ມີເລື່ອງຫຍັງກັນນໍ?

ແມ່ຈໍາປີ: ເປັນຫຍັງເຈົ້າປ່ອຍໃຫ້ລູກຊາຍລັກລອບນອນນໍານາງອົ້ວ. ເຈົ້າກໍຮູ້ຢູ່ແລ້ວວ່າ ຂຸນເທືອງຈະມາແຕ່ງເອົາ. ເປັນຫຍັງຈຶ່ງເຮັດແນວນີ້?

ແມ່ດວງຈັນ: ຂ້ອຍບໍ່ຮູ້ເລື່ອງເດີ. ຖ້າລູກຂ້ອຍຜິດແທ້ ເປັນຫຍັງບໍ່ມາເວົ້າກັນດີໆ. ຈະໃຫ້ເສຍເງິນເສຍຄໍາເທົ່າໃດ ຂ້ອຍກໍຊິແຕ່ງແປງຕາມປະເພນີ, ເຈົ້າບໍ່ຕ້ອງມາດ່າ!

ແມ່ຈໍາປີ: ຂ້ອຍບໍ່ຕ້ອງການສິ່ງໃດໆຂອງເຈົ້າ. ນັບແຕ່ນີ້ໄປ ຕັດຂາດກັນທຸກຢ່າງ.

ຜູ້ເລົ່າເລື່ອງ: ແລ້ວສາຍສຳພັນຂອງສອງຄອບຄົວນີ້ ກໍຂາດສະບັ້ນລົງ. ແມ່ຂຸນລູຕັດສິນໃຈພາລູກແລະຄອບຄົວໜີໄປຢູ່ເມືອງຊອງ.

ສາກທີ 9
(ຂຸນລູໄປສັ່ງນາງອົ້ວ)

ຂຸນລູ: ອ້າຍໄປແລ້ວ ໃຫ້ນ້ອງເບິ່ງເດືອນດາວ ແສງຕາເຮົາຊິຈວບກັນຢູ່ເທິງຟ້າ.

ນາງອົ້ວ: ເບິ່ງເດືອນດາວແລ້ວ ນ້ອງແຮ່ງຮູ້ສຶກເຫງົາ ເພາະບໍ່ມີອ້າຍຢູ່ໃກ້.

ຂຸນລູ: ຍັງດີກວ່າບໍ່ຄິດຮອດກັນ. ຢ່າລືມອ້າຍເດີ.

ນາງອົ້ວ: ນ້ອງລືມອ້າຍບໍ່ໄດ້ຕະຫຼອດຊາດນີ້.

ຂຸນລູ: ລາກ່ອນ, ທີ່ຮັກ.

ນາງອົ້ວ: ໂຊກດີເດີ, ອ້າຍຂຸນລູ.

ຜູ້ເລົ່າເລື່ອງ: ແລ້ວຂຸນລູກໍລາຈາກໄປ, ຕໍ່ແຕ່ນີ້ ທັງສອງຈະບໍ່ໄດ້ເຫັນໜ້າກັນອີກ…

ສາກທີ 10
(ນາງອົ້ວແລະຂຸນລູຂຽນຈົດໝາຍຫາກັນ)

ຜູ້ເລົ່າເລື່ອງ: ເຖິງວ່າຂຸນເທືອງຈະສົ່ງຂອງຂວັນມາໃຫ້ ນາງອົ້ວກໍບໍ່ໄດ້ສົນໃຈ. ນາງມອບຫົວໃຈໃຫ້ແຕ່ຂຸນລູຜູ້ດຽວ. ນາງຄິດຮອດຂຸນລູ ແລະຮູ້ສຶກທຸກໃຈຄືນົກນ້ອຍທ່າມກາງສາຍຝົນ. ດັ່ງນັ້ນ ເພື່ອຫຼຸດຜ່ອນຄວາມໂສກເສົ້າ ນາງຈຶ່ງຂຽນຈົດໝາຍຫາຂຸນລູ.

ນາງອົ້ວ: ສີເອີຍ! ເອົາຈົດໝາຍນີ້ໄປສົ່ງໃຫ້ອ້າຍຂຸນລູໃຫ້ຂ້ອຍແດ່! ຢ່າໃຫ້ແມ່ເຫັນເດີ!

ສີ: ເຈົ້າ. ຂ້ອຍຈະບໍ່ໃຫ້ເພິ່ນເຫັນດອກ.

ນາງອົ້ວ: ຢ່າລືມບອກໃຫ້ຂຸນລູຂຽນຕອບແດ່ເດີ!

ສີ: ເຈົ້າ.

ຜູ້ເລົ່າເລື່ອງ: ຈາກນັ້ນນາງສີ ຄົນໃຊ້ຂອງນາງອົ້ວກໍໄດ້ເດີນທາງໄປສົ່ງຈົດໝາຍໃຫ້ຂຸນລູທີ່ເມືອງຊອງ.

ສີ: ສະບາຍດີ, ອ້າຍຂຸນລູ.

ຂຸນລູ: ສະບາຍດີ, ສີ. ເຈົ້າມາເຮັດຫຍັງ?

ສີ: ຂ້ອຍມີຈົດໝາຍຂອງນາງອົ້ວມາໃຫ້ເຈົ້າ.

ຂຸນລູ: ຈົດໝາຍນາງອົ້ວຫວາ? (ຂຸນລູສະແດງຄວາມດີໃຈ ແລະເປີດຈົດໝາຍອ່ານ ໂດຍມີສຽງຂອງນາງອົ້ວດັງອອກມາ)
“ ອ້າຍຂຸນລູທີ່ຮັກແລະຄິດເຖິງ!
ໃນຊາດນີ້ ນ້ອງຂໍຮັກອ້າຍແຕ່ຜູ້ດຽວ. ສຳລັບຂຸນເທືອງນັ້ນ ນ້ອງໄດ້ຕັດຂາດໄປແລ້ວ. ຂໍໃຫ້ອ້າຍຢ່າໄດ້ລືມນ້ອງເດີ.
ຮັກແລະຄິດເຖິງສະເໝີ. ຈາກອົ້ວ. ”

ຜູ້ເລົ່າເລື່ອງ: ເມື່ອອ່ານຈົດໝາຍຈົບແລ້ວ, ຂຸນລູກໍຟ້າວຟັ່ງຂຽນຕອບທັນທີ.

