ເດືອນມັງກອນ: ຄົນທີ່ເກີດໃນເດືອນນີ້ເປັນຄົນຄ່ອງແຄ້ວວ່ອງໄວ, ດຸຫມັ້ນໃນການເຮັດວຽກງານ, ມີໂຊກວາດສະຫນາ ຈະມີຄົນອຸປະຖຳຄໍ້າຊູ, ເປັນຄົນບໍ່ຖືຕົວ ເຂົ້າໄດ້ກັບທຸກໆຄົນ.
ເດືອນກຸມພາ: ຄົນທີ່ເກີດໃນເດືອນນີ້ເປັນຄົນງຽບຂຶມ, ບໍ່ມັກເຂົ້າສັງຄົມ, ເຊື່ອຄົນງ່າຍ, ຮັກໃຜຮັກຈິງ, ເຮັດທຸລະກິດການຄ້າຈະມີກຳໄລດີ,ຈະໄດ້ຄູ່ຄອງທີ່ມີຖານະ.
ເດືອນມີນາ: ຄົນທີ່ເກີດໃນເດືອນນີ້ເປັນຄົນໃຈນ້ອຍ, ຄຽດງ່າຍເຊົາໄວ, ເຮັດໄດ້ທຸກຢ່າງ, ເປັນຄົນເວົ້າຈາມ່ວນອອນຊອນ, ເອົາໃຈເກັ່ງ, ເປັນຄົນມີບຸນວາດສະຫນາ,ຮັກໃຜຮັກຈິງ.
ເດືອນເມສາ: ຄົນທີ່ເກີດໃນເດືອນນີ້ເປັນຄົນມັກສະຫນຸກສະຫນານ, ຟຸ່ມເຟືອຍ, ມັກໄປຫລິ້ນໄປທ່ຽວມ່ວນຊື່ນເຮຮາກັບຫມູ່ເພື່ອນ, ໃຈກວ້າງຂວາງ, ທ້ອນເງິນບໍ່ໄດ້.
ເດືອນພຶດສະພາ: ຄົນທີ່ເກີດໃນເດືອນນີ້ເປັນຄົນເຄັ່ງຂຶມ, ເວົ້າຈາສຸພາບຮຽບຮ້ອຍ, ນິໄສມັກເຫັນດີເຫັນງາມກັບຄົນທີ່ມີອຳນາດວາດສະຫນາ, ເຮັດກິດຈະການໃດໆກໍ່ກ້າວຫນ້າ, ມີຜູ້ໃຫຍ່ຄອຍໃຫ້ການຊ່ວຍເຫລືອ.
ເດືອນມີຖຸນາ: ຄົນທີ່ເກີດໃນເດືອນນີ້ຈະເປັນຄົນທີ່ມີສະເຫນ່,ໃຜເຫັນໃຜກໍ່ຮັກ, ມັກເຂົ້າສັງຄົມ, ເວົ້າຈາມ່ວນອອນຊອນ ເອົາຊະນະເພດກົງກັນຂ້າມໄດ້ງ່າຍ, ມີຫລັກການໃນການຄົບຄ້າສະມາຄົມ.
ເດືອນກໍລະກົດ: ຄົນທີ່ເກີດໃນເດືອນນີ້ເປັນຄົນມັກເວົ້າຈາກັບໄປກັບມາ ບໍ່ຄ່ອຍຢູ່ກັບທີ່, ມັກຫາເລື່ອງເດືອດຮ້ອນມາໃຫ້ຕົນເອງ, ເປັນຄົນຂີ້ຄ້ານ ບໍ່ມັກເຮັດວຽກງານ, ມັກເດີນທາງໄກ ແລະ ມັກຄົບຄົນນິໄສບໍ່ດີ.
ເດືອນສິງຫາ: ຄົນທີ່ເກີດໃນເດືອນນີ້ເປັນຄົນມີອຳນາດວາດສະຫນາ ຈະມີຜູ້ໃຫຍ່ສະຫນັບສະຫນູນອຸປະຖໍາຄໍ້າຊູ, ຮູ້ຫລັກນັກປັດຊະຍາ, ຮັກສາຄຳເວົ້າ ເວົ້າຈາຫນ້າຟັງ, ບໍ່ຫັກຫລັງຫມູ່ ແລະ ຊື່ສັດຕໍ່ຫນ້າທີ່ການງານ.
ເດືອນກັນຍາ: ຄົນທີ່ເກີດໃນເດືອນນີ້ເປັນຄົນ ເຈົ້າສໍາລານ,ມັກຫລົງໄຫລໃນເພດກົງກັນຂ້າມ, ເປັນຄົນບໍ່ມັກເອົາປຽບມິດສະຫາຍ, ເວົ້າຈາອວດອົ່ງຂາດຜູ້ອຸປະຖໍາຄໍ້າຊູ ຕ້ອງເພິ່ງຕົວເອງລ້ຽງຕົວເອງ.
ເດືອນຕຸລາ: ຄົນທີ່ເກີດໃນເດືອນນີ້ເປັນຄົນທີ່ມີຄວາມຍຸດຕິທຳໃນໃຈ, ສັດຊື່ຕໍ່ຄົນທົ່ວໄປ. ແຕ່ອາພັບເພິ່ງພາໃຜບໍ່ຄ່ອຍໄດ້, ເວົ້າຈາກົງໄປກົງມາ, ມັກອວດອົ່ງ ແລະ ລືມຕົວໃນບາງຄາວ.
ເດືອນພະຈິກ: ຄົນທີ່ເກີດໃນເດືອນນີ້ເປັນຄົນຄຽດງ່າຍ, ມັກຍົກຍ້ອງຕົວເອງ, ອວດອົ່ງທະນົງຕົວ, ເວົ້າຈາບໍ່ຄ່ອຍເຂົ້າຫູຄົນອື່ນ, ຮັກຄວາມສວຍງາມ ແລະ ພິຖີພິຖັນໃນການແຕ່ງຕົວ.
ເດືອນທັນວາ: ຄົນທີ່ເກີດໃນເດືອນນີ້ເປັນຄົນຊື່ຕົງ ແຕ່ມັກເສັ້ນທາງສະແຫວງໂຊກ, ບໍ່ເປັນຕົວຂອງຕົວເອງ, ເວົ້າຈາອ່ອນຫວານ, ຮູ້ຫລັກສະມາຄົມ, ໂອບອ້ອມອາລີ, ສົງສານ ແລະ ເຫັນໃຈຄົນອື່ນ.
ຂຽນເມື່ອ: ມ.ສ.. 2, 2012
| ມີ
ໜວດໝູ່:
