11

ລູກຈົ່ງໂອນອ່ອນຜ່ອນຕາມ

ຢ່າງສະຫລາດແລະສຸຂຸມ

ການພ່າຍແພ້ດ້ວຍສີນລະປະ

ດີກວ່າການຊະນະດ້ວຍອາລົມ

12

ຄວາມກ້າຫານຕ້ອງປະກອບດ້ວຍສະຕິປັນຍາ

ຖ້າລູກກ້າໂດຍບໍ່ມີສະຕິປັນຍາ

ເຂົາເອີ້ນວ່າຄົນບ້າບີ່ນ

13

ລູກຕ້ອງເຮັດທຸກຢ່າງດ້ວຍຄວາມສຸດຈະລິດ

ເມື່ອສຸດຈະລິດ ຈິດຜ່ອງໃສ

ເມື່ອທຸຈະລິດ ຈິດໝອງໄໝ້

14

ສັບສົມບັດ ບໍ່ແມ່ນສິ່ງຈຳເປັນ

ທີ່ພໍ່ແມ່ຈະໃຫ້ແກ່ລູກ

ຄວາມຮູ້ແລະຄວາມປະພືດດີເທົ່ານັ້ນ

ທີ່ພໍ່ແມ່ຄວນມອບໃຫ້ແກ່ລູກ....ອັນເປັນທີ່ຮັກ

15

ລູກຫລີກທາງໃຫ້ເຂົາ

ກໍ່ຄືຫລີກທາງໃຫ້ເຮົາຫລຸດພົ້ນຈາກອັນຕະລາຍ

ໃນທີ່ສຸດກໍ່ຈະໄດ້ຮັບຜົນດີດ້ວຍກັນ

ທັ້ງເຂົາແລະເຮົາ

16

ປາຍທາງສຸດທ້າຍຂອງຄວາມບໍ່ພໍ

ຄື........ຄວາມທຸກ

17

ລູກຈົງຈື່ໄວ້ວ່າ.....