ຂຸນລູ: ສີ! ເອົາຈົດໝາຍນີ້ໄປໃຫ້ນາງອົ້ວ ແລະບອກລາວວ່າ ອ້າຍຄິດເຖິງອົ້ວຢູ່ສະເໝີ ແລະຈະໄປຫາອົ້ວໄວໆນີ້ລະ.

ສີ: ເຈົ້າ. ຂໍລາໄປກ່ອນເດີ.

ຂຸນລູ: ໂຊກດີ.

ຜູ້ເລົ່າເລື່ອງ: ເມື່ອໄດ້ຮັບຈົດໝາຍຈາກຂຸນລູແລ້ວ ສາວໃຊ້ຂອງນາງອົ້ວກໍຟ້າວເດີນທາງກັບຄືນເມືອງກາຍທັນທີ ແລະກໍໄດ້ເອົາຈົດໝາຍໃຫ້ນາງອົ້ວ.

ສີ: ນີ້ແມ່ນຈົດໝາຍຂອງອ້າຍຂຸນລູ.

ນາງອົ້ວ: ຂອບໃຈເດີ, ສີ. (ນາງອົ້ວຈັບເອົາຈົດໝາຍ ແລະຈີກອອກມາອ່ານ)
“ ອົ້ວທີ່ຮັກແລະຄິດເຖິງ!
ອ້າຍດີໃຈຫລາຍທີ່ໄດ້ຮັບຈົດໝາຍນ້ອງ. ອ້າຍຍັງຮັກນ້ອງຄືເກົ່າ ແລະຫວັງຈະເປັນຄູ່ຊີວິດກັບນ້ອງພຽງຜູ້ດຽວ. ວັນເສົາຊິມານີ້ ອ້າຍຈະເດີນທາງມາຫານ້ອງ. ຂໍໃຫ້ນ້ອງຈົ່ງລໍຖ້າອ້າຍເດີ. ຮັກສະເໝີ. ຂຸນລູ ”

ສາກທີ 11
(ຂຸນລູປອມຕົວມາພົບນາງອົ້ວ)

ຜູ້ເລົ່າເລື່ອງ: ເມື່ອຮອດວັນນັດ ຂຸນລູກໍເດີນທາງເຂົ້າເມືອງກາຍ ເພື່ອພົບກັບນາງອົ້ວ ໂດຍປອມ
ຕົວເປັນຊາວພູດອຍທີ່ເອົາສັດປ່າມາຂາຍ.

ຂຸນລູ: ກະຮອກສອງໂຕແລກເກືອຫໍ່ໜຶ່ງ, ເອົາບໍ່?

ສີ: ຂຸນລູຫວາ?

ຂຸນລູ: ແມ່ນແລ້ວ.

ສີ: ມາກັບຂ້ອຍພີ້. ຂ້ອຍຊິພາໄປຫານາງອົ້ວ.

ຜູ້ເລົ່າເລື່ອງ: ແລ້ວສາວໃຊ້ກໍພາຂຸນລູໄປຫານາງອົ້ວໃນເຮືອນໂດຍບໍ່ມີໃຜເຫັນ. ທັງສອງຊົມກັນດ້ວຍຄວາມຄິດຮອດ.

ນາງອົ້ວ: ອ້າຍຂຸນລູ, ນ້ອງຢູ່ກັບນໍ້າຕາທຸກໆມື້. ຍາມໃດກໍຄິດເຫັນແຕ່ໜ້າອ້າຍ. ກິນເຂົ້າບໍ່ແຊບ ນອນກໍບໍ່ຫຼັບ.

ຂຸນລູ: ອ້າຍກໍຄືກັນ.

ຜູ້ເລົ່າເລື່ອງ: ທັງສອງຢູ່ນໍາກັນຕະຫຼອດຄືນ ແລະເຂົ້າໃຈໃນຄວາມຮັກຂອງກັນແລະກັນ ຈົນຮອດເຊົ້າມື້ໃໝ່…

ສາກທີ 12
(ແມ່ຈຳປີຮູ້ວ່າຂຸນລູຢູ່ໃນຫ້ອງຂອງລູກສາວ)

ຄົນຄົວກິນ: ຍາແມ່ເອີຍ! ຂຸນລູເຂົ້າມານອນຢູ່ຫ້ອງນາງອົ້ວ.

ແມ່ຈໍາປີ: ແມ່ນແທ້ຫວາ? (ຮ້ອງຂຶ້ນພ້ອມທັງແລ່ນໄປທີ່ຫ້ອງຂອງນາງອົ້ວ, ຕົບເອິກຕົນເອງ ແລ້ວເວົ້າກັບນາງອົ້ວ)
ໂອ້ຍ! ລູກນີ້ຕັ້ງເຮັດແນວບໍ່ດີນໍ! ແມ່ບອກແລ້ວກໍບໍ່ຟັງ.
(ແລ້ວອວ່າຍໄປໃສ່ຂຸນລູ)
ໄປ! ຮີບໜີໄປ ຢ່າມາຢູ່ໜີ້! ຄົນຊົ່ວ!

ຂຸນລູ: ລູກນີ້ ຮັກນາງອົ້ວແທ້ໆ. ຂໍໃຫ້ແມ່ເຫັນໃຈ. ລູກຍອມເຮັດທຸກຢ່າງຕາມທີ່ແມ່ຕ້ອງການ.

ແມ່ຈໍາປີ: ບໍ່ຕ້ອງເວົ້າຫຼາຍຮີບໜີດຽວນີ້.

ສາກທີ 13
(ຂຸນເທືອງມາຂໍແຕ່ງດອງກັບນາງອົ້ວ)

ຜູ້ເລົ່າເລື່ອງ: ເມື່ອໄດ້ຍິນຂ່າວວ່າຂຸນລູກັບນາງອົ້ວຍັງລັກໄປພົບກັນຢູ່ ຂຸນເທືອງກໍຟ້າວຟັ່ງເອົາ
ເຄື່ອງບັນນາການຈໍານວນຫຼວງຫຼາຍເດີນທາງມາຂໍແຕ່ງດອງກັບນາງອົ້ວຢູ່ເມືອງກາຍທັນທີ.

ຂຸນເທືອງ: ນີ້ແມ່ນຄ່າດອງ, ຂໍໃຫ້ແມ່ຮັບເອົາທ້ອນ.

ແມ່ຈໍາປີ: ໂອ! ຫຼາຍແທ້ໆນໍ. ຂອບໃຈເດີ.

ຂຸນເທືອງ: ນາງອົ້ວເດ, ຢູ່ໃສ? ເອີ້ນອອກມາໃຫ້ລູກເຫັນແດ່ແມ້!

ແມ່ຈໍາປີ: ອົ້ວເອີຍ! ອົ້ວ! ອອກມາພີ້ແມ້! ອອກມາໃຫ້ຂຸນເທືອງເຫັນໜ້າແດ່!

ຜູ້ເລົ່າເລື່ອງ: ເມື່ອແມ່ເອີ້ນດັ່ງນັ້ນ ນາງອົ້ວກໍອອກມາພົບກັບຂຸນເທືອງດ້ວຍທ່າທີບໍ່ຄ່ອຍພໍໃຈ.

ຂຸນເທືອງ: ໂອ້! ຈັ່ງແມ່ນງາມແທ້ນໍ!

ແມ່ຈໍາປີ: ຂຸນເທືອງມາຂໍເປັນພີ່ເປັນນ້ອງ. ຖ້າລູກຕອບຮັບ ແມ່ກໍຈະຈັດພິທີແຕ່ງດອງໃນມື້ອື່ນນີ້ໂລດ. ລູກບໍ່ມີບັນຫາແມ່ນຕວ່າ?

ນາງອົ້ວ: ຖ້າເປັນຄວາມຕ້ອງການຂອງແມ່, ລູກກໍບໍ່ຂີນ.

ສາກທີ 14
(ນາງອົ້ວຂ້າຕົວຕາຍ)

ຜູ້ເລົ່າເລື່ອງ: ເຖິງນາງອົ້ວຈະຕອບຕົກລົງກັບແມ່ ແຕ່ຈິດໃຈຂອງນາງຍັງຮູ້ສຶກປ່ຽວພອຍ. ໃນຫົວໃຈຂອງນາງມີແຕ່ຂຸນລູເທົ່ານັ້ນ… ເພື່ອຈະບໍ່ໄດ້ແຕ່ງດອງກັບຂຸນເທືອງນາງຈຶ່ງຕັດສິນໃຈເຂົ້າໄປໃນປ່າ…

ນາງອົ້ວ: ຢູ່ດີເດີ ເຮືອນຊານທີ່ເຄີຍຢູ່ເອີຍ… ຂ້ອຍຕ້ອງຂໍລາໄປຈົນຕະຫຼອດຊີວິດ…

(ເມື່ອນາງອົ້ວໄປຮອດປ່າແລ້ວ ນາງກໍຂໍຮ້ອງຕົ້ນຈວງຈັນໃຫ້ກ່ອງງ່າລົງມາ ເພື່ອນາງຈະໄດ້ຜູກຄໍຕົນເອງ)

ນາງອົ້ວ: ຈວງຈັນເອີຍ… ກ່ອງງ່າເຈົ້າລົງມາເອົາຂ້ອຍແດ່ທ້ອນ.

ຜູ້ເລົ່າເລື່ອງ: ຕົ້ນຈວງຈັນກ່ອງງາລົງ ແລະນາງອົ້ວກໍຈັບງ່າໄວ້.

ນາງອົ້ວ: ອ້າຍຂຸນລູ ນ້ອງຂໍລາໄປກ່ອນ ຊາດໜ້າຈຶ່ງພົບກັນໃໝ່.

(ຮ່າງຂອງນາງອົ້ວກໍຫ້ອຍຕ້ອນແຕ້ນຢູ່ງ່າຈວງຈັນ)

ສາກທີ 15
(ຂຸນລູຂ້າຕົວຕາຍ)

ຜູ້ເລົ່າເລື່ອງ: ເມື່ອໄດ້ຍິນຂ່າວວ່ານາງອົ້ວຂ້າຕົວຕາຍ, ຂຸນລູກໍແລ່ນໄປຫານາງອົ້ວທີ່ຕົ້ນຈວງຈັນ.

ຂຸນລູ: ອົ້ວ! ເມື່ອບໍ່ມີນ້ອງແລ້ວ, ອ້າຍກໍບໍ່ຂໍມີຊີວິດຢູ່ອີກຕໍ່ໄປ. ອ້າຍຈະໄປພົບນ້ອງຢູ່ເທິງຟ້າພຸ້ນ.
(ເວົ້າແລ້ວກໍຊັກເອົາດາບຂຶ້ນມາປາດຄໍຕົນເອງ ແລະກໍລົ້ມຕາຍໄປນໍານາງອົ້ວ)

ຜູ້ເລົ່າເລື່ອງ: ຈາກນັ້ນວິນຍານຂອງຂຸນລູແລະນາງອົ້ວກໍລອຍຂຶ້ິນສະຫວັນ ເປັນວິນຍານຮັກອັນອະມະຕະ ເຊິ່ງກ່າວຂານກັນຈົນມາຮອດປັດຈຸບັນນີ້.

