ຮອຍຍີ້ມທີ່ອາວອນ ບົດກອນທີ່ແສນຫວານ

ການຄອຍທີ່ແສນນານ ສາຍລົມທີ່ຜ່ານໄປ

ຫົວໃຈທີ່ອ້າງວ້າງ ຫົນທາງທີ່ດຽວດາຍ

ໂລກນີ້ທີ່ມີໃຜ ຈິງໃຈທີ່ໃຫ້ກັນ

   ຄືນວັນທີ່ຜ່ານພົ້ນ ສາຍຝົນທີ່ລິ່ນໄຫລ

ບາງຄົນທີ່ຫ່ວງໃຍ ຢູ່ໃສທີ່ໄກຕາ

ຄວາມຮັກທີ່ໄດ້ມາ ເວລາທີ່ປ່ຽນໄປ

ທຸກສິ່ງທີ່ເຄືອນໄຫວ ສິ່ງໃດທີ່ນິລັນ

ໂດຍ: ຈ.ໂຈນ ປົ້ນໃຈ ^_^

ກ່ອນເຮົາເຄີຍ ແຊ໋ດຂໍ້ຄວາມ ສົ່ງຫາກັນ

ໝົດຫຼາຍພັນ ໂຕເຈົ້ານັ້ນ ບໍ່ເຄີຍຈົມ

ແຕ່ດຽວນີ້ ເຈົ້າມາປ່ຽນ ຄ່ານິຍົມ

ຄົນທີ່ຈົມ ກັບມາເປັນ ໂຕຂ້ອຍເອງ

   ຈົມຍ້ອນຫຍັງ ຈົມຍ້ອນວ່າ ບັກ whatsapp

ມັນມາແອບ ເອົາໂຕເຈົ້າ ໄປຈາກຂ້ອຍ

ກ່ອນເຄີຍແຊ໋ດ ແຕ່ດຽວນີ້ ເຈົ້າກັບປ່ອຍ

ເອົາບາດນິ ຂ້ອຍຈິເຮັດ ຈັງໃດດີ

ຂ້ອຍນິຕິ ໃຊ້ໄຟສາຍ ຟຣີບໍ່ໄດ້

ແລະຖ້າຂ້ອຍ ນັ້ນບໍ່ຢາກ ເສຍເຈົ້າໄປ

ຕ້ອງຈຳໃຈ ຊື້ໜ່ວຍໃໝ່ ໃຫ້ມີ whatsapp ຮື່ໆໆ T^T

 ໂດຍ: ຈ.ໂຈນ ປົ້ນໃຈ ^_^ 

ຕອນທຳອິດ ຮັກນັ້ນວ໊ານ...ຫວານ     ນານໆໄປ ກໍ່ກາຍເປັນຂົມ
ຮັກຄັ້ງນີ້ ກໍປຽບເໝືອນລົມ     ພັດເຂົ້າມາ ແລ້ວກໍຈາກໄປ
ສິ່ງໃດດີ ເຄີຍມີເກັບໄວ້     ຄັນບໍ່ດີ ກໍ່ປ່ອຍໄປສາ...
ຮັກຄັ້ງໜ້າ ຕ້ອງໃຊ້ເວລາ     ຫວັງໄວ້ວ່າ ຈະເຈີຄົນດີ ທີ່ຮັກເຮົາແທ້ ແນ່ຖອນ ^o^
ໂດຍ: ຈ.ໂຈນ ປົ້ນໃຈ ^_^
ລາກ່ອນ...ຄວາມຮັກ (ໂອ໋ ^o^ ຜູ້ຍິງຫລາຍໃຈ)

ສາຍນ້ຳ..ໄຫຼໄປ..ໄຫຼວວນ...ບໍ່ຫວນກັບ

ເວລາ..ໄປແລ້ວ..ໄປລັບ..ບໍ່ກັບມາ

ໃຈຄົນ..ວົກວົນ..ສັບສົນ..ໃນຊີວາ

ເວລາ..ຈະມາ..ເປັນສິ່ງ..ພິສູດໃຈ

ໂດຍ: ຈ.ໂຈນປົ້ນໃຈ ^_^

ຈາກນີ້ຈະເປັນຈັ່ງໃດ ^^?