ຜູ້ທີ່ບໍ່ມີໃຜໃຫ້ອະໄພຜູ້ອື່ນ

ຄືຜູ້ອ່ອນແອທາງຈິດໃຈ

ການໃຫ້ອະໄພສັດຕູ ຄືການສ້າງມິດ

18

ຖ້າຜູ້ອື່ນຕວະເຮົາ

ເຮົາຮູ້ງ່າຍແລະແກ້ໄຂໄດ້ງ່າຍ

ແຕ່ຖ້າເຮົາຕວະຕົວລູກເອງ

ຮູ້ຍາກ ແກ້ໄຂໄດ້ຍາກ

19

ລູກຄວນຈື່ສິ່ງທີ່ຄວນຈື່ ລືມສິ່ງທີ່ຄວນລືມ

ເຮັດສິ່ງທີ່ຄວນເຮັດ

ແລະຕ້ອງຮູ້ວ່າສິ່ງໃດຄວນເຮັດກ່ອນ

ສິ່ງໃດຄວນເຮັດທີ່ຫລັງ

20

ເມື່ອລູກສັງເກດເບິ່ງ ຈະພົບວ່າ

ພາຍຫລັງສຽງຫົວມ່ວນ ຈະມີນ້ຳຕາ

ພາຍຫລັງສຽງນ້ຳຕາ ຈະເຫັນແສງທຳ

ຄືຄວາມຈິງຂອງຊີວິດ

21

ຫົກລົ້ມເພາະກ້າວຍ່າງໄປຂ້າງໜ້າ

ຍັງດີກວ່າລູກຢືນເຕ໊ະທ່າຢູ່ກັບທີ່

ເພາະຖ້າລູກຢືນບໍ່ດີ.....ກໍ່ຈະມີຄົນມາຖີບໃຫ້ລົ້ມຢູ່ດີ

22

ລູກຈົ່ງຫາຄວາມສຸກກັບປະຈຸບັນ

ຢ່າໃຝ່ຝັນເຖິງອະນາຄົດ

ຢ່າໝົກຢູ່ກັບອາດີດ

ຈະທຸກ

23

ໂຊກ...ເຂົ້າຂ້າງຜູ້ທີ່ມີຄວາມອ່ອນນ້ອມສະເໝີ

ຖ້າລູກເປັນຜູ້ນ້ອຍທີ່ນອບນ້ອມຜູ້ໃຫຍ່

ໃຜໆ ກໍ່ຮັກ

ຖ້າລູກເປັນຜູ້ໃຫຍ່ທີ່ເຂົ້າໃຈຜູ້ນ້ອຍ

ຜູ້ນ້ອຍກໍ່ມີຄວາມພັກດີ

24

ຊີວິດຄືການຕໍ່ສູ້ ສັດຕູຄືຢາກຳລັງ

ຂໍໃຫ້ລູກຄິດຢູ່ສະເໝີວ່າ

ຖ້າມີສິ່ງໃດໃນໂລກ ທີ່ຜູ້ອື່ນເຮັດໄດ້

ບໍ່ມີເຫດຜົນຫຍັງ ທີ່ເຮົາຈະເຮັດບໍ່ໄດ້

25

ຄວາມໂສກເສົ້າເສຍໃຈ

ບໍ່ໄດ້ເຮັດໃຫ້ໃຜໄດ້ຮັບປະໂຫຍດຫຍັງ

ນອກຈາກເຮັດໃຫ້ສັດຕູຂອງເຮົາດີໃຈແລະ

ສົມນ້ຳໜ້າ

26

ເມື່ອພົບໄພທີ່ຢູ່ຂ້າງໜ້າ

ຈົ່ງໜີເຂົ້າຫາພະດີກວ່າໜີເຂົ້າຫາໂຈນ

ຊື່ງໂຈນຈັກສົກສວຍໂອກາດເອົາຈາກເຮົາສະເໝີ

...ຢ່າງຄາດບໍ່ເຖີງ

27

ຄົນເຮົາມີຄວາມໂລບທຸກຄົນ

ຖ້າໂລບຫລາຍ...ກໍ່ຈະທຸກຫລາຍ

ຖ້າໂລບນ້ອຍ...ກໍ່ຈະທຸກນ້ອຍ

ຖ້າບໍ່ໂລບ....ກໍ່ຈະບໍ່ທຸກ

28

ຖ້າລູກປະພືດດີ

ລູກກໍ່ຈະພົບກັບຄົນປະພືດດີ

ຖ້າລູກປະພືດຊົ່ວ

ລູກກໍ່ຈະພົບກັບຄົນປະພືດຊົ່ວ

ຂໍໃຫ້ລູກເລືອກຄົບໃຫ້ຖືກຕ້ອງເຖີດ

ລູກຈະເປັນຄົນທີ່ໂຊກດີ

29

ລູກຢ່າຢ້ານໄປເລີຍວ່າ

ຈະໄດ້ແຕ່ງງານກັບຄົນບໍ່ດີ

ຖ້າລູກ ບໍ່ສູບ ບໍ່ດື່ມ ບໍ່ຫລີ້ນ ບໍ່ທ່ຽວ

ລູກກໍ່ຈະພົບຄູ່ຄອງທີ່ ບໍ່ສູບ ບໍ່ດື່ມ ບໍ່ຫລີ້ນ ບໍ່ທ່ຽວເຊັ່ນກັນ

30

ບໍ່ວ່າຄົນຫລືສັດ

ຕ້ອງການຄຳອ່ອນຫວານ

ລູກກໍ່ເຊັ່ນກັນ ຄວນເວົ້າຄຳອ່ອນຫວານແກ່ຜູ້ອື່ນ

ເມື່ອລູກອ່ອນຫວານແກ່ຜູ້ອື່ນ

ຜູ້ອື່ນກໍ່ຈະອ່ອນຫວານກັບລູກ

ຈັດໃຫ້ອ່ານ ກັນຊຸດໃຫຍ່ເລີຍ ຫວັງຄົງຖືກໃຈ ^_^.....