(ຈົບ)

ຂໍຂອບໃຈເວັບ ໃບລານ

ຫຍ້ຳຊີງອົ້ມ ລະວັງເກີດຮອຍແຫ່ວຍານເທິງໃບຫນ້າ 

ໃຜທີ່ມັກຫຍ້ຳຊີງອົ້ມເມື່ອຫຍ້ຳໄປແລ້ວກໍ່ມັກເປົ່າເປັນປຸມເປົ້າໂຊໃຫ້ຄົນອື່ນເຫັນວ່າຕົນເອງມີຄວາມສາມາດ, ແຕ່ຖ້າຖາມຜູ້ເຖົ້າ ຫລື ພໍ່ແມ່ແລ້ວ ວ່າການເຮັດພຶດຕິກຳແບບນີ້ເພິ່ນຈະມັກບໍ່ເພາະຖືວ່າເປັນພຶດຕິກຳທີ່ບໍ່ເຫມາະສົມປານໃດ, ແຕ່ສຳລັບເຍົາວະຊົນຫລືໄວຫນຸ່ມແລ້ວພວກເຂົາຈະຄິດ ທັນທີວ່າໃຜທີ່ມັກເວົ້າແລະມັກຫ້າມການຫຍ້ຳຊີງອົ້ມໃນທີ່ສາທາລະນະຫລືສະຖານທີ່ຕ່າງໆກໍ່ຕາມນັ້ນຖືວ່າເປັນເລື່ອງຫນ້າເບື່ອຫນ່າຍຫລາຍສ ຳລັບພວກເຂົາ.

   ມື້ນີ້ຜູ້ປົກຄອງອາດຈະມີເຫດຜົນໃຫມ່ນຳໄປອະທິບາຍຫລືສອນໃຫ້ເດັກເຖິງຂໍ້ເສຍໃນການຫຍ້ຳຊີງອົ້ມໂດຍສະເພາະສາວໆບອກພວກເຂົາໃຫ້ ເຊົາຫ ຍ້ຳໄດ້ແລ້ວເພາະມີຂ່າວຈາກອາເມລິກາກ່າວວ່າ: ການຫຍ້ຳຊີງອົ້ມເປັນປະຈຳນັ້ນສົ່ງຜົນເຮັດໃຫ້ເກີດຮອຍແຫ່ວຍານເທິງໃບຫນ້າ ແລະ ຮອຍ ແຫ່ວຍານບໍລິເວນອ້ອມປາກເຊິ່ງເປັນຮອຍທີ່ບໍ່ເປັນຕາເບິ່ງແລະທຸກຄົນບໍ່ປາຖະຫນາຈະຢາກມີເລີຍ.

   ດຣ. ໂຈເອລຊະເກລຊິງເກີ  ແພດດ້ານສັນຍະກຳໃນໂອມາຮາເປີດເຜີຍວ່າ: ສັງເກດເຫັນລູກຄ້າຫລືຄົນປ່ວຍທີ່ມາຍົກຫນັງຫນ້າໃຫ້ເຄັ່ງຕຶງນັ້ນ ສ່ວນຫລາຍແລ້ວມີນິດໄສມັກຫຍ້ຳຊີງອົ້ມເປັນຊິວິດຈິດໃຈແລະສາວໆເຫລົ່ານີ້ກໍ່ຈະມີຮອຍແຫ່ວຍານໃຫ້ເຫັນຢ່າງຊັດເຈນເທິງໃບຫນ້າບໍລິເວນປາກ ດັ່ງນັ້ນຂໍແນະນຳວ່າການຫຍ້ຳຊີງອົ້ມຕິດຕໍ່ກັນຕັ້ງແຕ່ 5-20 ນາທີເປັນປະຈຳທຸກມື້ຈະເປັນອັນຕະລາຍຕໍ່ຄວາມງາມແລະຄວາມເຄັ່ງຕຶງເທິງໃບຫນ້າ ຫລາຍ. ຢ່າງໃດກໍ່ຕາມຂໍ້ມູນບໍ່ໄດ້ໃຫ້ຮູ້ເຖິງຄົນທີ່ຢ້ຳຊີງອົ້ມໃນບາງໂອກາດຫລືຄົນທີ່ຫຍ້ຳຊີງອົ້ມເພື່ອດັບກິ່ນປາກໃນບາງເວລາ, ແຕ່ກ່າວເຖິງກຸ່ມ ຄົນທີ່ຕື່ນນອນມາກໍ່ຕ້ອງຫຍ້ຳໃນປາກແລະຕະຫລອດເວລາບໍ່ວ່າຈະຢູ່ໃນສະຖານທີ່ໃດກໍ່ຕາມລະວັງທ່ານຈະໄດ້ເສຍເງິນເພື່ອປິ່ນປົວຄວາມແຫ່ວຍານເ ທິງໃບຫນ້າຫລາຍກວ່າຄົນປົກກະຕິທົ່ວໄປ.

   ຜູ້ຊ່ຽວຊານດ້ານສຸຂະພາບສ່ວນຫນຶ່ງອອກມາຄັດຄ້ານແນວຄິດກ່ຽວກັບໂທດຂອງການຫຍ້ຳຊີງອົ້ມຕໍ່ຄວາມງາມວ່າ: ຖ້າປຽບທຽບແລ້ວຈະມີ ປະໂຫຍດສຳລັບຫລາຍຄົນເຊັ່ນເຮັດໃຫ້ລົມຫາຍໃຈສະອາດ, ເຮັດໃຫ້ສຸຂະພາບປາກດີ, ຊ່ວຍກຳຈັດເສດອາຫານທີ່ຕິດ ຕາມຫວ່າງແຂ້ວ, ຊ່ວຍຄົນ ທີ່ກຳລັງຢາກຫລຸດຄວາມຕຸ້ຍໃຫ້ຮັບປະທານອາຫານຫນ້ອຍລົງ, ຊ່ວຍຫລຸດຄວາມຕື່ນເຕັ້ນແລະຊ່ວຍເຮັດໃຫ້ເກີດສະມາທິສຳລັບນັກກີລາເປັນຕົ້ນ.