ຖ້າໃຈສອງໃຈບໍ່ຕິດຕໍ່ກັນ T^T

ໃຈໜຶ່ງໃຈອາດຈະແປຜັນ >,<

ແຕ່ອີກໃຈໜຶ່ງນັ້ນຈະເຝົ້າລໍ...^o^

ໂດຍ: ຈ.ໂຈນປົ້ນໃຈ ^_^

ຖ້າມື້ໜຶ່ງເຈົ້ານັ້ນລືມກັນ

ຕົວຂ້ອຍນັ້ນກໍຄົງເສຍດາຍ

ຖ້າມື້ໜຶ່ງເຈົ້າບໍ່ມີໃຜ

ຫັນມາທາງນີ້ໄດ້ຂ້ອຍຖ້າເຈົ້າຢູ່

ໂດຍ: ຈ.ໂຈນປົ້ນໃຈ ^_^

ເຂົາຄິດຮອດເພິ່ນ

ບໍ່ຮູ້ເພິ່ນຄິດຮອດໃຜ

ເຂົາມີເພິ່ນຄົນດຽວໃນໃຈ

ບໍ່ຮູ້ໃນໃຈເພິ່ນມີໃຜແນ່

ໂດຍ: ຈ.ໂຈນປົ້ນໃຈ ^_^

ຝົນຕົກລົງມາແບບນີ້

ເບິ່ງທ້ອງຟ້າເປັນສີເທົາໆ

ບັນຍາກາດພາໃຫ້ໃຈເຫງົາ

ຄິດເຖິງຄົນຮັກເຮົາທີ່ຢູ່ຫ່າງໄກ

ໂດຍ: ຈ.ໂຈນປົ້ນໃຈ ^_^

ອຸປະສັກ ຫຼາຍເທົ່າໃດ ໃຈບໍ່ຫວັ່ນ

ຄືນແລະວັນ ຈະໂຫດຮ້າຍ ສັກເທົ່າໃດ

ຮ້ອຍແລະພັນ ບັນຫາຈະ ຟັນຝ່າໄປ

ພຽງມີເຈົ້າ ສົ່ງຍິ້ມໃຫ້ ທີ່ປາຍທາງ...

ຮັກເດີແຕ່ບໍ່ກ້າບອກ...^o^

ໂດຍ: ຈ.ໂຈນປົ້ນໃຈ ^_^

ບໍ່ຮູ້ຈະເອົາຫຍັງມາຝາກ

ທີ່ມີຄ່າຫລາຍກວ່າ...ຮັກໄດ້

ເພາະຂ້ອຍມີພຽງກຳລັງໃຈ

ກັບຄວາມຫ່ວງໃຍທີ່ບໍ່ຈຶດຈາງ

ໂດຍ: ຈ.ໂຈນປົ້ນໃຈ ^_^

ສຳລັບເຂົາຄືເພິ່ນຄົນດຽວ

ສຳລັບເຂົາຄົນອື່ນບໍ່ກ່ຽວ

ໝົດທັ້ງຫົວໃຈຄິດຮອດເພິ່ນຄົນດຽວ

ຮັກເພິ່ນເດີ ແຕ່ບໍ່ກ້າບອກ

ໂດຍ: ຈ.ໂຈນ ປົ້ນໃຈ ^_^

ບໍ່ເຫັນ 1 ມື້ຄື 1ປີ

ບໍ່ເຫັນ 1 ນາທີ ຄື 1 ວັນ

ຖ້າເປັນໄປໄດ້ບໍ່ຢາກໃຫ້ເຮົາຫ່າງໄກກັນ

ຢາກໃຫ້ເຮົາຢູ່ໃກ້ກັນທຸກວັນເວລາ

ໂດຍ: ຈ.ໂຈນ ປົ້ນໃຈ ^_^

ບໍ່ລອງບໍ່ຮູ້

ໄດ້ສູ້ແລ້ວຢ່າຖອຍ

ທຸມເທດວ້ຍໃຈເກີນຮ້ອຍ

ແລ້ວຄ່ອຍໆພູມໃຈໄປກັບມັນ

ໂດຍ: ຈ.ໂຈນ ປົ້ນໃຈ ^_^

ດີໃຈທີ່ໄດ້ຢູ່ໃກ້

ດີໃຈທີ່ໄດ້ລົມກັນ

ດີໃຈທີ່ໄດ້ສົບຕາແບບນັ້ນ

ເຖິງຈະເປັນຊ່ວງເວລາທີ່ສັ້ນໆ

ແຕ່ມັນກໍມີຄວາມໝາຍສຳລັບຄົນໆໜຶ່ງ

ໂດຍ: ຈ.ໂຈນ ປົ້ນໃຈ ^_^

ເໝືອນຄວາມຝັນທີ່ເລີ່ມເປັນຈິງ

ເໝືອນທຸກສິ່ງເລີ່ມມີຄວາມໝາຍ

ເໝືອນເວລາມັນເລີ່ມຢຸດໄປ

ຕອນທີ່ເຂົາໄດ້ຢູ່ກັບເພິ່ນ

ໂດຍ: ຈ.ໂຈນ ປົ້ນໃຈ ^_^

ມື້ນີ້ເຂົາແສນສຸກໃຈ

ທີ່ເຂົາໄດ້ມາພົບພໍ້ເພິ່ນ

ເຂົາຢາກໃຫ້ເວລາຢຸດເດີນ

ແລ້ວເກັບເອົາຊ່ວງເວລາທີ່ຢູ່ກັບເພິ່ນ

ເດີນຂ້າງໆກັນ ສົບຕາກັນ ໄວ້ໃນໃຈ

ໂດຍ: ຈ.ໂຈນ ປົ້ນໃຈ ^_^

ບໍ່ຮູ້ວ່າເງິນຈະໝົດຕອນໃດ

ບໍ່ຮູ້ຕອນໃດຈະໄດ້ຕິດຕໍ່ກັບເຈົ້າ

ບໍ່ຮູ້ວ່າປານໃດຂ້ອຍຈະໄດ້ເຂົ້າ

ໄປໃນຫົວໃຈຂອງເຈົ້າຈັກເທື່ອ...ນໍ້

ໂດຍ: ຈ.ໂຈນ ປົ້ນໃຈ ^_^

ຮັກແທ້ແພ້ໄລຍະທາງ

ແຕ່ຖ້າຄວາມຄິດເຖິງຍັງບໍ່ຈືດຈາງ

ໄລຍະທາງກໍບໍ່ມີຄວາມໝາຍ

ຖ້າໃຈ ສອງ ໃຈ ຍັງບໍ່ລືມກັນ

ໂດຍ: ຈ.ໂຈນ ປົ້ນໃຈ ^_^

ເຫງົາມາ ເຫງົາໄປ

ເຫງົາໃຈ ເຫງົາກາຍ

ເຫງົາເໜືອ ເຫງົາໃຕ້

ເຫງົາກັນທົ່ວປະເທດ

ໂດຍ: ຈ.ໂຈນ ປົ້ນໃຈ ^_^

ຢຸດ ໆໆ ຢຸດຫົວໃຈບໍ່ໃຫ້ຮັກເຈົ້າ

ຫ້າມ ໆໆ ຫ້າມຫົວໃຈບໍ່ໃຫ້ຄິດເຖິງເຈົ້າ

ແຕ່ ໆໆ ຂ້ອຍກໍຄົງຈະເຮັດບໍ່ໄດ້

ເພາະ ໆໆ ຫົວໃຈຂອງຂ້ອຍ ຍອມໃຫ້ເຈົ້າ

ຕັ້ງແຕ່ວັນທີ່ເຮົາພົບກັນຄັ້ງທຳອິດ

ໂດຍ: ຈ.ໂຈນ ປົ້ນໃຈ ^_^

ສະບັບດຽວກໍມີຄວາມໝາຍ

ສະບັບດຽວບໍ່ສົ່ງໃຫ້ໃຜ

ສະບັບດຽວທີ່ຂ້ອຍເກັບໄວ້

ສົ່ງໃຫ້ເຈົ້າຄົນດຽວ ຮັກເດີແຕ່ບໍ່ກ້າບອກ :p

ໂດຍ: ຈ.ໂຈນ ປົ້ນໃຈ ^_^

ວັນໃດທີ່ເຈົ້າທຸກ ວັນໃດທີ່ເຈົ້າທໍ້ ວັນໃດທີ່ເຈົ້າເຫງົາ

ວັນໃດທີ່ເຈົ້າເຈັບ ວັນໃດທີ່ເຈົ້າປວດ ວັນໃດທີ່ເຈົ້າໃດເສົ້າ

ວັນໃດທີ່ເຈົ້າເບື່ອ ວັນໃດທີ່ເຈົ້າເຊັງ ວັນໃດທີ່ເຈົ້າເມົາ

ວັນໃດທີ່ເຈົ້າບໍ່ມີໃຜ ຢາກໃຫ້ຮູ້ເອົາໄວ້ ເຈົ້າຍັງມີຂ້ອຍຢູ່

ໂດຍ: ຈ.ໂຈນ ປົ້ນໃຈ ^_^

ຂໍ້ຄວາມຂອງຄົນເຫົງາ

ໃຜເດຈະສົນໃຈ

ອ່ານແລ້ວກໍລືບຖີ້ມໄປ

ບໍ່ເກັບເອົາໄວ້ໃຫ້ເປືອງພື້ນທີ່ແມ໋ມ

ໂດຍ: ຈ.ໂຈນ ປົ້ນໃຈ ^_^

* ໃຈໜຶ່ງຖາມ ວ່າເປັນຫຍັງ ເພິ່ນກັບມາ

ເຂົາຈະລາ ແລ້ວເປັນຫຍັງ ເພິ່ນລັ້ງໄວ້

ຢາກຈະລືມ ລົບເພິ່ນອອກ ຈາກຫົວໃຈ

ເຮັດບໍ່ໄດ້ ເພາະອີກໃຈ ຍັງຮັກຢູ່...

* ລອງຄິດເບິ່ງ ຄັນເພິ່ນບໍ່ ກັບຄືນມາ

ເຂົາຄິດວ່າ ເຂົາຄົງຈະ ລືມເພິ່ນໄດ້

ແຕ່ເປັນຫຍັງ ເພິ່ນກັບມາ ໃຈຫວັ່ນໄຫວ

ຢາກຈະກັ້ນ ນ້ຳຕາໄວ້ ກັ້ນບໍ່ຢູ່....

* ມີຄົນຖາມ ເປັນຫຍັງບໍ່ ລືມເພິ່ນຊະ

ເພິ່ນກັບມາ ມີແຕ່ເຮັດ ໃຫ້ປວດໃຈ

ບໍ່ເສຍດາຍ ຫວານ້ຳຕາ ທີ່ເສຍໄປ

ເຂົາກໍຕອບ ລາວບໍ່ໄດ້ ເຂົາຮັກເພິ່ນ

* ເລື່ອງຄວາມຮັກ ນິເຂົາບໍ່ ເຂົ້າໃຈເລີຍ

ເພິ່ນເຮັດເສີຍ ບໍ່ສົນໃຈ ຫວ່ງໃຍເຂົາ

ແຕ່ເຂົາກໍ ຍັງຮັກເພິ່ນ ຄືແຕ່ເກົ່າ

ຄວາມຮັກເຮົາ ເຈັບແລະເສົ້າ ບໍ່ເຂົ້າໃຈ...

ໂດຍ: ຈ.ໂຈນ ປົ້ນໃຈ ^_^

* ຮັກຫນໍຮັກ ເປັນຫຍັງຕ້ອງ ເປັນຢ່າງນີ້

ທັ້ງທີ່ເຮົາ ຮັກລາວຫຼາຍ ຈັກເທົ່າໃດ

ແຕ່ລາວກັບ ບໍ່ເຫັນຄ່າ ບໍ່ໃສ່ໃຈ

ຍ່າງຈາກໄປ ໂດຍທີ່ບໍ່ ຫັນກັບມາ...

* ເຈັບເຫຼືອເກີນ ເຈັບແທບຕາຍ ໃຜຈະຮູ້

ບໍ່ຢາກບອກ ມັນຫົດຫູ່ ຈັກເທົ່າໃດ

ຢູ່ຄົນດຽວ ທໍລະມານ ໃນຫົວໃຈ

ນອນຮ້ອງໄຫ້ ນໍ້າຕາໄຫຼ ໄດ້ທັ້ງຄືນ...

ແຕ່ງໂດຍ: ຈ.ໂຈນ ປົ້ນໃຈ ^_^

*ນີ່ແຫລະນ້າ...ທີ່ເພິ່ນວ່າ

ຄວາມຮັກບໍ່ເຂົ້າໃຜອອກໃຜ

ເມື່ອເຮົາມອບຄວາມຮັກໃຫ້ໄປ

ແຕ່ເຂົາກໍ່ບໍ່ເຄີຍເຫັນຄ່າ

ສົ່ງກັບໃຫ້ເຮົາຄືນມາ

ເຫຼືອພຽງນໍ້າຕາ ກັບ ຄວາມເສຍໃຈ

ແຕ່ງໂດຍ: ຈ.ໂຈນ ປົ້ນໃຈ ^_^

*ເຖິງວ່າກາຍຈະຫ່າງ

ໄລຍະທາງເປັນອຸປະສັກ

ແຕ່ຖ້າໃຈສອງເຮົາແໜ້ນໜັກ

ຄວາມຮັກກໍ່ຈະບໍ່ມີວັນປ່ຽນແປງ

ແຕ່ງໂດຍ: ຈ.ໂຈນ ປົ້ນໃຈ ^_^

*ຝາກບອກຟ້າ ວ່າຂ້ອຍຫວ່ງໃຍ

ຝາກບອກລົມພັດໄປ ວ່າໃຈຫວ່ງຫາ

ຝາກດວງດາວຢູ່ທ້ອງນະພາໄປເຈົ້າວ່າ

ເຂົາຍັງຮັກ ແລະ ຄິດຮອດສະເໝີ

ແຕ່ງໂດຍ: ຈ.ໂຈນ ປົ້ນໃຈ ^_^

* ຄວາມ​ຮັກ​ເປັນ​ເລື່ອງ​ຂອງ​ຄົນ​ສອງ​ຄົນ ທີ່​ມີ​ຄວາມ​ຮັກ​ໃຫ້​ກັນ​ແລະ​ກັນ

​ເປັນ​ຫ່ວງ​ເປັນ​ໃຍ​ເຊິ່ງກັນແລະກັນ ຢູ່​ຄຽງຂ້າງ​ກັນ​ຕະຫຼອດ​ເວລາ…

ບໍ່​ຈະ​ສຸກ ຫຼື ທຸກ​ຢ່າງ​ໃດ​ກໍ​ພ້ອມ​ທີ່​ຈະ​ສູ້​ໄປ​ນຳ​ກັນ,ບໍ່​ຖິ້ມ​ກັນ

​ເ​ເຕ່​ເມື່ອ​ຄົນໜຶ່ງປ່ຽນ​ໄປ…ລືມ​ສັນຍາ​ທີ່​ໃຫ້​ໄວ້…ຄວາມ​ເຈັບ​ປວດ​ຢ່າງ​ເຂົ້າ​ມາ​​ໃນ​ຫົວ​ໃຈ

ຄວາມ​ເສຍ​ໃຈ​ເຮັດ​ໃຫ້​ມີ​ນໍ້າຕາ…

​ເມື່ອ​ຄວາມ​ຮັກ​ ມາເຖິງ​ຄາວ​

ຕ້ອງ​ຈາກ​ລາ

Convert ມາ ສະ​ແດງ​ວ່າ

​ແຍກ​ທາງ​ກັນ

​ເຈົ້າໝົດ​ໃຈ ໝົດ​ເຍື້ອ​ໃຍ

ຄວາມ​ສຳພັນ

​ໂອ້​ ^o^ ຄວາມ​ຝັນ​ ທີ່​ສ້າງ​ມາ

​ຕ້ອງ​ສະ​ລາຍ

​ເລິກ​ຕອນ​ນີ້ ດີກ​ວ່າ​ທົນ​

ຮັກ​ກັນ​ໄປ

ສຸກ​ແລະ​ທຸກ ທີ່​ເຄີຍ​ມີ

ຈົດ​ຈຳ​ໄວ້

​​ເມື່ອ​ເຈົ້າ​ນັ້ນ ຢາກ​ຈະ​ມີ​

ຄົນ​ຮັກ​ໃໝ່

ຂ້ອຍ​ກໍ່​ຄົງ​ ປ່ອຍ​ເຈົ້າ​ໄປ​

ໄດ້​ແຕ່​ມອງ…ລາ​ກ່ອນ…ຂໍ​​ໃຫ້ໂຊກ​ດີ

ແຕ່ງໂດຍ: ຈ.ໂຈນ ປົ້ນໃຈ ^_^

* ຄິດວ່າເຈົ້າຊູ້ ຄິດວ່າເຈົ້າຫລໍ່

ແຕ່ຂ້ອຍບໍ່ງໍ້ ເພາະເຈົ້າຫຼາຍໃຈ

ເຖິງຂ້ອຍຈະຮັກ ເຈົ້າຫຼາຍປານໃດ

ຂ້ອຍກໍ່ຕັດໃຈ ຈາກເຈົ້າໄດ້ຄືກັນ

ຍັງມີຜູ້ຊາຍ ເປັນຮ້ອຍເປັນພັນ

ບໍ່ສົນໃຈກັນ ບໍ່ໄດ້ເສຍດາຍ

ເພາະໃນວັນນີ້ ຂອ້ຍເປັນຄົນໃໝ່

ບໍ່ຢາກຮັກໃຜ ຮັກໂຕເອງດີກວ່າ

ແຕ່ງໂດຍ: ຈ.ໂຈນ ປົ້ນໃຈ ^_^

* ຮຽນ ຄ ສ ປ ຂໍບອກວ່າ ມັນລຳບາກ

ເຖິງຈະຍາກ ແຕ່ໃຈມັກ ກໍ່ຕ້ອງສູ້

ຮຽນຕໍ່ໄປ ຮຽນເລື້ອຍໆ ຮຽນຄືໝູ່

ບໍ່ເປັນຫຍັງ ຮຽນຕໍ່ສູ  ສູ້ຕໍ່ໄປຮຽນ

     ສະຖາປັດ ຕ້ອງມີແຕ້ມ ແຖມນອນເດິກ

ແຕ້ມຈົນເດິກ ຍັງບໍ່ພໍ ຕໍ່ຈົນແຈ້ງ

ບໍ່ກິນນໍ້າ ບໍ່ກິນເຂົ້າ ເຊົ້າຈຳແລງ

ຍັງມີແຮງ ແຕ້ມຕໍ່ສູ ສູ້ຕໍ່ໄປ

    ຮຽນ ຄ ສ ປ ທຸກແທ້ນໍ້ ແຕ່ກໍ່ຮຽນ

ໃຈພາກພຽນ ໄປໂຮງຮຽນ ບໍ່ເຄີຍຂາດ

ຮຽນເລື້ອຍໆ ຮຽນຈົນໄດ້ ໃບປະກາດ

ເພື່ອອອກ ໄປຮັບໃຊ້ຊາດ ດັ່ງວາດໄວ້...ທ່ານເອີຍ ^o^

ແຕ່ງໂດຍ: ຈ.ໂຈນ ປົ້ນໃຈ ^_^