   ສະຫລຸບວ່າອັນໃດທີ່ຫລາຍເກີນໄປມັນກໍ່ອາດສົ່ງຜົນເສຍຕາມມາເຊັ່ນດຽວກັບການຫຍ້ຳຊີງອົ້ມຄວນຈະມີໃນບາງເວລາເພື່ອໃຫ້ເກີດປະໂຫຍດຕໍ່ ຮ່າງກາຍກໍ່ພຽງພໍແລ້ວ, ແຕ່ຢ່າຫຍ້ຳຕະຫລອດເວລາຫລືຢ້ຳດົນໆອາດຈະໄດ້ຮອຍແຫ່ວຍານຕາມມາກໍ່ເປັນໄດ້.

ວິທີປະຢັດແບັດເຕີຣີໂທລະສັບມືຖື

ປະ­ຈຸ​ບັນ ​ໂທລະ­ສັບ​ມື​ຖື​ຈະມີ​ແອບ​ພຣິ​ເຄ​ເຊິນ​ຫລາຍ​ໃຫ້ຫລິ້ນ, ແຕ່​ການ​ຫລິ້ນ​ໂທລະ­ສັບນັ້ນ​ຈະ​ເຮັດ​ໃຫ້​ແບັດ​ເຕີ​ຣີ​ໃນ​ການໃຊ້​ງານ​ນັ້ນ​ ຫມົດ​ໄວ​ເຮັດ​ໃຫ້ຕ້ອງ​ຄອຍ​ສາກ​ແບັດ​ເຕີ​ຣີ​ເລື້ອຍໆ ເພື່ອ​ເປັນ​ການ​ປະ­ຢັດ​ອຸ­ປະ­ກອນການ​ສື່­ສານ​ໃຫ້​ໃຊ້​ໄດ້​ດົນ​ທາງເວັບ​ໄຊ it24hrs.com ຈິ່ງ​ມີ ວິ­ທີ​ງ່າຍໆ​ໃນ​ການ​ປະ­ຢັດ​ແບັດເຕີ​ຣີ​ມາ​ແນະ­ນຳ​ກັນ.

   1ຄວນ​ປິດ​ບູ​ທູດ (Bluetooth) ທັນ­ທີ​ເມື່ອ​ບໍ່​ໃຊ້​ງານ, ປິດ​ຫູ​ຟັງ​ຊະ­ນິດ​ບໍ່​ມີ​ສາຍ ຫລື ໂອນ​ເອກ​ກະ​ສານ​ແບບ​ບໍ່​ມີ​ສາຍ.

   2ເຊົາ​ໃຊ້ Wireless Network ລະ­ບຸ​ຕຳ­ແຫນ່ງ ຖ້າ​ທ່ານ​ບໍ່ໄດ້​ອອກ​ໄປ​ນອກ​ເຮືອນ ຖ້າ​ຈະອອກ​ໄປ​ທາງ​ນອກ​ຈິ່ງ​ເປີດ​ໃຊ້ງານ​ກໍ່​ໄດ້.

   3ປິດ GPS ໄວ້​ເລີຍ​ກໍ​ລະນີ​ບໍ່​ໃຊ້​ເພາະ​ຖ້າ​ເປີດ​ໄວ້ ຈະ​ເຮັດໃຫ້​ກິນ​ພະ­ລັງ­ງານ​ຫລາຍໆ ຈະ​ເປິດ​ໄວ້​ສະ­ເພາະ​ຍາມ​ຈຳ­ເປັນໃນ​ການ​ອອກ​ເດີນ­ທາງ​ເທົ່າ​ນັ້ນ, ຍົກ­ເລີກ AlwaysŒOn Mobile Data ສຳ­ລັບ Android ຖ້າ​ທ່ານ​ບໍ່​ຄ່ອຍ​ໃຊ້​ແບບ​ທີ່​ຕໍ່​ກັບ​ອິນເຕີ​ເນັດ​ຕະ­ຫລອດ​ເວ­ລາ.

   4ປິດ Wi-Fi ແລະ ການເຊື່ອມ​ຕໍ່​ອິນ​ເຕີ​ເນັດ​ຜ່ານ 3G ກໍລະ​ນີ​ທ່ານ​ບໍ່​ໄດ້​ໃຊ້​ອິນ​ເຕີ​ເນັດ ຖ້າທ່ານ​ຕ້ອງ­ການ​ໃຊ້​ອິນ​ເຕີ​ເນັດ ຖ້າ​ມີ​ສັນ­ຍານ Wi-Fi ທ່ານ​ບໍ່ ຕ້ອງ​ເປີດ 3G  ພ້ອມ​ກັນ ໂດຍການ​ເປີດ​ຮັບ​ສັນ­ຍານ Wi-Fi ນັ້ນ​ຈະ​ກິນ​ພະ­ລັງ­ງານ​ແບັດ​ເຕີ​ຣີຫນ້ອຍ​ກວ່າ​ແບບ 3G.

   5ຕັ້ງ​ຄ່າ​ເວ­ລາ​ດັບ​ໄຟ​ຫນ້າ​ຈໍ​ໂທລະ­ສັບ​ມື​ຖື​ໃຫ້​ໄວ​ຂຶ້ນ​ຈະ​ຊ່ວຍປະ­ຢັດ​ ແບດ​ເຕີ​ລີ​ໄດ້​ຫລາຍພໍ​ສົມ­ຄວນ, ຕັ້ງ​ຄ່າ​ຄວາມ​ສະຫວ່າງ​ໃນ​ໂທລະ­ສັບ​ມື​ຖື​ໃຫ້ຫນ້ອຍ​ລົງ ຖ້າ​ມີ​ແບບ​ການ​ຕັ້ງ​ອັດຕະ​ໂນ​ມັດ​ກໍ່​ຄວນ​ເລືອກ​ຕັ້ງ​ແບບ​ອັດ­ຕະ­ໂນ­ມັດ.  

   6ຖ້າ​ທ່ານ​ໃຊ້​ຫນ້າ​ຈໍ​ສະ­ແດງ ຜົນ​ແບບ Amoled ໃນ​ໂທລະ­ສັບ ມື​ຖື​ຄວນ​ຈະ​ເລືອກ​ໃຊ້​ພາບ​ເບື້ອງ​ຫລັງ​ຫນ້າ​ຈໍ​ໂທລະ­ສັບ​ເປັນ​ສີ­ດຳ ຈະ​ຊ່ວຍ​ປະ­ຢັດ​ແບັດ​ເຕີ​ຣີ.

   7ສຳ­ລັບ​ໃຜ​ທີ່​ໃຊ້​ໂທລະ­ສັບ Android, Nokia ທີ່​ມີ Widget ແລະ ລວມ​ເຖິງ​ພາບ​ຫນ້າຈໍ​ແບບ​ເຄື່ອນ​ໄຫວ​ຄວນ​ເລືອກ​ພາບ​ແບບ​ບໍ່​ເຄື່ອນ​ໄຫວ​ດີ​ ກວ່າ ແລະຫລຸດ​ການ​ໃຊ້ Widget ປະດັບ​ຫນ້າ​ຈໍ​ໂທລະ­ສັບ ເພາະ​ຈະເຮັດ​ໃຫ້​ໂທລະ­ສັບ​ຂອງ​ທ່ານຕ້ອງ​ດຶງ​ຂໍ້​ມູນ​ເຂົ້າ​ມາ​ສະ­ແດງຜົນ​ໃນ​ ສ່ວນ​ຂອງ​ການ​ເຮັດ​ດ້ານ ຫລັງ​ຕະ­ຫລອດ​ເວ­ລາ ຖ້າ​ມີຫລາຍ​ກໍ່​ຈະ​ເຮັດ​ໃຫ້​ກິນ​ພະ­ລັງງານ​ຫລາຍ.

from: www.ecom.org.la

6 ພຶດຕິກຳທີ່ເຮັດໃຫ້ຜິວເຖົ້າກ່ອນໄວ

ເມື່ອ​ເອີ່ຍ​ເຖິງ​ເລື່ອງ​ຮ່ອງ­ຮອຍ​ຕ່າງໆ​ຢູ່​ເທິງ​ໃບ​ໜ້າ ເຊື່ອ​ວ່າ​ຄົງ​ບໍ່​ມີ​ໃຜ​ຢາກ​ໃຫ້​ເກີດ​ແທ້ໆ ຖ້າ​ຫາກ​ເປັນ​ໄປ​ໄດ້​ໃຜໆ​ກໍ​ຢາກ​ມີ​ຜິວ​ພັນ​ທີ່​ສົດ­ໃສ ເຄັ່ງ​ຕຶງ​ຢູ່​ຕະ­ຫຼາດ​ເວ­ລາ ເຖິງ​ແມ່ນ​ວ່າ​ອາ­ຍຸ​ກະ­ສຽນ ຈະ​ໄປ​ຮອດ​ຫຼັກ​ໃດ​ແລ້ວ​ກໍ​ຕາມ ມີ​ຫຼາຍ​ຄົນ​ເຮັດ​ສາ­ລະ­ພັດ​ວິ­ທີ ແຕ່​ກໍ​ບໍ່​ສາ­ມາດ​ຄົງ​ຄວາມ​ສົດ­ໃສ​ຂອງ​ຜິວ​ໄວ້​ໄດ້​ນັ້ນ ອາດ​ຈະ​ເປັນ​ພຶດ­ຕິ​ກຳ​ທີ່​ຄົນ​ເຮົາ​ເຮັດ​ເປັນ​ປະ­ຈຳ ແລະ ກໍ​ຄິດ​ວ່າ​ມັນ​ເປັນ​ວິ­ທີ​ທີ່​ດີ​ທີ່​ສຸດ ແຕ່​ທັງ​ໝົດ​ນັ້ນ ອາດ​ເປັນ​ຕົວ​ທຳ­ລາຍ​ຜິວ​ໃຫ້​ເຖົ້າ​ກ່ອນ​ໄວ​ອັນ​ຄວນ​ຄື:

1. ບໍ່​ທາ​ຄີມ​ກັນ​ແດດ​ໃຫ້​ທົ່ວ​ເຮືອນ​ຮ່າງ ໂດຍ​ສະ­ເພາະ​ໃນ​ຈຸດ​ທີ່​ບໍ່​ສຳ­ຄັນ​ເຊັ່ນ: ບໍ­ລິ­ເວນ​ຄໍ ມື ບ່າ​ໄຫຼ່ ຖ້າ​ຫາ​ກວ່າ​ຖືກ​ແສງ​ແດດ​ຫຼາຍ ກໍ​ຈະ​ເຮັດ​ໃຫ້​ຜິວ​ຫ່ຽວ​ຍານ​ໄວ​ກ່ວ​າ​ໃບ​ໜ້າ.

2. ໃຊ້​ຜະ­ລິດ​ຕະ​ພັນ​ທີ່​ບໍ່​ເໝາະ​ສົມ​ກັບ​ຜິວ​ເຊັ່ນ: ຄົນ​ທີ່​ມີ​ຜິວ​ແຫ້ງ ພັດ​ໃຊ້​ຄີມ​ບຳ­ລຸງ​ຜິວ​ທຳ​ມະ​ດາ ມັນ​ຈຶ່ງ​ເປັນ​ການ​ສິ່ງ​ທີ່​ທຳ­ລາຍ​ຜິວ​ຫຼາຍ​ກ່ວ​າ​ການ​ບຳ­ລຸງ​ຜິວ.

3. ໃຊ້​ຜະ­ລິດ​ຕະ​ພັນ​ບຳ­ລຸງ​ຜິວ​ຜິດ​ເວ­ລາ ເຊັ່ນ: ຄີມ​ບຳ­ລຸງ​ຜິວ​ສຳ­ລັບ​ກາງ­ເວັນ ພັດ​ເອົາ​ມາ​ໃຊ້​ໃນ​ຍາມ​ກາງ­ຄືນ ຊຶ່ງ​ບໍ່​ເໝາະ​ສົມ ເພາະ​ມັນ​ຈະ​ເຮັດ​ໜ້າ­ທີ່​ໃນ​ການ​ບຳ­ລຸງ​ຜິວ​ບໍ່​ໄດ້​ດີ​ເທົ່າ​ທີ່​ຄວນ.

4. ລະ­ເລີຍ​ການ​ໃຊ້​ຜະ­ລິດ​ຕະ​ພັນ​ທີ່​ຊ່ວຍ​ຢັບ​ຢັ້ງ​ຮອຍ​ຫ່ຽວ​ຍານ​ຂອງ​ໄວ ເຊັ່ນ​ວ່າ: ຮອຍ​ຕີນ­ກາ​ທີ່​ເກີດ​ຂຶ້ນ​ຕາມ​ໃບ​ໜ້າ​ແລ້ວ ຈຶ່ງ​ຫາ​ຜະ­ລິດ​ຕະ​ພັນ​ບຳ­ລຸງ​ຜິວ​ມາ​ໃຊ້.

5. ແລ່ນ­ນຳ​ກະ­ແສ​ເຄື່ອງ​ສຳ­ອາງ​ທີ່​ບໍ່​ຕົກ​ຍຸກ ບໍ່​ວ່າ​ຍີ່­ຫໍ້​ໃດ​ອອກ​ມາ​ກໍ​ຊື້​ມາ​ໃຊ້​ຈົນ​ໝົດ ບາງ­ເທື່ອ​ຜະ­ລິດ​ຕະ​ພັນ​ເຫຼົ່າ­ນັ້ນ ອາດ​ບໍ່​ຖືກ​ກັບ​ຜິວ​ຂອງ​ເຮົາ​ກໍ​ເປັນ​ໄດ້ ດັ່ງ­ນັ້ນ ຖ້າ​ຫາ​ກວ່າ​ຜະ­ລິດ​ຕະ​ພັນ​ທີ່​ໃຊ້​ຢູ່​ດີ​ແລ້ວ ກໍ​ບໍ່​ຄວນ​ປ່ຽນ​ໃຈ​ໄປ​ໃຊ້​ຜະ­ລິດ​ຕະ​ພັນ​ຊະ­ນິດ​ໃໝ່ ເພາະ​ອາດ​ຈະ​ສ້າງ​ບັນ­ຫາ​ໃຫ້​ແກ່​ຜິວ​ຂອງ​ເຮົາ.

6. ດື່ມ​ເຄື່ອງ​ດື່ມ​ທີ່​ມີ​ທາດ​ເຫຼົ້າ ແລະ ສູບ­ຢາ ເນື່ອງ​ຈາ​ກວ່າ​ເຫຼົ້າ ແລະ ຢາ­ສູບ ເປັນ​ຕົວ​ທຳ­ລາຍ​ສຸ­ຂະ­ພາບ​ຜິວ​ຊັ້ນ​ດີ ດັ່ງ­ນັ້ນ ຖ້າ​ສາວໆ​ຢາກ​ມີ​ຜິວ​ພັນ​ທີ່​ສົດ­ໃສ ກໍ​ເຊົາ​ດື່ມ​ເຫຼົ້າ ແລະ ສູບ­ຢາ ແລ້ວ​ມາ​ກິນ​ອາ­ຫານ​ທີ່​ມີ​ປະ­ໂຫຍດ​ຕໍ່​ສຸ­ຂະ­ພາບ​ຂອງ​ເຮົາ​ຈະ​ດີ​ກ່ວ​າ.

from : www.vientianemai.net

ບໍ່ໄຫວຕ້ອງຂໍລາ

ໂດຍສ່ວນໂຕຜູ້ຂຽມມີຄວາມມັກຮັກໃນການຫລີ້ນພັນລາວ ທຳອິດຄິດວ່າຫລີ້ນໃຫ້ມ່ວນໃຫ້ເປັນປະໂຫວດ ແຕ່ແລ້ວເມື່ອຫລີ້ນຫລາຍໆແລ້ວກໍ່ເກີດອາກາດຢາກອອນຕະຫລອດເວລາບໍ່ຮູ້ວ່າມັນເປັນຫຍັງຈິດໃຈບໍ່ຢູ່ກັບເນື້ອກັບໂຕ ແທນທີ່ຈະອອນແລະຫລີ້ນໃນເວລາວ່າງແຕ່ ມັນບໍ່ເປັນຈັ່ງຊັ້ນ ເຈົ້າໂຕເອງແມ່ນຕິດເປັນນິໃສ, ເປັນກິດຈະວະປະຈຳວັນ ຮຽນກະບໍ່ເປັນອັນຮຽນ ພໍຮຽນໄດ້ແປບດຽວກໍ່ເຂົ້າມາຫລີ້ນ ພັນລາວອີກແລ້ວ ດັງນັ້ນຜູ້ກ່ຽວເຫັນວ່າຈະຂໍຫ່າງຈາກພັນລາວໄປຈັກໄລຍະ ໄປທຳໃຈກ່ອນແລ້ວຈື່ງຈາກັບມາ ຂໍຂອບໃຈຫມູ່ເພື່ອນທຸກຄົນທີ່ເຂົ້າມາໂອ້ລົມນຳກັນເດີ້ .

ຜົນດີຂອງຄວາມເມົາ ມີ5ຢ່າງ 

1.ຄວາມເມົາພາໃຫ້-ສະຫລາດ
ຜູ້ດື່ມຈະຮອບຮູ້ໄປຫມົດທຸກສິ່ງທຸກຢ່າງໃນຈັກກະວານ ແລະ ມັກເພື່ອແຜ່ຄວາມຮູ້ໃຫ້ຄົນຮອບຂ້າງ
ບໍ່ວ່າຈະມີການສົນທະນາກັນເລື້ອງໃດ ກໍ່ຮູ້ດີໄປຫມົດ ສ່ວນຜູ້ອື່ນເວົ້າ ແມ່ນບໍ່ຖືກ – ນຳໄປສູ່ການໂຕ້ວາທີໃນວົງເຫລົ້າ

2.ຄວາມເມົາພາໃຫ້-ຫນ້າຕາດີ
ເມື່ອດື່ມໄປຮອດລະດັບທີ2 ຈະຮູ້ສຶກໄດ້ວ່າ ຫນ້າຕາເຮົາດີຂຶ້ນ ເບິ່ງເຫັນວ່າຕົວຕົວເອງດີໄປຫົມດ ທຸກຄົນຈະຫັນມາສົນໃຈ, ຕອນນີ້ເຮົາສາມາດຍ່າງໄປລົມໃຜກໍ່ໄດ້ ດ້ວຍຄວາມຫມັ້ນໃຈ ເພາະວ່າ ເຮົາມີທັງຄວາມສະຫລາດ ແລະ ຫນ້າຕາດີ.

3.ຄວາມເມົາພາໃຫ້-ລວຍ
ເມື່ອດື່ມໄປຮອດລະດັບທີ3 ເຮົາຈະຮູ້ສຶກວ່າ ເຮົາມີເງິນຢ່າງມະຫາສານ ຈົນສາມາດລ້ຽງເຫລົ້າຫມົດທຸກຄົນໄດ້ ແຖມຍັງສາມາດໂທຫມູ່ເອີ້ນມາຊ່ວຍກັນດື່ມກິນອີກ
ຕອນນີ້ ເຮົາມີທັງຄວາມສະຫລາດ, ຫນ້າຕາດີ ແລະ ມີເງິນ ສາມາດພະນັນເງິນກັບໃຜກໍ່ໄດ້

4.ຄວາມເມົາພາໃຫ້-ຄົງກະພັນ ຍິງຟັນແທງບໍ່ເຂົ້າ
ເມື່ອດື່ມໄປຮອດລະດັບທີ4 ເຮົາຈະມີວິຊາອາຄົມ ພ້ອມທີ່ຈະຊົກຕ່ອຍກັບໃຜກໍ່ໄດ້ ບໍ່ມີໃຜເຮັດຫຍັງເຮົາໄດ້ເລີຍ
ສາມາດທ້າຕີກັບໃຜກໍ່ໄດ້ ບໍ່ມີຄວາມຢ້ານກົວຫຍັງ ເພາະເຮົາ ມີທັງຄວາມສະຫລາດ, ຫນ້າຕາດີ, ມີເງິນ ແລະ ມີຄວາມເກັ່ງປານນັກມວຍມືອາຊີບ

5.ຄວາມເມົາພາໃຫ້-ຫາຍຕົວໄດ້
ລະດັບນີ້ແມ່ນສຸດຍອດແລ້ວ ສາມາດຫາຍຕົວໄດ້ ເຮັດຫຍັງກໍ່ໄດ້ໂດຍບໍ່ມີໃຜເຫັນ
ຈະໄປເຕັ້ນເທິງໂຕະ ຫລື ແຫກປາກຮ້ອງເພງກາງທາງ ໄລ່ຕີຫົວຄົນອື່ນ ກໍ່ເຮັດໄດ້ ຍ້ອນວ່າບໍ່ມີໃຜເຫັນເຮົາ



__________
from http://www.pnomsin.com/

           ເຊື່ອວ່າຫຼາຍຄົນຕ່າງກະມີຄວາມຝັນແຕກຕ່າງກັນໄປຕາມແນວຄິດລະກະສັງຄົມນັ້ນແຕ່ໂຕຂ້ອຍ ຕາມຄວາມເປັນຈິງກໍ່ມີຄວາມຝັນບໍ່ຕ່າງຈາກຄົນທົ່ວໄປ ຄືຫວັງຢາກຮຽນສູງໆ ຈົບມາຈະໄດ້ເຮັດວຽກທີ່ດີ ຫາເງິນລ້ຽງພໍ່ແມ່ຕອບແທນບຸນຄຸນເພີ່ນ

           ແຕ່ກ່ອນທີ່ຄວາມຝັນເຫຼົ່ານັ້ນຈະການເປັນຈິງມັນບໍ່ງາຍເລີຍທີ່ເຮົາຈະກ້າທີ່ກ້າວຢ່າງອອກໄປສູ່ໂລກພາຍນອກດ້ວຍໂຕເອງ ໃນເວລາພຽງສັ້ນໆລະກະຍັງບໍໄດ້ກຽມໃຈຫຍັງ ເພາະແຕ່ນ້ອຍເທົ່າໃຫຍ່ກໍ່ແມ່ນບິດາ ແລະ ມານດາຜູ້ເປັນຄົນນຳພາ ເມື່ອເຮົາໄດ້ຕັດສິນໃຈແລ້ວກະຕ້ອງເຮັດໃຫ້ດີມີ່ສຸດ ແມ່ນບໍ່ ບາງເທື່ອອາດຈະທໍ້ ແຕ່ໃນໃຈແລ້ວຍັງບໍ່ຖອຍ ຢາກຈະສູ້ ອາດຈະເກີນຄວາມສາມາດເຮົາແຕ່ກະຈະເຮັດໃຫ້ດີທີ່ສຸດ ເວລາມັນຈະຊ່ວຍໃຫ້ເຮົາດີຂື້ນ 

 ຄິດຮອດພໍ່ແລະແມ່ ທິ້ສຸດ

  ດ້ວຍຄວາມຮັກແລະເຄົາລົບ